| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
8. д̇хаммасуд̇д̇а-(нааваасуд̇д̇а)-ван̣н̣анаа
8. Dhammasutta-(nāvāsutta)-vaṇṇanā
319. яасмаа хи д̇хамманд̇и д̇хаммасуд̇д̇ам̣, ‘‘нааваасуд̇д̇а’’нд̇иби вужжад̇и. гаа уббад̇д̇и? ид̣̇ам̣ суд̇д̇ам̣ ааяасманд̇ам̣ саарибуд̇д̇ад̇т̇зрам̣ аараб̣бха вуд̇д̇ам̣. аяамзд̇т̇а сан̇кзбо, вид̇т̇ааро бана д̣̇виннам̣ аг̇г̇асаавагаанам̣ уббад̇д̇ид̇о бабхуд̇и взд̣̇ид̇аб̣б̣о. сзяяат̇ид̣̇ам̣ – ануббаннз гира бхаг̇авад̇и д̣̇вз аг̇г̇асаавагаа згам̣ асан̇кязяяам̣ габбасад̇асахассан̃жа баарамияо буурзд̇ваа д̣̇звалогз ниб̣б̣ад̇д̇аа. д̇зсам̣ батамо жавид̇ваа рааж̇аг̇ахасса авид̣̇уурз убад̇иссаг̇аамо наама б̣раахман̣аанам̣ бхог̇аг̇аамо ад̇т̇и, д̇ад̇т̇а садтиад̇хигабан̃жагодисад̇ад̇ханавибхавасса г̇аамасаамино б̣раахман̣асса руубасаарий наама б̣раахман̣ий, д̇ассаа гужчияам̣ бадисанд̇хим̣ аг̇г̇ахзси. д̣̇уд̇ияо д̇ассзваавид̣̇уурз голид̇аг̇аамо наама б̣раахман̣аанам̣ бхог̇аг̇аамо ад̇т̇и. д̇ад̇т̇а д̇ат̇ааруубавибхавассзва г̇аамасаамино б̣раахман̣асса мог̇г̇аллааний наама б̣раахман̣ий, д̇ассаа гужчияам̣ д̇ам̣ д̣̇ивасамзва бадисанд̇хим̣ аг̇г̇ахзси. звам̣ д̇зсам̣ згад̣̇ивасамзва бадисанд̇хиг̇г̇ахан̣ан̃жа г̇аб̣бхавудтаанан̃жа ахоси. згад̣̇ивасзязва жа нзсам̣ згасса убад̇иссаг̇аамз ж̇аад̇ад̇д̇аа убад̇иссо, згасса голид̇аг̇аамз ж̇аад̇ад̇д̇аа голид̇од̇и наамамагам̣су.
319.Yasmāhi dhammanti dhammasuttaṃ, ‘‘nāvāsutta’’ntipi vuccati. Kā uppatti? Idaṃ suttaṃ āyasmantaṃ sāriputtattheraṃ ārabbha vuttaṃ. Ayamettha saṅkhepo, vitthāro pana dvinnaṃ aggasāvakānaṃ uppattito pabhuti veditabbo. Seyyathidaṃ – anuppanne kira bhagavati dve aggasāvakā ekaṃ asaṅkhyeyyaṃ kappasatasahassañca pāramiyo pūretvā devaloke nibbattā. Tesaṃ paṭhamo cavitvā rājagahassa avidūre upatissagāmo nāma brāhmaṇānaṃ bhogagāmo atthi, tattha saṭṭhiadhikapañcakoṭisatadhanavibhavassa gāmasāmino brāhmaṇassa rūpasārī nāma brāhmaṇī, tassā kucchiyaṃ paṭisandhiṃ aggahesi. Dutiyo tassevāvidūre kolitagāmo nāma brāhmaṇānaṃ bhogagāmo atthi. Tattha tathārūpavibhavasseva gāmasāmino brāhmaṇassa moggallānī nāma brāhmaṇī, tassā kucchiyaṃ taṃ divasameva paṭisandhiṃ aggahesi. Evaṃ tesaṃ ekadivasameva paṭisandhiggahaṇañca gabbhavuṭṭhānañca ahosi. Ekadivaseyeva ca nesaṃ ekassa upatissagāme jātattā upatisso, ekassa kolitagāme jātattā kolitoti nāmamakaṃsu.
д̇з сахабам̣сум̣ гийл̣анд̇аа сахааяагаа анубуб̣б̣зна вуд̣дхим̣ баабун̣им̣су, згамзгасса жа бан̃жабан̃жамаан̣авагасад̇аани бариваараа ахзсум̣. д̇з уяяаанам̣ ваа над̣̇ийд̇ид̇т̇ам̣ ваа г̇ажчанд̇аа сабариваарааязва г̇ажчанд̇и. зго бан̃жахи суван̣н̣асивигаасад̇зхи, д̣̇уд̇ияо бан̃жахи ааж̇ан̃н̃арат̇асад̇зхи. д̇ад̣̇аа жа рааж̇аг̇ахз гаалаанугаалам̣ г̇ираг̇г̇асамаж̇ж̇о наама ход̇и. сааяанхасамаяз наг̇аравзмаж̇жхз яад̇т̇а сагалаан̇г̇амаг̇ад̇хаваасино абхин̃н̃аад̇аа кад̇д̇ияагумаараад̣̇аяо саннибад̇ид̇ваа субан̃н̃ад̇д̇зсу ман̃жабийтаад̣̇ийсу нисиннаа самаж̇ж̇авибхууд̇им̣ бассанд̇и. ат̇а д̇з сахааяагаа д̇зна бариваарзна сад̣̇д̇хим̣ д̇ад̇т̇а г̇анд̇ваа бан̃н̃ад̇д̇аасанзсу нисийд̣̇им̣су. д̇ад̇о убад̇иссо самаж̇ж̇авибхууд̇им̣ бассанд̇о махааж̇анагааяам̣ саннибад̇ид̇ам̣ д̣̇исваа ‘‘зд̇д̇аго ж̇анагааяо вассасад̇ам̣ аббад̇ваава мариссад̇ий’’д̇и жинд̇зси. д̇асса маран̣ам̣ ааг̇анд̇ваа налааданд̇з бад̇идтид̇ам̣ вияа ахоси, д̇ат̇аа голид̇асса. д̇зсам̣ анзгаббагаарзсу надзсу нажжанд̇зсу д̣̇ассанамад̇д̇зби жид̇д̇ам̣ на нами, ан̃н̃ад̣̇ад̇т̇у сам̣взг̇оязва уд̣̇абаад̣̇и.
Te sahapaṃsuṃ kīḷantā sahāyakā anupubbena vuḍḍhiṃ pāpuṇiṃsu, ekamekassa ca pañcapañcamāṇavakasatāni parivārā ahesuṃ. Te uyyānaṃ vā nadītitthaṃ vā gacchantā saparivārāyeva gacchanti. Eko pañcahi suvaṇṇasivikāsatehi, dutiyo pañcahi ājaññarathasatehi. Tadā ca rājagahe kālānukālaṃ giraggasamajjo nāma hoti. Sāyanhasamaye nagaravemajjhe yattha sakalaaṅgamagadhavāsino abhiññātā khattiyakumārādayo sannipatitvā supaññattesu mañcapīṭhādīsu nisinnā samajjavibhūtiṃ passanti. Atha te sahāyakā tena parivārena saddhiṃ tattha gantvā paññattāsanesu nisīdiṃsu. Tato upatisso samajjavibhūtiṃ passanto mahājanakāyaṃ sannipatitaṃ disvā ‘‘ettako janakāyo vassasataṃ appatvāva marissatī’’ti cintesi. Tassa maraṇaṃ āgantvā nalāṭante patiṭṭhitaṃ viya ahosi, tathā kolitassa. Tesaṃ anekappakāresu naṭesu naccantesu dassanamattepi cittaṃ na nami, aññadatthu saṃvegoyeva udapādi.
ат̇а вудтид̇з самаж̇ж̇з багганд̇ааяа барисааяа сагабариваарзна багганд̇зсу д̇зсу сахааязсу голид̇о убад̇иссам̣ бужчи – ‘‘гим̣, самма, наадагаад̣̇ид̣̇ассанзна д̇ава бамод̣̇анамад̇д̇амби наахосий’’д̇и? со д̇асса д̇ам̣ бавад̇д̇им̣ аарожзд̇ваа д̇амби д̇ат̇зва бадибужчи. соби д̇асса ад̇д̇ано бавад̇д̇им̣ аарожзд̇ваа ‘‘зхи, самма, баб̣б̣аж̇ид̇ваа амад̇ам̣ г̇авзсаамаа’’д̇и ааха. ‘‘саад̇ху саммаа’’д̇и убад̇иссо д̇ам̣ самбадижчи. д̇ад̇о д̣̇взби ж̇анаа д̇ам̣ самбад̇д̇им̣ чад̣д̣зд̇ваа бунад̣̇зва рааж̇аг̇ахамануббад̇д̇аа. д̇зна жа самаязна рааж̇аг̇ахз сан̃жаяо наама бариб̣б̣ааж̇аго бадивасад̇и. д̇з д̇асса санд̇игз бан̃жахи маан̣авагасад̇зхи сад̣̇д̇хим̣ баб̣б̣аж̇ид̇ваа гад̇ибаахзнзва д̇аяо взд̣̇з саб̣б̣ан̃жа бариб̣б̣ааж̇агасамаяам̣ уг̇г̇ахзсум̣. д̇з д̇зсам̣ сад̇т̇аанам̣ аад̣̇имаж̇жхабарияосаанам̣ убабаригканд̇аа барияосаанам̣ ад̣̇исваа аажарияам̣ бужчим̣су – ‘‘имзсам̣ сад̇т̇аанам̣ аад̣̇имаж̇жхам̣ д̣̇иссад̇и, барияосаанам̣ бана на д̣̇иссад̇и ‘ид̣̇ам̣ наама имзхи сад̇т̇зхи баабун̣зяяаад̇и, яад̇о уд̇д̇ари баабун̣ид̇аб̣б̣ам̣ над̇т̇ий’’’д̇и. соби ааха – ‘‘ахамби д̇зсам̣ д̇ат̇аавид̇хам̣ барияосаанам̣ на бассаамий’’д̇и. д̇з аахам̣су – ‘‘д̇зна хи маяам̣ имзсам̣ барияосаанам̣ г̇авзсаамаа’’д̇и. д̇з аажарияо ‘‘яат̇аасукам̣ г̇авзсат̇аа’’д̇и ааха. звам̣ д̇з д̇зна анун̃н̃аад̇аа амад̇ам̣ г̇авзсамаанаа аахин̣д̣анд̇аа ж̇амб̣уд̣̇ийбз баагадаа ахзсум̣. д̇зхи кад̇д̇ияабан̣д̣ид̇аад̣̇аяо бан̃хам̣ будтаа уд̇д̇аруд̇д̇арим̣ на самбааяанд̇и. ‘‘убад̇иссо голид̇о’’д̇и вуд̇д̇з бана ‘‘гз зд̇з, на ко маяам̣ ж̇аанаамаа’’д̇и бхан̣анд̇аа над̇т̇и, звам̣ виссуд̇аа ахзсум̣.
Atha vuṭṭhite samajje pakkantāya parisāya sakaparivārena pakkantesu tesu sahāyesu kolito upatissaṃ pucchi – ‘‘kiṃ, samma, nāṭakādidassanena tava pamodanamattampi nāhosī’’ti? So tassa taṃ pavattiṃ ārocetvā tampi tatheva paṭipucchi. Sopi tassa attano pavattiṃ ārocetvā ‘‘ehi, samma, pabbajitvā amataṃ gavesāmā’’ti āha. ‘‘Sādhu sammā’’ti upatisso taṃ sampaṭicchi. Tato dvepi janā taṃ sampattiṃ chaḍḍetvā punadeva rājagahamanuppattā. Tena ca samayena rājagahe sañcayo nāma paribbājako paṭivasati. Te tassa santike pañcahi māṇavakasatehi saddhiṃ pabbajitvā katipāheneva tayo vede sabbañca paribbājakasamayaṃ uggahesuṃ. Te tesaṃ satthānaṃ ādimajjhapariyosānaṃ upaparikkhantā pariyosānaṃ adisvā ācariyaṃ pucchiṃsu – ‘‘imesaṃ satthānaṃ ādimajjhaṃ dissati, pariyosānaṃ pana na dissati ‘idaṃ nāma imehi satthehi pāpuṇeyyāti, yato uttari pāpuṇitabbaṃ natthī’’’ti. Sopi āha – ‘‘ahampi tesaṃ tathāvidhaṃ pariyosānaṃ na passāmī’’ti. Te āhaṃsu – ‘‘tena hi mayaṃ imesaṃ pariyosānaṃ gavesāmā’’ti. Te ācariyo ‘‘yathāsukhaṃ gavesathā’’ti āha. Evaṃ te tena anuññātā amataṃ gavesamānā āhiṇḍantā jambudīpe pākaṭā ahesuṃ. Tehi khattiyapaṇḍitādayo pañhaṃ puṭṭhā uttaruttariṃ na sampāyanti. ‘‘Upatisso kolito’’ti vutte pana ‘‘ke ete, na kho mayaṃ jānāmā’’ti bhaṇantā natthi, evaṃ vissutā ahesuṃ.
звам̣ д̇зсу амад̇абариязсанам̣ жарамаанзсу амхаагам̣ бхаг̇аваа логз уббаж̇ж̇ид̇ваа бавад̇д̇ид̇аварад̇хаммажагго анубуб̣б̣зна рааж̇аг̇ахамануббад̇д̇о. д̇з жа бариб̣б̣ааж̇агаа сагалаж̇амб̣уд̣̇ийбам̣ жарид̇ваа д̇идтад̇у амад̇ам̣, анд̇амасо барияосаанабан̃хависсаж̇ж̇анамад̇д̇амби алабханд̇аа бунад̣̇зва рааж̇аг̇ахам̣ аг̇амам̣су. ат̇а ко ааяасмаа ассаж̇и буб̣б̣ан̣хасамаяам̣ ниваасзд̇ваад̇и яаава д̇зсам̣ баб̣б̣аж̇ж̇аа, д̇аава саб̣б̣ам̣ баб̣б̣аж̇ж̇аагканд̇хагз (махаава. 60) ааг̇ад̇анаязнзва вид̇т̇аарад̇о д̣̇адтаб̣б̣ам̣.
Evaṃ tesu amatapariyesanaṃ caramānesu amhākaṃ bhagavā loke uppajjitvā pavattitavaradhammacakko anupubbena rājagahamanuppatto. Te ca paribbājakā sakalajambudīpaṃ caritvā tiṭṭhatu amataṃ, antamaso pariyosānapañhavissajjanamattampi alabhantā punadeva rājagahaṃ agamaṃsu. Atha kho āyasmā assaji pubbaṇhasamayaṃ nivāsetvāti yāva tesaṃ pabbajjā, tāva sabbaṃ pabbajjākkhandhake (mahāva. 60) āgatanayeneva vitthārato daṭṭhabbaṃ.
звам̣ баб̣б̣аж̇ид̇зсу д̇зсу д̣̇вийсу сахааяагзсу ааяасмаа саарибуд̇д̇о ад̣дхамаасзна саавагабаарамийн̃аан̣ам̣ сажчаагааси. со яад̣̇аа ассаж̇ид̇т̇зрзна сад̣̇д̇хим̣ згавихаарз васад̇и, д̇ад̣̇аа бхаг̇авад̇о убадтаанам̣ г̇анд̇ваа ананд̇арам̣ т̇зрасса убадтаанам̣ г̇ажчад̇и ‘‘буб̣б̣аажарияо мз аяамааяасмаа, зд̇амахам̣ ниссааяа бхаг̇авад̇о саасанам̣ ан̃н̃ааси’’нд̇и г̇ааравзна. яад̣̇аа бана ассаж̇ид̇т̇зрзна сад̣̇д̇хим̣ згавихаарз на васад̇и, д̇ад̣̇аа яассам̣ д̣̇исааяам̣ т̇зро васад̇и, д̇ам̣ д̣̇исам̣ ологзд̇ваа бан̃жабад̇идтид̇зна ванд̣̇ид̇ваа ан̃ж̇алим̣ баг̇г̇аяха намассад̇и. д̇ам̣ д̣̇исваа гзжи бхигкуу гат̇ам̣ самудтаабзсум̣ – ‘‘саарибуд̇д̇о аг̇г̇асааваго худ̇ваа д̣̇исам̣ намассад̇и, аж̇ж̇ааби ман̃н̃з б̣раахман̣ад̣̇идти аббахийнаа’’д̇и. ат̇а бхаг̇аваа д̣̇иб̣б̣ааяа сод̇ад̇хаад̇уяаа д̇ам̣ гат̇аасаллаабам̣ суд̇ваа бан̃н̃ад̇д̇авараб̣уд̣̇д̇хаасанз нисиннам̣язва ад̇д̇аанам̣ д̣̇ассзнд̇о бхигкуу ааманд̇зси – ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и ? д̇з д̇ам̣ бавад̇д̇им̣ аажигким̣су. д̇ад̇о бхаг̇аваа ‘‘на, бхигкавз, саарибуд̇д̇о д̣̇исам̣ намассад̇и, яам̣ ниссааяа саасанам̣ ан̃н̃ааси, д̇ам̣ ад̇д̇ано аажарияам̣ ванд̣̇ад̇и намассад̇и саммаанзд̇и, аажарияабууж̇аго, бхигкавз, саарибуд̇д̇о’’д̇и вад̇ваа д̇ад̇т̇а саннибад̇ид̇аанам̣ д̇хаммад̣̇зсанад̇т̇ам̣ имам̣ суд̇д̇амабхааси.
Evaṃ pabbajitesu tesu dvīsu sahāyakesu āyasmā sāriputto aḍḍhamāsena sāvakapāramīñāṇaṃ sacchākāsi. So yadā assajittherena saddhiṃ ekavihāre vasati, tadā bhagavato upaṭṭhānaṃ gantvā anantaraṃ therassa upaṭṭhānaṃ gacchati ‘‘pubbācariyo me ayamāyasmā, etamahaṃ nissāya bhagavato sāsanaṃ aññāsi’’nti gāravena. Yadā pana assajittherena saddhiṃ ekavihāre na vasati, tadā yassaṃ disāyaṃ thero vasati, taṃ disaṃ oloketvā pañcapatiṭṭhitena vanditvā añjaliṃ paggayha namassati. Taṃ disvā keci bhikkhū kathaṃ samuṭṭhāpesuṃ – ‘‘sāriputto aggasāvako hutvā disaṃ namassati, ajjāpi maññe brāhmaṇadiṭṭhi appahīnā’’ti. Atha bhagavā dibbāya sotadhātuyā taṃ kathāsallāpaṃ sutvā paññattavarabuddhāsane nisinnaṃyeva attānaṃ dassento bhikkhū āmantesi – ‘‘kāya nuttha, bhikkhave, etarahi kathāya sannisinnā’’ti ? Te taṃ pavattiṃ ācikkhiṃsu. Tato bhagavā ‘‘na, bhikkhave, sāriputto disaṃ namassati, yaṃ nissāya sāsanaṃ aññāsi, taṃ attano ācariyaṃ vandati namassati sammāneti, ācariyapūjako, bhikkhave, sāriputto’’ti vatvā tattha sannipatitānaṃ dhammadesanatthaṃ imaṃ suttamabhāsi.
д̇ад̇т̇а яасмаа хи д̇хаммам̣ бурисо виж̇ан̃н̃аад̇и яад̇о буг̇г̇алаа бидагад̇д̇аяаббабхзд̣̇ам̣ барияад̇д̇ид̇хаммам̣ ваа, барияад̇д̇им̣ суд̇ваа ад̇хиг̇анд̇аб̣б̣ам̣ навалогуд̇д̇араббабхзд̣̇ам̣ бадивзд̇хад̇хаммам̣ ваа бурисо виж̇ан̃н̃аа ж̇аанзяяа взд̣̇зяяа. ‘‘яассаа’’д̇иби баато, со звад̇т̇о. инд̣̇ам̣ва нам̣ д̣̇звад̇аа бууж̇аязяяаад̇и яат̇аа саггам̣ д̣̇зваанаминд̣̇ам̣ д̣̇вийсу д̣̇звалогзсу д̣̇звад̇аа бууж̇знд̇и, звам̣ со буг̇г̇ало д̇ам̣ буг̇г̇алам̣ гаалассзва вудтааяа убааханаомун̃жанаад̣̇им̣ саб̣б̣ам̣ вад̇д̇абадивад̇д̇ам̣ гаронд̇о бууж̇зяяа саггарзяяа г̇аругарзяяа. гим̣ гааран̣ам̣? со бууж̇ид̇о…бз… баад̇угарод̇и д̇хаммам̣, со аажарияо звам̣ бууж̇ид̇о д̇асмим̣ анд̇зваасимхи басаннажид̇д̇о барияад̇д̇ибадивзд̇хавасзна б̣ахуссуд̇о д̣̇зсанаавасзнзва барияад̇д̇ид̇хамман̃жа, д̣̇зсанам̣ суд̇ваа яат̇аанусидтам̣ бадибад̇д̇ияаа ад̇хиг̇анд̇аб̣б̣ам̣ бадивзд̇хад̇хамман̃жа баад̇угарод̇и д̣̇зсзд̇и, д̣̇зсанааяа ваа барияад̇д̇ид̇хаммам̣, убамаавасзна ад̇д̇анаа ад̇хиг̇ад̇абадивзд̇хад̇хаммам̣ баад̇угарод̇и.
Tattha yasmā hi dhammaṃ puriso vijaññāti yato puggalā piṭakattayappabhedaṃ pariyattidhammaṃ vā, pariyattiṃ sutvā adhigantabbaṃ navalokuttarappabhedaṃ paṭivedhadhammaṃ vā puriso vijaññā jāneyya vedeyya. ‘‘Yassā’’tipi pāṭho, so evattho. Indaṃva naṃ devatā pūjayeyyāti yathā sakkaṃ devānamindaṃ dvīsu devalokesu devatā pūjenti, evaṃ so puggalo taṃ puggalaṃ kālasseva vuṭṭhāya upāhanaomuñcanādiṃ sabbaṃ vattapaṭivattaṃ karonto pūjeyya sakkareyya garukareyya. Kiṃ kāraṇaṃ? So pūjito…pe… pātukaroti dhammaṃ, so ācariyo evaṃ pūjito tasmiṃ antevāsimhi pasannacitto pariyattipaṭivedhavasena bahussuto desanāvaseneva pariyattidhammañca, desanaṃ sutvā yathānusiṭṭhaṃ paṭipattiyā adhigantabbaṃ paṭivedhadhammañca pātukaroti deseti, desanāya vā pariyattidhammaṃ, upamāvasena attanā adhigatapaṭivedhadhammaṃ pātukaroti.
320. д̇ад̣̇адтигад̇ваана нисамма д̇хийрод̇и звам̣ басаннзна аажариязна баад̇угад̇ам̣ д̇хаммам̣ адтигад̇ваана сун̣ид̇ваа убад̇хааран̣асамад̇т̇ад̇ааяа д̇хийро бурисо. д̇хаммаануд̇хаммам̣ бадибаж̇ж̇амаанод̇и логуд̇д̇арад̇хаммасса ануломад̇д̇аа ануд̇хаммабхууд̇ам̣ вибассанам̣ бхааваяамаано. вин̃н̃уу вибхаавий нибун̣о жа ход̇ийд̇и вин̃н̃уд̇аасан̇каад̇ааяа бан̃н̃ааяа ад̇хиг̇амзна вин̃н̃уу, вибхаавзд̇ваа барзсамби баагадам̣ гад̇ваа н̃аабанасамад̇т̇ад̇ааяа вибхаавий, барамасукумад̇т̇абадивзд̇хад̇ааяа нибун̣о жа ход̇и. яо д̇аад̣̇исам̣ бхаж̇ад̇и аббамад̇д̇од̇и яо д̇аад̣̇исам̣ буб̣б̣з вуд̇д̇аббагаарам̣ б̣ахуссуд̇ам̣ аббамад̇д̇о д̇аббасаад̣̇анабаро худ̇ваа бхаж̇ад̇и.
320.Tadaṭṭhikatvāna nisamma dhīroti evaṃ pasannena ācariyena pātukataṃ dhammaṃ aṭṭhikatvāna suṇitvā upadhāraṇasamatthatāya dhīro puriso. Dhammānudhammaṃ paṭipajjamānoti lokuttaradhammassa anulomattā anudhammabhūtaṃ vipassanaṃ bhāvayamāno. Viññū vibhāvī nipuṇo ca hotīti viññutāsaṅkhātāya paññāya adhigamena viññū, vibhāvetvā paresampi pākaṭaṃ katvā ñāpanasamatthatāya vibhāvī, paramasukhumatthapaṭivedhatāya nipuṇo ca hoti. Yo tādisaṃ bhajati appamattoti yo tādisaṃ pubbe vuttappakāraṃ bahussutaṃ appamatto tappasādanaparo hutvā bhajati.
321. звам̣ бан̣д̣ид̇аажарияасзванам̣ басам̣сид̇ваа ид̣̇аани б̣аалаажарияасзванам̣ нинд̣̇анд̇о ‘‘куд̣̇д̣̇ан̃жа б̣аала’’нд̇и имам̣ г̇аат̇амааха. д̇ад̇т̇а куд̣̇д̣̇анд̇и куд̣̇д̣̇зна гааяагаммаад̣̇инаа саманнааг̇ад̇ам̣, бан̃н̃аабхаавад̇о б̣аалам̣. анааг̇ад̇ад̇т̇анд̇и анад̇хиг̇ад̇абарияад̇д̇ибадивзд̇хад̇т̇ам̣. усууяаганд̇и иссааманагад̇ааяа анд̇зваасигасса вуд̣дхим̣ асахамаанам̣. сзсамзд̇т̇а баагадамзва бад̣̇ад̇о. ад̇хиббааяад̇о бана яо б̣ахужийвараад̣̇илаабхий аажарияо анд̇зваасигаанам̣ жийвараад̣̇ийни на саггод̇и д̣̇аад̇ум̣, д̇хаммад̣̇аанз бана анижжад̣̇угкаанад̇д̇аважанамад̇д̇амби на саггод̇и. зд̇зхи куд̣̇д̣̇ад̇аад̣̇ид̇хаммзхи саманнааг̇ад̇ад̇д̇аа д̇ам̣ куд̣̇д̣̇ам̣ б̣аалам̣ анааг̇ад̇ад̇т̇ам̣ усууяагам̣ аажарияам̣ убасзвамаано ‘‘бууд̇имажчам̣ гусаг̇г̇знаа’’д̇и (ид̇иву. 76; ж̇аа. 1.15.183) вуд̇д̇анаязна саяамби б̣аало ход̇и. д̇асмаа ид̇ха саасанз гин̃жи аббамад̇д̇агамби барияад̇д̇ид̇хаммам̣ бадивзд̇хад̇хаммам̣ ваа авибхааваяид̇ваа жа авиж̇аанид̇ваа жа яасса д̇хаммзсу ган̇каа, д̇ам̣ ад̇арид̇ваа маран̣ам̣ убзд̇ийд̇и звамасса ад̇т̇о взд̣̇ид̇аб̣б̣о.
321. Evaṃ paṇḍitācariyasevanaṃ pasaṃsitvā idāni bālācariyasevanaṃ nindanto ‘‘khuddañca bāla’’nti imaṃ gāthamāha. Tattha khuddanti khuddena kāyakammādinā samannāgataṃ, paññābhāvato bālaṃ. Anāgatatthanti anadhigatapariyattipaṭivedhatthaṃ. Usūyakanti issāmanakatāya antevāsikassa vuḍḍhiṃ asahamānaṃ. Sesamettha pākaṭameva padato. Adhippāyato pana yo bahucīvarādilābhī ācariyo antevāsikānaṃ cīvarādīni na sakkoti dātuṃ, dhammadāne pana aniccadukkhānattavacanamattampi na sakkoti. Etehi khuddatādidhammehi samannāgatattā taṃ khuddaṃ bālaṃ anāgatatthaṃ usūyakaṃ ācariyaṃ upasevamāno ‘‘pūtimacchaṃ kusaggenā’’ti (itivu. 76; jā. 1.15.183) vuttanayena sayampi bālo hoti. Tasmā idha sāsane kiñci appamattakampi pariyattidhammaṃ paṭivedhadhammaṃ vā avibhāvayitvā ca avijānitvā ca yassa dhammesu kaṅkhā, taṃ ataritvā maraṇaṃ upetīti evamassa attho veditabbo.
322-3. ид̣̇аани д̇ассзвад̇т̇асса баагадагаран̣ад̇т̇ам̣ ‘‘яат̇аа наро’’д̇и г̇аат̇аад̣̇ваяамааха. д̇ад̇т̇а аабаг̇анд̇и над̣̇им̣. маход̣̇аганд̇и б̣ахууд̣̇агам̣. салиланд̇и ид̇о жид̇о жа г̇ад̇ам̣, вид̇т̇ин̣н̣анд̇и вуд̇д̇ам̣ ход̇и. ‘‘сарид̇а’’нд̇иби баато, со звад̇т̇о. сийгхасод̇анд̇и хаарахааригам̣, взг̇авад̇инд̇и вуд̇д̇ам̣ ход̇и. гим̣ сод̇и зд̇т̇а ‘‘со вуяхамаано’’д̇и иминаа жа согаарзна д̇асса нарасса нид̣̇д̣̇идтад̇д̇аа нибаад̇амад̇д̇о согааро. гим̣ сууд̇и вуд̇д̇ам̣ ход̇и яат̇аа ‘‘на бхависсаами наама со, винассиссаами наама со’’д̇и. д̇хамманд̇и буб̣б̣з вуд̇д̇ам̣ д̣̇увид̇хамзва. анисаамаяад̇т̇анд̇и анисаамзд̇ваа ад̇т̇ам̣. сзсамзд̇т̇а баагадамзва бад̣̇ад̇о.
322-3. Idāni tassevatthassa pākaṭakaraṇatthaṃ ‘‘yathā naro’’ti gāthādvayamāha. Tattha āpaganti nadiṃ. Mahodakanti bahuudakaṃ. Salilanti ito cito ca gataṃ, vitthiṇṇanti vuttaṃ hoti. ‘‘Sarita’’ntipi pāṭho, so evattho. Sīghasotanti hārahārikaṃ, vegavatinti vuttaṃ hoti. Kiṃ soti ettha ‘‘so vuyhamāno’’ti iminā ca sokārena tassa narassa niddiṭṭhattā nipātamatto sokāro. Kiṃ sūti vuttaṃ hoti yathā ‘‘na bhavissāmi nāma so, vinassissāmi nāma so’’ti. Dhammanti pubbe vuttaṃ duvidhameva. Anisāmayatthanti anisāmetvā atthaṃ. Sesamettha pākaṭameva padato.
ад̇хиббааяад̇о бана яат̇аа яо гожид̣̇зва наро вуд̇д̇аббагаарам̣ над̣̇им̣ од̇арид̇ваа д̇ааяа над̣̇ияаа вуяхамаано анусод̇аг̇аамий сод̇амзва ануг̇ажчанд̇о барз баарад̇т̇игз гим̣ сагкад̇и баарам̣ нзд̇ум̣. ‘‘саггад̇ий’’д̇иби баато. д̇ат̇зва д̣̇увид̇хамби д̇хаммам̣ ад̇д̇ано бан̃н̃ааяа авибхааваяид̇ваа б̣ахуссуд̇аанан̃жа санд̇игз ад̇т̇ам̣ анисаамзд̇ваа саяам̣ авибхаавид̇ад̇д̇аа аж̇аананд̇о анисаамид̇ад̇д̇аа жа авид̇ин̣н̣аган̇ко барз гим̣ сагкад̇и ниж̇жхаабзд̇ум̣ бзгкаабзд̇унд̇и звамзд̇т̇а ад̇т̇о д̣̇адтаб̣б̣о. ‘‘со вад̇а, жунд̣̇а, ад̇д̇анаа балибабалибанно’’д̇иаад̣̇иган̃жзд̇т̇а (ма. ни. 1.87) суд̇д̇абад̣̇ам̣ ануссарид̇аб̣б̣ам̣.
Adhippāyato pana yathā yo kocideva naro vuttappakāraṃ nadiṃ otaritvā tāya nadiyā vuyhamāno anusotagāmī sotameva anugacchanto pare pāratthike kiṃ sakkhati pāraṃ netuṃ. ‘‘Sakkatī’’tipi pāṭho. Tatheva duvidhampi dhammaṃ attano paññāya avibhāvayitvā bahussutānañca santike atthaṃ anisāmetvā sayaṃ avibhāvitattā ajānanto anisāmitattā ca avitiṇṇakaṅkho pare kiṃ sakkhati nijjhāpetuṃ pekkhāpetunti evamettha attho daṭṭhabbo. ‘‘So vata, cunda, attanā palipapalipanno’’tiādikañcettha (ma. ni. 1.87) suttapadaṃ anussaritabbaṃ.
324-5. звам̣ б̣ааласзванааяа б̣ааласса барам̣ ниж̇жхаабзд̇ум̣ асамад̇т̇ад̇ааяа баагадагаран̣ад̇т̇ам̣ убамам̣ вад̇ваа ид̣̇аани ‘‘яо д̇аад̣̇исам̣ бхаж̇ад̇и аббамад̇д̇о’’д̇и зд̇т̇а вуд̇д̇асса бан̣д̣ид̇асса барз ниж̇жхаабзд̇ум̣ самад̇т̇ад̇ааяа баагадагаран̣ад̇т̇ам̣ ‘‘яат̇ааби наава’’нд̇и г̇аат̇аад̣̇ваяамааха. д̇ад̇т̇а пиязнаад̇и д̣̇аб̣б̣ибад̣̇арзна. рид̇д̇знаад̇и взл̣уд̣̇ан̣д̣зна. д̇ад̇т̇аад̇и д̇ассам̣ наавааяам̣. д̇ад̇руубаяан̃н̃ууд̇и д̇ассаа наавааяа аахаран̣абадихаран̣аад̣̇иубааяаж̇аананзна маг̇г̇абадибаад̣̇анзна убааяан̃н̃уу. сигкид̇асигкад̇ааяа сугусалахад̇т̇ад̇ааяа жа гусало. уббаннубад̣̇д̣̇авабадигаарасамад̇т̇ад̇ааяа муд̇иймаа. взд̣̇аг̇ууд̇и взд̣̇асан̇каад̇зхи жад̇уухи маг̇г̇ан̃аан̣зхи г̇ад̇о. бхаавид̇ад̇д̇од̇и д̇ааязва маг̇г̇абхааванааяа бхаавид̇ажид̇д̇о. б̣ахуссуд̇од̇и буб̣б̣з вуд̇д̇анаязнзва. авзд̇хад̇хаммод̇и адтахи логад̇хаммзхи агамбанияасабхааво. сод̇аавад̇хаануубанисуубабаннзд̇и сод̇аод̣̇аханзна жа маг̇г̇апалаанам̣ убаниссаязна жа убабаннз. сзсам̣ уд̇д̇аанабад̣̇ад̇т̇амзва. ад̇хиббааяаяож̇анааби саггаа буриманаязнзва ж̇аанид̇унд̇и на вид̇т̇аарид̇аа.
324-5. Evaṃ bālasevanāya bālassa paraṃ nijjhāpetuṃ asamatthatāya pākaṭakaraṇatthaṃ upamaṃ vatvā idāni ‘‘yo tādisaṃ bhajati appamatto’’ti ettha vuttassa paṇḍitassa pare nijjhāpetuṃ samatthatāya pākaṭakaraṇatthaṃ ‘‘yathāpi nāva’’nti gāthādvayamāha. Tattha phiyenāti dabbipadarena. Rittenāti veḷudaṇḍena. Tatthāti tassaṃ nāvāyaṃ. Tatrūpayaññūti tassā nāvāya āharaṇapaṭiharaṇādiupāyajānanena maggapaṭipādanena upāyaññū. Sikkhitasikkhatāya sukusalahatthatāya ca kusalo. Uppannupaddavapaṭikārasamatthatāya mutīmā. Vedagūti vedasaṅkhātehi catūhi maggañāṇehi gato. Bhāvitattoti tāyeva maggabhāvanāya bhāvitacitto. Bahussutoti pubbe vuttanayeneva. Avedhadhammoti aṭṭhahi lokadhammehi akampaniyasabhāvo. Sotāvadhānūpanisūpapanneti sotaodahanena ca maggaphalānaṃ upanissayena ca upapanne. Sesaṃ uttānapadatthameva. Adhippāyayojanāpi sakkā purimanayeneva jānitunti na vitthāritā.
326. звам̣ бан̣д̣ид̇асса барз ниж̇жхаабзд̇ум̣ самад̇т̇абхаавабаагадагаран̣ад̇т̇ам̣ убамам̣ вад̇ваа д̇ассаа бан̣д̣ид̇асзванааяа нияож̇знд̇о ‘‘д̇асмаа хавз’’д̇и имам̣ авасаанаг̇аат̇амааха. д̇ад̇рааяам̣ сан̇кзбад̇т̇о – яасмаа убаниссаяасамбаннаа бан̣д̣ид̇асзванзна висзсам̣ баабун̣анд̇и, д̇асмаа хавз саббурисам̣ бхаж̇зт̇а. гийд̣̇исам̣ саббурисам̣ бхаж̇зт̇а? мзд̇хаавинан̃жзва б̣ахуссуд̇ан̃жа, бан̃н̃аасамбад̇д̇ияаа жа мзд̇хаавинам̣ вуд̇д̇аббагаарасуд̇ад̣̇ваязна жа б̣ахуссуд̇ам̣. д̇аад̣̇исан̃хи бхаж̇амаано д̇зна бхаасид̇асса д̇хаммасса ан̃н̃ааяа ад̇т̇ам̣ звам̣ н̃ад̇ваа жа яат̇аанусидтам̣ бадибаж̇ж̇амаано д̇ааяа бадибад̇д̇ияаа бадивзд̇хавасзна вин̃н̃аад̇ад̇хаммо со маг̇г̇апаланиб̣б̣аанаббабхзд̣̇ам̣ логуд̇д̇арасукам̣ лабхзт̇а ад̇хиг̇ажчзяяа баабун̣зяяаад̇и арахад̇д̇анигуудзна д̣̇зсанам̣ самаабзсийд̇и.
326. Evaṃ paṇḍitassa pare nijjhāpetuṃ samatthabhāvapākaṭakaraṇatthaṃ upamaṃ vatvā tassā paṇḍitasevanāya niyojento ‘‘tasmā have’’ti imaṃ avasānagāthamāha. Tatrāyaṃ saṅkhepattho – yasmā upanissayasampannā paṇḍitasevanena visesaṃ pāpuṇanti, tasmā have sappurisaṃ bhajetha. Kīdisaṃ sappurisaṃ bhajetha? Medhāvinañceva bahussutañca, paññāsampattiyā ca medhāvinaṃ vuttappakārasutadvayena ca bahussutaṃ. Tādisañhi bhajamāno tena bhāsitassa dhammassa aññāya atthaṃ evaṃ ñatvā ca yathānusiṭṭhaṃ paṭipajjamāno tāya paṭipattiyā paṭivedhavasena viññātadhammo so maggaphalanibbānappabhedaṃ lokuttarasukhaṃ labhetha adhigaccheyya pāpuṇeyyāti arahattanikūṭena desanaṃ samāpesīti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа д̇хаммасуд̇д̇аван̣н̣анаа нидтид̇аа.
Suttanipāta-aṭṭhakathāya dhammasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 8. нааваасуд̇д̇ам̣ • 8. Nāvāsuttaṃ
