| Library / Tipiṭaka / तिपिटक • Tipiṭaka / पट्ठानपाळि • Paṭṭhānapāḷi |
धम्मपच्चनीयानुलोमे तिकदुकपट्ठानं
Dhammapaccanīyānulome tikadukapaṭṭhānaṃ
१-१. कुसलत्तिक-हेतुदुकं
1-1. Kusalattika-hetudukaṃ
१. नकुसलं नहेतुं धम्मं पटिच्च अकुसलो हेतु धम्मो उप्पज्जति हेतुपच्चया। नकुसलं नहेतुं धम्मं पटिच्च अब्याकतो हेतु धम्मो उप्पज्जति हेतुपच्चया। (२)
1. Nakusalaṃ nahetuṃ dhammaṃ paṭicca akusalo hetu dhammo uppajjati hetupaccayā. Nakusalaṃ nahetuṃ dhammaṃ paṭicca abyākato hetu dhammo uppajjati hetupaccayā. (2)
नअकुसलं नहेतुं धम्मं पटिच्च कुसलो हेतु धम्मो उप्पज्जति हेतुपच्चया। नअकुसलं नहेतुं धम्मं पटिच्च अब्याकतो हेतु धम्मो उप्पज्जति हेतुपच्चया। (२)
Naakusalaṃ nahetuṃ dhammaṃ paṭicca kusalo hetu dhammo uppajjati hetupaccayā. Naakusalaṃ nahetuṃ dhammaṃ paṭicca abyākato hetu dhammo uppajjati hetupaccayā. (2)
नअब्याकतं नहेतुं धम्मं पटिच्च कुसलो हेतु धम्मो उप्पज्जति हेतुपच्चया। नअब्याकतं नहेतुं धम्मं पटिच्च अकुसलो हेतु धम्मो उप्पज्जति हेतुपच्चया। (२)
Naabyākataṃ nahetuṃ dhammaṃ paṭicca kusalo hetu dhammo uppajjati hetupaccayā. Naabyākataṃ nahetuṃ dhammaṃ paṭicca akusalo hetu dhammo uppajjati hetupaccayā. (2)
नकुसलं नहेतुञ्च नअब्याकतं नहेतुञ्च धम्मं पटिच्च अकुसलो हेतु धम्मो उप्पज्जति हेतुपच्चया। नअकुसलं नहेतुञ्च नअब्याकतं नहेतुञ्च धम्मं पटिच्च कुसलो हेतु धम्मो उप्पज्जति हेतुपच्चया। नकुसलं नहेतुञ्च नअकुसलं नहेतुञ्च धम्मं पटिच्च अब्याकतो हेतु धम्मो उप्पज्जति हेतुपच्चया। तीणि। (संखित्तं।) हेतुया नव।
Nakusalaṃ nahetuñca naabyākataṃ nahetuñca dhammaṃ paṭicca akusalo hetu dhammo uppajjati hetupaccayā. Naakusalaṃ nahetuñca naabyākataṃ nahetuñca dhammaṃ paṭicca kusalo hetu dhammo uppajjati hetupaccayā. Nakusalaṃ nahetuñca naakusalaṃ nahetuñca dhammaṃ paṭicca abyākato hetu dhammo uppajjati hetupaccayā. Tīṇi. (Saṃkhittaṃ.) Hetuyā nava.
२. नकुसलं ननहेतुं धम्मं पटिच्च अकुसलो नहेतु धम्मो उप्पज्जति हेतुपच्चया। नकुसलं ननहेतुं धम्मं पटिच्च अब्याकतो नहेतु धम्मो उप्पज्जति हेतुपच्चया। नकुसलं ननहेतुं धम्मं पटिच्च अकुसलो नहेतु च अब्याकतो नहेतु च धम्मा उप्पज्जन्ति हेतुपच्चया। तीणि।
2. Nakusalaṃ nanahetuṃ dhammaṃ paṭicca akusalo nahetu dhammo uppajjati hetupaccayā. Nakusalaṃ nanahetuṃ dhammaṃ paṭicca abyākato nahetu dhammo uppajjati hetupaccayā. Nakusalaṃ nanahetuṃ dhammaṃ paṭicca akusalo nahetu ca abyākato nahetu ca dhammā uppajjanti hetupaccayā. Tīṇi.
नअकुसलं ननहेतुं धम्मं पटिच्च कुसलो नहेतु धम्मो उप्पज्जति हेतुपच्चया। नअकुसलं ननहेतुं धम्मं पटिच्च अब्याकतो नहेतु धम्मो उप्पज्जति हेतुपच्चया। नअकुसलं ननहेतुं धम्मं पटिच्च कुसलो नहेतु च अब्याकतो नहेतु च धम्मा उप्पज्जन्ति हेतुपच्चया। तीणि।
Naakusalaṃ nanahetuṃ dhammaṃ paṭicca kusalo nahetu dhammo uppajjati hetupaccayā. Naakusalaṃ nanahetuṃ dhammaṃ paṭicca abyākato nahetu dhammo uppajjati hetupaccayā. Naakusalaṃ nanahetuṃ dhammaṃ paṭicca kusalo nahetu ca abyākato nahetu ca dhammā uppajjanti hetupaccayā. Tīṇi.
नअब्याकतं ननहेतुं धम्मं पटिच्च अब्याकतो नहेतु धम्मो उप्पज्जति हेतुपच्चया… पञ्च।
Naabyākataṃ nanahetuṃ dhammaṃ paṭicca abyākato nahetu dhammo uppajjati hetupaccayā… pañca.
नकुसलं ननहेतुञ्च नअब्याकतं ननहेतुञ्च धम्मं पटिच्च अकुसलो नहेतु धम्मो उप्पज्जति हेतुपच्चया… तीणि।
Nakusalaṃ nanahetuñca naabyākataṃ nanahetuñca dhammaṃ paṭicca akusalo nahetu dhammo uppajjati hetupaccayā… tīṇi.
नअकुसलं ननहेतुञ्च नअब्याकतं ननहेतुञ्च धम्मं पटिच्च कुसलो नहेतु धम्मो उप्पज्जति हेतुपच्चया… तीणि।
Naakusalaṃ nanahetuñca naabyākataṃ nanahetuñca dhammaṃ paṭicca kusalo nahetu dhammo uppajjati hetupaccayā… tīṇi.
नकुसलं ननहेतुञ्च नअकुसलं ननहेतुञ्च धम्मं पटिच्च अब्याकतो नहेतु धम्मो उप्पज्जति हेतुपच्चया। एकं… हेतुया अट्ठारस।
Nakusalaṃ nanahetuñca naakusalaṃ nanahetuñca dhammaṃ paṭicca abyākato nahetu dhammo uppajjati hetupaccayā. Ekaṃ… hetuyā aṭṭhārasa.
१-२. कुसलत्तिक-सहेतुकदुकं
1-2. Kusalattika-sahetukadukaṃ
३. नकुसलं नसहेतुकं धम्मं पटिच्च अकुसलो सहेतुको धम्मो उप्पज्जति हेतुपच्चया। नकुसलं नसहेतुकं धम्मं पटिच्च अब्याकतो सहेतुको धम्मो उप्पज्जति हेतुपच्चया। नअकुसलं नसहेतुकं धम्मं पटिच्च अब्याकतो सहेतुको धम्मो उप्पज्जति हेतुपच्चया। नअब्याकतं नसहेतुकं धम्मं पटिच्च अकुसलो सहेतुको धम्मो उप्पज्जति हेतुपच्चया। नकुसलं नसहेतुकञ्च नअब्याकतं नसहेतुकञ्च धम्मं पटिच्च अकुसलो सहेतुको धम्मो उप्पज्जति हेतुपच्चया। नकुसलं नसहेतुकञ्च नअकुसलं नसहेतुकञ्च धम्मं पटिच्च अब्याकतो सहेतुको धम्मो उप्पज्जति हेतुपच्चया। हेतुया छ।
3. Nakusalaṃ nasahetukaṃ dhammaṃ paṭicca akusalo sahetuko dhammo uppajjati hetupaccayā. Nakusalaṃ nasahetukaṃ dhammaṃ paṭicca abyākato sahetuko dhammo uppajjati hetupaccayā. Naakusalaṃ nasahetukaṃ dhammaṃ paṭicca abyākato sahetuko dhammo uppajjati hetupaccayā. Naabyākataṃ nasahetukaṃ dhammaṃ paṭicca akusalo sahetuko dhammo uppajjati hetupaccayā. Nakusalaṃ nasahetukañca naabyākataṃ nasahetukañca dhammaṃ paṭicca akusalo sahetuko dhammo uppajjati hetupaccayā. Nakusalaṃ nasahetukañca naakusalaṃ nasahetukañca dhammaṃ paṭicca abyākato sahetuko dhammo uppajjati hetupaccayā. Hetuyā cha.
४. नकुसलं नअहेतुकं धम्मं पटिच्च अब्याकतो अहेतुको धम्मो उप्पज्जति हेतुपच्चया। नअकुसलं नअहेतुकं धम्मं पटिच्च अब्याकतो अहेतुको धम्मो उप्पज्जति हेतुपच्चया । नअब्याकतं नअहेतुकं धम्मं पटिच्च अब्याकतो अहेतुको धम्मो उप्पज्जति हेतुपच्चया। नकुसलं नअहेतुकञ्च नअब्याकतं नअहेतुकञ्च धम्मं पटिच्च अब्याकतो अहेतुको धम्मो उप्पज्जति हेतुपच्चया। नअकुसलं नअहेतुकञ्च नअब्याकतं नअहेतुकञ्च धम्मं पटिच्च अब्याकतो अहेतुको धम्मो उप्पज्जति हेतुपच्चया। नकुसलं नअहेतुकञ्च नअकुसलं नअहेतुकञ्च धम्मं पटिच्च अब्याकतो अहेतुको धम्मो उप्पज्जति हेतुपच्चया। हेतुया छ।
4. Nakusalaṃ naahetukaṃ dhammaṃ paṭicca abyākato ahetuko dhammo uppajjati hetupaccayā. Naakusalaṃ naahetukaṃ dhammaṃ paṭicca abyākato ahetuko dhammo uppajjati hetupaccayā . Naabyākataṃ naahetukaṃ dhammaṃ paṭicca abyākato ahetuko dhammo uppajjati hetupaccayā. Nakusalaṃ naahetukañca naabyākataṃ naahetukañca dhammaṃ paṭicca abyākato ahetuko dhammo uppajjati hetupaccayā. Naakusalaṃ naahetukañca naabyākataṃ naahetukañca dhammaṃ paṭicca abyākato ahetuko dhammo uppajjati hetupaccayā. Nakusalaṃ naahetukañca naakusalaṃ naahetukañca dhammaṃ paṭicca abyākato ahetuko dhammo uppajjati hetupaccayā. Hetuyā cha.
१-३. कुसलत्तिक-हेतुसम्पयुत्तदुकं
1-3. Kusalattika-hetusampayuttadukaṃ
५. नकुसलं नहेतुसम्पयुत्तं धम्मं पटिच्च अकुसलो हेतुसम्पयुत्तो धम्मो उप्पज्जति हेतुपच्चया। नकुसलं नहेतुसम्पयुत्तं धम्मं पटिच्च अब्याकतो हेतुसम्पयुत्तो धम्मो उप्पज्जति हेतुपच्चया। नअकुसलं नहेतुसम्पयुत्तं धम्मं पटिच्च अब्याकतो हेतुसम्पयुत्तो धम्मो उप्पज्जति हेतुपच्चया… छ। (सहेतुकसदिसं।)
5. Nakusalaṃ nahetusampayuttaṃ dhammaṃ paṭicca akusalo hetusampayutto dhammo uppajjati hetupaccayā. Nakusalaṃ nahetusampayuttaṃ dhammaṃ paṭicca abyākato hetusampayutto dhammo uppajjati hetupaccayā. Naakusalaṃ nahetusampayuttaṃ dhammaṃ paṭicca abyākato hetusampayutto dhammo uppajjati hetupaccayā… cha. (Sahetukasadisaṃ.)
नकुसलं नहेतुविप्पयुत्तं धम्मं पटिच्च अब्याकतो हेतुविप्पयुत्तो धम्मो उप्पज्जति हेतुपच्चया… छ। (अहेतुकसदिसं, संखित्तं।)
Nakusalaṃ nahetuvippayuttaṃ dhammaṃ paṭicca abyākato hetuvippayutto dhammo uppajjati hetupaccayā… cha. (Ahetukasadisaṃ, saṃkhittaṃ.)
१-४-६. कुसलत्तिक-हेतुसहेतुकादिदुकानि
1-4-6. Kusalattika-hetusahetukādidukāni
६. नकुसलं नहेतुञ्चेव नअहेतुकञ्च धम्मं पटिच्च अकुसलो हेतु चेव सहेतुको च धम्मो उप्पज्जति हेतुपच्चया। नकुसलं नहेतुञ्चेव नअहेतुकञ्च धम्मं पटिच्च अब्याकतो हेतु चेव सहेतुको च धम्मो उप्पज्जति हेतुपच्चया। द्वे।
6. Nakusalaṃ nahetuñceva naahetukañca dhammaṃ paṭicca akusalo hetu ceva sahetuko ca dhammo uppajjati hetupaccayā. Nakusalaṃ nahetuñceva naahetukañca dhammaṃ paṭicca abyākato hetu ceva sahetuko ca dhammo uppajjati hetupaccayā. Dve.
(नअकुसले द्वे, नअब्याकते द्वे। पठमं गणितकेन एकं, दुतियं गणितकेन एकं, ततियं गणितकेन एकं, सब्बत्थ नव पञ्हा।)
(Naakusale dve, naabyākate dve. Paṭhamaṃ gaṇitakena ekaṃ, dutiyaṃ gaṇitakena ekaṃ, tatiyaṃ gaṇitakena ekaṃ, sabbattha nava pañhā.)
नकुसलं नअहेतुकञ्चेव न च हेतुं धम्मं पटिच्च अकुसलो सहेतुको चेव न च हेतु धम्मो उप्पज्जति हेतुपच्चया… हेतुया नव।
Nakusalaṃ naahetukañceva na ca hetuṃ dhammaṃ paṭicca akusalo sahetuko ceva na ca hetu dhammo uppajjati hetupaccayā… hetuyā nava.
७. नकुसलं नहेतुञ्चेव नहेतुविप्पयुत्तञ्च धम्मं पटिच्च अकुसलो हेतु चेव हेतुसम्पयुत्तो च धम्मो उप्पज्जति हेतुपच्चया… हेतुया नव।
7. Nakusalaṃ nahetuñceva nahetuvippayuttañca dhammaṃ paṭicca akusalo hetu ceva hetusampayutto ca dhammo uppajjati hetupaccayā… hetuyā nava.
नकुसलं नहेतुविप्पयुत्तञ्चेव ननहेतुञ्च धम्मं पटिच्च अकुसलो हेतुसम्पयुत्तो चेव न च हेतु धम्मो उप्पज्जति हेतुपच्चया… हेतुया नव।
Nakusalaṃ nahetuvippayuttañceva nanahetuñca dhammaṃ paṭicca akusalo hetusampayutto ceva na ca hetu dhammo uppajjati hetupaccayā… hetuyā nava.
८. नकुसलं नहेतुं नसहेतुकं धम्मं पटिच्च अब्याकतो नहेतु सहेतुको धम्मो उप्पज्जति हेतुपच्चया… हेतुया तीणि।
8. Nakusalaṃ nahetuṃ nasahetukaṃ dhammaṃ paṭicca abyākato nahetu sahetuko dhammo uppajjati hetupaccayā… hetuyā tīṇi.
९. नकुसलं नहेतुं नअहेतुकं धम्मं पटिच्च अकुसलो नहेतु अहेतुको धम्मो उप्पज्जति हेतुपच्चया। (१)
9. Nakusalaṃ nahetuṃ naahetukaṃ dhammaṃ paṭicca akusalo nahetu ahetuko dhammo uppajjati hetupaccayā. (1)
नअकुसलं नहेतुं नअहेतुकं धम्मं पटिच्च अब्याकतो नहेतु अहेतुको धम्मो उप्पज्जति हेतुपच्चया। (१)
Naakusalaṃ nahetuṃ naahetukaṃ dhammaṃ paṭicca abyākato nahetu ahetuko dhammo uppajjati hetupaccayā. (1)
नअब्याकतं नहेतुं नअहेतुकं धम्मं पटिच्च अब्याकतो नहेतु अहेतुको धम्मो उप्पज्जति हेतुपच्चया। (१) (गणितकेन तीणि पञ्हा।)… हेतुया छ।
Naabyākataṃ nahetuṃ naahetukaṃ dhammaṃ paṭicca abyākato nahetu ahetuko dhammo uppajjati hetupaccayā. (1) (Gaṇitakena tīṇi pañhā.)… Hetuyā cha.
१-७-१३. कुसलत्तिक-चूळन्तरदुकानि
1-7-13. Kusalattika-cūḷantaradukāni
१०. नकुसलो नसप्पच्चयो धम्मो कुसलस्स सप्पच्चयस्स धम्मस्स आरम्मणपच्चयेन पच्चयो… आरम्मणे छ। (सङ्खतं सप्पच्चयसदिसं।)
10. Nakusalo nasappaccayo dhammo kusalassa sappaccayassa dhammassa ārammaṇapaccayena paccayo… ārammaṇe cha. (Saṅkhataṃ sappaccayasadisaṃ.)
११. नकुसलं नसनिदस्सनं धम्मं पटिच्च अब्याकतो सनिदस्सनो धम्मो उप्पज्जति हेतुपच्चया… हेतुया छ।
11. Nakusalaṃ nasanidassanaṃ dhammaṃ paṭicca abyākato sanidassano dhammo uppajjati hetupaccayā… hetuyā cha.
नकुसलो नअनिदस्सनो धम्मो कुसलस्स अनिदस्सनस्स धम्मस्स आरम्मणपच्चयेन पच्चयो। (नव पञ्हा कातब्बा)।
Nakusalo naanidassano dhammo kusalassa anidassanassa dhammassa ārammaṇapaccayena paccayo. (Nava pañhā kātabbā).
१२. नकुसलं नसप्पटिघं धम्मं पटिच्च अब्याकतो सप्पटिघो धम्मो उप्पज्जति हेतुपच्चया… हेतुया छ।
12. Nakusalaṃ nasappaṭighaṃ dhammaṃ paṭicca abyākato sappaṭigho dhammo uppajjati hetupaccayā… hetuyā cha.
नकुसलं नअप्पटिघं धम्मं पटिच्च अब्याकतो अप्पटिघो धम्मो उप्पज्जति हेतुपच्चया… हेतुया तीणि।
Nakusalaṃ naappaṭighaṃ dhammaṃ paṭicca abyākato appaṭigho dhammo uppajjati hetupaccayā… hetuyā tīṇi.
१३. नकुसलं नरूपिं धम्मं पटिच्च अब्याकतो रूपी धम्मो उप्पज्जति हेतुपच्चया… हेतुया छ।
13. Nakusalaṃ narūpiṃ dhammaṃ paṭicca abyākato rūpī dhammo uppajjati hetupaccayā… hetuyā cha.
नकुसलं नअरूपिं धम्मं पटिच्च अब्याकतो अरूपी धम्मो उप्पज्जति हेतुपच्चया… हेतुया तीणि।
Nakusalaṃ naarūpiṃ dhammaṃ paṭicca abyākato arūpī dhammo uppajjati hetupaccayā… hetuyā tīṇi.
१४. नकुसलं नलोकियं धम्मं पटिच्च अब्याकतो लोकियो धम्मो उप्पज्जति हेतुपच्चया… हेतुया पञ्च।
14. Nakusalaṃ nalokiyaṃ dhammaṃ paṭicca abyākato lokiyo dhammo uppajjati hetupaccayā… hetuyā pañca.
नकुसलं नलोकुत्तरं धम्मं पच्चया कुसलो लोकुत्तरो धम्मो उप्पज्जति हेतुपच्चया। नकुसलं नलोकुत्तरं धम्मं पच्चया अब्याकतो लोकुत्तरो धम्मो उप्पज्जति हेतुपच्चया। (छ पञ्हा कातब्बा।)
Nakusalaṃ nalokuttaraṃ dhammaṃ paccayā kusalo lokuttaro dhammo uppajjati hetupaccayā. Nakusalaṃ nalokuttaraṃ dhammaṃ paccayā abyākato lokuttaro dhammo uppajjati hetupaccayā. (Cha pañhā kātabbā.)
१५. नकुसलं नकेनचि विञ्ञेय्यं धम्मं पटिच्च अकुसलो केनचि विञ्ञेय्यो धम्मो उप्पज्जति हेतुपच्चया… हेतुया अट्ठारस।
15. Nakusalaṃ nakenaci viññeyyaṃ dhammaṃ paṭicca akusalo kenaci viññeyyo dhammo uppajjati hetupaccayā… hetuyā aṭṭhārasa.
नकुसलं नकेनचि नविञ्ञेय्यं धम्मं पटिच्च अकुसलो केनचि विञ्ञेय्यो धम्मो उप्पज्जति हेतुपच्चया… हेतुया अट्ठारस।
Nakusalaṃ nakenaci naviññeyyaṃ dhammaṃ paṭicca akusalo kenaci viññeyyo dhammo uppajjati hetupaccayā… hetuyā aṭṭhārasa.
१-१४. कुसलत्तिक-आसवगोच्छकं
1-14. Kusalattika-āsavagocchakaṃ
१६. नकुसलं नोआसवं धम्मं पटिच्च अकुसलो आसवो धम्मो उप्पज्जति हेतुपच्चया… हेतुया तीणि।
16. Nakusalaṃ noāsavaṃ dhammaṃ paṭicca akusalo āsavo dhammo uppajjati hetupaccayā… hetuyā tīṇi.
नकुसलं ननोआसवं धम्मं पटिच्च अकुसलो नोआसवो धम्मो उप्पज्जति हेतुपच्चया… हेतुया नव।
Nakusalaṃ nanoāsavaṃ dhammaṃ paṭicca akusalo noāsavo dhammo uppajjati hetupaccayā… hetuyā nava.
१७. नकुसलं नसासवं धम्मं पटिच्च अब्याकतो सासवो धम्मो उप्पज्जति हेतुपच्चया… हेतुया पञ्च।
17. Nakusalaṃ nasāsavaṃ dhammaṃ paṭicca abyākato sāsavo dhammo uppajjati hetupaccayā… hetuyā pañca.
नकुसलं नअनासवं धम्मं पच्चया कुसलो अनासवो धम्मो उप्पज्जति हेतुपच्चया। (संखित्तं।) हेतुया छ…पे॰… विपाके तीणि…पे॰… अविगते छ।
Nakusalaṃ naanāsavaṃ dhammaṃ paccayā kusalo anāsavo dhammo uppajjati hetupaccayā. (Saṃkhittaṃ.) Hetuyā cha…pe… vipāke tīṇi…pe… avigate cha.
१८. नकुसलं नआसवसम्पयुत्तं धम्मं पटिच्च अकुसलो आसवसम्पयुत्तो धम्मो उप्पज्जति हेतुपच्चया… हेतुया तीणि।
18. Nakusalaṃ naāsavasampayuttaṃ dhammaṃ paṭicca akusalo āsavasampayutto dhammo uppajjati hetupaccayā… hetuyā tīṇi.
नकुसलं नआसवविप्पयुत्तं धम्मं पटिच्च अकुसलो आसवविप्पयुत्तो धम्मो उप्पज्जति हेतुपच्चया… हेतुया नव।
Nakusalaṃ naāsavavippayuttaṃ dhammaṃ paṭicca akusalo āsavavippayutto dhammo uppajjati hetupaccayā… hetuyā nava.
१९. नकुसलं नआसवञ्चेव नअनासवञ्च धम्मं पटिच्च अकुसलो आसवो चेव सासवो च धम्मो उप्पज्जति हेतुपच्चया… हेतुया तीणि।
19. Nakusalaṃ naāsavañceva naanāsavañca dhammaṃ paṭicca akusalo āsavo ceva sāsavo ca dhammo uppajjati hetupaccayā… hetuyā tīṇi.
नकुसलं नअनासवञ्चेव ननो च आसवं धम्मं पटिच्च अकुसलो सासवो चेव नो च आसवो धम्मो उप्पज्जति हेतुपच्चया… हेतुया नव।
Nakusalaṃ naanāsavañceva nano ca āsavaṃ dhammaṃ paṭicca akusalo sāsavo ceva no ca āsavo dhammo uppajjati hetupaccayā… hetuyā nava.
२०. नकुसलं नआसवञ्चेव नआसवविप्पयुत्तञ्च धम्मं पटिच्च अकुसलो आसवो चेव आसवसम्पयुत्तो च धम्मो उप्पज्जति हेतुपच्चया… हेतुया तीणि।
20. Nakusalaṃ naāsavañceva naāsavavippayuttañca dhammaṃ paṭicca akusalo āsavo ceva āsavasampayutto ca dhammo uppajjati hetupaccayā… hetuyā tīṇi.
नकुसलं नआसवविप्पयुत्तञ्चेव ननो च आसवं धम्मं पटिच्च अकुसलो आसवसम्पयुत्तो चेव नो च आसवो धम्मो उप्पज्जति हेतुपच्चया… हेतुया तीणि।
Nakusalaṃ naāsavavippayuttañceva nano ca āsavaṃ dhammaṃ paṭicca akusalo āsavasampayutto ceva no ca āsavo dhammo uppajjati hetupaccayā… hetuyā tīṇi.
२१. नकुसलं आसवविप्पयुत्तं नसासवं धम्मं पटिच्च अब्याकतो आसवविप्पयुत्तो सासवो धम्मो उप्पज्जति हेतुपच्चया… हेतुया पञ्च।
21. Nakusalaṃ āsavavippayuttaṃ nasāsavaṃ dhammaṃ paṭicca abyākato āsavavippayutto sāsavo dhammo uppajjati hetupaccayā… hetuyā pañca.
१-२०-५४. कुसलत्तिक-सञ्ञोजनादिगोच्छकानि
1-20-54. Kusalattika-saññojanādigocchakāni
२२. नकुसलं नोसञ्ञोजनं धम्मं पटिच्च अकुसलो सञ्ञोजनो धम्मो उप्पज्जति हेतुपच्चया।
22. Nakusalaṃ nosaññojanaṃ dhammaṃ paṭicca akusalo saññojano dhammo uppajjati hetupaccayā.
२३. नकुसलं नोगन्थं धम्मं पटिच्च अकुसलो गन्थो धम्मो उप्पज्जति हेतुपच्चया।
23. Nakusalaṃ noganthaṃ dhammaṃ paṭicca akusalo gantho dhammo uppajjati hetupaccayā.
२४. नकुसलं नोओघं धम्मं पटिच्च अकुसलो ओघो धम्मो उप्पज्जति हेतुपच्चया।
24. Nakusalaṃ nooghaṃ dhammaṃ paṭicca akusalo ogho dhammo uppajjati hetupaccayā.
२५. नकुसलं नोयोगं धम्मं पटिच्च अकुसलो योगो धम्मो उप्पज्जति हेतुपच्चया।
25. Nakusalaṃ noyogaṃ dhammaṃ paṭicca akusalo yogo dhammo uppajjati hetupaccayā.
२६. नकुसलं नोनीवरणं धम्मं पटिच्च अकुसलो नीवरणो धम्मो उप्पज्जति हेतुपच्चया।
26. Nakusalaṃ nonīvaraṇaṃ dhammaṃ paṭicca akusalo nīvaraṇo dhammo uppajjati hetupaccayā.
२७. नकुसलं नोपरामासं धम्मं पटिच्च अकुसलो परामासो धम्मो उप्पज्जति हेतुपच्चया।
27. Nakusalaṃ noparāmāsaṃ dhammaṃ paṭicca akusalo parāmāso dhammo uppajjati hetupaccayā.
१-५५-९२. कुसलत्तिक-महन्तरदुकानि
1-55-92. Kusalattika-mahantaradukāni
२८. नकुसलं नसारम्मणं धम्मं पटिच्च अब्याकतो सारम्मणो धम्मो उप्पज्जति हेतुपच्चया…पे॰…।
28. Nakusalaṃ nasārammaṇaṃ dhammaṃ paṭicca abyākato sārammaṇo dhammo uppajjati hetupaccayā…pe….
१-९३. कुसलत्तिक-कामावचरदुकं
1-93. Kusalattika-kāmāvacaradukaṃ
२९. नकुसलं नकामावचरं धम्मं पटिच्च अब्याकतो कामावचरो धम्मो उप्पज्जति हेतुपच्चया… हेतुया पञ्च।
29. Nakusalaṃ nakāmāvacaraṃ dhammaṃ paṭicca abyākato kāmāvacaro dhammo uppajjati hetupaccayā… hetuyā pañca.
नकुसलं ननकामावचरं धम्मं पटिच्च अब्याकतो नकामावचरो धम्मो उप्पज्जति हेतुपच्चया… हेतुया तीणि।
Nakusalaṃ nanakāmāvacaraṃ dhammaṃ paṭicca abyākato nakāmāvacaro dhammo uppajjati hetupaccayā… hetuyā tīṇi.
१-९४. कुसलत्तिक-रूपावचरदुकं
1-94. Kusalattika-rūpāvacaradukaṃ
३०. नकुसलं नरूपावचरं धम्मं पटिच्च अब्याकतो रूपावचरो धम्मो उप्पज्जति हेतुपच्चया… हेतुया तीणि।
30. Nakusalaṃ narūpāvacaraṃ dhammaṃ paṭicca abyākato rūpāvacaro dhammo uppajjati hetupaccayā… hetuyā tīṇi.
नकुसलं ननरूपावचरं धम्मं पटिच्च अब्याकतो नरूपावचरो धम्मो उप्पज्जति हेतुपच्चया… हेतुया पञ्च।
Nakusalaṃ nanarūpāvacaraṃ dhammaṃ paṭicca abyākato narūpāvacaro dhammo uppajjati hetupaccayā… hetuyā pañca.
१-९५. कुसलत्तिक-अरूपावचरदुकं
1-95. Kusalattika-arūpāvacaradukaṃ
३१. नकुसलं नअरूपावचरं धम्मं पच्चया कुसलो अरूपावचरो धम्मो उप्पज्जति हेतुपच्चया… हेतुया छ।
31. Nakusalaṃ naarūpāvacaraṃ dhammaṃ paccayā kusalo arūpāvacaro dhammo uppajjati hetupaccayā… hetuyā cha.
नकुसलं ननअरूपावचरं धम्मं पटिच्च अब्याकतो नअरूपावचरो धम्मो उप्पज्जति हेतुपच्चया… हेतुया पञ्च।
Nakusalaṃ nanaarūpāvacaraṃ dhammaṃ paṭicca abyākato naarūpāvacaro dhammo uppajjati hetupaccayā… hetuyā pañca.
१-९६. कुसलत्तिक-परियापन्नदुकं
1-96. Kusalattika-pariyāpannadukaṃ
३२. नकुसलं नपरियापन्नं धम्मं पटिच्च अब्याकतो परियापन्नो धम्मो उप्पज्जति हेतुपच्चया। नअकुसलं नपरियापन्नं धम्मं पटिच्च अब्याकतो परियापन्नो धम्मो उप्पज्जति हेतुपच्चया। नअब्याकतं नपरियापन्नं धम्मं पटिच्च अब्याकतो परियापन्नो धम्मो उप्पज्जति हेतुपच्चया… हेतुया पञ्च।
32. Nakusalaṃ napariyāpannaṃ dhammaṃ paṭicca abyākato pariyāpanno dhammo uppajjati hetupaccayā. Naakusalaṃ napariyāpannaṃ dhammaṃ paṭicca abyākato pariyāpanno dhammo uppajjati hetupaccayā. Naabyākataṃ napariyāpannaṃ dhammaṃ paṭicca abyākato pariyāpanno dhammo uppajjati hetupaccayā… hetuyā pañca.
नकुसलं नअपरियापन्नं धम्मं पच्चया कुसलो अपरियापन्नो धम्मो उप्पज्जति हेतुपच्चया। नकुसलं नअपरियापन्नं धम्मं पच्चया अब्याकतो अपरियापन्नो धम्मो उप्पज्जति हेतुपच्चया। द्वे। (अकुसलमूले द्वे, दुकमूले द्वे।)… हेतुया छ।
Nakusalaṃ naapariyāpannaṃ dhammaṃ paccayā kusalo apariyāpanno dhammo uppajjati hetupaccayā. Nakusalaṃ naapariyāpannaṃ dhammaṃ paccayā abyākato apariyāpanno dhammo uppajjati hetupaccayā. Dve. (Akusalamūle dve, dukamūle dve.)… Hetuyā cha.
१-९७. कुसलत्तिक-निय्यानिकदुकं
1-97. Kusalattika-niyyānikadukaṃ
३३. नकुसलं ननिय्यानिकं धम्मं पच्चया कुसलो निय्यानिको धम्मो उप्पज्जति हेतुपच्चया… हेतुया तीणि।
33. Nakusalaṃ naniyyānikaṃ dhammaṃ paccayā kusalo niyyāniko dhammo uppajjati hetupaccayā… hetuyā tīṇi.
नकुसलं नअनिय्यानिकं धम्मं पटिच्च अब्याकतो अनिय्यानिको धम्मो उप्पज्जति हेतुपच्चया। नअब्याकतं नअनिय्यानिकं धम्मं पटिच्च अब्याकतो अनिय्यानिको धम्मो उप्पज्जति हेतुपच्चया। नअकुसलं नअनिय्यानिकञ्च नअब्याकतं नअनिय्यानिकञ्च धम्मं पटिच्च अब्याकतो अनिय्यानिको धम्मो उप्पज्जति हेतुपच्चया। हेतुया तीणि।
Nakusalaṃ naaniyyānikaṃ dhammaṃ paṭicca abyākato aniyyāniko dhammo uppajjati hetupaccayā. Naabyākataṃ naaniyyānikaṃ dhammaṃ paṭicca abyākato aniyyāniko dhammo uppajjati hetupaccayā. Naakusalaṃ naaniyyānikañca naabyākataṃ naaniyyānikañca dhammaṃ paṭicca abyākato aniyyāniko dhammo uppajjati hetupaccayā. Hetuyā tīṇi.
१-९८. कुसलत्तिक-नियतदुकं
1-98. Kusalattika-niyatadukaṃ
३४. नकुसलं ननियतं धम्मं पच्चया कुसलो नियतो धम्मो उप्पज्जति हेतुपच्चया… (अपरियापन्नसदिसं छ पञ्हा)।
34. Nakusalaṃ naniyataṃ dhammaṃ paccayā kusalo niyato dhammo uppajjati hetupaccayā… (apariyāpannasadisaṃ cha pañhā).
नकुसलं नअनियतं धम्मं पटिच्च अब्याकतो अनियतो धम्मो उप्पज्जति हेतुपच्चया। नअकुसलं नअनियतं धम्मं पटिच्च अब्याकतो अनियतो धम्मो उप्पज्जति हेतुपच्चया। नअब्याकतं नअनियतं धम्मं पटिच्च अब्याकतो अनियतो धम्मो उप्पज्जति हेतुपच्चया। नकुसलं नअनियतञ्च नअब्याकतं नअनियतञ्च धम्मं पटिच्च अब्याकतो अनियतो धम्मो उप्पज्जति हेतुपच्चया। नअकुसलं नअनियतञ्च नअब्याकतं नअनियतञ्च धम्मं पटिच्च अब्याकतो अनियतो धम्मो उप्पज्जति हेतुपच्चया। हेतुया पञ्च।
Nakusalaṃ naaniyataṃ dhammaṃ paṭicca abyākato aniyato dhammo uppajjati hetupaccayā. Naakusalaṃ naaniyataṃ dhammaṃ paṭicca abyākato aniyato dhammo uppajjati hetupaccayā. Naabyākataṃ naaniyataṃ dhammaṃ paṭicca abyākato aniyato dhammo uppajjati hetupaccayā. Nakusalaṃ naaniyatañca naabyākataṃ naaniyatañca dhammaṃ paṭicca abyākato aniyato dhammo uppajjati hetupaccayā. Naakusalaṃ naaniyatañca naabyākataṃ naaniyatañca dhammaṃ paṭicca abyākato aniyato dhammo uppajjati hetupaccayā. Hetuyā pañca.
१-९९. कुसलत्तिक-सउत्तरदुकं
1-99. Kusalattika-sauttaradukaṃ
३५. नकुसलं नसउत्तरं धम्मं पटिच्च अब्याकतो सउत्तरो धम्मो उप्पज्जति हेतुपच्चया। नअकुसलं नसउत्तरं धम्मं पटिच्च अब्याकतो सउत्तरो धम्मो उप्पज्जति हेतुपच्चया। नअब्याकतं नसउत्तरं धम्मं पटिच्च अब्याकतो सउत्तरो धम्मो उप्पज्जति हेतुपच्चया। नअकुसलं नसउत्तरञ्च नअब्याकतं नसउत्तरञ्च धम्मं पटिच्च अब्याकतो सउत्तरो धम्मो उप्पज्जति हेतुपच्चया। नकुसलं नसउत्तरञ्च नअकुसलं नसउत्तरञ्च धम्मं पटिच्च अब्याकतो सउत्तरो धम्मो उप्पज्जति हेतुपच्चया। हेतुया पञ्च।
35. Nakusalaṃ nasauttaraṃ dhammaṃ paṭicca abyākato sauttaro dhammo uppajjati hetupaccayā. Naakusalaṃ nasauttaraṃ dhammaṃ paṭicca abyākato sauttaro dhammo uppajjati hetupaccayā. Naabyākataṃ nasauttaraṃ dhammaṃ paṭicca abyākato sauttaro dhammo uppajjati hetupaccayā. Naakusalaṃ nasauttarañca naabyākataṃ nasauttarañca dhammaṃ paṭicca abyākato sauttaro dhammo uppajjati hetupaccayā. Nakusalaṃ nasauttarañca naakusalaṃ nasauttarañca dhammaṃ paṭicca abyākato sauttaro dhammo uppajjati hetupaccayā. Hetuyā pañca.
नकुसलं नअनुत्तरं धम्मं पच्चया कुसलो अनुत्तरो धम्मो उप्पज्जति हेतुपच्चया… (संखित्तं।) हेतुया छ…पे॰… विपाके तीणि…पे॰… अविगते छ।
Nakusalaṃ naanuttaraṃ dhammaṃ paccayā kusalo anuttaro dhammo uppajjati hetupaccayā… (saṃkhittaṃ.) Hetuyā cha…pe… vipāke tīṇi…pe… avigate cha.
१-१००. कुसलत्तिक-सरणदुकं
1-100. Kusalattika-saraṇadukaṃ
३६. नकुसलं नसरणं धम्मं पच्चया अकुसलो सरणो धम्मो उप्पज्जति हेतुपच्चया… हेतुया तीणि।
36. Nakusalaṃ nasaraṇaṃ dhammaṃ paccayā akusalo saraṇo dhammo uppajjati hetupaccayā… hetuyā tīṇi.
नकुसलं नअरणं धम्मं पटिच्च अब्याकतो अरणो धम्मो उप्पज्जति हेतुपच्चया। नअब्याकतं नअरणं धम्मं पटिच्च अब्याकतो अरणो धम्मो उप्पज्जति हेतुपच्चया। नकुसलं नअरणञ्च नअब्याकतं नअरणञ्च धम्मं पटिच्च अब्याकतो अरणो धम्मो उप्पज्जति हेतुपच्चया। हेतुया तीणि।
Nakusalaṃ naaraṇaṃ dhammaṃ paṭicca abyākato araṇo dhammo uppajjati hetupaccayā. Naabyākataṃ naaraṇaṃ dhammaṃ paṭicca abyākato araṇo dhammo uppajjati hetupaccayā. Nakusalaṃ naaraṇañca naabyākataṃ naaraṇañca dhammaṃ paṭicca abyākato araṇo dhammo uppajjati hetupaccayā. Hetuyā tīṇi.
२-१. वेदनात्तिक-हेतुदुकं
2-1. Vedanāttika-hetudukaṃ
३७. नसुखाय वेदनाय सम्पयुत्तं नहेतुं धम्मं पटिच्च सुखाय वेदनाय सम्पयुत्तो हेतु धम्मो उप्पज्जति हेतुपच्चया। नसुखाय वेदनाय सम्पयुत्तं नहेतुं धम्मं पटिच्च दुक्खाय वेदनाय सम्पयुत्तो हेतु धम्मो उप्पज्जति हेतुपच्चया। नसुखाय वेदनाय सम्पयुत्तं नहेतुं धम्मं पटिच्च अदुक्खमसुखाय वेदनाय सम्पयुत्तो हेतु धम्मो उप्पज्जति हेतुपच्चया। तीणि।
37. Nasukhāya vedanāya sampayuttaṃ nahetuṃ dhammaṃ paṭicca sukhāya vedanāya sampayutto hetu dhammo uppajjati hetupaccayā. Nasukhāya vedanāya sampayuttaṃ nahetuṃ dhammaṃ paṭicca dukkhāya vedanāya sampayutto hetu dhammo uppajjati hetupaccayā. Nasukhāya vedanāya sampayuttaṃ nahetuṃ dhammaṃ paṭicca adukkhamasukhāya vedanāya sampayutto hetu dhammo uppajjati hetupaccayā. Tīṇi.
नदुक्खाय वेदनाय सम्पयुत्तं नहेतुं धम्मं पटिच्च दुक्खाय वेदनाय सम्पयुत्तो हेतु धम्मो उप्पज्जति हेतुपच्चया… तीणि।
Nadukkhāya vedanāya sampayuttaṃ nahetuṃ dhammaṃ paṭicca dukkhāya vedanāya sampayutto hetu dhammo uppajjati hetupaccayā… tīṇi.
नअदुक्खमसुखाय वेदनाय सम्पयुत्तं नहेतुं धम्मं पटिच्च अदुक्खमसुखाय वेदनाय सम्पयुत्तो हेतु धम्मो उप्पज्जति हेतुपच्चया… तीणि।
Naadukkhamasukhāya vedanāya sampayuttaṃ nahetuṃ dhammaṃ paṭicca adukkhamasukhāya vedanāya sampayutto hetu dhammo uppajjati hetupaccayā… tīṇi.
नसुखाय वेदनाय सम्पयुत्तं नहेतुञ्च नअदुक्खमसुखाय वेदनाय सम्पयुत्तं नहेतुञ्च धम्मं पटिच्च सुखाय वेदनाय सम्पयुत्तो हेतु धम्मो उप्पज्जति हेतुपच्चया… तीणि (दुतियं गणितकेन तीणि)। हेतुया एकवीस।
Nasukhāya vedanāya sampayuttaṃ nahetuñca naadukkhamasukhāya vedanāya sampayuttaṃ nahetuñca dhammaṃ paṭicca sukhāya vedanāya sampayutto hetu dhammo uppajjati hetupaccayā… tīṇi (dutiyaṃ gaṇitakena tīṇi). Hetuyā ekavīsa.
नसुखाय वेदनाय सम्पयुत्तं ननहेतुं धम्मं पटिच्च दुक्खाय वेदनाय सम्पयुत्तो नहेतु धम्मो उप्पज्जति हेतुपच्चया… द्वे।
Nasukhāya vedanāya sampayuttaṃ nanahetuṃ dhammaṃ paṭicca dukkhāya vedanāya sampayutto nahetu dhammo uppajjati hetupaccayā… dve.
नदुक्खाय वेदनाय सम्पयुत्तं ननहेतुं धम्मं पटिच्च… (द्वे पञ्हायेव)।
Nadukkhāya vedanāya sampayuttaṃ nanahetuṃ dhammaṃ paṭicca… (dve pañhāyeva).
नअदुक्खमसुखाय वेदनाय सम्पयुत्तं ननहेतुं धम्मं पटिच्च… (द्वेयेव। पठमं गणितकेन एकं, दुतियं गणितकेन एकं, ततियं गणितकेन एकं कातब्बं।) हेतुया नव।
Naadukkhamasukhāya vedanāya sampayuttaṃ nanahetuṃ dhammaṃ paṭicca… (dveyeva. Paṭhamaṃ gaṇitakena ekaṃ, dutiyaṃ gaṇitakena ekaṃ, tatiyaṃ gaṇitakena ekaṃ kātabbaṃ.) Hetuyā nava.
३-१. विपाकत्तिक-हेतुदुकं
3-1. Vipākattika-hetudukaṃ
३८. नविपाकं नहेतुं धम्मं पटिच्च विपाको हेतु धम्मो उप्पज्जति हेतुपच्चया। नविपाकं नहेतुं धम्मं पटिच्च विपाकधम्मधम्मो हेतु धम्मो उप्पज्जति हेतुपच्चया। नविपाकं नहेतुं धम्मं पटिच्च नेवविपाकनविपाकधम्मधम्मो हेतु धम्मो उप्पज्जति हेतुपच्चया। तीणि।
38. Navipākaṃ nahetuṃ dhammaṃ paṭicca vipāko hetu dhammo uppajjati hetupaccayā. Navipākaṃ nahetuṃ dhammaṃ paṭicca vipākadhammadhammo hetu dhammo uppajjati hetupaccayā. Navipākaṃ nahetuṃ dhammaṃ paṭicca nevavipākanavipākadhammadhammo hetu dhammo uppajjati hetupaccayā. Tīṇi.
नविपाकधम्मधम्मं नहेतुं धम्मं पटिच्च विपाको हेतु धम्मो उप्पज्जति हेतुपच्चया। नविपाकधम्मधम्मं नहेतुं धम्मं पटिच्च नेवविपाकनविपाकधम्मधम्मो हेतु धम्मो उप्पज्जति हेतुपच्चया। द्वे।
Navipākadhammadhammaṃ nahetuṃ dhammaṃ paṭicca vipāko hetu dhammo uppajjati hetupaccayā. Navipākadhammadhammaṃ nahetuṃ dhammaṃ paṭicca nevavipākanavipākadhammadhammo hetu dhammo uppajjati hetupaccayā. Dve.
ननेवविपाकनविपाकधम्मधम्मं नहेतुं धम्मं पटिच्च विपाको हेतु धम्मो उप्पज्जति हेतुपच्चया। ननेवविपाकनविपाकधम्मधम्मं नहेतुं धम्मं पटिच्च विपाकधम्मधम्मो हेतु धम्मो उप्पज्जति हेतुपच्चया। द्वे।
Nanevavipākanavipākadhammadhammaṃ nahetuṃ dhammaṃ paṭicca vipāko hetu dhammo uppajjati hetupaccayā. Nanevavipākanavipākadhammadhammaṃ nahetuṃ dhammaṃ paṭicca vipākadhammadhammo hetu dhammo uppajjati hetupaccayā. Dve.
नविपाकं नहेतुञ्च ननेवविपाकनविपाकधम्मधम्मं नहेतुञ्च धम्मं पटिच्च विपाकधम्मधम्मो हेतु धम्मो उप्पज्जति हेतुपच्चया। एकं।
Navipākaṃ nahetuñca nanevavipākanavipākadhammadhammaṃ nahetuñca dhammaṃ paṭicca vipākadhammadhammo hetu dhammo uppajjati hetupaccayā. Ekaṃ.
नविपाकधम्मधम्मं नहेतुञ्च ननेवविपाकनविपाकधम्मधम्मं नहेतुञ्च धम्मं पटिच्च विपाको हेतु धम्मो उप्पज्जति हेतुपच्चया। एकं।
Navipākadhammadhammaṃ nahetuñca nanevavipākanavipākadhammadhammaṃ nahetuñca dhammaṃ paṭicca vipāko hetu dhammo uppajjati hetupaccayā. Ekaṃ.
नविपाकं नहेतुञ्च नविपाकधम्मधम्मं नहेतुञ्च धम्मं पटिच्च विपाको हेतु धम्मो उप्पज्जति हेतुपच्चया। नविपाकं नहेतुञ्च नविपाकधम्मधम्मं नहेतुञ्च धम्मं पटिच्च नेवविपाकनविपाकधम्मधम्मो हेतु धम्मो उप्पज्जति हेतुपच्चया। द्वे। (संखित्तं।) हेतुया एकादस।
Navipākaṃ nahetuñca navipākadhammadhammaṃ nahetuñca dhammaṃ paṭicca vipāko hetu dhammo uppajjati hetupaccayā. Navipākaṃ nahetuñca navipākadhammadhammaṃ nahetuñca dhammaṃ paṭicca nevavipākanavipākadhammadhammo hetu dhammo uppajjati hetupaccayā. Dve. (Saṃkhittaṃ.) Hetuyā ekādasa.
नविपाकं ननहेतुं धम्मं पटिच्च विपाकधम्मधम्मो नहेतु धम्मो उप्पज्जति हेतुपच्चया… हेतुया अट्ठारस। (संखित्तं।)
Navipākaṃ nanahetuṃ dhammaṃ paṭicca vipākadhammadhammo nahetu dhammo uppajjati hetupaccayā… hetuyā aṭṭhārasa. (Saṃkhittaṃ.)
४-१. उपादिन्नत्तिक-हेतुदुकं
4-1. Upādinnattika-hetudukaṃ
३९. नउपादिन्नुपादानियं नहेतुं धम्मं पटिच्च अनुपादिन्नुपादानियो हेतु धम्मो उप्पज्जति हेतुपच्चया… हेतुया नव।
39. Naupādinnupādāniyaṃ nahetuṃ dhammaṃ paṭicca anupādinnupādāniyo hetu dhammo uppajjati hetupaccayā… hetuyā nava.
नउपादिन्नुपादानियं ननहेतुं धम्मं पटिच्च अनुपादिन्नुपादानियो नहेतु धम्मो उप्पज्जति हेतुपच्चया… हेतुया अट्ठारस।
Naupādinnupādāniyaṃ nanahetuṃ dhammaṃ paṭicca anupādinnupādāniyo nahetu dhammo uppajjati hetupaccayā… hetuyā aṭṭhārasa.
५-१. संकिलिट्ठत्तिक-हेतुदुकं
5-1. Saṃkiliṭṭhattika-hetudukaṃ
४०. नसंकिलिट्ठसंकिलेसिकं नहेतुं धम्मं पटिच्च असंकिलिट्ठसंकिलेसिको हेतु धम्मो उप्पज्जति हेतुपच्चया… हेतुया नव।
40. Nasaṃkiliṭṭhasaṃkilesikaṃ nahetuṃ dhammaṃ paṭicca asaṃkiliṭṭhasaṃkilesiko hetu dhammo uppajjati hetupaccayā… hetuyā nava.
६-११-१. वितक्कादित्तिकानि-हेतुदुकं
6-11-1. Vitakkādittikāni-hetudukaṃ
४१. नसवितक्कसविचारं नहेतुं धम्मं पटिच्च सवितक्कसविचारो हेतु धम्मो उप्पज्जति हेतुपच्चया… हेतुया पन्नरस।
41. Nasavitakkasavicāraṃ nahetuṃ dhammaṃ paṭicca savitakkasavicāro hetu dhammo uppajjati hetupaccayā… hetuyā pannarasa.
४२. नपीतिसहगतं नहेतुं धम्मं पटिच्च पीतिसहगतो हेतु धम्मो उप्पज्जति हेतुपच्चया… हेतुया अट्ठवीस।
42. Napītisahagataṃ nahetuṃ dhammaṃ paṭicca pītisahagato hetu dhammo uppajjati hetupaccayā… hetuyā aṭṭhavīsa.
४३. नदस्सनेन पहातब्बं नहेतुं धम्मं पटिच्च भावनाय पहातब्बो हेतु धम्मो उप्पज्जति हेतुपच्चया… हेतुया नव।
43. Nadassanena pahātabbaṃ nahetuṃ dhammaṃ paṭicca bhāvanāya pahātabbo hetu dhammo uppajjati hetupaccayā… hetuyā nava.
४४. नदस्सनेन पहातब्बहेतुकं नहेतुं धम्मं पटिच्च भावनाय पहातब्बहेतुको हेतु धम्मो उप्पज्जति हेतुपच्चया… हेतुया नव।
44. Nadassanena pahātabbahetukaṃ nahetuṃ dhammaṃ paṭicca bhāvanāya pahātabbahetuko hetu dhammo uppajjati hetupaccayā… hetuyā nava.
४५. नआचयगामिं नहेतुं धम्मं पटिच्च अपचयगामी हेतु धम्मो उप्पज्जति हेतुपच्चया… हेतुया नव।
45. Naācayagāmiṃ nahetuṃ dhammaṃ paṭicca apacayagāmī hetu dhammo uppajjati hetupaccayā… hetuyā nava.
४६. नसेक्खं नहेतुं धम्मं पटिच्च असेक्खो हेतु धम्मो उप्पज्जति हेतुपच्चया… हेतुया नव।
46. Nasekkhaṃ nahetuṃ dhammaṃ paṭicca asekkho hetu dhammo uppajjati hetupaccayā… hetuyā nava.
१२-१३-१. परित्तत्तिकद्वय-हेतुदुकं
12-13-1. Parittattikadvaya-hetudukaṃ
४७. नपरित्तं नहेतुं धम्मं पटिच्च महग्गतो हेतु धम्मो उप्पज्जति हेतुपच्चया… हेतुया एकादस।
47. Naparittaṃ nahetuṃ dhammaṃ paṭicca mahaggato hetu dhammo uppajjati hetupaccayā… hetuyā ekādasa.
४८. नपरित्तारम्मणं नहेतुं धम्मं पटिच्च परित्तारम्मणो हेतु धम्मो उप्पज्जति हेतुपच्चया… हेतुया तेरस।
48. Naparittārammaṇaṃ nahetuṃ dhammaṃ paṭicca parittārammaṇo hetu dhammo uppajjati hetupaccayā… hetuyā terasa.
१४-१७-१. हीनादित्तिकानि-हेतुदुकं
14-17-1. Hīnādittikāni-hetudukaṃ
४९. नहीनं नहेतुं धम्मं पटिच्च मज्झिमो हेतु धम्मो उप्पज्जति हेतुपच्चया… हेतुया नव।
49. Nahīnaṃ nahetuṃ dhammaṃ paṭicca majjhimo hetu dhammo uppajjati hetupaccayā… hetuyā nava.
५०. नमिच्छत्तनियतं नहेतुं धम्मं पटिच्च सम्मत्तनियतो हेतु धम्मो उप्पज्जति हेतुपच्चया… हेतुया नव।
50. Namicchattaniyataṃ nahetuṃ dhammaṃ paṭicca sammattaniyato hetu dhammo uppajjati hetupaccayā… hetuyā nava.
५१. नमग्गारम्मणं नहेतुं धम्मं पटिच्च मग्गहेतुको हेतु धम्मो उप्पज्जति हेतुपच्चया… (संखित्तं।) हेतुया दस।
51. Namaggārammaṇaṃ nahetuṃ dhammaṃ paṭicca maggahetuko hetu dhammo uppajjati hetupaccayā… (saṃkhittaṃ.) Hetuyā dasa.
५२. नअनुप्पन्नो ननहेतु धम्मो उप्पन्नस्स नहेतुस्स धम्मस्स हेतुपच्चयेन पच्चयो। नउप्पादी ननहेतु धम्मो उप्पन्नस्स नहेतुस्स धम्मस्स हेतुपच्चयेन पच्चयो। नअनुप्पन्नो ननहेतु च नउप्पादी ननहेतु च धम्मा उप्पन्नस्स नहेतुस्स धम्मस्स हेतुपच्चयेन पच्चयो। हेतुया तीणि।
52. Naanuppanno nanahetu dhammo uppannassa nahetussa dhammassa hetupaccayena paccayo. Nauppādī nanahetu dhammo uppannassa nahetussa dhammassa hetupaccayena paccayo. Naanuppanno nanahetu ca nauppādī nanahetu ca dhammā uppannassa nahetussa dhammassa hetupaccayena paccayo. Hetuyā tīṇi.
१८-१९-१. अतीतत्तिकद्वय-हेतुदुकं
18-19-1. Atītattikadvaya-hetudukaṃ
५३. नअतीतो ननहेतु धम्मो पच्चुप्पन्नस्स नहेतुस्स धम्मस्स हेतुपच्चयेन पच्चयो। नअनागतो ननहेतु धम्मो पच्चुप्पन्नस्स नहेतुस्स धम्मस्स हेतुपच्चयेन पच्चयो। नअतीतो ननहेतु च नअनागतो ननहेतु च धम्मा पच्चुप्पन्नस्स नहेतुस्स धम्मस्स हेतुपच्चयेन पच्चयो। हेतुया तीणि।
53. Naatīto nanahetu dhammo paccuppannassa nahetussa dhammassa hetupaccayena paccayo. Naanāgato nanahetu dhammo paccuppannassa nahetussa dhammassa hetupaccayena paccayo. Naatīto nanahetu ca naanāgato nanahetu ca dhammā paccuppannassa nahetussa dhammassa hetupaccayena paccayo. Hetuyā tīṇi.
५४. नअतीतारम्मणं नहेतुं धम्मं पटिच्च अतीतारम्मणो हेतु धम्मो उप्पज्जति हेतुपच्चया… हेतुया सत्तरस।
54. Naatītārammaṇaṃ nahetuṃ dhammaṃ paṭicca atītārammaṇo hetu dhammo uppajjati hetupaccayā… hetuyā sattarasa.
२०-२१-१. अज्झत्तत्तिकद्वय-हेतुदुकं
20-21-1. Ajjhattattikadvaya-hetudukaṃ
५५. नअज्झत्तं नहेतुं धम्मं पटिच्च बहिद्धा हेतु धम्मो उप्पज्जति हेतुपच्चया।
55. Naajjhattaṃ nahetuṃ dhammaṃ paṭicca bahiddhā hetu dhammo uppajjati hetupaccayā.
नबहिद्धा नहेतुं धम्मं पटिच्च अज्झत्तो हेतु धम्मो उप्पज्जति हेतुपच्चया… हेतुया द्वे।
Nabahiddhā nahetuṃ dhammaṃ paṭicca ajjhatto hetu dhammo uppajjati hetupaccayā… hetuyā dve.
५६. नअज्झत्तारम्मणं नहेतुं धम्मं पटिच्च अज्झत्तारम्मणो हेतु धम्मो उप्पज्जति हेतुपच्चया… द्वे।
56. Naajjhattārammaṇaṃ nahetuṃ dhammaṃ paṭicca ajjhattārammaṇo hetu dhammo uppajjati hetupaccayā… dve.
नबहिद्धारम्मणं नहेतुं धम्मं पटिच्च बहिद्धारम्मणो हेतु धम्मो उप्पज्जति हेतुपच्चया… हेतुया छ।
Nabahiddhārammaṇaṃ nahetuṃ dhammaṃ paṭicca bahiddhārammaṇo hetu dhammo uppajjati hetupaccayā… hetuyā cha.
२२-१. सनिदस्सनत्तिक-हेतुदुकं
22-1. Sanidassanattika-hetudukaṃ
५७. नसनिदस्सनसप्पटिघं नहेतुं धम्मं पटिच्च अनिदस्सनअप्पटिघो हेतु धम्मो उप्पज्जति हेतुपच्चया। नअनिदस्सनसप्पटिघं नहेतुं धम्मं पटिच्च अनिदस्सनअप्पटिघो हेतु धम्मो उप्पज्जति हेतुपच्चया। नसनिदस्सनसप्पटिघं नहेतुञ्च नअनिदस्सनसप्पटिघं नहेतुञ्च धम्मं पटिच्च अनिदस्सनअप्पटिघो हेतु धम्मो उप्पज्जति हेतुपच्चया। हेतुया तीणि।
57. Nasanidassanasappaṭighaṃ nahetuṃ dhammaṃ paṭicca anidassanaappaṭigho hetu dhammo uppajjati hetupaccayā. Naanidassanasappaṭighaṃ nahetuṃ dhammaṃ paṭicca anidassanaappaṭigho hetu dhammo uppajjati hetupaccayā. Nasanidassanasappaṭighaṃ nahetuñca naanidassanasappaṭighaṃ nahetuñca dhammaṃ paṭicca anidassanaappaṭigho hetu dhammo uppajjati hetupaccayā. Hetuyā tīṇi.
नसनिदस्सनसप्पटिघं ननहेतुं धम्मं पटिच्च सनिदस्सनसप्पटिघो नहेतु धम्मो उप्पज्जति हेतुपच्चया। नसनिदस्सनसप्पटिघं ननहेतुं धम्मं पटिच्च अनिदस्सनसप्पटिघो नहेतु धम्मो उप्पज्जति हेतुपच्चया। (नहेतु ननहेतु ओवत्ता, तीणि मूलानि, एकवीसति पञ्हा कातब्बा।)
Nasanidassanasappaṭighaṃ nanahetuṃ dhammaṃ paṭicca sanidassanasappaṭigho nahetu dhammo uppajjati hetupaccayā. Nasanidassanasappaṭighaṃ nanahetuṃ dhammaṃ paṭicca anidassanasappaṭigho nahetu dhammo uppajjati hetupaccayā. (Nahetu nanahetu ovattā, tīṇi mūlāni, ekavīsati pañhā kātabbā.)
२२-२. सनिदस्सनत्तिक-सहेतुकदुकं
22-2. Sanidassanattika-sahetukadukaṃ
५८. नसनिदस्सनसप्पटिघं नसहेतुकं धम्मं पटिच्च अनिदस्सनअप्पटिघो सहेतुको धम्मो उप्पज्जति हेतुपच्चया। नअनिदस्सनसप्पटिघं नसहेतुकं धम्मं पटिच्च अनिदस्सनअप्पटिघो सहेतुको धम्मो उप्पज्जति हेतुपच्चया । नसनिदस्सनसप्पटिघं नसहेतुकञ्च नअनिदस्सनसप्पटिघं नसहेतुकञ्च धम्मं पटिच्च अनिदस्सनअप्पटिघो सहेतुको धम्मो उप्पज्जति हेतुपच्चया। हेतुया तीणि।
58. Nasanidassanasappaṭighaṃ nasahetukaṃ dhammaṃ paṭicca anidassanaappaṭigho sahetuko dhammo uppajjati hetupaccayā. Naanidassanasappaṭighaṃ nasahetukaṃ dhammaṃ paṭicca anidassanaappaṭigho sahetuko dhammo uppajjati hetupaccayā . Nasanidassanasappaṭighaṃ nasahetukañca naanidassanasappaṭighaṃ nasahetukañca dhammaṃ paṭicca anidassanaappaṭigho sahetuko dhammo uppajjati hetupaccayā. Hetuyā tīṇi.
नसनिदस्सनसप्पटिघं नअहेतुकं धम्मं पटिच्च सनिदस्सनसप्पटिघो अहेतुको धम्मो उप्पज्जति हेतुपच्चया… सत्त।
Nasanidassanasappaṭighaṃ naahetukaṃ dhammaṃ paṭicca sanidassanasappaṭigho ahetuko dhammo uppajjati hetupaccayā… satta.
नअनिदस्सनसप्पटिघं नअहेतुकं धम्मं पटिच्च अनिदस्सनसप्पटिघो अहेतुको धम्मो उप्पज्जति हेतुपच्चया… सत्त।
Naanidassanasappaṭighaṃ naahetukaṃ dhammaṃ paṭicca anidassanasappaṭigho ahetuko dhammo uppajjati hetupaccayā… satta.
नसनिदस्सनसप्पटिघं नअहेतुकञ्च नअनिदस्सनसप्पटिघं नअहेतुकञ्च धम्मं पटिच्च अनिदस्सनसप्पटिघो अहेतुको धम्मो उप्पज्जति हेतुपच्चया… सत्त। हेतुया एकवीस।
Nasanidassanasappaṭighaṃ naahetukañca naanidassanasappaṭighaṃ naahetukañca dhammaṃ paṭicca anidassanasappaṭigho ahetuko dhammo uppajjati hetupaccayā… satta. Hetuyā ekavīsa.
२२-३-६. सनिदस्सनत्तिक-हेतुसम्पयुत्तादिदुकानि
22-3-6. Sanidassanattika-hetusampayuttādidukāni
५९. नसनिदस्सनसप्पटिघं नहेतुसम्पयुत्तं धम्मं पटिच्च अनिदस्सनअप्पटिघो हेतुसम्पयुत्तो धम्मो उप्पज्जति हेतुपच्चया… हेतुया तीणि।
59. Nasanidassanasappaṭighaṃ nahetusampayuttaṃ dhammaṃ paṭicca anidassanaappaṭigho hetusampayutto dhammo uppajjati hetupaccayā… hetuyā tīṇi.
नसनिदस्सनसप्पटिघं नहेतुविप्पयुत्तं धम्मं पटिच्च सनिदस्सनसप्पटिघो हेतुविप्पयुत्तो धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ nahetuvippayuttaṃ dhammaṃ paṭicca sanidassanasappaṭigho hetuvippayutto dhammo uppajjati hetupaccayā… hetuyā ekavīsa.
६०. नसनिदस्सनसप्पटिघं नहेतुञ्चेव नअहेतुकञ्च धम्मं पटिच्च अनिदस्सनअप्पटिघो हेतु चेव सहेतुको च धम्मो उप्पज्जति हेतुपच्चया… हेतुया तीणि।
60. Nasanidassanasappaṭighaṃ nahetuñceva naahetukañca dhammaṃ paṭicca anidassanaappaṭigho hetu ceva sahetuko ca dhammo uppajjati hetupaccayā… hetuyā tīṇi.
नसनिदस्सनसप्पटिघं नअहेतुकञ्चेव नन च हेतुं धम्मं पटिच्च अनिदस्सनअप्पटिघो सहेतुको चेव न च हेतु धम्मो उप्पज्जति हेतुपच्चया… हेतुया तीणि।
Nasanidassanasappaṭighaṃ naahetukañceva nana ca hetuṃ dhammaṃ paṭicca anidassanaappaṭigho sahetuko ceva na ca hetu dhammo uppajjati hetupaccayā… hetuyā tīṇi.
६१. नसनिदस्सनसप्पटिघं नहेतुञ्चेव नहेतुविप्पयुत्तञ्च धम्मं पटिच्च अनिदस्सनअप्पटिघो हेतु चेव हेतुसम्पयुत्तो च धम्मो उप्पज्जति हेतुपच्चया… हेतुया तीणि।
61. Nasanidassanasappaṭighaṃ nahetuñceva nahetuvippayuttañca dhammaṃ paṭicca anidassanaappaṭigho hetu ceva hetusampayutto ca dhammo uppajjati hetupaccayā… hetuyā tīṇi.
नसनिदस्सनसप्पटिघं नहेतुविप्पयुत्तञ्चेव नन च हेतुं धम्मं पटिच्च अनिदस्सनअप्पटिघो हेतुसम्पयुत्तो चेव न च हेतु धम्मो उप्पज्जति हेतुपच्चया… हेतुया तीणि।
Nasanidassanasappaṭighaṃ nahetuvippayuttañceva nana ca hetuṃ dhammaṃ paṭicca anidassanaappaṭigho hetusampayutto ceva na ca hetu dhammo uppajjati hetupaccayā… hetuyā tīṇi.
६२. नसनिदस्सनसप्पटिघं नहेतुं नसहेतुकं धम्मं पटिच्च अनिदस्सनअप्पटिघो नहेतु सहेतुको धम्मो उप्पज्जति हेतुपच्चया… हेतुया तीणि।
62. Nasanidassanasappaṭighaṃ nahetuṃ nasahetukaṃ dhammaṃ paṭicca anidassanaappaṭigho nahetu sahetuko dhammo uppajjati hetupaccayā… hetuyā tīṇi.
नसनिदस्सनसप्पटिघं नहेतुं नअहेतुकं धम्मं पटिच्च सनिदस्सनसप्पटिघो नहेतु अहेतुको धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ nahetuṃ naahetukaṃ dhammaṃ paṭicca sanidassanasappaṭigho nahetu ahetuko dhammo uppajjati hetupaccayā… hetuyā ekavīsa.
२२-७-१३. सनिदस्सनत्तिक-चूळन्तरदुकानि
22-7-13. Sanidassanattika-cūḷantaradukāni
६३. नसनिदस्सनसप्पटिघो नसप्पच्चयो धम्मो अनिदस्सनअप्पटिघस्स सप्पच्चयस्स धम्मस्स आरम्मणपच्चयेन पच्चयो। (संखित्तं।) आरम्मणे तीणि, अधिपतिया उपनिस्सये तीणि।
63. Nasanidassanasappaṭigho nasappaccayo dhammo anidassanaappaṭighassa sappaccayassa dhammassa ārammaṇapaccayena paccayo. (Saṃkhittaṃ.) Ārammaṇe tīṇi, adhipatiyā upanissaye tīṇi.
६४. नसनिदस्सनसप्पटिघं नसनिदस्सनं धम्मं पटिच्च सनिदस्सनसप्पटिघो सनिदस्सनो धम्मो उप्पज्जति हेतुपच्चया… हेतुया पञ्च।
64. Nasanidassanasappaṭighaṃ nasanidassanaṃ dhammaṃ paṭicca sanidassanasappaṭigho sanidassano dhammo uppajjati hetupaccayā… hetuyā pañca.
नअनिदस्सनअप्पटिघो ननसनिदस्सनो धम्मो अनिदस्सनअप्पटिघस्स नसनिदस्सनस्स धम्मस्स आरम्मणपच्चयेन पच्चयो। (संखित्तं।) आरम्मणे तीणि, अधिपतिया उपनिस्सये पुरेजाते अत्थिया अविगते तीणि।
Naanidassanaappaṭigho nanasanidassano dhammo anidassanaappaṭighassa nasanidassanassa dhammassa ārammaṇapaccayena paccayo. (Saṃkhittaṃ.) Ārammaṇe tīṇi, adhipatiyā upanissaye purejāte atthiyā avigate tīṇi.
६५. नसनिदस्सनसप्पटिघं नसप्पटिघं धम्मं पटिच्च सनिदस्सनसप्पटिघो सप्पटिघो धम्मो उप्पज्जति हेतुपच्चया… हेतुया नव।
65. Nasanidassanasappaṭighaṃ nasappaṭighaṃ dhammaṃ paṭicca sanidassanasappaṭigho sappaṭigho dhammo uppajjati hetupaccayā… hetuyā nava.
नसनिदस्सनसप्पटिघं नअप्पटिघं धम्मं पटिच्च अनिदस्सनअप्पटिघो अप्पटिघो धम्मो उप्पज्जति हेतुपच्चया… हेतुया तीणि।
Nasanidassanasappaṭighaṃ naappaṭighaṃ dhammaṃ paṭicca anidassanaappaṭigho appaṭigho dhammo uppajjati hetupaccayā… hetuyā tīṇi.
६६. नसनिदस्सनसप्पटिघं नरूपिं धम्मं पटिच्च सनिदस्सनसप्पटिघो रूपी धम्मो उप्पज्जति हेतुपच्चया… हेतुया एकवीस।
66. Nasanidassanasappaṭighaṃ narūpiṃ dhammaṃ paṭicca sanidassanasappaṭigho rūpī dhammo uppajjati hetupaccayā… hetuyā ekavīsa.
नसनिदस्सनसप्पटिघं नअरूपिं धम्मं पटिच्च अनिदस्सनअप्पटिघो अरूपी धम्मो उप्पज्जति हेतुपच्चया… हेतुया तीणि।
Nasanidassanasappaṭighaṃ naarūpiṃ dhammaṃ paṭicca anidassanaappaṭigho arūpī dhammo uppajjati hetupaccayā… hetuyā tīṇi.
६७. नसनिदस्सनसप्पटिघं नलोकियं धम्मं पटिच्च सनिदस्सनसप्पटिघो लोकियो धम्मो उप्पज्जति हेतुपच्चया… सत्त।
67. Nasanidassanasappaṭighaṃ nalokiyaṃ dhammaṃ paṭicca sanidassanasappaṭigho lokiyo dhammo uppajjati hetupaccayā… satta.
नअनिदस्सनसप्पटिघं नलोकियं धम्मं पटिच्च अनिदस्सनसप्पटिघो लोकियो धम्मो उप्पज्जति हेतुपच्चया… सत्त। हेतुया एकवीस।
Naanidassanasappaṭighaṃ nalokiyaṃ dhammaṃ paṭicca anidassanasappaṭigho lokiyo dhammo uppajjati hetupaccayā… satta. Hetuyā ekavīsa.
नसनिदस्सनसप्पटिघं नलोकुत्तरं धम्मं पच्चया अनिदस्सनअप्पटिघो लोकुत्तरो धम्मो उप्पज्जति हेतुपच्चया। (संखित्तं।) हेतुया तीणि…पे॰… अविगते तीणि।
Nasanidassanasappaṭighaṃ nalokuttaraṃ dhammaṃ paccayā anidassanaappaṭigho lokuttaro dhammo uppajjati hetupaccayā. (Saṃkhittaṃ.) Hetuyā tīṇi…pe… avigate tīṇi.
नसनिदस्सनसप्पटिघं नलोकुत्तरं धम्मं पच्चया अनिदस्सनअप्पटिघो लोकुत्तरो धम्मो उप्पज्जति हेतुपच्चया। (संखित्तं।) हेतुया तीणि…पे॰… अविगते तीणि।
Nasanidassanasappaṭighaṃ nalokuttaraṃ dhammaṃ paccayā anidassanaappaṭigho lokuttaro dhammo uppajjati hetupaccayā. (Saṃkhittaṃ.) Hetuyā tīṇi…pe… avigate tīṇi.
६८. नसनिदस्सनसप्पटिघं नकेनचि विञ्ञेय्यं धम्मं पटिच्च सनिदस्सनसप्पटिघो केनचि विञ्ञेय्यो धम्मो उप्पज्जति हेतुपच्चया… हेतुया पञ्चतिंस।
68. Nasanidassanasappaṭighaṃ nakenaci viññeyyaṃ dhammaṃ paṭicca sanidassanasappaṭigho kenaci viññeyyo dhammo uppajjati hetupaccayā… hetuyā pañcatiṃsa.
नसनिदस्सनसप्पटिघं ननकेनचि विञ्ञेय्यं धम्मं पटिच्च सनिदस्सनसप्पटिघो नकेनचि विञ्ञेय्यो धम्मो उप्पज्जति हेतुपच्चया… हेतुया पञ्चतिंस।
Nasanidassanasappaṭighaṃ nanakenaci viññeyyaṃ dhammaṃ paṭicca sanidassanasappaṭigho nakenaci viññeyyo dhammo uppajjati hetupaccayā… hetuyā pañcatiṃsa.
२२-१४-१९. सनिदस्सनत्तिक-आसवगोच्छकानि
22-14-19. Sanidassanattika-āsavagocchakāni
६९. नसनिदस्सनसप्पटिघं नोआसवं धम्मं पटिच्च अनिदस्सनअप्पटिघो आसवो धम्मो उप्पज्जति हेतुपच्चया… हेतुया तीणि।
69. Nasanidassanasappaṭighaṃ noāsavaṃ dhammaṃ paṭicca anidassanaappaṭigho āsavo dhammo uppajjati hetupaccayā… hetuyā tīṇi.
नसनिदस्सनसप्पटिघं ननोआसवं धम्मं पटिच्च सनिदस्सनसप्पटिघो नोआसवो धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ nanoāsavaṃ dhammaṃ paṭicca sanidassanasappaṭigho noāsavo dhammo uppajjati hetupaccayā… hetuyā ekavīsa.
७०. नसनिदस्सनसप्पटिघं नसासवं धम्मं पटिच्च सनिदस्सनसप्पटिघो सासवो धम्मो उप्पज्जति हेतुपच्चया… हेतुया एकवीस।
70. Nasanidassanasappaṭighaṃ nasāsavaṃ dhammaṃ paṭicca sanidassanasappaṭigho sāsavo dhammo uppajjati hetupaccayā… hetuyā ekavīsa.
नसनिदस्सनसप्पटिघं नअनासवं धम्मं पच्चया अनिदस्सनअप्पटिघो अनासवो धम्मो उप्पज्जति हेतुपच्चया। (संखित्तं।) हेतुया तीणि…पे॰… अविगते तीणि।
Nasanidassanasappaṭighaṃ naanāsavaṃ dhammaṃ paccayā anidassanaappaṭigho anāsavo dhammo uppajjati hetupaccayā. (Saṃkhittaṃ.) Hetuyā tīṇi…pe… avigate tīṇi.
७१. नसनिदस्सनसप्पटिघं नआसवसम्पयुत्तं धम्मं पटिच्च अनिदस्सनअप्पटिघो आसवसम्पयुत्तो धम्मो उप्पज्जति हेतुपच्चया… हेतुया तीणि।
71. Nasanidassanasappaṭighaṃ naāsavasampayuttaṃ dhammaṃ paṭicca anidassanaappaṭigho āsavasampayutto dhammo uppajjati hetupaccayā… hetuyā tīṇi.
नसनिदस्सनसप्पटिघं नआसवविप्पयुत्तं धम्मं पटिच्च सनिदस्सनसप्पटिघो आसवविप्पयुत्तो धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ naāsavavippayuttaṃ dhammaṃ paṭicca sanidassanasappaṭigho āsavavippayutto dhammo uppajjati hetupaccayā… hetuyā ekavīsa.
७२. नसनिदस्सनसप्पटिघं नआसवञ्चेव नअनासवञ्च धम्मं पटिच्च अनिदस्सनअप्पटिघो आसवो चेव सासवो च धम्मो उप्पज्जति हेतुपच्चया… हेतुया तीणि।
72. Nasanidassanasappaṭighaṃ naāsavañceva naanāsavañca dhammaṃ paṭicca anidassanaappaṭigho āsavo ceva sāsavo ca dhammo uppajjati hetupaccayā… hetuyā tīṇi.
नसनिदस्सनसप्पटिघं नअनासवञ्चेव ननो च आसवं धम्मं पटिच्च सनिदस्सनसप्पटिघो सासवो चेव नो च आसवो धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ naanāsavañceva nano ca āsavaṃ dhammaṃ paṭicca sanidassanasappaṭigho sāsavo ceva no ca āsavo dhammo uppajjati hetupaccayā… hetuyā ekavīsa.
७३. नसनिदस्सनसप्पटिघं नआसवञ्चेव नआसवविप्पयुत्तञ्च धम्मं पटिच्च अनिदस्सनअप्पटिघो आसवो चेव आसवसम्पयुत्तो च धम्मो उप्पज्जति हेतुपच्चया… हेतुया तीणि।
73. Nasanidassanasappaṭighaṃ naāsavañceva naāsavavippayuttañca dhammaṃ paṭicca anidassanaappaṭigho āsavo ceva āsavasampayutto ca dhammo uppajjati hetupaccayā… hetuyā tīṇi.
नसनिदस्सनसप्पटिघं नआसवविप्पयुत्तञ्चेव ननो च आसवं धम्मं पटिच्च अनिदस्सनअप्पटिघो आसवसम्पयुत्तो चेव नो च आसवो धम्मो उप्पज्जति हेतुपच्चया… हेतुया तीणि।
Nasanidassanasappaṭighaṃ naāsavavippayuttañceva nano ca āsavaṃ dhammaṃ paṭicca anidassanaappaṭigho āsavasampayutto ceva no ca āsavo dhammo uppajjati hetupaccayā… hetuyā tīṇi.
७४. नसनिदस्सनसप्पटिघं आसवविप्पयुत्तं नसासवं धम्मं पटिच्च सनिदस्सनसप्पटिघो आसवविप्पयुत्तो सासवो धम्मो उप्पज्जति हेतुपच्चया… हेतुया एकवीस।
74. Nasanidassanasappaṭighaṃ āsavavippayuttaṃ nasāsavaṃ dhammaṃ paṭicca sanidassanasappaṭigho āsavavippayutto sāsavo dhammo uppajjati hetupaccayā… hetuyā ekavīsa.
नसनिदस्सनसप्पटिघं आसवविप्पयुत्तं नअनासवं धम्मं पच्चया अनिदस्सनअप्पटिघो आसवविप्पयुत्तो अनासवो धम्मो उप्पज्जति हेतुपच्चया… हेतुया तीणि।
Nasanidassanasappaṭighaṃ āsavavippayuttaṃ naanāsavaṃ dhammaṃ paccayā anidassanaappaṭigho āsavavippayutto anāsavo dhammo uppajjati hetupaccayā… hetuyā tīṇi.
२२-२०-५४. सनिदस्सनत्तिक-सञ्ञोजनादिगोच्छकानि
22-20-54. Sanidassanattika-saññojanādigocchakāni
७५. नसनिदस्सनसप्पटिघं नोसञ्ञोजनं धम्मं पटिच्च अनिदस्सनअप्पटिघो सञ्ञोजनो धम्मो उप्पज्जति हेतुपच्चया… हेतुया तीणि।
75. Nasanidassanasappaṭighaṃ nosaññojanaṃ dhammaṃ paṭicca anidassanaappaṭigho saññojano dhammo uppajjati hetupaccayā… hetuyā tīṇi.
७६. नसनिदस्सनसप्पटिघं नोगन्थं धम्मं पटिच्च अनिदस्सनअप्पटिघो गन्थो धम्मो उप्पज्जति हेतुपच्चया… हेतुया तीणि।
76. Nasanidassanasappaṭighaṃ noganthaṃ dhammaṃ paṭicca anidassanaappaṭigho gantho dhammo uppajjati hetupaccayā… hetuyā tīṇi.
७७. नसनिदस्सनसप्पटिघं नोओघं धम्मं पटिच्च अनिदस्सनअप्पटिघो ओघो धम्मो उप्पज्जति हेतुपच्चया… हेतुया तीणि।
77. Nasanidassanasappaṭighaṃ nooghaṃ dhammaṃ paṭicca anidassanaappaṭigho ogho dhammo uppajjati hetupaccayā… hetuyā tīṇi.
७८. नसनिदस्सनसप्पटिघं नोयोगं धम्मं पटिच्च अनिदस्सनअप्पटिघो योगो धम्मो उप्पज्जति हेतुपच्चया… हेतुया तीणि।
78. Nasanidassanasappaṭighaṃ noyogaṃ dhammaṃ paṭicca anidassanaappaṭigho yogo dhammo uppajjati hetupaccayā… hetuyā tīṇi.
७९. नसनिदस्सनसप्पटिघं नोनीवरणं धम्मं पटिच्च अनिदस्सनअप्पटिघो नीवरणो धम्मो उप्पज्जति हेतुपच्चया… हेतुया तीणि।
79. Nasanidassanasappaṭighaṃ nonīvaraṇaṃ dhammaṃ paṭicca anidassanaappaṭigho nīvaraṇo dhammo uppajjati hetupaccayā… hetuyā tīṇi.
८० . नसनिदस्सनसप्पटिघं नोपरामासं धम्मं पटिच्च अनिदस्सनअप्पटिघो परामासो धम्मो उप्पज्जति हेतुपच्चया… हेतुया तीणि।
80. Nasanidassanasappaṭighaṃ noparāmāsaṃ dhammaṃ paṭicca anidassanaappaṭigho parāmāso dhammo uppajjati hetupaccayā… hetuyā tīṇi.
२२-५५-६८. सनिदस्सनत्तिक-महन्तरदुकानि
22-55-68. Sanidassanattika-mahantaradukāni
८१. नसनिदस्सनसप्पटिघं नसारम्मणं धम्मं पटिच्च अनिदस्सनअप्पटिघो सारम्मणो धम्मो उप्पज्जति हेतुपच्चया… हेतुया तीणि।
81. Nasanidassanasappaṭighaṃ nasārammaṇaṃ dhammaṃ paṭicca anidassanaappaṭigho sārammaṇo dhammo uppajjati hetupaccayā… hetuyā tīṇi.
नसनिदस्सनसप्पटिघं नअनारम्मणं धम्मं पटिच्च सनिदस्सनसप्पटिघो अनारम्मणो धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ naanārammaṇaṃ dhammaṃ paṭicca sanidassanasappaṭigho anārammaṇo dhammo uppajjati hetupaccayā… hetuyā ekavīsa.
८२. नसनिदस्सनसप्पटिघं नोचित्तं धम्मं पटिच्च अनिदस्सनअप्पटिघो चित्तो धम्मो उप्पज्जति हेतुपच्चया… हेतुया तीणि।
82. Nasanidassanasappaṭighaṃ nocittaṃ dhammaṃ paṭicca anidassanaappaṭigho citto dhammo uppajjati hetupaccayā… hetuyā tīṇi.
नसनिदस्सनसप्पटिघं ननोचित्तं धम्मं पटिच्च सनिदस्सनसप्पटिघो नोचित्तो धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ nanocittaṃ dhammaṃ paṭicca sanidassanasappaṭigho nocitto dhammo uppajjati hetupaccayā… hetuyā ekavīsa.
८३. नसनिदस्सनसप्पटिघं नचेतसिकं धम्मं पटिच्च अनिदस्सनअप्पटिघो चेतसिको धम्मो उप्पज्जति हेतुपच्चया… हेतुया तीणि।
83. Nasanidassanasappaṭighaṃ nacetasikaṃ dhammaṃ paṭicca anidassanaappaṭigho cetasiko dhammo uppajjati hetupaccayā… hetuyā tīṇi.
नसनिदस्सनसप्पटिघं नअचेतसिकं धम्मं पटिच्च सनिदस्सनसप्पटिघो अचेतसिको धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ naacetasikaṃ dhammaṃ paṭicca sanidassanasappaṭigho acetasiko dhammo uppajjati hetupaccayā… hetuyā ekavīsa.
८४. नसनिदस्सनसप्पटिघं नचित्तसम्पयुत्तं धम्मं पटिच्च अनिदस्सनअप्पटिघो चित्तसम्पयुत्तो धम्मो उप्पज्जति हेतुपच्चया… हेतुया तीणि।
84. Nasanidassanasappaṭighaṃ nacittasampayuttaṃ dhammaṃ paṭicca anidassanaappaṭigho cittasampayutto dhammo uppajjati hetupaccayā… hetuyā tīṇi.
नसनिदस्सनसप्पटिघं नचित्तविप्पयुत्तं धम्मं पटिच्च सनिदस्सनसप्पटिघो चित्तविप्पयुत्तो धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ nacittavippayuttaṃ dhammaṃ paṭicca sanidassanasappaṭigho cittavippayutto dhammo uppajjati hetupaccayā… hetuyā ekavīsa.
८५. नसनिदस्सनसप्पटिघं नचित्तसंसट्ठं धम्मं पटिच्च अनिदस्सनअप्पटिघो चित्तसंसट्ठो धम्मो उप्पज्जति हेतुपच्चया… हेतुया तीणि।
85. Nasanidassanasappaṭighaṃ nacittasaṃsaṭṭhaṃ dhammaṃ paṭicca anidassanaappaṭigho cittasaṃsaṭṭho dhammo uppajjati hetupaccayā… hetuyā tīṇi.
नसनिदस्सनसप्पटिघं नचित्तविसंसट्ठं धम्मं पटिच्च सनिदस्सनसप्पटिघो चित्तविसंसट्ठो धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ nacittavisaṃsaṭṭhaṃ dhammaṃ paṭicca sanidassanasappaṭigho cittavisaṃsaṭṭho dhammo uppajjati hetupaccayā… hetuyā ekavīsa.
८६. नसनिदस्सनसप्पटिघं नोचित्तसमुट्ठानं धम्मं पटिच्च सनिदस्सनसप्पटिघो चित्तसमुट्ठानो धम्मो उप्पज्जति हेतुपच्चया… हेतुया एकवीस।
86. Nasanidassanasappaṭighaṃ nocittasamuṭṭhānaṃ dhammaṃ paṭicca sanidassanasappaṭigho cittasamuṭṭhāno dhammo uppajjati hetupaccayā… hetuyā ekavīsa.
नसनिदस्सनसप्पटिघं ननोचित्तसमुट्ठानं धम्मं पटिच्च अनिदस्सनअप्पटिघो नोचित्तसमुट्ठानो धम्मो उप्पज्जति हेतुपच्चया… हेतुया तीणि।
Nasanidassanasappaṭighaṃ nanocittasamuṭṭhānaṃ dhammaṃ paṭicca anidassanaappaṭigho nocittasamuṭṭhāno dhammo uppajjati hetupaccayā… hetuyā tīṇi.
८७. नसनिदस्सनसप्पटिघं नोचित्तसहभुं धम्मं पटिच्च अनिदस्सनअप्पटिघो चित्तसहभू धम्मो उप्पज्जति हेतुपच्चया… हेतुया पञ्च।
87. Nasanidassanasappaṭighaṃ nocittasahabhuṃ dhammaṃ paṭicca anidassanaappaṭigho cittasahabhū dhammo uppajjati hetupaccayā… hetuyā pañca.
नसनिदस्सनसप्पटिघं ननोचित्तसहभुं धम्मं पटिच्च सनिदस्सनसप्पटिघो नोचित्तसहभू धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ nanocittasahabhuṃ dhammaṃ paṭicca sanidassanasappaṭigho nocittasahabhū dhammo uppajjati hetupaccayā… hetuyā ekavīsa.
८८. नसनिदस्सनसप्पटिघं नोचित्तानुपरिवत्तिं धम्मं पटिच्च अनिदस्सनअप्पटिघो चित्तानुपरिवत्ती धम्मो उप्पज्जति हेतुपच्चया… हेतुया पञ्च।
88. Nasanidassanasappaṭighaṃ nocittānuparivattiṃ dhammaṃ paṭicca anidassanaappaṭigho cittānuparivattī dhammo uppajjati hetupaccayā… hetuyā pañca.
नसनिदस्सनसप्पटिघं ननोचित्तानुपरिवत्तिं धम्मं पटिच्च सनिदस्सनसप्पटिघो नोचित्तानुपरिवत्ती धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ nanocittānuparivattiṃ dhammaṃ paṭicca sanidassanasappaṭigho nocittānuparivattī dhammo uppajjati hetupaccayā… hetuyā ekavīsa.
८९. नसनिदस्सनसप्पटिघं नोचित्तसंसट्ठसमुट्ठानं धम्मं पटिच्च अनिदस्सनअप्पटिघो चित्तसंसट्ठसमुट्ठानो धम्मो उप्पज्जति हेतुपच्चया… हेतुया तीणि।
89. Nasanidassanasappaṭighaṃ nocittasaṃsaṭṭhasamuṭṭhānaṃ dhammaṃ paṭicca anidassanaappaṭigho cittasaṃsaṭṭhasamuṭṭhāno dhammo uppajjati hetupaccayā… hetuyā tīṇi.
नसनिदस्सनसप्पटिघं ननोचित्तसंसट्ठसमुट्ठानं धम्मं पटिच्च सनिदस्सनसप्पटिघो नोचित्तसंसट्ठसमुट्ठानो धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ nanocittasaṃsaṭṭhasamuṭṭhānaṃ dhammaṃ paṭicca sanidassanasappaṭigho nocittasaṃsaṭṭhasamuṭṭhāno dhammo uppajjati hetupaccayā… hetuyā ekavīsa.
९०. नसनिदस्सनसप्पटिघं नोचित्तसंसट्ठसमुट्ठानसहभुं धम्मं पटिच्च अनिदस्सनअप्पटिघो चित्तसंसट्ठसमुट्ठानसहभू धम्मो उप्पज्जति हेतुपच्चया… हेतुया तीणि।
90. Nasanidassanasappaṭighaṃ nocittasaṃsaṭṭhasamuṭṭhānasahabhuṃ dhammaṃ paṭicca anidassanaappaṭigho cittasaṃsaṭṭhasamuṭṭhānasahabhū dhammo uppajjati hetupaccayā… hetuyā tīṇi.
नसनिदस्सनसप्पटिघं ननोचित्तसंसट्ठसमुट्ठानसहभुं धम्मं पटिच्च सनिदस्सनसप्पटिघो नोचित्तसंसट्ठसमुट्ठानसहभू धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ nanocittasaṃsaṭṭhasamuṭṭhānasahabhuṃ dhammaṃ paṭicca sanidassanasappaṭigho nocittasaṃsaṭṭhasamuṭṭhānasahabhū dhammo uppajjati hetupaccayā… hetuyā ekavīsa.
९१. नसनिदस्सनसप्पटिघं नोचित्तसंसट्ठसमुट्ठानानुपरिवत्तिं धम्मं पटिच्च अनिदस्सनअप्पटिघो चित्तसंसट्ठसमुट्ठानानुपरिवत्ती धम्मो उप्पज्जति हेतुपच्चया… हेतुया तीणि।
91. Nasanidassanasappaṭighaṃ nocittasaṃsaṭṭhasamuṭṭhānānuparivattiṃ dhammaṃ paṭicca anidassanaappaṭigho cittasaṃsaṭṭhasamuṭṭhānānuparivattī dhammo uppajjati hetupaccayā… hetuyā tīṇi.
नसनिदस्सनसप्पटिघं ननोचित्तसंसट्ठसमुट्ठानानुपरिवत्तिं धम्मं पटिच्च सनिदस्सनसप्पटिघो नोचित्तसंसट्ठसमुट्ठानानुपरिवत्ती धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ nanocittasaṃsaṭṭhasamuṭṭhānānuparivattiṃ dhammaṃ paṭicca sanidassanasappaṭigho nocittasaṃsaṭṭhasamuṭṭhānānuparivattī dhammo uppajjati hetupaccayā… hetuyā ekavīsa.
९२. नसनिदस्सनसप्पटिघं नअज्झत्तिकं धम्मं पटिच्च अनिदस्सनसप्पटिघो अज्झत्तिको धम्मो उप्पज्जति हेतुपच्चया… हेतुया एकादस।
92. Nasanidassanasappaṭighaṃ naajjhattikaṃ dhammaṃ paṭicca anidassanasappaṭigho ajjhattiko dhammo uppajjati hetupaccayā… hetuyā ekādasa.
नसनिदस्सनसप्पटिघं नबाहिरं धम्मं पटिच्च सनिदस्सनसप्पटिघो बाहिरो धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ nabāhiraṃ dhammaṃ paṭicca sanidassanasappaṭigho bāhiro dhammo uppajjati hetupaccayā… hetuyā ekavīsa.
९३. नसनिदस्सनसप्पटिघं नोउपादा धम्मं पटिच्च सनिदस्सनसप्पटिघो उपादा धम्मो उप्पज्जति हेतुपच्चया… हेतुया पञ्चतिंस।
93. Nasanidassanasappaṭighaṃ noupādā dhammaṃ paṭicca sanidassanasappaṭigho upādā dhammo uppajjati hetupaccayā… hetuyā pañcatiṃsa.
नसनिदस्सनसप्पटिघं ननोउपादा धम्मं पटिच्च अनिदस्सनअप्पटिघो नोउपादा धम्मो उप्पज्जति हेतुपच्चया… हेतुया तीणि।
Nasanidassanasappaṭighaṃ nanoupādā dhammaṃ paṭicca anidassanaappaṭigho noupādā dhammo uppajjati hetupaccayā… hetuyā tīṇi.
९४. नसनिदस्सनसप्पटिघं नअनुपादिन्नं धम्मं पटिच्च सनिदस्सनसप्पटिघो अनुपादिन्नो धम्मो उप्पज्जति हेतुपच्चया… हेतुया एकवीस।
94. Nasanidassanasappaṭighaṃ naanupādinnaṃ dhammaṃ paṭicca sanidassanasappaṭigho anupādinno dhammo uppajjati hetupaccayā… hetuyā ekavīsa.
२२-६९-७४. सनिदस्सनत्तिक-उपादानादिदुकानि
22-69-74. Sanidassanattika-upādānādidukāni
९५. नसनिदस्सनसप्पटिघं नोउपादानं धम्मं पटिच्च अनिदस्सनअप्पटिघो उपादानो धम्मो उप्पज्जति हेतुपच्चया… हेतुया तीणि।
95. Nasanidassanasappaṭighaṃ noupādānaṃ dhammaṃ paṭicca anidassanaappaṭigho upādāno dhammo uppajjati hetupaccayā… hetuyā tīṇi.
२२-७५-८२. सनिदस्सनत्तिक-किलेसादिदुकानि
22-75-82. Sanidassanattika-kilesādidukāni
९६. नसनिदस्सनसप्पटिघं नोकिलेसं धम्मं पटिच्च अनिदस्सनअप्पटिघो किलेसो धम्मो उप्पज्जति हेतुपच्चया… हेतुया तीणि।
96. Nasanidassanasappaṭighaṃ nokilesaṃ dhammaṃ paṭicca anidassanaappaṭigho kileso dhammo uppajjati hetupaccayā… hetuyā tīṇi.
२२-८३-९९. सनिदस्सनत्तिक-पिट्ठिदुकानि
22-83-99. Sanidassanattika-piṭṭhidukāni
९७. नसनिदस्सनसप्पटिघं नदस्सनेन पहातब्बं धम्मं पच्चया अनिदस्सनअप्पटिघो दस्सनेन पहातब्बो धम्मो उप्पज्जति हेतुपच्चया… हेतुया तीणि।
97. Nasanidassanasappaṭighaṃ nadassanena pahātabbaṃ dhammaṃ paccayā anidassanaappaṭigho dassanena pahātabbo dhammo uppajjati hetupaccayā… hetuyā tīṇi.
नसनिदस्सनसप्पटिघं ननदस्सनेन पहातब्बं धम्मं पटिच्च सनिदस्सनसप्पटिघो नदस्सनेन पहातब्बो धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ nanadassanena pahātabbaṃ dhammaṃ paṭicca sanidassanasappaṭigho nadassanena pahātabbo dhammo uppajjati hetupaccayā… hetuyā ekavīsa.
९८. नसनिदस्सनसप्पटिघं नभावनाय पहातब्बं धम्मं पच्चया अनिदस्सनअप्पटिघो भावनाय पहातब्बो धम्मो उप्पज्जति हेतुपच्चया… हेतुया तीणि।
98. Nasanidassanasappaṭighaṃ nabhāvanāya pahātabbaṃ dhammaṃ paccayā anidassanaappaṭigho bhāvanāya pahātabbo dhammo uppajjati hetupaccayā… hetuyā tīṇi.
नसनिदस्सनसप्पटिघं ननभावनाय पहातब्बं धम्मं पटिच्च सनिदस्सनसप्पटिघो नभावनाय पहातब्बो धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ nanabhāvanāya pahātabbaṃ dhammaṃ paṭicca sanidassanasappaṭigho nabhāvanāya pahātabbo dhammo uppajjati hetupaccayā… hetuyā ekavīsa.
९९. नसनिदस्सनसप्पटिघं नदस्सनेन पहातब्बहेतुकं धम्मं पटिच्च अनिदस्सनअप्पटिघो दस्सनेन पहातब्बहेतुको धम्मो उप्पज्जति हेतुपच्चया… हेतुया तीणि।
99. Nasanidassanasappaṭighaṃ nadassanena pahātabbahetukaṃ dhammaṃ paṭicca anidassanaappaṭigho dassanena pahātabbahetuko dhammo uppajjati hetupaccayā… hetuyā tīṇi.
नसनिदस्सनसप्पटिघं ननदस्सनेन पहातब्बहेतुकं धम्मं पटिच्च सनिदस्सनसप्पटिघो नदस्सनेन पहातब्बहेतुको धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ nanadassanena pahātabbahetukaṃ dhammaṃ paṭicca sanidassanasappaṭigho nadassanena pahātabbahetuko dhammo uppajjati hetupaccayā… hetuyā ekavīsa.
१००. नसनिदस्सनसप्पटिघं नभावनाय पहातब्बहेतुकं धम्मं पच्चया अनिदस्सनअप्पटिघो भावनाय पहातब्बहेतुको धम्मो उप्पज्जति हेतुपच्चया… हेतुया तीणि।
100. Nasanidassanasappaṭighaṃ nabhāvanāya pahātabbahetukaṃ dhammaṃ paccayā anidassanaappaṭigho bhāvanāya pahātabbahetuko dhammo uppajjati hetupaccayā… hetuyā tīṇi.
नसनिदस्सनसप्पटिघं ननभावनाय पहातब्बहेतुकं धम्मं पटिच्च सनिदस्सनसप्पटिघो नभावनाय पहातब्बहेतुको धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ nanabhāvanāya pahātabbahetukaṃ dhammaṃ paṭicca sanidassanasappaṭigho nabhāvanāya pahātabbahetuko dhammo uppajjati hetupaccayā… hetuyā ekavīsa.
१०१. नसनिदस्सनसप्पटिघं नसवितक्कं धम्मं पटिच्च अनिदस्सनअप्पटिघो सवितक्को धम्मो उप्पज्जति हेतुपच्चया… हेतुया तीणि।
101. Nasanidassanasappaṭighaṃ nasavitakkaṃ dhammaṃ paṭicca anidassanaappaṭigho savitakko dhammo uppajjati hetupaccayā… hetuyā tīṇi.
नसनिदस्सनसप्पटिघं नअवितक्कं धम्मं पटिच्च सनिदस्सनसप्पटिघो अवितक्को धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ naavitakkaṃ dhammaṃ paṭicca sanidassanasappaṭigho avitakko dhammo uppajjati hetupaccayā… hetuyā ekavīsa.
१०२. नसनिदस्सनसप्पटिघं नसविचारं धम्मं पटिच्च अनिदस्सनअप्पटिघो सविचारो धम्मो उप्पज्जति हेतुपच्चया… हेतुया तीणि।
102. Nasanidassanasappaṭighaṃ nasavicāraṃ dhammaṃ paṭicca anidassanaappaṭigho savicāro dhammo uppajjati hetupaccayā… hetuyā tīṇi.
नसनिदस्सनसप्पटिघं नअविचारं धम्मं पटिच्च सनिदस्सनसप्पटिघो अविचारो धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ naavicāraṃ dhammaṃ paṭicca sanidassanasappaṭigho avicāro dhammo uppajjati hetupaccayā… hetuyā ekavīsa.
१०३. नसनिदस्सनसप्पटिघं नसप्पीतिकं धम्मं पटिच्च अनिदस्सनअप्पटिघो सप्पीतिको धम्मो उप्पज्जति हेतुपच्चया… हेतुया तीणि।
103. Nasanidassanasappaṭighaṃ nasappītikaṃ dhammaṃ paṭicca anidassanaappaṭigho sappītiko dhammo uppajjati hetupaccayā… hetuyā tīṇi.
नसनिदस्सनसप्पटिघं नअप्पीतिकं धम्मं पटिच्च सनिदस्सनसप्पटिघो अप्पीतिको धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ naappītikaṃ dhammaṃ paṭicca sanidassanasappaṭigho appītiko dhammo uppajjati hetupaccayā… hetuyā ekavīsa.
१०४. नसनिदस्सनसप्पटिघं नपीतिसहगतं धम्मं पटिच्च अनिदस्सनअप्पटिघो पीतिसहगतो धम्मो उप्पज्जति हेतुपच्चया… हेतुया तीणि।
104. Nasanidassanasappaṭighaṃ napītisahagataṃ dhammaṃ paṭicca anidassanaappaṭigho pītisahagato dhammo uppajjati hetupaccayā… hetuyā tīṇi.
नसनिदस्सनसप्पटिघं ननपीतिसहगतं धम्मं पटिच्च सनिदस्सनसप्पटिघो नपीतिसहगतो धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ nanapītisahagataṃ dhammaṃ paṭicca sanidassanasappaṭigho napītisahagato dhammo uppajjati hetupaccayā… hetuyā ekavīsa.
१०५. नसनिदस्सनसप्पटिघं नसुखसहगतं धम्मं पटिच्च अनिदस्सनअप्पटिघो सुखसहगतो धम्मो उप्पज्जति हेतुपच्चया… हेतुया तीणि।
105. Nasanidassanasappaṭighaṃ nasukhasahagataṃ dhammaṃ paṭicca anidassanaappaṭigho sukhasahagato dhammo uppajjati hetupaccayā… hetuyā tīṇi.
नसनिदस्सनसप्पटिघं ननसुखसहगतं धम्मं पटिच्च सनिदस्सनसप्पटिघो नसुखसहगतो धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ nanasukhasahagataṃ dhammaṃ paṭicca sanidassanasappaṭigho nasukhasahagato dhammo uppajjati hetupaccayā… hetuyā ekavīsa.
१०६. नसनिदस्सनसप्पटिघं नउपेक्खासहगतं धम्मं पटिच्च अनिदस्सनअप्पटिघो उपेक्खासहगतो धम्मो उप्पज्जति हेतुपच्चया… हेतुया तीणि।
106. Nasanidassanasappaṭighaṃ naupekkhāsahagataṃ dhammaṃ paṭicca anidassanaappaṭigho upekkhāsahagato dhammo uppajjati hetupaccayā… hetuyā tīṇi.
नसनिदस्सनसप्पटिघं ननउपेक्खासहगतं धम्मं पटिच्च सनिदस्सनसप्पटिघो नउपेक्खासहगतो धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ nanaupekkhāsahagataṃ dhammaṃ paṭicca sanidassanasappaṭigho naupekkhāsahagato dhammo uppajjati hetupaccayā… hetuyā ekavīsa.
१०७. नसनिदस्सनसप्पटिघं नकामावचरं धम्मं पटिच्च सनिदस्सनसप्पटिघो कामावचरो धम्मो उप्पज्जति हेतुपच्चया… हेतुया एकवीस।
107. Nasanidassanasappaṭighaṃ nakāmāvacaraṃ dhammaṃ paṭicca sanidassanasappaṭigho kāmāvacaro dhammo uppajjati hetupaccayā… hetuyā ekavīsa.
नसनिदस्सनसप्पटिघं ननकामावचरं धम्मं पटिच्च अनिदस्सनअप्पटिघो नकामावचरो धम्मो उप्पज्जति हेतुपच्चया… हेतुया तीणि।
Nasanidassanasappaṭighaṃ nanakāmāvacaraṃ dhammaṃ paṭicca anidassanaappaṭigho nakāmāvacaro dhammo uppajjati hetupaccayā… hetuyā tīṇi.
१०८. नसनिदस्सनसप्पटिघं नरूपावचरं धम्मं पटिच्च अनिदस्सनअप्पटिघो रूपावचरो धम्मो उप्पज्जति हेतुपच्चया… हेतुया तीणि।
108. Nasanidassanasappaṭighaṃ narūpāvacaraṃ dhammaṃ paṭicca anidassanaappaṭigho rūpāvacaro dhammo uppajjati hetupaccayā… hetuyā tīṇi.
नसनिदस्सनसप्पटिघं ननरूपावचरं धम्मं पटिच्च सनिदस्सनसप्पटिघो नरूपावचरो धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ nanarūpāvacaraṃ dhammaṃ paṭicca sanidassanasappaṭigho narūpāvacaro dhammo uppajjati hetupaccayā… hetuyā ekavīsa.
१०९. नसनिदस्सनसप्पटिघं नअरूपावचरं धम्मं पच्चया अनिदस्सनअप्पटिघो अरूपावचरो धम्मो उप्पज्जति हेतुपच्चया… हेतुया तीणि।
109. Nasanidassanasappaṭighaṃ naarūpāvacaraṃ dhammaṃ paccayā anidassanaappaṭigho arūpāvacaro dhammo uppajjati hetupaccayā… hetuyā tīṇi.
नसनिदस्सनसप्पटिघं ननअरूपावचरं धम्मं पटिच्च सनिदस्सनसप्पटिघो नअरूपावचरो धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ nanaarūpāvacaraṃ dhammaṃ paṭicca sanidassanasappaṭigho naarūpāvacaro dhammo uppajjati hetupaccayā… hetuyā ekavīsa.
११०. नसनिदस्सनसप्पटिघं नपरियापन्नं धम्मं पटिच्च सनिदस्सनसप्पटिघो परियापन्नो धम्मो उप्पज्जति हेतुपच्चया… हेतुया एकवीस।
110. Nasanidassanasappaṭighaṃ napariyāpannaṃ dhammaṃ paṭicca sanidassanasappaṭigho pariyāpanno dhammo uppajjati hetupaccayā… hetuyā ekavīsa.
नसनिदस्सनसप्पटिघं नअपरियापन्नं धम्मं पच्चया अनिदस्सनअप्पटिघो अपरियापन्नो धम्मो उप्पज्जति हेतुपच्चया… हेतुया तीणि।
Nasanidassanasappaṭighaṃ naapariyāpannaṃ dhammaṃ paccayā anidassanaappaṭigho apariyāpanno dhammo uppajjati hetupaccayā… hetuyā tīṇi.
१११. नसनिदस्सनसप्पटिघं ननिय्यानिकं धम्मं पच्चया अनिदस्सनअप्पटिघो निय्यानिको धम्मो उप्पज्जति हेतुपच्चया… हेतुया तीणि।
111. Nasanidassanasappaṭighaṃ naniyyānikaṃ dhammaṃ paccayā anidassanaappaṭigho niyyāniko dhammo uppajjati hetupaccayā… hetuyā tīṇi.
नसनिदस्सनसप्पटिघं नअनिय्यानिकं धम्मं पटिच्च सनिदस्सनसप्पटिघो अनिय्यानिको धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ naaniyyānikaṃ dhammaṃ paṭicca sanidassanasappaṭigho aniyyāniko dhammo uppajjati hetupaccayā… hetuyā ekavīsa.
११२. नसनिदस्सनसप्पटिघं ननियतं धम्मं पच्चया अनिदस्सनअप्पटिघो नियतो धम्मो उप्पज्जति हेतुपच्चया… हेतुया तीणि।
112. Nasanidassanasappaṭighaṃ naniyataṃ dhammaṃ paccayā anidassanaappaṭigho niyato dhammo uppajjati hetupaccayā… hetuyā tīṇi.
नसनिदस्सनसप्पटिघं नअनियतं धम्मं पटिच्च सनिदस्सनसप्पटिघो अनियतो धम्मो उप्पज्जति हेतुपच्चया… हेतुया एकवीस।
Nasanidassanasappaṭighaṃ naaniyataṃ dhammaṃ paṭicca sanidassanasappaṭigho aniyato dhammo uppajjati hetupaccayā… hetuyā ekavīsa.
११३. नसनिदस्सनसप्पटिघं नसउत्तरं धम्मं पटिच्च सनिदस्सनसप्पटिघो सउत्तरो धम्मो उप्पज्जति हेतुपच्चया… हेतुया एकवीस।
113. Nasanidassanasappaṭighaṃ nasauttaraṃ dhammaṃ paṭicca sanidassanasappaṭigho sauttaro dhammo uppajjati hetupaccayā… hetuyā ekavīsa.
नसनिदस्सनसप्पटिघं नअनुत्तरं धम्मं पच्चया अनिदस्सनअप्पटिघो अनुत्तरो धम्मो उप्पज्जति हेतुपच्चया… हेतुया तीणि।
Nasanidassanasappaṭighaṃ naanuttaraṃ dhammaṃ paccayā anidassanaappaṭigho anuttaro dhammo uppajjati hetupaccayā… hetuyā tīṇi.
२२-१००. सनिदस्सनत्तिक-सरणदुकं
22-100. Sanidassanattika-saraṇadukaṃ
११४. नसनिदस्सनसप्पटिघं नसरणं धम्मं पच्चया अनिदस्सनअप्पटिघो सरणो धम्मो उप्पज्जति हेतुपच्चया… हेतुया तीणि।
114. Nasanidassanasappaṭighaṃ nasaraṇaṃ dhammaṃ paccayā anidassanaappaṭigho saraṇo dhammo uppajjati hetupaccayā… hetuyā tīṇi.
नसनिदस्सनसप्पटिघं नअरणं धम्मं पटिच्च सनिदस्सनसप्पटिघो अरणो धम्मो उप्पज्जति हेतुपच्चया… सत्त।
Nasanidassanasappaṭighaṃ naaraṇaṃ dhammaṃ paṭicca sanidassanasappaṭigho araṇo dhammo uppajjati hetupaccayā… satta.
नअनिदस्सनसप्पटिघं नअरणं धम्मं पटिच्च सनिदस्सनसप्पटिघो अरणो धम्मो उप्पज्जति हेतुपच्चया… सत्त।
Naanidassanasappaṭighaṃ naaraṇaṃ dhammaṃ paṭicca sanidassanasappaṭigho araṇo dhammo uppajjati hetupaccayā… satta.
नसनिदस्सनसप्पटिघं नअरणञ्च नअनिदस्सनसप्पटिघं नअरणञ्च धम्मं पटिच्च सनिदस्सनसप्पटिघो अरणो धम्मो उप्पज्जति हेतुपच्चया… सत्त। हेतुया एकवीस।
Nasanidassanasappaṭighaṃ naaraṇañca naanidassanasappaṭighaṃ naaraṇañca dhammaṃ paṭicca sanidassanasappaṭigho araṇo dhammo uppajjati hetupaccayā… satta. Hetuyā ekavīsa.
(सहजातवारम्पि पटिच्चवारसदिसं वित्थारेतब्बं।)
(Sahajātavārampi paṭiccavārasadisaṃ vitthāretabbaṃ.)
हेतुआरम्मणपच्चयादि
Hetuārammaṇapaccayādi
११५. नसनिदस्सनसप्पटिघो नअरणो धम्मो सनिदस्सनसप्पटिघस्स अरणस्स धम्मस्स हेतुपच्चयेन पच्चयो… सत्त।
115. Nasanidassanasappaṭigho naaraṇo dhammo sanidassanasappaṭighassa araṇassa dhammassa hetupaccayena paccayo… satta.
नअनिदस्सनसप्पटिघो नअरणो धम्मो सनिदस्सनसप्पटिघस्स अरणस्स धम्मस्स हेतुपच्चयेन पच्चयो… सत्त।
Naanidassanasappaṭigho naaraṇo dhammo sanidassanasappaṭighassa araṇassa dhammassa hetupaccayena paccayo… satta.
नसनिदस्सनसप्पटिघो नअरणो च नअनिदस्सनसप्पटिघो नअरणो च धम्मा सनिदस्सनसप्पटिघस्स अरणस्स धम्मस्स हेतुपच्चयेन पच्चयो… सत्त।
Nasanidassanasappaṭigho naaraṇo ca naanidassanasappaṭigho naaraṇo ca dhammā sanidassanasappaṭighassa araṇassa dhammassa hetupaccayena paccayo… satta.
११६. नसनिदस्सनसप्पटिघो नअरणो धम्मो अनिदस्सनअप्पटिघस्स अरणस्स धम्मस्स आरम्मणपच्चयेन पच्चयो। नअनिदस्सनसप्पटिघो नअरणो धम्मो अनिदस्सनअप्पटिघस्स अरणस्स धम्मस्स आरम्मणपच्चयेन पच्चयो। नसनिदस्सनसप्पटिघो नअरणो च नअनिदस्सनसप्पटिघो नअरणो च धम्मा अनिदस्सनअप्पटिघस्स अरणस्स धम्मस्स आरम्मणपच्चयेन पच्चयो।
116. Nasanidassanasappaṭigho naaraṇo dhammo anidassanaappaṭighassa araṇassa dhammassa ārammaṇapaccayena paccayo. Naanidassanasappaṭigho naaraṇo dhammo anidassanaappaṭighassa araṇassa dhammassa ārammaṇapaccayena paccayo. Nasanidassanasappaṭigho naaraṇo ca naanidassanasappaṭigho naaraṇo ca dhammā anidassanaappaṭighassa araṇassa dhammassa ārammaṇapaccayena paccayo.
११७. हेतुया एकवीस, आरम्मणे तीणि…पे॰… अविगते एकवीस।
117. Hetuyā ekavīsa, ārammaṇe tīṇi…pe… avigate ekavīsa.
(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं।)
(Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṃ, evaṃ gaṇetabbaṃ.)
धम्मपच्चनीयानुलोमे तिकदुकपट्ठानं निट्ठितं।
Dhammapaccanīyānulome tikadukapaṭṭhānaṃ niṭṭhitaṃ.
