| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
2. д̇ханияасуд̇д̇аван̣н̣анаа
2. Dhaniyasuttavaṇṇanā
18. баггод̣̇анод̇и д̇ханияасуд̇д̇ам̣. гаа уббад̇д̇и? бхаг̇аваа саавад̇т̇ияам̣ вихарад̇и. д̇зна самаязна д̇ханияо г̇обо махийд̇ийрз бадивасад̇и. д̇ассааяам̣ буб̣б̣аяог̇о – гассабасса бхаг̇авад̇о бааважанз д̣̇иб̣б̣амаанз вийсад̇и вассасахассаани д̣̇ивасз д̣̇ивасз сан̇гхасса вийсад̇и салаагабхад̇д̇аани ад̣̇ааси. со д̇ад̇о жуд̇о д̣̇звзсу уббанно. звам̣ д̣̇звалогз згам̣ б̣уд̣̇д̇ханд̇арам̣ кзбзд̇ваа амхаагам̣ бхаг̇авад̇о гаалз вид̣̇зхарадтамаж̇жхз баб̣б̣ад̇арадтам̣ наама ад̇т̇и д̇ад̇т̇а д̇хаммагоран̣д̣ам̣ наама наг̇арам̣, д̇асмим̣ наг̇арз сздтибуд̇д̇о худ̇ваа абхиниб̣б̣ад̇д̇о, г̇ояуут̇ам̣ ниссааяа ж̇ийвад̇и. д̇асса хи д̇им̣самад̇д̇аани г̇осахассаани хонд̇и, сад̇д̇авийсасахассаа г̇ааво кийрам̣ д̣̇уяханд̇и. г̇обаа наама ниб̣ад̣̇д̇хаваасино на хонд̇и. вассигз жад̇д̇ааромаасз т̇алз васанд̇и, авасзсз адтамаасз яад̇т̇а д̇ин̣од̣̇агам̣ сукам̣ лаб̣бхад̇и, д̇ад̇т̇а васанд̇и. д̇ан̃жа над̣̇ийд̇ийрам̣ ваа ж̇аад̇ассарад̇ийрам̣ ваа ход̇и. ат̇ааяамби вассагаалз ад̇д̇ано васид̇аг̇аамад̇о нигкамид̇ваа г̇уннам̣ паасувихаарад̇т̇ааяа огаасам̣ г̇авзсанд̇о махаамахий бхиж̇ж̇ид̇ваа згад̇о гааламахий згад̇о махаамахижжзва сан̇кам̣ г̇анд̇ваа санд̣̇амаанаа буна самуд̣̇д̣̇асамийбз самааг̇анд̇ваа бавад̇д̇аа. яам̣ огаасам̣ анд̇арад̣̇ийбам̣ агааси, д̇ам̣ бависид̇ваа важчаанам̣ саалам̣ ад̇д̇ано жа нивзсанам̣ маабзд̇ваа ваасам̣ габбзси. д̇асса сад̇д̇а буд̇д̇аа, сад̇д̇а д̇хийд̇аро, сад̇д̇а сун̣исаа, анзгз жа гаммагаараа хонд̇и. г̇обаа наама вассанимид̇д̇ам̣ ж̇аананд̇и. яад̣̇аа сагун̣игаа гулаавагаани ругкаг̇г̇з гаронд̇и, гаггадагаа уд̣̇агасамийбз д̣̇ваарам̣ бид̣̇ахид̇ваа т̇аласамийбад̣̇ваарзна вал̣ан̃ж̇знд̇и, д̇ад̣̇аа сувудтигаа бхависсад̇ийд̇и г̇ан̣ханд̇и. яад̣̇аа бана сагун̣игаа гулаавагаани нийжадтаанз уд̣̇агабидтз гаронд̇и, гаггадагаа т̇аласамийбз д̣̇ваарам̣ бид̣̇ахид̇ваа уд̣̇агасамийбад̣̇ваарзна вал̣ан̃ж̇знд̇и, д̇ад̣̇аа д̣̇уб̣б̣удтигаа бхависсад̇ийд̇и г̇ан̣ханд̇и.
18.Pakkodanoti dhaniyasuttaṃ. Kā uppatti? Bhagavā sāvatthiyaṃ viharati. Tena samayena dhaniyo gopo mahītīre paṭivasati. Tassāyaṃ pubbayogo – kassapassa bhagavato pāvacane dibbamāne vīsati vassasahassāni divase divase saṅghassa vīsati salākabhattāni adāsi. So tato cuto devesu uppanno. Evaṃ devaloke ekaṃ buddhantaraṃ khepetvā amhākaṃ bhagavato kāle videharaṭṭhamajjhe pabbataraṭṭhaṃ nāma atthi tattha dhammakoraṇḍaṃ nāma nagaraṃ, tasmiṃ nagare seṭṭhiputto hutvā abhinibbatto, goyūthaṃ nissāya jīvati. Tassa hi tiṃsamattāni gosahassāni honti, sattavīsasahassā gāvo khīraṃ duyhanti. Gopā nāma nibaddhavāsino na honti. Vassike cattāromāse thale vasanti, avasese aṭṭhamāse yattha tiṇodakaṃ sukhaṃ labbhati, tattha vasanti. Tañca nadītīraṃ vā jātassaratīraṃ vā hoti. Athāyampi vassakāle attano vasitagāmato nikkhamitvā gunnaṃ phāsuvihāratthāya okāsaṃ gavesanto mahāmahī bhijjitvā ekato kālamahī ekato mahāmahicceva saṅkhaṃ gantvā sandamānā puna samuddasamīpe samāgantvā pavattā. Yaṃ okāsaṃ antaradīpaṃ akāsi, taṃ pavisitvā vacchānaṃ sālaṃ attano ca nivesanaṃ māpetvā vāsaṃ kappesi. Tassa satta puttā, satta dhītaro, satta suṇisā, aneke ca kammakārā honti. Gopā nāma vassanimittaṃ jānanti. Yadā sakuṇikā kulāvakāni rukkhagge karonti, kakkaṭakā udakasamīpe dvāraṃ pidahitvā thalasamīpadvārena vaḷañjenti, tadā suvuṭṭhikā bhavissatīti gaṇhanti. Yadā pana sakuṇikā kulāvakāni nīcaṭṭhāne udakapiṭṭhe karonti, kakkaṭakā thalasamīpe dvāraṃ pidahitvā udakasamīpadvārena vaḷañjenti, tadā dubbuṭṭhikā bhavissatīti gaṇhanti.
ат̇а со д̇ханияо сувудтиганимид̇д̇аани убасаллагкзд̇ваа убагадтз вассагаалз анд̇арад̣̇ийбаа нигкамид̇ваа махаамахияаа барад̇ийрз сад̇д̇асад̇д̇аахамби д̣̇звз вассанд̇з уд̣̇агзна анаж̇жход̇т̇аран̣огаасз ад̇д̇ано васаногаасам̣ гад̇ваа саманд̇аа баригкибид̇ваа, важчасаалааяо маабзд̇ваа, д̇ад̇т̇а ниваасам̣ габбзси. ат̇асса д̣̇ааруд̇ин̣аад̣̇исан̇г̇ахз гад̇з саб̣б̣зсу буд̇д̇ад̣̇аарагаммагараборисзсу самааниязсу ж̇аад̇зсу наанаббагаарз каж̇ж̇абхож̇ж̇з бадияад̇д̇з саманд̇аа жад̇уд̣̇д̣̇исаа мзгхаман̣д̣алаани удтахим̣су. со д̇хзнуяо д̣̇ухаабзд̇ваа , важчасаалаасу важчз сан̣таабзд̇ваа, г̇уннам̣ жад̇уд̣̇д̣̇исаа д̇хуумам̣ гаараабзд̇ваа, саб̣б̣абариж̇анам̣ бхож̇аабзд̇ваа, саб̣б̣агижжаани гаараабзд̇ваа д̇ад̇т̇а д̇ад̇т̇а д̣̇ийбз уж̇ж̇аалаабзд̇ваа, саяам̣ кийрзна бхад̇д̇ам̣ бхун̃ж̇ид̇ваа, махаасаяанз саяанд̇о ад̇д̇ано сирисамбад̇д̇им̣ д̣̇исваа, д̇удтажид̇д̇о худ̇ваа, абарад̣̇исааяа мзгхад̇т̇анид̇асад̣̇д̣̇ам̣ суд̇ваа нибанно имам̣ уд̣̇аанам̣ уд̣̇аанзси ‘‘баггод̣̇ано д̣̇уд̣̇д̇хакийрохамасмий’’д̇и.
Atha so dhaniyo suvuṭṭhikanimittāni upasallakkhetvā upakaṭṭhe vassakāle antaradīpā nikkhamitvā mahāmahiyā paratīre sattasattāhampi deve vassante udakena anajjhottharaṇokāse attano vasanokāsaṃ katvā samantā parikkhipitvā, vacchasālāyo māpetvā, tattha nivāsaṃ kappesi. Athassa dārutiṇādisaṅgahe kate sabbesu puttadārakammakaraporisesu samāniyesu jātesu nānappakāre khajjabhojje paṭiyatte samantā catuddisā meghamaṇḍalāni uṭṭhahiṃsu. So dhenuyo duhāpetvā , vacchasālāsu vacche saṇṭhāpetvā, gunnaṃ catuddisā dhūmaṃ kārāpetvā, sabbaparijanaṃ bhojāpetvā, sabbakiccāni kārāpetvā tattha tattha dīpe ujjālāpetvā, sayaṃ khīrena bhattaṃ bhuñjitvā, mahāsayane sayanto attano sirisampattiṃ disvā, tuṭṭhacitto hutvā, aparadisāya meghatthanitasaddaṃ sutvā nipanno imaṃ udānaṃ udānesi ‘‘pakkodano duddhakhīrohamasmī’’ti.
д̇ад̇рааяам̣ ад̇т̇аван̣н̣анаа – баггод̣̇анод̇и сид̣̇д̇хабхад̇д̇о. д̣̇уд̣̇д̇хакийрод̇и г̇ааво д̣̇ухид̇ваа г̇ахид̇акийро. аханд̇и ад̇д̇аанам̣ нид̣̇ассзд̇и , асмийд̇и ад̇д̇ано д̇ат̇аабхаавам̣. баггод̣̇ано д̣̇уд̣̇д̇хакийро жа ахамасми бхаваамийд̇и ад̇т̇о. ид̇ийд̇и звамаахаад̇и ад̇т̇о. нид̣̇д̣̇зсз бана ‘‘ид̇ийд̇и бад̣̇асанд̇хи, бад̣̇асам̣саг̇г̇о, бад̣̇абаарибуури, агкарасамавааяо б̣яан̃ж̇анасилидтад̇аа бад̣̇аанубуб̣б̣ад̇аамзд̇а’’нд̇и (жуул̣ани. аж̇ид̇амаан̣авабужчаанид̣̇д̣̇зса 1) звамасса ад̇т̇о ван̣н̣ид̇о. соби ид̣̇амзва санд̇хааяаад̇и взд̣̇ид̇аб̣б̣о. яам̣ яам̣ хи бад̣̇ам̣ буб̣б̣абад̣̇зна вуд̇д̇ам̣, д̇асса д̇асса звамаахаад̇и зд̇амад̇т̇ам̣ багаасзнд̇оязва ид̇исад̣̇д̣̇о бажчимзна бад̣̇зна мзд̇д̇зяяо ид̇и ваа бхаг̇аваа ид̇и ваа звамаад̣̇инаа бад̣̇асанд̇хи ход̇и, наан̃н̃ат̇аа.
Tatrāyaṃ atthavaṇṇanā – pakkodanoti siddhabhatto. Duddhakhīroti gāvo duhitvā gahitakhīro. Ahanti attānaṃ nidasseti , asmīti attano tathābhāvaṃ. Pakkodano duddhakhīro ca ahamasmi bhavāmīti attho. Itīti evamāhāti attho. Niddese pana ‘‘itīti padasandhi, padasaṃsaggo, padapāripūri, akkharasamavāyo byañjanasiliṭṭhatā padānupubbatāmeta’’nti (cūḷani. ajitamāṇavapucchāniddesa 1) evamassa attho vaṇṇito. Sopi idameva sandhāyāti veditabbo. Yaṃ yaṃ hi padaṃ pubbapadena vuttaṃ, tassa tassa evamāhāti etamatthaṃ pakāsentoyeva itisaddo pacchimena padena metteyyo iti vā bhagavā iti vā evamādinā padasandhi hoti, nāññathā.
д̇ханияо г̇обод̇и д̇асса сздтибуд̇д̇асса наамасамод̇хаанам̣. со хи яаанимаани т̇аавараад̣̇ийни бан̃жа д̇ханаани, д̇зсу табзд̇ваа д̣̇аанасийлаад̣̇иануг̇аамигад̇ханам̣, кзд̇д̇авад̇т̇у-аараамаад̣̇ид̇о т̇ааварад̇ханад̇оби, г̇авассаад̣̇ид̇о ж̇ан̇г̇амад̇ханад̇оби хиран̃н̃асуван̣н̣аад̣̇ид̇о сам̣хааримад̇ханад̇оби, сиббааяад̇анаад̣̇ид̇о ан̇г̇асамад̇ханад̇оби яам̣ д̇ам̣ логасса бан̃жаг̇орасаануббад̣̇аанзна б̣ахуубагаарам̣ д̇ам̣ санд̇хааяа ‘‘над̇т̇и г̇осамид̇ам̣ д̇хана’’нд̇и (сам̣. ни. 1.13; нзд̇д̇и. 123) звам̣ висзсид̇ам̣ г̇од̇ханам̣, д̇зна саманнааг̇ад̇ад̇д̇аа д̇ханияо, г̇уннам̣ бааланад̇о г̇обо. яо хи ад̇д̇ано г̇ааво баалзд̇и, со ‘‘г̇обо’’д̇и вужжад̇и. яо барзсам̣ взд̇анзна бхадо худ̇ваа, со г̇обаалаго. аяам̣ бана ад̇д̇аноязва, д̇зна г̇обод̇и вуд̇д̇о.
Dhaniyo gopoti tassa seṭṭhiputtassa nāmasamodhānaṃ. So hi yānimāni thāvarādīni pañca dhanāni, tesu ṭhapetvā dānasīlādianugāmikadhanaṃ, khettavatthu-ārāmādito thāvaradhanatopi, gavassādito jaṅgamadhanatopi hiraññasuvaṇṇādito saṃhārimadhanatopi, sippāyatanādito aṅgasamadhanatopi yaṃ taṃ lokassa pañcagorasānuppadānena bahūpakāraṃ taṃ sandhāya ‘‘natthi gosamitaṃ dhana’’nti (saṃ. ni. 1.13; netti. 123) evaṃ visesitaṃ godhanaṃ, tena samannāgatattā dhaniyo, gunnaṃ pālanato gopo. Yo hi attano gāvo pāleti, so ‘‘gopo’’ti vuccati. Yo paresaṃ vetanena bhaṭo hutvā, so gopālako. Ayaṃ pana attanoyeva, tena gopoti vutto.
ануд̇ийрзд̇и д̇ийрасса самийбз. махияаад̇и махаамахийнаамигааяа над̣̇ияаа. самаанзна анугуулавад̇д̇инаа бариж̇анзна сад̣̇д̇хим̣ ваасо яасса со самаанаваасо, аяан̃жа д̇ат̇аавид̇хо. д̇знааха ‘‘самаанаваасо’’д̇и. чаннаад̇и д̇ин̣абан̣н̣ажчад̣̇анзхи ановассагаа гад̇аа. гудийд̇и васанагхарассзд̇ам̣ ад̇хиважанам̣. аахид̇од̇и аабхад̇о, ж̇аалид̇о ваа. г̇инийд̇и аг̇г̇и. д̇зсу д̇зсу таанзсу аг̇г̇и ‘‘г̇иний’’д̇и вохарийяад̇и. ат̇а жз бад̇т̇аяасийд̇и ид̣̇аани яад̣̇и ижчасийд̇и вуд̇д̇ам̣ ход̇и. бавассаад̇и син̃жа, баг̇гхара, уд̣̇агам̣ мун̃жаад̇и ад̇т̇о. д̣̇зваад̇и мзгхам̣ аалабад̇и. аяам̣ д̇аавзд̇т̇а бад̣̇аван̣н̣анаа.
Anutīreti tīrassa samīpe. Mahiyāti mahāmahīnāmikāya nadiyā. Samānena anukūlavattinā parijanena saddhiṃ vāso yassa so samānavāso, ayañca tathāvidho. Tenāha ‘‘samānavāso’’ti. Channāti tiṇapaṇṇacchadanehi anovassakā katā. Kuṭīti vasanagharassetaṃ adhivacanaṃ. Āhitoti ābhato, jālito vā. Ginīti aggi. Tesu tesu ṭhānesu aggi ‘‘ginī’’ti voharīyati. Atha ce patthayasīti idāni yadi icchasīti vuttaṃ hoti. Pavassāti siñca, pagghara, udakaṃ muñcāti attho. Devāti meghaṃ ālapati. Ayaṃ tāvettha padavaṇṇanā.
аяам̣ бана ад̇т̇аван̣н̣анаа – звамаяам̣ д̇ханияо г̇обо ад̇д̇ано саяанагхарз махаасаяанз нибанно мзгхад̇т̇анид̇ам̣ суд̇ваа ‘‘баггод̣̇анохамасмий’’д̇и бхан̣анд̇о гааяад̣̇угкавуубасамуубааяам̣ гааяасукахзд̇ун̃жа ад̇д̇ано саннихид̇ам̣ д̣̇ийбзд̇и. ‘‘д̣̇уд̣̇д̇хакийрохамасмий’’д̇и бхан̣анд̇о жид̇д̇ад̣̇угкавуубасамуубааяам̣ жид̇д̇асукахзд̇ун̃жа. ‘‘ануд̇ийрз махияаа’’д̇и ниваасадтаанасамбад̇д̇им̣, ‘‘самаанаваасо’’д̇и д̇аад̣̇исз гаалз бияавиббаяог̇абад̣̇адтаанасса согассаабхаавам̣. ‘‘чаннаа гудий’’д̇и гааяад̣̇угкаабаг̇амабадигхаад̇ам̣. ‘‘аахид̇о г̇иний’’д̇и яасмаа г̇обаалагаа баригкзбад̇хуумад̣̇ааруаг̇г̇ивасзна д̇аяо аг̇г̇ий гаронд̇и. д̇з жа д̇асса г̇зхз саб̣б̣з гад̇аа, д̇асмаа саб̣б̣ад̣̇исаасу баригкзбаг̇г̇им̣ санд̇хааяа ‘‘аахид̇о г̇иний’’д̇и бхан̣анд̇о ваал̣амиг̇ааг̇амананивааран̣ам̣ д̣̇ийбзд̇и, г̇уннам̣ маж̇жхз г̇омаяаад̣̇ийхи д̇хуумаг̇г̇им̣ санд̇хааяа д̣ам̣самагасаад̣̇ийхи г̇уннам̣ анааб̣аад̇хам̣, г̇обаалагаанам̣ саяанадтаанз д̣̇ааруаг̇г̇им̣ санд̇хааяа г̇обаалагаанам̣ сийд̇ааб̣аад̇хабадигхаад̇ам̣. со звам̣ д̣̇ийбзнд̇о ад̇д̇ано ваа г̇уннам̣ ваа бариж̇анасса ваа вудтибажжаяасса гассажи ааб̣аад̇хасса абхаавад̇о бийд̇исоманассаж̇аад̇о ааха – ‘‘ат̇а жз бад̇т̇аяасий бавасса д̣̇зваа’’д̇и.
Ayaṃ pana atthavaṇṇanā – evamayaṃ dhaniyo gopo attano sayanaghare mahāsayane nipanno meghatthanitaṃ sutvā ‘‘pakkodanohamasmī’’ti bhaṇanto kāyadukkhavūpasamūpāyaṃ kāyasukhahetuñca attano sannihitaṃ dīpeti. ‘‘Duddhakhīrohamasmī’’ti bhaṇanto cittadukkhavūpasamūpāyaṃ cittasukhahetuñca. ‘‘Anutīre mahiyā’’ti nivāsaṭṭhānasampattiṃ, ‘‘samānavāso’’ti tādise kāle piyavippayogapadaṭṭhānassa sokassābhāvaṃ. ‘‘Channā kuṭī’’ti kāyadukkhāpagamapaṭighātaṃ. ‘‘Āhito ginī’’ti yasmā gopālakā parikkhepadhūmadāruaggivasena tayo aggī karonti. Te ca tassa gehe sabbe katā, tasmā sabbadisāsu parikkhepaggiṃ sandhāya ‘‘āhito ginī’’ti bhaṇanto vāḷamigāgamananivāraṇaṃ dīpeti, gunnaṃ majjhe gomayādīhi dhūmaggiṃ sandhāya ḍaṃsamakasādīhi gunnaṃ anābādhaṃ, gopālakānaṃ sayanaṭṭhāne dāruaggiṃ sandhāya gopālakānaṃ sītābādhapaṭighātaṃ. So evaṃ dīpento attano vā gunnaṃ vā parijanassa vā vuṭṭhipaccayassa kassaci ābādhassa abhāvato pītisomanassajāto āha – ‘‘atha ce patthayasī pavassa devā’’ti.
19. звам̣ д̇ханияасса имам̣ г̇аат̇ам̣ бхаасамаанасса ассоси бхаг̇аваа д̣̇иб̣б̣ааяа сод̇ад̇хаад̇уяаа висуд̣̇д̇хааяа ад̇игганд̇амаанусигааяа ж̇зд̇аванамахаавихаарз г̇анд̇хагудияам̣ вихаранд̇о. суд̇ваа жа бана б̣уд̣̇д̇хажагкунаа логам̣ вологзнд̇о ад̣̇д̣̇аса д̇ханияан̃жа баж̇аабад̇ин̃жасса ‘‘имз убхоби хзд̇усамбаннаа. сажз ахам̣ г̇анд̇ваа д̇хаммам̣ д̣̇зсзссаами, убхоби баб̣б̣аж̇ид̇ваа арахад̇д̇ам̣ баабун̣иссанд̇и. но жз г̇амиссаами, свз уд̣̇агогхзна винассиссанд̇ий’’д̇и д̇ам̣ кан̣зязва саавад̇т̇ид̇о сад̇д̇а яож̇анасад̇аани д̇ханияасса ниваасадтаанам̣ аагаасзна г̇анд̇ваа д̇асса гудияаа убари адтааси. д̇ханияо д̇ам̣ г̇аат̇ам̣ бунаббунам̣ бхаасад̇иязва , на нидтаабзд̇и, бхаг̇авад̇и г̇ад̇зби бхаасад̇и. бхаг̇аваа жа д̇ам̣ суд̇ваа ‘‘на зд̇д̇агзна санд̇удтаа ваа виссад̇т̇аа ваа хонд̇и, звам̣ бана хонд̇ий’’д̇и д̣̇ассзд̇ум̣ –
19. Evaṃ dhaniyassa imaṃ gāthaṃ bhāsamānassa assosi bhagavā dibbāya sotadhātuyā visuddhāya atikkantamānusikāya jetavanamahāvihāre gandhakuṭiyaṃ viharanto. Sutvā ca pana buddhacakkhunā lokaṃ volokento addasa dhaniyañca pajāpatiñcassa ‘‘ime ubhopi hetusampannā. Sace ahaṃ gantvā dhammaṃ desessāmi, ubhopi pabbajitvā arahattaṃ pāpuṇissanti. No ce gamissāmi, sve udakoghena vinassissantī’’ti taṃ khaṇeyeva sāvatthito satta yojanasatāni dhaniyassa nivāsaṭṭhānaṃ ākāsena gantvā tassa kuṭiyā upari aṭṭhāsi. Dhaniyo taṃ gāthaṃ punappunaṃ bhāsatiyeva , na niṭṭhāpeti, bhagavati gatepi bhāsati. Bhagavā ca taṃ sutvā ‘‘na ettakena santuṭṭhā vā vissatthā vā honti, evaṃ pana hontī’’ti dassetuṃ –
‘‘аггод̇хано виг̇ад̇акилохамасми, ануд̇ийрз махиязгарад̇д̇иваасо;
‘‘Akkodhano vigatakhilohamasmi,anutīre mahiyekarattivāso;
вивадаа гуди ниб̣б̣уд̇о г̇ини, ат̇а жз бад̇т̇аяасий бавасса д̣̇зваа’’д̇и. –
Vivaṭā kuṭi nibbuto gini,atha ce patthayasī pavassa devā’’ti. –
имам̣ бадиг̇аат̇ам̣ абхааси б̣яан̃ж̇анасабхааг̇ам̣ но ад̇т̇асабхааг̇ам̣. на хи ‘‘баггод̣̇ано’’д̇и, ‘‘аггод̇хано’’д̇и жа аад̣̇ийни бад̣̇аани ад̇т̇ад̇о самзнд̇и махаасамуд̣̇д̣̇асса оримабааримад̇ийраани вияа, б̣яан̃ж̇анам̣ банзд̇т̇а гин̃жи гин̃жи самзд̇ийд̇и б̣яан̃ж̇анасабхааг̇аани хонд̇и. д̇ад̇т̇а буримаг̇аат̇ааяа сад̣̇исабад̣̇аанам̣ вуд̇д̇анаязнзва ад̇т̇о взд̣̇ид̇аб̣б̣о.
Imaṃ paṭigāthaṃ abhāsi byañjanasabhāgaṃ no atthasabhāgaṃ. Na hi ‘‘pakkodano’’ti, ‘‘akkodhano’’ti ca ādīni padāni atthato samenti mahāsamuddassa orimapārimatīrāni viya, byañjanaṃ panettha kiñci kiñci sametīti byañjanasabhāgāni honti. Tattha purimagāthāya sadisapadānaṃ vuttanayeneva attho veditabbo.
висзсабад̣̇аанам̣ банааяам̣ бад̣̇ад̇о ад̇т̇ад̇о жа ван̣н̣анаа – аггод̇ханод̇и агуж̇жханасабхааво. яо хи со буб̣б̣з вуд̇д̇аббагаарааагхаад̇авад̇т̇усамбхаво год̇хо згажжасса субарид̇д̇оби уббаж̇ж̇амаано хад̣̇аяам̣ санд̇аабзд̇ваа вуубасаммад̇и, язна жа д̇ад̇о б̣алавад̇аруббаннзна згажжо мукавигун̣анамад̇д̇ам̣ гарод̇и, д̇ад̇о б̣алавад̇арзна згажжо парусам̣ вад̇д̇угаамо ханусан̃жаланамад̇д̇ам̣ гарод̇и, абаро д̇ад̇о б̣алавад̇арзна парусам̣ бхан̣ад̇и, абаро д̇ад̇о б̣алавад̇арзна д̣̇ан̣д̣ам̣ ваа сад̇т̇ам̣ ваа г̇авзсанд̇о д̣̇исаа вилогзд̇и, абаро д̇ад̇о б̣алавад̇арзна д̣̇ан̣д̣ам̣ ваа сад̇т̇ам̣ ваа аамасад̇и, абаро д̇ад̇о б̣алавад̇арзна д̣̇ан̣д̣аад̣̇ийни г̇ахзд̇ваа убад̇хаавад̇и, абаро д̇ад̇о б̣алавад̇арзна згам̣ ваа д̣̇вз ваа бахаарз д̣̇зд̇и, абаро д̇ад̇о б̣алавад̇арзна аби н̃аад̇исаалохид̇ам̣ ж̇ийвид̇аа воробзд̇и, згажжо д̇ад̇о б̣алавад̇арзна бажчаа виббадисаарий ад̇д̇аанамби ж̇ийвид̇аа воробзд̇и сийхал̣ад̣̇ийбз гаалаг̇аамаваасий амажжо вияа. зд̇д̇аавад̇аа жа год̇хо барамавзбуллаббад̇д̇о ход̇и. со бхаг̇авад̇аа б̣од̇химан̣д̣зязва саб̣б̣асо бахийно ужчиннамууло д̇аалаавад̇т̇угад̇о, д̇асмаа бхаг̇аваа ‘‘аггод̇ханохамасмий’’д̇и ааха.
Visesapadānaṃ panāyaṃ padato atthato ca vaṇṇanā – akkodhanoti akujjhanasabhāvo. Yo hi so pubbe vuttappakāraāghātavatthusambhavo kodho ekaccassa suparittopi uppajjamāno hadayaṃ santāpetvā vūpasammati, yena ca tato balavataruppannena ekacco mukhavikuṇanamattaṃ karoti, tato balavatarena ekacco pharusaṃ vattukāmo hanusañcalanamattaṃ karoti, aparo tato balavatarena pharusaṃ bhaṇati, aparo tato balavatarena daṇḍaṃ vā satthaṃ vā gavesanto disā viloketi, aparo tato balavatarena daṇḍaṃ vā satthaṃ vā āmasati, aparo tato balavatarena daṇḍādīni gahetvā upadhāvati, aparo tato balavatarena ekaṃ vā dve vā pahāre deti, aparo tato balavatarena api ñātisālohitaṃ jīvitā voropeti, ekacco tato balavatarena pacchā vippaṭisārī attānampi jīvitā voropeti sīhaḷadīpe kālagāmavāsī amacco viya. Ettāvatā ca kodho paramavepullappatto hoti. So bhagavatā bodhimaṇḍeyeva sabbaso pahīno ucchinnamūlo tālāvatthukato, tasmā bhagavā ‘‘akkodhanohamasmī’’ti āha.
виг̇ад̇акилод̇и абаг̇ад̇акило. яз хи д̇з жид̇д̇аб̣анд̇хабхаавзна бан̃жа жзд̇окилаа вуд̇д̇аа, яз хи жа килабхууд̇з жид̇д̇з сзяяат̇ааби наама килз бхуумибхааг̇з жад̇д̇ааро маасз вассанд̇зби д̣̇звз сассаани на руханд̇и, звамзвам̣ сад̣̇д̇хаммассаванаад̣̇игусалахзд̇увассз вассанд̇зби гусалам̣ на рухад̇и д̇з жа бхаг̇авад̇аа б̣од̇химан̣д̣зязва саб̣б̣асо бахийнаа, д̇асмаа бхаг̇аваа ‘‘виг̇ад̇акилохамасмий’’д̇и ааха.
Vigatakhiloti apagatakhilo. Ye hi te cittabandhabhāvena pañca cetokhilā vuttā, ye hi ca khilabhūte citte seyyathāpi nāma khile bhūmibhāge cattāro māse vassantepi deve sassāni na ruhanti, evamevaṃ saddhammassavanādikusalahetuvasse vassantepi kusalaṃ na ruhati te ca bhagavatā bodhimaṇḍeyeva sabbaso pahīnā, tasmā bhagavā ‘‘vigatakhilohamasmī’’ti āha.
згарад̇д̇им̣ ваасо ассаад̇и згарад̇д̇иваасо . яат̇аа хи д̇ханияо д̇ад̇т̇а жад̇д̇ааро вассигз маасз ниб̣ад̣̇д̇хаваасам̣ убаг̇ад̇о, на д̇ат̇аа бхаг̇аваа. бхаг̇аваа хи д̇ам̣язва рад̇д̇им̣ д̇асса ад̇т̇агаамад̇ааяа д̇ад̇т̇а ваасам̣ убаг̇ад̇о. д̇асмаа ‘‘згарад̇д̇иваасо’’д̇и ааха. вивадаад̇и абанийд̇ажчад̣̇анаа. гудийд̇и ад̇д̇абхааво. ад̇д̇абхааво хи д̇ам̣ д̇ам̣ ад̇т̇авасам̣ бадижжа гааяод̇иби г̇ухаад̇иби д̣̇зход̇иби санд̣̇зход̇иби нааваад̇иби рат̇од̇иби ван̣од̇иби д̇хаж̇од̇иби ваммигод̇иби гудийд̇иби гудигаад̇иби вужжад̇и. ид̇ха бана гадтаад̣̇ийни бадижжа г̇зханаамигаа гуди вияа адтиаад̣̇ийни бадижжа сан̇кяам̣ г̇ад̇ад̇д̇аа ‘‘гудий’’д̇и вуд̇д̇о. яат̇ааха –
Ekarattiṃ vāso assāti ekarattivāso . Yathā hi dhaniyo tattha cattāro vassike māse nibaddhavāsaṃ upagato, na tathā bhagavā. Bhagavā hi taṃyeva rattiṃ tassa atthakāmatāya tattha vāsaṃ upagato. Tasmā ‘‘ekarattivāso’’ti āha. Vivaṭāti apanītacchadanā. Kuṭīti attabhāvo. Attabhāvo hi taṃ taṃ atthavasaṃ paṭicca kāyotipi guhātipi dehotipi sandehotipi nāvātipi rathotipi vaṇotipi dhajotipi vammikotipi kuṭītipi kuṭikātipi vuccati. Idha pana kaṭṭhādīni paṭicca gehanāmikā kuṭi viya aṭṭhiādīni paṭicca saṅkhyaṃ gatattā ‘‘kuṭī’’ti vutto. Yathāha –
‘‘сзяяат̇ааби, аавусо, гадтан̃жа бадижжа, валлин̃жа бадижжа, мад̇д̇иган̃жа бадижжа, д̇ин̣ан̃жа бадижжа, аагаасо бариваарид̇о аг̇аарам̣д̇взва сан̇кам̣ г̇ажчад̇и; звамзва ко, аавусо, адтин̃жа бадижжа, нхаарун̃жа бадижжа, мам̣сан̃жа бадижжа, жамман̃жа бадижжа, аагаасо бариваарид̇о руубанд̇взва сан̇кам̣ г̇ажчад̇ий’’д̇и (ма. ни. 1.306).
‘‘Seyyathāpi, āvuso, kaṭṭhañca paṭicca, valliñca paṭicca, mattikañca paṭicca, tiṇañca paṭicca, ākāso parivārito agāraṃtveva saṅkhaṃ gacchati; evameva kho, āvuso, aṭṭhiñca paṭicca, nhāruñca paṭicca, maṃsañca paṭicca, cammañca paṭicca, ākāso parivārito rūpantveva saṅkhaṃ gacchatī’’ti (ma. ni. 1.306).
жид̇д̇амаггадасса ниваасад̇о ваа гуди. яат̇ааха –
Cittamakkaṭassa nivāsato vā kuṭi. Yathāha –
‘‘адтиган̇галагуди жз саа, маггадаавасат̇о ид̇и;
‘‘Aṭṭhikaṅkalakuṭi ce sā, makkaṭāvasatho iti;
маггадо бан̃жад̣̇ваарааяа, гудигааяа басаггияа;
Makkaṭo pañcadvārāya, kuṭikāya pasakkiya;
д̣̇ваарзна анубарияаад̇и, гхаддаяанд̇о бунаббуна’’нд̇и. (т̇зраг̇аа. 125);
Dvārena anupariyāti, ghaṭṭayanto punappuna’’nti. (theragā. 125);
саа гуди язна д̇ан̣хаамаанад̣̇идтичад̣̇анзна сад̇д̇аанам̣ чаннад̇д̇аа бунаббунам̣ рааг̇аад̣̇игилзсавассам̣ ад̇ивассад̇и. яат̇ааха –
Sā kuṭi yena taṇhāmānadiṭṭhichadanena sattānaṃ channattā punappunaṃ rāgādikilesavassaṃ ativassati. Yathāha –
‘‘чаннамад̇ивассад̇и, вивадам̣ наад̇ивассад̇и;
‘‘Channamativassati, vivaṭaṃ nātivassati;
д̇асмаа чаннам̣ виварзт̇а, звам̣ д̇ам̣ наад̇ивассад̇ий’’д̇и. (уд̣̇аа. 45; т̇зраг̇аа. 447; бари. 339);
Tasmā channaṃ vivaretha, evaṃ taṃ nātivassatī’’ti. (udā. 45; theragā. 447; pari. 339);
аяам̣ г̇аат̇аа д̣̇вийсу таанзсу вуд̇д̇аа канд̇хагз т̇зраг̇аат̇ааяан̃жа. канд̇хагз хи ‘‘яо аабад̇д̇им̣ бадижчаад̣̇зд̇и, д̇асса гилзсаа жа бунаббунам̣ аабад̇д̇ияо жа ад̇ивассанд̇и, яо бана на бадижчаад̣̇зд̇и, д̇асса наад̇ивассанд̇ий’’д̇и имам̣ ад̇т̇ам̣ бадижжа вуд̇д̇аа. т̇зраг̇аат̇ааяам̣ ‘‘яасса рааг̇аад̣̇ижчад̣̇анам̣ ад̇т̇и, д̇асса буна идтаарамман̣аад̣̇ийсу рааг̇аад̣̇исамбхавад̇о чаннамад̇ивассад̇и . яо ваа уббаннз гилзсз ад̇хиваасзд̇и, д̇ассзва ад̇хиваасид̇агилзсажчад̣̇анажчаннаа ад̇д̇абхаавагуди бунаббунам̣ гилзсавассам̣ ад̇ивассад̇и. яасса бана арахад̇д̇амаг̇г̇ан̃аан̣аваад̇зна гилзсажчад̣̇анасса вид̣̇д̇хам̣сид̇ад̇д̇аа вивадаа, д̇асса наад̇ивассад̇ий’’д̇и. аяамад̇т̇о ид̇ха ад̇хиббзд̇о. бхаг̇авад̇аа хи яат̇аавуд̇д̇ам̣ чад̣̇анам̣ яат̇аавуд̇д̇знзва наязна вид̣̇д̇хам̣сид̇ам̣, д̇асмаа ‘‘вивадаа гудий’’д̇и ааха. ниб̣б̣уд̇од̇и убасанд̇о. г̇инийд̇и аг̇г̇и. язна хи згаад̣̇асавид̇хзна аг̇г̇инаа саб̣б̣амид̣̇ам̣ аад̣̇ид̇д̇ам̣. яат̇ааха – ‘‘аад̣̇ид̇д̇ам̣ рааг̇аг̇г̇инаа’’д̇и вид̇т̇ааро. со аг̇г̇и бхаг̇авад̇о б̣од̇химуулзязва арияамаг̇г̇асалиласзгзна ниб̣б̣уд̇о, д̇асмаа ‘‘ниб̣б̣уд̇о г̇иний’’д̇и ааха.
Ayaṃ gāthā dvīsu ṭhānesu vuttā khandhake theragāthāyañca. Khandhake hi ‘‘yo āpattiṃ paṭicchādeti, tassa kilesā ca punappunaṃ āpattiyo ca ativassanti, yo pana na paṭicchādeti, tassa nātivassantī’’ti imaṃ atthaṃ paṭicca vuttā. Theragāthāyaṃ ‘‘yassa rāgādicchadanaṃ atthi, tassa puna iṭṭhārammaṇādīsu rāgādisambhavato channamativassati . Yo vā uppanne kilese adhivāseti, tasseva adhivāsitakilesacchadanacchannā attabhāvakuṭi punappunaṃ kilesavassaṃ ativassati. Yassa pana arahattamaggañāṇavātena kilesacchadanassa viddhaṃsitattā vivaṭā, tassa nātivassatī’’ti. Ayamattho idha adhippeto. Bhagavatā hi yathāvuttaṃ chadanaṃ yathāvutteneva nayena viddhaṃsitaṃ, tasmā ‘‘vivaṭā kuṭī’’ti āha. Nibbutoti upasanto. Ginīti aggi. Yena hi ekādasavidhena agginā sabbamidaṃ ādittaṃ. Yathāha – ‘‘ādittaṃ rāgagginā’’ti vitthāro. So aggi bhagavato bodhimūleyeva ariyamaggasalilasekena nibbuto, tasmā ‘‘nibbuto ginī’’ti āha.
звам̣ вад̣̇анд̇о жа д̇ханияам̣ ад̇удтаб̣б̣зна д̇уссамаанам̣ ан̃н̃аабад̣̇зсзнзва барибхаасад̇и, овад̣̇ад̇и, анусаасад̇и. гат̇ам̣? ‘‘аггод̇хано’’д̇и хи вад̣̇амаано, д̇ханияа, д̇вам̣ ‘‘баггод̣̇анохамасмий’’д̇и д̇удто, од̣̇анабааго жа яааваж̇ийвам̣ д̇ханабаригкаязна гад̇д̇аб̣б̣о, д̇ханабаригкаяо жа аарагкаад̣̇ид̣̇угкабад̣̇адтаано, звам̣ санд̇з д̣̇угкзнзва д̇удто хоси. ахам̣ бана ‘‘аггод̇ханохамасмий’’д̇и д̇уссанд̇о санд̣̇идтигасамбарааяигад̣̇угкаабхаавзна д̇удто хомийд̇и д̣̇ийбзд̇и. ‘‘виг̇ад̇акило’’д̇и вад̣̇амаано д̇вам̣ ‘‘д̣̇уд̣̇д̇хакийрохамасмий’’д̇и д̇уссанд̇о агад̇агижжова ‘‘гад̇агижжохамасмий’’д̇и манд̇ваа д̇удто, ахам̣ бана ‘‘виг̇ад̇акилохамасмий’’д̇и д̇уссанд̇о гад̇агижжова д̇удто хомийд̇и д̣̇ийбзд̇и. ‘‘ануд̇ийрз махиязгарад̇д̇иваасо’’д̇и вад̣̇амаано д̇вам̣ ануд̇ийрз махияаа самаанаваасод̇и д̇уссанд̇о жад̇умаасаниб̣ад̣̇д̇хаваасзна д̇удто. ниб̣ад̣̇д̇хаваасо жа ааваасасан̇г̇зна ход̇и, со жа д̣̇угко, звам̣ санд̇з д̣̇угкзнзва д̇удто хоси. ахам̣ бана згарад̇д̇иваасод̇и д̇уссанд̇о аниб̣ад̣̇д̇хаваасзна д̇удто, аниб̣ад̣̇д̇хаваасо жа ааваасасан̇г̇аабхаавзна ход̇и, ааваасасан̇г̇аабхааво жа сукод̇и сукзнзва д̇удто хомийд̇и д̣̇ийбзд̇и.
Evaṃ vadanto ca dhaniyaṃ atuṭṭhabbena tussamānaṃ aññāpadeseneva paribhāsati, ovadati, anusāsati. Kathaṃ? ‘‘Akkodhano’’ti hi vadamāno, dhaniya, tvaṃ ‘‘pakkodanohamasmī’’ti tuṭṭho, odanapāko ca yāvajīvaṃ dhanaparikkhayena kattabbo, dhanaparikkhayo ca ārakkhādidukkhapadaṭṭhāno, evaṃ sante dukkheneva tuṭṭho hosi. Ahaṃ pana ‘‘akkodhanohamasmī’’ti tussanto sandiṭṭhikasamparāyikadukkhābhāvena tuṭṭho homīti dīpeti. ‘‘Vigatakhilo’’ti vadamāno tvaṃ ‘‘duddhakhīrohamasmī’’ti tussanto akatakiccova ‘‘katakiccohamasmī’’ti mantvā tuṭṭho, ahaṃ pana ‘‘vigatakhilohamasmī’’ti tussanto katakiccova tuṭṭho homīti dīpeti. ‘‘Anutīre mahiyekarattivāso’’ti vadamāno tvaṃ anutīre mahiyā samānavāsoti tussanto catumāsanibaddhavāsena tuṭṭho. Nibaddhavāso ca āvāsasaṅgena hoti, so ca dukkho, evaṃ sante dukkheneva tuṭṭho hosi. Ahaṃ pana ekarattivāsoti tussanto anibaddhavāsena tuṭṭho, anibaddhavāso ca āvāsasaṅgābhāvena hoti, āvāsasaṅgābhāvo ca sukhoti sukheneva tuṭṭho homīti dīpeti.
‘‘вивадаа гудий’’д̇и вад̣̇амаано д̇вам̣ чаннаа гудийд̇и д̇уссанд̇о чаннаг̇зхад̇ааяа д̇удто, г̇зхз жа д̇з чаннзби ад̇д̇абхаавагудигам̣ гилзсавассам̣ ад̇ивассад̇и, язна сан̃ж̇анид̇зхи жад̇уухи махогхзхи вуяхамаано анаяаб̣яасанам̣ баабун̣зяяааси, звам̣ санд̇з ад̇удтаб̣б̣знзва д̇удто хоси. ахам̣ бана ‘‘вивадаа гудий’’д̇и д̇уссанд̇о ад̇д̇абхаавагудияаа гилзсажчад̣̇анаабхаавзна д̇удто. зван̃жа мз вивадааяа гудияаа на д̇ам̣ гилзсавассам̣ ад̇ивассад̇и, язна сан̃ж̇анид̇зхи жад̇уухи махогхзхи вуяхамаано анаяаб̣яасанам̣ баабун̣зяяам̣, звам̣ санд̇з д̇удтаб̣б̣знзва д̇удто хомийд̇и д̣̇ийбзд̇и. ‘‘ниб̣б̣уд̇о г̇иний’’д̇и вад̣̇амаано д̇вам̣ аахид̇о г̇инийд̇и д̇уссанд̇о агад̇уубад̣̇д̣̇аванивааран̣ова гад̇уубад̣̇д̣̇аванивааран̣осмийд̇и манд̇ваа д̇удто. ахам̣ бана ниб̣б̣уд̇о г̇инийд̇и д̇уссанд̇о згаад̣̇асаг̇г̇ибарил̣аахаабхаавад̇о гад̇уубад̣̇д̣̇аванивааран̣ад̇ааязва д̇удтод̇и д̣̇ийбзд̇и. ‘‘ат̇а жз бад̇т̇аяасий бавасса д̣̇зваа’’д̇и вад̣̇амаано звам̣ виг̇ад̇ад̣̇угкаанам̣ ануббад̇д̇асукаанам̣ гад̇асаб̣б̣агижжаанам̣ амхаад̣̇исаанам̣ зд̇ам̣ важанам̣ собхад̇и, ат̇а жз бад̇т̇аяаси, бавасса д̣̇зва, на но д̇аяи вассанд̇з ваа авассанд̇з ваа вуд̣дхи ваа хаани ваа ад̇т̇и, д̇вам̣ бана гасмаа звам̣ вад̣̇асийд̇и д̣̇ийбзд̇и. д̇асмаа яам̣ вуд̇д̇ам̣ ‘‘звам̣ вад̣̇анд̇о жа д̇ханияа ад̇удтаб̣б̣знзва д̇уссамаанам̣ ан̃н̃аабад̣̇зсзнзва барибхаасад̇и овад̣̇ад̇и, анусаасад̇ий’’д̇и, д̇ам̣ саммад̣̇зва вуд̇д̇анд̇и.
‘‘Vivaṭā kuṭī’’ti vadamāno tvaṃ channā kuṭīti tussanto channagehatāya tuṭṭho, gehe ca te channepi attabhāvakuṭikaṃ kilesavassaṃ ativassati, yena sañjanitehi catūhi mahoghehi vuyhamāno anayabyasanaṃ pāpuṇeyyāsi, evaṃ sante atuṭṭhabbeneva tuṭṭho hosi. Ahaṃ pana ‘‘vivaṭā kuṭī’’ti tussanto attabhāvakuṭiyā kilesacchadanābhāvena tuṭṭho. Evañca me vivaṭāya kuṭiyā na taṃ kilesavassaṃ ativassati, yena sañjanitehi catūhi mahoghehi vuyhamāno anayabyasanaṃ pāpuṇeyyaṃ, evaṃ sante tuṭṭhabbeneva tuṭṭho homīti dīpeti. ‘‘Nibbuto ginī’’ti vadamāno tvaṃ āhito ginīti tussanto akatūpaddavanivāraṇova katūpaddavanivāraṇosmīti mantvā tuṭṭho. Ahaṃ pana nibbuto ginīti tussanto ekādasaggipariḷāhābhāvato katūpaddavanivāraṇatāyeva tuṭṭhoti dīpeti. ‘‘Atha ce patthayasī pavassa devā’’ti vadamāno evaṃ vigatadukkhānaṃ anuppattasukhānaṃ katasabbakiccānaṃ amhādisānaṃ etaṃ vacanaṃ sobhati, atha ce patthayasi, pavassa deva, na no tayi vassante vā avassante vā vuḍḍhi vā hāni vā atthi, tvaṃ pana kasmā evaṃ vadasīti dīpeti. Tasmā yaṃ vuttaṃ ‘‘evaṃ vadanto ca dhaniya atuṭṭhabbeneva tussamānaṃ aññāpadeseneva paribhāsati ovadati, anusāsatī’’ti, taṃ sammadeva vuttanti.
20. звамимам̣ бхаг̇авад̇аа вуд̇д̇ам̣ г̇аат̇ам̣ суд̇вааби д̇ханияо г̇обо ‘‘го аяам̣ г̇аат̇ам̣ бхаасад̇ий’’д̇и авад̇ваа д̇зна субхаасид̇зна барид̇удто бунаби д̇ат̇ааруубам̣ сод̇угаамо абарамби г̇аат̇амааха ‘‘анд̇хагамагасаа’’д̇и. д̇ад̇т̇а анд̇хагаад̇и гаал̣амагкигаанам̣ ад̇хиважанам̣, бин̇г̇аламагкигаананд̇иби згз. магасаад̇и магасааязва. на виж̇ж̇арзд̇и над̇т̇и. гажчзд̇и д̣̇вз гажчаа – над̣̇ийгажчо жа баб̣б̣ад̇агажчо жа. ид̇ха над̣̇ийгажчо. рул̣хад̇ин̣зд̇и сан̃ж̇аад̇ад̇ин̣з. жаранд̇ийд̇и бхад̇д̇агижжам̣ гаронд̇и. вудтимбийд̇и ваад̇авудтиаад̣̇игаа анзгаа вудтияо, д̇аа аал̣авагасуд̇д̇з багаасаяиссаама. ид̇ха бана вассавудтим̣ санд̇хааяа вуд̇д̇ам̣. сахзяяунд̇и камзяяум̣. сзсам̣ баагадамзва. зд̇т̇а д̇ханияо яз анд̇хагамагасаа саннибад̇ид̇ваа руд̇хирз биванд̇аа мухуд̇д̇знзва г̇ааво анаяаб̣яасанам̣ баабзнд̇и, д̇асмаа вудтид̇амад̇д̇зязва д̇з г̇обаалагаа бам̣сунаа жа саакаахи жа маарзнд̇и, д̇зсам̣ абхаавзна г̇уннам̣ кзмад̇ам̣, гажчз рул̣хад̇ин̣ажаран̣зна ад̣̇д̇хаанаг̇аманабариссамаабхаавам̣ вад̇ваа куд̣̇аагиламат̇аабхааван̃жа д̣̇ийбзнд̇о ‘‘яат̇аа ан̃н̃зсам̣ г̇ааво анд̇хагамагасасампассзхи д̣̇иссамаанаа ад̣̇д̇хаанаг̇аманзна гиланд̇аа куд̣̇ааяа милааяамаанаа згавудтинибаад̇амби на сахзяяум̣, на мз д̇ат̇аа г̇ааво, маяхам̣ бана г̇ааво вуд̇д̇аббагаараабхааваа д̣̇вигкад̇д̇ум̣ ваа д̇игкад̇ум̣ ваа вудтимби сахзяяу’’нд̇и д̣̇ийбзд̇и.
20. Evamimaṃ bhagavatā vuttaṃ gāthaṃ sutvāpi dhaniyo gopo ‘‘ko ayaṃ gāthaṃ bhāsatī’’ti avatvā tena subhāsitena parituṭṭho punapi tathārūpaṃ sotukāmo aparampi gāthamāha ‘‘andhakamakasā’’ti. Tattha andhakāti kāḷamakkhikānaṃ adhivacanaṃ, piṅgalamakkhikānantipi eke. Makasāti makasāyeva. Na vijjareti natthi. Kaccheti dve kacchā – nadīkaccho ca pabbatakaccho ca. Idha nadīkaccho. Ruḷhatiṇeti sañjātatiṇe. Carantīti bhattakiccaṃ karonti. Vuṭṭhimpīti vātavuṭṭhiādikā anekā vuṭṭhiyo, tā āḷavakasutte pakāsayissāma. Idha pana vassavuṭṭhiṃ sandhāya vuttaṃ. Saheyyunti khameyyuṃ. Sesaṃ pākaṭameva. Ettha dhaniyo ye andhakamakasā sannipatitvā rudhire pivantā muhutteneva gāvo anayabyasanaṃ pāpenti, tasmā vuṭṭhitamatteyeva te gopālakā paṃsunā ca sākhāhi ca mārenti, tesaṃ abhāvena gunnaṃ khemataṃ, kacche ruḷhatiṇacaraṇena addhānagamanaparissamābhāvaṃ vatvā khudākilamathābhāvañca dīpento ‘‘yathā aññesaṃ gāvo andhakamakasasamphassehi dissamānā addhānagamanena kilantā khudāya milāyamānā ekavuṭṭhinipātampi na saheyyuṃ, na me tathā gāvo, mayhaṃ pana gāvo vuttappakārābhāvā dvikkhattuṃ vā tikkhatuṃ vā vuṭṭhimpi saheyyu’’nti dīpeti.
21. д̇ад̇о бхаг̇аваа яасмаа д̇ханияо анд̇арад̣̇ийбз васанд̇о бхаяам̣ д̣̇исваа, гуллам̣ б̣анд̇хид̇ваа, махаамахим̣ д̇арид̇ваа, д̇ам̣ гажчам̣ ааг̇амма ‘‘ахам̣ судту ааг̇ад̇о, ниб̣бхаязва таанз тид̇о’’д̇и ман̃н̃амаано звамааха, сабхаяз зва жа со таанз тид̇о, д̇асмаа д̇асса ааг̇аманадтаанаа ад̇д̇ано ааг̇аманадтаанам̣ уд̇д̇арид̇аран̃жа бан̣ийд̇ад̇аран̃жа ван̣н̣знд̇о ‘‘б̣ад̣̇д̇хааси бхисий’’д̇и имам̣ г̇аат̇амабхааси, ад̇т̇асабхааг̇ам̣ но б̣яан̃ж̇анасабхааг̇ам̣.
21. Tato bhagavā yasmā dhaniyo antaradīpe vasanto bhayaṃ disvā, kullaṃ bandhitvā, mahāmahiṃ taritvā, taṃ kacchaṃ āgamma ‘‘ahaṃ suṭṭhu āgato, nibbhayeva ṭhāne ṭhito’’ti maññamāno evamāha, sabhaye eva ca so ṭhāne ṭhito, tasmā tassa āgamanaṭṭhānā attano āgamanaṭṭhānaṃ uttaritarañca paṇītatarañca vaṇṇento ‘‘baddhāsi bhisī’’ti imaṃ gāthamabhāsi, atthasabhāgaṃ no byañjanasabhāgaṃ.
д̇ад̇т̇а бхисийд̇и бад̇т̇арид̇ваа бут̇улам̣ гад̇ваа б̣ад̣̇д̇хагулло вужжад̇и логз. арияасса бана д̇хаммавинаяз арияамаг̇г̇ассзд̇ам̣ ад̇хиважанам̣. арияамаг̇г̇о хи –
Tattha bhisīti pattharitvā puthulaṃ katvā baddhakullo vuccati loke. Ariyassa pana dhammavinaye ariyamaggassetaṃ adhivacanaṃ. Ariyamaggo hi –
‘‘маг̇г̇о баж̇ж̇о бат̇о бант̇о, ан̃ж̇асам̣ вадумааяанам̣;
‘‘Maggo pajjo patho pantho, añjasaṃ vaṭumāyanaṃ;
нааваа уд̇д̇арасзд̇у жа, гулло жа бхиси сан̇гамо’’. (жуул̣ани. баарааяанад̇т̇уд̇иг̇аат̇аанид̣̇д̣̇зса 101);
Nāvā uttarasetu ca, kullo ca bhisi saṅkamo’’. (cūḷani. pārāyanatthutigāthāniddesa 101);
‘‘ад̣̇д̇хаанам̣ бабхаво жзва, д̇ад̇т̇а д̇ад̇т̇а багаасид̇о’’.
‘‘Addhānaṃ pabhavo ceva, tattha tattha pakāsito’’.
имааяаби г̇аат̇ааяа бхаг̇аваа буриманаязнзва д̇ам̣ овад̣̇анд̇о имам̣ ад̇т̇ам̣ аахаад̇и взд̣̇ид̇аб̣б̣о – д̇ханияа, д̇вам̣ гуллам̣ б̣анд̇хид̇ваа, махим̣ д̇арид̇ваа, имам̣ таанамааг̇ад̇о, бунаби жа д̇з гулло б̣анд̇хид̇аб̣б̣о зва бхависсад̇и, над̣̇ий жа д̇арид̇аб̣б̣аа, на жзд̇ам̣ таанам̣ кзмам̣. маяаа бана згажид̇д̇з маг̇г̇ан̇г̇аани самод̇хаанзд̇ваа н̃аан̣аб̣анд̇ханзна б̣ад̣̇д̇хаа ахоси бхиси. саа жа сад̇д̇ад̇им̣саб̣од̇хибагкияад̇хаммабарибун̣н̣ад̇ааяа згарасабхаавуубаг̇ад̇ад̇д̇аа ан̃н̃аман̃н̃ам̣ анад̇ивад̇д̇анзна буна б̣анд̇хид̇аб̣б̣аббаяож̇анаабхаавзна д̣̇звамануссзсу гзнажи можзд̇ум̣ асаггун̣зяяад̇ааяа жа сусан̇кад̇аа. д̇ааяа жамхи д̇ин̣н̣о, буб̣б̣з бад̇т̇ид̇ам̣ д̇ийраббад̣̇зсам̣ г̇ад̇о. г̇ажчанд̇оби жа на сод̇аабаннаад̣̇аяо вияа ган̃жид̣̇зва бад̣̇зсам̣ г̇ад̇о. ат̇а ко баараг̇ад̇о саб̣б̣аасавагкаяам̣ саб̣б̣ад̇хаммабаарам̣ барамам̣ кзмам̣ ниб̣б̣аанам̣ г̇ад̇о, д̇ин̣н̣од̇и ваа саб̣б̣ан̃н̃уд̇ам̣ бад̇д̇о, баараг̇ад̇од̇и арахад̇д̇ам̣ бад̇д̇о . гим̣ винзяяа баараг̇ад̇од̇и жз? винзяяа огхам̣, гаамогхаад̣̇ижад̇уб̣б̣ид̇хам̣ огхам̣ д̇арид̇ваа ад̇иггамма д̇ам̣ баарам̣ г̇ад̇од̇и. ид̣̇аани жа бана мз буна д̇арид̇аб̣б̣аабхаавад̇о ад̇т̇о бхисияаа на виж̇ж̇ад̇и, д̇асмаа мамзва яуд̇д̇ам̣ вад̇д̇ум̣ ‘‘ат̇а жз бад̇т̇аяасий бавасса д̣̇зваа’’д̇и.
Imāyapi gāthāya bhagavā purimanayeneva taṃ ovadanto imaṃ atthaṃ āhāti veditabbo – dhaniya, tvaṃ kullaṃ bandhitvā, mahiṃ taritvā, imaṃ ṭhānamāgato, punapi ca te kullo bandhitabbo eva bhavissati, nadī ca taritabbā, na cetaṃ ṭhānaṃ khemaṃ. Mayā pana ekacitte maggaṅgāni samodhānetvā ñāṇabandhanena baddhā ahosi bhisi. Sā ca sattatiṃsabodhipakkhiyadhammaparipuṇṇatāya ekarasabhāvūpagatattā aññamaññaṃ anativattanena puna bandhitabbappayojanābhāvena devamanussesu kenaci mocetuṃ asakkuṇeyyatāya ca susaṅkhatā. Tāya camhi tiṇṇo, pubbe patthitaṃ tīrappadesaṃ gato. Gacchantopi ca na sotāpannādayo viya kañcideva padesaṃ gato. Atha kho pāragato sabbāsavakkhayaṃ sabbadhammapāraṃ paramaṃ khemaṃ nibbānaṃ gato, tiṇṇoti vā sabbaññutaṃ patto, pāragatoti arahattaṃ patto . Kiṃ vineyya pāragatoti ce? Vineyya oghaṃ, kāmoghādicatubbidhaṃ oghaṃ taritvā atikkamma taṃ pāraṃ gatoti. Idāni ca pana me puna taritabbābhāvato attho bhisiyā na vijjati, tasmā mameva yuttaṃ vattuṃ ‘‘atha ce patthayasī pavassa devā’’ti.
22. д̇амби суд̇ваа д̇ханияо буриманаязнзва ‘‘г̇обий мама ассаваа’’д̇и имам̣ г̇аат̇ам̣ абхааси. д̇ад̇т̇а г̇обийд̇и бхарияам̣ нид̣̇д̣̇исад̇и. ассаваад̇и важанагараа гим̣гаарабадисаавиний. алолаад̇и маад̇уг̇аамо хи бан̃жахи лолад̇аахи лоло ход̇и – аахааралолад̇ааяа, алан̇гааралолад̇ааяа, барабурисалолад̇ааяа, д̇ханалолад̇ааяа, баад̣̇алолад̇ааяа. д̇ат̇аа хи маад̇уг̇аамо бхад̇д̇абуувасураад̣̇ибхзд̣̇з аахаарз лолад̇ааяа анд̇амасо баариваасигабхад̇д̇амби бхун̃ж̇ад̇и, хад̇т̇од̇аабагамби каад̣̇ад̇и, д̣̇иг̇ун̣ам̣ д̇ханамануббад̣̇ад̇вааби сурам̣ бивад̇и. алан̇гааралолад̇ааяа ан̃н̃ам̣ алан̇гаарам̣ алабхамаано анд̇амасо уд̣̇агад̇злагзнаби гзсз осан̣д̣зд̇ваа мукам̣ баримаж̇ж̇ад̇и. барабурисалолад̇ааяа анд̇амасо буд̇д̇знаби д̇аад̣̇исз бад̣̇зсз баггосияамаано батамам̣ асад̣̇д̇хаммавасзна жинд̇зд̇и. д̇ханалолад̇ааяа ‘‘хам̣сарааж̇ам̣ г̇ахзд̇ваана суван̣н̣аа барихааяат̇а’’. баад̣̇алолад̇ааяа аараамаад̣̇иг̇аманасийло худ̇ваа саб̣б̣ам̣ д̇ханам̣ винаасзд̇и. д̇ад̇т̇а д̇ханияо ‘‘згааби лолад̇аа маяхам̣ г̇обияаа над̇т̇ий’’д̇и д̣̇ассзнд̇о алолаад̇и ааха.
22. Tampi sutvā dhaniyo purimanayeneva ‘‘gopī mama assavā’’ti imaṃ gāthaṃ abhāsi. Tattha gopīti bhariyaṃ niddisati. Assavāti vacanakarā kiṃkārapaṭisāvinī. Alolāti mātugāmo hi pañcahi lolatāhi lolo hoti – āhāralolatāya, alaṅkāralolatāya, parapurisalolatāya, dhanalolatāya, pādalolatāya. Tathā hi mātugāmo bhattapūvasurādibhede āhāre lolatāya antamaso pārivāsikabhattampi bhuñjati, hatthotāpakampi khādati, diguṇaṃ dhanamanuppadatvāpi suraṃ pivati. Alaṅkāralolatāya aññaṃ alaṅkāraṃ alabhamāno antamaso udakatelakenapi kese osaṇḍetvā mukhaṃ parimajjati. Parapurisalolatāya antamaso puttenapi tādise padese pakkosiyamāno paṭhamaṃ asaddhammavasena cinteti. Dhanalolatāya ‘‘haṃsarājaṃ gahetvāna suvaṇṇā parihāyatha’’. Pādalolatāya ārāmādigamanasīlo hutvā sabbaṃ dhanaṃ vināseti. Tattha dhaniyo ‘‘ekāpi lolatā mayhaṃ gopiyā natthī’’ti dassento alolāti āha.
д̣̇ийгхарад̇д̇ам̣ сам̣ваасияаад̇и д̣̇ийгхагаалам̣ сад̣̇д̇хим̣ васамаанаа гомаарабхаавад̇о бабхуд̇и згад̇о вад̣дхид̇аа. д̇зна барабурисз на ж̇аанаад̇ийд̇и д̣̇ассзд̇и. манаабаад̇и звам̣ барабурисз аж̇аананд̇ий мамзва манам̣ аллийяад̇ийд̇и д̣̇ассзд̇и. д̇ассаа на сун̣аами гин̃жи баабанд̇и ‘‘ид̇т̇аннаамзна наама сад̣̇д̇хим̣ имааяа хасид̇ам̣ ваа лабид̇ам̣ ваа’’д̇и звам̣ д̇ассаа на сун̣аами, ган̃жи ад̇ижаарад̣̇осанд̇и д̣̇ассзд̇и.
Dīgharattaṃ saṃvāsiyāti dīghakālaṃ saddhiṃ vasamānā komārabhāvato pabhuti ekato vaḍḍhitā. Tena parapurise na jānātīti dasseti. Manāpāti evaṃ parapurise ajānantī mameva manaṃ allīyatīti dasseti. Tassā na suṇāmi kiñci pāpanti ‘‘itthannāmena nāma saddhiṃ imāya hasitaṃ vā lapitaṃ vā’’ti evaṃ tassā na suṇāmi, kañci aticāradosanti dasseti.
23. ат̇а бхаг̇аваа зд̇зхи г̇ун̣зхи г̇обияаа д̇удтам̣ д̇ханияам̣ овад̣̇анд̇о буриманаязнзва ‘‘жид̇д̇ам̣ мама ассава’’нд̇и имам̣ г̇аат̇амабхааси, ад̇т̇асабхааг̇ам̣, б̣яан̃ж̇анасабхааг̇ан̃жа. д̇ад̇т̇а уд̇д̇аанад̇т̇аанзва бад̣̇аани. аяам̣ бана ад̇хиббааяо – д̇ханияа, д̇вам̣ ‘‘г̇обий мама ассаваа’’д̇и д̇удто, саа бана д̇з ассаваа бхавзяяа ваа на ваа; д̣̇уж̇ж̇аанам̣ баражид̇д̇ам̣, висзсад̇о маад̇уг̇аамасса. маад̇уг̇ааман̃хи гужчияаа барихаранд̇ааби рагкид̇ум̣ на саггонд̇и, звам̣ д̣̇урагкажид̇д̇ад̇д̇аа зва на саггаа д̇умхаад̣̇исзхи ид̇т̇ий алолаад̇и ваа сам̣ваасияаад̇и ваа манаабаад̇и ваа ниббаабаад̇и ваа ж̇аанид̇ум̣. маяхам̣ бана жид̇д̇ам̣ ассавам̣ оваад̣̇абадигарам̣ мама васз вад̇д̇ад̇и, наахам̣ д̇асса васз вад̇д̇аами. со жасса ассавабхааво яамагабаадихаарияз чаннам̣ ван̣н̣аанам̣ аг̇г̇ид̇хаараасу жа уд̣̇агад̇хаараасу жа бавад̇д̇амаанаасу саб̣б̣аж̇анасса баагадо ахоси. аг̇г̇иниммаанз хи д̇зж̇огасин̣ам̣ самаабаж̇ж̇ид̇аб̣б̣ам̣ уд̣̇аганиммаанз аабогасин̣ам̣, нийлаад̣̇иниммаанз нийлаад̣̇игасин̣аани. б̣уд̣̇д̇хаанамби хи д̣̇вз жид̇д̇аани згад̇о наббавад̇д̇анд̇и, згамзва бана ассавабхаавзна звам̣ васавад̇д̇и ахоси. д̇ан̃жа ко бана саб̣б̣агилзсаб̣анд̇ханаабаг̇амаа вимуд̇д̇ам̣, вимуд̇д̇ад̇д̇аа д̇ад̣̇зва алолам̣, на д̇ава г̇обий. д̣̇ийбан̇гараб̣уд̣̇д̇хагаалад̇о жа бабхуд̇и д̣̇аанасийлаад̣̇ийхи д̣̇ийгхарад̇д̇ам̣ барибхаавид̇ад̇д̇аа сам̣ваасияам̣, на д̇ава г̇обий. д̇ад̣̇зд̇ам̣ ануд̇д̇арзна д̣̇амат̇зна д̣̇амид̇ад̇д̇аа суд̣̇анд̇ам̣, суд̣̇анд̇ад̇д̇аа ад̇д̇ано васзна чад̣̇ваарависзванам̣ бахааяа мамзва ад̇хиббааяаманасса васзнаанувад̇д̇анад̇о манаабам̣, на д̇ава г̇обий.
23. Atha bhagavā etehi guṇehi gopiyā tuṭṭhaṃ dhaniyaṃ ovadanto purimanayeneva ‘‘cittaṃ mama assava’’nti imaṃ gāthamabhāsi, atthasabhāgaṃ, byañjanasabhāgañca. Tattha uttānatthāneva padāni. Ayaṃ pana adhippāyo – dhaniya, tvaṃ ‘‘gopī mama assavā’’ti tuṭṭho, sā pana te assavā bhaveyya vā na vā; dujjānaṃ paracittaṃ, visesato mātugāmassa. Mātugāmañhi kucchiyā pariharantāpi rakkhituṃ na sakkonti, evaṃ durakkhacittattā eva na sakkā tumhādisehi itthī alolāti vā saṃvāsiyāti vā manāpāti vā nippāpāti vā jānituṃ. Mayhaṃ pana cittaṃ assavaṃ ovādapaṭikaraṃ mama vase vattati, nāhaṃ tassa vase vattāmi. So cassa assavabhāvo yamakapāṭihāriye channaṃ vaṇṇānaṃ aggidhārāsu ca udakadhārāsu ca pavattamānāsu sabbajanassa pākaṭo ahosi. Agginimmāne hi tejokasiṇaṃ samāpajjitabbaṃ udakanimmāne āpokasiṇaṃ, nīlādinimmāne nīlādikasiṇāni. Buddhānampi hi dve cittāni ekato nappavattanti, ekameva pana assavabhāvena evaṃ vasavatti ahosi. Tañca kho pana sabbakilesabandhanāpagamā vimuttaṃ, vimuttattā tadeva alolaṃ, na tava gopī. Dīpaṅkarabuddhakālato ca pabhuti dānasīlādīhi dīgharattaṃ paribhāvitattā saṃvāsiyaṃ, na tava gopī. Tadetaṃ anuttarena damathena damitattā sudantaṃ, sudantattā attano vasena chadvāravisevanaṃ pahāya mameva adhippāyamanassa vasenānuvattanato manāpaṃ, na tava gopī.
баабам̣ бана мз на виж̇ж̇ад̇ийд̇и иминаа бана бхаг̇аваа д̇асса ад̇д̇ано жид̇д̇асса баабаабхаавам̣ д̣̇ассзд̇и, д̇ханияо вияа г̇обияаа. со жасса баабаабхааво на гзвалам̣ саммаасамб̣уд̣̇д̇хагаалзязва, згуунад̇им̣са вассаани сарааг̇аад̣̇игаалз аг̇аарамаж̇жхз васанд̇ассааби взд̣̇ид̇аб̣б̣о. д̇ад̣̇ааби хисса аг̇аарияабхааваануруубам̣ вин̃н̃убадигудтам̣ гааяад̣̇ужжарид̇ам̣ ваа важийд̣̇ужжарид̇ам̣ ваа манод̣̇ужжарид̇ам̣ ваа на уббаннабуб̣б̣ам̣. д̇ад̇о барам̣ маароби чаб̣б̣ассаани анабхисамб̣уд̣̇д̇хам̣, згам̣ вассам̣ абхисамб̣уд̣̇д̇ханд̇и сад̇д̇а вассаани д̇ат̇ааг̇ад̇ам̣ ануб̣анд̇хи ‘‘аббзва наама ваалаг̇г̇анид̇уд̣̇анамад̇д̇амбисса баабасамаажаарам̣ бассзяяа’’нд̇и. со ад̣̇исваава ниб̣б̣инно имам̣ г̇аат̇ам̣ абхааси –
Pāpaṃ pana me na vijjatīti iminā pana bhagavā tassa attano cittassa pāpābhāvaṃ dasseti, dhaniyo viya gopiyā. So cassa pāpābhāvo na kevalaṃ sammāsambuddhakāleyeva, ekūnatiṃsa vassāni sarāgādikāle agāramajjhe vasantassāpi veditabbo. Tadāpi hissa agāriyabhāvānurūpaṃ viññupaṭikuṭṭhaṃ kāyaduccaritaṃ vā vacīduccaritaṃ vā manoduccaritaṃ vā na uppannapubbaṃ. Tato paraṃ māropi chabbassāni anabhisambuddhaṃ, ekaṃ vassaṃ abhisambuddhanti satta vassāni tathāgataṃ anubandhi ‘‘appeva nāma vālagganitudanamattampissa pāpasamācāraṃ passeyya’’nti. So adisvāva nibbinno imaṃ gāthaṃ abhāsi –
‘‘сад̇д̇а вассаани бхаг̇аванд̇ам̣, ануб̣анд̇хим̣ бад̣̇аабад̣̇ам̣;
‘‘Satta vassāni bhagavantaṃ, anubandhiṃ padāpadaṃ;
од̇аарам̣ наад̇хиг̇ажчиссам̣, самб̣уд̣̇д̇хасса сад̇иймад̇о’’д̇и. (су. ни. 448);
Otāraṃ nādhigacchissaṃ, sambuddhassa satīmato’’ti. (su. ni. 448);
б̣уд̣̇д̇хагаалзби нам̣ уд̇д̇арамаан̣аво сад̇д̇а маасаани ануб̣анд̇хи аабхисамаажааригам̣ д̣̇адтугаамо. со гин̃жи важ̇ж̇ам̣ ад̣̇исваава барисуд̣̇д̇хасамаажааро бхаг̇аваад̇и г̇ад̇о. жад̇д̇аари хи д̇ат̇ааг̇ад̇асса арагкзяяаани. яат̇ааха –
Buddhakālepi naṃ uttaramāṇavo satta māsāni anubandhi ābhisamācārikaṃ daṭṭhukāmo. So kiñci vajjaṃ adisvāva parisuddhasamācāro bhagavāti gato. Cattāri hi tathāgatassa arakkheyyāni. Yathāha –
‘‘жад̇д̇ааримаани , бхигкавз, д̇ат̇ааг̇ад̇асса арагкзяяаани. гад̇амаани жад̇д̇аари? барисуд̣̇д̇хагааяасамаажааро, бхигкавз, д̇ат̇ааг̇ад̇о, над̇т̇и д̇ат̇ааг̇ад̇асса гааяад̣̇ужжарид̇ам̣, яам̣ д̇ат̇ааг̇ад̇о рагкзяяа ‘маа мз ид̣̇ам̣ баро ан̃н̃аасий’д̇и, барисуд̣̇д̇хаважийсамаажааро…бз… барисуд̣̇д̇хаманосамаажааро…бз… барисуд̣̇д̇хааж̇ийво, бхигкавз, д̇ат̇ааг̇ад̇о, над̇т̇и д̇ат̇ааг̇ад̇асса мижчааж̇ийво, яам̣ д̇ат̇ааг̇ад̇о рагкзяяа ‘маа мз ид̣̇ам̣ баро ан̃н̃аасий’’’д̇и (а. ни. 7.58).
‘‘Cattārimāni , bhikkhave, tathāgatassa arakkheyyāni. Katamāni cattāri? Parisuddhakāyasamācāro, bhikkhave, tathāgato, natthi tathāgatassa kāyaduccaritaṃ, yaṃ tathāgato rakkheyya ‘mā me idaṃ paro aññāsī’ti, parisuddhavacīsamācāro…pe… parisuddhamanosamācāro…pe… parisuddhājīvo, bhikkhave, tathāgato, natthi tathāgatassa micchājīvo, yaṃ tathāgato rakkheyya ‘mā me idaṃ paro aññāsī’’’ti (a. ni. 7.58).
звам̣ яасмаа д̇ат̇ааг̇ад̇асса жид̇д̇асса на гзвалам̣ саммаасамб̣уд̣̇д̇хагаалз, буб̣б̣зби баабам̣ над̇т̇и зва, д̇асмаа ааха – ‘‘баабам̣ бана мз на виж̇ж̇ад̇ий’’д̇и. д̇ассаад̇хиббааяо – мамзва жид̇д̇асса баабам̣ на саггаа сун̣ид̇ум̣, на д̇ава г̇обияаа. д̇асмаа яад̣̇и зд̇зхи г̇ун̣зхи д̇удтзна ‘‘ат̇а жз бад̇т̇аяасий бавасса д̣̇зваа’’д̇и вад̇д̇аб̣б̣ам̣, маяаавзд̇ам̣ вад̇д̇аб̣б̣анд̇и.
Evaṃ yasmā tathāgatassa cittassa na kevalaṃ sammāsambuddhakāle, pubbepi pāpaṃ natthi eva, tasmā āha – ‘‘pāpaṃ pana me na vijjatī’’ti. Tassādhippāyo – mameva cittassa pāpaṃ na sakkā suṇituṃ, na tava gopiyā. Tasmā yadi etehi guṇehi tuṭṭhena ‘‘atha ce patthayasī pavassa devā’’ti vattabbaṃ, mayāvetaṃ vattabbanti.
24. д̇амби суд̇ваа д̇ханияо д̇ад̇уд̇д̇ариби субхаасид̇арасааяанам̣ бивид̇угаамо ад̇д̇ано бхуж̇иссабхаавам̣ д̣̇ассзнд̇о ааха ‘‘ад̇д̇авзд̇анабхад̇охамасмий’’д̇и. д̇ад̇т̇а ад̇д̇авзд̇анабхад̇од̇и ад̇д̇аниязнзва гхаасажчаад̣̇анзна бхад̇о, ад̇д̇аноязва гаммам̣ гад̇ваа ж̇ийваами, на барасса взд̇анам̣ г̇ахзд̇ваа барасса гаммам̣ гаромийд̇и д̣̇ассзд̇и. буд̇д̇аад̇и д̇хийд̇аро жа буд̇д̇аа жа, д̇з саб̣б̣з буд̇д̇аад̇взва згаж̇жхам̣ вужжанд̇и. самаанияаад̇и саннихид̇аа авиббавудтаа. арог̇аад̇и нирааб̣аад̇хаа, саб̣б̣зва ууруб̣аахуб̣алаад̇и д̣̇ассзд̇и. д̇зсам̣ на сун̣аами гин̃жи баабанд̇и д̇зсам̣ жораад̇и ваа барад̣̇ааригаад̇и ваа д̣̇уссийлаад̇и ваа гин̃жи баабам̣ на сун̣аамийд̇и.
24. Tampi sutvā dhaniyo tatuttaripi subhāsitarasāyanaṃ pivitukāmo attano bhujissabhāvaṃ dassento āha ‘‘attavetanabhatohamasmī’’ti. Tattha attavetanabhatoti attaniyeneva ghāsacchādanena bhato, attanoyeva kammaṃ katvā jīvāmi, na parassa vetanaṃ gahetvā parassa kammaṃ karomīti dasseti. Puttāti dhītaro ca puttā ca, te sabbe puttātveva ekajjhaṃ vuccanti. Samāniyāti sannihitā avippavuṭṭhā. Arogāti nirābādhā, sabbeva ūrubāhubalāti dasseti. Tesaṃ na suṇāmi kiñci pāpanti tesaṃ corāti vā paradārikāti vā dussīlāti vā kiñci pāpaṃ na suṇāmīti.
25. звам̣ вуд̇д̇з бхаг̇аваа буриманаязнзва д̇ханияам̣ овад̣̇анд̇о имам̣ г̇аат̇ам̣ абхааси – ‘‘наахам̣ бхад̇аго’’д̇и. ад̇рааби уд̇д̇аанад̇т̇аанзва бад̣̇аани. аяам̣ бана ад̇хиббааяо – д̇вам̣ ‘‘бхуж̇иссохамасмий’’д̇и манд̇ваа д̇удто, барамад̇т̇ад̇о жа ад̇д̇ано гаммам̣ гарид̇ваа ж̇ийванд̇оби д̣̇аасо звааси д̇ан̣хаад̣̇аасад̇д̇аа, бхад̇агаваад̣̇аа жа на баримужжаси. вуд̇д̇ан̃хзд̇ам̣ ‘‘ууно лого ад̇ид̇д̇о д̇ан̣хаад̣̇аасо’’д̇и (ма. ни. 2.305). барамад̇т̇ад̇о бана наахам̣ бхад̇агосми гассажи. ахан̃хи гассажи барасса ваа ад̇д̇ано ваа бхад̇аго на хоми. гим̣ гааран̣аа? яасмаа ниб̣б̣идтзна жараами саб̣б̣алогз. ахан̃хи д̣̇ийбан̇гарабаад̣̇амуулад̇о яаава б̣од̇хи, д̇аава саб̣б̣ан̃н̃уд̇ан̃н̃аан̣асса бхад̇аго ахосим̣. саб̣б̣ан̃н̃уд̇ам̣ бад̇д̇о бана ниб̣б̣идто ниб̣б̣исо рааж̇абхад̇о вияа. д̇знзва ниб̣б̣идтзна саб̣б̣ан̃н̃убхаавзна логуд̇д̇арасамаад̇хисукзна жа ж̇ийваами. д̇асса мз ид̣̇аани уд̇д̇аригаран̣ийяасса гад̇абарижаяасса ваа абхаавад̇о аббахийнабадисанд̇хигаанам̣ д̇аад̣̇исаанам̣ вияа бад̇д̇аб̣б̣о гожи ад̇т̇о бхад̇ияаа на виж̇ж̇ад̇и. ‘‘бхадияаа’’д̇иби баато. д̇асмаа яад̣̇и бхуж̇иссад̇ааяа д̇удтзна ‘‘ат̇а жз бад̇т̇аяасий бавасса д̣̇зваа’’д̇и вад̇д̇аб̣б̣ам̣, маяаавзд̇ам̣ вад̇д̇аб̣б̣анд̇и.
25. Evaṃ vutte bhagavā purimanayeneva dhaniyaṃ ovadanto imaṃ gāthaṃ abhāsi – ‘‘nāhaṃ bhatako’’ti. Atrāpi uttānatthāneva padāni. Ayaṃ pana adhippāyo – tvaṃ ‘‘bhujissohamasmī’’ti mantvā tuṭṭho, paramatthato ca attano kammaṃ karitvā jīvantopi dāso evāsi taṇhādāsattā, bhatakavādā ca na parimuccasi. Vuttañhetaṃ ‘‘ūno loko atitto taṇhādāso’’ti (ma. ni. 2.305). Paramatthato pana nāhaṃ bhatakosmi kassaci. Ahañhi kassaci parassa vā attano vā bhatako na homi. Kiṃ kāraṇā? Yasmā nibbiṭṭhena carāmi sabbaloke. Ahañhi dīpaṅkarapādamūlato yāva bodhi, tāva sabbaññutaññāṇassa bhatako ahosiṃ. Sabbaññutaṃ patto pana nibbiṭṭho nibbiso rājabhato viya. Teneva nibbiṭṭhena sabbaññubhāvena lokuttarasamādhisukhena ca jīvāmi. Tassa me idāni uttarikaraṇīyassa kataparicayassa vā abhāvato appahīnapaṭisandhikānaṃ tādisānaṃ viya pattabbo koci attho bhatiyā na vijjati. ‘‘Bhaṭiyā’’tipi pāṭho. Tasmā yadi bhujissatāya tuṭṭhena ‘‘atha ce patthayasī pavassa devā’’ti vattabbaṃ, mayāvetaṃ vattabbanti.
26. д̇амби суд̇ваа д̇ханияо ад̇ид̇д̇ова субхаасид̇аамад̇зна ад̇д̇ано бан̃жаббагаараг̇оман̣д̣алабарибун̣н̣абхаавам̣ д̣̇ассзнд̇о ааха ‘‘ад̇т̇и васаа’’д̇и. д̇ад̇т̇а васаад̇и ад̣̇амид̇авуд̣дхаважчагаа. д̇хзнубаад̇и д̇хзнум̣ биванд̇аа д̇арун̣аважчагаа, кийрад̣̇ааяигаа ваа г̇ааво. г̇од̇харан̣ияод̇и г̇аб̣бхинияо. бавзн̣ияод̇и ваяаббад̇д̇аа б̣алийб̣ад̣̇д̣̇зхи сад̣̇д̇хим̣ мзт̇унабад̇т̇анагаг̇ааво. усабхоби г̇авамбад̇ийд̇и яо г̇обаалагзхи баад̇о зва нхаабзд̇ваа, бхож̇зд̇ваа, бан̃жан̇г̇улам̣ д̣̇ад̇ваа, маалам̣ б̣анд̇хид̇ваа – ‘‘зхи, д̇аад̇а, г̇ааво г̇ожарам̣ баабзд̇ваа рагкид̇ваа аанзхий’’д̇и бзсийяад̇и, звам̣ бзсид̇о жа д̇аа г̇ааво аг̇ожарам̣ барихарид̇ваа, г̇ожарз жаарзд̇ваа, сийхаб̣яаг̇гхаад̣̇ибхаяаа барид̇д̇ааяид̇ваа аанзд̇и, д̇ат̇ааруубо усабхоби г̇авамбад̇и ид̇ха маяхам̣ г̇оман̣д̣алз ад̇т̇ийд̇и д̣̇ассзси.
26. Tampi sutvā dhaniyo atittova subhāsitāmatena attano pañcappakāragomaṇḍalaparipuṇṇabhāvaṃ dassento āha ‘‘atthi vasā’’ti. Tattha vasāti adamitavuḍḍhavacchakā. Dhenupāti dhenuṃ pivantā taruṇavacchakā, khīradāyikā vā gāvo. Godharaṇiyoti gabbhiniyo. Paveṇiyoti vayappattā balībaddehi saddhiṃ methunapatthanakagāvo. Usabhopi gavampatīti yo gopālakehi pāto eva nhāpetvā, bhojetvā, pañcaṅgulaṃ datvā, mālaṃ bandhitvā – ‘‘ehi, tāta, gāvo gocaraṃ pāpetvā rakkhitvā ānehī’’ti pesīyati, evaṃ pesito ca tā gāvo agocaraṃ pariharitvā, gocare cāretvā, sīhabyagghādibhayā parittāyitvā āneti, tathārūpo usabhopi gavampati idha mayhaṃ gomaṇḍale atthīti dassesi.
27. звам̣ вуд̇д̇з бхаг̇аваа д̇ат̇зва д̇ханияам̣ овад̣̇анд̇о имам̣ бажжанийгаг̇аат̇ам̣ ааха ‘‘над̇т̇и васаа’’д̇и. зд̇т̇а жзса ад̇хиббааяо – ид̇ха амхаагам̣ саасанз ад̣̇амид̇адтзна вуд̣дхадтзна жа васаасан̇каад̇аа барияудтаанаа ваа, д̇арун̣аважчагз санд̇хааяа васаанам̣ мууладтзна кийрад̣̇ааяинияо санд̇хааяа баг̇гхаран̣адтзна д̇хзнубаасан̇каад̇аа анусаяаа ваа, бадисанд̇хиг̇аб̣бхад̇хааран̣адтзна г̇од̇харан̣исан̇каад̇аа бун̃н̃аабун̃н̃аанзн̃ж̇аабхисан̇кааражзд̇анаа ваа, сам̣яог̇абад̇т̇анадтзна бавзн̣исан̇каад̇аа бад̇т̇анаа д̇ан̣хаа ваа, аад̇хибажжадтзна буб̣б̣ан̇г̇амадтзна сздтадтзна жа г̇авамбад̇иусабхасан̇каад̇ам̣ абхисан̇кааравин̃н̃аан̣ам̣ ваа над̇т̇и, сваахам̣ имааяа саб̣б̣аяог̇агкзмабхууд̇ааяа над̇т̇ид̇ааяа д̇удто. д̇вам̣ бана согаад̣̇ивад̇т̇убхууд̇ааяа ад̇т̇ид̇ааяа д̇удто . д̇асмаа саб̣б̣аяог̇агкзмад̇ааяа д̇удтасса мамзвзд̇ам̣ яуд̇д̇ам̣ вад̇д̇ум̣ ‘‘ат̇а жз бад̇т̇аяасий бавасса д̣̇зваа’’д̇и.
27. Evaṃ vutte bhagavā tatheva dhaniyaṃ ovadanto imaṃ paccanīkagāthaṃ āha ‘‘natthi vasā’’ti. Ettha cesa adhippāyo – idha amhākaṃ sāsane adamitaṭṭhena vuḍḍhaṭṭhena ca vasāsaṅkhātā pariyuṭṭhānā vā, taruṇavacchake sandhāya vasānaṃ mūlaṭṭhena khīradāyiniyo sandhāya paggharaṇaṭṭhena dhenupāsaṅkhātā anusayā vā, paṭisandhigabbhadhāraṇaṭṭhena godharaṇisaṅkhātā puññāpuññāneñjābhisaṅkhāracetanā vā, saṃyogapatthanaṭṭhena paveṇisaṅkhātā patthanā taṇhā vā, ādhipaccaṭṭhena pubbaṅgamaṭṭhena seṭṭhaṭṭhena ca gavampatiusabhasaṅkhātaṃ abhisaṅkhāraviññāṇaṃ vā natthi, svāhaṃ imāya sabbayogakkhemabhūtāya natthitāya tuṭṭho. Tvaṃ pana sokādivatthubhūtāya atthitāya tuṭṭho . Tasmā sabbayogakkhematāya tuṭṭhassa mamevetaṃ yuttaṃ vattuṃ ‘‘atha ce patthayasī pavassa devā’’ti.
28. д̇амби суд̇ваа д̇ханияо д̇ад̇уд̇д̇ариби субхаасид̇ам̣ амад̇арасам̣ ад̇хиг̇анд̇угаамо ад̇д̇ано г̇ог̇ан̣асса килаб̣анд̇ханасамбад̇д̇им̣ д̣̇ассзнд̇о ааха ‘‘килаа никаад̇аа’’д̇и. д̇ад̇т̇а килаад̇и г̇уннам̣ б̣анд̇ханад̇т̇амбхаа. никаад̇аад̇и аагодзд̇ваа бхуумияам̣ бавзсид̇аа куд̣̇д̣̇агаа маханд̇аа кан̣ид̇ваа табид̇аа. асамбавзд̇хийд̇и агамбагаа. д̣̇аамаад̇и важчагаанам̣ б̣анд̇ханад̇т̇ааяа гад̇аа г̇ант̇ид̇абаасаяуд̇д̇аа раж̇ж̇уб̣анд̇ханависзсаа. мун̃ж̇амаяаад̇и мун̃ж̇ад̇ин̣амаяаа. наваад̇и ажирагад̇аа. сусан̣таанаад̇и судту сан̣таанаа, суваддид̇асан̣таанаа ваа. на хи сагкинд̇ийд̇и нзва сагкиссанд̇и. д̇хзнубааби чзд̇д̇унд̇и д̇арун̣аважчагааби чинд̣̇ид̇ум̣.
28. Tampi sutvā dhaniyo tatuttaripi subhāsitaṃ amatarasaṃ adhigantukāmo attano gogaṇassa khilabandhanasampattiṃ dassento āha ‘‘khilā nikhātā’’ti. Tattha khilāti gunnaṃ bandhanatthambhā. Nikhātāti ākoṭetvā bhūmiyaṃ pavesitā khuddakā mahantā khaṇitvā ṭhapitā. Asampavedhīti akampakā. Dāmāti vacchakānaṃ bandhanatthāya katā ganthitapāsayuttā rajjubandhanavisesā. Muñjamayāti muñjatiṇamayā. Navāti acirakatā. Susaṇṭhānāti suṭṭhu saṇṭhānā, suvaṭṭitasaṇṭhānā vā. Na hi sakkhintīti neva sakkhissanti. Dhenupāpi chettunti taruṇavacchakāpi chindituṃ.
29. звам̣ вуд̇д̇з бхаг̇аваа д̇ханияасса инд̣̇рияа-барибаагагаалам̣ н̃ад̇ваа буриманаязнзва д̇ам̣ овад̣̇анд̇о имам̣ жад̇усажжад̣̇ийбигам̣ г̇аат̇ам̣ абхааси ‘‘усабхорива чзд̇ваа’’д̇и. д̇ад̇т̇а усабход̇и г̇обид̇аа г̇обарин̣ааяаго г̇ояуут̇абад̇и б̣алийб̣ад̣̇д̣̇о. гзжи бана бхан̣анд̇и ‘‘г̇авасад̇аж̇здто усабхо, сахассаж̇здто васабхо, сад̇асахассаж̇здто нисабхо’’д̇и. абарз ‘‘згаг̇аамакзд̇д̇з ж̇здто усабхо, д̣̇вийсу ж̇здто васабхо, саб̣б̣ад̇т̇а аббадихад̇о нисабхо’’д̇и. саб̣б̣збзд̇з бабан̃жаа, абижа ко бана усабход̇и ваа васабход̇и ваа нисабход̇и ваа саб̣б̣збзд̇з аббадисамадтзна взд̣̇ид̇аб̣б̣аа. яат̇ааха – ‘‘нисабхо вад̇а бхо саман̣о г̇од̇амо’’д̇и (сам̣. ни. 1.38). ра-гааро бад̣̇асанд̇хигаро. б̣анд̇ханаанийд̇и раж̇ж̇уб̣анд̇ханаани гилзсаб̣анд̇ханаани жа. нааг̇од̇и хад̇т̇ий. бууд̇илад̇анд̇и г̇ал̣ожийлад̇ам̣. яат̇аа хи суван̣н̣аван̣н̣оби гааяо бууд̇игааяо, вассасад̇игоби сунако гуггуро, д̇ад̣̇ахуж̇аад̇оби син̇г̇аало ‘‘ж̇арасин̇г̇аало’’д̇и вужжад̇и, звам̣ абхинавааби г̇ал̣ожийлад̇аа асаарагад̇д̇зна ‘‘бууд̇илад̇аа’’д̇и вужжад̇и. д̣̇аалаяид̇ваад̇и чинд̣̇ид̇ваа. г̇аб̣бхан̃жа сзяяан̃жа г̇аб̣бхасзяяам̣. д̇ад̇т̇а г̇аб̣бхаг̇г̇ахан̣зна ж̇алааб̣уж̇аяони, сзяяаг̇г̇ахан̣зна авасзсаа. г̇аб̣бхасзяяамукзна ваа саб̣б̣ааби д̇аа вуд̇д̇аад̇и взд̣̇ид̇аб̣б̣аа. сзсамзд̇т̇а бад̣̇ад̇т̇ад̇о уд̇д̇аанамзва.
29. Evaṃ vutte bhagavā dhaniyassa indriya-paripākakālaṃ ñatvā purimanayeneva taṃ ovadanto imaṃ catusaccadīpikaṃ gāthaṃ abhāsi ‘‘usabhoriva chetvā’’ti. Tattha usabhoti gopitā gopariṇāyako goyūthapati balībaddo. Keci pana bhaṇanti ‘‘gavasatajeṭṭho usabho, sahassajeṭṭho vasabho, satasahassajeṭṭho nisabho’’ti. Apare ‘‘ekagāmakhette jeṭṭho usabho, dvīsu jeṭṭho vasabho, sabbattha appaṭihato nisabho’’ti. Sabbepete papañcā, apica kho pana usabhoti vā vasabhoti vā nisabhoti vā sabbepete appaṭisamaṭṭhena veditabbā. Yathāha – ‘‘nisabho vata bho samaṇo gotamo’’ti (saṃ. ni. 1.38). Ra-kāro padasandhikaro. Bandhanānīti rajjubandhanāni kilesabandhanāni ca. Nāgoti hatthī. Pūtilatanti gaḷocīlataṃ. Yathā hi suvaṇṇavaṇṇopi kāyo pūtikāyo, vassasatikopi sunakho kukkuro, tadahujātopi siṅgālo ‘‘jarasiṅgālo’’ti vuccati, evaṃ abhinavāpi gaḷocīlatā asārakattena ‘‘pūtilatā’’ti vuccati. Dālayitvāti chinditvā. Gabbhañca seyyañca gabbhaseyyaṃ. Tattha gabbhaggahaṇena jalābujayoni, seyyaggahaṇena avasesā. Gabbhaseyyamukhena vā sabbāpi tā vuttāti veditabbā. Sesamettha padatthato uttānameva.
аяам̣ банзд̇т̇а ад̇хиббааяо – д̇ханияа, д̇вам̣ б̣анд̇ханзна д̇удто, ахам̣ бана б̣анд̇ханзна аддийяанд̇о т̇аамавийрияуубзд̇о махааусабхорива б̣анд̇ханаани бан̃жуд̣̇д̇хамбхааг̇ияасам̣яож̇анаани жад̇уд̇т̇аарияамаг̇г̇ат̇аамавийриязна чзд̇ваа, нааг̇о бууд̇илад̇ам̣ва бан̃жорамбхааг̇ияасам̣яож̇анаб̣анд̇ханаани хздтаамаг̇г̇ад̇д̇аяат̇аамавийриязна д̣̇аалаяид̇ваа, ат̇а ваа усабхорива б̣анд̇ханаани анусаяз нааг̇о бууд̇илад̇ам̣ва барияудтаанаани чзд̇ваа д̣̇аалаяид̇ваава тид̇о. д̇асмаа на буна г̇аб̣бхасзяяам̣ убзссам̣. сохам̣ ж̇аад̇ид̣̇угкавад̇т̇угзхи саб̣б̣ад̣̇угкзхи баримуд̇д̇о собхаами – ‘‘ат̇а жз бад̇т̇аяасий бавасса д̣̇зваа’’д̇и вад̣̇амаано. д̇асмаа сажз д̇вамби ахам̣ вияа вад̇д̇умижчаси, чинд̣̇а д̇аани б̣анд̇ханаанийд̇и. зд̇т̇а жа б̣анд̇ханаани самуд̣̇аяасажжам̣, г̇аб̣бхасзяяаа д̣̇угкасажжам̣, ‘‘на убзсса’’нд̇и зд̇т̇а анубаг̇амо анубаад̣̇исзсавасзна, ‘‘чзд̇ваа д̣̇аалаяид̇ваа’’д̇и зд̇т̇а чзд̣̇о бад̣̇ааланан̃жа саубаад̣̇исзсавасзна нирод̇хасажжам̣, язна чинд̣̇ад̇и бад̣̇аалзд̇и жа, д̇ам̣ маг̇г̇асажжанд̇и.
Ayaṃ panettha adhippāyo – dhaniya, tvaṃ bandhanena tuṭṭho, ahaṃ pana bandhanena aṭṭīyanto thāmavīriyūpeto mahāusabhoriva bandhanāni pañcuddhambhāgiyasaṃyojanāni catutthaariyamaggathāmavīriyena chetvā, nāgo pūtilataṃva pañcorambhāgiyasaṃyojanabandhanāni heṭṭhāmaggattayathāmavīriyena dālayitvā, atha vā usabhoriva bandhanāni anusaye nāgo pūtilataṃva pariyuṭṭhānāni chetvā dālayitvāva ṭhito. Tasmā na puna gabbhaseyyaṃ upessaṃ. Sohaṃ jātidukkhavatthukehi sabbadukkhehi parimutto sobhāmi – ‘‘atha ce patthayasī pavassa devā’’ti vadamāno. Tasmā sace tvampi ahaṃ viya vattumicchasi, chinda tāni bandhanānīti. Ettha ca bandhanāni samudayasaccaṃ, gabbhaseyyā dukkhasaccaṃ, ‘‘na upessa’’nti ettha anupagamo anupādisesavasena, ‘‘chetvā dālayitvā’’ti ettha chedo padālanañca saupādisesavasena nirodhasaccaṃ, yena chindati padāleti ca, taṃ maggasaccanti.
звамзд̇ам̣ жад̇усажжад̣̇ийбигам̣ г̇аат̇ам̣ суд̇ваа г̇аат̇аабарияосаанз д̇ханияо жа баж̇аабад̇и жасса д̣̇вз жа д̇хийд̇арод̇и жад̇д̇ааро ж̇анаа сод̇аабад̇д̇ипалз бад̇идтахим̣су. ат̇а д̇ханияо авзжжаббасаад̣̇аяог̇зна д̇ат̇ааг̇ад̇з муулаж̇аад̇ааяа бад̇идтид̇ааяа сад̣̇д̇хааяа бан̃н̃аажагкунаа бхаг̇авад̇о д̇хаммагааяам̣ д̣̇исваа д̇хаммад̇ааяа жод̣̇ид̇ахад̣̇аяо жинд̇зси – ‘‘б̣анд̇ханаани чинд̣̇им̣, г̇аб̣бхасзяяо жа мз над̇т̇ий’’д̇и авийжим̣ барияанд̇ам̣ гад̇ваа яаава бхаваг̇г̇аа го ан̃н̃о звам̣ сийханаад̣̇ам̣ над̣̇иссад̇и ан̃н̃ад̇ра бхаг̇авад̇аа, ааг̇ад̇о ну ко мз сад̇т̇аад̇и. д̇ад̇о бхаг̇аваа чаб̣б̣ан̣н̣арасмиж̇аалавижид̇рам̣ суван̣н̣арасасзгабин̃ж̇арам̣ вияа сарийраабхам̣ д̇ханияасса нивзсанз мун̃жи ‘‘басса д̣̇аани яат̇аасука’’нд̇и.
Evametaṃ catusaccadīpikaṃ gāthaṃ sutvā gāthāpariyosāne dhaniyo ca pajāpati cassa dve ca dhītaroti cattāro janā sotāpattiphale patiṭṭhahiṃsu. Atha dhaniyo aveccappasādayogena tathāgate mūlajātāya patiṭṭhitāya saddhāya paññācakkhunā bhagavato dhammakāyaṃ disvā dhammatāya coditahadayo cintesi – ‘‘bandhanāni chindiṃ, gabbhaseyyo ca me natthī’’ti avīciṃ pariyantaṃ katvā yāva bhavaggā ko añño evaṃ sīhanādaṃ nadissati aññatra bhagavatā, āgato nu kho me satthāti. Tato bhagavā chabbaṇṇarasmijālavicitraṃ suvaṇṇarasasekapiñjaraṃ viya sarīrābhaṃ dhaniyassa nivesane muñci ‘‘passa dāni yathāsukha’’nti.
30. ат̇а д̇ханияо анд̇о бавидтажанд̣̇имасуурияам̣ вияа саманд̇аа баж̇ж̇алид̇абад̣̇ийбасахассасамуж̇ж̇алид̇амива жа нивзсанам̣ д̣̇исваа ‘‘ааг̇ад̇о бхаг̇аваа’’д̇и жид̇д̇ам̣ уббаад̣̇зси. д̇асмим̣язва жа самаяз мзгхоби баавасси. д̇знааху сан̇г̇ийд̇игаараа ‘‘ниннан̃жа т̇алан̃жа буураяанд̇о’’д̇и. д̇ад̇т̇а ниннанд̇и баллалам̣. т̇аланд̇и уггуулам̣. звамзд̇ам̣ уггуулавигуулам̣ саб̣б̣амби самам̣ гад̇ваа буураяанд̇о махаамзгхо баавасси, вассид̇ум̣ аарабхийд̇и вуд̇д̇ам̣ ход̇и. д̇аавад̣̇зваад̇и яам̣ кан̣ам̣ бхаг̇аваа сарийраабхам̣ мун̃жи, д̇ханияо жа ‘‘сад̇т̇аа мз ааг̇ад̇о’’д̇и сад̣̇д̇хаамаяам̣ жид̇д̇аабхам̣ мун̃жи, д̇ам̣ кан̣ам̣ баавассийд̇и. гзжи бана ‘‘суурияуг̇г̇аманамби д̇асмим̣язва кан̣з’’д̇и ван̣н̣аяанд̇и.
30. Atha dhaniyo anto paviṭṭhacandimasūriyaṃ viya samantā pajjalitapadīpasahassasamujjalitamiva ca nivesanaṃ disvā ‘‘āgato bhagavā’’ti cittaṃ uppādesi. Tasmiṃyeva ca samaye meghopi pāvassi. Tenāhu saṅgītikārā ‘‘ninnañca thalañca pūrayanto’’ti. Tattha ninnanti pallalaṃ. Thalanti ukkūlaṃ. Evametaṃ ukkūlavikūlaṃ sabbampi samaṃ katvā pūrayanto mahāmegho pāvassi, vassituṃ ārabhīti vuttaṃ hoti. Tāvadevāti yaṃ khaṇaṃ bhagavā sarīrābhaṃ muñci, dhaniyo ca ‘‘satthā me āgato’’ti saddhāmayaṃ cittābhaṃ muñci, taṃ khaṇaṃ pāvassīti. Keci pana ‘‘sūriyuggamanampi tasmiṃyeva khaṇe’’ti vaṇṇayanti.
31-32. звам̣ д̇асмим̣ д̇ханияасса сад̣̇д̇хуббаад̣̇ад̇ат̇ааг̇ад̇обхаасапаран̣асуурияуг̇г̇аманагкан̣з вассад̇о д̣̇звасса сад̣̇д̣̇ам̣ суд̇ваа д̇ханияо бийд̇исоманассаж̇аад̇о имамад̇т̇ам̣ абхаасат̇а ‘‘лаабхаа вад̇а но анаббагаа’’д̇и д̣̇вз г̇аат̇аа вад̇д̇аб̣б̣аа.
31-32. Evaṃ tasmiṃ dhaniyassa saddhuppādatathāgatobhāsapharaṇasūriyuggamanakkhaṇe vassato devassa saddaṃ sutvā dhaniyo pītisomanassajāto imamatthaṃ abhāsatha ‘‘lābhā vata no anappakā’’ti dve gāthā vattabbā.
д̇ад̇т̇а яасмаа д̇ханияо сабуд̇д̇ад̣̇ааро бхаг̇авад̇о арияамаг̇г̇абадивзд̇хзна д̇хаммагааяам̣ д̣̇исваа, логуд̇д̇аражагкунаа руубагааяам̣ д̣̇исваа, логияажагкунаа сад̣̇д̇хаабадилаабхам̣ лабхи. д̇асмаа ааха – ‘‘лаабхаа вад̇а но анаббагаа, яз маяам̣ бхаг̇аванд̇ам̣ ад̣̇д̣̇асаамаа’’д̇и. д̇ад̇т̇а вад̇а ид̇и вимхаяад̇т̇з нибаад̇о. но ид̇и амхаагам̣. анаббагаад̇и вибулаа. сзсам̣ уд̇д̇аанамзва. саран̣ам̣ д̇ам̣ убзмаад̇и зд̇т̇а бана гин̃жааби маг̇г̇абадивзд̇хзнзвасса сид̣̇д̇хам̣ саран̣аг̇аманам̣, д̇ад̇т̇а бана нижчаяаг̇аманамзва г̇ад̇о, ид̣̇аани ваажааяа ад̇д̇асаннияяаад̇анам̣ гарод̇и. маг̇г̇авасзна ваа саннияяаад̇анасаран̣ад̇ам̣ ажаласаран̣ад̇ам̣ бад̇д̇о, д̇ам̣ барзсам̣ ваажааяа баагадам̣ гаронд̇о бан̣ибаад̇асаран̣аг̇аманам̣ г̇ажчад̇и. жагкумаад̇и бхаг̇аваа багад̇ид̣̇иб̣б̣абан̃н̃аасаманд̇аб̣уд̣̇д̇хажагкуухи бан̃жахи жагкуухи жагкумаа. д̇ам̣ аалабанд̇о ааха – ‘‘саран̣ам̣ д̇ам̣ убзма жагкумаа’’д̇и. ‘‘сад̇т̇аа но хохи д̇увам̣ махаамуний’’д̇и ид̣̇ам̣ бана важанам̣ сиссабхаавуубаг̇аманзнааби саран̣аг̇аманам̣ буурзд̇ум̣ бхан̣ад̇и, г̇обий жа ахан̃жа ассаваа, б̣рахмажарияам̣ суг̇ад̇з жараамасзд̇и ид̣̇ам̣ самаад̣̇аанавасзна.
Tattha yasmā dhaniyo saputtadāro bhagavato ariyamaggapaṭivedhena dhammakāyaṃ disvā, lokuttaracakkhunā rūpakāyaṃ disvā, lokiyacakkhunā saddhāpaṭilābhaṃ labhi. Tasmā āha – ‘‘lābhā vata no anappakā, ye mayaṃ bhagavantaṃ addasāmā’’ti. Tattha vata iti vimhayatthe nipāto. No iti amhākaṃ. Anappakāti vipulā. Sesaṃ uttānameva. Saraṇaṃ taṃ upemāti ettha pana kiñcāpi maggapaṭivedhenevassa siddhaṃ saraṇagamanaṃ, tattha pana nicchayagamanameva gato, idāni vācāya attasanniyyātanaṃ karoti. Maggavasena vā sanniyyātanasaraṇataṃ acalasaraṇataṃ patto, taṃ paresaṃ vācāya pākaṭaṃ karonto paṇipātasaraṇagamanaṃ gacchati. Cakkhumāti bhagavā pakatidibbapaññāsamantabuddhacakkhūhi pañcahi cakkhūhi cakkhumā. Taṃ ālapanto āha – ‘‘saraṇaṃ taṃ upema cakkhumā’’ti. ‘‘Satthā no hohi tuvaṃ mahāmunī’’ti idaṃ pana vacanaṃ sissabhāvūpagamanenāpi saraṇagamanaṃ pūretuṃ bhaṇati, gopī ca ahañca assavā, brahmacariyaṃsugate carāmaseti idaṃ samādānavasena.
д̇ад̇т̇а б̣рахмажарияанд̇и мзт̇унавирад̇имаг̇г̇асаман̣ад̇хаммасаасанасад̣̇аарасанд̇осаанамзд̇ам̣ ад̇хиважанам̣. ‘‘б̣рахмажаарий’’д̇и звамаад̣̇ийсу (ма. ни. 1.83) хи мзт̇унавирад̇и б̣рахмажарияанд̇и вужжад̇и. ‘‘ид̣̇ам̣ ко бана мз бан̃жасика, б̣рахмажарияам̣ зганд̇аниб̣б̣ид̣̇ааяаа’’д̇и звамаад̣̇ийсу (д̣̇ий. ни. 2.329) маг̇г̇о. ‘‘абхиж̇аанаами ко банаахам̣, саарибуд̇д̇а, жад̇уран̇г̇асаманнааг̇ад̇ам̣ б̣рахмажарияам̣ жарид̇аа’’д̇и звамаад̣̇ийсу (ма. ни. 1.155) саман̣ад̇хаммо. ‘‘д̇аяид̣̇ам̣ б̣рахмажарияам̣ ид̣̇д̇хан̃жзва пийд̇ан̃жаа’’д̇и звамаад̣̇ийсу (д̣̇ий. ни. 3.174) саасанам̣.
Tattha brahmacariyanti methunaviratimaggasamaṇadhammasāsanasadārasantosānametaṃ adhivacanaṃ. ‘‘Brahmacārī’’ti evamādīsu (ma. ni. 1.83) hi methunavirati brahmacariyanti vuccati. ‘‘Idaṃ kho pana me pañcasikha, brahmacariyaṃ ekantanibbidāyā’’ti evamādīsu (dī. ni. 2.329) maggo. ‘‘Abhijānāmi kho panāhaṃ, sāriputta, caturaṅgasamannāgataṃ brahmacariyaṃ caritā’’ti evamādīsu (ma. ni. 1.155) samaṇadhammo. ‘‘Tayidaṃ brahmacariyaṃ iddhañceva phītañcā’’ti evamādīsu (dī. ni. 3.174) sāsanaṃ.
‘‘маяан̃жа бхарияаа наад̇иггамаама, амхз жа бхарияаа наад̇иггаманд̇и;
‘‘Mayañca bhariyā nātikkamāma, amhe ca bhariyā nātikkamanti;
ан̃н̃ад̇ра д̇аахи б̣рахмажарияам̣ жараама, д̇асмаа хи амхам̣ д̣̇ахараа на мийяарз’’д̇и. (ж̇аа. 1.10.97) –
Aññatra tāhi brahmacariyaṃ carāma, tasmā hi amhaṃ daharā na mīyare’’ti. (jā. 1.10.97) –
звамаад̣̇ийсу сад̣̇аарасанд̇осо. ид̇ха бана саман̣ад̇хаммаб̣рахмажарияабуб̣б̣ан̇г̇амам̣ убаримаг̇г̇аб̣рахмажарияамад̇хиббзд̇ам̣. суг̇ад̇зд̇и суг̇ад̇асса санд̇игз. бхаг̇аваа хи анд̇ад̣̇ваяаманубаг̇г̇амма судту г̇ад̇ад̇д̇аа, собхан̣зна жа арияамаг̇г̇аг̇аманзна саманнааг̇ад̇ад̇д̇аа, сунд̣̇аран̃жа ниб̣б̣аанасан̇каад̇ам̣ таанам̣ г̇ад̇ад̇д̇аа суг̇ад̇од̇и вужжад̇и. самийбад̇т̇з жзд̇т̇а бхуммаважанам̣, д̇асмаа суг̇ад̇асса санд̇игзд̇и ад̇т̇о. жараамасзд̇и жараама. яан̃хи д̇ам̣ саггад̇з жараамасийд̇и вужжад̇и, д̇ам̣ ид̇ха жараамасзд̇и. адтагат̇аажарияаа бана ‘‘сзд̇и нибаад̇о’’д̇и бхан̣анд̇и. д̇знзва жзд̇т̇а ааяаажанад̇т̇ам̣ санд̇хааяа ‘‘жарзма сз’’д̇иби баатам̣ вигаббзнд̇и. яам̣ ружжад̇и, д̇ам̣ г̇ахзд̇аб̣б̣ам̣.
Evamādīsu sadārasantoso. Idha pana samaṇadhammabrahmacariyapubbaṅgamaṃ uparimaggabrahmacariyamadhippetaṃ. Sugateti sugatassa santike. Bhagavā hi antadvayamanupaggamma suṭṭhu gatattā, sobhaṇena ca ariyamaggagamanena samannāgatattā, sundarañca nibbānasaṅkhātaṃ ṭhānaṃ gatattā sugatoti vuccati. Samīpatthe cettha bhummavacanaṃ, tasmā sugatassa santiketi attho. Carāmaseti carāma. Yañhi taṃ sakkate carāmasīti vuccati, taṃ idha carāmaseti. Aṭṭhakathācariyā pana ‘‘seti nipāto’’ti bhaṇanti. Teneva cettha āyācanatthaṃ sandhāya ‘‘carema se’’tipi pāṭhaṃ vikappenti. Yaṃ ruccati, taṃ gahetabbaṃ.
звам̣ д̇ханияо б̣рахмажарияажаран̣аабад̣̇зсзна бхаг̇аванд̇ам̣ баб̣б̣аж̇ж̇ам̣ яаажид̇ваа баб̣б̣аж̇ж̇абаяож̇анам̣ д̣̇ийбзнд̇о ааха ‘‘ж̇аад̇иймаран̣асса баараг̇уу, д̣̇угкассанд̇агараа бхаваамасз’’д̇и. ж̇аад̇имаран̣асса баарам̣ наама ниб̣б̣аанам̣, д̇ам̣ арахад̇д̇амаг̇г̇зна г̇ажчаама. д̣̇угкассаад̇и ваддад̣̇угкасса. анд̇агараад̇и абхаавагараа. бхаваамасзд̇и бхаваама, ат̇а ваа ахо вад̇а маяам̣ бхавзяяаамаад̇и. ‘‘жараамасз’’д̇и зд̇т̇а вуд̇д̇анаязнзва д̇ам̣ взд̣̇ид̇аб̣б̣ам̣. звам̣ вад̇вааби жа буна убхоби гира бхаг̇аванд̇ам̣ ванд̣̇ид̇ваа ‘‘баб̣б̣ааж̇зт̇а но бхаг̇аваа’’д̇и звам̣ баб̣б̣аж̇ж̇ам̣ яаажим̣сууд̇и.
Evaṃ dhaniyo brahmacariyacaraṇāpadesena bhagavantaṃ pabbajjaṃ yācitvā pabbajjapayojanaṃ dīpento āha ‘‘jātīmaraṇassa pāragū, dukkhassantakarā bhavāmase’’ti. Jātimaraṇassa pāraṃ nāma nibbānaṃ, taṃ arahattamaggena gacchāma. Dukkhassāti vaṭṭadukkhassa. Antakarāti abhāvakarā. Bhavāmaseti bhavāma, atha vā aho vata mayaṃ bhaveyyāmāti. ‘‘Carāmase’’ti ettha vuttanayeneva taṃ veditabbaṃ. Evaṃ vatvāpi ca puna ubhopi kira bhagavantaṃ vanditvā ‘‘pabbājetha no bhagavā’’ti evaṃ pabbajjaṃ yāciṃsūti.
33. ат̇а мааро баабимаа звам̣ д̇з убхоби ванд̣̇ид̇ваа баб̣б̣аж̇ж̇ам̣ яаажанд̇з д̣̇исваа – ‘‘имз мама висаяам̣ ад̇иггамид̇угаамаа, ханд̣̇а нзсам̣ анд̇арааяам̣ гаромий’’д̇и ааг̇анд̇ваа гхарааваасз г̇ун̣ам̣ д̣̇ассзнд̇о имам̣ г̇аат̇амааха ‘‘нанд̣̇ад̇и буд̇д̇зхи буд̇д̇имаа’’д̇и. д̇ад̇т̇а нанд̣̇ад̇ийд̇и д̇уссад̇и мод̣̇ад̇и. буд̇д̇зхийд̇и буд̇д̇зхиби д̇хийд̇арзхиби, сахаяог̇ад̇т̇з, гаран̣ад̇т̇з ваа гаран̣аважанам̣, буд̇д̇зхи саха нанд̣̇ад̇и, буд̇д̇зхи гаран̣абхууд̇зхи нанд̣̇ад̇ийд̇и вуд̇д̇ам̣ ход̇и. буд̇д̇имаад̇и буд̇д̇аваа буг̇г̇ало. ид̇ийд̇и звамааха. маарод̇и васавад̇д̇ибхуумияам̣ ан̃н̃ад̇аро д̣̇аамаригад̣̇звабуд̇д̇о. со хи садтаанаад̇иггамид̇угаамам̣ ж̇анам̣ яам̣ саггод̇и, д̇ам̣ маарзд̇и. яам̣ на саггод̇и, д̇ассаби маран̣ам̣ ижчад̇и. д̇зна ‘‘мааро’’д̇и вужжад̇и. баабимаад̇и лаамагабуг̇г̇ало, баабасамаажааро ваа. сан̇г̇ийд̇игаараанамзд̇ам̣ важанам̣, саб̣б̣аг̇аат̇аасу жа ийд̣̇исаани. яат̇аа жа буд̇д̇зхи буд̇д̇имаа, г̇обияо г̇охи д̇ат̇зва нанд̣̇ад̇и. яасса г̇ааво ад̇т̇и, соби г̇обияо, г̇охи саха, г̇охи ваа гаран̣абхууд̇зхи д̇ат̇зва нанд̣̇ад̇ийд̇и ад̇т̇о.
33. Atha māro pāpimā evaṃ te ubhopi vanditvā pabbajjaṃ yācante disvā – ‘‘ime mama visayaṃ atikkamitukāmā, handa nesaṃ antarāyaṃ karomī’’ti āgantvā gharāvāse guṇaṃ dassento imaṃ gāthamāha ‘‘nandati puttehi puttimā’’ti. Tattha nandatīti tussati modati. Puttehīti puttehipi dhītarehipi, sahayogatthe, karaṇatthe vā karaṇavacanaṃ, puttehi saha nandati, puttehi karaṇabhūtehi nandatīti vuttaṃ hoti. Puttimāti puttavā puggalo. Itīti evamāha. Māroti vasavattibhūmiyaṃ aññataro dāmarikadevaputto. So hi saṭṭhānātikkamitukāmaṃ janaṃ yaṃ sakkoti, taṃ māreti. Yaṃ na sakkoti, tassapi maraṇaṃ icchati. Tena ‘‘māro’’ti vuccati. Pāpimāti lāmakapuggalo, pāpasamācāro vā. Saṅgītikārānametaṃ vacanaṃ, sabbagāthāsu ca īdisāni. Yathā ca puttehi puttimā, gopiyo gohi tatheva nandati. Yassa gāvo atthi, sopi gopiyo, gohi saha, gohi vā karaṇabhūtehi tatheva nandatīti attho.
звам̣ вад̇ваа ид̣̇аани д̇ассад̇т̇асса саад̇хагагааран̣ам̣ нид̣̇д̣̇исад̇и, ‘‘убад̇хий хи нарасса нанд̣̇анаа’’д̇и. д̇ад̇т̇а убад̇хийд̇и жад̇д̇ааро убад̇хаяо – гаамуубад̇хи, канд̇хуубад̇хи, гилзсуубад̇хи, абхисан̇кааруубад̇хийд̇и. гаамаа хи ‘‘яам̣ бан̃жагаамаг̇ун̣з бадижжа уббаж̇ж̇ад̇и сукам̣ соманассам̣, аяам̣ гаамаанам̣ ассаад̣̇о’’д̇и (ма. ни. 1.166) звам̣ вуд̇д̇асса сукасса ад̇хидтаанабхаавад̇о убад̇хийяад̇и зд̇т̇а суканд̇и иминаа важанад̇т̇зна убад̇хийд̇и вужжанд̇и. канд̇хааби канд̇хамуулагад̣̇угкасса ад̇хидтаанабхаавад̇о, гилзсааби абааяад̣̇угкасса ад̇хидтаанабхаавад̇о, абхисан̇каарааби бхавад̣̇угкасса ад̇хидтаанабхаавад̇од̇и. ид̇ха бана гаамуубад̇хи ад̇хиббзд̇о. со сад̇д̇асан̇кааравасзна д̣̇увид̇хо. д̇ад̇т̇а сад̇д̇абадиб̣ад̣̇д̇хо бад̇хаано, д̇ам̣ д̣̇ассзнд̇о ‘‘буд̇д̇зхи г̇охий’’д̇и вад̇ваа гааран̣амааха – ‘‘убад̇хий хи нарасса нанд̣̇анаа’’д̇и. д̇ассад̇т̇о – яасмаа имз гаамуубад̇хий нарасса нанд̣̇анаа, нанд̣̇аяанд̇и нарам̣ бийд̇исоманассам̣ убасам̣харанд̇аа, д̇асмаа взд̣̇ид̇аб̣б̣амзд̇ам̣ ‘‘нанд̣̇ад̇и буд̇д̇зхи буд̇д̇имаа, г̇обияо г̇охи д̇ат̇зва нанд̣̇ад̇и, д̇ван̃жа буд̇д̇имаа г̇обияо жа, д̇асмаа зд̇зхи, нанд̣̇а, маа баб̣б̣аж̇ж̇ам̣ баадиган̇ки. баб̣б̣аж̇ид̇асса хи зд̇з убад̇хаяо на санд̇и, звам̣ санд̇з д̇вам̣ д̣̇угкассанд̇ам̣ бад̇т̇знд̇оби д̣̇угкид̇ова бхависсасий’’д̇и.
Evaṃ vatvā idāni tassatthassa sādhakakāraṇaṃ niddisati, ‘‘upadhī hi narassa nandanā’’ti. Tattha upadhīti cattāro upadhayo – kāmūpadhi, khandhūpadhi, kilesūpadhi, abhisaṅkhārūpadhīti. Kāmā hi ‘‘yaṃ pañcakāmaguṇe paṭicca uppajjati sukhaṃ somanassaṃ, ayaṃ kāmānaṃ assādo’’ti (ma. ni. 1.166) evaṃ vuttassa sukhassa adhiṭṭhānabhāvato upadhīyati ettha sukhanti iminā vacanatthena upadhīti vuccanti. Khandhāpi khandhamūlakadukkhassa adhiṭṭhānabhāvato, kilesāpi apāyadukkhassa adhiṭṭhānabhāvato, abhisaṅkhārāpi bhavadukkhassa adhiṭṭhānabhāvatoti. Idha pana kāmūpadhi adhippeto. So sattasaṅkhāravasena duvidho. Tattha sattapaṭibaddho padhāno, taṃ dassento ‘‘puttehi gohī’’ti vatvā kāraṇamāha – ‘‘upadhī hi narassa nandanā’’ti. Tassattho – yasmā ime kāmūpadhī narassa nandanā, nandayanti naraṃ pītisomanassaṃ upasaṃharantā, tasmā veditabbametaṃ ‘‘nandati puttehi puttimā, gopiyo gohi tatheva nandati, tvañca puttimā gopiyo ca, tasmā etehi, nanda, mā pabbajjaṃ pāṭikaṅkhi. Pabbajitassa hi ete upadhayo na santi, evaṃ sante tvaṃ dukkhassantaṃ patthentopi dukkhitova bhavissasī’’ti.
ид̣̇аани д̇ассаби ад̇т̇асса саад̇хагагааран̣ам̣ нид̣̇д̣̇исад̇и ‘‘на хи со нанд̣̇ад̇и, яо нируубад̇хий’’д̇и. д̇ассад̇т̇о – яасмаа яассзд̇з убад̇хаяо над̇т̇и, со биязхи н̃аад̇ийхи виббаяуд̇д̇о ниб̣бхог̇уубагаран̣о на нанд̣̇ад̇и, д̇асмаа д̇вам̣ имз убад̇хаяо важ̇ж̇зд̇ваа баб̣б̣аж̇ид̇о д̣̇угкид̇ова бхависсасийд̇и.
Idāni tassapi atthassa sādhakakāraṇaṃ niddisati ‘‘na hi so nandati, yo nirūpadhī’’ti. Tassattho – yasmā yassete upadhayo natthi, so piyehi ñātīhi vippayutto nibbhogūpakaraṇo na nandati, tasmā tvaṃ ime upadhayo vajjetvā pabbajito dukkhitova bhavissasīti.
34. ат̇а бхаг̇аваа ‘‘мааро аяам̣ баабимаа имзсам̣ анд̇арааяааяа ааг̇ад̇о’’д̇и вид̣̇ид̇ваа палзна палам̣ баад̇знд̇о вияа д̇ааязва маарзнаабхад̇ааяа убамааяа маараваад̣̇ам̣ бхинд̣̇анд̇о д̇амзва г̇аат̇ам̣ баривад̇д̇зд̇ваа ‘‘убад̇хи согавад̇т̇уу’’д̇и д̣̇ассзнд̇о ааха ‘‘сожад̇и буд̇д̇зхи буд̇д̇имаа’’д̇и. д̇ад̇т̇а саб̣б̣ам̣ бад̣̇ад̇т̇ад̇о уд̇д̇аанамзва. аяам̣ бана ад̇хиббааяо – маа, баабима, звам̣ аважа ‘‘нанд̣̇ад̇и буд̇д̇зхи буд̇д̇имаа’’д̇и. саб̣б̣зхзва хи биязхи, манаабзхи наанаабхааво винаабхааво, анад̇иггаманийяо аяам̣ вид̇хи, д̇зсан̃жа бияаманаабаанам̣ буд̇д̇ад̣̇аараанам̣ г̇аваассавал̣авахиран̃н̃асуван̣н̣аад̣̇ийнам̣ винаабхаавзна ад̇химад̇д̇асогасалласамаббид̇ахад̣̇аяаа сад̇д̇аа уммад̇д̇агааби хонд̇и кид̇д̇ажид̇д̇аа, маран̣амби ниг̇ажчанд̇и маран̣амад̇д̇амби д̣̇угкам̣. д̇асмаа звам̣ г̇ан̣ха – сожад̇и буд̇д̇зхи буд̇д̇имаа. яат̇аа жа буд̇д̇зхи буд̇д̇имаа, г̇обияо г̇охи д̇ат̇зва сожад̇ийд̇и. гим̣ гааран̣аа? убад̇хий хи нарасса сожанаа. яасмаа жа убад̇хий хи нарасса сожанаа, д̇асмаа зва ‘‘на хи со сожад̇и, яо нируубад̇хи’’. яо убад̇хийсу сан̇г̇аббахаанзна нирубад̇хи ход̇и, со санд̇удто ход̇и гааяабарихааригзна жийварзна, гужчибарихааригзна бин̣д̣абаад̇зна, язна язнзва баггамад̇и, самаад̣̇ааязва баггамад̇и. сзяяат̇ааби наама багкий сагун̣о …бз… наабарам̣ ид̇т̇ад̇д̇ааяаад̇и баж̇аанаад̇и. звам̣ саб̣б̣асогасамуг̇гхаад̇аа ‘‘на хи со сожад̇и, яо нирубад̇хий’’д̇и. ид̇и бхаг̇аваа арахад̇д̇анигуудзна д̣̇зсанам̣ восаабзси. ат̇а ваа яо нирубад̇хи, яо ниггилзсо, со на сожад̇и. яаавад̣̇зва хи гилзсаа санд̇и, д̇аавад̣̇зва саб̣б̣з убад̇хаяо согабпалаава хонд̇и. гилзсаббахаанаа бана над̇т̇и согод̇и. звамби арахад̇д̇анигуудзнзва д̣̇зсанам̣ восаабзси. д̣̇зсанаабарияосаанз д̇ханияо жа г̇обий жа убхоби баб̣б̣аж̇им̣су. бхаг̇аваа аагаасзнзва ж̇зд̇аванам̣ аг̇амааси. д̇з баб̣б̣аж̇ид̇ваа арахад̇д̇ам̣ сажчигарим̣су. васанадтаанз жа нзсам̣ г̇обаалагаа вихаарам̣ гаарзсум̣. со аж̇ж̇ааби г̇обаалагавихаарод̇взва бан̃н̃ааяад̇ийд̇и.
34. Atha bhagavā ‘‘māro ayaṃ pāpimā imesaṃ antarāyāya āgato’’ti viditvā phalena phalaṃ pātento viya tāyeva mārenābhatāya upamāya māravādaṃ bhindanto tameva gāthaṃ parivattetvā ‘‘upadhi sokavatthū’’ti dassento āha ‘‘socati puttehi puttimā’’ti. Tattha sabbaṃ padatthato uttānameva. Ayaṃ pana adhippāyo – mā, pāpima, evaṃ avaca ‘‘nandati puttehi puttimā’’ti. Sabbeheva hi piyehi, manāpehi nānābhāvo vinābhāvo, anatikkamanīyo ayaṃ vidhi, tesañca piyamanāpānaṃ puttadārānaṃ gavāssavaḷavahiraññasuvaṇṇādīnaṃ vinābhāvena adhimattasokasallasamappitahadayā sattā ummattakāpi honti khittacittā, maraṇampi nigacchanti maraṇamattampi dukkhaṃ. Tasmā evaṃ gaṇha – socati puttehi puttimā. Yathā ca puttehi puttimā, gopiyo gohi tatheva socatīti. Kiṃ kāraṇā? Upadhī hi narassa socanā. Yasmā ca upadhī hi narassa socanā, tasmā eva ‘‘na hi so socati, yo nirūpadhi’’. Yo upadhīsu saṅgappahānena nirupadhi hoti, so santuṭṭho hoti kāyaparihārikena cīvarena, kucchiparihārikena piṇḍapātena, yena yeneva pakkamati, samādāyeva pakkamati. Seyyathāpi nāma pakkhī sakuṇo …pe… nāparaṃ itthattāyāti pajānāti. Evaṃ sabbasokasamugghātā ‘‘na hi so socati, yo nirupadhī’’ti. Iti bhagavā arahattanikūṭena desanaṃ vosāpesi. Atha vā yo nirupadhi, yo nikkileso, so na socati. Yāvadeva hi kilesā santi, tāvadeva sabbe upadhayo sokapphalāva honti. Kilesappahānā pana natthi sokoti. Evampi arahattanikūṭeneva desanaṃ vosāpesi. Desanāpariyosāne dhaniyo ca gopī ca ubhopi pabbajiṃsu. Bhagavā ākāseneva jetavanaṃ agamāsi. Te pabbajitvā arahattaṃ sacchikariṃsu. Vasanaṭṭhāne ca nesaṃ gopālakā vihāraṃ kāresuṃ. So ajjāpi gopālakavihārotveva paññāyatīti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа д̇ханияасуд̇д̇аван̣н̣анаа нидтид̇аа.
Suttanipāta-aṭṭhakathāya dhaniyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 2. д̇ханияасуд̇д̇ам̣ • 2. Dhaniyasuttaṃ
