| Library / Tipiṭaka / திபிடக • Tipiṭaka / தே²ரீகா³தா²-அட்ட²கதா² • Therīgāthā-aṭṭhakathā |
17. த⁴ம்மாதே²ரீகா³தா²வண்ணனா
17. Dhammātherīgāthāvaṇṇanā
பிண்ட³பாதங் சரித்வானாதி த⁴ம்மாய தே²ரியா கா³தா². அயம்பி புரிமபு³த்³தே⁴ஸு கதாதி⁴காரா தத்த² தத்த² ப⁴வே விவட்டூபனிஸ்ஸயங் குஸலங் உபசினித்வா ஸம்ப⁴தபுஞ்ஞஸம்பா⁴ரா இமஸ்மிங் பு³த்³து⁴ப்பாதே³ ஸாவத்தி²யங் குலக⁴ரே நிப்³ப³த்தித்வா வயப்பத்தா பதிரூபஸ்ஸ ஸாமிகஸ்ஸ கே³ஹங் க³ந்த்வா ஸாஸனே படிலத்³த⁴ஸத்³தா⁴ பப்³ப³ஜிதுகாமா ஹுத்வா ஸாமிகேன அனநுஞ்ஞாதா பச்சா² ஸாமிகே காலங்கதே பப்³ப³ஜித்வா விபஸ்ஸனாய கம்மங் கரொந்தீ ஏகதி³வஸங் பி⁴க்கா²ய சரித்வா விஹாரங் ஆக³ச்ச²ந்தீ பரிபதித்வா தமேவ ஆரம்மணங் கத்வா விபஸ்ஸனங் வட்³டெ⁴த்வா ஸஹ படிஸம்பி⁴தா³ஹி அரஹத்தங் பத்வா –
Piṇḍapātaṃcaritvānāti dhammāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinitvā sambhatapuññasambhārā imasmiṃ buddhuppāde sāvatthiyaṃ kulaghare nibbattitvā vayappattā patirūpassa sāmikassa gehaṃ gantvā sāsane paṭiladdhasaddhā pabbajitukāmā hutvā sāmikena ananuññātā pacchā sāmike kālaṅkate pabbajitvā vipassanāya kammaṃ karontī ekadivasaṃ bhikkhāya caritvā vihāraṃ āgacchantī paripatitvā tameva ārammaṇaṃ katvā vipassanaṃ vaḍḍhetvā saha paṭisambhidāhi arahattaṃ patvā –
17.
17.
‘‘பிண்ட³பாதங் சரித்வான, த³ண்ட³மோலுப்³ப⁴ து³ப்³ப³லா;
‘‘Piṇḍapātaṃ caritvāna, daṇḍamolubbha dubbalā;
வேத⁴மானேஹி க³த்தேஹி, தத்தே²வ நிபதிங் ச²மா;
Vedhamānehi gattehi, tattheva nipatiṃ chamā;
தி³ஸ்வா ஆதீ³னவங் காயே, அத² சித்தங் விமுச்சி மே’’தி. –
Disvā ādīnavaṃ kāye, atha cittaṃ vimucci me’’ti. –
உதா³னவஸேன இமங் கா³த²ங் அபா⁴ஸி.
Udānavasena imaṃ gāthaṃ abhāsi.
தத்த² பிண்ட³பாதங் சரித்வான, த³ண்ட³மோலுப்³பா⁴தி பிண்ட³பாதத்தா²ய யட்டி²ங் உபத்த²ம்பே⁴ன நக³ரே விசரித்வா பி⁴க்கா²ய ஆஹிண்டி³த்வா. ச²மாதி ச²மாயங் பூ⁴மியங், பாதா³னங் அவஸேன பூ⁴மியங் நிபதிந்தி அத்தோ². தி³ஸ்வா ஆதீ³னவங் காயேதி அஸுபா⁴னிச்சது³க்கா²னத்ததாதீ³ஹி நானப்பகாரேஹி ஸரீரே தோ³ஸங் பஞ்ஞாசக்கு²னா தி³ஸ்வா. அத² சித்தங் விமுச்சி மேதி ஆதீ³னவானுபஸ்ஸனாய பரதோ பவத்தேஹி நிப்³பி³தா³னுபஸ்ஸனாதீ³ஹி விக்க²ம்ப⁴னவஸேன மம சித்தங் கிலேஸேஹி விமுச்சித்வா புன மக்³க³ப²லேஹி யதா²க்கமங் ஸமுச்சே²த³வஸேன சேவ படிப்பஸ்ஸத்³தி⁴வஸேன ச ஸப்³ப³ஸோ விமுச்சி விமுத்தங், ந தா³னிஸ்ஸா விமோசேதப்³ப³ங் அத்தீ²தி. இத³மேவ சஸ்ஸா அஞ்ஞாப்³யாகரணங் அஹோஸீதி.
Tattha piṇḍapātaṃ caritvāna, daṇḍamolubbhāti piṇḍapātatthāya yaṭṭhiṃ upatthambhena nagare vicaritvā bhikkhāya āhiṇḍitvā. Chamāti chamāyaṃ bhūmiyaṃ, pādānaṃ avasena bhūmiyaṃ nipatinti attho. Disvā ādīnavaṃ kāyeti asubhāniccadukkhānattatādīhi nānappakārehi sarīre dosaṃ paññācakkhunā disvā. Atha cittaṃ vimucci meti ādīnavānupassanāya parato pavattehi nibbidānupassanādīhi vikkhambhanavasena mama cittaṃ kilesehi vimuccitvā puna maggaphalehi yathākkamaṃ samucchedavasena ceva paṭippassaddhivasena ca sabbaso vimucci vimuttaṃ, na dānissā vimocetabbaṃ atthīti. Idameva cassā aññābyākaraṇaṃ ahosīti.
த⁴ம்மாதே²ரீகா³தா²வண்ணனா நிட்டி²தா.
Dhammātherīgāthāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / தே²ரீகா³தா²பாளி • Therīgāthāpāḷi / 17. த⁴ம்மாதே²ரீகா³தா² • 17. Dhammātherīgāthā
