| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൪. ധമ്മഞ്ഞൂസുത്തവണ്ണനാ
4. Dhammaññūsuttavaṇṇanā
൬൮. ചതുത്ഥേ കാലം ജാനാതീതി യുത്തപ്പത്തകാലം ജാനാതി. അയം കാലോ ഉദ്ദേസസ്സാതി അയം ബുദ്ധവചനം ഉഗ്ഗണ്ഹനകാലോ. പരിപുച്ഛായാതി അത്ഥാനത്ഥം കാരണാകാരണം പരിപുച്ഛായ. യോഗസ്സാതി യോഗേ കമ്മം പക്ഖിപനസ്സ. പടിസല്ലാനസ്സാതി നിലീയനസ്സ ഏകീഭാവസ്സ. ധമ്മാനുധമ്മപ്പടിപന്നോതി നവന്നം ലോകുത്തരധമ്മാനം അനുരൂപധമ്മം പുബ്ബഭാഗപടിപദം പടിപന്നോ. ഏവം ഖോ, ഭിക്ഖവേ, ഭിക്ഖു പുഗ്ഗലപരോപരഞ്ഞൂ ഹോതീതി ഏവം ഭിക്ഖു പുഗ്ഗലാനം പരോപരം തിക്ഖമുദുഭാവം ജാനനസമത്ഥോ നാമ ഹോതി.
68. Catutthe kālaṃ jānātīti yuttappattakālaṃ jānāti. Ayaṃ kālo uddesassāti ayaṃ buddhavacanaṃ uggaṇhanakālo. Paripucchāyāti atthānatthaṃ kāraṇākāraṇaṃ paripucchāya. Yogassāti yoge kammaṃ pakkhipanassa. Paṭisallānassāti nilīyanassa ekībhāvassa. Dhammānudhammappaṭipannoti navannaṃ lokuttaradhammānaṃ anurūpadhammaṃ pubbabhāgapaṭipadaṃ paṭipanno. Evaṃ kho, bhikkhave, bhikkhu puggalaparoparaññū hotīti evaṃ bhikkhu puggalānaṃ paroparaṃ tikkhamudubhāvaṃ jānanasamattho nāma hoti.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൪. ധമ്മഞ്ഞൂസുത്തം • 4. Dhammaññūsuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൪. ധമ്മഞ്ഞൂസുത്തവണ്ണനാ • 4. Dhammaññūsuttavaṇṇanā
