| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၉. ဓာတုသုတ္တံ
9. Dhātusuttaṃ
၃၂၀. သာဝတ္ထိနိဒာနံ။ ‘‘ယော ခော, ဘိက္ခဝေ, ပထဝီဓာတုယာ ဥပ္ပာဒော ဌိတိ အဘိနိဗ္ဗတ္တိ ပာတုဘာဝော။ပေ.။ ဇရာမရဏသ္သ ပာတုဘာဝော; ယော အာပောဓာတုယာ။ ယော တေဇောဓာတုယာ။ ယော ဝာယောဓာတုယာ။ ယော အာကာသဓာတုယာ။ ယော ဝိညာဏဓာတုယာ ဥပ္ပာဒော ဌိတိ အဘိနိဗ္ဗတ္တိ ပာတုဘာဝော, ဒုက္ခသ္သေသော ဥပ္ပာဒော, ရောဂာနံ ဌိတိ, ဇရာမရဏသ္သ ပာတုဘာဝော။ ယော စ ခော, ဘိက္ခဝေ, ပထဝီဓာတုယာ နိရောဓော။ပေ.။ ဇရာမရဏသ္သ အတ္ထင္ဂမော; ယော အာပောဓာတုယာ နိရောဓော။ ယော တေဇောဓာတုယာ နိရောဓော။ ယော ဝာယောဓာတုယာ နိရောဓော။ ယော အာကာသဓာတုယာ နိရောဓော။ ယော ဝိညာဏဓာတုယာ နိရောဓော ဝူပသမော အတ္ထင္ဂမော, ဒုက္ခသ္သေသော နိရောဓော, ရောဂာနံ ဝူပသမော, ဇရာမရဏသ္သ အတ္ထင္ဂမော’’တိ။ နဝမံ။
320. Sāvatthinidānaṃ. ‘‘Yo kho, bhikkhave, pathavīdhātuyā uppādo ṭhiti abhinibbatti pātubhāvo…pe… jarāmaraṇassa pātubhāvo; yo āpodhātuyā… yo tejodhātuyā… yo vāyodhātuyā… yo ākāsadhātuyā… yo viññāṇadhātuyā uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo. Yo ca kho, bhikkhave, pathavīdhātuyā nirodho…pe… jarāmaraṇassa atthaṅgamo; yo āpodhātuyā nirodho… yo tejodhātuyā nirodho… yo vāyodhātuyā nirodho… yo ākāsadhātuyā nirodho… yo viññāṇadhātuyā nirodho vūpasamo atthaṅgamo, dukkhasseso nirodho, rogānaṃ vūpasamo, jarāmaraṇassa atthaṅgamo’’ti. Navamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၅. ဥပ္ပာဒသံယုတ္တဝဏ္ဏနာ • 5. Uppādasaṃyuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၅. ဥပ္ပာဒသံယုတ္တဝဏ္ဏနာ • 5. Uppādasaṃyuttavaṇṇanā
