Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi

    ൨൧. ഏകവീസതിമവഗ്ഗോ

    21. Ekavīsatimavaggo

    (൨൦൬) ൭. ധമ്മകഥാ

    (206) 7. Dhammakathā

    ൮൮൭. സബ്ബേ ധമ്മാ നിയതാതി? ആമന്താ. മിച്ഛത്തനിയതാതി? ന ഹേവം വത്തബ്ബേ…പേ॰… സമ്മത്തനിയതാതി? ന ഹേവം വത്തബ്ബേ…പേ॰… നത്ഥി അനിയതോ രാസീതി? ന ഹേവം വത്തബ്ബേ…പേ॰… നനു അത്ഥി അനിയതോ രാസീതി? ആമന്താ . ഹഞ്ചി അത്ഥി അനിയതോ രാസി, നോ ച വത രേ വത്തബ്ബേ – ‘‘സബ്ബേ ധമ്മാ നിയതാ’’തി.

    887. Sabbe dhammā niyatāti? Āmantā. Micchattaniyatāti? Na hevaṃ vattabbe…pe… sammattaniyatāti? Na hevaṃ vattabbe…pe… natthi aniyato rāsīti? Na hevaṃ vattabbe…pe… nanu atthi aniyato rāsīti? Āmantā . Hañci atthi aniyato rāsi, no ca vata re vattabbe – ‘‘sabbe dhammā niyatā’’ti.

    സബ്ബേ ധമ്മാ നിയതാതി? ആമന്താ. നനു തയോ രാസീ വുത്താ ഭഗവതാ – മിച്ഛത്തനിയതോ രാസി, സമ്മത്തനിയതോ രാസി, അനിയതോ രാസീതി 1? ആമന്താ. ഹഞ്ചി തയോ രാസീ വുത്താ ഭഗവതാ – മിച്ഛത്തനിയതോ രാസി, സമ്മത്തനിയതോ രാസി, അനിയതോ രാസി, നോ ച വത രേ വത്തബ്ബേ – ‘‘സബ്ബേ ധമ്മാ നിയതാ’’തി.

    Sabbe dhammā niyatāti? Āmantā. Nanu tayo rāsī vuttā bhagavatā – micchattaniyato rāsi, sammattaniyato rāsi, aniyato rāsīti 2? Āmantā. Hañci tayo rāsī vuttā bhagavatā – micchattaniyato rāsi, sammattaniyato rāsi, aniyato rāsi, no ca vata re vattabbe – ‘‘sabbe dhammā niyatā’’ti.

    രൂപം രൂപട്ഠേന നിയതന്തി? ആമന്താ. മിച്ഛത്തനിയതന്തി? ന ഹേവം വത്തബ്ബേ…പേ॰… സമ്മത്തനിയതന്തി? ന ഹേവം വത്തബ്ബേ…പേ॰… വേദനാ…പേ॰… സഞ്ഞാ…പേ॰… സങ്ഖാരാ…പേ॰… വിഞ്ഞാണം വിഞ്ഞാണട്ഠേന നിയതന്തി? ആമന്താ. മിച്ഛത്തനിയതന്തി? ന ഹേവം വത്തബ്ബേ…പേ॰… സമ്മത്തനിയതന്തി? ന ഹേവം വത്തബ്ബേ…പേ॰….

    Rūpaṃ rūpaṭṭhena niyatanti? Āmantā. Micchattaniyatanti? Na hevaṃ vattabbe…pe… sammattaniyatanti? Na hevaṃ vattabbe…pe… vedanā…pe… saññā…pe… saṅkhārā…pe… viññāṇaṃ viññāṇaṭṭhena niyatanti? Āmantā. Micchattaniyatanti? Na hevaṃ vattabbe…pe… sammattaniyatanti? Na hevaṃ vattabbe…pe….

    ൮൮൮. ന വത്തബ്ബം – രൂപം രൂപട്ഠേന നിയതം…പേ॰… വേദനാ…പേ॰… സഞ്ഞാ…പേ॰… സങ്ഖാരാ…പേ॰… വിഞ്ഞാണം വിഞ്ഞാണട്ഠേന നിയതന്തി? ആമന്താ. രൂപം വേദനാ ഹോതി…പേ॰… സഞ്ഞാ ഹോതി… സങ്ഖാരാ ഹോന്തി… വിഞ്ഞാണം ഹോതി… വേദനാ…പേ॰… സഞ്ഞാ…പേ॰… സങ്ഖാരാ…പേ॰… വിഞ്ഞാണം രൂപം ഹോതി…പേ॰… വേദനാ ഹോതി… സഞ്ഞാ ഹോതി… സങ്ഖാരാ ഹോന്തീതി? ന ഹേവം വത്തബ്ബേ. തേന ഹി രൂപം രൂപട്ഠേന നിയതം, വേദനാ…പേ॰… സഞ്ഞാ…പേ॰… സങ്ഖാരാ…പേ॰… വിഞ്ഞാണം വിഞ്ഞാണട്ഠേന നിയതന്തി.

    888. Na vattabbaṃ – rūpaṃ rūpaṭṭhena niyataṃ…pe… vedanā…pe… saññā…pe… saṅkhārā…pe… viññāṇaṃ viññāṇaṭṭhena niyatanti? Āmantā. Rūpaṃ vedanā hoti…pe… saññā hoti… saṅkhārā honti… viññāṇaṃ hoti… vedanā…pe… saññā…pe… saṅkhārā…pe… viññāṇaṃ rūpaṃ hoti…pe… vedanā hoti… saññā hoti… saṅkhārā hontīti? Na hevaṃ vattabbe. Tena hi rūpaṃ rūpaṭṭhena niyataṃ, vedanā…pe… saññā…pe… saṅkhārā…pe… viññāṇaṃ viññāṇaṭṭhena niyatanti.

    ധമ്മകഥാ നിട്ഠിതാ.

    Dhammakathā niṭṭhitā.







    Footnotes:
    1. ധ॰ സ॰ തികമാതികാ ൧൫
    2. dha. sa. tikamātikā 15



    Related texts:



    അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൭. ധമ്മകഥാവണ്ണനാ • 7. Dhammakathāvaṇṇanā

    ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൭. ധമ്മകഥാവണ്ണനാ • 7. Dhammakathāvaṇṇanā

    ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൭. ധമ്മകഥാവണ്ണനാ • 7. Dhammakathāvaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact