| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. б̣раахман̣асам̣яуд̇д̇ам̣
7. Brāhmaṇasaṃyuttaṃ
1. араханд̇аваг̇г̇о
1. Arahantavaggo
1. д̇ханан̃ж̇аанийсуд̇д̇ам̣
1. Dhanañjānīsuttaṃ
187. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна ан̃н̃ад̇арасса бхаарад̣̇вааж̇аг̇од̇д̇асса б̣раахман̣асса д̇ханан̃ж̇ааний 1 наама б̣раахман̣ий абхиббасаннаа ход̇и б̣уд̣̇д̇хз жа д̇хаммз жа сан̇гхз жа. ат̇а ко д̇ханан̃ж̇ааний б̣раахман̣ий бхаарад̣̇вааж̇аг̇од̇д̇асса б̣раахман̣асса бхад̇д̇ам̣ убасам̣харанд̇ий убагкалид̇ваа д̇игкад̇д̇ум̣ уд̣̇аанам̣ уд̣̇аанзси –
187. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena aññatarassa bhāradvājagottassa brāhmaṇassa dhanañjānī 2 nāma brāhmaṇī abhippasannā hoti buddhe ca dhamme ca saṅghe ca. Atha kho dhanañjānī brāhmaṇī bhāradvājagottassa brāhmaṇassa bhattaṃ upasaṃharantī upakkhalitvā tikkhattuṃ udānaṃ udānesi –
‘‘намо д̇асса бхаг̇авад̇о арахад̇о саммаасамб̣уд̣̇д̇хасса;
‘‘Namo tassa bhagavato arahato sammāsambuddhassa;
намо д̇асса бхаг̇авад̇о арахад̇о саммаасамб̣уд̣̇д̇хасса;
Namo tassa bhagavato arahato sammāsambuddhassa;
намо д̇асса бхаг̇авад̇о арахад̇о саммаасамб̣уд̣̇д̇хассаа’’д̇и.
Namo tassa bhagavato arahato sammāsambuddhassā’’ti.
звам̣ вуд̇д̇з, бхаарад̣̇вааж̇аг̇од̇д̇о б̣раахман̣о д̇ханан̃ж̇ааним̣ б̣раахман̣им̣ зд̇ад̣̇авожа – ‘‘звамзвам̣ банааяам̣ васалий яасмим̣ ваа д̇асмим̣ ваа д̇асса мун̣д̣агасса саман̣асса ван̣н̣ам̣ бхаасад̇и. ид̣̇аани д̇яаахам̣, васали, д̇асса сад̇т̇уно ваад̣̇ам̣ ааробзссаамий’’д̇и. ‘‘на кваахам̣ д̇ам̣, б̣раахман̣а, бассаами сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа, яо д̇асса бхаг̇авад̇о ваад̣̇ам̣ ааробзяяа арахад̇о саммаасамб̣уд̣̇д̇хасса. аби жа д̇вам̣, б̣раахман̣а, г̇ажча, г̇анд̇ваа виж̇ааниссасий’’д̇и 3.
Evaṃ vutte, bhāradvājagotto brāhmaṇo dhanañjāniṃ brāhmaṇiṃ etadavoca – ‘‘evamevaṃ panāyaṃ vasalī yasmiṃ vā tasmiṃ vā tassa muṇḍakassa samaṇassa vaṇṇaṃ bhāsati. Idāni tyāhaṃ, vasali, tassa satthuno vādaṃ āropessāmī’’ti. ‘‘Na khvāhaṃ taṃ, brāhmaṇa, passāmi sadevake loke samārake sabrahmake sassamaṇabrāhmaṇiyā pajāya sadevamanussāya, yo tassa bhagavato vādaṃ āropeyya arahato sammāsambuddhassa. Api ca tvaṃ, brāhmaṇa, gaccha, gantvā vijānissasī’’ti 4.
ат̇а ко бхаарад̣̇вааж̇аг̇од̇д̇о б̣раахман̣о губид̇о анад̇д̇амано язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко бхаарад̣̇вааж̇аг̇од̇д̇о б̣раахман̣о бхаг̇аванд̇ам̣ г̇аат̇ааяа аж̇жхабхааси –
Atha kho bhāradvājagotto brāhmaṇo kupito anattamano yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho bhāradvājagotto brāhmaṇo bhagavantaṃ gāthāya ajjhabhāsi –
‘‘гим̣су чзд̇ваа сукам̣ сзд̇и, гим̣су чзд̇ваа на сожад̇и;
‘‘Kiṃsu chetvā sukhaṃ seti, kiṃsu chetvā na socati;
гиссассу згад̇хаммасса, вад̇хам̣ рожзси г̇од̇амаа’’д̇и.
Kissassu ekadhammassa, vadhaṃ rocesi gotamā’’ti.
‘‘год̇хам̣ чзд̇ваа сукам̣ сзд̇и, год̇хам̣ чзд̇ваа на сожад̇и;
‘‘Kodhaṃ chetvā sukhaṃ seti, kodhaṃ chetvā na socati;
год̇хасса висамууласса, мад̇хураг̇г̇асса б̣раахман̣а;
Kodhassa visamūlassa, madhuraggassa brāhmaṇa;
вад̇хам̣ арияаа басам̣санд̇и, д̇ан̃хи чзд̇ваа на сожад̇ий’’д̇и.
Vadhaṃ ariyā pasaṃsanti, tañhi chetvā na socatī’’ti.
звам̣ вуд̇д̇з, бхаарад̣̇вааж̇аг̇од̇д̇о б̣раахман̣о бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама, абхигганд̇ам̣, бхо г̇од̇ама! сзяяат̇ааби, бхо г̇од̇ама, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – жагкуманд̇о руубаани д̣̇агканд̇ийд̇и; звамзвам̣ бход̇аа г̇од̇амзна анзгабарияааязна д̇хаммо багаасид̇о. зсаахам̣, бханд̇з, бхаг̇аванд̇ам̣ г̇од̇амам̣ саран̣ам̣ г̇ажчаами д̇хамман̃жа бхигкусан̇гхан̃жа. лабхзяяаахам̣ бход̇о г̇од̇амасса санд̇игз баб̣б̣аж̇ж̇ам̣, лабхзяяам̣ убасамбад̣̇а’’нд̇и.
Evaṃ vutte, bhāradvājagotto brāhmaṇo bhagavantaṃ etadavoca – ‘‘abhikkantaṃ, bho gotama, abhikkantaṃ, bho gotama! Seyyathāpi, bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – cakkhumanto rūpāni dakkhantīti; evamevaṃ bhotā gotamena anekapariyāyena dhammo pakāsito. Esāhaṃ, bhante, bhagavantaṃ gotamaṃ saraṇaṃ gacchāmi dhammañca bhikkhusaṅghañca. Labheyyāhaṃ bhoto gotamassa santike pabbajjaṃ, labheyyaṃ upasampada’’nti.
алад̇т̇а ко бхаарад̣̇вааж̇аг̇од̇д̇о б̣раахман̣о бхаг̇авад̇о санд̇игз баб̣б̣аж̇ж̇ам̣, алад̇т̇а убасамбад̣̇ам̣. ажируубасамбанно ко банааяасмаа бхаарад̣̇вааж̇о зго вуубагадто аббамад̇д̇о аад̇аабий бахид̇ад̇д̇о вихаранд̇о нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихааси. ‘‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’’д̇и аб̣бхан̃н̃ааси. ан̃н̃ад̇аро жа банааяасмаа бхаарад̣̇вааж̇о арахад̇ам̣ ахосийд̇и.
Alattha kho bhāradvājagotto brāhmaṇo bhagavato santike pabbajjaṃ, alattha upasampadaṃ. Acirūpasampanno kho panāyasmā bhāradvājo eko vūpakaṭṭho appamatto ātāpī pahitatto viharanto nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihāsi. ‘‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’’ti abbhaññāsi. Aññataro ca panāyasmā bhāradvājo arahataṃ ahosīti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. д̇ханан̃ж̇аанийсуд̇д̇аван̣н̣анаа • 1. Dhanañjānīsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. д̇ханан̃ж̇аанийсуд̇д̇аван̣н̣анаа • 1. Dhanañjānīsuttavaṇṇanā
