| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೪. ಧಮ್ಮಸಞ್ಞಕತ್ಥೇರಅಪದಾನಂ
4. Dhammasaññakattheraapadānaṃ
೧೩.
13.
‘‘ವಿಪಸ್ಸಿನೋ ಭಗವತೋ, ಮಹಾಬೋಧಿಮಹೋ ಅಹು।
‘‘Vipassino bhagavato, mahābodhimaho ahu;
೧೪.
14.
‘‘ಭಗವಾ ತಮ್ಹಿ ಸಮಯೇ, ಭಿಕ್ಖುಸಙ್ಘಪುರಕ್ಖತೋ।
‘‘Bhagavā tamhi samaye, bhikkhusaṅghapurakkhato;
ಚತುಸಚ್ಚಂ ಪಕಾಸೇತಿ, ವಾಚಾಸಭಿಮುದೀರಯಂ॥
Catusaccaṃ pakāseti, vācāsabhimudīrayaṃ.
೧೫.
15.
ವಿವಟ್ಟಚ್ಛದೋ ಸಮ್ಬುದ್ಧೋ, ನಿಬ್ಬಾಪೇಸಿ ಮಹಾಜನಂ॥
Vivaṭṭacchado sambuddho, nibbāpesi mahājanaṃ.
೧೬.
16.
‘‘ತಸ್ಸಾಹಂ ಧಮ್ಮಂ ಸುತ್ವಾನ, ಲೋಕಜೇಟ್ಠಸ್ಸ ತಾದಿನೋ।
‘‘Tassāhaṃ dhammaṃ sutvāna, lokajeṭṭhassa tādino;
ವನ್ದಿತ್ವಾ ಸತ್ಥುನೋ ಪಾದೇ, ಪಕ್ಕಾಮಿಂ ಉತ್ತರಾಮುಖೋ॥
Vanditvā satthuno pāde, pakkāmiṃ uttarāmukho.
೧೭.
17.
‘‘ಏಕನವುತಿತೋ ಕಪ್ಪೇ, ಯಂ ಧಮ್ಮಮಸುಣಿಂ ತದಾ।
‘‘Ekanavutito kappe, yaṃ dhammamasuṇiṃ tadā;
ದುಗ್ಗತಿಂ ನಾಭಿಜಾನಾಮಿ, ಧಮ್ಮಸವಸ್ಸಿದಂ ಫಲಂ॥
Duggatiṃ nābhijānāmi, dhammasavassidaṃ phalaṃ.
೧೮.
18.
‘‘ತೇತ್ತಿಂಸಮ್ಹಿ ಇತೋ ಕಪ್ಪೇ, ಏಕೋ ಆಸಿಂ ಮಹೀಪತಿ।
‘‘Tettiṃsamhi ito kappe, eko āsiṃ mahīpati;
ಸುತವಾ ನಾಮ ನಾಮೇನ, ಚಕ್ಕವತ್ತೀ ಮಹಬ್ಬಲೋ॥
Sutavā nāma nāmena, cakkavattī mahabbalo.
೧೯.
19.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಧಮ್ಮಸಞ್ಞಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā dhammasaññako thero imā gāthāyo abhāsitthāti.
ಧಮ್ಮಸಞ್ಞಕತ್ಥೇರಸ್ಸಾಪದಾನಂ ಚತುತ್ಥಂ।
Dhammasaññakattherassāpadānaṃ catutthaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೧-೧೦. ಪದುಮಕೇಸರಿಯತ್ಥೇರಅಪದಾನಾದಿವಣ್ಣನಾ • 1-10. Padumakesariyattheraapadānādivaṇṇanā
