| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
7. д̇хаммад̣̇зсанаасигкаабад̣̇аван̣н̣анаа
7. Dhammadesanāsikkhāpadavaṇṇanā
60. сад̇д̇амасигкаабад̣̇з – гхаран̣ийд̇и гхарасааминий. нивзсанад̣̇ваарзд̇и нивзсанасса махаад̣̇ваарз. гхарасун̣хаад̇и д̇асмим̣ гхарз сун̣хаа. аавасат̇ад̣̇ваарзд̇и оварагад̣̇ваарз. виссадтзнаад̇и суниг̇г̇ад̇зна сад̣̇д̣̇зна. вивадзнаад̇и судту багаасзна асам̣вуд̇зна. д̇хаммо д̣̇зсзд̇аб̣б̣од̇и аяам̣ саран̣асийлаад̣̇ибхзд̣̇о д̇хаммо гат̇зд̇аб̣б̣о. ан̃н̃аад̇унд̇и ааж̇аанид̇ум̣. вин̃н̃унаа бурисавиг̇г̇ахзнаад̇и вин̃н̃унаа бурисзна, бурисавиг̇г̇ахам̣ г̇ахзд̇вааби тид̇зна на яагкзна на бзд̇зна на д̇иражчаанаг̇ад̇зна.
60. Sattamasikkhāpade – gharaṇīti gharasāminī. Nivesanadvāreti nivesanassa mahādvāre. Gharasuṇhāti tasmiṃ ghare suṇhā. Āvasathadvāreti ovarakadvāre. Vissaṭṭhenāti suniggatena saddena. Vivaṭenāti suṭṭhu pakāsena asaṃvutena. Dhammo desetabboti ayaṃ saraṇasīlādibhedo dhammo kathetabbo. Aññātunti ājānituṃ. Viññunā purisaviggahenāti viññunā purisena, purisaviggahaṃ gahetvāpi ṭhitena na yakkhena na petena na tiracchānagatena.
66. анаабад̇д̇и вин̃н̃унаа бурисавиг̇г̇ахзнаад̇и вин̃н̃унаа бурисавиг̇г̇ахзна сад̣̇д̇хим̣ тид̇ааяа б̣ахумби д̇хаммам̣ д̣̇зсзнд̇асса анаабад̇д̇и. чаббан̃жаваажаахийд̇и чахи бан̃жахи ваажаахи яо д̣̇зсзд̇и, д̇ассаби анаабад̇д̇и. д̇ад̇т̇а зго г̇аат̇аабаад̣̇о згаваажаад̇и звам̣ саб̣б̣ад̇т̇а ваажаабамаан̣ам̣ взд̣̇ид̇аб̣б̣ам̣. сажз адтагат̇ам̣ д̇хаммабад̣̇ам̣ ж̇аад̇агаад̣̇ивад̇т̇ум̣ ваа гат̇зд̇угаамо ход̇и, чаббан̃жабад̣̇амад̇д̇амзва гат̇зд̇ум̣ ваддад̇и. баал̣ияаа сад̣̇д̇хим̣ гат̇знд̇зна згабад̣̇ам̣ баал̣ид̇о бан̃жа адтагат̇аад̇од̇и звам̣ ча бад̣̇аани анад̇иггаамзд̇ваава гат̇зд̇аб̣б̣о. бад̣̇асод̇хаммз вуд̇д̇аббабхзд̣̇о хи ид̇хааби саб̣б̣о д̇хаммоязва. д̇асмим̣ д̣̇зсзд̇ийд̇и д̇асмим̣ кан̣з д̣̇зсзд̇и. самбад̣̇аанад̇т̇з ваа зд̇ам̣ бхуммаважанам̣. д̇ассаа д̣̇зсзд̇ийд̇и ад̇т̇о. ан̃н̃иссаа маад̇уг̇аамассаад̇и згиссаа д̣̇зсзд̇ваа буна ааг̇ад̇ааг̇ад̇ааяа ан̃н̃иссааби д̣̇зсзд̇ийд̇и звам̣ згаасанз нисинно маад̇уг̇аамасад̇асахассаннамби д̣̇зсзд̇ийд̇и ад̇т̇о. махаабажжарияадтагат̇ааяам̣ вуд̇д̇ам̣ самам̣ нисиннаанам̣ маад̇уг̇аамаанам̣ ‘‘д̇умхаагам̣ згзгиссаа згзгам̣ г̇аат̇ам̣ д̣̇зсзссаами, д̇ам̣ сун̣аат̇аад̇и д̣̇зсзд̇и, анаабад̇д̇и. батамам̣ згзгиссаа згзгам̣ г̇аат̇ам̣ гат̇зссаамийд̇и аабхог̇ам̣ гад̇ваа ж̇аанаабзд̇ваа гат̇зд̇ум̣ ваддад̇и, на бажчаад̇и. бан̃хам̣ бужчад̇и бан̃хам̣ будто гат̇зд̇ийд̇и маад̇уг̇аамо ‘‘д̣̇ийгханигааяо наама бханд̇з гимад̇т̇ам̣ д̣̇ийбзд̇ий’’д̇и бужчад̇и. звам̣ бан̃хам̣ будто бхигку саб̣б̣ам̣ жзби д̣̇ийгханигааяам̣ гат̇зд̇и, анаабад̇д̇и. сзсамзд̇т̇а уд̇д̇аанад̇т̇амзва.
66.Anāpatti viññunā purisaviggahenāti viññunā purisaviggahena saddhiṃ ṭhitāya bahumpi dhammaṃ desentassa anāpatti. Chappañcavācāhīti chahi pañcahi vācāhi yo deseti, tassapi anāpatti. Tattha eko gāthāpādo ekavācāti evaṃ sabbattha vācāpamāṇaṃ veditabbaṃ. Sace aṭṭhakathaṃ dhammapadaṃ jātakādivatthuṃ vā kathetukāmo hoti, chappañcapadamattameva kathetuṃ vaṭṭati. Pāḷiyā saddhiṃ kathentena ekapadaṃ pāḷito pañca aṭṭhakathātoti evaṃ cha padāni anatikkāmetvāva kathetabbo. Padasodhamme vuttappabhedo hi idhāpi sabbo dhammoyeva. Tasmiṃ desetīti tasmiṃ khaṇe deseti. Sampadānatthe vā etaṃ bhummavacanaṃ. Tassā desetīti attho. Aññissā mātugāmassāti ekissā desetvā puna āgatāgatāya aññissāpi desetīti evaṃ ekāsane nisinno mātugāmasatasahassannampi desetīti attho. Mahāpaccariyaṭṭhakathāyaṃ vuttaṃ samaṃ nisinnānaṃ mātugāmānaṃ ‘‘tumhākaṃ ekekissā ekekaṃ gāthaṃ desessāmi, taṃ suṇāthāti deseti, anāpatti. Paṭhamaṃ ekekissā ekekaṃ gāthaṃ kathessāmīti ābhogaṃ katvā jānāpetvā kathetuṃ vaṭṭati, na pacchāti. Pañhaṃ pucchati pañhaṃ puṭṭho kathetīti mātugāmo ‘‘dīghanikāyo nāma bhante kimatthaṃ dīpetī’’ti pucchati. Evaṃ pañhaṃ puṭṭho bhikkhu sabbaṃ cepi dīghanikāyaṃ katheti, anāpatti. Sesamettha uttānatthameva.
бад̣̇асод̇хаммасамудтаанам̣ – ваажад̇о жа ваажаажид̇д̇ад̇о жа самудтаад̇и, гирияаагирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, важийгаммам̣, д̇ижид̇д̇ам̣, д̇ивзд̣̇ананд̇и.
Padasodhammasamuṭṭhānaṃ – vācato ca vācācittato ca samuṭṭhāti, kiriyākiriyaṃ, nosaññāvimokkhaṃ, acittakaṃ, paṇṇattivajjaṃ, vacīkammaṃ, ticittaṃ, tivedananti.
д̇хаммад̣̇зсанаасигкаабад̣̇ам̣ сад̇д̇амам̣.
Dhammadesanāsikkhāpadaṃ sattamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 7. д̇хаммад̣̇зсанаасигкаабад̣̇аван̣н̣анаа • 7. Dhammadesanāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 7. д̇хаммад̣̇зсанаасигкаабад̣̇аван̣н̣анаа • 7. Dhammadesanāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 7. д̇хаммад̣̇зсанаасигкаабад̣̇аван̣н̣анаа • 7. Dhammadesanāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. д̇хаммад̣̇зсанаасигкаабад̣̇ам̣ • 7. Dhammadesanāsikkhāpadaṃ
