| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
(૯) ૪. ધમ્મવગ્ગવણ્ણના
(9) 4. Dhammavaggavaṇṇanā
૮૮. ચતુત્થસ્સ પઠમે ચેતોવિમુત્તીતિ ફલસમાધિ. પઞ્ઞાવિમુત્તીતિ ફલપઞ્ઞા.
88. Catutthassa paṭhame cetovimuttīti phalasamādhi. Paññāvimuttīti phalapaññā.
૮૯. દુતિયે પગ્ગાહોતિ વીરિયં. અવિક્ખેપોતિ ચિત્તેકગ્ગતા.
89. Dutiye paggāhoti vīriyaṃ. Avikkhepoti cittekaggatā.
૯૦. તતિયે નામન્તિ ચત્તારો અરૂપક્ખન્ધા. રૂપન્તિ રૂપક્ખન્ધો. ઇતિ ઇમસ્મિં સુત્તે ધમ્મકોટ્ઠાસપરિચ્છેદઞાણં નામ કથિતં.
90. Tatiye nāmanti cattāro arūpakkhandhā. Rūpanti rūpakkhandho. Iti imasmiṃ sutte dhammakoṭṭhāsaparicchedañāṇaṃ nāma kathitaṃ.
૯૧. ચતુત્થે વિજ્જાતિ ફલઞાણં. વિમુત્તીતિ તંસમ્પયુત્તા સેસધમ્મા.
91. Catutthe vijjāti phalañāṇaṃ. Vimuttīti taṃsampayuttā sesadhammā.
૯૨. પઞ્ચમે ભવદિટ્ઠીતિ સસ્સતદિટ્ઠિ. વિભવદિટ્ઠીતિ ઉચ્છેદદિટ્ઠિ. છટ્ઠસત્તમાનિ ઉત્તાનત્થાનેવ.
92. Pañcame bhavadiṭṭhīti sassatadiṭṭhi. Vibhavadiṭṭhīti ucchedadiṭṭhi. Chaṭṭhasattamāni uttānatthāneva.
૯૫. અટ્ઠમે દોવચસ્સતાતિ દુબ્બચભાવો. પાપમિત્તતાતિ પાપમિત્તસેવનભાવો. નવમં વુત્તવિપરિયાયેન વેદિતબ્બં.
95. Aṭṭhame dovacassatāti dubbacabhāvo. Pāpamittatāti pāpamittasevanabhāvo. Navamaṃ vuttavipariyāyena veditabbaṃ.
૯૭. દસમે ધાતુકુસલતાતિ અટ્ઠારસ ધાતુયો ધાતૂતિ જાનનં. મનસિકારકુસલતાતિ તાસંયેવ ધાતૂનં અનિચ્ચાદિવસેન લક્ખણત્તયં આરોપેત્વા જાનનં.
97. Dasame dhātukusalatāti aṭṭhārasa dhātuyo dhātūti jānanaṃ. Manasikārakusalatāti tāsaṃyeva dhātūnaṃ aniccādivasena lakkhaṇattayaṃ āropetvā jānanaṃ.
૯૮. એકાદસમે આપત્તિકુસલતાતિ પઞ્ચન્નઞ્ચ સત્તન્નઞ્ચ આપત્તિક્ખન્ધાનં જાનનં. આપત્તિવુટ્ઠાનકુસલતાતિ દેસનાય વા કમ્મવાચાય વા આપત્તીહિ વુટ્ઠાનજાનનન્તિ.
98. Ekādasame āpattikusalatāti pañcannañca sattannañca āpattikkhandhānaṃ jānanaṃ. Āpattivuṭṭhānakusalatāti desanāya vā kammavācāya vā āpattīhi vuṭṭhānajānananti.
ધમ્મવગ્ગો ચતુત્થો.
Dhammavaggo catuttho.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / (૯) ૪. ધમ્મવગ્ગો • (9) 4. Dhammavaggo
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / (૯) ૪. ધમ્મવગ્ગવણ્ણના • (9) 4. Dhammavaggavaṇṇanā
