| Library / Tipiṭaka / ತಿಪಿಟಕ • Tipiṭaka / ಪೇತವತ್ಥುಪಾಳಿ • Petavatthupāḷi |
೭. ಧನಪಾಲಸೇಟ್ಠಿಪೇತವತ್ಥು
7. Dhanapālaseṭṭhipetavatthu
೨೨೭.
227.
‘‘ನಗ್ಗೋ ದುಬ್ಬಣ್ಣರೂಪೋಸಿ, ಕಿಸೋ ಧಮನಿಸನ್ಥತೋ।
‘‘Naggo dubbaṇṇarūposi, kiso dhamanisanthato;
ಉಪ್ಫಾಸುಲಿಕೋ ಕಿಸಿಕೋ, ಕೋ ನು ತ್ವಮಸಿ ಮಾರಿಸ’’॥
Upphāsuliko kisiko, ko nu tvamasi mārisa’’.
೨೨೮.
228.
‘‘ಅಹಂ ಭದನ್ತೇ ಪೇತೋಮ್ಹಿ, ದುಗ್ಗತೋ ಯಮಲೋಕಿಕೋ।
‘‘Ahaṃ bhadante petomhi, duggato yamalokiko;
ಪಾಪಕಮ್ಮಂ ಕರಿತ್ವಾನ, ಪೇತಲೋಕಂ ಇತೋ ಗತೋ’’॥
Pāpakammaṃ karitvāna, petalokaṃ ito gato’’.
೨೨೯.
229.
‘‘ಕಿಂ ನು ಕಾಯೇನ ವಾಚಾಯ, ಮನಸಾ ದುಕ್ಕಟಂ ಕತಂ।
‘‘Kiṃ nu kāyena vācāya, manasā dukkaṭaṃ kataṃ;
ಕಿಸ್ಸ ಕಮ್ಮವಿಪಾಕೇನ, ಪೇತಲೋಕಂ ಇತೋ ಗತೋ’’॥
Kissa kammavipākena, petalokaṃ ito gato’’.
೨೩೦.
230.
ತತ್ಥ ಸೇಟ್ಠಿ ಪುರೇ ಆಸಿಂ, ಧನಪಾಲೋತಿ ಮಂ ವಿದೂ॥
Tattha seṭṭhi pure āsiṃ, dhanapāloti maṃ vidū.
೨೩೧.
231.
‘‘ಅಸೀತಿ ಸಕಟವಾಹಾನಂ, ಹಿರಞ್ಞಸ್ಸ ಅಹೋಸಿ ಮೇ।
‘‘Asīti sakaṭavāhānaṃ, hiraññassa ahosi me;
ಪಹೂತಂ ಮೇ ಜಾತರೂಪಂ, ಮುತ್ತಾ ವೇಳುರಿಯಾ ಬಹೂ॥
Pahūtaṃ me jātarūpaṃ, muttā veḷuriyā bahū.
೨೩೨.
232.
‘‘ತಾವ ಮಹದ್ಧನಸ್ಸಾಪಿ, ನ ಮೇ ದಾತುಂ ಪಿಯಂ ಅಹು।
‘‘Tāva mahaddhanassāpi, na me dātuṃ piyaṃ ahu;
೨೩೩.
233.
‘‘ಅಸ್ಸದ್ಧೋ ಮಚ್ಛರೀ ಚಾಸಿಂ, ಕದರಿಯೋ ಪರಿಭಾಸಕೋ।
‘‘Assaddho maccharī cāsiṃ, kadariyo paribhāsako;
೨೩೪.
234.
‘‘ವಿಪಾಕೋ ನತ್ಥಿ ದಾನಸ್ಸ, ಸಂಯಮಸ್ಸ ಕುತೋ ಫಲಂ।
‘‘Vipāko natthi dānassa, saṃyamassa kuto phalaṃ;
ಪೋಕ್ಖರಞ್ಞೋದಪಾನಾನಿ, ಆರಾಮಾನಿ ಚ ರೋಪಿತೇ।
Pokkharaññodapānāni, ārāmāni ca ropite;
ಪಪಾಯೋ ಚ ವಿನಾಸೇಸಿಂ, ದುಗ್ಗೇ ಸಙ್ಕಮನಾನಿ ಚ॥
Papāyo ca vināsesiṃ, dugge saṅkamanāni ca.
೨೩೫.
235.
‘‘ಸ್ವಾಹಂ ಅಕತಕಲ್ಯಾಣೋ, ಕತಪಾಪೋ ತತೋ ಚುತೋ।
‘‘Svāhaṃ akatakalyāṇo, katapāpo tato cuto;
ಉಪಪನ್ನೋ ಪೇತ್ತಿವಿಸಯಂ, ಖುಪ್ಪಿಪಾಸಸಮಪ್ಪಿತೋ॥
Upapanno pettivisayaṃ, khuppipāsasamappito.
೨೩೬.
236.
‘‘ಪಞ್ಚಪಣ್ಣಾಸವಸ್ಸಾನಿ, ಯತೋ ಕಾಲಙ್ಕತೋ ಅಹಂ।
‘‘Pañcapaṇṇāsavassāni, yato kālaṅkato ahaṃ;
ನಾಭಿಜಾನಾಮಿ ಭುತ್ತಂ ವಾ, ಪೀತಂ ವಾ ಪನ ಪಾನಿಯಂ॥
Nābhijānāmi bhuttaṃ vā, pītaṃ vā pana pāniyaṃ.
೨೩೭.
237.
‘‘ಯೋ ಸಂಯಮೋ ಸೋ ವಿನಾಸೋ,ಯೋ ವಿನಾಸೋ ಸೋ ಸಂಯಮೋ।
‘‘Yo saṃyamo so vināso,yo vināso so saṃyamo;
ಪೇತಾ ಹಿ ಕಿರ ಜಾನನ್ತಿ, ಯೋ ಸಂಯಮೋ ಸೋ ವಿನಾಸೋ॥
Petā hi kira jānanti, yo saṃyamo so vināso.
೨೩೮.
238.
‘‘ಅಹಂ ಪುರೇ ಸಂಯಮಿಸ್ಸಂ, ನಾದಾಸಿಂ ಬಹುಕೇ ಧನೇ।
‘‘Ahaṃ pure saṃyamissaṃ, nādāsiṃ bahuke dhane;
ಸನ್ತೇಸು ದೇಯ್ಯಧಮ್ಮೇಸು, ದೀಪಂ ನಾಕಾಸಿಮತ್ತನೋ।
Santesu deyyadhammesu, dīpaṃ nākāsimattano;
ಸ್ವಾಹಂ ಪಚ್ಛಾನುತಪ್ಪಾಮಿ, ಅತ್ತಕಮ್ಮಫಲೂಪಗೋ॥
Svāhaṃ pacchānutappāmi, attakammaphalūpago.
೨೩೯.
239.
ಏಕನ್ತಕಟುಕಂ ಘೋರಂ, ನಿರಯಂ ಪಪತಿಸ್ಸಹಂ॥
Ekantakaṭukaṃ ghoraṃ, nirayaṃ papatissahaṃ.
೨೪೦.
240.
ಅಯೋಪಾಕಾರಪರಿಯನ್ತಂ, ಅಯಸಾ ಪಟಿಕುಜ್ಜಿತಂ॥
Ayopākārapariyantaṃ, ayasā paṭikujjitaṃ.
೨೪೧.
241.
ಸಮನ್ತಾ ಯೋಜನಸತಂ, ಫರಿತ್ವಾ ತಿಟ್ಠತಿ ಸಬ್ಬದಾ॥
Samantā yojanasataṃ, pharitvā tiṭṭhati sabbadā.
೨೪೨.
242.
13 ‘‘ತತ್ಥಾಹಂ ದೀಘಮದ್ಧಾನಂ, ದುಕ್ಖಂ ವೇದಿಸ್ಸ ವೇದನಂ।
14 ‘‘Tatthāhaṃ dīghamaddhānaṃ, dukkhaṃ vedissa vedanaṃ;
ಫಲಂ ಪಾಪಸ್ಸ ಕಮ್ಮಸ್ಸ, ತಸ್ಮಾ ಸೋಚಾಮಹಂ ಭುಸಂ॥
Phalaṃ pāpassa kammassa, tasmā socāmahaṃ bhusaṃ.
೨೪೩.
243.
‘‘ತಂ ವೋ ವದಾಮಿ ಭದ್ದಂ ವೋ, ಯಾವನ್ತೇತ್ಥ ಸಮಾಗತಾ।
‘‘Taṃ vo vadāmi bhaddaṃ vo, yāvantettha samāgatā;
ಮಾಕತ್ಥ ಪಾಪಕಂ ಕಮ್ಮಂ, ಆವಿ ವಾ ಯದಿ ವಾ ರಹೋ॥
Mākattha pāpakaṃ kammaṃ, āvi vā yadi vā raho.
೨೪೪.
244.
‘‘ಸಚೇ ತಂ ಪಾಪಕಂ ಕಮ್ಮಂ, ಕರಿಸ್ಸಥ ಕರೋಥ ವಾ।
‘‘Sace taṃ pāpakaṃ kammaṃ, karissatha karotha vā;
೨೪೫.
245.
‘‘ಮತ್ತೇಯ್ಯಾ ಹೋಥ ಪೇತ್ತೇಯ್ಯಾ, ಕುಲೇ ಜೇಟ್ಠಾಪಚಾಯಿಕಾ।
‘‘Matteyyā hotha petteyyā, kule jeṭṭhāpacāyikā;
ಸಾಮಞ್ಞಾ ಹೋಥ ಬ್ರಹ್ಮಞ್ಞಾ, ಏವಂ ಸಗ್ಗಂ ಗಮಿಸ್ಸಥಾ’’ತಿ॥
Sāmaññā hotha brahmaññā, evaṃ saggaṃ gamissathā’’ti.
ಧನಪಾಲಸೇಟ್ಠಿಪೇತವತ್ಥು ಸತ್ತಮಂ।
Dhanapālaseṭṭhipetavatthu sattamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಪೇತವತ್ಥು-ಅಟ್ಠಕಥಾ • Petavatthu-aṭṭhakathā / ೭. ಧನಪಾಲಸೇಟ್ಠಿಪೇತವತ್ಥುವಣ್ಣನಾ • 7. Dhanapālaseṭṭhipetavatthuvaṇṇanā
