| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
9. д̇хаммажзд̇ияасуд̇д̇аван̣н̣анаа
9. Dhammacetiyasuttavaṇṇanā
364. звам̣ мз суд̇анд̇и д̇хаммажзд̇ияасуд̇д̇ам̣. д̇ад̇т̇а мзд̣̇аал̣убанд̇и наамзд̇ам̣ д̇асса, д̇асса хи ниг̇амасса мзд̣̇аван̣н̣аа баасаан̣аа гирзд̇т̇а уссаннаа ахзсум̣, д̇асмаа мзд̣̇аал̣убанд̇и сан̇кам̣ г̇ад̇ам̣. сзнаасанам̣ банзд̇т̇а анияад̇ам̣, д̇асмаа на д̇ам̣ вуд̇д̇ам̣. наг̇араганд̇и звам̣наамагам̣ сагяаанам̣ ниг̇амам̣. гзнажид̣̇зва гаран̣ийязнаад̇и на ан̃н̃зна гаран̣ийязна, аяам̣ бана б̣анд̇хуласзнаабад̇им̣ сад̣̇д̇хим̣ д̣̇вад̇д̇им̣сааяа буд̇д̇зхи згад̣̇ивасзнзва г̇ан̣хат̇аад̇и аан̣аабзси, д̇ам̣д̣̇ивасан̃жасса бхарияааяа маллигааяа бан̃жахи бхигкусад̇зхи сад̣̇д̇хим̣ бхаг̇аваа ниманд̇ид̇о, б̣уд̣̇д̇хаббамукз бхигкусан̇гхз гхарам̣ ааг̇анд̇ваа нисиннамад̇д̇з ‘‘сзнаабад̇и гаалан̇гад̇о’’д̇и саасанам̣ аахарид̇ваа маллигааяа ад̣̇ам̣су. саа бан̣н̣ам̣ г̇ахзд̇ваа мукасаасанам̣ бужчи. ‘‘ран̃н̃аа аяяз сзнаабад̇и сад̣̇д̇хим̣ д̣̇вад̇д̇им̣сааяа буд̇д̇зхи згаббахаарзнзва г̇ахаабид̇о’’д̇и аарожзсум̣. махааж̇анаг̇ад̇ам̣ маа гарид̇т̇аад̇и оваддигааяа бан̣н̣ам̣ гад̇ваа бхигкусан̇гхам̣ баривиси. д̇асмим̣ самаяз згаа саббижаади нийхарид̇аа, саа уммаарз аахажжа бхиннаа, д̇ам̣ абанзд̇ваа ан̃н̃ам̣ аахараабзд̇ваа бхигкусан̇гхам̣ баривиси.
364.Evaṃme sutanti dhammacetiyasuttaṃ. Tattha medāḷupanti nāmetaṃ tassa, tassa hi nigamassa medavaṇṇā pāsāṇā kirettha ussannā ahesuṃ, tasmā medāḷupanti saṅkhaṃ gataṃ. Senāsanaṃ panettha aniyataṃ, tasmā na taṃ vuttaṃ. Nagarakanti evaṃnāmakaṃ sakyānaṃ nigamaṃ. Kenacideva karaṇīyenāti na aññena karaṇīyena, ayaṃ pana bandhulasenāpatiṃ saddhiṃ dvattiṃsāya puttehi ekadivaseneva gaṇhathāti āṇāpesi, taṃdivasañcassa bhariyāya mallikāya pañcahi bhikkhusatehi saddhiṃ bhagavā nimantito, buddhappamukhe bhikkhusaṅghe gharaṃ āgantvā nisinnamatte ‘‘senāpati kālaṅkato’’ti sāsanaṃ āharitvā mallikāya adaṃsu. Sā paṇṇaṃ gahetvā mukhasāsanaṃ pucchi. ‘‘Raññā ayye senāpati saddhiṃ dvattiṃsāya puttehi ekappahāreneva gahāpito’’ti ārocesuṃ. Mahājanagataṃ mā karitthāti ovaṭṭikāya paṇṇaṃ katvā bhikkhusaṅghaṃ parivisi. Tasmiṃ samaye ekā sappicāṭi nīharitā, sā ummāre āhacca bhinnā, taṃ apanetvā aññaṃ āharāpetvā bhikkhusaṅghaṃ parivisi.
сад̇т̇аа гад̇абхад̇д̇агижжо гат̇аасамудтаабанад̇т̇ам̣ – ‘‘саббижаадияаа бхиннабажжаяаа на жинд̇зд̇аб̣б̣а’’нд̇и ааха. д̇асмим̣ самаяз маллигаа бан̣н̣ам̣ нийхарид̇ваа бхаг̇авад̇о бурад̇о табзд̇ваа – ‘‘бхаг̇аваа имам̣ д̣̇вад̇д̇им̣сааяа буд̇д̇зхи сад̣̇д̇хим̣ сзнаабад̇ино мад̇асаасанам̣, ахам̣ зд̇амби на жинд̇аяаами, саббижаадибажжаяаа гим̣ жинд̇зяяаамий’’д̇и ааха. бхаг̇аваа – ‘‘маллигз, маа жинд̇аяи, анамад̇аг̇г̇з сам̣саарз наама вад̇д̇амаанаанам̣ ход̇и зд̇а’’нд̇и анижжад̇аад̣̇ибадисам̣яуд̇д̇ам̣ д̇хаммагат̇ам̣ гад̇ваа аг̇амааси. маллигаа д̣̇вад̇д̇им̣сасун̣исааяо баггосаабзд̇ваа оваад̣̇ам̣ ад̣̇ааси. рааж̇аа маллигам̣ баггосаабзд̇ваа ‘‘сзнаабад̇ино амхаагам̣ анд̇арз бхиннад̣̇осо ад̇т̇и над̇т̇ий’’д̇и бужчи. над̇т̇и саамийд̇и. со д̇ассаа важанзна д̇асса нид̣̇д̣̇осабхаавам̣ н̃ад̇ваа виббадисаарий б̣алавад̣̇оманассам̣ уббаад̣̇зси. со – ‘‘зваруубам̣ наама ад̣̇осагаарагам̣ мам̣ самбхааваяид̇ваа ааг̇ад̇ам̣ сахааяагам̣ винаасзси’’нд̇и д̇ад̇о бадтааяа баасаад̣̇з ваа наадагзсу ваа раж̇ж̇асукзсу ваа жид̇д̇ассаад̣̇ам̣ алабхамаано д̇ад̇т̇а д̇ад̇т̇а вижарид̇ум̣ аарад̣̇д̇хо. зд̇ад̣̇зва гижжам̣ ахоси. ид̣̇ам̣ санд̇хааяа вуд̇д̇ам̣ ‘‘гзнажид̣̇зва гаран̣ийязнаа’’д̇и.
Satthā katabhattakicco kathāsamuṭṭhāpanatthaṃ – ‘‘sappicāṭiyā bhinnapaccayā na cintetabba’’nti āha. Tasmiṃ samaye mallikā paṇṇaṃ nīharitvā bhagavato purato ṭhapetvā – ‘‘bhagavā imaṃ dvattiṃsāya puttehi saddhiṃ senāpatino matasāsanaṃ, ahaṃ etampi na cintayāmi, sappicāṭipaccayā kiṃ cinteyyāmī’’ti āha. Bhagavā – ‘‘mallike, mā cintayi, anamatagge saṃsāre nāma vattamānānaṃ hoti eta’’nti aniccatādipaṭisaṃyuttaṃ dhammakathaṃ katvā agamāsi. Mallikā dvattiṃsasuṇisāyo pakkosāpetvā ovādaṃ adāsi. Rājā mallikaṃ pakkosāpetvā ‘‘senāpatino amhākaṃ antare bhinnadoso atthi natthī’’ti pucchi. Natthi sāmīti. So tassā vacanena tassa niddosabhāvaṃ ñatvā vippaṭisārī balavadomanassaṃ uppādesi. So – ‘‘evarūpaṃ nāma adosakārakaṃ maṃ sambhāvayitvā āgataṃ sahāyakaṃ vināsesi’’nti tato paṭṭhāya pāsāde vā nāṭakesu vā rajjasukhesu vā cittassādaṃ alabhamāno tattha tattha vicarituṃ āraddho. Etadeva kiccaṃ ahosi. Idaṃ sandhāya vuttaṃ ‘‘kenacideva karaṇīyenā’’ti.
д̣̇ийгхам̣ гаарааяананд̇и д̣̇ийгхагаарааяано наама б̣анд̇хуласзнаабад̇исса бхааг̇инзяяо ‘‘зд̇асса мз маад̇уло ад̣̇осагаараго ниггааран̣зна гхаад̇ид̇о’’д̇и ран̃н̃аа сзнаабад̇идтаанз табид̇о. д̇ам̣ санд̇хааязд̇ам̣ вуд̇д̇ам̣. махажжаа рааж̇аанубхаавзнаад̇и махад̇аа рааж̇аанубхаавзна , д̇харан̣ид̇алам̣ бхинд̣̇анд̇о вияа сааг̇арам̣ баривад̇д̇знд̇о вияа вижид̇д̇авзсасобхзна махад̇аа б̣алагааязнаад̇и ад̇т̇о. баасаад̣̇игаанийд̇и д̣̇ассанзнзва саха ран̃ж̇анагаани. басаад̣̇анийяаанийд̇и д̇ассзва взважанам̣. ат̇а ваа баасаад̣̇игаанийд̇и басаад̣̇аж̇анагаани. аббасад̣̇д̣̇аанийд̇и ниссад̣̇д̣̇аани. аббаниг̇гхосаанийд̇и авибхаавид̇ад̇т̇зна ниг̇гхосзна рахид̇аани. виж̇анаваад̇аанийд̇и виг̇ад̇аж̇анаваад̇аани. мануссараахассзяяагаанийд̇и мануссаанам̣ рахассагаммаанужчавигаани, рахассаманд̇ам̣ манд̇знд̇аанам̣ ануруубаанийд̇и ад̇т̇о. бадисаллаанасааруббаанийд̇и нилийяанабхаавасса згийбхаавасса анужчавигаани. яад̇т̇а суд̣̇ам̣ маяанд̇и на д̇зна д̇ад̇т̇а бхаг̇аваа баяирубаасид̇абуб̣б̣о, д̇аад̣̇исзсу бана баяирубаасид̇абуб̣б̣о, д̇асмаа яаад̣̇исзсу суд̣̇ам̣ маяанд̇и аяамзд̇т̇а ад̇т̇о.
Dīghaṃkārāyananti dīghakārāyano nāma bandhulasenāpatissa bhāgineyyo ‘‘etassa me mātulo adosakārako nikkāraṇena ghātito’’ti raññā senāpatiṭṭhāne ṭhapito. Taṃ sandhāyetaṃ vuttaṃ. Mahaccā rājānubhāvenāti mahatā rājānubhāvena , dharaṇitalaṃ bhindanto viya sāgaraṃ parivattento viya vicittavesasobhena mahatā balakāyenāti attho. Pāsādikānīti dassaneneva saha rañjanakāni. Pasādanīyānīti tasseva vevacanaṃ. Atha vā pāsādikānīti pasādajanakāni. Appasaddānīti nissaddāni. Appanigghosānīti avibhāvitatthena nigghosena rahitāni. Vijanavātānīti vigatajanavātāni. Manussarāhasseyyakānīti manussānaṃ rahassakammānucchavikāni, rahassamantaṃ mantentānaṃ anurūpānīti attho. Paṭisallānasāruppānīti nilīyanabhāvassa ekībhāvassa anucchavikāni. Yattha sudaṃ mayanti na tena tattha bhagavā payirupāsitapubbo, tādisesu pana payirupāsitapubbo, tasmā yādisesu sudaṃ mayanti ayamettha attho.
ад̇т̇и, махаарааж̇аад̇и бан̣д̣ид̇о сзнаабад̇и ‘‘рааж̇аа бхаг̇аванд̇ам̣ мамааяад̇ий’’д̇и ж̇аанаад̇и, со сажз мам̣ рааж̇аа ‘‘гахам̣ бхаг̇аваа’’д̇и вад̣̇зяяа, ад̣̇анд̇хааяанд̇зна аажигкид̇ум̣ яуд̇д̇анд̇и жарабурисз баяож̇зд̇ваа бхаг̇авад̇о ниваасанадтаанам̣ н̃ад̇ваава вихарад̇и. д̇асмаа звамааха. аараамам̣ баависийд̇и б̣ахиниг̇амз канд̇хааваарам̣ б̣анд̇хаабзд̇ваа гаарааяанзна сад̣̇д̇хим̣ баависи.
Atthi, mahārājāti paṇḍito senāpati ‘‘rājā bhagavantaṃ mamāyatī’’ti jānāti, so sace maṃ rājā ‘‘kahaṃ bhagavā’’ti vadeyya, adandhāyantena ācikkhituṃ yuttanti carapurise payojetvā bhagavato nivāsanaṭṭhānaṃ ñatvāva viharati. Tasmā evamāha. Ārāmaṃ pāvisīti bahinigame khandhāvāraṃ bandhāpetvā kārāyanena saddhiṃ pāvisi.
366. вихаарод̇и г̇анд̇хагудим̣ санд̇хааяаахам̣су. аал̣инд̣̇анд̇и бамукам̣. уггаасид̇ваад̇и уггаасид̇асад̣̇д̣̇ам̣ гад̇ваа. аг̇г̇ал̣анд̇и гаваадам̣. аагодзхийд̇и аг̇г̇анакзна ийсагам̣ гун̃жигажчид̣̇д̣̇асамийбз годзхийд̇и вуд̇д̇ам̣ ход̇и. д̣̇ваарам̣ гира ад̇иубари амануссаа, ад̇ихздтаа д̣̇ийгхаж̇аад̇игаа годзнд̇и. д̇ат̇аа агодзд̇ваа маж̇жхз чид̣̇д̣̇асамийбз годзд̇аб̣б̣ам̣, ид̣̇ам̣ д̣̇ваарагоддагавад̇д̇анд̇и д̣̇ийбзнд̇аа вад̣̇анд̇и. д̇ад̇т̇зваад̇и бхигкуухи вуд̇д̇адтаанзязва. каг̇г̇ан̃жа ун̣хийсан̃жаад̇и д̣̇зсанаамад̇д̇амзд̇ам̣,
366.Vihāroti gandhakuṭiṃ sandhāyāhaṃsu. Āḷindanti pamukhaṃ. Ukkāsitvāti ukkāsitasaddaṃ katvā. Aggaḷanti kavāṭaṃ. Ākoṭehīti agganakhena īsakaṃ kuñcikacchiddasamīpe koṭehīti vuttaṃ hoti. Dvāraṃ kira atiupari amanussā, atiheṭṭhā dīghajātikā koṭenti. Tathā akoṭetvā majjhe chiddasamīpe koṭetabbaṃ, idaṃ dvārakoṭṭakavattanti dīpentā vadanti. Tatthevāti bhikkhūhi vuttaṭṭhāneyeva. Khaggañca uṇhīsañcāti desanāmattametaṃ,
ваалаб̣ийж̇анимун̣хийсам̣, каг̇г̇ам̣ чад̇д̇ан̃жубааханам̣;
Vālabījanimuṇhīsaṃ, khaggaṃ chattañcupāhanaṃ;
оруяха рааж̇аа яаанамхаа, табаяид̇ваа бадижчад̣̇анд̇и. –
Oruyha rājā yānamhā, ṭhapayitvā paṭicchadanti. –
ааг̇ад̇аани бана бан̃жаби рааж̇агагуд̇хабхан̣д̣аани ад̣̇ааси. гасмаа бана ад̣̇аасийд̇и. ад̇иг̇аруно саммаасамб̣уд̣̇д̇хасса санд̇игам̣ уд̣̇д̇хад̇авзсзна г̇анд̇ум̣ на яуд̇д̇анд̇и жа, згагова убасан̇гамид̇ваа ад̇д̇ано руживасзна саммод̣̇иссаами жаад̇и. бан̃жасу хи рааж̇агагуд̇хабхан̣д̣зсу нивад̇д̇ид̇зсу д̇вам̣ нивад̇д̇аад̇и вад̇д̇аб̣б̣ам̣ на ход̇и, саб̣б̣з саяамзва нивад̇д̇анд̇и. ид̇и имзхи д̣̇вийхи гааран̣зхи ад̣̇ааси. рахааяад̇ийд̇и рахассам̣ гарод̇и ниг̇уухад̇и. аяам̣ гирасса ад̇хиббааяо ‘‘буб̣б̣зби аяам̣ рааж̇аа саман̣зна г̇од̇амзна сад̣̇д̇хим̣ жад̇угган̣н̣аманд̇ам̣ манд̇зд̇ваа маяхам̣ маад̇улам̣ сад̣̇д̇хим̣ д̣̇вад̇д̇им̣сааяа буд̇д̇зхи г̇ан̣хаабзси, ид̣̇ааниби жад̇угган̣н̣аманд̇ам̣ манд̇зд̇угаамо, гажжи ну ко мам̣ г̇ан̣хаабзссад̇ий’’д̇и. звам̣ гобавасзнасса зд̇ад̣̇ахоси.
Āgatāni pana pañcapi rājakakudhabhaṇḍāni adāsi. Kasmā pana adāsīti. Atigaruno sammāsambuddhassa santikaṃ uddhatavesena gantuṃ na yuttanti ca, ekakova upasaṅkamitvā attano rucivasena sammodissāmi cāti. Pañcasu hi rājakakudhabhaṇḍesu nivattitesu tvaṃ nivattāti vattabbaṃ na hoti, sabbe sayameva nivattanti. Iti imehi dvīhi kāraṇehi adāsi. Rahāyatīti rahassaṃ karoti nigūhati. Ayaṃ kirassa adhippāyo ‘‘pubbepi ayaṃ rājā samaṇena gotamena saddhiṃ catukkaṇṇamantaṃ mantetvā mayhaṃ mātulaṃ saddhiṃ dvattiṃsāya puttehi gaṇhāpesi, idānipi catukkaṇṇamantaṃ mantetukāmo, kacci nu kho maṃ gaṇhāpessatī’’ti. Evaṃ kopavasenassa etadahosi.
вивари бхаг̇аваа д̣̇вааранд̇и на бхаг̇аваа удтааяа д̣̇ваарам̣ вивари, виварад̇ууд̇и бана хад̇т̇ам̣ басаарзси. д̇ад̇о – ‘‘бхаг̇аваа д̇умхзхи анзгзсу габбагодийсу д̣̇аанам̣ д̣̇ад̣̇амаанзхи на сахад̇т̇аа д̣̇вааравиваран̣агаммам̣ гад̇а’’нд̇и саяамзва д̣̇ваарам̣ вивадам̣. д̇ам̣ бана яасмаа бхаг̇авад̇о манзна вивадам̣, д̇асмаа ‘‘вивари бхаг̇аваа д̣̇ваара’’нд̇и вад̇д̇ум̣ ваддад̇и. вихаарам̣ бависид̇ваад̇и г̇анд̇хагудим̣ бависид̇ваа. д̇асмим̣ бана бавидтамад̇д̇зязва гаарааяано бан̃жа рааж̇агагуд̇хабхан̣д̣аани г̇ахзд̇ваа канд̇хааваарам̣ г̇анд̇ваа видадуубхам̣ ааманд̇зси ‘‘чад̇д̇ам̣ самма уссаабзхий’’д̇и. маяхам̣ бид̇аа гим̣ г̇ад̇од̇и? бид̇арам̣ маа бужча, сажз д̇вам̣ на уссаабзси, д̇ам̣ г̇ан̣хид̇ваа ахам̣ уссаабзмийд̇и. ‘‘уссаабзми саммаа’’д̇и самбадижчи. гаарааяано ран̃н̃о згам̣ ассан̃жа асин̃жа згамзва жа барижааригам̣ ид̇т̇им̣ табзд̇ваа – ‘‘сажз рааж̇аа ж̇ийвид̇зна ад̇т̇иго, маа ааг̇ажчад̇уу’’д̇и видадуубхасса чад̇д̇ам̣ уссаабзд̇ваа д̇ам̣ г̇ахзд̇ваа саавад̇т̇имзва г̇ад̇о.
Vivaribhagavā dvāranti na bhagavā uṭṭhāya dvāraṃ vivari, vivaratūti pana hatthaṃ pasāresi. Tato – ‘‘bhagavā tumhehi anekesu kappakoṭīsu dānaṃ dadamānehi na sahatthā dvāravivaraṇakammaṃ kata’’nti sayameva dvāraṃ vivaṭaṃ. Taṃ pana yasmā bhagavato manena vivaṭaṃ, tasmā ‘‘vivari bhagavā dvāra’’nti vattuṃ vaṭṭati. Vihāraṃ pavisitvāti gandhakuṭiṃ pavisitvā. Tasmiṃ pana paviṭṭhamatteyeva kārāyano pañca rājakakudhabhaṇḍāni gahetvā khandhāvāraṃ gantvā viṭaṭūbhaṃ āmantesi ‘‘chattaṃ samma ussāpehī’’ti. Mayhaṃ pitā kiṃ gatoti? Pitaraṃ mā puccha, sace tvaṃ na ussāpesi, taṃ gaṇhitvā ahaṃ ussāpemīti. ‘‘Ussāpemi sammā’’ti sampaṭicchi. Kārāyano rañño ekaṃ assañca asiñca ekameva ca paricārikaṃ itthiṃ ṭhapetvā – ‘‘sace rājā jīvitena atthiko, mā āgacchatū’’ti viṭaṭūbhassa chattaṃ ussāpetvā taṃ gahetvā sāvatthimeva gato.
367. д̇хамманваяод̇и бажжагкан̃аан̣асан̇каад̇асса д̇хаммасса анунаяо анумаанам̣, ануб̣уд̣̇д̇хийд̇и ад̇т̇о. ид̣̇аани язнасса д̇хамманваязна ‘‘саммаасамб̣уд̣̇д̇хо бхаг̇аваа’’д̇иаад̣̇и ход̇и, д̇ам̣ д̣̇ассзд̇ум̣ ид̇ха банаахам̣, бханд̇зд̇иаад̣̇имааха. д̇ад̇т̇а аабаан̣агодиганд̇и баан̣од̇и ж̇ийвид̇ам̣, д̇ам̣ марияаад̣̇ам̣ анд̇о гарид̇ваа, маран̣асамаязби жаранд̇иязва, д̇ам̣ на вийд̇иггаманд̇ийд̇и вуд̇д̇ам̣ ход̇и. ‘‘абаан̣агодига’’нд̇иби баато, ааж̇ийвид̇абарияанд̇анд̇и ад̇т̇о. яат̇аа згажжз ж̇ийвид̇ахзд̇у ад̇иггаманд̇аа баан̣агодигам̣ гад̇ваа жаранд̇и, на званд̇и ад̇т̇о. аяамби ко мз, бханд̇зд̇и б̣уд̣̇д̇хасуб̣уд̣̇д̇хад̇ааяа д̇хаммасваагкаад̇ад̇ааяа сан̇гхасуббадибаннад̇ааяа жа зд̇ам̣ звам̣ ход̇и, зван̃хи мз, бханд̇з, аяам̣ бхаг̇авад̇и д̇хамманваяо ход̇ийд̇и д̣̇ийбзд̇и. зсзва наяо саб̣б̣ад̇т̇а.
367.Dhammanvayoti paccakkhañāṇasaṅkhātassa dhammassa anunayo anumānaṃ, anubuddhīti attho. Idāni yenassa dhammanvayena ‘‘sammāsambuddho bhagavā’’tiādi hoti, taṃ dassetuṃ idha panāhaṃ, bhantetiādimāha. Tattha āpāṇakoṭikanti pāṇoti jīvitaṃ, taṃ mariyādaṃ anto karitvā, maraṇasamayepi carantiyeva, taṃ na vītikkamantīti vuttaṃ hoti. ‘‘Apāṇakoṭika’’ntipi pāṭho, ājīvitapariyantanti attho. Yathā ekacce jīvitahetu atikkamantā pāṇakoṭikaṃ katvā caranti, na evanti attho. Ayampi kho me, bhanteti buddhasubuddhatāya dhammasvākkhātatāya saṅghasuppaṭipannatāya ca etaṃ evaṃ hoti, evañhi me, bhante, ayaṃ bhagavati dhammanvayo hotīti dīpeti. Eseva nayo sabbattha.
369. на вияа ман̃н̃з жагкум̣ б̣анд̇ханд̇зд̇и жагкум̣ аб̣анд̇ханд̇з вияа. абаасаад̣̇иган̃хи д̣̇исваа буна ологанагижжам̣ на ход̇и, д̇асмаа со жагкум̣ на б̣анд̇хад̇и наама. баасаад̣̇игам̣ д̣̇исваа бунаббунам̣ ологанагижжам̣ ход̇и, д̇асмаа со жагкум̣ б̣анд̇хад̇и наама. имз жа абаасаад̣̇игаа, д̇асмаа звамааха. б̣анд̇хугарог̇о нод̇и гуларог̇о. амхаагам̣ гулз ж̇аад̇аа зваруубаа хонд̇ийд̇и вад̣̇анд̇и. ул̣ааранд̇и махзсагкам̣. буб̣б̣знаабаранд̇и буб̣б̣ад̇о абарам̣ висзсам̣. д̇ад̇т̇а гасин̣абаригаммам̣ гад̇ваа самаабад̇д̇им̣ ниб̣б̣ад̇д̇знд̇о ул̣аарам̣ буб̣б̣з висзсам̣ сан̃ж̇аанаад̇и наама, самаабад̇д̇им̣ бад̣̇адтаанам̣ гад̇ваа вибассанам̣ вад̣дхзд̇ваа арахад̇д̇ам̣ г̇ан̣ханд̇о ул̣аарам̣ буб̣б̣ад̇о абарам̣ висзсам̣ сан̃ж̇аанаад̇и наама.
369.Naviya maññe cakkhuṃ bandhanteti cakkhuṃ abandhante viya. Apāsādikañhi disvā puna olokanakiccaṃ na hoti, tasmā so cakkhuṃ na bandhati nāma. Pāsādikaṃ disvā punappunaṃ olokanakiccaṃ hoti, tasmā so cakkhuṃ bandhati nāma. Ime ca apāsādikā, tasmā evamāha. Bandhukarogo noti kularogo. Amhākaṃ kule jātā evarūpā hontīti vadanti. Uḷāranti mahesakkhaṃ. Pubbenāparanti pubbato aparaṃ visesaṃ. Tattha kasiṇaparikammaṃ katvā samāpattiṃ nibbattento uḷāraṃ pubbe visesaṃ sañjānāti nāma, samāpattiṃ padaṭṭhānaṃ katvā vipassanaṃ vaḍḍhetvā arahattaṃ gaṇhanto uḷāraṃ pubbato aparaṃ visesaṃ sañjānāti nāma.
370. гхаад̇зд̇ааяам̣ ваа гхаад̇зд̇унд̇и гхаад̇зд̇аб̣б̣аяуд̇д̇агам̣ гхаад̇зд̇ум̣. ж̇аабзд̇ааяам̣ ваа ж̇аабзд̇унд̇и д̇ханзна ваа ж̇аабзд̇аб̣б̣аяуд̇д̇агам̣ ж̇аабзд̇ум̣ ж̇аанид̇ум̣ ад̇ханам̣ гаад̇ум̣. баб̣б̣ааж̇зд̇ааяам̣ ваа баб̣б̣ааж̇зд̇унд̇и радтад̇о ваа баб̣б̣ааж̇зд̇аб̣б̣аяуд̇д̇агам̣ баб̣б̣ааж̇зд̇ум̣.
370.Ghātetāyaṃ vā ghātetunti ghātetabbayuttakaṃ ghātetuṃ. Jāpetāyaṃ vā jāpetunti dhanena vā jāpetabbayuttakaṃ jāpetuṃ jānituṃ adhanaṃ kātuṃ. Pabbājetāyaṃ vā pabbājetunti raṭṭhato vā pabbājetabbayuttakaṃ pabbājetuṃ.
373. исид̣̇ад̇д̇абураан̣аад̇и исид̣̇ад̇д̇о жа бураан̣о жа. д̇зсу зго б̣рахмажаарий, зго сад̣̇аарасанд̇удто. мамабхад̇д̇аад̇и мама санд̇агам̣ бхад̇д̇ам̣ зд̇зсанд̇и мамабхад̇д̇аа. мамаяаанаад̇и мама санд̇агам̣ яаанам̣ зд̇зсанд̇и мамаяаанаа. ж̇ийвигааяа д̣̇аад̇аад̇и ж̇ийвид̇авуд̇д̇им̣ д̣̇аад̇аа. виймам̣самаанод̇и убабаригкамаано. д̇ад̣̇аа гира рааж̇аа нид̣̇д̣̇ам̣ аногганд̇ова огганд̇о вияа худ̇ваа нибаж̇ж̇и. ат̇а д̇з т̇абад̇аяо ‘‘гад̇арасмим̣ д̣̇исаабхааг̇з бхаг̇аваа’’д̇и бужчид̇ваа ‘‘асугасмим̣ наамаа’’д̇и суд̇ваа манд̇аяим̣су – ‘‘язна саммаасамб̣уд̣̇д̇хо, д̇зна сийсз гад̇з рааж̇аа баад̣̇ад̇о ход̇и. язна рааж̇аа, д̇зна сийсз гад̇з сад̇т̇аа баад̣̇ад̇о ход̇и, гим̣ гариссаамаа’’д̇и? д̇ад̇о нзсам̣ зд̇ад̣̇ахоси – ‘‘рааж̇аа губбамаано яам̣ амхаагам̣ д̣̇зд̇и, д̇ам̣ ажчинд̣̇зяяа. на ко бана маяам̣ саггома ж̇аанамаанаа сад̇т̇аарам̣ баад̣̇ад̇о гаад̇у’’нд̇и рааж̇аанам̣ баад̣̇ад̇о гад̇ваа нибаж̇ж̇им̣су. д̇ам̣ санд̇хааяа аяам̣ рааж̇аа звамааха.
373.Isidattapurāṇāti isidatto ca purāṇo ca. Tesu eko brahmacārī, eko sadārasantuṭṭho. Mamabhattāti mama santakaṃ bhattaṃ etesanti mamabhattā. Mamayānāti mama santakaṃ yānaṃ etesanti mamayānā. Jīvikāya dātāti jīvitavuttiṃ dātā. Vīmaṃsamānoti upaparikkhamāno. Tadā kira rājā niddaṃ anokkantova okkanto viya hutvā nipajji. Atha te thapatayo ‘‘katarasmiṃ disābhāge bhagavā’’ti pucchitvā ‘‘asukasmiṃ nāmā’’ti sutvā mantayiṃsu – ‘‘yena sammāsambuddho, tena sīse kate rājā pādato hoti. Yena rājā, tena sīse kate satthā pādato hoti, kiṃ karissāmā’’ti? Tato nesaṃ etadahosi – ‘‘rājā kuppamāno yaṃ amhākaṃ deti, taṃ acchindeyya. Na kho pana mayaṃ sakkoma jānamānā satthāraṃ pādato kātu’’nti rājānaṃ pādato katvā nipajjiṃsu. Taṃ sandhāya ayaṃ rājā evamāha.
374. баггаамийд̇и г̇анд̇хагудид̇о нигкамид̇ваа гаарааяанасса тид̇адтаанам̣ г̇ад̇о, д̇ам̣ д̇ад̇т̇а ад̣̇исваа канд̇хааваарадтаанам̣ г̇ад̇о, д̇ад̇т̇ааби ан̃н̃ам̣ ад̣̇исваа д̇ам̣ ид̇т̇им̣ бужчи. саа саб̣б̣ам̣ бавад̇д̇им̣ аажигки. рааж̇аа – ‘‘на ид̣̇аани маяаа згагзна д̇ад̇т̇а г̇анд̇аб̣б̣ам̣, рааж̇аг̇ахам̣ г̇анд̇ваа бхааг̇инзяязна сад̣̇д̇хим̣ ааг̇анд̇ваа маяхам̣ раж̇ж̇ам̣ г̇ан̣хиссаамий’’д̇и рааж̇аг̇ахам̣ г̇ажчанд̇о анд̇араамаг̇г̇з ган̣ааж̇агабхад̇д̇ан̃жзва бхун̃ж̇и, б̣ахалауд̣̇аган̃жа биви. д̇асса сукумаалабагад̇игасса аахааро на саммаа барин̣аами. со рааж̇аг̇ахам̣ баабун̣анд̇оби вигаалз д̣̇ваарзсу бихид̇зсу баабун̣и. ‘‘аж̇ж̇а саалааяам̣ саяид̇ваа свз маяхам̣ бхааг̇инзяяам̣ бассиссаамий’’д̇и б̣ахинаг̇арз саалааяа нибаж̇ж̇и. д̇асса рад̇д̇ибхааг̇з удтаанаани бавад̇д̇им̣су, гад̇ибаяаваарз б̣ахи нигками. д̇ад̇о бадтааяа бад̣̇асаа г̇анд̇ум̣ асаггонд̇о д̇ассаа ид̇т̇ияаа ан̇гз нибаж̇ж̇ид̇ваа б̣алавабажжуусз гааламагааси. саа д̇асса мад̇абхаавам̣ н̃ад̇ваа – ‘‘д̣̇вийсу раж̇ж̇зсу раж̇ж̇ам̣ гаарзд̇ваа ид̣̇аани барасса б̣ахинаг̇арз анаат̇асаалааяа анаат̇агаалагирияам̣ гад̇ваа нибанно маяхам̣ саами госаларааж̇аа’’д̇иаад̣̇ийни вад̣̇амаанаа ужжаасад̣̇д̣̇зна барид̣̇звид̇ум̣ аарабхи. мануссаа суд̇ваа ран̃н̃о аарожзсум̣. рааж̇аа ааг̇анд̇ваа д̣̇исваа сан̃ж̇аанид̇ваа ааг̇ад̇агааран̣ам̣ н̃ад̇ваа махаабарихаарзна сарийрагижжам̣ гарид̇ваа ‘‘видадуубхам̣ г̇ан̣хиссаамий’’д̇и бхзрим̣ жараабзд̇ваа б̣алагааяам̣ саннибаад̇зси. амажжаа баад̣̇зсу бад̇ид̇ваа – ‘‘сажз, д̣̇зва, д̇умхаагам̣ маад̇уло арог̇о асса, д̇умхаагам̣ г̇анд̇ум̣ яуд̇д̇ам̣ бхавзяяа, ид̣̇аани бана видадуубхоби д̇умхз ниссааяа чад̇д̇ам̣ уссаабзд̇ум̣ арахад̇иязваа’’д̇и сан̃н̃аабзд̇ваа ниваарзсум̣.
374.Pakkāmīti gandhakuṭito nikkhamitvā kārāyanassa ṭhitaṭṭhānaṃ gato, taṃ tattha adisvā khandhāvāraṭṭhānaṃ gato, tatthāpi aññaṃ adisvā taṃ itthiṃ pucchi. Sā sabbaṃ pavattiṃ ācikkhi. Rājā – ‘‘na idāni mayā ekakena tattha gantabbaṃ, rājagahaṃ gantvā bhāgineyyena saddhiṃ āgantvā mayhaṃ rajjaṃ gaṇhissāmī’’ti rājagahaṃ gacchanto antarāmagge kaṇājakabhattañceva bhuñji, bahalaudakañca pivi. Tassa sukhumālapakatikassa āhāro na sammā pariṇāmi. So rājagahaṃ pāpuṇantopi vikāle dvāresu pihitesu pāpuṇi. ‘‘Ajja sālāyaṃ sayitvā sve mayhaṃ bhāgineyyaṃ passissāmī’’ti bahinagare sālāya nipajji. Tassa rattibhāge uṭṭhānāni pavattiṃsu, katipayavāre bahi nikkhami. Tato paṭṭhāya padasā gantuṃ asakkonto tassā itthiyā aṅke nipajjitvā balavapaccūse kālamakāsi. Sā tassa matabhāvaṃ ñatvā – ‘‘dvīsu rajjesu rajjaṃ kāretvā idāni parassa bahinagare anāthasālāya anāthakālakiriyaṃ katvā nipanno mayhaṃ sāmi kosalarājā’’tiādīni vadamānā uccāsaddena paridevituṃ ārabhi. Manussā sutvā rañño ārocesuṃ. Rājā āgantvā disvā sañjānitvā āgatakāraṇaṃ ñatvā mahāparihārena sarīrakiccaṃ karitvā ‘‘viṭaṭūbhaṃ gaṇhissāmī’’ti bheriṃ carāpetvā balakāyaṃ sannipātesi. Amaccā pādesu patitvā – ‘‘sace, deva, tumhākaṃ mātulo arogo assa, tumhākaṃ gantuṃ yuttaṃ bhaveyya, idāni pana viṭaṭūbhopi tumhe nissāya chattaṃ ussāpetuṃ arahatiyevā’’ti saññāpetvā nivāresuṃ.
д̇хаммажзд̇ияаанийд̇и д̇хаммасса жид̇д̇ийгаараважанаани. д̇ийсу хи рад̇анзсу яад̇т̇а гад̇т̇ажи жид̇д̇ийгаарз гад̇з саб̣б̣ад̇т̇а гад̇оязва ход̇и, д̇асмаа бхаг̇авад̇и жид̇д̇ийгаарз гад̇з д̇хаммоби гад̇ова ход̇ийд̇и бхаг̇аваа ‘‘д̇хаммажзд̇ияааний’’д̇и ааха. аад̣̇иб̣рахмажарияагаанийд̇и маг̇г̇аб̣рахмажарияасса аад̣̇ибхууд̇аани, буб̣б̣абхааг̇абадибад̇д̇ибхууд̇аанийд̇и ад̇т̇о. сзсам̣ саб̣б̣ад̇т̇а уд̇д̇аанамзваад̇и.
Dhammacetiyānīti dhammassa cittīkāravacanāni. Tīsu hi ratanesu yattha katthaci cittīkāre kate sabbattha katoyeva hoti, tasmā bhagavati cittīkāre kate dhammopi katova hotīti bhagavā ‘‘dhammacetiyānī’’ti āha. Ādibrahmacariyakānīti maggabrahmacariyassa ādibhūtāni, pubbabhāgapaṭipattibhūtānīti attho. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
д̇хаммажзд̇ияасуд̇д̇аван̣н̣анаа нидтид̇аа.
Dhammacetiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 9. д̇хаммажзд̇ияасуд̇д̇ам̣ • 9. Dhammacetiyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 9. д̇хаммажзд̇ияасуд̇д̇аван̣н̣анаа • 9. Dhammacetiyasuttavaṇṇanā
