| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੪. ਧਮ੍ਮਞ੍ਞੂਸੁਤ੍ਤવਣ੍ਣਨਾ
4. Dhammaññūsuttavaṇṇanā
੬੮. ਚਤੁਤ੍ਥੇ ਸੁਤ੍ਤਗੇਯ੍ਯਾਦਿਧਮ੍ਮਂ ਜਾਨਾਤੀਤਿ ਧਮ੍ਮਞ੍ਞੂ। ਤਸ੍ਸ ਤਸ੍ਸੇવ ਸੁਤ੍ਤਗੇਯ੍ਯਾਦਿਨਾ ਭਾਸਿਤਸ੍ਸ ਤਦਞ੍ਞਸ੍ਸ ਸੁਤ੍ਤਪਦਤ੍ਥਸ੍ਸ ਬੋਧਕਸ੍ਸ ਸਦ੍ਦਸ੍ਸ ਅਤ੍ਥਕੁਸਲਤਾવਸੇਨ ਅਤ੍ਥਂ ਜਾਨਾਤੀਤਿ ਅਤ੍ਥਞ੍ਞੂ। ‘‘ਏਤ੍ਤਕੋਮ੍ਹਿ ਸੀਲੇਨ ਸਮਾਧਿਨਾ ਪਞ੍ਞਾਯਾ’’ਤਿ ਏવਂ ਯਥਾ ਅਤ੍ਤਨੋ ਪਮਾਣਜਾਨਨવਸੇਨ ਅਤ੍ਤਾਨਂ ਜਾਨਾਤੀਤਿ ਅਤ੍ਤਞ੍ਞੂ। ਪਟਿਗ੍ਗਹਣਪਰਿਭੋਗਪਰਿਯੇਸਨવਿਸ੍ਸਜ੍ਜਨੇਸੁ ਮਤ੍ਤਂ ਜਾਨਾਤੀਤਿ ਮਤ੍ਤਞ੍ਞੂ। ਨਿਦ੍ਦੇਸੇ ਪਨ ਪਟਿਗ੍ਗਹਣਮਤ੍ਤਞ੍ਞੁਤਾਯ ਏવ ਪਰਿਭੋਗਾਦਿਮਤ੍ਤਞ੍ਞੁਤਾ ਪਬੋਧਿਤਾ ਹੋਤੀਤਿ ਪਟਿਗ੍ਗਹਣਮਤ੍ਤਞ੍ਞੁਤਾવ ਦਸ੍ਸਿਤਾ। ‘‘ਅਯਂ ਕਾਲੋ ਉਦ੍ਦੇਸਸ੍ਸ, ਅਯਂ ਕਾਲੋ ਪਰਿਪੁਚ੍ਛਾਯ, ਅਯਂ ਕਾਲੋ ਯੋਗਸ੍ਸ ਅਧਿਗਮਾਯਾ’’ਤਿ ਏવਂ ਕਾਲਂ ਜਾਨਾਤੀਤਿ ਕਾਲਞ੍ਞੂ। ਤਤ੍ਥ ਪਞ੍ਚ વਸ੍ਸਾਨਿ ਉਦ੍ਦੇਸਸ੍ਸ ਕਾਲੋ, ਦਸ ਪਰਿਪੁਚ੍ਛਾਯ, ਇਦਂ ਅਤਿਸਮ੍ਬਾਧਂ, ਅਤਿਕ੍ਖਪਞ੍ਞਸ੍ਸ ਤਾવਤਾ ਕਾਲੇਨ ਤੀਰੇਤੁਂ ਅਸਕ੍ਕੁਣੇਯ੍ਯਤ੍ਤਾ ਦਸ વਸ੍ਸਾਨਿ ਉਦ੍ਦੇਸਸ੍ਸ ਕਾਲੋ, વੀਸਤਿ ਪਰਿਪੁਚ੍ਛਾਯ, ਤਤੋ ਪਰਂ ਯੋਗੇ ਕਮ੍ਮਂ ਕਾਤਬ੍ਬਂ। ਖਤ੍ਤਿਯਪਰਿਸਾਦਿਕਂ ਅਟ੍ਠવਿਧਂ ਪਰਿਸਂ ਜਾਨਾਤੀਤਿ ਪਰਿਸਞ੍ਞੂ। ਭਿਕ੍ਖੁਪਰਿਸਾਦਿਕਂ ਚਤੁਬ੍ਬਿਧਂ, ਖਤ੍ਤਿਯਪਰਿਸਾਦਿਕਂ ਮਨੁਸ੍ਸਪਰਿਸਂਯੇવ ਪੁਨ ਚਤੁਬ੍ਬਿਧਂ ਗਹੇਤ੍વਾ ਅਟ੍ਠવਿਧਂ વਦਨ੍ਤਿ ਅਪਰੇ। ਨਿਦ੍ਦੇਸੇ ਪਨਸ੍ਸ ਖਤ੍ਤਿਯਪਰਿਸਾਦਿਚਤੁਬ੍ਬਿਧਪਰਿਸਗ੍ਗਹਣਂ ਨਿਦਸ੍ਸਨਮਤ੍ਤਂ ਦਟ੍ਠਬ੍ਬਂ। ‘‘ਇਮਂ ਮੇ ਸੇવਨ੍ਤਸ੍ਸ ਅਕੁਸਲਾ ਧਮ੍ਮਾ ਪਰਿਹਾਯਨ੍ਤਿ, ਕੁਸਲਾ ਧਮ੍ਮਾ ਅਭਿવਡ੍ਢਨ੍ਤਿ, ਤਸ੍ਮਾ ਅਯਂ ਪੁਗ੍ਗਲੋ ਸੇવਿਤਬ੍ਬੋ, વਿਪਰਿਯਾਯਤੋ ਅਞ੍ਞੋ ਅਸੇવਿਤਬ੍ਬੋ’’ਤਿ ਸੇવਿਤਬ੍ਬਾਸੇવਿਤਬ੍ਬਪੁਗ੍ਗਲਂ ਜਾਨਾਤੀਤਿ ਪੁਗ੍ਗਲਪਰੋਪਰਞ੍ਞੂ। ਏવਞ੍ਹਿ ਤੇਸਂ ਪੁਗ੍ਗਲਾਨਂ ਪਰੋਪਰਂ ਉਕ੍ਕਟ੍ਠਨਿਹੀਨਤਂ ਜਾਨਾਤਿ ਨਾਮ। ਨਿਦ੍ਦੇਸੇਪਿਸ੍ਸ ਸੇવਿਤਬ੍ਬਾਸੇવਿਤਬ੍ਬਪੁਗ੍ਗਲੇ વਿਭਾવਨਮੇવ ਸਮਣਕਥਾਕਤਨ੍ਤਿ ਦਟ੍ਠਬ੍ਬਂ।
68. Catutthe suttageyyādidhammaṃ jānātīti dhammaññū. Tassa tasseva suttageyyādinā bhāsitassa tadaññassa suttapadatthassa bodhakassa saddassa atthakusalatāvasena atthaṃ jānātīti atthaññū. ‘‘Ettakomhi sīlena samādhinā paññāyā’’ti evaṃ yathā attano pamāṇajānanavasena attānaṃ jānātīti attaññū. Paṭiggahaṇaparibhogapariyesanavissajjanesu mattaṃ jānātīti mattaññū. Niddese pana paṭiggahaṇamattaññutāya eva paribhogādimattaññutā pabodhitā hotīti paṭiggahaṇamattaññutāva dassitā. ‘‘Ayaṃ kālo uddesassa, ayaṃ kālo paripucchāya, ayaṃ kālo yogassa adhigamāyā’’ti evaṃ kālaṃ jānātīti kālaññū. Tattha pañca vassāni uddesassa kālo, dasa paripucchāya, idaṃ atisambādhaṃ, atikkhapaññassa tāvatā kālena tīretuṃ asakkuṇeyyattā dasa vassāni uddesassa kālo, vīsati paripucchāya, tato paraṃ yoge kammaṃ kātabbaṃ. Khattiyaparisādikaṃ aṭṭhavidhaṃ parisaṃ jānātīti parisaññū. Bhikkhuparisādikaṃ catubbidhaṃ, khattiyaparisādikaṃ manussaparisaṃyeva puna catubbidhaṃ gahetvā aṭṭhavidhaṃ vadanti apare. Niddese panassa khattiyaparisādicatubbidhaparisaggahaṇaṃ nidassanamattaṃ daṭṭhabbaṃ. ‘‘Imaṃ me sevantassa akusalā dhammā parihāyanti, kusalā dhammā abhivaḍḍhanti, tasmā ayaṃ puggalo sevitabbo, vipariyāyato añño asevitabbo’’ti sevitabbāsevitabbapuggalaṃ jānātīti puggalaparoparaññū. Evañhi tesaṃ puggalānaṃ paroparaṃ ukkaṭṭhanihīnataṃ jānāti nāma. Niddesepissa sevitabbāsevitabbapuggale vibhāvanameva samaṇakathākatanti daṭṭhabbaṃ.
ਧਮ੍ਮਞ੍ਞੂਸੁਤ੍ਤવਣ੍ਣਨਾ ਨਿਟ੍ਠਿਤਾ।
Dhammaññūsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੪. ਧਮ੍ਮਞ੍ਞੂਸੁਤ੍ਤਂ • 4. Dhammaññūsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੪. ਧਮ੍ਮਞ੍ਞੂਸੁਤ੍ਤવਣ੍ਣਨਾ • 4. Dhammaññūsuttavaṇṇanā
