| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. д̇хануг̇г̇ахасуд̇д̇ам̣
6. Dhanuggahasuttaṃ
228. саавад̇т̇ияам̣ вихарад̇и…бз… ‘‘сзяяат̇ааби, бхигкавз, жад̇д̇ааро д̣̇ал̣хад̇хаммаа д̇хануг̇г̇ахаа сусигкид̇аа гад̇ахад̇т̇аа гад̇уубаасанаа жад̇уд̣̇д̣̇исаа тид̇аа ассу. ат̇а бурисо ааг̇ажчзяяа – ‘ахам̣ имзсам̣ жад̇уннам̣ д̣̇ал̣хад̇хаммаанам̣ д̇хануг̇г̇ахаанам̣ сусигкид̇аанам̣ гад̇ахад̇т̇аанам̣ гад̇уубаасанаанам̣ жад̇уд̣̇д̣̇исаа ган̣д̣з кид̇д̇з аббад̇идтид̇з бат̇авияам̣ г̇ахзд̇ваа аахариссаамий’д̇и. д̇ам̣ гим̣ ман̃н̃ат̇а, бхигкавз, ‘ж̇авано бурисо барамзна ж̇авзна саманнааг̇ад̇о’д̇и алам̣ важанааяаа’’д̇и?
228. Sāvatthiyaṃ viharati…pe… ‘‘seyyathāpi, bhikkhave, cattāro daḷhadhammā dhanuggahā susikkhitā katahatthā katūpāsanā catuddisā ṭhitā assu. Atha puriso āgaccheyya – ‘ahaṃ imesaṃ catunnaṃ daḷhadhammānaṃ dhanuggahānaṃ susikkhitānaṃ katahatthānaṃ katūpāsanānaṃ catuddisā kaṇḍe khitte appatiṭṭhite pathaviyaṃ gahetvā āharissāmī’ti. Taṃ kiṃ maññatha, bhikkhave, ‘javano puriso paramena javena samannāgato’ti alaṃ vacanāyā’’ti?
‘‘згасса жзби, бханд̇з, д̣̇ал̣хад̇хаммасса д̇хануг̇г̇ахасса сусигкид̇асса гад̇ахад̇т̇асса гад̇уубаасанасса ган̣д̣ам̣ кид̇д̇ам̣ аббад̇идтид̇ам̣ бат̇авияам̣ г̇ахзд̇ваа аахарзяяа – ‘ж̇авано бурисо барамзна ж̇авзна саманнааг̇ад̇о’д̇и алам̣ важанааяа, го бана ваад̣̇о жад̇уннам̣ д̣̇ал̣хад̇хаммаанам̣ д̇хануг̇г̇ахаанам̣ сусигкид̇аанам̣ гад̇ахад̇т̇аанам̣ гад̇уубаасанаана’’нд̇и?
‘‘Ekassa cepi, bhante, daḷhadhammassa dhanuggahassa susikkhitassa katahatthassa katūpāsanassa kaṇḍaṃ khittaṃ appatiṭṭhitaṃ pathaviyaṃ gahetvā āhareyya – ‘javano puriso paramena javena samannāgato’ti alaṃ vacanāya, ko pana vādo catunnaṃ daḷhadhammānaṃ dhanuggahānaṃ susikkhitānaṃ katahatthānaṃ katūpāsanāna’’nti?
‘‘яат̇аа жа, бхигкавз, д̇асса бурисасса ж̇аво, яат̇аа жа жанд̣̇имасуурияаанам̣ ж̇аво, д̇ад̇о сийгхад̇аро. яат̇аа жа, бхигкавз, д̇асса бурисасса ж̇аво яат̇аа жа жанд̣̇имасуурияаанам̣ ж̇аво яат̇аа жа яаа д̣̇звад̇аа жанд̣̇имасуурияаанам̣ бурад̇о д̇хааванд̇и д̇аасам̣ д̣̇звад̇аанам̣ ж̇аво, ( ) 1 д̇ад̇о сийгхад̇арам̣ ааяусан̇каараа кияанд̇и. д̇асмаад̇иха , бхигкавз, звам̣ сигкид̇аб̣б̣ам̣ – ‘аббамад̇д̇аа вихариссаамаа’д̇и. зван̃хи во, бхигкавз, сигкид̇аб̣б̣а’’нд̇и. чадтам̣.
‘‘Yathā ca, bhikkhave, tassa purisassa javo, yathā ca candimasūriyānaṃ javo, tato sīghataro. Yathā ca, bhikkhave, tassa purisassa javo yathā ca candimasūriyānaṃ javo yathā ca yā devatā candimasūriyānaṃ purato dhāvanti tāsaṃ devatānaṃ javo, ( ) 2 tato sīghataraṃ āyusaṅkhārā khiyanti. Tasmātiha , bhikkhave, evaṃ sikkhitabbaṃ – ‘appamattā viharissāmā’ti. Evañhi vo, bhikkhave, sikkhitabba’’nti. Chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. д̇хануг̇г̇ахасуд̇д̇аван̣н̣анаа • 6. Dhanuggahasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. д̇хануг̇г̇ахасуд̇д̇аван̣н̣анаа • 6. Dhanuggahasuttavaṇṇanā
