| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[457] 3. д̇хаммад̣̇звабуд̇д̇аж̇аад̇агаван̣н̣анаа
[457] 3. Dhammadevaputtajātakavaṇṇanā
яасогаро бун̃н̃агарохамасмийд̇и ид̣̇ам̣ сад̇т̇аа ж̇зд̇аванз вихаранд̇о д̣̇звад̣̇ад̇д̇асса бат̇авибавзсанам̣ аараб̣бха гат̇зси. д̇ад̣̇аа хи бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, д̣̇звад̣̇ад̇д̇о д̇ат̇ааг̇ад̇зна сад̣̇д̇хим̣ бадивируж̇жхид̇ваа бат̇авим̣ бавидто’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на ид̣̇аанзвзса, бхигкавз, мама ж̇инажаггз бахаарам̣ д̣̇ад̇ваа бат̇авим̣ бавидто, буб̣б̣зби д̇хаммажаггз бахаарам̣ д̣̇ад̇ваа бат̇авим̣ бависид̇ваа авийжибарааяан̣о ж̇аад̇оязваа’’д̇и вад̇ваа ад̇ийд̇ам̣ аахари.
Yasokaro puññakarohamasmīti idaṃ satthā jetavane viharanto devadattassa pathavipavesanaṃ ārabbha kathesi. Tadā hi bhikkhū dhammasabhāyaṃ kathaṃ samuṭṭhāpesuṃ ‘‘āvuso, devadatto tathāgatena saddhiṃ paṭivirujjhitvā pathaviṃ paviṭṭho’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na idānevesa, bhikkhave, mama jinacakke pahāraṃ datvā pathaviṃ paviṭṭho, pubbepi dhammacakke pahāraṃ datvā pathaviṃ pavisitvā avīciparāyaṇo jātoyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гаамааважарад̣̇звалогз д̇хаммо наама д̣̇звабуд̇д̇о худ̇ваа ниб̣б̣ад̇д̇и, д̣̇звад̣̇ад̇д̇о ад̇хаммо наама. д̇зсу д̇хаммо д̣̇иб̣б̣аалан̇гаарабадиман̣д̣ид̇о д̣̇иб̣б̣арат̇аварамабхируяха ажчарааг̇ан̣абаривуд̇о мануссзсу сааяамаасам̣ бхун̃ж̇ид̇ваа ад̇д̇ано ад̇д̇ано гхарад̣̇ваарз сукагат̇ааяа нисиннзсу бун̣н̣амубосат̇ад̣̇ивасз г̇ааманиг̇амаж̇анабад̣̇арааж̇ад̇хаанийсу аагаасз тад̇ваа ‘‘баан̣аад̇ибаад̇аад̣̇ийхи д̣̇асахи агусалагаммабат̇зхи вирамид̇ваа маад̇убадтаанад̇хаммам̣ бид̇убадтаанад̇хаммам̣ д̇ивид̇хасужарид̇ад̇хамман̃жа буурзт̇а , звам̣ саг̇г̇абарааяан̣аа худ̇ваа маханд̇ам̣ яасам̣ анубхависсат̇аа’’д̇и мануссз д̣̇аса гусалагаммабат̇з самаад̣̇абзнд̇о ж̇амб̣уд̣̇ийбам̣ бад̣̇агкин̣ам̣ гарод̇и. ад̇хаммо бана д̣̇звабуд̇д̇о ‘‘баан̣ам̣ ханат̇аа’’д̇иаад̣̇инаа наязна д̣̇аса агусалагаммабат̇з самаад̣̇абзнд̇о ж̇амб̣уд̣̇ийбам̣ ваамам̣ гарод̇и. ат̇а д̇зсам̣ аагаасз рат̇аа саммукаа ахзсум̣. ат̇а нзсам̣ барисаа ‘‘д̇умхз гасса, д̇умхз гассаа’’д̇и бужчид̇ваа ‘‘маяам̣ д̇хаммасса, маяам̣ ад̇хаммассаа’’д̇и вад̇ваа маг̇г̇аа оггамид̇ваа д̣̇вид̇хаа ж̇аад̇аа. д̇хаммоби ад̇хаммам̣ ааманд̇зд̇ваа ‘‘самма, д̇вам̣ ад̇хаммо, ахам̣ д̇хаммо, маг̇г̇о маяхам̣ анужчавиго, д̇ава рат̇ам̣ оггаамзд̇ваа маяхам̣ маг̇г̇ам̣ д̣̇зхий’’д̇и батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto kāmāvacaradevaloke dhammo nāma devaputto hutvā nibbatti, devadatto adhammo nāma. Tesu dhammo dibbālaṅkārapaṭimaṇḍito dibbarathavaramabhiruyha accharāgaṇaparivuto manussesu sāyamāsaṃ bhuñjitvā attano attano gharadvāre sukhakathāya nisinnesu puṇṇamuposathadivase gāmanigamajanapadarājadhānīsu ākāse ṭhatvā ‘‘pāṇātipātādīhi dasahi akusalakammapathehi viramitvā mātupaṭṭhānadhammaṃ pitupaṭṭhānadhammaṃ tividhasucaritadhammañca pūretha , evaṃ saggaparāyaṇā hutvā mahantaṃ yasaṃ anubhavissathā’’ti manusse dasa kusalakammapathe samādapento jambudīpaṃ padakkhiṇaṃ karoti. Adhammo pana devaputto ‘‘pāṇaṃ hanathā’’tiādinā nayena dasa akusalakammapathe samādapento jambudīpaṃ vāmaṃ karoti. Atha tesaṃ ākāse rathā sammukhā ahesuṃ. Atha nesaṃ parisā ‘‘tumhe kassa, tumhe kassā’’ti pucchitvā ‘‘mayaṃ dhammassa, mayaṃ adhammassā’’ti vatvā maggā okkamitvā dvidhā jātā. Dhammopi adhammaṃ āmantetvā ‘‘samma, tvaṃ adhammo, ahaṃ dhammo, maggo mayhaṃ anucchaviko, tava rathaṃ okkāmetvā mayhaṃ maggaṃ dehī’’ti paṭhamaṃ gāthamāha –
26.
26.
‘‘яасогаро бун̃н̃агарохамасми, сад̣̇аад̇т̇уд̇о саман̣аб̣раахман̣аанам̣;
‘‘Yasokaro puññakarohamasmi, sadātthuto samaṇabrāhmaṇānaṃ;
маг̇г̇аарахо д̣̇звамануссабууж̇ид̇о, д̇хаммо ахам̣ д̣̇зхи ад̇хамма маг̇г̇а’’нд̇и.
Maggāraho devamanussapūjito, dhammo ahaṃ dehi adhamma magga’’nti.
д̇ад̇т̇а яасогарод̇и ахам̣ д̣̇звамануссаанам̣ яасад̣̇ааяаго. д̣̇уд̇ияабад̣̇зби зсзва наяо. сад̣̇аад̇т̇уд̇од̇и сад̣̇аа т̇уд̇о нижжабасад̇т̇о. д̇ад̇о бараа –
Tattha yasokaroti ahaṃ devamanussānaṃ yasadāyako. Dutiyapadepi eseva nayo. Sadātthutoti sadā thuto niccapasattho. Tato parā –
27.
27.
‘‘ад̇хаммаяаанам̣ д̣̇ал̣хамаарухид̇ваа, асанд̇асанд̇о б̣алаваахамасми;
‘‘Adhammayānaṃ daḷhamāruhitvā, asantasanto balavāhamasmi;
са гисса хзд̇умхи д̇аваж̇ж̇а д̣̇аж̇ж̇ам̣, маг̇г̇ам̣ ахам̣ д̇хамма ад̣̇иннабуб̣б̣ам̣.
Sa kissa hetumhi tavajja dajjaṃ, maggaṃ ahaṃ dhamma adinnapubbaṃ.
28.
28.
‘‘д̇хаммо хавз баад̇урахоси буб̣б̣з, бажчаа ад̇хаммо уд̣̇абаад̣̇и логз;
‘‘Dhammo have pāturahosi pubbe, pacchā adhammo udapādi loke;
ж̇здто жа сздто жа сананд̇ано жа, уяяаахи ж̇здтасса ганидта маг̇г̇аа.
Jeṭṭho ca seṭṭho ca sanantano ca, uyyāhi jeṭṭhassa kaniṭṭha maggā.
29.
29.
‘‘на яаажанааяа наби баад̇ируубаа, на арахад̇аа д̇зхам̣ д̣̇ад̣̇зяяам̣ маг̇г̇ам̣;
‘‘Na yācanāya napi pātirūpā, na arahatā tehaṃ dadeyyaṃ maggaṃ;
яуд̣̇д̇хан̃жа но ход̇у убхиннамаж̇ж̇а, яуд̣̇д̇хамхи яо ж̇зссад̇и д̇асса маг̇г̇о.
Yuddhañca no hotu ubhinnamajja, yuddhamhi yo jessati tassa maggo.
30.
30.
‘‘саб̣б̣аа д̣̇исаа анувисадохамасми, махаб̣б̣ало амид̇аяасо ад̇уляо;
‘‘Sabbā disā anuvisaṭohamasmi, mahabbalo amitayaso atulyo;
г̇ун̣зхи саб̣б̣зхи убзд̇аруубо, д̇хаммо ад̇хамма д̇вам̣ гат̇ам̣ виж̇зссаси.
Guṇehi sabbehi upetarūpo, dhammo adhamma tvaṃ kathaṃ vijessasi.
31.
31.
‘‘лохзна вз хан̃н̃ад̇и ж̇аад̇аруубам̣, на ж̇аад̇аруубзна хананд̇и лохам̣;
‘‘Lohena ve haññati jātarūpaṃ, na jātarūpena hananti lohaṃ;
сажз ад̇хаммо хан̃чад̇и д̇хаммамаж̇ж̇а, аяо суван̣н̣ам̣ вияа д̣̇ассанзяяам̣.
Sace adhammo hañchati dhammamajja, ayo suvaṇṇaṃ viya dassaneyyaṃ.
32.
32.
‘‘сажз д̇увам̣ яуд̣̇д̇хаб̣ало ад̇хамма, на д̇уяха вуд̣дхаа жа г̇аруу жа ад̇т̇и;
‘‘Sace tuvaṃ yuddhabalo adhamma, na tuyha vuḍḍhā ca garū ca atthi;
маг̇г̇ан̃жа д̇з д̣̇амми бияааббиязна, ваажаад̣̇уруд̇д̇ааниби д̇з камаамий’’д̇и. –
Maggañca te dammi piyāppiyena, vācāduruttānipi te khamāmī’’ti. –
имаа ча г̇аат̇аа д̇зсан̃н̃зва важанабадиважанавасзна гат̇ид̇аа.
Imā cha gāthā tesaññeva vacanapaṭivacanavasena kathitā.
д̇ад̇т̇а са гисса хзд̇умхи д̇аваж̇ж̇а д̣̇аж̇ж̇анд̇и сомхи ахам̣ ад̇хаммо ад̇хаммаяаанам̣ рат̇ам̣ аарул̣хо абхийд̇о б̣алаваа. гим̣гааран̣аа аж̇ж̇а бхо д̇хамма, гассажи ад̣̇иннабуб̣б̣ам̣ маг̇г̇ам̣ д̇уяхам̣ д̣̇аммийд̇и. буб̣б̣зд̇и батамагаббигагаалз имасмим̣ логз д̣̇асагусалагаммабат̇ад̇хаммо жа буб̣б̣з баад̇урахоси, бажчаа ад̇хаммо. ж̇здто жаад̇и бурз ниб̣б̣ад̇д̇абхаавзна ахам̣ ж̇здто жа сздто жа бораан̣аго жа, д̇вам̣ бана ганидто, д̇асмаа маг̇г̇аа уяяаахийд̇и вад̣̇ад̇и. наби баад̇ируубаад̇и ахан̃хи д̇з нзва яаажанааяа на бад̇ируубаважанзна маг̇г̇аарахад̇ааяа маг̇г̇ам̣ д̣̇ад̣̇зяяам̣. анувисадод̇и ахам̣ жад̇ассо д̣̇исаа жад̇ассо ануд̣̇исаад̇и саб̣б̣аа д̣̇исаа ад̇д̇ано г̇ун̣зна бад̇т̇адо бан̃н̃аад̇о баагадо. лохзнаад̇и аяамудтигзна. хан̃чад̇ийд̇и ханиссад̇и. д̇увам̣ яуд̣̇д̇хаб̣ало ад̇хаммаад̇и сажз д̇вам̣ яуд̣̇д̇хаб̣алоси ад̇хамма. вуд̣дхаа жа г̇аруу жаад̇и яад̣̇и д̇уяхам̣ ‘‘имз вуд̣дхаа, имз г̇аруу бан̣д̣ид̇аа’’д̇и звам̣ над̇т̇и. бияааббиязнаад̇и биязнааби аббиязнааби д̣̇ад̣̇анд̇о биязна вияа д̇з маг̇г̇ам̣ д̣̇ад̣̇аамийд̇и ад̇т̇о.
Tattha sa kissa hetumhi tavajja dajjanti somhi ahaṃ adhammo adhammayānaṃ rathaṃ āruḷho abhīto balavā. Kiṃkāraṇā ajja bho dhamma, kassaci adinnapubbaṃ maggaṃ tuyhaṃ dammīti. Pubbeti paṭhamakappikakāle imasmiṃ loke dasakusalakammapathadhammo ca pubbe pāturahosi, pacchā adhammo. Jeṭṭho cāti pure nibbattabhāvena ahaṃ jeṭṭho ca seṭṭho ca porāṇako ca, tvaṃ pana kaniṭṭho, tasmā maggā uyyāhīti vadati. Napi pātirūpāti ahañhi te neva yācanāya na patirūpavacanena maggārahatāya maggaṃ dadeyyaṃ. Anuvisaṭoti ahaṃ catasso disā catasso anudisāti sabbā disā attano guṇena patthaṭo paññāto pākaṭo. Lohenāti ayamuṭṭhikena. Hañchatīti hanissati. Tuvaṃ yuddhabalo adhammāti sace tvaṃ yuddhabalosi adhamma. Vuḍḍhā ca garū cāti yadi tuyhaṃ ‘‘ime vuḍḍhā, ime garū paṇḍitā’’ti evaṃ natthi. Piyāppiyenāti piyenāpi appiyenāpi dadanto piyena viya te maggaṃ dadāmīti attho.
б̣од̇хисад̇д̇зна бана имааяа г̇аат̇ааяа гат̇ид̇агкан̣зязва ад̇хаммо рат̇з таад̇ум̣ асаггонд̇о авам̣сиро бат̇авияам̣ бад̇ид̇ваа бат̇авияаа виварз д̣̇иннз г̇анд̇ваа авийжимхиязва ниб̣б̣ад̇д̇и. зд̇амад̇т̇ам̣ вид̣̇ид̇ваа бхаг̇аваа абхисамб̣уд̣̇д̇хо худ̇ваа сзсаг̇аат̇аа абхааси –
Bodhisattena pana imāya gāthāya kathitakkhaṇeyeva adhammo rathe ṭhātuṃ asakkonto avaṃsiro pathaviyaṃ patitvā pathaviyā vivare dinne gantvā avīcimhiyeva nibbatti. Etamatthaṃ viditvā bhagavā abhisambuddho hutvā sesagāthā abhāsi –
33.
33.
‘‘ид̣̇ан̃жа суд̇ваа важанам̣ ад̇хаммо, авам̣сиро бад̇ид̇о уд̣̇д̇хабаад̣̇о;
‘‘Idañca sutvā vacanaṃ adhammo, avaṃsiro patito uddhapādo;
яуд̣̇д̇хад̇т̇иго жз на лабхаами яуд̣̇д̇хам̣, зд̇д̇аавад̇аа ход̇и хад̇о ад̇хаммо.
Yuddhatthiko ce na labhāmi yuddhaṃ, ettāvatā hoti hato adhammo.
34.
34.
‘‘канд̇ийб̣ало яуд̣̇д̇хаб̣алам̣ виж̇зд̇ваа, ханд̇ваа ад̇хаммам̣ ниханид̇ва бхуумяаа;
‘‘Khantībalo yuddhabalaṃ vijetvā, hantvā adhammaṃ nihanitva bhūmyā;
бааяааси вид̇д̇о абхируяха санд̣̇анам̣, маг̇г̇знзва ад̇иб̣ало сажжаниггамо.
Pāyāsi vitto abhiruyha sandanaṃ, maggeneva atibalo saccanikkamo.
35.
35.
‘‘маад̇аа бид̇аа саман̣аб̣раахман̣аа жа, асаммаанид̇аа яасса сагз аг̇аарз;
‘‘Mātā pitā samaṇabrāhmaṇā ca, asammānitā yassa sake agāre;
ид̇хзва нигкибба сарийрад̣̇зхам̣, гааяасса бхзд̣̇аа нираяам̣ важ̇анд̇и д̇з;
Idheva nikkhippa sarīradehaṃ, kāyassa bhedā nirayaṃ vajanti te;
яат̇аа ад̇хаммо бад̇ид̇о авам̣сиро.
Yathā adhammo patito avaṃsiro.
36.
36.
‘‘маад̇аа бид̇аа саман̣аб̣раахман̣аа жа, сусаммаанид̇аа яасса сагз аг̇аарз;
‘‘Mātā pitā samaṇabrāhmaṇā ca, susammānitā yassa sake agāre;
ид̇хзва нигкибба сарийрад̣̇зхам̣, гааяасса бхзд̣̇аа суг̇ад̇им̣ важ̇анд̇и д̇з;
Idheva nikkhippa sarīradehaṃ, kāyassa bhedā sugatiṃ vajanti te;
яат̇ааби д̇хаммо абхируяха санд̣̇ана’’нд̇и.
Yathāpi dhammo abhiruyha sandana’’nti.
д̇ад̇т̇а яуд̣̇д̇хад̇т̇иго жзд̇и аяам̣ д̇асса вилаабо, со гирзвам̣ вилабанд̇оязва бад̇ид̇ваа бат̇авим̣ бавидто . зд̇д̇аавад̇аад̇и бхигкавз, яаавад̇аа бат̇авим̣ бавидто, д̇аавад̇аа ад̇хаммо хад̇о наама ход̇и. канд̇ийб̣алод̇и бхигкавз, звам̣ ад̇хаммо бат̇авим̣ бавидто ад̇хиваасанаканд̇ийб̣ало д̇ам̣ яуд̣̇д̇хаб̣алам̣ виж̇зд̇ваа вад̇хид̇ваа бхуумияам̣ ниханид̇ваа баад̇зд̇ваа вид̇д̇аж̇аад̇ад̇ааяа вид̇д̇о ад̇д̇ано рат̇ам̣ ааруяха маг̇г̇знзва сажжаниггамо д̇ат̇абараггамо д̇хаммад̣̇звабуд̇д̇о бааяааси. асаммаанид̇аад̇и асаггад̇аа. сарийрад̣̇зханд̇и имасмим̣язва логз сарийрасан̇каад̇ам̣ д̣̇зхам̣ нигкибид̇ваа. нираяам̣ важ̇анд̇ийд̇и яасса баабабуг̇г̇аласса зд̇з саггаараарахаа г̇зхз асаггад̇аа, д̇ат̇ааруубаа яат̇аа ад̇хаммо бад̇ид̇о авам̣сиро, звам̣ авам̣сираа нираяам̣ важ̇анд̇ийд̇и ад̇т̇о. суг̇ад̇им̣ важ̇анд̇ийд̇и яасса банзд̇з саггад̇аа, д̇аад̣̇исаа бан̣д̣ид̇аа яат̇ааби д̇хаммо санд̣̇анам̣ абхируяха д̣̇звалогам̣ г̇ад̇о, звам̣ суг̇ад̇им̣ важ̇анд̇ийд̇и.
Tattha yuddhatthiko ceti ayaṃ tassa vilāpo, so kirevaṃ vilapantoyeva patitvā pathaviṃ paviṭṭho . Ettāvatāti bhikkhave, yāvatā pathaviṃ paviṭṭho, tāvatā adhammo hato nāma hoti. Khantībaloti bhikkhave, evaṃ adhammo pathaviṃ paviṭṭho adhivāsanakhantībalo taṃ yuddhabalaṃ vijetvā vadhitvā bhūmiyaṃ nihanitvā pātetvā vittajātatāya vitto attano rathaṃ āruyha maggeneva saccanikkamo tathaparakkamo dhammadevaputto pāyāsi. Asammānitāti asakkatā. Sarīradehanti imasmiṃyeva loke sarīrasaṅkhātaṃ dehaṃ nikkhipitvā. Nirayaṃ vajantīti yassa pāpapuggalassa ete sakkārārahā gehe asakkatā, tathārūpā yathā adhammo patito avaṃsiro, evaṃ avaṃsirā nirayaṃ vajantīti attho. Sugatiṃ vajantīti yassa panete sakkatā, tādisā paṇḍitā yathāpi dhammo sandanaṃ abhiruyha devalokaṃ gato, evaṃ sugatiṃ vajantīti.
сад̇т̇аа звам̣ д̇хаммам̣ д̣̇зсзд̇ваа ‘‘на, бхигкавз, ид̣̇аанзва, буб̣б̣зби д̣̇звад̣̇ад̇д̇о маяаа сад̣̇д̇хим̣ бадивируж̇жхид̇ваа бат̇авим̣ бавидто’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа ад̇хаммо д̣̇звабуд̇д̇о д̣̇звад̣̇ад̇д̇о ахоси, барисаабисса д̣̇звад̣̇ад̇д̇абарисаа, д̇хаммо бана ахамзва, барисаа б̣уд̣̇д̇хабарисааязваа’’д̇и.
Satthā evaṃ dhammaṃ desetvā ‘‘na, bhikkhave, idāneva, pubbepi devadatto mayā saddhiṃ paṭivirujjhitvā pathaviṃ paviṭṭho’’ti vatvā jātakaṃ samodhānesi – ‘‘tadā adhammo devaputto devadatto ahosi, parisāpissa devadattaparisā, dhammo pana ahameva, parisā buddhaparisāyevā’’ti.
д̇хаммад̣̇звабуд̇д̇аж̇аад̇агаван̣н̣анаа д̇ад̇ияаа.
Dhammadevaputtajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 457. д̇хаммад̣̇звабуд̇д̇аж̇аад̇агам̣ • 457. Dhammadevaputtajātakaṃ
