| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi |
ਧਮ੍ਮਕਮ੍ਮਦ੍વਾਦਸਕਂ
Dhammakammadvādasakaṃ
੪੯. ‘‘ਤੀਹਿ , ਭਿਕ੍ਖવੇ, ਅਙ੍ਗੇਹਿ ਸਮਨ੍ਨਾਗਤਂ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਂ ਧਮ੍ਮਕਮ੍ਮਞ੍ਚ ਹੋਤਿ, વਿਨਯਕਮ੍ਮਞ੍ਚ, ਸੁવੂਪਸਨ੍ਤਞ੍ਚ। ਸਮ੍ਮੁਖਾ ਕਤਂ ਹੋਤਿ, ਪਟਿਪੁਚ੍ਛਾ ਕਤਂ ਹੋਤਿ, ਪਟਿਞ੍ਞਾਯ ਕਤਂ ਹੋਤਿ – ਇਮੇਹਿ ਖੋ, ਭਿਕ੍ਖવੇ, ਤੀਹਙ੍ਗੇਹਿ ਸਮਨ੍ਨਾਗਤਂ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਂ ਧਮ੍ਮਕਮ੍ਮਞ੍ਚ ਹੋਤਿ, વਿਨਯਕਮ੍ਮਞ੍ਚ, ਸੁવੂਪਸਨ੍ਤਞ੍ਚ।
49. ‘‘Tīhi , bhikkhave, aṅgehi samannāgataṃ, āpattiyā adassane, ukkhepanīyakammaṃ dhammakammañca hoti, vinayakammañca, suvūpasantañca. Sammukhā kataṃ hoti, paṭipucchā kataṃ hoti, paṭiññāya kataṃ hoti – imehi kho, bhikkhave, tīhaṅgehi samannāgataṃ, āpattiyā adassane, ukkhepanīyakammaṃ dhammakammañca hoti, vinayakammañca, suvūpasantañca.
‘‘ਅਪਰੇਹਿਪਿ, ਭਿਕ੍ਖવੇ, ਤੀਹਙ੍ਗੇਹਿ ਸਮਨ੍ਨਾਗਤਂ…ਪੇ॰…। ਆਪਤ੍ਤਿਯਾ ਕਤਂ ਹੋਤਿ, ਦੇਸਨਾਗਾਮਿਨਿਯਾ ਆਪਤ੍ਤਿਯਾ ਕਤਂ ਹੋਤਿ, ਅਦੇਸਿਤਾਯ ਆਪਤ੍ਤਿਯਾ ਕਤਂ ਹੋਤਿ…ਪੇ॰… ਚੋਦੇਤ੍વਾ ਕਤਂ ਹੋਤਿ, ਸਾਰੇਤ੍વਾ ਕਤਂ ਹੋਤਿ, ਆਪਤ੍ਤਿਂ ਆਰੋਪੇਤ੍વਾ ਕਤਂ ਹੋਤਿ…ਪੇ॰… ਸਮ੍ਮੁਖਾ ਕਤਂ ਹੋਤਿ, ਧਮ੍ਮੇਨ ਕਤਂ ਹੋਤਿ, ਸਮਗ੍ਗੇਨ ਕਤਂ ਹੋਤਿ…ਪੇ॰… ਪਟਿਪੁਚ੍ਛਾ ਕਤਂ ਹੋਤਿ, ਧਮ੍ਮੇਨ ਕਤਂ ਹੋਤਿ, ਸਮਗ੍ਗੇਨ ਕਤਂ ਹੋਤਿ…ਪੇ॰… ਪਟਿਞ੍ਞਾਯ ਕਤਂ ਹੋਤਿ, ਧਮ੍ਮੇਨ ਕਤਂ ਹੋਤਿ, ਸਮਗ੍ਗੇਨ ਕਤਂ ਹੋਤਿ…ਪੇ॰… ਆਪਤ੍ਤਿਯਾ ਕਤਂ ਹੋਤਿ, ਧਮ੍ਮੇਨ ਕਤਂ ਹੋਤਿ, ਸਮਗ੍ਗੇਨ ਕਤਂ ਹੋਤਿ…ਪੇ॰… ਦੇਸਨਾਗਾਮਿਨਿਯਾ ਆਪਤ੍ਤਿਯਾ ਕਤਂ ਹੋਤਿ, ਧਮ੍ਮੇਨ ਕਤਂ ਹੋਤਿ, ਸਮਗ੍ਗੇਨ ਕਤਂ ਹੋਤਿ…ਪੇ॰… ਅਦੇਸਿਤਾਯ ਆਪਤ੍ਤਿਯਾ ਕਤਂ ਹੋਤਿ, ਧਮ੍ਮੇਨ ਕਤਂ ਹੋਤਿ, ਸਮਗ੍ਗੇਨ ਕਤਂ ਹੋਤਿ…ਪੇ॰… ਚੋਦੇਤ੍વਾ ਕਤਂ ਹੋਤਿ, ਧਮ੍ਮੇਨ ਕਤਂ ਹੋਤਿ, ਸਮਗ੍ਗੇਨ ਕਤਂ ਹੋਤਿ…ਪੇ॰… ਸਾਰੇਤ੍વਾ ਕਤਂ ਹੋਤਿ, ਧਮ੍ਮੇਨ ਕਤਂ ਹੋਤਿ, ਸਮਗ੍ਗੇਨ ਕਤਂ ਹੋਤਿ…ਪੇ॰… ਆਪਤ੍ਤਿਂ ਆਰੋਪੇਤ੍વਾ ਕਤਂ ਹੋਤਿ, ਧਮ੍ਮੇਨ ਕਤਂ ਹੋਤਿ, ਸਮਗ੍ਗੇਨ ਕਤਂ ਹੋਤਿ – ਇਮੇਹਿ ਖੋ, ਭਿਕ੍ਖવੇ, ਤੀਹਙ੍ਗੇਹਿ ਸਮਨ੍ਨਾਗਤਂ, ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖੇਪਨੀਯਕਮ੍ਮਂ ਧਮ੍ਮਕਮ੍ਮਞ੍ਚ ਹੋਤਿ, વਿਨਯਕਮ੍ਮਞ੍ਚ, ਸੁવੂਪਸਨ੍ਤਞ੍ਚ।
‘‘Aparehipi, bhikkhave, tīhaṅgehi samannāgataṃ…pe…. Āpattiyā kataṃ hoti, desanāgāminiyā āpattiyā kataṃ hoti, adesitāya āpattiyā kataṃ hoti…pe… codetvā kataṃ hoti, sāretvā kataṃ hoti, āpattiṃ āropetvā kataṃ hoti…pe… sammukhā kataṃ hoti, dhammena kataṃ hoti, samaggena kataṃ hoti…pe… paṭipucchā kataṃ hoti, dhammena kataṃ hoti, samaggena kataṃ hoti…pe… paṭiññāya kataṃ hoti, dhammena kataṃ hoti, samaggena kataṃ hoti…pe… āpattiyā kataṃ hoti, dhammena kataṃ hoti, samaggena kataṃ hoti…pe… desanāgāminiyā āpattiyā kataṃ hoti, dhammena kataṃ hoti, samaggena kataṃ hoti…pe… adesitāya āpattiyā kataṃ hoti, dhammena kataṃ hoti, samaggena kataṃ hoti…pe… codetvā kataṃ hoti, dhammena kataṃ hoti, samaggena kataṃ hoti…pe… sāretvā kataṃ hoti, dhammena kataṃ hoti, samaggena kataṃ hoti…pe… āpattiṃ āropetvā kataṃ hoti, dhammena kataṃ hoti, samaggena kataṃ hoti – imehi kho, bhikkhave, tīhaṅgehi samannāgataṃ, āpattiyā adassane, ukkhepanīyakammaṃ dhammakammañca hoti, vinayakammañca, suvūpasantañca.
ਆਪਤ੍ਤਿਯਾ ਅਦਸ੍ਸਨੇ ਉਕ੍ਖੇਪਨੀਯਕਮ੍ਮੇ ਧਮ੍ਮਕਮ੍ਮਦ੍વਾਦਸਕਂ ਨਿਟ੍ਠਿਤਂ।
Āpattiyā adassane ukkhepanīyakamme dhammakammadvādasakaṃ niṭṭhitaṃ.
