| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
9. д̇хаммаяамагам̣
9. Dhammayamakaṃ
1. бан̣н̣ад̇д̇ивааро
1. Paṇṇattivāro
уд̣̇д̣̇зсаваараван̣н̣анаа
Uddesavāravaṇṇanā
1-16. яат̇аа муулаяамагз гусалаад̣̇ид̇хаммаа д̣̇зсид̇аад̇и гусалаагусалааб̣яаагад̇аа д̇хаммаа гусалагусаламуулаад̣̇ивибхааг̇ад̇о муулаяамагз яамагавасзна яат̇аа д̣̇зсид̇аа. ан̃н̃ат̇аад̇и гусалагусаламуулаад̣̇ивибхааг̇ад̇о ан̃н̃ат̇аа, канд̇хаад̣̇ивасзнаад̇и ад̇т̇о.
1-16. Yathāmūlayamake kusalādidhammā desitāti kusalākusalābyākatā dhammā kusalakusalamūlādivibhāgato mūlayamake yamakavasena yathā desitā. Aññathāti kusalakusalamūlādivibhāgato aññathā, khandhādivasenāti attho.
уд̣̇д̣̇зсаваараван̣н̣анаа нидтид̇аа.
Uddesavāravaṇṇanā niṭṭhitā.
2. бавад̇д̇иваараван̣н̣анаа
2. Pavattivāravaṇṇanā
33-34. д̇ам̣ бана гаммасамудтаанаад̣̇ируубам̣ аг̇г̇ахзд̇ваа. гзжийд̇и д̇хаммасирид̇т̇зрам̣ санд̇хааяааха. со хи ‘‘жид̇д̇асамудтаанаруубавасзна вуд̇д̇а’’нд̇и адтагат̇ам̣ аахарид̇ваа ‘‘имасмим̣ бан̃хз гаммасамудтаанаад̣̇ируубан̃жа лаб̣бхад̇ий’’д̇и авожа. д̇ат̇аа жа вад̇ваа бадиломабаал̣им̣ д̣̇ассзд̇ваа ‘‘жид̇д̇асамудтаанаруубамзва ид̇хаад̇хиббзд̇ам̣. гаммасамудтаанаад̣̇ируубз на вид̇хаанам̣, нааби бадисзд̇хо’’д̇и ааха. д̇ат̇аад̇и яат̇аа вуд̇д̇аббагаарз баатз жид̇д̇асамудтаанаруубамзва ад̇хиббзд̇ам̣, д̇ат̇аа зд̇т̇аабийд̇и ад̇т̇о. нод̇и вуд̇д̇анд̇и вад̣̇анд̇ийд̇и самб̣анд̇хо. д̇ам̣ банзд̇анд̇и яат̇аа уд̣̇д̇хадасса баатасса ад̇т̇аважанам̣, звам̣ на саггаа вад̇д̇ум̣. гасмаад̇и ааха ‘‘жид̇д̇асса бхан̇г̇агкан̣з…бз… бадисзд̇хасид̣̇д̇хид̇о’’д̇и. свааяам̣ бадисзд̇хо хздтаа д̣̇ассид̇оязваад̇и ад̇хиббааяо.
33-34. Taṃ pana kammasamuṭṭhānādirūpaṃ aggahetvā. Kecīti dhammasirittheraṃ sandhāyāha. So hi ‘‘cittasamuṭṭhānarūpavasena vutta’’nti aṭṭhakathaṃ āharitvā ‘‘imasmiṃ pañhe kammasamuṭṭhānādirūpañca labbhatī’’ti avoca. Tathā ca vatvā paṭilomapāḷiṃ dassetvā ‘‘cittasamuṭṭhānarūpameva idhādhippetaṃ. Kammasamuṭṭhānādirūpe na vidhānaṃ, nāpi paṭisedho’’ti āha. Tathāti yathā vuttappakāre pāṭhe cittasamuṭṭhānarūpameva adhippetaṃ, tathā etthāpīti attho. Noti vuttanti vadantīti sambandho. Taṃ panetanti yathā uddhaṭassa pāṭhassa atthavacanaṃ, evaṃ na sakkā vattuṃ. Kasmāti āha ‘‘cittassa bhaṅgakkhaṇe…pe… paṭisedhasiddhito’’ti. Svāyaṃ paṭisedho heṭṭhā dassitoyevāti adhippāyo.
яз жа вад̣̇анд̇ийд̇и зд̇т̇а яз жаад̇и важ̇ираб̣уд̣̇д̇хид̇т̇зрам̣ санд̇хааяааха. со хи ‘‘сод̇аабад̇д̇имаг̇г̇агкан̣з’’д̇иаад̣̇инаа бадисамбхид̣̇аамаг̇г̇абаал̣им̣ аахарид̇ваа ‘‘яат̇аа д̇ад̇т̇а сад̇иби гаммаж̇аад̣̇ируубз табзд̇ваа жид̇д̇асамудтаанаруубанд̇и жид̇д̇абадиб̣ад̣̇д̇хад̇д̇аа жид̇д̇аж̇аруубамзва табзд̇аб̣б̣абхаавзна уд̣̇д̇хадам̣, звамид̇хааби жид̇д̇аж̇аруубамзва гат̇ид̇а’’нд̇и вад̣̇ад̇и. д̇ан̃жа нзсам̣ важанам̣ д̇ат̇аа на ход̇и, яат̇аа д̇зхи уд̣̇аахадам̣, висамояам̣ убан̃н̃аасод̇и ад̇т̇о. яат̇аа жа д̇ам̣ д̇ат̇аа на ход̇и, д̇ам̣ д̣̇ассзд̇ум̣ ‘‘язсан̃хий’’д̇иаад̣̇и вуд̇д̇ам̣. д̇зсанд̇и гаммаж̇аад̣̇ийнам̣. д̇ассаад̇и маг̇г̇асса. д̇зд̇и аб̣яаагад̇аа, яз уббаад̣̇анирод̇хаванд̇о. авиж̇ж̇амаанзсу жа уббаад̣̇анирод̇хзсу ниб̣б̣аанасса вияа.
Ye ca vadantīti ettha ye cāti vajirabuddhittheraṃ sandhāyāha. So hi ‘‘sotāpattimaggakkhaṇe’’tiādinā paṭisambhidāmaggapāḷiṃ āharitvā ‘‘yathā tattha satipi kammajādirūpe ṭhapetvā cittasamuṭṭhānarūpanti cittapaṭibaddhattā cittajarūpameva ṭhapetabbabhāvena uddhaṭaṃ, evamidhāpi cittajarūpameva kathita’’nti vadati. Tañca nesaṃ vacanaṃ tathā na hoti, yathā tehi udāhaṭaṃ, visamoyaṃ upaññāsoti attho. Yathā ca taṃ tathā na hoti, taṃ dassetuṃ ‘‘yesañhī’’tiādi vuttaṃ. Tesanti kammajādīnaṃ. Tassāti maggassa. Teti abyākatā, ye uppādanirodhavanto. Avijjamānesu ca uppādanirodhesu nibbānassa viya.
саннидтаанзна г̇ахид̇зсу буг̇г̇алзсу. д̇зсу хи гзжи агусалааб̣яаагад̇ажид̇д̇аанам̣ уббаад̣̇агкан̣асаман̇г̇ино, гзжи аб̣яаагад̇ажид̇д̇асса, гзжи гусалааб̣яаагад̇ажид̇д̇асса, д̇зсу буримаа д̣̇вз батамагодтаасзна сан̇г̇ахид̇аа д̇асса гусалуббад̇д̇ибадисзд̇хабарад̇д̇аа, д̇з бана бхававасзна вибхаж̇ид̇ваа вад̇д̇аб̣б̣аад̇и д̣̇ассзнд̇о ‘‘бан̃жавогаарз’’д̇иаад̣̇имааха. званд̇и яат̇аавуд̇д̇анаязна. саб̣б̣ад̇т̇аад̇и саб̣б̣абан̃хзсу.
Sanniṭṭhānenagahitesu puggalesu. Tesu hi keci akusalābyākatacittānaṃ uppādakkhaṇasamaṅgino, keci abyākatacittassa, keci kusalābyākatacittassa, tesu purimā dve paṭhamakoṭṭhāsena saṅgahitā tassa kusaluppattipaṭisedhaparattā, te pana bhavavasena vibhajitvā vattabbāti dassento ‘‘pañcavokāre’’tiādimāha. Evanti yathāvuttanayena. Sabbatthāti sabbapañhesu.
79. д̇ад̇од̇и згааваж̇ж̇анавийт̇ид̇о. буримад̇араж̇аванавийт̇и яааяа вудтаанаг̇ааминий сан̇г̇ахид̇аа, д̇ад̇т̇а уббаннассаби жид̇д̇асса. гусалаанааг̇ад̇абхаавабарияосаанзнаад̇и гусалад̇хаммаанам̣ анааг̇ад̇абхаавасса барияосаанабхууд̇зна аг̇г̇амаг̇г̇аананд̇арабажжаяад̇д̇зна д̣̇ийбид̇ам̣ ход̇и самааналагкан̣ам̣ саб̣б̣ам̣. гзна? д̇ааяа зва самааналагкан̣ад̇ааяа. зса наяод̇и яат̇аа гусалаануббаад̣̇о гусалаанааг̇ад̇абхаавасса барияосаанабхууд̇ад̇о вуд̇д̇абарижчзд̣̇ад̇о орамби лаб̣бхад̇ийд̇и со яат̇аавуд̇д̇абарижчзд̣̇о лагкан̣амад̇д̇анд̇и свааяам̣ наяо д̣̇ассид̇о. зса наяо агусалаад̇ийд̇абхаавасса аад̣̇имхи ‘‘д̣̇уд̇ияз агусалз’’д̇и вуд̇д̇адтаанз, аб̣яаагад̇аад̇ийд̇абхаавасса аад̣̇имхи ‘‘д̣̇уд̇ияз жид̇д̇з’’д̇и вуд̇д̇адтаанзбийд̇и яож̇анаа. ид̣̇аани ‘‘зса наяо’’д̇и яат̇аавуд̇д̇амад̇ид̣̇зсам̣ ‘‘яат̇аа хий’’д̇иаад̣̇инаа баагадад̇арам̣ гарод̇и. бхааванаабахаанаани д̣̇ассид̇аани хонд̇и ‘‘аг̇г̇амаг̇г̇асаман̇г̇ий гусалан̃жа д̇хаммам̣ бхаавзд̇и, агусалан̃жа баж̇ахад̇ий’’д̇и. ид̇хаад̇и имасмим̣ бавад̇д̇иваарз. д̇ам̣ д̇анд̇и агусалаад̇ийд̇ад̇аад̣̇и гусалаанааг̇ад̇ад̇аад̣̇и жа. д̇зна д̇знаад̇и ‘‘д̣̇уд̇ияз агусалз аг̇г̇амаг̇г̇асаман̇г̇ий’’д̇и звамаад̣̇инаа анд̇зна жа.
79. Tatoti ekāvajjanavīthito. Purimatarajavanavīthi yāya vuṭṭhānagāminī saṅgahitā, tattha uppannassapi cittassa. Kusalānāgatabhāvapariyosānenāti kusaladhammānaṃ anāgatabhāvassa pariyosānabhūtena aggamaggānantarapaccayattena dīpitaṃ hoti samānalakkhaṇaṃ sabbaṃ. Kena? Tāya eva samānalakkhaṇatāya. Esa nayoti yathā kusalānuppādo kusalānāgatabhāvassa pariyosānabhūtato vuttaparicchedato orampi labbhatīti so yathāvuttaparicchedo lakkhaṇamattanti svāyaṃ nayo dassito. Esa nayo akusalātītabhāvassa ādimhi ‘‘dutiye akusale’’ti vuttaṭṭhāne, abyākatātītabhāvassa ādimhi ‘‘dutiye citte’’ti vuttaṭṭhānepīti yojanā. Idāni ‘‘esa nayo’’ti yathāvuttamatidesaṃ ‘‘yathā hī’’tiādinā pākaṭataraṃ karoti. Bhāvanāpahānāni dassitāni honti ‘‘aggamaggasamaṅgī kusalañca dhammaṃ bhāveti, akusalañca pajahatī’’ti. Idhāti imasmiṃ pavattivāre. Taṃ tanti akusalātītatādi kusalānāgatatādi ca. Tena tenāti ‘‘dutiye akusale aggamaggasamaṅgī’’ti evamādinā antena ca.
100. бадисанд̇хижид̇д̇ад̇од̇и ид̣̇ам̣ марияаад̣̇аг̇г̇ахан̣ам̣, на абхивид̇хиг̇г̇ахан̣ам̣, яад̇о ‘‘сол̣асама’’нд̇и ааха. абхивид̇хиг̇г̇ахан̣амзва ваа сол̣асажид̇д̇агкан̣ааяугамзва руубанд̇и имасмим̣ багкз ад̇хиббзд̇з бадигкид̇д̇овааяам̣ ваад̣̇од̇и д̣̇ассзнд̇о ‘‘д̇ад̇о барамби ваа’’д̇и ааха. аяан̃жа вижааро хздтаа д̣̇ассид̇о зва. на д̇ад̇о оранд̇и вин̃н̃ааяад̇и д̇ад̇о орам̣ агусаланирод̇хасамагаалам̣ аб̣яаагад̇анирод̇хасса асамбхавад̇о.
100. Paṭisandhicittatoti idaṃ mariyādaggahaṇaṃ, na abhividhiggahaṇaṃ, yato ‘‘soḷasama’’nti āha. Abhividhiggahaṇameva vā soḷasacittakkhaṇāyukameva rūpanti imasmiṃ pakkhe adhippete paṭikkhittovāyaṃ vādoti dassento ‘‘tato parampi vā’’ti āha. Ayañca vicāro heṭṭhā dassito eva. Na tato oranti viññāyati tato oraṃ akusalanirodhasamakālaṃ abyākatanirodhassa asambhavato.
бавад̇д̇иваараван̣н̣анаа нидтид̇аа.
Pavattivāravaṇṇanā niṭṭhitā.
д̇хаммаяамагаван̣н̣анаа нидтид̇аа.
Dhammayamakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / яамагабаал̣и • Yamakapāḷi / 7. анусаяаяамагам̣ • 7. Anusayayamakaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 9. д̇хаммаяамагам̣ • 9. Dhammayamakaṃ
