| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. д̇хаммагат̇игасуд̇д̇ам̣
6. Dhammakathikasuttaṃ
16. саавад̇т̇ияам̣ …бз… ат̇а ко ан̃н̃ад̇аро бхигку язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘‘д̇хаммагат̇иго д̇хаммагат̇иго’д̇и, бханд̇з, вужжад̇и. гид̇д̇аавад̇аа ну ко, бханд̇з, д̇хаммагат̇иго ход̇ий’’д̇и?
16. Sāvatthiyaṃ …pe… atha kho aññataro bhikkhu yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so bhikkhu bhagavantaṃ etadavoca – ‘‘‘dhammakathiko dhammakathiko’ti, bhante, vuccati. Kittāvatā nu kho, bhante, dhammakathiko hotī’’ti?
‘‘ж̇араамаран̣асса жз бхигку ниб̣б̣ид̣̇ааяа вирааг̇ааяа нирод̇хааяа д̇хаммам̣ д̣̇зсзд̇и, ‘д̇хаммагат̇иго бхигкуу’д̇и алам̣ важанааяа. ж̇араамаран̣асса жз бхигку ниб̣б̣ид̣̇ааяа вирааг̇ааяа нирод̇хааяа бадибанно ход̇и, ‘д̇хаммаануд̇хаммаббадибанно бхигкуу’д̇и алам̣ важанааяа. ж̇араамаран̣асса жз бхигку ниб̣б̣ид̣̇аа вирааг̇аа нирод̇хаа анубаад̣̇аавимуд̇д̇о ход̇и, ‘д̣̇идтад̇хамманиб̣б̣аанаббад̇д̇о бхигкуу’д̇и алам̣ важанааяа.
‘‘Jarāmaraṇassa ce bhikkhu nibbidāya virāgāya nirodhāya dhammaṃ deseti, ‘dhammakathiko bhikkhū’ti alaṃ vacanāya. Jarāmaraṇassa ce bhikkhu nibbidāya virāgāya nirodhāya paṭipanno hoti, ‘dhammānudhammappaṭipanno bhikkhū’ti alaṃ vacanāya. Jarāmaraṇassa ce bhikkhu nibbidā virāgā nirodhā anupādāvimutto hoti, ‘diṭṭhadhammanibbānappatto bhikkhū’ti alaṃ vacanāya.
‘‘ж̇аад̇ияаа жз бхигку…бз… бхавасса жз бхигку… убаад̣̇аанасса жз бхигку… д̇ан̣хааяа жз бхигку… взд̣̇анааяа жз бхигку… пассасса жз бхигку… сал̣ааяад̇анасса жз бхигку… наамаруубасса жз бхигку… вин̃н̃аан̣асса жз бхигку… сан̇каараанам̣ жз бхигку… авиж̇ж̇ааяа жз бхигку ниб̣б̣ид̣̇ааяа вирааг̇ааяа нирод̇хааяа д̇хаммам̣ д̣̇зсзд̇и, ‘д̇хаммагат̇иго бхигкуу’д̇и алам̣ важанааяа. авиж̇ж̇ааяа жз бхигку ниб̣б̣ид̣̇ааяа вирааг̇ааяа нирод̇хааяа бадибанно ход̇и, ‘д̇хаммаануд̇хаммаббадибанно бхигкуу’д̇и алам̣ важанааяа. авиж̇ж̇ааяа жз бхигку ниб̣б̣ид̣̇аа вирааг̇аа нирод̇хаа анубаад̣̇аавимуд̇д̇о ход̇и, ‘д̣̇идтад̇хамманиб̣б̣аанаббад̇д̇о бхигкуу’д̇и алам̣ важанааяаа’’д̇и.
‘‘Jātiyā ce bhikkhu…pe… bhavassa ce bhikkhu… upādānassa ce bhikkhu… taṇhāya ce bhikkhu… vedanāya ce bhikkhu… phassassa ce bhikkhu… saḷāyatanassa ce bhikkhu… nāmarūpassa ce bhikkhu… viññāṇassa ce bhikkhu… saṅkhārānaṃ ce bhikkhu… avijjāya ce bhikkhu nibbidāya virāgāya nirodhāya dhammaṃ deseti, ‘dhammakathiko bhikkhū’ti alaṃ vacanāya. Avijjāya ce bhikkhu nibbidāya virāgāya nirodhāya paṭipanno hoti, ‘dhammānudhammappaṭipanno bhikkhū’ti alaṃ vacanāya. Avijjāya ce bhikkhu nibbidā virāgā nirodhā anupādāvimutto hoti, ‘diṭṭhadhammanibbānappatto bhikkhū’ti alaṃ vacanāyā’’ti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. д̇хаммагат̇игасуд̇д̇аван̣н̣анаа • 6. Dhammakathikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. д̇хаммагат̇игасуд̇д̇аван̣н̣анаа • 6. Dhammakathikasuttavaṇṇanā
