| Library / Tipiṭaka / തിപിടക • Tipiṭaka / ചൂളവഗ്ഗ-അട്ഠകഥാ • Cūḷavagga-aṭṭhakathā |
ധമ്മികാധമ്മികപാതിമോക്ഖട്ഠപനകഥാ
Dhammikādhammikapātimokkhaṭṭhapanakathā
൩൮൭. അമൂലികായ സീലവിപത്തിയാ പാതിമോക്ഖം ഠപേതി അകതായാതി തേന പുഗ്ഗലേന സാ വിപത്തി കതാ വാ ഹോതു അകതാ വാ, പാതിമോക്ഖട്ഠപനകസ്സ സഞ്ഞാഅമൂലികവസേന അമൂലികാ ഹോതി. കതാകതായാതി കതഞ്ച അകതഞ്ച ഉഭയം ഗഹേത്വാ വുത്തം.
387.Amūlikāyasīlavipattiyā pātimokkhaṃ ṭhapeti akatāyāti tena puggalena sā vipatti katā vā hotu akatā vā, pātimokkhaṭṭhapanakassa saññāamūlikavasena amūlikā hoti. Katākatāyāti katañca akatañca ubhayaṃ gahetvā vuttaṃ.
ധമ്മികം സാമഗ്ഗിം ന ഉപേതീതി കമ്മം കോപേതുകാമതായ സങ്ഘസ്സ കമ്മേ കരീയമാനേ നേവ ആഗച്ഛതി, ന ഛന്ദം ദേതി, സമ്മുഖീഭൂതോവ പടിക്കോസതി, തേന ദുക്കടം ആപജ്ജതി. ഇച്ചസ്സാപി സാപത്തികസ്സേവ പാതിമോക്ഖം ഠപിതം ഹോതി. പച്ചാദിയതീതി ‘‘പുന കാതബ്ബം കമ്മ’’ന്തി പച്ചാദിയതി, തേന ഉക്കോടനകേന പാചിത്തിയം ആപജ്ജതി. ഇച്ചസ്സാപി സാപത്തികസ്സേവ പാതിമോക്ഖം ഠപിതം ഹോതി.
Dhammikaṃ sāmaggiṃ na upetīti kammaṃ kopetukāmatāya saṅghassa kamme karīyamāne neva āgacchati, na chandaṃ deti, sammukhībhūtova paṭikkosati, tena dukkaṭaṃ āpajjati. Iccassāpi sāpattikasseva pātimokkhaṃ ṭhapitaṃ hoti. Paccādiyatīti ‘‘puna kātabbaṃ kamma’’nti paccādiyati, tena ukkoṭanakena pācittiyaṃ āpajjati. Iccassāpi sāpattikasseva pātimokkhaṃ ṭhapitaṃ hoti.
ധമ്മികാധമ്മികപാതിമോക്ഖട്ഠപനകഥാ നിട്ഠിതാ.
Dhammikādhammikapātimokkhaṭṭhapanakathā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / ചൂളവഗ്ഗപാളി • Cūḷavaggapāḷi / ൫. ധമ്മികാധമ്മികപാതിമോക്ഖട്ഠപനം • 5. Dhammikādhammikapātimokkhaṭṭhapanaṃ
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / ധമ്മികാധമ്മികപാതിമോക്ഖട്ഠപനകഥാവണ്ണനാ • Dhammikādhammikapātimokkhaṭṭhapanakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / പാതിമോക്ഖസവനാരഹകഥാദിവണ്ണനാ • Pātimokkhasavanārahakathādivaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൫. ധമ്മികാധമ്മികപാതിമോക്ഖട്ഠപനകഥാ • 5. Dhammikādhammikapātimokkhaṭṭhapanakathā
