| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[220] 10. д̇хаммад̇хаж̇аж̇аад̇агаван̣н̣анаа
[220] 10. Dhammadhajajātakavaṇṇanā
сукам̣ ж̇ийвид̇аруубосийд̇и ид̣̇ам̣ сад̇т̇аа взл̣уванз вихаранд̇о д̣̇звад̣̇ад̇д̇асса вад̇хааяа барисагганам̣ аараб̣бха гат̇зси. д̇ад̣̇аа хи сад̇т̇аа ‘‘на, бхигкавз, ид̣̇аанзва, буб̣б̣зби д̣̇звад̣̇ад̇д̇о маяхам̣ вад̇хааяа барисаггиязва, санд̇аасамад̇д̇амби бана гаад̇ум̣ наасагкий’’д̇и вад̇ваа ад̇ийд̇ам̣ аахари.
Sukhaṃ jīvitarūposīti idaṃ satthā veḷuvane viharanto devadattassa vadhāya parisakkanaṃ ārabbha kathesi. Tadā hi satthā ‘‘na, bhikkhave, idāneva, pubbepi devadatto mayhaṃ vadhāya parisakkiyeva, santāsamattampi pana kātuṃ nāsakkhī’’ti vatvā atītaṃ āhari.
ад̇ийд̇з б̣аараан̣асияам̣ яасабаан̣и наама рааж̇аа раж̇ж̇ам̣ гаарзси, гаал̣аго наамасса сзнаабад̇и ахоси. д̇ад̣̇аа б̣од̇хисад̇д̇о д̇ассзва бурохид̇о ахоси наамзна д̇хаммад̇хаж̇о наама, ран̃н̃о бана сийсаббасаад̇ханагаббаго чад̇д̇абаан̣и наама. рааж̇аа д̇хаммзна раж̇ж̇ам̣ гаарзд̇и, сзнаабад̇и банасса винижчаяам̣ гаронд̇о лан̃ж̇ам̣ каад̣̇ад̇и барабидтимам̣сиго, лан̃ж̇ам̣ г̇ахзд̇ваа ассаамигз саамигз гарод̇и. ат̇згад̣̇ивасам̣ винижчаяз барааж̇ид̇о мануссо б̣аахаа баг̇г̇аяха ганд̣̇анд̇о винижчаяаа нигканд̇о рааж̇убадтаанам̣ г̇ажчанд̇ам̣ б̣од̇хисад̇д̇ам̣ д̣̇исваа д̇асса баад̣̇зсу бад̇ид̇ваа ‘‘д̇умхаад̣̇исзсу наама, саами, ран̃н̃о ад̇т̇ан̃жа д̇хамман̃жа анусаасанд̇зсу гаал̣агасзнаабад̇и лан̃ж̇ам̣ г̇ахзд̇ваа ассаамигз саамигз гарод̇ий’’д̇и ад̇д̇ано барааж̇ид̇абхаавам̣ б̣од̇хисад̇д̇асса гат̇зси. б̣од̇хисад̇д̇о гаарун̃н̃ам̣ уббаад̣̇зд̇ваа ‘‘зхи бхан̣з, ад̣д̣ам̣ д̇з винижчиниссаамий’’д̇и д̇ам̣ г̇ахзд̇ваа винижчаяадтаанам̣ аг̇амааси. махааж̇ано саннибад̇и, б̣од̇хисад̇д̇о д̇ам̣ ад̣д̣ам̣ бадивинижчинид̇ваа саамиган̃н̃зва саамигам̣ агааси.
Atīte bārāṇasiyaṃ yasapāṇi nāma rājā rajjaṃ kāresi, kāḷako nāmassa senāpati ahosi. Tadā bodhisatto tasseva purohito ahosi nāmena dhammadhajo nāma, rañño pana sīsappasādhanakappako chattapāṇi nāma. Rājā dhammena rajjaṃ kāreti, senāpati panassa vinicchayaṃ karonto lañjaṃ khādati parapiṭṭhimaṃsiko, lañjaṃ gahetvā assāmike sāmike karoti. Athekadivasaṃ vinicchaye parājito manusso bāhā paggayha kandanto vinicchayā nikkhanto rājupaṭṭhānaṃ gacchantaṃ bodhisattaṃ disvā tassa pādesu patitvā ‘‘tumhādisesu nāma, sāmi, rañño atthañca dhammañca anusāsantesu kāḷakasenāpati lañjaṃ gahetvā assāmike sāmike karotī’’ti attano parājitabhāvaṃ bodhisattassa kathesi. Bodhisatto kāruññaṃ uppādetvā ‘‘ehi bhaṇe, aḍḍaṃ te vinicchinissāmī’’ti taṃ gahetvā vinicchayaṭṭhānaṃ agamāsi. Mahājano sannipati, bodhisatto taṃ aḍḍaṃ paṭivinicchinitvā sāmikaññeva sāmikaṃ akāsi.
махааж̇ано саад̇хугаарам̣ ад̣̇ааси, со сад̣̇д̣̇о махаа ахоси. рааж̇аа д̇ам̣ суд̇ваа ‘‘гим̣ сад̣̇д̣̇о наамзсо’’д̇и бужчи. ‘‘д̣̇зва, д̇хаммад̇хаж̇абан̣д̣ид̇зна д̣̇уб̣б̣инижчид̇о ад̣д̣о сувинижчид̇о, д̇ад̇рзса саад̇хугаарасад̣̇д̣̇о’’д̇и. рааж̇аа д̇удто б̣од̇хисад̇д̇ам̣ баггосаабзд̇ваа ‘‘ад̣д̣о гира д̇з аажарияа винижчид̇о’’д̇и бужчи. ‘‘аама, махаарааж̇а, гаал̣агзна д̣̇уб̣б̣инижчид̇ам̣ ад̣д̣ам̣ винижчини’’нд̇и вуд̇д̇з ‘‘ид̇о д̣̇аани бадтааяа д̇умхзва ад̣д̣ам̣ винижчинат̇а, маяхан̃жа ган̣н̣асукам̣ бхависсад̇и логасса жа вуд̣дхий’’д̇и вад̇ваа анижчанд̇амби д̇ам̣ ‘‘сад̇д̇аануд̣̇д̣̇аяааяа винижчаяз нисийд̣̇ат̇аа’’д̇и яаажид̇ваа самбадижчаабзси. д̇ад̇о бадтааяа б̣од̇хисад̇д̇о винижчаяз нисийд̣̇ад̇и, саамигзязва саамигз гарод̇и.
Mahājano sādhukāraṃ adāsi, so saddo mahā ahosi. Rājā taṃ sutvā ‘‘kiṃ saddo nāmeso’’ti pucchi. ‘‘Deva, dhammadhajapaṇḍitena dubbinicchito aḍḍo suvinicchito, tatresa sādhukārasaddo’’ti. Rājā tuṭṭho bodhisattaṃ pakkosāpetvā ‘‘aḍḍo kira te ācariya vinicchito’’ti pucchi. ‘‘Āma, mahārāja, kāḷakena dubbinicchitaṃ aḍḍaṃ vinicchini’’nti vutte ‘‘ito dāni paṭṭhāya tumheva aḍḍaṃ vinicchinatha, mayhañca kaṇṇasukhaṃ bhavissati lokassa ca vuḍḍhī’’ti vatvā anicchantampi taṃ ‘‘sattānuddayāya vinicchaye nisīdathā’’ti yācitvā sampaṭicchāpesi. Tato paṭṭhāya bodhisatto vinicchaye nisīdati, sāmikeyeva sāmike karoti.
гаал̣аго д̇ад̇о бадтааяа лан̃ж̇ам̣ алабханд̇о лаабхад̇о барихааяид̇ваа б̣од̇хисад̇д̇асса аагхаад̇ам̣ б̣анд̇хид̇ваа ‘‘махаарааж̇а, д̇хаммад̇хаж̇абан̣д̣ид̇о д̇ава раж̇ж̇ам̣ бад̇т̇зд̇ий’’д̇и б̣од̇хисад̇д̇ам̣ ран̃н̃о анд̇арз барибхинд̣̇и. рааж̇аа асад̣̇д̣̇аханд̇о ‘‘маа звам̣ аважаа’’д̇и бадигкибид̇ваа буна д̇зна ‘‘сажз мз на сад̣̇д̣̇ахат̇а, д̇ассааг̇аманагаалз ваад̇абаанзна ологзт̇а. ат̇аанзна сагаланаг̇арасса ад̇д̇ано хад̇т̇з гад̇абхаавам̣ бассиссат̇аа’’д̇и вуд̇д̇з рааж̇аа д̇асса ад̣д̣агаарагабарисам̣ д̣̇исваа ‘‘зд̇ассзва барисаа’’д̇и сан̃н̃ааяа бхиж̇ж̇ид̇ваа ‘‘гим̣ гарома сзнаабад̇ий’’д̇и бужчи. ‘‘д̣̇зва, зд̇ам̣ маарзд̇ум̣ ваддад̇ий’’д̇и . ‘‘ол̣ааригад̣̇осам̣ абассанд̇аа гат̇ам̣ маарзссаамаа’’д̇и? ‘‘ад̇т̇зго убааяо’’д̇и. ‘‘гад̇аруубааяо’’д̇и. ‘‘асаяхамасса гаммам̣ ааробзд̇ваа д̇ам̣ гаад̇ум̣ асаггонд̇ам̣ д̇ам̣ д̇зна д̣̇осзна маарзссаамаа’’д̇и. ‘‘гим̣ бана асаяхагамма’’нд̇и? ‘‘махаарааж̇а, уяяаанам̣ наама саарабхуумияам̣ робид̇ам̣ бадиж̇аг̇г̇ияамаанам̣ д̇ийхи жад̇уухи сам̣важчарзхи палам̣ д̣̇зд̇и. д̇умхз д̇ам̣ баггосаабзд̇ваа ‘свз уяяаанам̣ гийл̣иссаама, уяяаанам̣ мз маабзхий’д̇и вад̣̇ат̇а, со маабзд̇ум̣ на сагкиссад̇и. ат̇а нам̣ д̇асмим̣ д̣̇осз маарзссаамаа’’д̇и.
Kāḷako tato paṭṭhāya lañjaṃ alabhanto lābhato parihāyitvā bodhisattassa āghātaṃ bandhitvā ‘‘mahārāja, dhammadhajapaṇḍito tava rajjaṃ patthetī’’ti bodhisattaṃ rañño antare paribhindi. Rājā asaddahanto ‘‘mā evaṃ avacā’’ti paṭikkhipitvā puna tena ‘‘sace me na saddahatha, tassāgamanakāle vātapānena oloketha. Athānena sakalanagarassa attano hatthe katabhāvaṃ passissathā’’ti vutte rājā tassa aḍḍakārakaparisaṃ disvā ‘‘etasseva parisā’’ti saññāya bhijjitvā ‘‘kiṃ karoma senāpatī’’ti pucchi. ‘‘Deva, etaṃ māretuṃ vaṭṭatī’’ti . ‘‘Oḷārikadosaṃ apassantā kathaṃ māressāmā’’ti? ‘‘Attheko upāyo’’ti. ‘‘Katarūpāyo’’ti. ‘‘Asayhamassa kammaṃ āropetvā taṃ kātuṃ asakkontaṃ taṃ tena dosena māressāmā’’ti. ‘‘Kiṃ pana asayhakamma’’nti? ‘‘Mahārāja, uyyānaṃ nāma sārabhūmiyaṃ ropitaṃ paṭijaggiyamānaṃ tīhi catūhi saṃvaccharehi phalaṃ deti. Tumhe taṃ pakkosāpetvā ‘sve uyyānaṃ kīḷissāma, uyyānaṃ me māpehī’ti vadatha, so māpetuṃ na sakkhissati. Atha naṃ tasmiṃ dose māressāmā’’ti.
рааж̇аа б̣од̇хисад̇д̇ам̣ ааманд̇зд̇ваа ‘‘бан̣д̣ид̇а, маяхам̣ бураан̣ауяяаанз жирам̣ гийл̣имха, ид̣̇аани навауяяаанз гийл̣ид̇угаамамха, свз гийл̣иссаама, уяяаанам̣ но маабзхи, сажз маабзд̇ум̣ на сагкиссаси, ж̇ийвид̇ам̣ д̇з над̇т̇ий’’д̇и. б̣од̇хисад̇д̇о ‘‘гаал̣агзна лан̃ж̇ам̣ алабхамаанзна рааж̇аа анд̇арз барибхинно бхависсад̇ий’’д̇и н̃ад̇ваа ‘‘саггонд̇о ж̇ааниссаами, махаарааж̇аа’’д̇и вад̇ваа г̇зхам̣ г̇анд̇ваа субхож̇анам̣ бхун̃ж̇ид̇ваа жинд̇аяамаано саяанз нибаж̇ж̇и, саггасса бхаванам̣ ун̣хаагаарам̣ д̣̇ассзси. сагго ааваж̇ж̇знд̇о б̣од̇хисад̇д̇асса жид̇д̇ам̣ н̃ад̇ваа взг̇знааг̇анд̇ваа сириг̇аб̣бхам̣ бависид̇ваа аагаасз тад̇ваа ‘‘гим̣ жинд̇зси бан̣д̣ид̇аа’’д̇и бужчи. ‘‘госи д̇ва’’нд̇и? ‘‘саггохамасмий’’д̇и. ‘‘рааж̇аа мам̣ ‘уяяаанам̣ маабзхий’д̇и ааха, д̇ам̣ жинд̇змий’’д̇и. ‘‘бан̣д̣ид̇а, маа жинд̇аяи, ахам̣ д̇з нанд̣̇анаванажид̇д̇алад̇ааванасад̣̇исам̣ уяяаанам̣ маабзссаами, гад̇арасмим̣ таанз маабзмий’’д̇и? ‘‘асугадтаанз маабзхий’’д̇и. сагго маабзд̇ваа д̣̇звабурамзва г̇ад̇о.
Rājā bodhisattaṃ āmantetvā ‘‘paṇḍita, mayhaṃ purāṇauyyāne ciraṃ kīḷimha, idāni navauyyāne kīḷitukāmamha, sve kīḷissāma, uyyānaṃ no māpehi, sace māpetuṃ na sakkhissasi, jīvitaṃ te natthī’’ti. Bodhisatto ‘‘kāḷakena lañjaṃ alabhamānena rājā antare paribhinno bhavissatī’’ti ñatvā ‘‘sakkonto jānissāmi, mahārājā’’ti vatvā gehaṃ gantvā subhojanaṃ bhuñjitvā cintayamāno sayane nipajji, sakkassa bhavanaṃ uṇhākāraṃ dassesi. Sakko āvajjento bodhisattassa cittaṃ ñatvā vegenāgantvā sirigabbhaṃ pavisitvā ākāse ṭhatvā ‘‘kiṃ cintesi paṇḍitā’’ti pucchi. ‘‘Kosi tva’’nti? ‘‘Sakkohamasmī’’ti. ‘‘Rājā maṃ ‘uyyānaṃ māpehī’ti āha, taṃ cintemī’’ti. ‘‘Paṇḍita, mā cintayi, ahaṃ te nandanavanacittalatāvanasadisaṃ uyyānaṃ māpessāmi, katarasmiṃ ṭhāne māpemī’’ti? ‘‘Asukaṭṭhāne māpehī’’ti. Sakko māpetvā devapurameva gato.
бунад̣̇ивасз б̣од̇хисад̇д̇о уяяаанам̣ бажжагкад̇о д̣̇исваа г̇анд̇ваа ран̃н̃о аарожзси – ‘‘нидтид̇ам̣ д̇з, махаарааж̇а, уяяаанам̣, гийл̣ассуу’’д̇и. рааж̇аа г̇анд̇ваа адтаарасахад̇т̇зна маносилааван̣н̣зна баагаарзна баригкид̇д̇ам̣ д̣̇ваараддаалагасамбаннам̣ бубпапалабхаарабхарид̇анаанааругкабадиман̣д̣ид̇ам̣ уяяаанам̣ д̣̇исваа гаал̣агам̣ бужчи – ‘‘бан̣д̣ид̇зна амхаагам̣ важанам̣ гад̇ам̣, ид̣̇аани гим̣ гаромаа’’д̇и. ‘‘махаарааж̇а, згарад̇д̇зна уяяаанам̣ маабзд̇ум̣ саггонд̇о раж̇ж̇ам̣ г̇ахзд̇ум̣ гим̣ на саггод̇ий’’д̇и? ‘‘ид̣̇аани гим̣ гаромаа’’д̇и? ‘‘абарамби нам̣ асаяхагаммам̣ гаарзмаа’’д̇и. ‘‘гим̣ гаммам̣ наамаа’’д̇и? ‘‘сад̇д̇арад̇анамаяам̣ богкаран̣им̣ маабзмаа’’д̇и. рааж̇аа ‘‘саад̇хуу’’д̇и б̣од̇хисад̇д̇ам̣ ааманд̇зд̇ваа ‘‘аажарияа, уяяаанам̣ д̇аава д̇з маабид̇ам̣ , зд̇асса бана анужчавигам̣ сад̇д̇арад̇анамаяам̣ богкаран̣им̣ маабзхи. сажз маабзд̇ум̣ на сагкиссаси, ж̇ийвид̇ам̣ д̇з над̇т̇ий’’д̇и ааха. б̣од̇хисад̇д̇о ‘‘саад̇ху, махаарааж̇а, саггонд̇о маабзссаамий’’д̇и ааха. ат̇асса сагго богкаран̣им̣ маабзси собхаг̇г̇аббад̇д̇ам̣ сад̇ад̇ид̇т̇ам̣ сахассаван̇гам̣ бан̃жаван̣н̣абад̣̇умасан̃чаннам̣ нанд̣̇анабогкаран̣исад̣̇исам̣.
Punadivase bodhisatto uyyānaṃ paccakkhato disvā gantvā rañño ārocesi – ‘‘niṭṭhitaṃ te, mahārāja, uyyānaṃ, kīḷassū’’ti. Rājā gantvā aṭṭhārasahatthena manosilāvaṇṇena pākārena parikkhittaṃ dvāraṭṭālakasampannaṃ pupphaphalabhārabharitanānārukkhapaṭimaṇḍitaṃ uyyānaṃ disvā kāḷakaṃ pucchi – ‘‘paṇḍitena amhākaṃ vacanaṃ kataṃ, idāni kiṃ karomā’’ti. ‘‘Mahārāja, ekarattena uyyānaṃ māpetuṃ sakkonto rajjaṃ gahetuṃ kiṃ na sakkotī’’ti? ‘‘Idāni kiṃ karomā’’ti? ‘‘Aparampi naṃ asayhakammaṃ kāremā’’ti. ‘‘Kiṃ kammaṃ nāmā’’ti? ‘‘Sattaratanamayaṃ pokkharaṇiṃ māpemā’’ti. Rājā ‘‘sādhū’’ti bodhisattaṃ āmantetvā ‘‘ācariya, uyyānaṃ tāva te māpitaṃ , etassa pana anucchavikaṃ sattaratanamayaṃ pokkharaṇiṃ māpehi. Sace māpetuṃ na sakkhissasi, jīvitaṃ te natthī’’ti āha. Bodhisatto ‘‘sādhu, mahārāja, sakkonto māpessāmī’’ti āha. Athassa sakko pokkharaṇiṃ māpesi sobhaggappattaṃ satatitthaṃ sahassavaṅkaṃ pañcavaṇṇapadumasañchannaṃ nandanapokkharaṇisadisaṃ.
бунад̣̇ивасз б̣од̇хисад̇д̇о д̇амби бажжагкам̣ гад̇ваа ран̃н̃о аарожзси – ‘‘маабид̇аа, д̣̇зва, богкаран̣ий’’д̇и. рааж̇аа д̇амби д̣̇исваа ‘‘ид̣̇аани гим̣ гаромаа’’д̇и гаал̣агам̣ бужчи. ‘‘уяяаанасса анужчавигам̣ г̇зхам̣ маабзд̇ум̣ аан̣аабзхи, д̣̇зваа’’д̇и. рааж̇аа б̣од̇хисад̇д̇ам̣ ааманд̇зд̇ваа ‘‘ид̣̇аани, аажарияа, имасса уяяаанасса жзва богкаран̣ияаа жа анужчавигам̣ саб̣б̣ад̣̇анд̇амаяам̣ г̇зхам̣ маабзхи, но жз маабзссаси, ж̇ийвид̇ам̣ д̇з над̇т̇ий’’д̇и ааха. ат̇асса сагго г̇зхамби маабзси. б̣од̇хисад̇д̇о бунад̣̇ивасз д̇амби бажжагкам̣ гад̇ваа ран̃н̃о аарожзси. рааж̇аа д̇амби д̣̇исваа ‘‘ид̣̇аани гим̣ гаромаа’’д̇и гаал̣агам̣ бужчи. ‘‘г̇зхасса анужчавигам̣ ман̣им̣ маабзд̇ум̣ аан̣аабзхи, махаарааж̇аа’’д̇и ааха. рааж̇аа б̣од̇хисад̇д̇ам̣ ааманд̇зд̇ваа ‘‘бан̣д̣ид̇а, имасса д̣̇анд̇амаяаг̇зхасса анужчавигам̣ ман̣им̣ маабзхи, ман̣иаалогзна вижариссаама. сажз маабзд̇ум̣ на саггоси, ж̇ийвид̇ам̣ д̇з над̇т̇ий’’д̇и ааха. ат̇асса сагго ман̣имби маабзси.
Punadivase bodhisatto tampi paccakkhaṃ katvā rañño ārocesi – ‘‘māpitā, deva, pokkharaṇī’’ti. Rājā tampi disvā ‘‘idāni kiṃ karomā’’ti kāḷakaṃ pucchi. ‘‘Uyyānassa anucchavikaṃ gehaṃ māpetuṃ āṇāpehi, devā’’ti. Rājā bodhisattaṃ āmantetvā ‘‘idāni, ācariya, imassa uyyānassa ceva pokkharaṇiyā ca anucchavikaṃ sabbadantamayaṃ gehaṃ māpehi, no ce māpessasi, jīvitaṃ te natthī’’ti āha. Athassa sakko gehampi māpesi. Bodhisatto punadivase tampi paccakkhaṃ katvā rañño ārocesi. Rājā tampi disvā ‘‘idāni kiṃ karomā’’ti kāḷakaṃ pucchi. ‘‘Gehassa anucchavikaṃ maṇiṃ māpetuṃ āṇāpehi, mahārājā’’ti āha. Rājā bodhisattaṃ āmantetvā ‘‘paṇḍita, imassa dantamayagehassa anucchavikaṃ maṇiṃ māpehi, maṇiālokena vicarissāma. Sace māpetuṃ na sakkosi, jīvitaṃ te natthī’’ti āha. Athassa sakko maṇimpi māpesi.
б̣од̇хисад̇д̇о бунад̣̇ивасз д̇ам̣ бажжагкам̣ гад̇ваа ран̃н̃о аарожзси . рааж̇аа д̇амби д̣̇исваа ‘‘ид̣̇аани гим̣ гариссаамаа’’д̇и гаал̣агам̣ бужчи. ‘‘махаарааж̇а, д̇хаммад̇хаж̇аб̣раахман̣асса ижчид̇ижчид̇ад̣̇ааяигаа д̣̇звад̇аа ад̇т̇и ман̃н̃з, ид̣̇аани яам̣ д̣̇звад̇ааби маабзд̇ум̣ на саггод̇и, д̇ам̣ аан̣аабзхи. жад̇уран̇г̇асаманнааг̇ад̇ам̣ наама мануссам̣ д̣̇звад̇ааби маабзд̇ум̣ на саггод̇и, д̇асмаа ‘жад̇уран̇г̇асаманнааг̇ад̇ам̣ мз уяяаанабаалам̣ маабзхий’д̇и д̇ам̣ вад̣̇аахий’’д̇и. рааж̇аа б̣од̇хисад̇д̇ам̣ ааманд̇зд̇ваа ‘‘аажарияа, д̇аяаа амхаагам̣ уяяаанам̣, богкаран̣ий, д̣̇анд̇амаяабаасаад̣̇о, д̇асса аалогагаран̣ад̇т̇ааяа ман̣ирад̇анан̃жа маабид̇ам̣, ид̣̇аани мз уяяаанарагкагам̣ жад̇уран̇г̇асаманнааг̇ад̇ам̣ уяяаанабаалам̣ маабзхи, но жз маабзссаси, ж̇ийвид̇ам̣ д̇з над̇т̇ий’’д̇и ааха. б̣од̇хисад̇д̇о ‘‘ход̇у, лабхамаано ж̇ааниссаамий’’д̇и г̇зхам̣ г̇анд̇ваа субхож̇анам̣ бхун̃ж̇ид̇ваа нибанно бажжуусагаалз баб̣уж̇жхид̇ваа саяанабийтз нисинно жинд̇зси – ‘‘сагго д̣̇зварааж̇аа яам̣ ад̇д̇анаа саггаа маабзд̇ум̣, д̇ам̣ маабзси, жад̇уран̇г̇асаманнааг̇ад̇ам̣ бана уяяаанабаалам̣ на саггаа маабзд̇ум̣, звам̣ санд̇з барзсам̣ хад̇т̇з маран̣ад̇о аран̃н̃з анаат̇амаран̣амзва варад̇ара’’нд̇и. со гассажи анаарожзд̇ваа баасаад̣̇аа од̇арид̇ваа аг̇г̇ад̣̇ваарзнзва наг̇араа нигкамид̇ваа аран̃н̃ам̣ бависид̇ваа ан̃н̃ад̇арасмим̣ ругкамуулз сад̇ам̣ д̇хаммам̣ ааваж̇ж̇амаано нисийд̣̇и.
Bodhisatto punadivase taṃ paccakkhaṃ katvā rañño ārocesi . Rājā tampi disvā ‘‘idāni kiṃ karissāmā’’ti kāḷakaṃ pucchi. ‘‘Mahārāja, dhammadhajabrāhmaṇassa icchiticchitadāyikā devatā atthi maññe, idāni yaṃ devatāpi māpetuṃ na sakkoti, taṃ āṇāpehi. Caturaṅgasamannāgataṃ nāma manussaṃ devatāpi māpetuṃ na sakkoti, tasmā ‘caturaṅgasamannāgataṃ me uyyānapālaṃ māpehī’ti taṃ vadāhī’’ti. Rājā bodhisattaṃ āmantetvā ‘‘ācariya, tayā amhākaṃ uyyānaṃ, pokkharaṇī, dantamayapāsādo, tassa ālokakaraṇatthāya maṇiratanañca māpitaṃ, idāni me uyyānarakkhakaṃ caturaṅgasamannāgataṃ uyyānapālaṃ māpehi, no ce māpessasi, jīvitaṃ te natthī’’ti āha. Bodhisatto ‘‘hotu, labhamāno jānissāmī’’ti gehaṃ gantvā subhojanaṃ bhuñjitvā nipanno paccūsakāle pabujjhitvā sayanapīṭhe nisinno cintesi – ‘‘sakko devarājā yaṃ attanā sakkā māpetuṃ, taṃ māpesi, caturaṅgasamannāgataṃ pana uyyānapālaṃ na sakkā māpetuṃ, evaṃ sante paresaṃ hatthe maraṇato araññe anāthamaraṇameva varatara’’nti. So kassaci anārocetvā pāsādā otaritvā aggadvāreneva nagarā nikkhamitvā araññaṃ pavisitvā aññatarasmiṃ rukkhamūle sataṃ dhammaṃ āvajjamāno nisīdi.
сагго д̇ам̣ гааран̣ам̣ н̃ад̇ваа ванажараго вияа худ̇ваа б̣од̇хисад̇д̇ам̣ убасан̇гамид̇ваа ‘‘б̣раахман̣а, д̇вам̣ сукумаало, ад̣̇идтабуб̣б̣ад̣̇угкаруубо вияа имам̣ аран̃н̃ам̣ бависид̇ваа гим̣ гаронд̇о нисинносий’’д̇и имамад̇т̇ам̣ бужчанд̇о батамам̣ г̇аат̇амааха –
Sakko taṃ kāraṇaṃ ñatvā vanacarako viya hutvā bodhisattaṃ upasaṅkamitvā ‘‘brāhmaṇa, tvaṃ sukhumālo, adiṭṭhapubbadukkharūpo viya imaṃ araññaṃ pavisitvā kiṃ karonto nisinnosī’’ti imamatthaṃ pucchanto paṭhamaṃ gāthamāha –
136.
136.
‘‘сукам̣ ж̇ийвид̇аруубоси, радтаа виванамааг̇ад̇о;
‘‘Sukhaṃ jīvitarūposi, raṭṭhā vivanamāgato;
со згаго ругкамуулз, габан̣о вияа жхааяасий’’д̇и.
So ekako rukkhamūle, kapaṇo viya jhāyasī’’ti.
д̇ад̇т̇а сукам̣ ж̇ийвид̇аруубосийд̇и д̇вам̣ сукзна ж̇ийвид̇асад̣̇исо сукзд̇хид̇о сукабарихад̇о вияа. радтаад̇и аагин̣н̣амануссадтаанаа. виванамааг̇ад̇од̇и нируд̣̇агадтаанам̣ аран̃н̃ам̣ бавидто. ругкамуулзд̇и ругкасамийбз. габан̣о вияа жхааяасийд̇и габан̣о вияа згаго нисинно жхааяаси баж̇жхааяаси, гим̣ наамзд̇ам̣ жинд̇зсийд̇и бужчи.
Tattha sukhaṃ jīvitarūposīti tvaṃ sukhena jīvitasadiso sukhedhito sukhaparihato viya. Raṭṭhāti ākiṇṇamanussaṭṭhānā. Vivanamāgatoti nirudakaṭṭhānaṃ araññaṃ paviṭṭho. Rukkhamūleti rukkhasamīpe. Kapaṇo viyajhāyasīti kapaṇo viya ekako nisinno jhāyasi pajjhāyasi, kiṃ nāmetaṃ cintesīti pucchi.
д̇ам̣ суд̇ваа б̣од̇хисад̇д̇о д̣̇уд̇ияам̣ г̇аат̇амааха –
Taṃ sutvā bodhisatto dutiyaṃ gāthamāha –
140.
140.
‘‘сукам̣ ж̇ийвид̇аруубосми, радтаа виванамааг̇ад̇о;
‘‘Sukhaṃ jīvitarūposmi, raṭṭhā vivanamāgato;
со згаго ругкамуулз, габан̣о вияа жхааяаами;
So ekako rukkhamūle, kapaṇo viya jhāyāmi;
сад̇ам̣ д̇хаммам̣ ануссара’’нд̇и.
Sataṃ dhammaṃ anussara’’nti.
д̇ад̇т̇а сад̇ам̣ д̇хаммам̣ ануссаранд̇и, самма, сажжамзд̇ам̣, ахам̣ сукам̣ ж̇ийвид̇аруубо радтаа жа виванамааг̇ад̇о, сохам̣ згагова имасмим̣ ругкамуулз нисийд̣̇ид̇ваа габан̣о вияа жхааяаами. яам̣ бана вад̣̇зси ‘‘гим̣ наамзд̇ам̣ жинд̇зсий’’д̇и, д̇ам̣ д̇з бавзд̣̇зми ‘‘сад̇ам̣ д̇хамма’’нд̇и. ахан̃хи сад̇ам̣ д̇хаммам̣ ануссаранд̇о ид̇ха нисинно. сад̇ам̣ д̇хамманд̇и б̣уд̣̇д̇хабажжзгаб̣уд̣̇д̇хаб̣уд̣̇д̇хасаавагаанам̣ сад̇ам̣ саббурисаанам̣ бан̣д̣ид̇аанам̣ д̇хаммам̣. лаабхо алаабхо яасо аяасо нинд̣̇аа басам̣саа сукам̣ д̣̇угканд̇и аяан̃хи адтавид̇хо логад̇хаммо. иминаа бана аб̣бхаахад̇аа санд̇о на гамбанд̇и на бавзд̇хзнд̇и, аяамзд̇т̇а агамбанасан̇каад̇о сад̇ам̣ д̇хаммо имам̣ ануссаранд̇о нисинномхийд̇и д̣̇ийбзд̇и.
Tattha sataṃ dhammaṃ anussaranti, samma, saccametaṃ, ahaṃ sukhaṃ jīvitarūpo raṭṭhā ca vivanamāgato, sohaṃ ekakova imasmiṃ rukkhamūle nisīditvā kapaṇo viya jhāyāmi. Yaṃ pana vadesi ‘‘kiṃ nāmetaṃ cintesī’’ti, taṃ te pavedemi ‘‘sataṃ dhamma’’nti. Ahañhi sataṃ dhammaṃ anussaranto idha nisinno. Sataṃ dhammanti buddhapaccekabuddhabuddhasāvakānaṃ sataṃ sappurisānaṃ paṇḍitānaṃ dhammaṃ. Lābho alābho yaso ayaso nindā pasaṃsā sukhaṃ dukkhanti ayañhi aṭṭhavidho lokadhammo. Iminā pana abbhāhatā santo na kampanti na pavedhenti, ayamettha akampanasaṅkhāto sataṃ dhammo imaṃ anussaranto nisinnomhīti dīpeti.
ат̇а нам̣ сагго ‘‘звам̣ санд̇з, б̣раахман̣а, имасмим̣ таанз гасмаа нисинносий’’д̇и. ‘‘рааж̇аа жад̇уран̇г̇асаманнааг̇ад̇ам̣ уяяаанабаалам̣ аахараабзд̇и, д̇аад̣̇исам̣ на саггоми лад̣̇д̇хум̣, сохам̣ ‘гим̣ мз барасса хад̇т̇з маран̣зна, аран̃н̃ам̣ бависид̇ваа анаат̇амаран̣ам̣ мариссаамий’д̇и жинд̇зд̇ваа ид̇хааг̇анд̇ваа нисинно’’д̇и. ‘‘б̣раахман̣а, ахам̣ сагго д̣̇зварааж̇аа, маяаа д̇з уяяаанаад̣̇ийни маабид̇аани, жад̇уран̇г̇асаманнааг̇ад̇ам̣ уяяаанабаалам̣ маабзд̇ум̣ на саггаа, д̇умхаагам̣ ран̃н̃о сийсаббасаад̇ханагаббаго чад̇д̇абаан̣и наама, со жад̇уран̇г̇асаманнааг̇ад̇о, жад̇уран̇г̇асаманнааг̇ад̇зна уяяаанабаалзна ад̇т̇з сад̇и зд̇ам̣ габбагам̣ уяяаанабаалам̣ гаад̇ум̣ вад̣̇зхий’’д̇и. ид̇и сагго б̣од̇хисад̇д̇асса оваад̣̇ам̣ д̣̇ад̇ваа ‘‘маа бхааяий’’д̇и самассаасзд̇ваа ад̇д̇ано д̣̇звабурамзва г̇ад̇о.
Atha naṃ sakko ‘‘evaṃ sante, brāhmaṇa, imasmiṃ ṭhāne kasmā nisinnosī’’ti. ‘‘Rājā caturaṅgasamannāgataṃ uyyānapālaṃ āharāpeti, tādisaṃ na sakkomi laddhuṃ, sohaṃ ‘kiṃ me parassa hatthe maraṇena, araññaṃ pavisitvā anāthamaraṇaṃ marissāmī’ti cintetvā idhāgantvā nisinno’’ti. ‘‘Brāhmaṇa, ahaṃ sakko devarājā, mayā te uyyānādīni māpitāni, caturaṅgasamannāgataṃ uyyānapālaṃ māpetuṃ na sakkā, tumhākaṃ rañño sīsappasādhanakappako chattapāṇi nāma, so caturaṅgasamannāgato, caturaṅgasamannāgatena uyyānapālena atthe sati etaṃ kappakaṃ uyyānapālaṃ kātuṃ vadehī’’ti. Iti sakko bodhisattassa ovādaṃ datvā ‘‘mā bhāyī’’ti samassāsetvā attano devapurameva gato.
б̣од̇хисад̇д̇о г̇зхам̣ г̇анд̇ваа бхуд̇д̇абаад̇араасо рааж̇ад̣̇ваарам̣ г̇анд̇ваа чад̇д̇абаан̣имби д̇ад̇т̇зва д̣̇исваа хад̇т̇з г̇ахзд̇ваа ‘‘д̇вам̣ гира, самма чад̇д̇абаан̣и, жад̇уран̇г̇асаманнааг̇ад̇осий’’д̇и бужчид̇ваа ‘‘го д̇з маяхам̣ жад̇уран̇г̇асаманнааг̇ад̇абхаавам̣ аажигкий’’д̇и вуд̇д̇з ‘‘сагго, д̣̇зварааж̇аа’’д̇и вад̇ваа ‘‘гим̣гааран̣аа аажигкий’’д̇и будто ‘‘иминаа наама гааран̣знаа’’д̇и саб̣б̣ам̣ аажигки. со ‘‘аама, ахам̣ жад̇уран̇г̇асаманнааг̇ад̇о’’д̇и ааха. ат̇а нам̣ б̣од̇хисад̇д̇о хад̇т̇з г̇ахзд̇ваава ран̃н̃о санд̇игам̣ г̇анд̇ваа ‘‘аяам̣, махаарааж̇а, чад̇д̇абаан̣и, жад̇уран̇г̇асаманнааг̇ад̇о, жад̇уран̇г̇асаманнааг̇ад̇зна уяяаанабаалзна ад̇т̇з сад̇и имам̣ уяяаанабаалам̣ гарот̇аа’’д̇и ааха. ат̇а нам̣ рааж̇аа ‘‘д̇вам̣ гира жад̇уран̇г̇асаманнааг̇ад̇осий’’д̇и бужчи. ‘‘аама, махаарааж̇аа’’д̇и. ‘‘гад̇амзхи жад̇уран̇г̇зхи саманнааг̇ад̇осий’’д̇и?
Bodhisatto gehaṃ gantvā bhuttapātarāso rājadvāraṃ gantvā chattapāṇimpi tattheva disvā hatthe gahetvā ‘‘tvaṃ kira, samma chattapāṇi, caturaṅgasamannāgatosī’’ti pucchitvā ‘‘ko te mayhaṃ caturaṅgasamannāgatabhāvaṃ ācikkhī’’ti vutte ‘‘sakko, devarājā’’ti vatvā ‘‘kiṃkāraṇā ācikkhī’’ti puṭṭho ‘‘iminā nāma kāraṇenā’’ti sabbaṃ ācikkhi. So ‘‘āma, ahaṃ caturaṅgasamannāgato’’ti āha. Atha naṃ bodhisatto hatthe gahetvāva rañño santikaṃ gantvā ‘‘ayaṃ, mahārāja, chattapāṇi, caturaṅgasamannāgato, caturaṅgasamannāgatena uyyānapālena atthe sati imaṃ uyyānapālaṃ karothā’’ti āha. Atha naṃ rājā ‘‘tvaṃ kira caturaṅgasamannāgatosī’’ti pucchi. ‘‘Āma, mahārājā’’ti. ‘‘Katamehi caturaṅgehi samannāgatosī’’ti?
‘‘анусууяаго ахам̣ д̣̇зва, амаж̇ж̇абааяаго ахам̣;
‘‘Anusūyako ahaṃ deva, amajjapāyako ahaṃ;
ниснзхаго ахам̣ д̣̇зва, аггод̇ханам̣ ад̇хидтид̇о’’д̇и.
Nisnehako ahaṃ deva, akkodhanaṃ adhiṭṭhito’’ti.
‘‘маяхан̃хи, махаарааж̇а, усууяаа наама над̇т̇и, маж̇ж̇ам̣ мз на бивид̇абуб̣б̣ам̣, барзсу мз снзхо ваа год̇хо ваа на бхууд̇абууб̣б̣о. имзхи жад̇уухи ан̇г̇зхи саманнааг̇ад̇омхий’’д̇и.
‘‘Mayhañhi, mahārāja, usūyā nāma natthi, majjaṃ me na pivitapubbaṃ, paresu me sneho vā kodho vā na bhūtapūbbo. Imehi catūhi aṅgehi samannāgatomhī’’ti.
ат̇а нам̣ рааж̇аа, бхо чад̇д̇абаан̣и, ‘‘анусууяагосмий’’д̇и вад̣̇асийд̇и. ‘‘аама, д̣̇зва, анусууяагомхий’’д̇и. ‘‘гим̣ аарамман̣ам̣ д̣̇исваа анусууяаго ж̇аад̇осий’’д̇и? ‘‘сун̣аахи д̣̇зваа’’д̇и ад̇д̇ано анусууяагагааран̣ам̣ гат̇знд̇о имам̣ г̇аат̇амааха –
Atha naṃ rājā, bho chattapāṇi, ‘‘anusūyakosmī’’ti vadasīti. ‘‘Āma, deva, anusūyakomhī’’ti. ‘‘Kiṃ ārammaṇaṃ disvā anusūyako jātosī’’ti? ‘‘Suṇāhi devā’’ti attano anusūyakakāraṇaṃ kathento imaṃ gāthamāha –
‘‘ид̇т̇ияаа гааран̣аа рааж̇а, б̣анд̇хаабзсим̣ бурохид̇ам̣;
‘‘Itthiyā kāraṇā rāja, bandhāpesiṃ purohitaṃ;
со мам̣ ад̇т̇з нивзд̣̇зси, д̇асмаахам̣ анусууяаго’’д̇и.
So maṃ atthe nivedesi, tasmāhaṃ anusūyako’’ti.
д̇ассад̇т̇о – ахам̣, д̣̇зва, буб̣б̣з имасмим̣язва б̣аараан̣асинаг̇арз д̇аад̣̇исова рааж̇аа худ̇ваа ид̇т̇ияаа гааран̣аа бурохид̇ам̣ б̣анд̇хаабзсим̣.
Tassattho – ahaṃ, deva, pubbe imasmiṃyeva bārāṇasinagare tādisova rājā hutvā itthiyā kāraṇā purohitaṃ bandhāpesiṃ.
‘‘аб̣ад̣̇д̇хаа д̇ад̇т̇а б̣аж̇жханд̇и, яад̇т̇а б̣аалаа бабхаасарз;
‘‘Abaddhā tattha bajjhanti, yattha bālā pabhāsare;
б̣ад̣̇д̇хааби д̇ад̇т̇а мужжанд̇и, яад̇т̇а д̇хийраа бабхаасарз’’д̇и. (ж̇аа. 1.1.120) –
Baddhāpi tattha muccanti, yattha dhīrā pabhāsare’’ti. (jā. 1.1.120) –
имасмин̃хи ж̇аад̇агз ааг̇ад̇анаязнзва згасмим̣ гаалз аяам̣ чад̇д̇абаан̣и рааж̇аа худ̇ваа жад̇усадтияаа баад̣̇амуулигзхи сад̣̇д̇хим̣ самбад̣̇уссид̇ваа б̣од̇хисад̇д̇ам̣ ад̇д̇ано манорат̇ам̣ абуурзнд̇ам̣ наасзд̇угаамааяа д̣̇звияаа барибхинно б̣анд̇хаабзси. д̇ад̣̇аа нам̣ б̣анд̇хид̇ваа аанийд̇о б̣од̇хисад̇д̇о яат̇аабхууд̇ам̣ д̣̇звияаа д̣̇осам̣ ааробзд̇ваа саяам̣ муд̇д̇о ран̃н̃аа б̣анд̇хаабид̇з саб̣б̣зби д̇з баад̣̇амуулигз можзд̇ваа ‘‘зд̇зсан̃жа д̣̇звияаа жа абараад̇хам̣ камат̇а, махаарааж̇аа’’д̇и овад̣̇и. саб̣б̣ам̣ хздтаа вуд̇д̇анаязнзва вид̇т̇аарад̇о взд̣̇ид̇аб̣б̣ам̣. д̇ам̣ санд̇хааяааха –
Imasmiñhi jātake āgatanayeneva ekasmiṃ kāle ayaṃ chattapāṇi rājā hutvā catusaṭṭhiyā pādamūlikehi saddhiṃ sampadussitvā bodhisattaṃ attano manorathaṃ apūrentaṃ nāsetukāmāya deviyā paribhinno bandhāpesi. Tadā naṃ bandhitvā ānīto bodhisatto yathābhūtaṃ deviyā dosaṃ āropetvā sayaṃ mutto raññā bandhāpite sabbepi te pādamūlike mocetvā ‘‘etesañca deviyā ca aparādhaṃ khamatha, mahārājā’’ti ovadi. Sabbaṃ heṭṭhā vuttanayeneva vitthārato veditabbaṃ. Taṃ sandhāyāha –
‘‘ид̇т̇ияаа гааран̣аа рааж̇а, б̣анд̇хаабзсим̣ бурохид̇ам̣;
‘‘Itthiyā kāraṇā rāja, bandhāpesiṃ purohitaṃ;
со мам̣ ад̇т̇з нивзд̣̇зси, д̇асмаахам̣ анусууяаго’’д̇и.
So maṃ atthe nivedesi, tasmāhaṃ anusūyako’’ti.
д̇ад̣̇аа бана сохам̣ жинд̇зсим̣ – ‘‘ахам̣ сол̣аса сахассаид̇т̇ияо бахааяа зд̇ам̣ згамзва гилзсавасзна сан̇г̇ан̣ханд̇оби санд̇аббзд̇ум̣ наасагким̣, звам̣ д̣̇уббууран̣ийяаанам̣ ид̇т̇ийнам̣ гуж̇жханам̣ наама нивад̇т̇авад̇т̇з гилиссанд̇з ‘гасмаа гилиссасий’д̇и гуж̇жханасад̣̇исам̣ ход̇и, бхуд̇д̇абхад̇д̇з г̇уут̇абхаавам̣ аабаж̇ж̇анд̇з ‘гасмаа зд̇ам̣ сабхаавам̣ аабаж̇ж̇асий’д̇и гуж̇жханасад̣̇исам̣ ход̇и. ‘ид̇о д̣̇аани бадтааяа яаава арахад̇д̇ам̣ на баабун̣аами, д̇аава гилзсам̣ ниссааяа маяи усууяаа маа уббаж̇ж̇ад̇уу’’’д̇и ад̇хидтахим̣. д̇ад̇о бадтааяа анусууяаго ж̇аад̇о. ид̣̇ам̣ санд̇хааяа – ‘‘д̇асмаахам̣ анусууяаго’’д̇и ааха.
Tadā pana sohaṃ cintesiṃ – ‘‘ahaṃ soḷasa sahassaitthiyo pahāya etaṃ ekameva kilesavasena saṅgaṇhantopi santappetuṃ nāsakkhiṃ, evaṃ duppūraṇīyānaṃ itthīnaṃ kujjhanaṃ nāma nivatthavatthe kilissante ‘kasmā kilissasī’ti kujjhanasadisaṃ hoti, bhuttabhatte gūthabhāvaṃ āpajjante ‘kasmā etaṃ sabhāvaṃ āpajjasī’ti kujjhanasadisaṃ hoti. ‘Ito dāni paṭṭhāya yāva arahattaṃ na pāpuṇāmi, tāva kilesaṃ nissāya mayi usūyā mā uppajjatū’’’ti adhiṭṭhahiṃ. Tato paṭṭhāya anusūyako jāto. Idaṃ sandhāya – ‘‘tasmāhaṃ anusūyako’’ti āha.
ат̇а нам̣ рааж̇аа ‘‘самма чад̇д̇абаан̣и, гим̣ аарамман̣ам̣ д̣̇исваа амаж̇ж̇або ж̇аад̇осий’’д̇и бужчи. со д̇ам̣ гааран̣ам̣ аажигканд̇о имам̣ г̇аат̇амааха –
Atha naṃ rājā ‘‘samma chattapāṇi, kiṃ ārammaṇaṃ disvā amajjapo jātosī’’ti pucchi. So taṃ kāraṇaṃ ācikkhanto imaṃ gāthamāha –
‘‘мад̇д̇о ахам̣ махаарааж̇а, буд̇д̇амам̣саани каад̣̇аяим̣;
‘‘Matto ahaṃ mahārāja, puttamaṃsāni khādayiṃ;
д̇асса согзнахам̣ пудто, маж̇ж̇абаанам̣ виваж̇ж̇аяи’’нд̇и.
Tassa sokenahaṃ phuṭṭho, majjapānaṃ vivajjayi’’nti.
ахам̣, махаарааж̇а, буб̣б̣з д̇аад̣̇исо б̣аараан̣асирааж̇аа худ̇ваа маж̇ж̇зна винаа вад̇д̇ид̇ум̣ наасагким̣, амам̣сагабхад̇д̇амби бхун̃ж̇ид̇ум̣ наасагким̣. наг̇арз убосат̇ад̣̇ивасзсу маагхаад̇о ход̇и, бхад̇д̇агаараго багкасса д̇зрасияан̃н̃зва мам̣сам̣ г̇ахзд̇ваа табзси, д̇ам̣ д̣̇уннигкид̇д̇ам̣ сунакаа каад̣̇им̣су. бхад̇д̇агаараго убосат̇ад̣̇ивасз мам̣сам̣ алабхид̇ваа ран̃н̃о наанаг̇г̇арасабхож̇анам̣ бажид̇ваа баасаад̣̇ам̣ ааробзд̇ваа убанаамзд̇ум̣ асаггонд̇о д̣̇звим̣ убасан̇гамид̇ваа ‘‘д̣̇зви, аж̇ж̇а мз мам̣сам̣ на лад̣̇д̇хам̣, амам̣сагабхож̇анам̣ наама убанаамзд̇ум̣ на саггоми, гинд̇и гаромий’’д̇и ааха. ‘‘д̇аад̇а, маяхам̣ буд̇д̇о ран̃н̃аа бияо манаабо, буд̇д̇ам̣ мз д̣̇исваа рааж̇аа д̇амзва жумб̣анд̇о бариссаж̇анд̇о ад̇д̇ано ад̇т̇ибхаавамби на ж̇аанаад̇и, ахам̣ буд̇д̇ам̣ ман̣д̣зд̇ваа ран̃н̃о уурумхи нисийд̣̇аабзяяам̣, ран̃н̃о буд̇д̇зна сад̣̇д̇хим̣ гийл̣анагаалз д̇вам̣ бхад̇д̇ам̣ убанзяяаасий’’д̇и. саа звам̣ вад̇ваа ад̇д̇ано буд̇д̇ам̣ алан̇гад̇аабхаран̣ам̣ ман̣д̣зд̇ваа ран̃н̃о уурумхи нисийд̣̇аабзси. ран̃н̃о буд̇д̇зна сад̣̇д̇хим̣ гийл̣анагаалз бхад̇д̇агаараго бхад̇д̇ам̣ убанаамзси. рааж̇аа сураамад̣̇амад̇д̇о баад̇ияам̣ мам̣сам̣ ад̣̇исваа ‘‘мам̣сам̣ гаха’’нд̇и бужчид̇ваа ‘‘аж̇ж̇а, д̣̇зва, убосат̇ад̣̇ивасам̣ маагхаад̇ад̇ааяа мам̣сам̣ на лад̣̇д̇ха’’нд̇и вуд̇д̇з ‘‘маяхам̣ мам̣сам̣ наама д̣̇уллабха’’нд̇и вад̇ваа уурумхи нисиннасса бияабуд̇д̇асса г̇ийвам̣ ваддзд̇ваа ж̇ийвид̇агкаяам̣ баабзд̇ваа бхад̇д̇агаарагасса бурад̇о кибид̇ваа ‘‘взг̇зна самбаад̣̇зд̇ваа аахараа’’д̇и ааха. бхад̇д̇агаараго д̇ат̇аа агааси, рааж̇аа буд̇д̇амам̣сзна бхад̇д̇ам̣ бхун̃ж̇и. ран̃н̃о бхаязна згоби ганд̣̇ид̇ум̣ ваа род̣̇ид̇ум̣ ваа гат̇зд̇ум̣ ваа самад̇т̇о наама наахоси.
Ahaṃ, mahārāja, pubbe tādiso bārāṇasirājā hutvā majjena vinā vattituṃ nāsakkhiṃ, amaṃsakabhattampi bhuñjituṃ nāsakkhiṃ. Nagare uposathadivasesu māghāto hoti, bhattakārako pakkhassa terasiyaññeva maṃsaṃ gahetvā ṭhapesi, taṃ dunnikkhittaṃ sunakhā khādiṃsu. Bhattakārako uposathadivase maṃsaṃ alabhitvā rañño nānaggarasabhojanaṃ pacitvā pāsādaṃ āropetvā upanāmetuṃ asakkonto deviṃ upasaṅkamitvā ‘‘devi, ajja me maṃsaṃ na laddhaṃ, amaṃsakabhojanaṃ nāma upanāmetuṃ na sakkomi, kinti karomī’’ti āha. ‘‘Tāta, mayhaṃ putto raññā piyo manāpo, puttaṃ me disvā rājā tameva cumbanto parissajanto attano atthibhāvampi na jānāti, ahaṃ puttaṃ maṇḍetvā rañño ūrumhi nisīdāpeyyaṃ, rañño puttena saddhiṃ kīḷanakāle tvaṃ bhattaṃ upaneyyāsī’’ti. Sā evaṃ vatvā attano puttaṃ alaṅkatābharaṇaṃ maṇḍetvā rañño ūrumhi nisīdāpesi. Rañño puttena saddhiṃ kīḷanakāle bhattakārako bhattaṃ upanāmesi. Rājā surāmadamatto pātiyaṃ maṃsaṃ adisvā ‘‘maṃsaṃ kaha’’nti pucchitvā ‘‘ajja, deva, uposathadivasaṃ māghātatāya maṃsaṃ na laddha’’nti vutte ‘‘mayhaṃ maṃsaṃ nāma dullabha’’nti vatvā ūrumhi nisinnassa piyaputtassa gīvaṃ vaṭṭetvā jīvitakkhayaṃ pāpetvā bhattakārakassa purato khipitvā ‘‘vegena sampādetvā āharā’’ti āha. Bhattakārako tathā akāsi, rājā puttamaṃsena bhattaṃ bhuñji. Rañño bhayena ekopi kandituṃ vā rodituṃ vā kathetuṃ vā samattho nāma nāhosi.
рааж̇аа бхун̃ж̇ид̇ваа саяанабидтз нид̣̇д̣̇ам̣ убаг̇анд̇ваа бажжуусагаалз баб̣уж̇жхид̇ваа виг̇ад̇амад̣̇о ‘‘буд̇д̇ам̣ мз аанзт̇аа’’д̇и ааха. д̇асмим̣ гаалз д̣̇звий ганд̣̇амаанаа баад̣̇амуулз бад̇и. ‘‘гим̣, бхад̣̇д̣̇з’’д̇и жа вуд̇д̇з , ‘‘д̣̇зва, хияяо д̇з буд̇д̇ам̣ маарзд̇ваа буд̇д̇амам̣сзна бхад̇д̇ам̣ бхуд̇д̇а’’нд̇и ааха. рааж̇аа буд̇д̇асогзна род̣̇ид̇ваа ганд̣̇ид̇ваа ‘‘ид̣̇ам̣ мз д̣̇угкам̣ сураабаанам̣ ниссааяа уббанна’’нд̇и сураабаанз д̣̇осам̣ д̣̇исваа ‘‘ид̇о бадтааяа яаава арахад̇д̇ам̣ на баабун̣аами, д̇аава зваруубам̣ винаасагаарагам̣ сурам̣ наама на бивиссаамий’’д̇и бам̣сум̣ г̇ахзд̇ваа мукам̣ бун̃чид̇ваа ад̇хидтааси. д̇ад̇о бадтааяа маж̇ж̇ам̣ наама на бивим̣. имамад̇т̇ам̣ санд̇хааяа – ‘‘мад̇д̇о ахам̣, махаарааж̇аа’’д̇и имам̣ г̇аат̇амааха.
Rājā bhuñjitvā sayanapiṭṭhe niddaṃ upagantvā paccūsakāle pabujjhitvā vigatamado ‘‘puttaṃ me ānethā’’ti āha. Tasmiṃ kāle devī kandamānā pādamūle pati. ‘‘Kiṃ, bhadde’’ti ca vutte , ‘‘deva, hiyyo te puttaṃ māretvā puttamaṃsena bhattaṃ bhutta’’nti āha. Rājā puttasokena roditvā kanditvā ‘‘idaṃ me dukkhaṃ surāpānaṃ nissāya uppanna’’nti surāpāne dosaṃ disvā ‘‘ito paṭṭhāya yāva arahattaṃ na pāpuṇāmi, tāva evarūpaṃ vināsakārakaṃ suraṃ nāma na pivissāmī’’ti paṃsuṃ gahetvā mukhaṃ puñchitvā adhiṭṭhāsi. Tato paṭṭhāya majjaṃ nāma na piviṃ. Imamatthaṃ sandhāya – ‘‘matto ahaṃ, mahārājā’’ti imaṃ gāthamāha.
ат̇а нам̣ рааж̇аа ‘‘гим̣ бана, самма чад̇д̇абаан̣и, аарамман̣ам̣ д̣̇исваа ниснзхо ж̇аад̇осий’’д̇и бужчи. со д̇ам̣ гааран̣ам̣ аажигканд̇о имам̣ г̇аат̇амааха –
Atha naṃ rājā ‘‘kiṃ pana, samma chattapāṇi, ārammaṇaṃ disvā nisneho jātosī’’ti pucchi. So taṃ kāraṇaṃ ācikkhanto imaṃ gāthamāha –
‘‘гид̇аваасо наамахам̣ рааж̇а, буд̇д̇о бажжзгаб̣од̇хи мз;
‘‘Kitavāso nāmahaṃ rāja, putto paccekabodhi me;
бад̇д̇ам̣ бхинд̣̇ид̇ваа жавид̇о, ниснзхо д̇асса гааран̣аа’’д̇и.
Pattaṃ bhinditvā cavito, nisneho tassa kāraṇā’’ti.
махаарааж̇а, буб̣б̣з ахам̣ б̣аараан̣асияам̣язва гид̇аваасо наама рааж̇аа. д̇асса мз буд̇д̇о виж̇ааяи. лагкан̣абаатагаа д̇ам̣ д̣̇исваа ‘‘махаарааж̇а, аяам̣ гумааро баанийяам̣ алабхид̇ваа мариссад̇ий’’д̇и аахам̣су. ‘‘д̣̇удтагумааро’’д̇исса наамам̣ ахоси. со вин̃н̃уд̇ам̣ бад̇д̇о обараж̇ж̇ам̣ гаарзси, рааж̇аа гумаарам̣ бурад̇о ваа бажчад̇о ваа гад̇ваа вижари, баанийяам̣ алабхид̇ваа маран̣абхаязна жасса жад̇уусу д̣̇ваарзсу анд̇онаг̇арзсу жа д̇ад̇т̇а д̇ад̇т̇а богкаран̣ияо гаарзси, жад̇уггаад̣̇ийсу ман̣д̣абз гаарзд̇ваа баанийяажаадияо табаабзси. со згад̣̇ивасз алан̇гад̇абадияад̇д̇о баад̇ова уяяаанам̣ г̇ажчанд̇о анд̇араамаг̇г̇з бажжзгаб̣уд̣̇д̇хам̣ басси. махааж̇аноби бажжзгаб̣уд̣̇д̇хам̣ д̣̇исваа д̇амзва ванд̣̇ад̇и басам̣сад̇и, ан̃ж̇алин̃жасса баг̇г̇ан̣хаад̇и.
Mahārāja, pubbe ahaṃ bārāṇasiyaṃyeva kitavāso nāma rājā. Tassa me putto vijāyi. Lakkhaṇapāṭhakā taṃ disvā ‘‘mahārāja, ayaṃ kumāro pānīyaṃ alabhitvā marissatī’’ti āhaṃsu. ‘‘Duṭṭhakumāro’’tissa nāmaṃ ahosi. So viññutaṃ patto oparajjaṃ kāresi, rājā kumāraṃ purato vā pacchato vā katvā vicari, pānīyaṃ alabhitvā maraṇabhayena cassa catūsu dvāresu antonagaresu ca tattha tattha pokkharaṇiyo kāresi, catukkādīsu maṇḍape kāretvā pānīyacāṭiyo ṭhapāpesi. So ekadivase alaṅkatapaṭiyatto pātova uyyānaṃ gacchanto antarāmagge paccekabuddhaṃ passi. Mahājanopi paccekabuddhaṃ disvā tameva vandati pasaṃsati, añjaliñcassa paggaṇhāti.
гумааро жинд̇зси – ‘‘маад̣̇исзна сад̣̇д̇хим̣ г̇ажчанд̇аа имам̣ мун̣д̣агам̣ ванд̣̇анд̇и басам̣санд̇и, ан̃ж̇алин̃жасса баг̇г̇ан̣ханд̇ий’’д̇и. со губид̇о хад̇т̇игканд̇хад̇о оруяха бажжзгаб̣уд̣̇д̇хам̣ убасан̇гамид̇ваа ‘‘лад̣̇д̇хам̣ д̇з, саман̣а, бхад̇д̇а’’нд̇и вад̇ваа ‘‘аама, гумаараа’’д̇и вуд̇д̇з д̇асса хад̇т̇ад̇о бад̇д̇ам̣ г̇ахзд̇ваа бхуумияам̣ баад̇зд̇ваа сад̣̇д̇хим̣ бхад̇д̇зна мад̣̇д̣̇ид̇ваа баад̣̇аббахаарзна жун̣н̣авижун̣н̣ам̣ агааси. бажжзгаб̣уд̣̇д̇хо ‘‘надто вад̇ааяам̣ сад̇д̇о’’д̇и д̇асса мукам̣ ологзси. гумааро ‘‘ахам̣, саман̣а, гид̇аваасаран̃н̃о буд̇д̇о, наамзна д̣̇удтагумааро наама, д̇вам̣ мз гуд̣̇д̇хо агкийни уммийлзд̇ваа ологзнд̇о гим̣ гариссасий’’д̇и ааха.
Kumāro cintesi – ‘‘mādisena saddhiṃ gacchantā imaṃ muṇḍakaṃ vandanti pasaṃsanti, añjaliñcassa paggaṇhantī’’ti. So kupito hatthikkhandhato oruyha paccekabuddhaṃ upasaṅkamitvā ‘‘laddhaṃ te, samaṇa, bhatta’’nti vatvā ‘‘āma, kumārā’’ti vutte tassa hatthato pattaṃ gahetvā bhūmiyaṃ pātetvā saddhiṃ bhattena madditvā pādappahārena cuṇṇavicuṇṇaṃ akāsi. Paccekabuddho ‘‘naṭṭho vatāyaṃ satto’’ti tassa mukhaṃ olokesi. Kumāro ‘‘ahaṃ, samaṇa, kitavāsarañño putto, nāmena duṭṭhakumāro nāma, tvaṃ me kuddho akkhīni ummīletvā olokento kiṃ karissasī’’ti āha.
бажжзгаб̣уд̣̇д̇хо чиннабхад̇д̇о худ̇ваа взхаасам̣ аб̣бхуг̇г̇анд̇ваа уд̇д̇арахимаванд̇з нанд̣̇анамуулабаб̣бхаарамзва г̇ад̇о. гумаарассааби д̇ан̇кан̣ан̃н̃зва баабагаммам̣ барибажжи. со ‘‘д̣аяхаами д̣аяхаамий’’д̇и самуг̇г̇ад̇асарийрад̣аахо д̇ад̇т̇зва бад̇и. д̇ад̇т̇а д̇ад̇т̇зва яад̇д̇агам̣ баанийяам̣, д̇ад̇д̇агам̣ баанийяам̣ саб̣б̣ам̣ чиж̇ж̇и, маад̇игаа суссим̣су, д̇ад̇т̇зва ж̇ийвид̇агкаяам̣ бад̇ваа авийжимхи ниб̣б̣ад̇д̇и. рааж̇аа д̇ам̣ бавад̇д̇им̣ суд̇ваа буд̇д̇асогзна абхибхууд̇о жинд̇зси – ‘‘аяам̣ мз сого бияавад̇т̇уд̇о уббаж̇ж̇и, сажз мз снзхо наабхависса, сого на уббаж̇ж̇исса, ид̇о д̣̇аани мз бадтааяа савин̃н̃аан̣агз ваа авин̃н̃аан̣агз ваа гисмин̃жи вад̇т̇усмим̣ снзхо наама маа уббаж̇ж̇ад̇уу’’д̇и ад̇хидтааси, д̇ад̇о бадтааяа снзхо наама над̇т̇и. д̇ам̣ санд̇хааяа ‘‘гид̇аваасо наамааха’’нд̇и г̇аат̇амааха.
Paccekabuddho chinnabhatto hutvā vehāsaṃ abbhuggantvā uttarahimavante nandanamūlapabbhārameva gato. Kumārassāpi taṅkhaṇaññeva pāpakammaṃ paripacci. So ‘‘ḍayhāmi ḍayhāmī’’ti samuggatasarīraḍāho tattheva pati. Tattha tattheva yattakaṃ pānīyaṃ, tattakaṃ pānīyaṃ sabbaṃ chijji, mātikā sussiṃsu, tattheva jīvitakkhayaṃ patvā avīcimhi nibbatti. Rājā taṃ pavattiṃ sutvā puttasokena abhibhūto cintesi – ‘‘ayaṃ me soko piyavatthuto uppajji, sace me sneho nābhavissa, soko na uppajjissa, ito dāni me paṭṭhāya saviññāṇake vā aviññāṇake vā kismiñci vatthusmiṃ sneho nāma mā uppajjatū’’ti adhiṭṭhāsi, tato paṭṭhāya sneho nāma natthi. Taṃ sandhāya ‘‘kitavāso nāmāha’’nti gāthamāha.
д̇ад̇т̇а буд̇д̇о бажжзгаб̣од̇хи мз. бад̇д̇ам̣ бхинд̣̇ид̇ваа жавид̇од̇и мама буд̇д̇о бажжзгаб̣од̇хибад̇д̇ам̣ бхинд̣̇ид̇ваа жавид̇од̇и ад̇т̇о. ниснзхо д̇асса гааран̣аад̇и д̇ад̣̇аа уббаннаснзхавад̇т̇усса гааран̣аа ахам̣ ниснзхо ж̇аад̇од̇и ад̇т̇о.
Tattha putto paccekabodhi me. Pattaṃ bhinditvā cavitoti mama putto paccekabodhipattaṃ bhinditvā cavitoti attho. Nisneho tassa kāraṇāti tadā uppannasnehavatthussa kāraṇā ahaṃ nisneho jātoti attho.
ат̇а нам̣ рааж̇аа ‘‘гим̣ бана, самма, аарамман̣ам̣ д̣̇исваа ниггод̇хо ж̇аад̇осий’’д̇и бужчи. со д̇ам̣ гааран̣ам̣ аажигканд̇о имам̣ г̇аат̇амааха –
Atha naṃ rājā ‘‘kiṃ pana, samma, ārammaṇaṃ disvā nikkodho jātosī’’ti pucchi. So taṃ kāraṇaṃ ācikkhanto imaṃ gāthamāha –
‘‘араго худ̇ваа мзд̇д̇ажид̇д̇ам̣, сад̇д̇а вассаани бхааваяим̣;
‘‘Arako hutvā mettacittaṃ, satta vassāni bhāvayiṃ;
сад̇д̇а габбз б̣рахмалогз, д̇асмаа аггод̇хано аха’’нд̇и.
Satta kappe brahmaloke, tasmā akkodhano aha’’nti.
д̇ассад̇т̇о – ахам̣, махаарааж̇а, араго наама д̇аабасо худ̇ваа сад̇д̇а вассаани мзд̇д̇ажид̇д̇ам̣ бхаавзд̇ваа сад̇д̇а сам̣ваддавиваддагаббз б̣рахмалогз васим̣, д̇асмаа ахам̣ д̣̇ийгхарад̇д̇ам̣ мзд̇д̇аабхааванааяа аажин̣н̣абарижин̣н̣ад̇д̇аа аггод̇хано ж̇аад̇од̇и.
Tassattho – ahaṃ, mahārāja, arako nāma tāpaso hutvā satta vassāni mettacittaṃ bhāvetvā satta saṃvaṭṭavivaṭṭakappe brahmaloke vasiṃ, tasmā ahaṃ dīgharattaṃ mettābhāvanāya āciṇṇapariciṇṇattā akkodhano jātoti.
звам̣ чад̇д̇абаан̣инаа ад̇д̇ано жад̇уусу ан̇г̇зсу гат̇ид̇зсу рааж̇аа барисааяа ин̇г̇ид̇асан̃н̃ам̣ ад̣̇ааси. д̇ан̇кан̣ан̃н̃зва амажжаа жа б̣раахман̣аг̇ахабад̇игаад̣̇аяо жа удтахид̇ваа ‘‘арз лан̃ж̇акаад̣̇ага д̣̇удтажора, д̇вам̣ лан̃ж̇ам̣ алабхид̇ваа бан̣д̣ид̇ам̣ убавад̣̇ид̇ваа маарзд̇угаамо ж̇аад̇о’’д̇и гаал̣агам̣ сзнаабад̇им̣ хад̇т̇абаад̣̇зсу г̇ахзд̇ваа рааж̇анивзсанаа од̇аарзд̇ваа г̇ахид̇аг̇ахид̇зхзва баасаан̣амуг̇г̇арзхи сийсам̣ бхинд̣̇ид̇ваа ж̇ийвид̇агкаяам̣ баабзд̇ваа баад̣̇зсу г̇ахзд̇ваа гад̣дханд̇аа сан̇гаарадтаанз чад̣д̣зсум̣. д̇ад̇о бадтааяа рааж̇аа д̇хаммзна раж̇ж̇ам̣ гаарзнд̇о яат̇аагаммам̣ г̇ад̇о.
Evaṃ chattapāṇinā attano catūsu aṅgesu kathitesu rājā parisāya iṅgitasaññaṃ adāsi. Taṅkhaṇaññeva amaccā ca brāhmaṇagahapatikādayo ca uṭṭhahitvā ‘‘are lañjakhādaka duṭṭhacora, tvaṃ lañjaṃ alabhitvā paṇḍitaṃ upavaditvā māretukāmo jāto’’ti kāḷakaṃ senāpatiṃ hatthapādesu gahetvā rājanivesanā otāretvā gahitagahiteheva pāsāṇamuggarehi sīsaṃ bhinditvā jīvitakkhayaṃ pāpetvā pādesu gahetvā kaḍḍhantā saṅkāraṭṭhāne chaḍḍesuṃ. Tato paṭṭhāya rājā dhammena rajjaṃ kārento yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа гаал̣агасзнаабад̇и д̣̇звад̣̇ад̇д̇о ахоси, чад̇д̇абаан̣игаббаго саарибуд̇д̇о, сагго ануруд̣̇д̇хо, д̇хаммад̇хаж̇о бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā kāḷakasenāpati devadatto ahosi, chattapāṇikappako sāriputto, sakko anuruddho, dhammadhajo pana ahameva ahosi’’nti.
д̇хаммад̇хаж̇аж̇аад̇агаван̣н̣анаа д̣̇асамаа.
Dhammadhajajātakavaṇṇanā dasamā.
б̣ийран̣ат̇амбхаваг̇г̇о сад̇д̇амо.
Bīraṇathambhavaggo sattamo.
д̇ассуд̣̇д̣̇аанам̣ –
Tassuddānaṃ –
сомад̣̇ад̇д̇ан̃жа ужчидтам̣, гуру бун̣н̣анад̣̇ийби жа;
Somadattañca ucchiṭṭhaṃ, kuru puṇṇanadīpi ca;
гажчабамажчасзг̇г̇у жа, гуудаваан̣иж̇аг̇арахи;
Kacchapamacchaseggu ca, kūṭavāṇijagarahi;
д̇хаммад̇хаж̇анд̇и д̇з д̣̇аса.
Dhammadhajanti te dasa.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 220. д̇хаммад̇хаж̇аж̇аад̇агам̣ • 220. Dhammadhajajātakaṃ
