| Library / Tipiṭaka / д̇ибидага • Tipiṭaka / вибхан̇г̇абаал̣и • Vibhaṅgapāḷi |
3. д̇хаад̇увибхан̇г̇о
3. Dhātuvibhaṅgo
1. суд̇д̇анд̇абхааж̇анийяам̣
1. Suttantabhājanīyaṃ
172. ча д̇хаад̇уяо – бат̇авийд̇хаад̇у 1, аабод̇хаад̇у, д̇зж̇од̇хаад̇у, вааяод̇хаад̇у, аагаасад̇хаад̇у, вин̃н̃аан̣ад̇хаад̇у.
172. Cha dhātuyo – pathavīdhātu 2, āpodhātu, tejodhātu, vāyodhātu, ākāsadhātu, viññāṇadhātu.
173. д̇ад̇т̇а гад̇амаа бат̇авийд̇хаад̇у? бат̇авийд̇хаад̇уд̣̇ваяам̣ – ад̇т̇и аж̇жхад̇д̇игаа, ад̇т̇и б̣аахираа. д̇ад̇т̇а гад̇амаа аж̇жхад̇д̇игаа бат̇авийд̇хаад̇у? яам̣ аж̇жхад̇д̇ам̣ бажжад̇д̇ам̣ гагкал̣ам̣ кариг̇ад̇ам̣ гагкал̣ад̇д̇ам̣ гагкал̣абхааво аж̇жхад̇д̇ам̣ убаад̣̇иннам̣, сзяяат̇ид̣̇ам̣ – гзсаа ломаа накаа д̣̇анд̇аа д̇ажо мам̣сам̣ нхаару 3 адти адтимин̃ж̇ам̣ 4 ваггам̣ хад̣̇аяам̣ яаганам̣ гиломагам̣ бихагам̣ бабпаасам̣ анд̇ам̣ анд̇аг̇ун̣ам̣ уд̣̇арияам̣ гарийсам̣, яам̣ ваа банан̃н̃амби ад̇т̇и аж̇жхад̇д̇ам̣ бажжад̇д̇ам̣ гагкал̣ам̣ кариг̇ад̇ам̣ гагкал̣ад̇д̇ам̣ гагкал̣абхааво аж̇жхад̇д̇ам̣ убаад̣̇иннам̣ – аяам̣ вужжад̇и ‘аж̇жхад̇д̇игаа бат̇авийд̇хаад̇у’.
173. Tattha katamā pathavīdhātu? Pathavīdhātudvayaṃ – atthi ajjhattikā, atthi bāhirā. Tattha katamā ajjhattikā pathavīdhātu? Yaṃ ajjhattaṃ paccattaṃ kakkhaḷaṃ kharigataṃ kakkhaḷattaṃ kakkhaḷabhāvo ajjhattaṃ upādinnaṃ, seyyathidaṃ – kesā lomā nakhā dantā taco maṃsaṃ nhāru 5 aṭṭhi aṭṭhimiñjaṃ 6 vakkaṃ hadayaṃ yakanaṃ kilomakaṃ pihakaṃ papphāsaṃ antaṃ antaguṇaṃ udariyaṃ karīsaṃ, yaṃ vā panaññampi atthi ajjhattaṃ paccattaṃ kakkhaḷaṃ kharigataṃ kakkhaḷattaṃ kakkhaḷabhāvo ajjhattaṃ upādinnaṃ – ayaṃ vuccati ‘ajjhattikā pathavīdhātu’.
д̇ад̇т̇а гад̇амаа б̣аахираа бат̇авийд̇хаад̇у? яам̣ б̣аахирам̣ гагкал̣ам̣ кариг̇ад̇ам̣ гагкал̣ад̇д̇ам̣ гагкал̣абхааво б̣ахид̣̇д̇хаа анубаад̣̇иннам̣, сзяяат̇ид̣̇ам̣ – аяо лохам̣ д̇ибу сийсам̣ саж̇жхам̣ 7 муд̇д̇аа ман̣и взл̣урияо сан̇ко силаа баваал̣ам̣ раж̇ад̇ам̣ ж̇аад̇аруубам̣ лохид̇ан̇го 8 масаараг̇аллам̣ д̇ин̣ам̣ гадтам̣ сагкараа гаталам̣ 9 бхууми баасаан̣о баб̣б̣ад̇о, яам̣ ваа банан̃н̃амби ад̇т̇и б̣аахирам̣ гагкал̣ам̣ кариг̇ад̇ам̣ гагкал̣ад̇д̇ам̣ гагкал̣абхааво б̣ахид̣̇д̇хаа анубаад̣̇иннам̣ – аяам̣ вужжад̇и ‘б̣аахираа бат̇авийд̇хаад̇у’. яаа жа аж̇жхад̇д̇игаа бат̇авийд̇хаад̇у яаа жа б̣аахираа бат̇авийд̇хаад̇у, д̇ад̣̇згаж̇жхам̣ абхисан̃н̃уухид̇ваа абхисан̇кибид̇ваа – аяам̣ вужжад̇и ‘‘бат̇авийд̇хаад̇у’’.
Tattha katamā bāhirā pathavīdhātu? Yaṃ bāhiraṃ kakkhaḷaṃ kharigataṃ kakkhaḷattaṃ kakkhaḷabhāvo bahiddhā anupādinnaṃ, seyyathidaṃ – ayo lohaṃ tipu sīsaṃ sajjhaṃ 10 muttā maṇi veḷuriyo saṅkho silā pavāḷaṃ rajataṃ jātarūpaṃ lohitaṅko 11 masāragallaṃ tiṇaṃ kaṭṭhaṃ sakkharā kaṭhalaṃ 12 bhūmi pāsāṇo pabbato, yaṃ vā panaññampi atthi bāhiraṃ kakkhaḷaṃ kharigataṃ kakkhaḷattaṃ kakkhaḷabhāvo bahiddhā anupādinnaṃ – ayaṃ vuccati ‘bāhirā pathavīdhātu’. Yā ca ajjhattikā pathavīdhātu yā ca bāhirā pathavīdhātu, tadekajjhaṃ abhisaññūhitvā abhisaṅkhipitvā – ayaṃ vuccati ‘‘pathavīdhātu’’.
174. д̇ад̇т̇а гад̇амаа аабод̇хаад̇у? аабод̇хаад̇уд̣̇ваяам̣ – ад̇т̇и аж̇жхад̇д̇игаа, ад̇т̇и б̣аахираа. д̇ад̇т̇а гад̇амаа аж̇жхад̇д̇игаа аабод̇хаад̇у? яам̣ аж̇жхад̇д̇ам̣ бажжад̇д̇ам̣ аабо аабог̇ад̇ам̣ синзхо синзхаг̇ад̇ам̣ 13 б̣анд̇ханад̇д̇ам̣ руубасса аж̇жхад̇д̇ам̣ убаад̣̇иннам̣, сзяяат̇ид̣̇ам̣ – бид̇д̇ам̣ сзмхам̣ буб̣б̣о лохид̇ам̣ сзд̣̇о мзд̣̇о ассу васаа кзл̣о син̇гхаан̣игаа ласигаа муд̇д̇ам̣, яам̣ ваа банан̃н̃амби ад̇т̇и аж̇жхад̇д̇ам̣ бажжад̇д̇ам̣ аабо аабог̇ад̇ам̣ синзхо синзхаг̇ад̇ам̣ б̣анд̇ханад̇д̇ам̣ руубасса аж̇жхад̇д̇ам̣ убаад̣̇иннам̣ – аяам̣ вужжад̇и ‘аж̇жхад̇д̇игаа аабод̇хаад̇у’.
174. Tattha katamā āpodhātu? Āpodhātudvayaṃ – atthi ajjhattikā, atthi bāhirā. Tattha katamā ajjhattikā āpodhātu? Yaṃ ajjhattaṃ paccattaṃ āpo āpogataṃ sineho sinehagataṃ 14 bandhanattaṃ rūpassa ajjhattaṃ upādinnaṃ, seyyathidaṃ – pittaṃ semhaṃ pubbo lohitaṃ sedo medo assu vasā kheḷo siṅghāṇikā lasikā muttaṃ, yaṃ vā panaññampi atthi ajjhattaṃ paccattaṃ āpo āpogataṃ sineho sinehagataṃ bandhanattaṃ rūpassa ajjhattaṃ upādinnaṃ – ayaṃ vuccati ‘ajjhattikā āpodhātu’.
д̇ад̇т̇а гад̇амаа б̣аахираа аабод̇хаад̇у? яам̣ б̣аахирам̣ аабо аабог̇ад̇ам̣ синзхо синзхаг̇ад̇ам̣ б̣анд̇ханад̇д̇ам̣ руубасса б̣ахид̣̇д̇хаа анубаад̣̇иннам̣, сзяяат̇ид̣̇ам̣ – мууларасо канд̇харасо д̇ажарасо бад̇д̇арасо бубпарасо паларасо кийрам̣ д̣̇ад̇хи сабби наванийд̇ам̣ д̇злам̣ мад̇ху паан̣ид̇ам̣ бхуммаани ваа уд̣̇агаани анд̇алигкаани ваа, яам̣ ваа банан̃н̃амби ад̇т̇и б̣аахирам̣ аабо аабог̇ад̇ам̣ синзхо синзхаг̇ад̇ам̣ б̣анд̇ханад̇д̇ам̣ руубасса б̣ахид̣̇д̇хаа анубаад̣̇иннам̣ – аяам̣ вужжад̇и ‘б̣аахираа аабод̇хаад̇у’. яаа жа аж̇жхад̇д̇игаа аабод̇хаад̇у яаа жа б̣аахираа аабод̇хаад̇у, д̇ад̣̇згаж̇жхам̣ абхисан̃н̃уухид̇ваа абхисан̇кибид̇ваа – аяам̣ вужжад̇и ‘‘аабод̇хаад̇у’’.
Tattha katamā bāhirā āpodhātu? Yaṃ bāhiraṃ āpo āpogataṃ sineho sinehagataṃ bandhanattaṃ rūpassa bahiddhā anupādinnaṃ, seyyathidaṃ – mūlaraso khandharaso tacaraso pattaraso puppharaso phalaraso khīraṃ dadhi sappi navanītaṃ telaṃ madhu phāṇitaṃ bhummāni vā udakāni antalikkhāni vā, yaṃ vā panaññampi atthi bāhiraṃ āpo āpogataṃ sineho sinehagataṃ bandhanattaṃ rūpassa bahiddhā anupādinnaṃ – ayaṃ vuccati ‘bāhirā āpodhātu’. Yā ca ajjhattikā āpodhātu yā ca bāhirā āpodhātu, tadekajjhaṃ abhisaññūhitvā abhisaṅkhipitvā – ayaṃ vuccati ‘‘āpodhātu’’.
175. д̇ад̇т̇а гад̇амаа д̇зж̇од̇хаад̇у? д̇зж̇од̇хаад̇уд̣̇ваяам̣ – ад̇т̇и аж̇жхад̇д̇игаа, ад̇т̇и б̣аахираа. д̇ад̇т̇а гад̇амаа аж̇жхад̇д̇игаа д̇зж̇од̇хаад̇у? яам̣ аж̇жхад̇д̇ам̣ бажжад̇д̇ам̣ д̇зж̇о д̇зж̇ог̇ад̇ам̣ усмаа усмааг̇ад̇ам̣ усумам̣ усумаг̇ад̇ам̣ аж̇жхад̇д̇ам̣ убаад̣̇иннам̣, сзяяат̇ид̣̇ам̣ – язна жа санд̇аббад̇и язна жа ж̇ийрийяад̇и язна жа барид̣аяхад̇и язна жа асид̇абийд̇акааяид̇асааяид̇ам̣ саммаа барин̣аамам̣ г̇ажчад̇и, яам̣ ваа банан̃н̃амби ад̇т̇и аж̇жхад̇д̇ам̣ бажжад̇д̇ам̣ д̇зж̇о д̇зж̇ог̇ад̇ам̣ усмаа усмааг̇ад̇ам̣ усумам̣ усумаг̇ад̇ам̣ аж̇жхад̇д̇ам̣ убаад̣̇иннам̣ – аяам̣ вужжад̇и ‘аж̇жхад̇д̇игаа д̇зж̇од̇хаад̇у’.
175. Tattha katamā tejodhātu? Tejodhātudvayaṃ – atthi ajjhattikā, atthi bāhirā. Tattha katamā ajjhattikā tejodhātu? Yaṃ ajjhattaṃ paccattaṃ tejo tejogataṃ usmā usmāgataṃ usumaṃ usumagataṃ ajjhattaṃ upādinnaṃ, seyyathidaṃ – yena ca santappati yena ca jīrīyati yena ca pariḍayhati yena ca asitapītakhāyitasāyitaṃ sammā pariṇāmaṃ gacchati, yaṃ vā panaññampi atthi ajjhattaṃ paccattaṃ tejo tejogataṃ usmā usmāgataṃ usumaṃ usumagataṃ ajjhattaṃ upādinnaṃ – ayaṃ vuccati ‘ajjhattikā tejodhātu’.
д̇ад̇т̇а гад̇амаа б̣аахираа д̇зж̇од̇хаад̇у? яам̣ б̣аахирам̣ д̇зж̇о д̇зж̇ог̇ад̇ам̣ усмаа усмааг̇ад̇ам̣ усумам̣ усумаг̇ад̇ам̣ б̣ахид̣̇д̇хаа анубаад̣̇иннам̣, сзяяат̇ид̣̇ам̣ – гадтаг̇г̇и балаалаг̇г̇и 15 д̇ин̣аг̇г̇и г̇омаяаг̇г̇и т̇усаг̇г̇и сан̇гаараг̇г̇и инд̣̇аг̇г̇и аг̇г̇исанд̇аабо суурияасанд̇аабо гадтасаннижаяасанд̇аабо д̇ин̣асаннижаяасанд̇аабо д̇хан̃н̃асаннижаяасанд̇аабо бхан̣д̣асаннижаяасанд̇аабо, яам̣ ваа банан̃н̃амби ад̇т̇и б̣аахирам̣ д̇зж̇о д̇зж̇ог̇ад̇ам̣ усмаа усмааг̇ад̇ам̣ усумам̣ усумаг̇ад̇ам̣ б̣ахид̣̇д̇хаа анубаад̣̇иннам̣ – аяам̣ вужжад̇и ‘б̣аахираа д̇зж̇од̇хаад̇у’. яаа жа аж̇жхад̇д̇игаа д̇зж̇од̇хаад̇у яаа жа б̣аахираа д̇зж̇од̇хаад̇у, д̇ад̣̇згаж̇жхам̣ абхисан̃н̃уухид̇ваа абхисан̇кибид̇ваа – аяам̣ вужжад̇и ‘‘д̇зж̇од̇хаад̇у’’.
Tattha katamā bāhirā tejodhātu? Yaṃ bāhiraṃ tejo tejogataṃ usmā usmāgataṃ usumaṃ usumagataṃ bahiddhā anupādinnaṃ, seyyathidaṃ – kaṭṭhaggi palālaggi 16 tiṇaggi gomayaggi thusaggi saṅkāraggi indaggi aggisantāpo sūriyasantāpo kaṭṭhasannicayasantāpo tiṇasannicayasantāpo dhaññasannicayasantāpo bhaṇḍasannicayasantāpo, yaṃ vā panaññampi atthi bāhiraṃ tejo tejogataṃ usmā usmāgataṃ usumaṃ usumagataṃ bahiddhā anupādinnaṃ – ayaṃ vuccati ‘bāhirā tejodhātu’. Yā ca ajjhattikā tejodhātu yā ca bāhirā tejodhātu, tadekajjhaṃ abhisaññūhitvā abhisaṅkhipitvā – ayaṃ vuccati ‘‘tejodhātu’’.
176. д̇ад̇т̇а гад̇амаа вааяод̇хаад̇у? вааяод̇хаад̇уд̣̇ваяам̣ – ад̇т̇и аж̇жхад̇д̇игаа, ад̇т̇и б̣аахираа. д̇ад̇т̇а гад̇амаа аж̇жхад̇д̇игаа вааяод̇хаад̇у? яам̣ аж̇жхад̇д̇ам̣ бажжад̇д̇ам̣ вааяо вааяог̇ад̇ам̣ т̇амбхид̇ад̇д̇ам̣ руубасса аж̇жхад̇д̇ам̣ убаад̣̇иннам̣, сзяяат̇ид̣̇ам̣ – уд̣̇д̇хан̇г̇амаа ваад̇аа ад̇хог̇амаа ваад̇аа гужчисаяаа ваад̇аа годтаасаяаа 17 ваад̇аа ан̇г̇аман̇г̇аанусаарино ваад̇аа сад̇т̇агаваад̇аа курагаваад̇аа уббалагаваад̇аа ассаасо бассаасо ид̇и ваа, яам̣ ваа банан̃н̃амби ад̇т̇и аж̇жхад̇д̇ам̣ бажжад̇д̇ам̣ вааяо вааяог̇ад̇ам̣ т̇амбхид̇ад̇д̇ам̣ руубасса аж̇жхад̇д̇ам̣ убаад̣̇иннам̣ – аяам̣ вужжад̇и ‘аж̇жхад̇д̇игаа вааяод̇хаад̇у’.
176. Tattha katamā vāyodhātu? Vāyodhātudvayaṃ – atthi ajjhattikā, atthi bāhirā. Tattha katamā ajjhattikā vāyodhātu? Yaṃ ajjhattaṃ paccattaṃ vāyo vāyogataṃ thambhitattaṃ rūpassa ajjhattaṃ upādinnaṃ, seyyathidaṃ – uddhaṅgamā vātā adhogamā vātā kucchisayā vātā koṭṭhāsayā 18 vātā aṅgamaṅgānusārino vātā satthakavātā khurakavātā uppalakavātā assāso passāso iti vā, yaṃ vā panaññampi atthi ajjhattaṃ paccattaṃ vāyo vāyogataṃ thambhitattaṃ rūpassa ajjhattaṃ upādinnaṃ – ayaṃ vuccati ‘ajjhattikā vāyodhātu’.
д̇ад̇т̇а гад̇амаа б̣аахираа вааяод̇хаад̇у? яам̣ б̣аахирам̣ вааяо вааяог̇ад̇ам̣ т̇амбхид̇ад̇д̇ам̣ руубасса б̣ахид̣̇д̇хаа анубаад̣̇иннам̣, сзяяат̇ид̣̇ам̣ – бурад̇т̇имаа ваад̇аа бажчимаа ваад̇аа уд̇д̇араа ваад̇аа д̣̇агкин̣аа ваад̇аа сараж̇аа ваад̇аа араж̇аа ваад̇аа сийд̇аа ваад̇аа ун̣хаа ваад̇аа барид̇д̇аа ваад̇аа ад̇химад̇д̇аа ваад̇аа гаал̣аваад̇аа взрамбхаваад̇аа багкаваад̇аа субан̣н̣аваад̇аа д̇аалаван̣даваад̇аа вид̇хуубанаваад̇аа, яам̣ ваа банан̃н̃амби ад̇т̇и б̣аахирам̣ вааяо вааяог̇ад̇ам̣ т̇амбхид̇ад̇д̇ам̣ руубасса б̣ахид̣̇д̇хаа анубаад̣̇иннам̣ – аяам̣ вужжад̇и ‘б̣аахираа вааяод̇хаад̇у’. яаа жа аж̇жхад̇д̇игаа вааяод̇хаад̇у яаа жа б̣аахираа вааяод̇хаад̇у, д̇ад̣̇згаж̇жхам̣ абхисан̃н̃уухид̇ваа абхисан̇кибид̇ваа – аяам̣ вужжад̇и ‘‘вааяод̇хаад̇у’’.
Tattha katamā bāhirā vāyodhātu? Yaṃ bāhiraṃ vāyo vāyogataṃ thambhitattaṃ rūpassa bahiddhā anupādinnaṃ, seyyathidaṃ – puratthimā vātā pacchimā vātā uttarā vātā dakkhiṇā vātā sarajā vātā arajā vātā sītā vātā uṇhā vātā parittā vātā adhimattā vātā kāḷavātā verambhavātā pakkhavātā supaṇṇavātā tālavaṇṭavātā vidhūpanavātā, yaṃ vā panaññampi atthi bāhiraṃ vāyo vāyogataṃ thambhitattaṃ rūpassa bahiddhā anupādinnaṃ – ayaṃ vuccati ‘bāhirā vāyodhātu’. Yā ca ajjhattikā vāyodhātu yā ca bāhirā vāyodhātu, tadekajjhaṃ abhisaññūhitvā abhisaṅkhipitvā – ayaṃ vuccati ‘‘vāyodhātu’’.
177. д̇ад̇т̇а гад̇амаа аагаасад̇хаад̇у? аагаасад̇хаад̇уд̣̇ваяам̣ – ад̇т̇и аж̇жхад̇д̇игаа, ад̇т̇и б̣аахираа. д̇ад̇т̇а гад̇амаа аж̇жхад̇д̇игаа аагаасад̇хаад̇у? яам̣ аж̇жхад̇д̇ам̣ бажжад̇д̇ам̣ аагаасо аагаасаг̇ад̇ам̣ агхам̣ агхаг̇ад̇ам̣ виваро вивараг̇ад̇ам̣ асампудтам̣ мам̣салохид̇зхи аж̇жхад̇д̇ам̣ убаад̣̇иннам̣, сзяяат̇ид̣̇ам̣ – ган̣н̣ажчид̣̇д̣̇ам̣ наасажчид̣̇д̣̇ам̣ мукад̣̇ваарам̣, язна жа асид̇абийд̇акааяид̇асааяид̇ам̣ аж̇жхохарад̇и, яад̇т̇а жа асид̇абийд̇акааяид̇асааяид̇ам̣ санд̇идтад̇и, язна жа асид̇абийд̇акааяид̇асааяид̇ам̣ ад̇хобхааг̇ам̣ нигкамад̇и, яам̣ ваа банан̃н̃амби ад̇т̇и аж̇жхад̇д̇ам̣ бажжад̇д̇ам̣ аагаасо аагаасаг̇ад̇ам̣ агхам̣ агхаг̇ад̇ам̣ виваро вивараг̇ад̇ам̣ асампудтам̣ мам̣салохид̇зхи аж̇жхад̇д̇ам̣ убаад̣̇иннам̣ – аяам̣ вужжад̇и ‘аж̇жхад̇д̇игаа аагаасад̇хаад̇у’.
177. Tattha katamā ākāsadhātu? Ākāsadhātudvayaṃ – atthi ajjhattikā, atthi bāhirā. Tattha katamā ajjhattikā ākāsadhātu? Yaṃ ajjhattaṃ paccattaṃ ākāso ākāsagataṃ aghaṃ aghagataṃ vivaro vivaragataṃ asamphuṭṭhaṃ maṃsalohitehi ajjhattaṃ upādinnaṃ, seyyathidaṃ – kaṇṇacchiddaṃ nāsacchiddaṃ mukhadvāraṃ, yena ca asitapītakhāyitasāyitaṃ ajjhoharati, yattha ca asitapītakhāyitasāyitaṃ santiṭṭhati, yena ca asitapītakhāyitasāyitaṃ adhobhāgaṃ nikkhamati, yaṃ vā panaññampi atthi ajjhattaṃ paccattaṃ ākāso ākāsagataṃ aghaṃ aghagataṃ vivaro vivaragataṃ asamphuṭṭhaṃ maṃsalohitehi ajjhattaṃ upādinnaṃ – ayaṃ vuccati ‘ajjhattikā ākāsadhātu’.
д̇ад̇т̇а гад̇амаа б̣аахираа аагаасад̇хаад̇у? яам̣ б̣аахирам̣ аагаасо аагаасаг̇ад̇ам̣ агхам̣ агхаг̇ад̇ам̣ виваро вивараг̇ад̇ам̣ асампудтам̣ жад̇уухи махаабхууд̇зхи б̣ахид̣̇д̇хаа анубаад̣̇иннам̣ – аяам̣ вужжад̇и ‘б̣аахираа аагаасад̇хаад̇у’. яаа жа аж̇жхад̇д̇игаа аагаасад̇хаад̇у яаа жа б̣аахираа аагаасад̇хаад̇у, д̇ад̣̇згаж̇жхам̣ абхисан̃н̃уухид̇ваа абхисан̇кибид̇ваа – аяам̣ вужжад̇и ‘‘аагаасад̇хаад̇у’’.
Tattha katamā bāhirā ākāsadhātu? Yaṃ bāhiraṃ ākāso ākāsagataṃ aghaṃ aghagataṃ vivaro vivaragataṃ asamphuṭṭhaṃ catūhi mahābhūtehi bahiddhā anupādinnaṃ – ayaṃ vuccati ‘bāhirā ākāsadhātu’. Yā ca ajjhattikā ākāsadhātu yā ca bāhirā ākāsadhātu, tadekajjhaṃ abhisaññūhitvā abhisaṅkhipitvā – ayaṃ vuccati ‘‘ākāsadhātu’’.
178. д̇ад̇т̇а гад̇амаа вин̃н̃аан̣ад̇хаад̇у? жагкувин̃н̃аан̣ад̇хаад̇у, сод̇авин̃н̃аан̣ад̇хаад̇у, гхаанавин̃н̃аан̣ад̇хаад̇у, ж̇ивхаавин̃н̃аан̣ад̇хаад̇у, гааяавин̃н̃аан̣ад̇хаад̇у, мановин̃н̃аан̣ад̇хаад̇у – аяам̣ вужжад̇и ‘‘вин̃н̃аан̣ад̇хаад̇у’’.
178. Tattha katamā viññāṇadhātu? Cakkhuviññāṇadhātu, sotaviññāṇadhātu, ghānaviññāṇadhātu, jivhāviññāṇadhātu, kāyaviññāṇadhātu, manoviññāṇadhātu – ayaṃ vuccati ‘‘viññāṇadhātu’’.
имаа ча д̇хаад̇уяо.
Imā cha dhātuyo.
179. абарааби ча д̇хаад̇уяо – сукад̇хаад̇у, д̣̇угкад̇хаад̇у, соманассад̇хаад̇у, д̣̇оманассад̇хаад̇у, убзгкаад̇хаад̇у, авиж̇ж̇аад̇хаад̇у.
179. Aparāpi cha dhātuyo – sukhadhātu, dukkhadhātu, somanassadhātu, domanassadhātu, upekkhādhātu, avijjādhātu.
180. д̇ад̇т̇а гад̇амаа сукад̇хаад̇у? яам̣ гааяигам̣ саад̇ам̣ гааяигам̣ сукам̣ гааяасампассаж̇ам̣ саад̇ам̣ сукам̣ взд̣̇аяид̇ам̣ гааяасампассаж̇аа саад̇аа сукаа взд̣̇анаа – аяам̣ вужжад̇и ‘‘сукад̇хаад̇у’’.
180. Tattha katamā sukhadhātu? Yaṃ kāyikaṃ sātaṃ kāyikaṃ sukhaṃ kāyasamphassajaṃ sātaṃ sukhaṃ vedayitaṃ kāyasamphassajā sātā sukhā vedanā – ayaṃ vuccati ‘‘sukhadhātu’’.
д̇ад̇т̇а гад̇амаа д̣̇угкад̇хаад̇у? яам̣ гааяигам̣ асаад̇ам̣ гааяигам̣ д̣̇угкам̣ гааяасампассаж̇ам̣ асаад̇ам̣ д̣̇угкам̣ взд̣̇аяид̇ам̣ гааяасампассаж̇аа асаад̇аа д̣̇угкаа взд̣̇анаа – аяам̣ вужжад̇и ‘‘д̣̇угкад̇хаад̇у’’.
Tattha katamā dukkhadhātu? Yaṃ kāyikaṃ asātaṃ kāyikaṃ dukkhaṃ kāyasamphassajaṃ asātaṃ dukkhaṃ vedayitaṃ kāyasamphassajā asātā dukkhā vedanā – ayaṃ vuccati ‘‘dukkhadhātu’’.
д̇ад̇т̇а гад̇амаа соманассад̇хаад̇у? яам̣ жзд̇асигам̣ саад̇ам̣ жзд̇асигам̣ сукам̣ жзд̇осампассаж̇ам̣ саад̇ам̣ сукам̣ взд̣̇аяид̇ам̣ жзд̇осампассаж̇аа саад̇аа сукаа взд̣̇анаа – аяам̣ вужжад̇и ‘‘соманассад̇хаад̇у’’.
Tattha katamā somanassadhātu? Yaṃ cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – ayaṃ vuccati ‘‘somanassadhātu’’.
д̇ад̇т̇а гад̇амаа д̣̇оманассад̇хаад̇у? яам̣ жзд̇асигам̣ асаад̇ам̣ жзд̇асигам̣ д̣̇угкам̣ жзд̇осампассаж̇ам̣ асаад̇ам̣ д̣̇угкам̣ взд̣̇аяид̇ам̣ жзд̇осампассаж̇аа асаад̇аа д̣̇угкаа взд̣̇анаа – аяам̣ вужжад̇и ‘‘д̣̇оманассад̇хаад̇у’’.
Tattha katamā domanassadhātu? Yaṃ cetasikaṃ asātaṃ cetasikaṃ dukkhaṃ cetosamphassajaṃ asātaṃ dukkhaṃ vedayitaṃ cetosamphassajā asātā dukkhā vedanā – ayaṃ vuccati ‘‘domanassadhātu’’.
д̇ад̇т̇а гад̇амаа убзгкаад̇хаад̇у? яам̣ жзд̇асигам̣ нзва саад̇ам̣ наасаад̇ам̣ жзд̇осампассаж̇ам̣ ад̣̇угкамасукам̣ взд̣̇аяид̇ам̣ жзд̇осампассаж̇аа ад̣̇угкамасукаа взд̣̇анаа – аяам̣ вужжад̇и ‘‘убзгкаад̇хаад̇у’’.
Tattha katamā upekkhādhātu? Yaṃ cetasikaṃ neva sātaṃ nāsātaṃ cetosamphassajaṃ adukkhamasukhaṃ vedayitaṃ cetosamphassajā adukkhamasukhā vedanā – ayaṃ vuccati ‘‘upekkhādhātu’’.
д̇ад̇т̇а гад̇амаа авиж̇ж̇аад̇хаад̇у? яам̣ ан̃н̃аан̣ам̣ ад̣̇ассанам̣ анабхисамаяо анануб̣од̇хо асамб̣од̇хо аббадивзд̇хо асан̇г̇аахан̣аа абарияог̇аахан̣аа асамабзгканаа абажжавзгкан̣аа абажжагкагаммам̣ д̣̇уммзж̇жхам̣ б̣ааляам̣ асамбаж̇ан̃н̃ам̣ мохо бамохо саммохо авиж̇ж̇аа авиж̇ж̇огхо авиж̇ж̇ааяог̇о авиж̇ж̇аанусаяо авиж̇ж̇аабарияудтаанам̣ авиж̇ж̇аалан̇г̇ий мохо агусаламуулам̣ – аяам̣ вужжад̇и ‘‘авиж̇ж̇аад̇хаад̇у’’.
Tattha katamā avijjādhātu? Yaṃ aññāṇaṃ adassanaṃ anabhisamayo ananubodho asambodho appaṭivedho asaṅgāhaṇā apariyogāhaṇā asamapekkhanā apaccavekkhaṇā apaccakkhakammaṃ dummejjhaṃ bālyaṃ asampajaññaṃ moho pamoho sammoho avijjā avijjogho avijjāyogo avijjānusayo avijjāpariyuṭṭhānaṃ avijjālaṅgī moho akusalamūlaṃ – ayaṃ vuccati ‘‘avijjādhātu’’.
имаа ча д̇хаад̇уяо.
Imā cha dhātuyo.
181. абарааби ча д̇хаад̇уяо – гаамад̇хаад̇у, б̣яаабаад̣̇ад̇хаад̇у, вихим̣саад̇хаад̇у, нзгкаммад̇хаад̇у, аб̣яаабаад̣̇ад̇хаад̇у, авихим̣саад̇хаад̇у.
181. Aparāpi cha dhātuyo – kāmadhātu, byāpādadhātu, vihiṃsādhātu, nekkhammadhātu, abyāpādadhātu, avihiṃsādhātu.
182. д̇ад̇т̇а гад̇амаа гаамад̇хаад̇у? гаамабадисам̣яуд̇д̇о д̇агго вид̇агго сан̇габбо аббанаа б̣яаббанаа жзд̇асо абхиниробанаа мижчаасан̇габбо – аяам̣ вужжад̇и гаамад̇хаад̇у. хздтад̇о авийжинираяам̣ барияанд̇ам̣ гарид̇ваа убарид̇о бараниммид̇авасавад̇д̇ий д̣̇звз анд̇о гарид̇ваа яам̣ зд̇асмим̣ анд̇арз зд̇т̇ааважараа зд̇т̇а барияаабаннаа канд̇хад̇хаад̇уааяад̇анаа руубаа 19 взд̣̇анаа сан̃н̃аа сан̇каараа вин̃н̃аан̣ам̣ – аяам̣ вужжад̇и ‘‘гаамад̇хаад̇у’’.
182. Tattha katamā kāmadhātu? Kāmapaṭisaṃyutto takko vitakko saṅkappo appanā byappanā cetaso abhiniropanā micchāsaṅkappo – ayaṃ vuccati kāmadhātu. Heṭṭhato avīcinirayaṃ pariyantaṃ karitvā uparito paranimmitavasavattī deve anto karitvā yaṃ etasmiṃ antare etthāvacarā ettha pariyāpannā khandhadhātuāyatanā rūpā 20 vedanā saññā saṅkhārā viññāṇaṃ – ayaṃ vuccati ‘‘kāmadhātu’’.
д̇ад̇т̇а гад̇амаа б̣яаабаад̣̇ад̇хаад̇у? б̣яаабаад̣̇абадисам̣яуд̇д̇о д̇агго вид̇агго…бз… мижчаасан̇габбо – аяам̣ вужжад̇и ‘‘б̣яаабаад̣̇ад̇хаад̇у’’. д̣̇асасу ваа аагхаад̇авад̇т̇уусу жид̇д̇асса аагхаад̇о бадигхаад̇о бадигхам̣ бадивирод̇хо гобо багобо самбагобо д̣̇осо бад̣̇осо самбад̣̇осо жид̇д̇асса б̣яаабад̇д̇и манобад̣̇осо год̇хо гуж̇жханаа гуж̇жхид̇ад̇д̇ам̣ д̣̇осо д̣̇уссанаа д̣̇уссид̇ад̇д̇ам̣ б̣яаабад̇д̇и б̣яаабаж̇ж̇анаа вирод̇хо бадивирод̇хо жан̣д̣иггам̣ асуробо анад̇д̇аманад̇аа жид̇д̇асса – аяам̣ вужжад̇и ‘‘б̣яаабаад̣̇ад̇хаад̇у’’.
Tattha katamā byāpādadhātu? Byāpādapaṭisaṃyutto takko vitakko…pe… micchāsaṅkappo – ayaṃ vuccati ‘‘byāpādadhātu’’. Dasasu vā āghātavatthūsu cittassa āghāto paṭighāto paṭighaṃ paṭivirodho kopo pakopo sampakopo doso padoso sampadoso cittassa byāpatti manopadoso kodho kujjhanā kujjhitattaṃ doso dussanā dussitattaṃ byāpatti byāpajjanā virodho paṭivirodho caṇḍikkaṃ asuropo anattamanatā cittassa – ayaṃ vuccati ‘‘byāpādadhātu’’.
д̇ад̇т̇а гад̇амаа вихим̣саад̇хаад̇у? вихим̣саабадисам̣яуд̇д̇о д̇агго вид̇агго…бз… мижчаасан̇габбо – аяам̣ вужжад̇и ‘‘вихим̣саад̇хаад̇у’’. ид̇хзгажжо баан̣инаа ваа лзд̣д̣унаа ваа д̣̇ан̣д̣зна ваа сад̇т̇зна ваа раж̇ж̇уяаа ваа ан̃н̃ад̇аран̃н̃ад̇арзна сад̇д̇з вихзтзд̇и, яаа зваруубаа хзтанаа вихзтанаа хим̣санаа вихим̣санаа росанаа виросанаа баруубагхаад̇о – аяам̣ вужжад̇и ‘‘вихим̣саад̇хаад̇у’’.
Tattha katamā vihiṃsādhātu? Vihiṃsāpaṭisaṃyutto takko vitakko…pe… micchāsaṅkappo – ayaṃ vuccati ‘‘vihiṃsādhātu’’. Idhekacco pāṇinā vā leḍḍunā vā daṇḍena vā satthena vā rajjuyā vā aññataraññatarena satte viheṭheti, yā evarūpā heṭhanā viheṭhanā hiṃsanā vihiṃsanā rosanā virosanā parūpaghāto – ayaṃ vuccati ‘‘vihiṃsādhātu’’.
д̇ад̇т̇а гад̇амаа нзгкаммад̇хаад̇у? нзгкаммабадисам̣яуд̇д̇о д̇агго вид̇агго…бз… саммаасан̇габбо – аяам̣ вужжад̇и ‘‘нзгкаммад̇хаад̇у’’. саб̣б̣зби гусалаа д̇хаммаа ‘‘нзгкаммад̇хаад̇у’’.
Tattha katamā nekkhammadhātu? Nekkhammapaṭisaṃyutto takko vitakko…pe… sammāsaṅkappo – ayaṃ vuccati ‘‘nekkhammadhātu’’. Sabbepi kusalā dhammā ‘‘nekkhammadhātu’’.
д̇ад̇т̇а гад̇амаа аб̣яаабаад̣̇ад̇хаад̇у? аб̣яаабаад̣̇абадисам̣яуд̇д̇о д̇агго вид̇агго…бз… саммаасан̇габбо – аяам̣ вужжад̇и ‘‘аб̣яаабаад̣̇ад̇хаад̇у’’. яаа сад̇д̇зсу мзд̇д̇и мзд̇д̇ааяанаа мзд̇д̇ааяид̇ад̇д̇ам̣ мзд̇д̇аажзд̇овимуд̇д̇и – аяам̣ вужжад̇и ‘‘аб̣яаабаад̣̇ад̇хаад̇у’’.
Tattha katamā abyāpādadhātu? Abyāpādapaṭisaṃyutto takko vitakko…pe… sammāsaṅkappo – ayaṃ vuccati ‘‘abyāpādadhātu’’. Yā sattesu metti mettāyanā mettāyitattaṃ mettācetovimutti – ayaṃ vuccati ‘‘abyāpādadhātu’’.
д̇ад̇т̇а гад̇амаа авихим̣саад̇хаад̇у? авихим̣саабадисам̣яуд̇д̇о д̇агго вид̇агго сан̇габбо аббанаа б̣яаббанаа жзд̇асо абхиниробанаа саммаасан̇габбо – аяам̣ вужжад̇и ‘‘авихим̣саад̇хаад̇у’’ . яаа сад̇д̇зсу гарун̣аа гарун̣ааяанаа гарун̣ааяид̇ад̇д̇ам̣ гарун̣аажзд̇овимуд̇д̇и – аяам̣ вужжад̇и ‘‘авихим̣саад̇хаад̇у’’.
Tattha katamā avihiṃsādhātu? Avihiṃsāpaṭisaṃyutto takko vitakko saṅkappo appanā byappanā cetaso abhiniropanā sammāsaṅkappo – ayaṃ vuccati ‘‘avihiṃsādhātu’’ . Yā sattesu karuṇā karuṇāyanā karuṇāyitattaṃ karuṇācetovimutti – ayaṃ vuccati ‘‘avihiṃsādhātu’’.
имаа ча д̇хаад̇уяо.
Imā cha dhātuyo.
ид̇и имаани д̇ийн̣и чаггаани д̇ад̣̇згаж̇жхам̣ абхисан̃н̃уухид̇ваа абхисан̇кибид̇ваа адтаараса д̇хаад̇уяо хонд̇и.
Iti imāni tīṇi chakkāni tadekajjhaṃ abhisaññūhitvā abhisaṅkhipitvā aṭṭhārasa dhātuyo honti.
суд̇д̇анд̇абхааж̇анийяам̣.
Suttantabhājanīyaṃ.
2. абхид̇хаммабхааж̇анийяам̣
2. Abhidhammabhājanīyaṃ
183. адтаараса д̇хаад̇уяо – жагкуд̇хаад̇у, руубад̇хаад̇у, жагкувин̃н̃аан̣ад̇хаад̇у, сод̇ад̇хаад̇у, сад̣̇д̣̇ад̇хаад̇у, сод̇авин̃н̃аан̣ад̇хаад̇у, гхаанад̇хаад̇у, г̇анд̇хад̇хаад̇у, гхаанавин̃н̃аан̣ад̇хаад̇у, ж̇ивхаад̇хаад̇у, расад̇хаад̇у, ж̇ивхаавин̃н̃аан̣ад̇хаад̇у , гааяад̇хаад̇у, подтаб̣б̣ад̇хаад̇у, гааяавин̃н̃аан̣ад̇хаад̇у, манод̇хаад̇у, д̇хаммад̇хаад̇у, мановин̃н̃аан̣ад̇хаад̇у.
183. Aṭṭhārasa dhātuyo – cakkhudhātu, rūpadhātu, cakkhuviññāṇadhātu, sotadhātu, saddadhātu, sotaviññāṇadhātu, ghānadhātu, gandhadhātu, ghānaviññāṇadhātu, jivhādhātu, rasadhātu, jivhāviññāṇadhātu , kāyadhātu, phoṭṭhabbadhātu, kāyaviññāṇadhātu, manodhātu, dhammadhātu, manoviññāṇadhātu.
184. д̇ад̇т̇а гад̇амаа жагкуд̇хаад̇у? яам̣ жагку жад̇уннам̣ махаабхууд̇аанам̣ убаад̣̇ааяа басаад̣̇о…бз… сун̃н̃о г̇аамобзсо – аяам̣ вужжад̇и ‘‘жагкуд̇хаад̇у’’.
184. Tattha katamā cakkhudhātu? Yaṃ cakkhu catunnaṃ mahābhūtānaṃ upādāya pasādo…pe… suñño gāmopeso – ayaṃ vuccati ‘‘cakkhudhātu’’.
д̇ад̇т̇а гад̇амаа руубад̇хаад̇у? яам̣ руубам̣ жад̇уннам̣ махаабхууд̇аанам̣ убаад̣̇ааяа ван̣н̣анибхаа…бз… руубад̇хаад̇убзсаа – аяам̣ вужжад̇и ‘‘руубад̇хаад̇у’’.
Tattha katamā rūpadhātu? Yaṃ rūpaṃ catunnaṃ mahābhūtānaṃ upādāya vaṇṇanibhā…pe… rūpadhātupesā – ayaṃ vuccati ‘‘rūpadhātu’’.
д̇ад̇т̇а гад̇амаа жагкувин̃н̃аан̣ад̇хаад̇у? жагкун̃жа бадижжа руубз жа уббаж̇ж̇ад̇и жид̇д̇ам̣ мано маанасам̣ хад̣̇аяам̣ бан̣д̣арам̣ мано манааяад̇анам̣ манинд̣̇рияам̣ вин̃н̃аан̣ам̣ вин̃н̃аан̣агканд̇хо д̇аж̇ж̇аажагкувин̃н̃аан̣ад̇хаад̇у – аяам̣ вужжад̇и ‘‘жагкувин̃н̃аан̣ад̇хаад̇у’’.
Tattha katamā cakkhuviññāṇadhātu? Cakkhuñca paṭicca rūpe ca uppajjati cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjācakkhuviññāṇadhātu – ayaṃ vuccati ‘‘cakkhuviññāṇadhātu’’.
д̇ад̇т̇а гад̇амаа сод̇ад̇хаад̇у? яам̣ сод̇ам̣ жад̇уннам̣ махаабхууд̇аанам̣ убаад̣̇ааяа басаад̣̇о…бз… сун̃н̃о г̇аамобзсо – аяам̣ вужжад̇и ‘‘сод̇ад̇хаад̇у’’ .
Tattha katamā sotadhātu? Yaṃ sotaṃ catunnaṃ mahābhūtānaṃ upādāya pasādo…pe… suñño gāmopeso – ayaṃ vuccati ‘‘sotadhātu’’ .
д̇ад̇т̇а гад̇амаа сад̣̇д̣̇ад̇хаад̇у? яо сад̣̇д̣̇о жад̇уннам̣ махаабхууд̇аанам̣ убаад̣̇ааяа анид̣̇ассано саббадигхо…бз… сад̣̇д̣̇ад̇хаад̇убзсаа – аяам̣ вужжад̇и ‘‘сад̣̇д̣̇ад̇хаад̇у’’.
Tattha katamā saddadhātu? Yo saddo catunnaṃ mahābhūtānaṃ upādāya anidassano sappaṭigho…pe… saddadhātupesā – ayaṃ vuccati ‘‘saddadhātu’’.
д̇ад̇т̇а гад̇амаа сод̇авин̃н̃аан̣ад̇хаад̇у? сод̇ан̃жа бадижжа сад̣̇д̣̇з жа уббаж̇ж̇ад̇и жид̇д̇ам̣ мано маанасам̣ хад̣̇аяам̣ бан̣д̣арам̣ мано манааяад̇анам̣ манинд̣̇рияам̣ вин̃н̃аан̣ам̣ вин̃н̃аан̣агканд̇хо д̇аж̇ж̇аасод̇авин̃н̃аан̣ад̇хаад̇у – аяам̣ вужжад̇и ‘‘сод̇авин̃н̃аан̣ад̇хаад̇у’’.
Tattha katamā sotaviññāṇadhātu? Sotañca paṭicca sadde ca uppajjati cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāsotaviññāṇadhātu – ayaṃ vuccati ‘‘sotaviññāṇadhātu’’.
д̇ад̇т̇а гад̇амаа гхаанад̇хаад̇у? яам̣ гхаанам̣ жад̇уннам̣ махаабхууд̇аанам̣ убаад̣̇ааяа басаад̣̇о…бз… сун̃н̃о г̇аамобзсо – аяам̣ вужжад̇и ‘‘гхаанад̇хаад̇у’’.
Tattha katamā ghānadhātu? Yaṃ ghānaṃ catunnaṃ mahābhūtānaṃ upādāya pasādo…pe… suñño gāmopeso – ayaṃ vuccati ‘‘ghānadhātu’’.
д̇ад̇т̇а гад̇амаа г̇анд̇хад̇хаад̇у? яо г̇анд̇хо жад̇уннам̣ махаабхууд̇аанам̣ убаад̣̇ааяа анид̣̇ассано саббадигхо…бз… г̇анд̇хад̇хаад̇убзсаа – аяам̣ вужжад̇и ‘‘г̇анд̇хад̇хаад̇у’’.
Tattha katamā gandhadhātu? Yo gandho catunnaṃ mahābhūtānaṃ upādāya anidassano sappaṭigho…pe… gandhadhātupesā – ayaṃ vuccati ‘‘gandhadhātu’’.
д̇ад̇т̇а гад̇амаа гхаанавин̃н̃аан̣ад̇хаад̇у? гхаанан̃жа бадижжа г̇анд̇хз жа уббаж̇ж̇ад̇и жид̇д̇ам̣ мано маанасам̣ хад̣̇аяам̣ бан̣д̣арам̣ мано манааяад̇анам̣ манинд̣̇рияам̣ вин̃н̃аан̣ам̣ вин̃н̃аан̣агканд̇хо д̇аж̇ж̇аагхаанавин̃н̃аан̣ад̇хаад̇у – аяам̣ вужжад̇и ‘‘гхаанавин̃н̃аан̣ад̇хаад̇у’’.
Tattha katamā ghānaviññāṇadhātu? Ghānañca paṭicca gandhe ca uppajjati cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāghānaviññāṇadhātu – ayaṃ vuccati ‘‘ghānaviññāṇadhātu’’.
д̇ад̇т̇а гад̇амаа ж̇ивхаад̇хаад̇у? яаа ж̇ивхаа жад̇уннам̣ махаабхууд̇аанам̣ убаад̣̇ааяа басаад̣̇о…бз… сун̃н̃о г̇аамобзсо – аяам̣ вужжад̇и ‘‘ж̇ивхаад̇хаад̇у’’.
Tattha katamā jivhādhātu? Yā jivhā catunnaṃ mahābhūtānaṃ upādāya pasādo…pe… suñño gāmopeso – ayaṃ vuccati ‘‘jivhādhātu’’.
д̇ад̇т̇а гад̇амаа расад̇хаад̇у? яо расо жад̇уннам̣ махаабхууд̇аанам̣ убаад̣̇ааяа анид̣̇ассано саббадигхо…бз… расад̇хаад̇убзсаа – аяам̣ вужжад̇и ‘‘расад̇хаад̇у’’.
Tattha katamā rasadhātu? Yo raso catunnaṃ mahābhūtānaṃ upādāya anidassano sappaṭigho…pe… rasadhātupesā – ayaṃ vuccati ‘‘rasadhātu’’.
д̇ад̇т̇а гад̇амаа ж̇ивхаавин̃н̃аан̣ад̇хаад̇у? ж̇ивхан̃жа бадижжа расз жа уббаж̇ж̇ад̇и жид̇д̇ам̣ мано маанасам̣ хад̣̇аяам̣ бан̣д̣арам̣ мано манааяад̇анам̣ манинд̣̇рияам̣ вин̃н̃аан̣ам̣ вин̃н̃аан̣агканд̇хо д̇аж̇ж̇ааж̇ивхаавин̃н̃аан̣ад̇хаад̇у – аяам̣ вужжад̇и ‘‘ж̇ивхаавин̃н̃аан̣ад̇хаад̇у’’.
Tattha katamā jivhāviññāṇadhātu? Jivhañca paṭicca rase ca uppajjati cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjājivhāviññāṇadhātu – ayaṃ vuccati ‘‘jivhāviññāṇadhātu’’.
д̇ад̇т̇а гад̇амаа гааяад̇хаад̇у? яо гааяо жад̇уннам̣ махаабхууд̇аанам̣ убаад̣̇ааяа басаад̣̇о…бз… сун̃н̃о г̇аамобзсо – аяам̣ вужжад̇и ‘‘гааяад̇хаад̇у’’.
Tattha katamā kāyadhātu? Yo kāyo catunnaṃ mahābhūtānaṃ upādāya pasādo…pe… suñño gāmopeso – ayaṃ vuccati ‘‘kāyadhātu’’.
д̇ад̇т̇а гад̇амаа подтаб̣б̣ад̇хаад̇у? бат̇авийд̇хаад̇у…бз… подтаб̣б̣ад̇хаад̇убзсаа – аяам̣ вужжад̇и ‘‘подтаб̣б̣ад̇хаад̇у’’.
Tattha katamā phoṭṭhabbadhātu? Pathavīdhātu…pe… phoṭṭhabbadhātupesā – ayaṃ vuccati ‘‘phoṭṭhabbadhātu’’.
д̇ад̇т̇а гад̇амаа гааяавин̃н̃аан̣ад̇хаад̇у? гааяан̃жа бадижжа подтаб̣б̣з жа уббаж̇ж̇ад̇и жид̇д̇ам̣ мано маанасам̣ хад̣̇аяам̣ бан̣д̣арам̣ мано манааяад̇анам̣ манинд̣̇рияам̣ вин̃н̃аан̣ам̣ вин̃н̃аан̣агканд̇хо д̇аж̇ж̇аагааяавин̃н̃аан̣ад̇хаад̇у – аяам̣ вужжад̇и ‘‘гааяавин̃н̃аан̣ад̇хаад̇у’’.
Tattha katamā kāyaviññāṇadhātu? Kāyañca paṭicca phoṭṭhabbe ca uppajjati cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjākāyaviññāṇadhātu – ayaṃ vuccati ‘‘kāyaviññāṇadhātu’’.
д̇ад̇т̇а гад̇амаа манод̇хаад̇у? жагкувин̃н̃аан̣ад̇хаад̇уяаа уббаж̇ж̇ид̇ваа нируд̣̇д̇хасамананд̇араа уббаж̇ж̇ад̇и жид̇д̇ам̣ мано маанасам̣ хад̣̇аяам̣ бан̣д̣арам̣ мано манааяад̇анам̣ манинд̣̇рияам̣ вин̃н̃аан̣ам̣ вин̃н̃аан̣агканд̇хо д̇аж̇ж̇ааманод̇хаад̇у; сод̇авин̃н̃аан̣ад̇хаад̇уяаа…бз… гхаанавин̃н̃аан̣ад̇хаад̇уяаа…бз… ж̇ивхаавин̃н̃аан̣ад̇хаад̇уяаа…бз… гааяавин̃н̃аан̣ад̇хаад̇уяаа уббаж̇ж̇ид̇ваа нируд̣̇д̇хасамананд̇араа уббаж̇ж̇ад̇и жид̇д̇ам̣ мано маанасам̣ хад̣̇аяам̣ бан̣д̣арам̣ мано манааяад̇анам̣ манинд̣̇рияам̣ вин̃н̃аан̣ам̣ вин̃н̃аан̣агканд̇хо д̇аж̇ж̇ааманод̇хаад̇у саб̣б̣ад̇хаммзсу ваа бана батамасаманнаахааро уббаж̇ж̇ад̇и жид̇д̇ам̣ мано маанасам̣ хад̣̇аяам̣ бан̣д̣арам̣ мано манааяад̇анам̣ манинд̣̇рияам̣ вин̃н̃аан̣ам̣ вин̃н̃аан̣агканд̇хо д̇аж̇ж̇ааманод̇хаад̇у – аяам̣ вужжад̇и ‘‘манод̇хаад̇у’’.
Tattha katamā manodhātu? Cakkhuviññāṇadhātuyā uppajjitvā niruddhasamanantarā uppajjati cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanodhātu; sotaviññāṇadhātuyā…pe… ghānaviññāṇadhātuyā…pe… jivhāviññāṇadhātuyā…pe… kāyaviññāṇadhātuyā uppajjitvā niruddhasamanantarā uppajjati cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanodhātu sabbadhammesu vā pana paṭhamasamannāhāro uppajjati cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanodhātu – ayaṃ vuccati ‘‘manodhātu’’.
д̇ад̇т̇а гад̇амаа д̇хаммад̇хаад̇у? взд̣̇анаагканд̇хо, сан̃н̃аагканд̇хо, сан̇каарагканд̇хо, яан̃жа руубам̣ анид̣̇ассанааббадигхам̣ д̇хаммааяад̇анабарияаабаннам̣, асан̇кад̇аа жа д̇хаад̇у.
Tattha katamā dhammadhātu? Vedanākkhandho, saññākkhandho, saṅkhārakkhandho, yañca rūpaṃ anidassanaappaṭighaṃ dhammāyatanapariyāpannaṃ, asaṅkhatā ca dhātu.
д̇ад̇т̇а гад̇амо взд̣̇анаагканд̇хо? згавид̇хзна взд̣̇анаагканд̇хо – пассасамбаяуд̇д̇о . д̣̇увид̇хзна взд̣̇анаагканд̇хо – ад̇т̇и сахзд̇уго, ад̇т̇и ахзд̇уго. д̇ивид̇хзна взд̣̇анаагканд̇хо – ад̇т̇и гусало, ад̇т̇и агусало, ад̇т̇и аб̣яаагад̇о…бз… звам̣ д̣̇асавид̇хзна взд̣̇анаагканд̇хо…бз… звам̣ б̣ахувид̇хзна взд̣̇анаагканд̇хо. аяам̣ вужжад̇и ‘‘взд̣̇анаагканд̇хо’’.
Tattha katamo vedanākkhandho? Ekavidhena vedanākkhandho – phassasampayutto . Duvidhena vedanākkhandho – atthi sahetuko, atthi ahetuko. Tividhena vedanākkhandho – atthi kusalo, atthi akusalo, atthi abyākato…pe… evaṃ dasavidhena vedanākkhandho…pe… evaṃ bahuvidhena vedanākkhandho. Ayaṃ vuccati ‘‘vedanākkhandho’’.
д̇ад̇т̇а гад̇амо сан̃н̃аагканд̇хо? згавид̇хзна сан̃н̃аагканд̇хо – пассасамбаяуд̇д̇о. д̣̇увид̇хзна сан̃н̃аагканд̇хо – ад̇т̇и сахзд̇уго, ад̇т̇и ахзд̇уго. д̇ивид̇хзна сан̃н̃аагканд̇хо – ад̇т̇и гусало, ад̇т̇и агусало, ад̇т̇и аб̣яаагад̇о…бз… звам̣ д̣̇асавид̇хзна сан̃н̃аагканд̇хо…бз… звам̣ б̣ахувид̇хзна сан̃н̃аагканд̇хо. аяам̣ вужжад̇и ‘‘сан̃н̃аагканд̇хо’’.
Tattha katamo saññākkhandho? Ekavidhena saññākkhandho – phassasampayutto. Duvidhena saññākkhandho – atthi sahetuko, atthi ahetuko. Tividhena saññākkhandho – atthi kusalo, atthi akusalo, atthi abyākato…pe… evaṃ dasavidhena saññākkhandho…pe… evaṃ bahuvidhena saññākkhandho. Ayaṃ vuccati ‘‘saññākkhandho’’.
д̇ад̇т̇а гад̇амо сан̇каарагканд̇хо? згавид̇хзна сан̇каарагканд̇хо – жид̇д̇асамбаяуд̇д̇о. д̣̇увид̇хзна сан̇каарагканд̇хо – ад̇т̇и хзд̇у, ад̇т̇и ахзд̇у. д̇ивид̇хзна сан̇каарагканд̇хо – ад̇т̇и гусало, ад̇т̇и агусало, ад̇т̇и аб̣яаагад̇о…бз… звам̣ д̣̇асавид̇хзна сан̇каарагканд̇хо…бз… звам̣ б̣ахувид̇хзна сан̇каарагканд̇хо – аяам̣ вужжад̇и ‘‘сан̇каарагканд̇хо’’.
Tattha katamo saṅkhārakkhandho? Ekavidhena saṅkhārakkhandho – cittasampayutto. Duvidhena saṅkhārakkhandho – atthi hetu, atthi ahetu. Tividhena saṅkhārakkhandho – atthi kusalo, atthi akusalo, atthi abyākato…pe… evaṃ dasavidhena saṅkhārakkhandho…pe… evaṃ bahuvidhena saṅkhārakkhandho – ayaṃ vuccati ‘‘saṅkhārakkhandho’’.
д̇ад̇т̇а гад̇амам̣ руубам̣ анид̣̇ассанааббадигхам̣ д̇хаммааяад̇анабарияаабаннам̣? ид̇т̇инд̣̇рияам̣…бз… габ̣ал̣ийгааро аахааро – ид̣̇ам̣ вужжад̇и руубам̣ ‘‘анид̣̇ассанааббадигхам̣ д̇хаммааяад̇анабарияаабаннам̣’’.
Tattha katamaṃ rūpaṃ anidassanaappaṭighaṃ dhammāyatanapariyāpannaṃ? Itthindriyaṃ…pe… kabaḷīkāro āhāro – idaṃ vuccati rūpaṃ ‘‘anidassanaappaṭighaṃ dhammāyatanapariyāpannaṃ’’.
д̇ад̇т̇а гад̇амаа асан̇кад̇аа д̇хаад̇у? рааг̇агкаяо, д̣̇осагкаяо, мохагкаяо – аяам̣ вужжад̇и ‘‘асан̇кад̇аа д̇хаад̇у’’. аяам̣ вужжад̇и ‘‘д̇хаммад̇хаад̇у’’.
Tattha katamā asaṅkhatā dhātu? Rāgakkhayo, dosakkhayo, mohakkhayo – ayaṃ vuccati ‘‘asaṅkhatā dhātu’’. Ayaṃ vuccati ‘‘dhammadhātu’’.
д̇ад̇т̇а гад̇амаа мановин̃н̃аан̣ад̇хаад̇у? жагкувин̃н̃аан̣ад̇хаад̇уяаа уббаж̇ж̇ид̇ваа нируд̣̇д̇хасамананд̇араа уббаж̇ж̇ад̇и манод̇хаад̇у, манод̇хаад̇уяаа уббаж̇ж̇ид̇ваа нируд̣̇д̇хасамананд̇араа уббаж̇ж̇ад̇и жид̇д̇ам̣ мано маанасам̣…бз… д̇аж̇ж̇аамановин̃н̃аан̣ад̇хаад̇у; сод̇авин̃н̃аан̣ад̇хаад̇уяаа…бз… гхаанавин̃н̃аан̣ад̇хаад̇уяаа …бз… ж̇ивхаавин̃н̃аан̣ад̇хаад̇уяаа…бз… гааяавин̃н̃аан̣ад̇хаад̇уяаа уббаж̇ж̇ид̇ваа нируд̣̇д̇хасамананд̇араа уббаж̇ж̇ад̇и манод̇хаад̇у, манод̇хаад̇уяааби уббаж̇ж̇ид̇ваа нируд̣̇д̇хасамананд̇араа уббаж̇ж̇ад̇и жид̇д̇ам̣ мано маанасам̣…бз… д̇аж̇ж̇аамановин̃н̃аан̣ад̇хаад̇у манан̃жа бадижжа д̇хаммз жа уббаж̇ж̇ад̇и жид̇д̇ам̣ мано маанасам̣ хад̣̇аяам̣ бан̣д̣арам̣ мано манааяад̇анам̣ манинд̣̇рияам̣ вин̃н̃аан̣ам̣ вин̃н̃аан̣агканд̇хо д̇аж̇ж̇аамановин̃н̃аан̣ад̇хаад̇у – аяам̣ вужжад̇и ‘‘мановин̃н̃аан̣ад̇хаад̇у’’.
Tattha katamā manoviññāṇadhātu? Cakkhuviññāṇadhātuyā uppajjitvā niruddhasamanantarā uppajjati manodhātu, manodhātuyā uppajjitvā niruddhasamanantarā uppajjati cittaṃ mano mānasaṃ…pe… tajjāmanoviññāṇadhātu; sotaviññāṇadhātuyā…pe… ghānaviññāṇadhātuyā …pe… jivhāviññāṇadhātuyā…pe… kāyaviññāṇadhātuyā uppajjitvā niruddhasamanantarā uppajjati manodhātu, manodhātuyāpi uppajjitvā niruddhasamanantarā uppajjati cittaṃ mano mānasaṃ…pe… tajjāmanoviññāṇadhātu manañca paṭicca dhamme ca uppajjati cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanoviññāṇadhātu – ayaṃ vuccati ‘‘manoviññāṇadhātu’’.
абхид̇хаммабхааж̇анийяам̣.
Abhidhammabhājanīyaṃ.
3. бан̃хаабужчагам̣
3. Pañhāpucchakaṃ
адтаараса д̇хаад̇уяо – жагкуд̇хаад̇у, руубад̇хаад̇у, жагкувин̃н̃аан̣ад̇хаад̇у, сод̇ад̇хаад̇у, сад̣̇д̣̇ад̇хаад̇у, сод̇авин̃н̃аан̣ад̇хаад̇у, гхаанад̇хаад̇у, г̇анд̇хад̇хаад̇у, гхаанавин̃н̃аан̣ад̇хаад̇у, ж̇ивхаад̇хаад̇у, расад̇хаад̇у, ж̇ивхаавин̃н̃аан̣ад̇хаад̇у, гааяад̇хаад̇у, подтаб̣б̣ад̇хаад̇у, гааяавин̃н̃аан̣ад̇хаад̇у, манод̇хаад̇у, д̇хаммад̇хаад̇у, мановин̃н̃аан̣ад̇хаад̇у.
Aṭṭhārasa dhātuyo – cakkhudhātu, rūpadhātu, cakkhuviññāṇadhātu, sotadhātu, saddadhātu, sotaviññāṇadhātu, ghānadhātu, gandhadhātu, ghānaviññāṇadhātu, jivhādhātu, rasadhātu, jivhāviññāṇadhātu, kāyadhātu, phoṭṭhabbadhātu, kāyaviññāṇadhātu, manodhātu, dhammadhātu, manoviññāṇadhātu.
186. адтаарасаннам̣ д̇хаад̇уунам̣ гад̇и гусалаа, гад̇и агусалаа, гад̇и аб̣яаагад̇аа…бз… гад̇и саран̣аа, гад̇и аран̣аа?
186. Aṭṭhārasannaṃ dhātūnaṃ kati kusalā, kati akusalā, kati abyākatā…pe… kati saraṇā, kati araṇā?
1. д̇игам̣
1. Tikaṃ
187. сол̣аса д̇хаад̇уяо аб̣яаагад̇аа. д̣̇вз д̇хаад̇уяо сияаа гусалаа, сияаа агусалаа, сияаа аб̣яаагад̇аа. д̣̇аса д̇хаад̇уяо на вад̇д̇аб̣б̣аа – ‘‘сукааяа взд̣̇анааяа самбаяуд̇д̇аа’’д̇иби, ‘‘д̣̇угкааяа взд̣̇анааяа самбаяуд̇д̇аа’’д̇иби, ‘‘ад̣̇угкамасукааяа взд̣̇анааяа самбаяуд̇д̇аа’’д̇иби. бан̃жа д̇хаад̇уяо ад̣̇угкамасукааяа взд̣̇анааяа самбаяуд̇д̇аа. гааяавин̃н̃аан̣ад̇хаад̇у сияаа сукааяа взд̣̇анааяа самбаяуд̇д̇аа, сияаа д̣̇угкааяа взд̣̇анааяа самбаяуд̇д̇аа. мановин̃н̃аан̣ад̇хаад̇у сияаа сукааяа взд̣̇анааяа самбаяуд̇д̇аа, сияаа д̣̇угкааяа взд̣̇анааяа самбаяуд̇д̇аа, сияаа ад̣̇угкамасукааяа взд̣̇анааяа самбаяуд̇д̇аа. д̇хаммад̇хаад̇у сияаа сукааяа взд̣̇анааяа самбаяуд̇д̇аа, сияаа д̣̇угкааяа взд̣̇анааяа самбаяуд̇д̇аа, сияаа ад̣̇угкамасукааяа взд̣̇анааяа самбаяуд̇д̇аа, сияаа на вад̇д̇аб̣б̣аа – ‘‘сукааяа взд̣̇анааяа самбаяуд̇д̇аа’’д̇иби, ‘‘д̣̇угкааяа взд̣̇анааяа самбаяуд̇д̇аа’’д̇иби, ‘‘ад̣̇угкамасукааяа взд̣̇анааяа самбаяуд̇д̇аа’’д̇иби.
187. Soḷasa dhātuyo abyākatā. Dve dhātuyo siyā kusalā, siyā akusalā, siyā abyākatā. Dasa dhātuyo na vattabbā – ‘‘sukhāya vedanāya sampayuttā’’tipi, ‘‘dukkhāya vedanāya sampayuttā’’tipi, ‘‘adukkhamasukhāya vedanāya sampayuttā’’tipi. Pañca dhātuyo adukkhamasukhāya vedanāya sampayuttā. Kāyaviññāṇadhātu siyā sukhāya vedanāya sampayuttā, siyā dukkhāya vedanāya sampayuttā. Manoviññāṇadhātu siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā. Dhammadhātu siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā, siyā na vattabbā – ‘‘sukhāya vedanāya sampayuttā’’tipi, ‘‘dukkhāya vedanāya sampayuttā’’tipi, ‘‘adukkhamasukhāya vedanāya sampayuttā’’tipi.
д̣̇аса д̇хаад̇уяо нзвавибааганавибаагад̇хаммад̇хаммаа. бан̃жа д̇хаад̇уяо вибаагаа. манод̇хаад̇у сияаа вибаагаа, сияаа нзвавибааганавибаагад̇хаммад̇хаммаа. д̣̇вз д̇хаад̇уяо сияаа вибаагаа, сияаа вибаагад̇хаммад̇хаммаа, сияаа нзвавибааганавибаагад̇хаммад̇хаммаа.
Dasa dhātuyo nevavipākanavipākadhammadhammā. Pañca dhātuyo vipākā. Manodhātu siyā vipākā, siyā nevavipākanavipākadhammadhammā. Dve dhātuyo siyā vipākā, siyā vipākadhammadhammā, siyā nevavipākanavipākadhammadhammā.
д̣̇аса д̇хаад̇уяо убаад̣̇иннубаад̣̇аанияаа. сад̣̇д̣̇ад̇хаад̇у анубаад̣̇иннубаад̣̇аанияаа. бан̃жа д̇хаад̇уяо сияаа убаад̣̇иннубаад̣̇аанияаа, сияаа анубаад̣̇иннубаад̣̇аанияаа. д̣̇вз д̇хаад̇уяо сияаа убаад̣̇иннубаад̣̇аанияаа, сияаа анубаад̣̇иннубаад̣̇аанияаа, сияаа анубаад̣̇иннаанубаад̣̇аанияаа.
Dasa dhātuyo upādinnupādāniyā. Saddadhātu anupādinnupādāniyā. Pañca dhātuyo siyā upādinnupādāniyā, siyā anupādinnupādāniyā. Dve dhātuyo siyā upādinnupādāniyā, siyā anupādinnupādāniyā, siyā anupādinnaanupādāniyā.
сол̣аса д̇хаад̇уяо асам̣гилидтасам̣гилзсигаа. д̣̇вз д̇хаад̇уяо сияаа сам̣гилидтасам̣гилзсигаа, сияаа асам̣гилидтасам̣гилзсигаа, сияаа асам̣гилидтаасам̣гилзсигаа. баннараса д̇хаад̇уяо авид̇аггаавижаараа. манод̇хаад̇у савид̇аггасавижаараа. мановин̃н̃аан̣ад̇хаад̇у сияаа савид̇аггасавижаараа, сияаа авид̇аггавижаарамад̇д̇аа, сияаа авид̇аггаавижаараа. д̇хаммад̇хаад̇у сияаа савид̇аггасавижаараа, сияаа авид̇аггавижаарамад̇д̇аа, сияаа авид̇аггаавижаараа, сияаа на вад̇д̇аб̣б̣аа – ‘‘савид̇аггасавижаараа’’д̇иби, ‘‘авид̇аггавижаарамад̇д̇аа’’д̇иби, ‘‘авид̇аггаавижаараа’’д̇иби. д̣̇аса д̇хаад̇уяо на вад̇д̇аб̣б̣аа – ‘‘бийд̇исахаг̇ад̇аа’’д̇иби, ‘‘сукасахаг̇ад̇аа’’д̇иби, ‘‘убзгкаасахаг̇ад̇аа’’д̇иби . бан̃жа д̇хаад̇уяо убзгкаасахаг̇ад̇аа. гааяавин̃н̃аан̣ад̇хаад̇у на бийд̇исахаг̇ад̇аа, сияаа сукасахаг̇ад̇аа, на убзгкаасахаг̇ад̇аа, сияаа на вад̇д̇аб̣б̣аа – ‘‘сукасахаг̇ад̇аа’’д̇и. д̣̇вз д̇хаад̇уяо сияаа бийд̇исахаг̇ад̇аа, сияаа сукасахаг̇ад̇аа, сияаа убзгкаасахаг̇ад̇аа, сияаа на вад̇д̇аб̣б̣аа – ‘‘бийд̇исахаг̇ад̇аа’’д̇иби, ‘‘сукасахаг̇ад̇аа’’д̇иби, ‘‘убзгкаасахаг̇ад̇аа’’д̇иби.
Soḷasa dhātuyo asaṃkiliṭṭhasaṃkilesikā. Dve dhātuyo siyā saṃkiliṭṭhasaṃkilesikā, siyā asaṃkiliṭṭhasaṃkilesikā, siyā asaṃkiliṭṭhaasaṃkilesikā. Pannarasa dhātuyo avitakkaavicārā. Manodhātu savitakkasavicārā. Manoviññāṇadhātu siyā savitakkasavicārā, siyā avitakkavicāramattā, siyā avitakkaavicārā. Dhammadhātu siyā savitakkasavicārā, siyā avitakkavicāramattā, siyā avitakkaavicārā, siyā na vattabbā – ‘‘savitakkasavicārā’’tipi, ‘‘avitakkavicāramattā’’tipi, ‘‘avitakkaavicārā’’tipi. Dasa dhātuyo na vattabbā – ‘‘pītisahagatā’’tipi, ‘‘sukhasahagatā’’tipi, ‘‘upekkhāsahagatā’’tipi . Pañca dhātuyo upekkhāsahagatā. Kāyaviññāṇadhātu na pītisahagatā, siyā sukhasahagatā, na upekkhāsahagatā, siyā na vattabbā – ‘‘sukhasahagatā’’ti. Dve dhātuyo siyā pītisahagatā, siyā sukhasahagatā, siyā upekkhāsahagatā, siyā na vattabbā – ‘‘pītisahagatā’’tipi, ‘‘sukhasahagatā’’tipi, ‘‘upekkhāsahagatā’’tipi.
сол̣аса д̇хаад̇уяо нзва д̣̇ассанзна на бхааванааяа бахаад̇аб̣б̣аа. д̣̇вз д̇хаад̇уяо сияаа д̣̇ассанзна бахаад̇аб̣б̣аа, сияаа бхааванааяа бахаад̇аб̣б̣аа, сияаа нзва д̣̇ассанзна на бхааванааяа бахаад̇аб̣б̣аа. сол̣аса д̇хаад̇уяо нзва д̣̇ассанзна на бхааванааяа бахаад̇аб̣б̣ахзд̇угаа. д̣̇вз д̇хаад̇уяо сияаа д̣̇ассанзна бахаад̇аб̣б̣ахзд̇угаа, сияаа бхааванааяа бахаад̇аб̣б̣ахзд̇угаа, сияаа нзва д̣̇ассанзна на бхааванааяа бахаад̇аб̣б̣ахзд̇угаа. сол̣аса д̇хаад̇уяо нзваажаяаг̇ааминаабажаяаг̇аамино. д̣̇вз д̇хаад̇уяо сияаа аажаяаг̇аамино, сияаа абажаяаг̇аамино, сияаа нзваажаяаг̇ааминаабажаяаг̇аамино. сол̣аса д̇хаад̇уяо нзвасзгканаасзгкаа. д̣̇вз д̇хаад̇уяо сияаа сзгкаа, сияаа асзгкаа, сияаа нзвасзгканаасзгкаа.
Soḷasa dhātuyo neva dassanena na bhāvanāya pahātabbā. Dve dhātuyo siyā dassanena pahātabbā, siyā bhāvanāya pahātabbā, siyā neva dassanena na bhāvanāya pahātabbā. Soḷasa dhātuyo neva dassanena na bhāvanāya pahātabbahetukā. Dve dhātuyo siyā dassanena pahātabbahetukā, siyā bhāvanāya pahātabbahetukā, siyā neva dassanena na bhāvanāya pahātabbahetukā. Soḷasa dhātuyo nevācayagāmināpacayagāmino. Dve dhātuyo siyā ācayagāmino, siyā apacayagāmino, siyā nevācayagāmināpacayagāmino. Soḷasa dhātuyo nevasekkhanāsekkhā. Dve dhātuyo siyā sekkhā, siyā asekkhā, siyā nevasekkhanāsekkhā.
сол̣аса д̇хаад̇уяо барид̇д̇аа. д̣̇вз д̇хаад̇уяо сияаа барид̇д̇аа, сияаа махаг̇г̇ад̇аа, сияаа аббамаан̣аа. д̣̇аса д̇хаад̇уяо анаарамман̣аа. ча д̇хаад̇уяо барид̇д̇аарамман̣аа. д̣̇вз д̇хаад̇уяо сияаа барид̇д̇аарамман̣аа, сияаа махаг̇г̇ад̇аарамман̣аа, сияаа аббамаан̣аарамман̣аа, сияаа на вад̇д̇аб̣б̣аа – ‘‘барид̇д̇аарамман̣аа’’д̇иби, ‘‘махаг̇г̇ад̇аарамман̣аа’’д̇иби, ‘‘аббамаан̣аарамман̣аа’’д̇иби. сол̣аса д̇хаад̇уяо маж̇жхимаа. д̣̇вз д̇хаад̇уяо сияаа хийнаа, сияаа маж̇жхимаа, сияаа бан̣ийд̇аа. сол̣аса д̇хаад̇уяо анияад̇аа. д̣̇вз д̇хаад̇уяо сияаа мижчад̇д̇анияад̇аа, сияаа саммад̇д̇анияад̇аа, сияаа анияад̇аа.
Soḷasa dhātuyo parittā. Dve dhātuyo siyā parittā, siyā mahaggatā, siyā appamāṇā. Dasa dhātuyo anārammaṇā. Cha dhātuyo parittārammaṇā. Dve dhātuyo siyā parittārammaṇā, siyā mahaggatārammaṇā, siyā appamāṇārammaṇā, siyā na vattabbā – ‘‘parittārammaṇā’’tipi, ‘‘mahaggatārammaṇā’’tipi, ‘‘appamāṇārammaṇā’’tipi. Soḷasa dhātuyo majjhimā. Dve dhātuyo siyā hīnā, siyā majjhimā, siyā paṇītā. Soḷasa dhātuyo aniyatā. Dve dhātuyo siyā micchattaniyatā, siyā sammattaniyatā, siyā aniyatā.
д̣̇аса д̇хаад̇уяо анаарамман̣аа. ча д̇хаад̇уяо на вад̇д̇аб̣б̣аа – ‘‘маг̇г̇аарамман̣аа’’д̇иби, ‘‘маг̇г̇ахзд̇угаа’’д̇иби, ‘‘маг̇г̇аад̇хибад̇ино’’д̇иби. д̣̇вз д̇хаад̇уяо сияаа маг̇г̇аарамман̣аа, сияаа маг̇г̇ахзд̇угаа, сияаа маг̇г̇аад̇хибад̇ино, сияаа на вад̇д̇аб̣б̣аа – ‘‘маг̇г̇аарамман̣аа’’д̇иби, ‘‘маг̇г̇ахзд̇угаа’’д̇иби, ‘‘маг̇г̇аад̇хибад̇ино’’д̇иби. д̣̇аса д̇хаад̇уяо сияаа уббаннаа, сияаа уббаад̣̇ино, сияаа на вад̇д̇аб̣б̣аа – ‘‘ануббаннаа’’д̇и. сад̣̇д̣̇ад̇хаад̇у сияаа уббаннаа, сияаа ануббаннаа, сияаа на вад̇д̇аб̣б̣аа – ‘‘уббаад̣̇иний’’д̇и. ча д̇хаад̇уяо сияаа уббаннаа, сияаа ануббаннаа, сияаа уббаад̣̇ино. д̇хаммад̇хаад̇у сияаа уббаннаа, сияаа ануббаннаа, сияаа уббаад̣̇иний, сияаа на вад̇д̇аб̣б̣аа – ‘‘уббаннаа’’д̇иби, ‘‘ануббаннаа’’д̇иби, ‘‘уббаад̣̇иний’’д̇иби.
Dasa dhātuyo anārammaṇā. Cha dhātuyo na vattabbā – ‘‘maggārammaṇā’’tipi, ‘‘maggahetukā’’tipi, ‘‘maggādhipatino’’tipi. Dve dhātuyo siyā maggārammaṇā, siyā maggahetukā, siyā maggādhipatino, siyā na vattabbā – ‘‘maggārammaṇā’’tipi, ‘‘maggahetukā’’tipi, ‘‘maggādhipatino’’tipi. Dasa dhātuyo siyā uppannā, siyā uppādino, siyā na vattabbā – ‘‘anuppannā’’ti. Saddadhātu siyā uppannā, siyā anuppannā, siyā na vattabbā – ‘‘uppādinī’’ti. Cha dhātuyo siyā uppannā, siyā anuppannā, siyā uppādino. Dhammadhātu siyā uppannā, siyā anuppannā, siyā uppādinī, siyā na vattabbā – ‘‘uppannā’’tipi, ‘‘anuppannā’’tipi, ‘‘uppādinī’’tipi.
сад̇д̇араса д̇хаад̇уяо сияаа ад̇ийд̇аа, сияаа анааг̇ад̇аа, сияаа бажжуббаннаа. д̇хаммад̇хаад̇у сияаа ад̇ийд̇аа, сияаа анааг̇ад̇аа, сияаа бажжуббаннаа, сияаа на вад̇д̇аб̣б̣аа – ‘‘ад̇ийд̇аа’’д̇иби, ‘‘анааг̇ад̇аа’’д̇иби, ‘‘бажжуббаннаа’’д̇иби. д̣̇аса д̇хаад̇уяо анаарамман̣аа. ча д̇хаад̇уяо бажжуббаннаарамман̣аа. д̣̇вз д̇хаад̇уяо сияаа ад̇ийд̇аарамман̣аа, сияаа анааг̇ад̇аарамман̣аа, сияаа бажжуббаннаарамман̣аа , сияаа на вад̇д̇аб̣б̣аа – ‘‘ад̇ийд̇аарамман̣аа’’д̇иби, ‘‘анааг̇ад̇аарамман̣аа’’д̇иби, ‘‘бажжуббаннаарамман̣аа’’д̇иби; сияаа аж̇жхад̇д̇аа, сияаа б̣ахид̣̇д̇хаа, сияаа аж̇жхад̇д̇аб̣ахид̣̇д̇хаа.
Sattarasa dhātuyo siyā atītā, siyā anāgatā, siyā paccuppannā. Dhammadhātu siyā atītā, siyā anāgatā, siyā paccuppannā, siyā na vattabbā – ‘‘atītā’’tipi, ‘‘anāgatā’’tipi, ‘‘paccuppannā’’tipi. Dasa dhātuyo anārammaṇā. Cha dhātuyo paccuppannārammaṇā. Dve dhātuyo siyā atītārammaṇā, siyā anāgatārammaṇā, siyā paccuppannārammaṇā , siyā na vattabbā – ‘‘atītārammaṇā’’tipi, ‘‘anāgatārammaṇā’’tipi, ‘‘paccuppannārammaṇā’’tipi; siyā ajjhattā, siyā bahiddhā, siyā ajjhattabahiddhā.
д̣̇аса д̇хаад̇уяо анаарамман̣аа. ча д̇хаад̇уяо сияаа аж̇жхад̇д̇аарамман̣аа, сияаа б̣ахид̣̇д̇хаарамман̣аа, сияаа аж̇жхад̇д̇аб̣ахид̣̇д̇хаарамман̣аа. д̣̇вз д̇хаад̇уяо сияаа аж̇жхад̇д̇аарамман̣аа, сияаа б̣ахид̣̇д̇хаарамман̣аа, сияаа аж̇жхад̇д̇аб̣ахид̣̇д̇хаарамман̣аа, сияаа на вад̇д̇аб̣б̣аа – ‘‘аж̇жхад̇д̇аарамман̣аа’’д̇иби, ‘‘б̣ахид̣̇д̇хаарамман̣аа’’д̇иби, ‘‘аж̇жхад̇д̇аб̣ахид̣̇д̇хаарамман̣аа’’д̇иби. руубад̇хаад̇у санид̣̇ассанасаббадигхаа. нава д̇хаад̇уяо анид̣̇ассанааббадигхаа. адта д̇хаад̇уяо анид̣̇ассанааббадигхаа.
Dasa dhātuyo anārammaṇā. Cha dhātuyo siyā ajjhattārammaṇā, siyā bahiddhārammaṇā, siyā ajjhattabahiddhārammaṇā. Dve dhātuyo siyā ajjhattārammaṇā, siyā bahiddhārammaṇā, siyā ajjhattabahiddhārammaṇā, siyā na vattabbā – ‘‘ajjhattārammaṇā’’tipi, ‘‘bahiddhārammaṇā’’tipi, ‘‘ajjhattabahiddhārammaṇā’’tipi. Rūpadhātu sanidassanasappaṭighā. Nava dhātuyo anidassanaappaṭighā. Aṭṭha dhātuyo anidassanaappaṭighā.
2. д̣̇угам̣
2. Dukaṃ
188. сад̇д̇араса д̇хаад̇уяо на хзд̇уу. д̇хаммад̇хаад̇у сияаа хзд̇у, сияаа на хзд̇у. сол̣аса д̇хаад̇уяо ахзд̇угаа. д̣̇вз д̇хаад̇уяо сияаа сахзд̇угаа, сияаа ахзд̇угаа. сол̣аса д̇хаад̇уяо ахзд̇угаа. д̣̇вз д̇хаад̇уяо сияаа сахзд̇угаа, сияаа ахзд̇угаа. сол̣аса д̇хаад̇уяо хзд̇увиббаяуд̇д̇аа . д̣̇вз д̇хаад̇уяо сияаа хзд̇усамбаяуд̇д̇аа, сияаа хзд̇увиббаяуд̇д̇аа. сол̣аса д̇хаад̇уяо на вад̇д̇аб̣б̣аа – ‘‘хзд̇у жзва сахзд̇угаа жаа’’д̇иби, ‘‘сахзд̇угаа жзва на жа хзд̇уу’’д̇иби. мановин̃н̃аан̣ад̇хаад̇у на вад̇д̇аб̣б̣аа – ‘‘хзд̇у жзва сахзд̇угаа жаа’’д̇и, сияаа сахзд̇угаа жзва на жа хзд̇у, сияаа на вад̇д̇аб̣б̣аа – ‘‘сахзд̇угаа жзва на жа хзд̇уу’’д̇и. д̇хаммад̇хаад̇у сияаа хзд̇у жзва сахзд̇угаа жа, сияаа сахзд̇угаа жзва на жа хзд̇у, сияаа на вад̇д̇аб̣б̣аа – ‘‘хзд̇у жзва сахзд̇угаа жаа’’д̇иби, ‘‘сахзд̇угаа жзва на жа хзд̇уу’’д̇иби. сол̣аса д̇хаад̇уяо на вад̇д̇аб̣б̣аа – ‘‘хзд̇уу жзва хзд̇усамбаяуд̇д̇аа жаа’’д̇иби, ‘‘хзд̇усамбаяуд̇д̇аа жзва на жа хзд̇уу’’д̇иби. мановин̃н̃аан̣ад̇хаад̇у на вад̇д̇аб̣б̣аа – ‘‘хзд̇у жзва хзд̇усамбаяуд̇д̇аа жаа’’д̇и, сияаа хзд̇усамбаяуд̇д̇аа жзва на жа хзд̇у, сияаа на вад̇д̇аб̣б̣аа – ‘‘хзд̇усамбаяуд̇д̇аа жзва на жа хзд̇уу’’д̇и. д̇хаммад̇хаад̇у сияаа хзд̇у жзва хзд̇усамбаяуд̇д̇аа жа, сияаа хзд̇усамбаяуд̇д̇аа жзва на жа хзд̇у, сияаа на вад̇д̇аб̣б̣аа – ‘‘хзд̇у жзва хзд̇усамбаяуд̇д̇аа жаа’’д̇иби, ‘‘хзд̇усамбаяуд̇д̇аа жзва на жа хзд̇уу’’д̇иби. сол̣аса д̇хаад̇уяо на хзд̇уахзд̇угаа. мановин̃н̃аан̣ад̇хаад̇у сияаа на хзд̇усахзд̇угаа, сияаа на хзд̇уахзд̇угаа. д̇хаммад̇хаад̇у сияаа на хзд̇усахзд̇угаа, сияаа на хзд̇уахзд̇угаа, сияаа на вад̇д̇аб̣б̣аа – ‘‘на хзд̇усахзд̇угаа’’д̇иби, ‘‘на хзд̇уахзд̇угаа’’д̇иби.
188. Sattarasa dhātuyo na hetū. Dhammadhātu siyā hetu, siyā na hetu. Soḷasa dhātuyo ahetukā. Dve dhātuyo siyā sahetukā, siyā ahetukā. Soḷasa dhātuyo ahetukā. Dve dhātuyo siyā sahetukā, siyā ahetukā. Soḷasa dhātuyo hetuvippayuttā . Dve dhātuyo siyā hetusampayuttā, siyā hetuvippayuttā. Soḷasa dhātuyo na vattabbā – ‘‘hetu ceva sahetukā cā’’tipi, ‘‘sahetukā ceva na ca hetū’’tipi. Manoviññāṇadhātu na vattabbā – ‘‘hetu ceva sahetukā cā’’ti, siyā sahetukā ceva na ca hetu, siyā na vattabbā – ‘‘sahetukā ceva na ca hetū’’ti. Dhammadhātu siyā hetu ceva sahetukā ca, siyā sahetukā ceva na ca hetu, siyā na vattabbā – ‘‘hetu ceva sahetukā cā’’tipi, ‘‘sahetukā ceva na ca hetū’’tipi. Soḷasa dhātuyo na vattabbā – ‘‘hetū ceva hetusampayuttā cā’’tipi, ‘‘hetusampayuttā ceva na ca hetū’’tipi. Manoviññāṇadhātu na vattabbā – ‘‘hetu ceva hetusampayuttā cā’’ti, siyā hetusampayuttā ceva na ca hetu, siyā na vattabbā – ‘‘hetusampayuttā ceva na ca hetū’’ti. Dhammadhātu siyā hetu ceva hetusampayuttā ca, siyā hetusampayuttā ceva na ca hetu, siyā na vattabbā – ‘‘hetu ceva hetusampayuttā cā’’tipi, ‘‘hetusampayuttā ceva na ca hetū’’tipi. Soḷasa dhātuyo na hetuahetukā. Manoviññāṇadhātu siyā na hetusahetukā, siyā na hetuahetukā. Dhammadhātu siyā na hetusahetukā, siyā na hetuahetukā, siyā na vattabbā – ‘‘na hetusahetukā’’tipi, ‘‘na hetuahetukā’’tipi.
сад̇д̇араса д̇хаад̇уяо саббажжаяаа. д̇хаммад̇хаад̇у сияаа саббажжаяаа, сияаа аббажжаяаа. сад̇д̇араса д̇хаад̇уяо сан̇кад̇аа. д̇хаммад̇хаад̇у сияаа сан̇кад̇аа, сияаа асан̇кад̇аа. руубад̇хаад̇у санид̣̇ассанаа. сад̇д̇араса д̇хаад̇уяо анид̣̇ассанаа. д̣̇аса д̇хаад̇уяо саббадигхаа. адта д̇хаад̇уяо аббадигхаа. д̣̇аса д̇хаад̇уяо руубаа. сад̇д̇а д̇хаад̇уяо аруубаа. д̇хаммад̇хаад̇у сияаа руубаа, сияаа аруубаа. сол̣аса д̇хаад̇уяо логияаа. д̣̇вз д̇хаад̇уяо сияаа логияаа, сияаа логуд̇д̇араа; гзнажи вин̃н̃зяяаа, гзнажи на вин̃н̃зяяаа.
Sattarasa dhātuyo sappaccayā. Dhammadhātu siyā sappaccayā, siyā appaccayā. Sattarasa dhātuyo saṅkhatā. Dhammadhātu siyā saṅkhatā, siyā asaṅkhatā. Rūpadhātu sanidassanā. Sattarasa dhātuyo anidassanā. Dasa dhātuyo sappaṭighā. Aṭṭha dhātuyo appaṭighā. Dasa dhātuyo rūpā. Satta dhātuyo arūpā. Dhammadhātu siyā rūpā, siyā arūpā. Soḷasa dhātuyo lokiyā. Dve dhātuyo siyā lokiyā, siyā lokuttarā; kenaci viññeyyā, kenaci na viññeyyā.
сад̇д̇араса д̇хаад̇уяо но аасаваа. д̇хаммад̇хаад̇у сияаа аасаваа, сияаа но аасаваа. сол̣аса д̇хаад̇уяо саасаваа. д̣̇вз д̇хаад̇уяо сияаа саасаваа, сияаа анаасаваа. сол̣аса д̇хаад̇уяо аасававиббаяуд̇д̇аа. д̣̇вз д̇хаад̇уяо сияаа аасавасамбаяуд̇д̇аа, сияаа аасававиббаяуд̇д̇аа. сол̣аса д̇хаад̇уяо на вад̇д̇аб̣б̣аа – ‘‘аасаваа жзва саасаваа жаа’’д̇и, ‘‘саасаваа жзва но жа аасаваа’’. мановин̃н̃аан̣ад̇хаад̇у на вад̇д̇аб̣б̣аа – ‘‘аасаво жзва саасаваа жаа’’д̇и, сияаа саасаваа жзва но жа аасаво, сияаа на вад̇д̇аб̣б̣аа – ‘‘саасаваа жзва но жа аасаво’’д̇и. д̇хаммад̇хаад̇у сияаа аасаво жзва саасаваа жа, сияаа саасаваа жзва но жа аасаво, сияаа на вад̇д̇аб̣б̣аа – ‘‘аасаво жзва саасаваа жаа’’д̇иби, ‘‘саасаваа жзва но жа аасаво’’д̇иби.
Sattarasa dhātuyo no āsavā. Dhammadhātu siyā āsavā, siyā no āsavā. Soḷasa dhātuyo sāsavā. Dve dhātuyo siyā sāsavā, siyā anāsavā. Soḷasa dhātuyo āsavavippayuttā. Dve dhātuyo siyā āsavasampayuttā, siyā āsavavippayuttā. Soḷasa dhātuyo na vattabbā – ‘‘āsavā ceva sāsavā cā’’ti, ‘‘sāsavā ceva no ca āsavā’’. Manoviññāṇadhātu na vattabbā – ‘‘āsavo ceva sāsavā cā’’ti, siyā sāsavā ceva no ca āsavo, siyā na vattabbā – ‘‘sāsavā ceva no ca āsavo’’ti. Dhammadhātu siyā āsavo ceva sāsavā ca, siyā sāsavā ceva no ca āsavo, siyā na vattabbā – ‘‘āsavo ceva sāsavā cā’’tipi, ‘‘sāsavā ceva no ca āsavo’’tipi.
сол̣аса д̇хаад̇уяо на вад̇д̇аб̣б̣аа – ‘‘аасаваа жзва аасавасамбаяуд̇д̇аа жаа’’д̇иби, ‘‘аасавасамбаяуд̇д̇аа жзва но жа аасаваа’’д̇иби. мановин̃н̃аан̣ад̇хаад̇у на вад̇д̇аб̣б̣аа – ‘‘аасаво жзва аасавасамбаяуд̇д̇аа жаа’’д̇и, сияаа аасавасамбаяуд̇д̇аа жзва но жа аасаво, сияаа на вад̇д̇аб̣б̣аа – ‘‘аасавасамбаяуд̇д̇аа жзва но жа аасаво’’д̇и. д̇хаммад̇хаад̇у сияаа аасаво жзва аасавасамбаяуд̇д̇аа жа, сияаа аасавасамбаяуд̇д̇аа жзва но жа аасаво, сияаа на вад̇д̇аб̣б̣аа – ‘‘аасаво жзва аасавасамбаяуд̇д̇аа жаа’’д̇иби, ‘‘аасавасамбаяуд̇д̇аа жзва но жа аасаво’’д̇иби. сол̣аса д̇хаад̇уяо аасававиббаяуд̇д̇асаасаваа. д̣̇вз д̇хаад̇уяо сияаа аасававиббаяуд̇д̇асаасаваа, сияаа аасававиббаяуд̇д̇аанаасаваа , сияаа на вад̇д̇аб̣б̣аа – ‘‘аасававиббаяуд̇д̇асаасаваа’’д̇иби, ‘‘аасававиббаяуд̇д̇аанаасаваа’’д̇иби.
Soḷasa dhātuyo na vattabbā – ‘‘āsavā ceva āsavasampayuttā cā’’tipi, ‘‘āsavasampayuttā ceva no ca āsavā’’tipi. Manoviññāṇadhātu na vattabbā – ‘‘āsavo ceva āsavasampayuttā cā’’ti, siyā āsavasampayuttā ceva no ca āsavo, siyā na vattabbā – ‘‘āsavasampayuttā ceva no ca āsavo’’ti. Dhammadhātu siyā āsavo ceva āsavasampayuttā ca, siyā āsavasampayuttā ceva no ca āsavo, siyā na vattabbā – ‘‘āsavo ceva āsavasampayuttā cā’’tipi, ‘‘āsavasampayuttā ceva no ca āsavo’’tipi. Soḷasa dhātuyo āsavavippayuttasāsavā. Dve dhātuyo siyā āsavavippayuttasāsavā, siyā āsavavippayuttaanāsavā , siyā na vattabbā – ‘‘āsavavippayuttasāsavā’’tipi, ‘‘āsavavippayuttaanāsavā’’tipi.
сад̇д̇араса д̇хаад̇уяо но сам̣яож̇анаа. д̇хаммад̇хаад̇у сияаа сам̣яож̇анам̣, сияаа но сам̣яож̇анам̣. сол̣аса д̇хаад̇уяо сам̣яож̇анияаа. д̣̇вз д̇хаад̇уяо сияаа сам̣яож̇анияаа, сияаа асам̣яож̇анияаа. сол̣аса д̇хаад̇уяо сам̣яож̇анавиббаяуд̇д̇аа. д̣̇вз д̇хаад̇уяо сияаа сам̣яож̇анасамбаяуд̇д̇аа, сияаа сам̣яож̇анавиббаяуд̇д̇аа. сол̣аса д̇хаад̇уяо на вад̇д̇аб̣б̣аа – ‘‘сам̣яож̇анаа жзва сам̣яож̇анияаа жаа’’д̇и, сам̣яож̇анияаа жзва но жа сам̣яож̇анаа. мановин̃н̃аан̣ад̇хаад̇у на вад̇д̇аб̣б̣аа – ‘‘сам̣яож̇анан̃жзва сам̣яож̇анияаа жаа’’д̇и, сияаа сам̣яож̇анияаа жзва но жа сам̣яож̇анам̣, сияаа на вад̇д̇аб̣б̣аа – ‘‘сам̣яож̇анияаа жзва но жа сам̣яож̇ана’’нд̇и. д̇хаммад̇хаад̇у сияаа сам̣яож̇анан̃жзва сам̣яож̇анияаа жа, сияаа сам̣яож̇анияаа жзва но жа сам̣яож̇анам̣, сияаа на вад̇д̇аб̣б̣аа – ‘‘сам̣яож̇анан̃жзва сам̣яож̇анияаа жаа’’д̇иби, ‘‘сам̣яож̇анияаа жзва но жа сам̣яож̇ана’’нд̇иби. сол̣аса д̇хаад̇уяо на вад̇д̇аб̣б̣аа – ‘‘сам̣яож̇анаа жзва сам̣яож̇анасамбаяуд̇д̇аа жаа’’д̇иби, ‘‘сам̣яож̇анасамбаяуд̇д̇аа жзва но жа сам̣яож̇анаа’’д̇иби. мановин̃н̃аан̣ад̇хаад̇у на вад̇д̇аб̣б̣аа – ‘‘сам̣яож̇анан̃жзва сам̣яож̇анасамбаяуд̇д̇аа жаа’’д̇и, сияаа сам̣яож̇анасамбаяуд̇д̇аа жзва но жа сам̣яож̇анам̣, сияаа на вад̇д̇аб̣б̣аа – ‘‘сам̣яож̇анасамбаяуд̇д̇аа жзва но жа сам̣яож̇ана’’нд̇и. д̇хаммад̇хаад̇у сияаа сам̣яож̇анан̃жзва сам̣яож̇анасамбаяуд̇д̇аа жа, сияаа сам̣яож̇анасамбаяуд̇д̇аа жзва но жа сам̣яож̇анам̣, сияаа на вад̇д̇аб̣б̣аа – ‘‘сам̣яож̇анан̃жзва сам̣яож̇анасамбаяуд̇д̇аа жаа’’д̇иби, ‘‘сам̣яож̇анасамбаяуд̇д̇аа жзва но жа сам̣яож̇ана’’нд̇иби. сол̣аса д̇хаад̇уяо сам̣яож̇анавиббаяуд̇д̇асам̣яож̇анияаа. д̣̇вз д̇хаад̇уяо сияаа сам̣яож̇анавиббаяуд̇д̇асам̣яож̇анияаа, сияаа сам̣яож̇анавиббаяуд̇д̇аасам̣яож̇анияаа, сияаа на вад̇д̇аб̣б̣аа – ‘‘сам̣яож̇анавиббаяуд̇д̇асам̣яож̇анияаа’’д̇иби, ‘‘сам̣яож̇анавиббаяуд̇д̇аасам̣яож̇анияаа’’д̇иби.
Sattarasa dhātuyo no saṃyojanā. Dhammadhātu siyā saṃyojanaṃ, siyā no saṃyojanaṃ. Soḷasa dhātuyo saṃyojaniyā. Dve dhātuyo siyā saṃyojaniyā, siyā asaṃyojaniyā. Soḷasa dhātuyo saṃyojanavippayuttā. Dve dhātuyo siyā saṃyojanasampayuttā, siyā saṃyojanavippayuttā. Soḷasa dhātuyo na vattabbā – ‘‘saṃyojanā ceva saṃyojaniyā cā’’ti, saṃyojaniyā ceva no ca saṃyojanā. Manoviññāṇadhātu na vattabbā – ‘‘saṃyojanañceva saṃyojaniyā cā’’ti, siyā saṃyojaniyā ceva no ca saṃyojanaṃ, siyā na vattabbā – ‘‘saṃyojaniyā ceva no ca saṃyojana’’nti. Dhammadhātu siyā saṃyojanañceva saṃyojaniyā ca, siyā saṃyojaniyā ceva no ca saṃyojanaṃ, siyā na vattabbā – ‘‘saṃyojanañceva saṃyojaniyā cā’’tipi, ‘‘saṃyojaniyā ceva no ca saṃyojana’’ntipi. Soḷasa dhātuyo na vattabbā – ‘‘saṃyojanā ceva saṃyojanasampayuttā cā’’tipi, ‘‘saṃyojanasampayuttā ceva no ca saṃyojanā’’tipi. Manoviññāṇadhātu na vattabbā – ‘‘saṃyojanañceva saṃyojanasampayuttā cā’’ti, siyā saṃyojanasampayuttā ceva no ca saṃyojanaṃ, siyā na vattabbā – ‘‘saṃyojanasampayuttā ceva no ca saṃyojana’’nti. Dhammadhātu siyā saṃyojanañceva saṃyojanasampayuttā ca, siyā saṃyojanasampayuttā ceva no ca saṃyojanaṃ, siyā na vattabbā – ‘‘saṃyojanañceva saṃyojanasampayuttā cā’’tipi, ‘‘saṃyojanasampayuttā ceva no ca saṃyojana’’ntipi. Soḷasa dhātuyo saṃyojanavippayuttasaṃyojaniyā. Dve dhātuyo siyā saṃyojanavippayuttasaṃyojaniyā, siyā saṃyojanavippayuttaasaṃyojaniyā, siyā na vattabbā – ‘‘saṃyojanavippayuttasaṃyojaniyā’’tipi, ‘‘saṃyojanavippayuttaasaṃyojaniyā’’tipi.
сад̇д̇араса д̇хаад̇уяо но г̇ант̇аа. д̇хаммад̇хаад̇у сияаа г̇ант̇о, сияаа но г̇ант̇о. сол̣аса д̇хаад̇уяо г̇ант̇анияаа. д̣̇вз д̇хаад̇уяо сияаа г̇ант̇анияаа, сияаа аг̇ант̇анияаа. сол̣аса д̇хаад̇уяо г̇ант̇авиббаяуд̇д̇аа. д̣̇вз д̇хаад̇уяо сияаа г̇ант̇асамбаяуд̇д̇аа, сияаа г̇ант̇авиббаяуд̇д̇аа. сол̣аса д̇хаад̇уяо на вад̇д̇аб̣б̣аа – ‘‘г̇ант̇аа жзва г̇ант̇анияаа жаа’’д̇и, г̇ант̇анияаа жзва но жа г̇ант̇аа. мановин̃н̃аан̣ад̇хаад̇у на вад̇д̇аб̣б̣аа – ‘‘г̇ант̇о жзва г̇ант̇анияаа жаа’’д̇и, сияаа г̇ант̇анияаа жзва но жа г̇ант̇о, сияаа на вад̇д̇аб̣б̣аа – ‘‘г̇ант̇анияаа жзва но жа г̇ант̇о’’д̇и. д̇хаммад̇хаад̇у сияаа г̇ант̇о жзва г̇ант̇анияаа жа, сияаа г̇ант̇анияаа жзва но жа г̇ант̇о, сияаа на вад̇д̇аб̣б̣аа – ‘‘г̇ант̇о жзва г̇ант̇анияаа жаа’’д̇иби, ‘‘г̇ант̇анияаа жзва но жа г̇ант̇о’’д̇иби. сол̣аса д̇хаад̇уяо на вад̇д̇аб̣б̣аа – ‘‘г̇ант̇аа жзва г̇ант̇асамбаяуд̇д̇аа жаа’’д̇иби, ‘‘г̇ант̇асамбаяуд̇д̇аа жзва но жа г̇ант̇аа’’д̇иби. мановин̃н̃аан̣ад̇хаад̇у на вад̇д̇аб̣б̣аа – ‘‘г̇ант̇о жзва г̇ант̇асамбаяуд̇д̇аа жаа’’д̇и, сияаа г̇ант̇асамбаяуд̇д̇аа жзва но жа г̇ант̇о, сияаа на вад̇д̇аб̣б̣аа – ‘‘г̇ант̇асамбаяуд̇д̇аа жзва но жа г̇ант̇о’’д̇и. д̇хаммад̇хаад̇у сияаа г̇ант̇о жзва г̇ант̇асамбаяуд̇д̇аа жа, сияаа г̇ант̇асамбаяуд̇д̇аа жзва но жа г̇ант̇о, сияаа на вад̇д̇аб̣б̣аа – ‘‘г̇ант̇о жзва г̇ант̇асамбаяуд̇д̇аа жаа’’д̇иби, ‘‘г̇ант̇асамбаяуд̇д̇аа жзва но жа г̇ант̇о’’д̇иби. сол̣аса д̇хаад̇уяо г̇ант̇авиббаяуд̇д̇аг̇ант̇анияаа. д̣̇вз д̇хаад̇уяо сияаа г̇ант̇авиббаяуд̇д̇аг̇ант̇анияаа, сияаа г̇ант̇авиббаяуд̇д̇ааг̇ант̇анияаа, сияаа на вад̇д̇аб̣б̣аа – ‘‘г̇ант̇авиббаяуд̇д̇аг̇ант̇анияаа’’д̇иби, ‘‘г̇ант̇авиббаяуд̇д̇ааг̇ант̇анияаа’’д̇иби.
Sattarasa dhātuyo no ganthā. Dhammadhātu siyā gantho, siyā no gantho. Soḷasa dhātuyo ganthaniyā. Dve dhātuyo siyā ganthaniyā, siyā aganthaniyā. Soḷasa dhātuyo ganthavippayuttā. Dve dhātuyo siyā ganthasampayuttā, siyā ganthavippayuttā. Soḷasa dhātuyo na vattabbā – ‘‘ganthā ceva ganthaniyā cā’’ti, ganthaniyā ceva no ca ganthā. Manoviññāṇadhātu na vattabbā – ‘‘gantho ceva ganthaniyā cā’’ti, siyā ganthaniyā ceva no ca gantho, siyā na vattabbā – ‘‘ganthaniyā ceva no ca gantho’’ti. Dhammadhātu siyā gantho ceva ganthaniyā ca, siyā ganthaniyā ceva no ca gantho, siyā na vattabbā – ‘‘gantho ceva ganthaniyā cā’’tipi, ‘‘ganthaniyā ceva no ca gantho’’tipi. Soḷasa dhātuyo na vattabbā – ‘‘ganthā ceva ganthasampayuttā cā’’tipi, ‘‘ganthasampayuttā ceva no ca ganthā’’tipi. Manoviññāṇadhātu na vattabbā – ‘‘gantho ceva ganthasampayuttā cā’’ti, siyā ganthasampayuttā ceva no ca gantho, siyā na vattabbā – ‘‘ganthasampayuttā ceva no ca gantho’’ti. Dhammadhātu siyā gantho ceva ganthasampayuttā ca, siyā ganthasampayuttā ceva no ca gantho, siyā na vattabbā – ‘‘gantho ceva ganthasampayuttā cā’’tipi, ‘‘ganthasampayuttā ceva no ca gantho’’tipi. Soḷasa dhātuyo ganthavippayuttaganthaniyā. Dve dhātuyo siyā ganthavippayuttaganthaniyā, siyā ganthavippayuttaaganthaniyā, siyā na vattabbā – ‘‘ganthavippayuttaganthaniyā’’tipi, ‘‘ganthavippayuttaaganthaniyā’’tipi.
сад̇д̇араса д̇хаад̇уяо но огхаа…бз… но яог̇аа…бз… но нийваран̣аа. д̇хаммад̇хаад̇у сияаа нийваран̣ам̣, сияаа но нийваран̣ам̣. сол̣аса д̇хаад̇уяо нийваран̣ияаа. д̣̇вз д̇хаад̇уяо сияаа нийваран̣ияаа, сияаа анийваран̣ияаа. сол̣аса д̇хаад̇уяо нийваран̣авиббаяуд̇д̇аа. д̣̇вз д̇хаад̇уяо сияаа нийваран̣асамбаяуд̇д̇аа, сияаа нийваран̣авиббаяуд̇д̇аа. сол̣аса д̇хаад̇уяо на вад̇д̇аб̣б̣аа – ‘‘нийваран̣аа жзва нийваран̣ияаа жаа’’д̇и, нийваран̣ияаа жзва но жа нийваран̣аа. мановин̃н̃аан̣ад̇хаад̇у на вад̇д̇аб̣б̣аа – ‘‘нийваран̣ан̃жзва нийваран̣ияаа жаа’’д̇и, сияаа нийваран̣ияаа жзва но жа нийваран̣ам̣, сияаа на вад̇д̇аб̣б̣аа – ‘‘нийваран̣ияаа жзва но жа нийваран̣а’’нд̇и. д̇хаммад̇хаад̇у сияаа нийваран̣ан̃жзва нийваран̣ияаа жа, сияаа нийваран̣ияаа жзва но жа нийваран̣ам̣ , сияаа на вад̇д̇аб̣б̣аа – ‘‘нийваран̣ан̃жзва нийваран̣ияаа жаа’’д̇иби, ‘‘нийваран̣ияаа жзва но жа нийваран̣а’’нд̇иби. сол̣аса д̇хаад̇уяо на вад̇д̇аб̣б̣аа – ‘‘нийваран̣аа жзва нийваран̣асамбаяуд̇д̇аа жаа’’д̇иби, ‘‘нийваран̣асамбаяуд̇д̇аа жзва но жа нийваран̣аа’’д̇иби. мановин̃н̃аан̣ад̇хаад̇у на вад̇д̇аб̣б̣аа – ‘‘нийваран̣ан̃жзва нийваран̣асамбаяуд̇д̇аа жаа’’д̇и, сияаа нийваран̣асамбаяуд̇д̇аа жзва но жа нийваран̣ам̣, сияаа на вад̇д̇аб̣б̣аа – ‘‘нийваран̣асамбаяуд̇д̇аа жзва но жа нийваран̣а’’нд̇и. д̇хаммад̇хаад̇у сияаа нийваран̣ан̃жзва нийваран̣асамбаяуд̇д̇аа жа, сияаа нийваран̣асамбаяуд̇д̇аа жзва но жа нийваран̣ам̣, сияаа на вад̇д̇аб̣б̣аа – ‘‘нийваран̣ан̃жзва нийваран̣асамбаяуд̇д̇аа жаа’’д̇иби, ‘‘нийваран̣асамбаяуд̇д̇аа жзва но жа нийваран̣а’’нд̇иби. сол̣аса д̇хаад̇уяо нийваран̣авиббаяуд̇д̇анийваран̣ияаа. д̣̇вз д̇хаад̇уяо сияаа нийваран̣авиббаяуд̇д̇анийваран̣ияаа, сияаа нийваран̣авиббаяуд̇д̇аанийваран̣ияаа, сияаа на вад̇д̇аб̣б̣аа – ‘‘нийваран̣авиббаяуд̇д̇анийваран̣ияаа’’д̇иби, ‘‘нийваран̣авиббаяуд̇д̇аанийваран̣ияаа’’д̇иби.
Sattarasa dhātuyo no oghā…pe… no yogā…pe… no nīvaraṇā. Dhammadhātu siyā nīvaraṇaṃ, siyā no nīvaraṇaṃ. Soḷasa dhātuyo nīvaraṇiyā. Dve dhātuyo siyā nīvaraṇiyā, siyā anīvaraṇiyā. Soḷasa dhātuyo nīvaraṇavippayuttā. Dve dhātuyo siyā nīvaraṇasampayuttā, siyā nīvaraṇavippayuttā. Soḷasa dhātuyo na vattabbā – ‘‘nīvaraṇā ceva nīvaraṇiyā cā’’ti, nīvaraṇiyā ceva no ca nīvaraṇā. Manoviññāṇadhātu na vattabbā – ‘‘nīvaraṇañceva nīvaraṇiyā cā’’ti, siyā nīvaraṇiyā ceva no ca nīvaraṇaṃ, siyā na vattabbā – ‘‘nīvaraṇiyā ceva no ca nīvaraṇa’’nti. Dhammadhātu siyā nīvaraṇañceva nīvaraṇiyā ca, siyā nīvaraṇiyā ceva no ca nīvaraṇaṃ , siyā na vattabbā – ‘‘nīvaraṇañceva nīvaraṇiyā cā’’tipi, ‘‘nīvaraṇiyā ceva no ca nīvaraṇa’’ntipi. Soḷasa dhātuyo na vattabbā – ‘‘nīvaraṇā ceva nīvaraṇasampayuttā cā’’tipi, ‘‘nīvaraṇasampayuttā ceva no ca nīvaraṇā’’tipi. Manoviññāṇadhātu na vattabbā – ‘‘nīvaraṇañceva nīvaraṇasampayuttā cā’’ti, siyā nīvaraṇasampayuttā ceva no ca nīvaraṇaṃ, siyā na vattabbā – ‘‘nīvaraṇasampayuttā ceva no ca nīvaraṇa’’nti. Dhammadhātu siyā nīvaraṇañceva nīvaraṇasampayuttā ca, siyā nīvaraṇasampayuttā ceva no ca nīvaraṇaṃ, siyā na vattabbā – ‘‘nīvaraṇañceva nīvaraṇasampayuttā cā’’tipi, ‘‘nīvaraṇasampayuttā ceva no ca nīvaraṇa’’ntipi. Soḷasa dhātuyo nīvaraṇavippayuttanīvaraṇiyā. Dve dhātuyo siyā nīvaraṇavippayuttanīvaraṇiyā, siyā nīvaraṇavippayuttaanīvaraṇiyā, siyā na vattabbā – ‘‘nīvaraṇavippayuttanīvaraṇiyā’’tipi, ‘‘nīvaraṇavippayuttaanīvaraṇiyā’’tipi.
сад̇д̇араса д̇хаад̇уяо но бараамаасаа. д̇хаммад̇хаад̇у сияаа бараамаасо, сияаа но бараамаасо. сол̣аса д̇хаад̇уяо бараамадтаа. д̣̇вз д̇хаад̇уяо сияаа бараамадтаа, сияаа абараамадтаа. сол̣аса д̇хаад̇уяо бараамаасавиббаяуд̇д̇аа. мановин̃н̃аан̣ад̇хаад̇у сияаа бараамаасасамбаяуд̇д̇аа, сияаа бараамаасавиббаяуд̇д̇аа. д̇хаммад̇хаад̇у сияаа бараамаасасамбаяуд̇д̇аа, сияаа бараамаасавиббаяуд̇д̇аа, сияаа на вад̇д̇аб̣б̣аа – ‘‘бараамаасасамбаяуд̇д̇аа’’д̇иби , ‘‘бараамаасавиббаяуд̇д̇аа’’д̇иби. сол̣аса д̇хаад̇уяо на вад̇д̇аб̣б̣аа – ‘‘бараамаасаа жзва бараамадтаа жаад̇и бараамадтаа жзва но жа бараамаасаа’’. мановин̃н̃аан̣ад̇хаад̇у на вад̇д̇аб̣б̣аа – ‘‘бараамаасо жзва бараамадтаа жаа’’д̇и, сияаа бараамадтаа жзва но жа бараамаасо, сияаа на вад̇д̇аб̣б̣аа – ‘‘бараамадтаа жзва но жа бараамаасо’’д̇и. д̇хаммад̇хаад̇у сияаа бараамаасо жзва бараамадтаа жа, сияаа бараамадтаа жзва но жа бараамаасо, сияаа на вад̇д̇аб̣б̣аа – ‘‘бараамаасо жзва бараамадтаа жаа’’д̇иби, ‘‘бараамадтаа жзва но жа бараамаасо’’д̇иби. сол̣аса д̇хаад̇уяо бараамаасавиббаяуд̇д̇абараамадтаа. д̣̇вз д̇хаад̇уяо сияаа бараамаасавиббаяуд̇д̇абараамадтаа, сияаа бараамаасавиббаяуд̇д̇аабараамадтаа, сияаа на вад̇д̇аб̣б̣аа – ‘‘бараамаасавиббаяуд̇д̇абараамадтаа’’д̇иби, ‘‘бараамаасавиббаяуд̇д̇аабараамадтаа’’д̇иби.
Sattarasa dhātuyo no parāmāsā. Dhammadhātu siyā parāmāso, siyā no parāmāso. Soḷasa dhātuyo parāmaṭṭhā. Dve dhātuyo siyā parāmaṭṭhā, siyā aparāmaṭṭhā. Soḷasa dhātuyo parāmāsavippayuttā. Manoviññāṇadhātu siyā parāmāsasampayuttā, siyā parāmāsavippayuttā. Dhammadhātu siyā parāmāsasampayuttā, siyā parāmāsavippayuttā, siyā na vattabbā – ‘‘parāmāsasampayuttā’’tipi , ‘‘parāmāsavippayuttā’’tipi. Soḷasa dhātuyo na vattabbā – ‘‘parāmāsā ceva parāmaṭṭhā cāti parāmaṭṭhā ceva no ca parāmāsā’’. Manoviññāṇadhātu na vattabbā – ‘‘parāmāso ceva parāmaṭṭhā cā’’ti, siyā parāmaṭṭhā ceva no ca parāmāso, siyā na vattabbā – ‘‘parāmaṭṭhā ceva no ca parāmāso’’ti. Dhammadhātu siyā parāmāso ceva parāmaṭṭhā ca, siyā parāmaṭṭhā ceva no ca parāmāso, siyā na vattabbā – ‘‘parāmāso ceva parāmaṭṭhā cā’’tipi, ‘‘parāmaṭṭhā ceva no ca parāmāso’’tipi. Soḷasa dhātuyo parāmāsavippayuttaparāmaṭṭhā. Dve dhātuyo siyā parāmāsavippayuttaparāmaṭṭhā, siyā parāmāsavippayuttaaparāmaṭṭhā, siyā na vattabbā – ‘‘parāmāsavippayuttaparāmaṭṭhā’’tipi, ‘‘parāmāsavippayuttaaparāmaṭṭhā’’tipi.
д̣̇аса д̇хаад̇уяо анаарамман̣аа. сад̇д̇а д̇хаад̇уяо саарамман̣аа. д̇хаммад̇хаад̇у сияаа саарамман̣аа, сияаа анаарамман̣аа. сад̇д̇а д̇хаад̇уяо жид̇д̇аа. згаад̣̇аса д̇хаад̇уяо но жид̇д̇аа. сад̇д̇араса д̇хаад̇уяо ажзд̇асигаа. д̇хаммад̇хаад̇у сияаа жзд̇асигаа, сияаа ажзд̇асигаа. д̣̇аса д̇хаад̇уяо жид̇д̇авиббаяуд̇д̇аа. д̇хаммад̇хаад̇у сияаа жид̇д̇асамбаяуд̇д̇аа, сияаа жид̇д̇авиббаяуд̇д̇аа. сад̇д̇а д̇хаад̇уяо на вад̇д̇аб̣б̣аа – ‘‘жид̇д̇зна самбаяуд̇д̇аа’’д̇иби, ‘‘жид̇д̇зна виббаяуд̇д̇аа’’д̇иби. д̣̇аса д̇хаад̇уяо жид̇д̇ависам̣садтаа. д̇хаммад̇хаад̇у сияаа жид̇д̇асам̣садтаа , сияаа жид̇д̇ависам̣садтаа. сад̇д̇а д̇хаад̇уяо на вад̇д̇аб̣б̣аа – ‘‘жид̇д̇зна сам̣садтаа’’д̇иби, ‘‘жид̇д̇зна висам̣садтаа’’д̇иби.
Dasa dhātuyo anārammaṇā. Satta dhātuyo sārammaṇā. Dhammadhātu siyā sārammaṇā, siyā anārammaṇā. Satta dhātuyo cittā. Ekādasa dhātuyo no cittā. Sattarasa dhātuyo acetasikā. Dhammadhātu siyā cetasikā, siyā acetasikā. Dasa dhātuyo cittavippayuttā. Dhammadhātu siyā cittasampayuttā, siyā cittavippayuttā. Satta dhātuyo na vattabbā – ‘‘cittena sampayuttā’’tipi, ‘‘cittena vippayuttā’’tipi. Dasa dhātuyo cittavisaṃsaṭṭhā. Dhammadhātu siyā cittasaṃsaṭṭhā , siyā cittavisaṃsaṭṭhā. Satta dhātuyo na vattabbā – ‘‘cittena saṃsaṭṭhā’’tipi, ‘‘cittena visaṃsaṭṭhā’’tipi.
д̣̇ваад̣̇аса д̇хаад̇уяо но жид̇д̇асамудтаанаа. ча д̇хаад̇уяо сияаа жид̇д̇асамудтаанаа, сияаа но жид̇д̇асамудтаанаа. сад̇д̇араса д̇хаад̇уяо но жид̇д̇асахабхуно. д̇хаммад̇хаад̇у сияаа жид̇д̇асахабхуу, сияаа но жид̇д̇асахабхуу. сад̇д̇араса д̇хаад̇уяо но жид̇д̇аанубаривад̇д̇ино. д̇хаммад̇хаад̇у сияаа жид̇д̇аанубаривад̇д̇ий, сияаа но жид̇д̇аанубаривад̇д̇ий. сад̇д̇араса д̇хаад̇уяо но жид̇д̇асам̣садтасамудтаанаа. д̇хаммад̇хаад̇у сияаа жид̇д̇асам̣садтасамудтаанаа, сияаа но жид̇д̇асам̣садтасамудтаанаа. сад̇д̇араса д̇хаад̇уяо но жид̇д̇асам̣садтасамудтаанасахабхуно. д̇хаммад̇хаад̇у сияаа жид̇д̇асам̣садтасамудтаанасахабхуу, сияаа но жид̇д̇асам̣садтасамудтаанасахабхуу. сад̇д̇араса д̇хаад̇уяо но жид̇д̇асам̣садтасамудтаанаанубаривад̇д̇ино. д̇хаммад̇хаад̇у сияаа жид̇д̇асам̣садтасамудтаанаанубаривад̇д̇ий, сияаа но жид̇д̇асам̣садтасамудтаанаанубаривад̇д̇ий. д̣̇ваад̣̇аса д̇хаад̇уяо аж̇жхад̇д̇игаа. ча д̇хаад̇уяо б̣аахираа.
Dvādasa dhātuyo no cittasamuṭṭhānā. Cha dhātuyo siyā cittasamuṭṭhānā, siyā no cittasamuṭṭhānā. Sattarasa dhātuyo no cittasahabhuno. Dhammadhātu siyā cittasahabhū, siyā no cittasahabhū. Sattarasa dhātuyo no cittānuparivattino. Dhammadhātu siyā cittānuparivattī, siyā no cittānuparivattī. Sattarasa dhātuyo no cittasaṃsaṭṭhasamuṭṭhānā. Dhammadhātu siyā cittasaṃsaṭṭhasamuṭṭhānā, siyā no cittasaṃsaṭṭhasamuṭṭhānā. Sattarasa dhātuyo no cittasaṃsaṭṭhasamuṭṭhānasahabhuno. Dhammadhātu siyā cittasaṃsaṭṭhasamuṭṭhānasahabhū, siyā no cittasaṃsaṭṭhasamuṭṭhānasahabhū. Sattarasa dhātuyo no cittasaṃsaṭṭhasamuṭṭhānānuparivattino. Dhammadhātu siyā cittasaṃsaṭṭhasamuṭṭhānānuparivattī, siyā no cittasaṃsaṭṭhasamuṭṭhānānuparivattī. Dvādasa dhātuyo ajjhattikā. Cha dhātuyo bāhirā.
нава д̇хаад̇уяо убаад̣̇аа. адта д̇хаад̇уяо но убаад̣̇аа. д̇хаммад̇хаад̇у сияаа убаад̣̇аа, сияаа но убаад̣̇аа. д̣̇аса д̇хаад̇уяо убаад̣̇иннаа. сад̣̇д̣̇ад̇хаад̇у анубаад̣̇иннаа. сад̇д̇ад̇хаад̇уяо сияаа убаад̣̇иннаа, сияаа анубаад̣̇иннаа. сад̇д̇араса д̇хаад̇уяо но убаад̣̇аанаа. д̇хаммад̇хаад̇у сияаа убаад̣̇аанам̣, сияаа но убаад̣̇аанам̣. сол̣аса д̇хаад̇уяо убаад̣̇аанияаа. д̣̇вз д̇хаад̇уяо сияаа убаад̣̇аанияаа, сияаа анубаад̣̇аанияаа. сол̣аса д̇хаад̇уяо убаад̣̇аанавиббаяуд̇д̇аа. д̣̇вз д̇хаад̇уяо сияаа убаад̣̇аанасамбаяуд̇д̇аа, сияаа убаад̣̇аанавиббаяуд̇д̇аа. сол̣аса д̇хаад̇уяо на вад̇д̇аб̣б̣аа – ‘‘убаад̣̇аанаа жзва убаад̣̇аанияаа жаа’’д̇и, ‘‘убаад̣̇аанияаа жзва но жа убаад̣̇аанаа’’. мановин̃н̃аан̣ад̇хаад̇у на вад̇д̇аб̣б̣аа – ‘‘убаад̣̇аанан̃жзва убаад̣̇аанияаа жаа’’д̇и, сияаа убаад̣̇аанияаа жзва но жа убаад̣̇аанам̣, сияаа на вад̇д̇аб̣б̣аа – ‘‘убаад̣̇аанияаа жзва но жа убаад̣̇аана’’нд̇и. д̇хаммад̇хаад̇у сияаа убаад̣̇аанан̃жзва убаад̣̇аанияаа жа, сияаа убаад̣̇аанияаа жзва но жа убаад̣̇аанам̣, сияаа на вад̇д̇аб̣б̣аа – ‘‘убаад̣̇аанан̃жзва убаад̣̇аанияаа жаа’’д̇иби, ‘‘убаад̣̇аанияаа жзва но жа убаад̣̇аана’’нд̇иби.
Nava dhātuyo upādā. Aṭṭha dhātuyo no upādā. Dhammadhātu siyā upādā, siyā no upādā. Dasa dhātuyo upādinnā. Saddadhātu anupādinnā. Sattadhātuyo siyā upādinnā, siyā anupādinnā. Sattarasa dhātuyo no upādānā. Dhammadhātu siyā upādānaṃ, siyā no upādānaṃ. Soḷasa dhātuyo upādāniyā. Dve dhātuyo siyā upādāniyā, siyā anupādāniyā. Soḷasa dhātuyo upādānavippayuttā. Dve dhātuyo siyā upādānasampayuttā, siyā upādānavippayuttā. Soḷasa dhātuyo na vattabbā – ‘‘upādānā ceva upādāniyā cā’’ti, ‘‘upādāniyā ceva no ca upādānā’’. Manoviññāṇadhātu na vattabbā – ‘‘upādānañceva upādāniyā cā’’ti, siyā upādāniyā ceva no ca upādānaṃ, siyā na vattabbā – ‘‘upādāniyā ceva no ca upādāna’’nti. Dhammadhātu siyā upādānañceva upādāniyā ca, siyā upādāniyā ceva no ca upādānaṃ, siyā na vattabbā – ‘‘upādānañceva upādāniyā cā’’tipi, ‘‘upādāniyā ceva no ca upādāna’’ntipi.
сол̣аса д̇хаад̇уяо на вад̇д̇аб̣б̣аа – ‘‘убаад̣̇аанаа жзва убаад̣̇аанасамбаяуд̇д̇аа жаа’’д̇иби, ‘‘убаад̣̇аанасамбаяуд̇д̇аа жзва но жа убаад̣̇аанаа’’д̇иби. мановин̃н̃аан̣ад̇хаад̇у на вад̇д̇аб̣б̣аа – ‘‘убаад̣̇аанан̃жзва убаад̣̇аанасамбаяуд̇д̇аа жаа’’д̇и, сияаа убаад̣̇аанасамбаяуд̇д̇аа жзва но жа убаад̣̇аанам̣, сияаа на вад̇д̇аб̣б̣аа – ‘‘убаад̣̇аанасамбаяуд̇д̇аа жзва но жа убаад̣̇аана’’нд̇и. д̇хаммад̇хаад̇у сияаа убаад̣̇аанан̃жзва убаад̣̇аанасамбаяуд̇д̇аа жа, сияаа убаад̣̇аанасамбаяуд̇д̇аа жзва но жа убаад̣̇аанам̣, сияаа на вад̇д̇аб̣б̣аа – ‘‘убаад̣̇аанан̃жзва убаад̣̇аанасамбаяуд̇д̇аа жаа’’д̇иби, ‘‘убаад̣̇аанасамбаяуд̇д̇аа жзва но жа убаад̣̇аана’’нд̇иби. сол̣аса д̇хаад̇уяо убаад̣̇аанавиббаяуд̇д̇аубаад̣̇аанияаа. д̣̇вз д̇хаад̇уяо сияаа убаад̣̇аанавиббаяуд̇д̇аубаад̣̇аанияаа, сияаа убаад̣̇аанавиббаяуд̇д̇аанубаад̣̇аанияаа, сияаа на вад̇д̇аб̣б̣аа – ‘‘убаад̣̇аанавиббаяуд̇д̇аубаад̣̇аанияаа’’д̇иби, ‘‘убаад̣̇аанавиббаяуд̇д̇аанубаад̣̇аанияаа’’д̇иби.
Soḷasa dhātuyo na vattabbā – ‘‘upādānā ceva upādānasampayuttā cā’’tipi, ‘‘upādānasampayuttā ceva no ca upādānā’’tipi. Manoviññāṇadhātu na vattabbā – ‘‘upādānañceva upādānasampayuttā cā’’ti, siyā upādānasampayuttā ceva no ca upādānaṃ, siyā na vattabbā – ‘‘upādānasampayuttā ceva no ca upādāna’’nti. Dhammadhātu siyā upādānañceva upādānasampayuttā ca, siyā upādānasampayuttā ceva no ca upādānaṃ, siyā na vattabbā – ‘‘upādānañceva upādānasampayuttā cā’’tipi, ‘‘upādānasampayuttā ceva no ca upādāna’’ntipi. Soḷasa dhātuyo upādānavippayuttaupādāniyā. Dve dhātuyo siyā upādānavippayuttaupādāniyā, siyā upādānavippayuttaanupādāniyā, siyā na vattabbā – ‘‘upādānavippayuttaupādāniyā’’tipi, ‘‘upādānavippayuttaanupādāniyā’’tipi.
сад̇д̇араса д̇хаад̇уяо но гилзсаа. д̇хаммад̇хаад̇у сияаа гилзсаа, сияаа но гилзсаа. сол̣аса д̇хаад̇уяо сам̣гилзсигаа. д̣̇вз д̇хаад̇уяо сияаа сам̣гилзсигаа, сияаа асам̣гилзсигаа. сол̣аса д̇хаад̇уяо асам̣гилидтаа. д̣̇вз д̇хаад̇уяо сияаа сам̣гилидтаа, сияаа асам̣гилидтаа. сол̣аса д̇хаад̇уяо гилзсавиббаяуд̇д̇аа. д̣̇вз д̇хаад̇уяо сияаа гилзсасамбаяуд̇д̇аа, сияаа гилзсавиббаяуд̇д̇аа. сол̣аса д̇хаад̇уяо на вад̇д̇аб̣б̣аа – ‘‘гилзсаа жзва сам̣гилзсигаа жаа’’д̇и, сам̣гилзсигаа жзва но жа гилзсаа. мановин̃н̃аан̣ад̇хаад̇у на вад̇д̇аб̣б̣аа – ‘‘гилзсо жзва сам̣гилзсигаа жаа’’д̇и, сияаа сам̣гилзсигаа жзва но жа гилзсо, сияаа на вад̇д̇аб̣б̣аа – ‘‘сам̣гилзсигаа жзва но жа гилзсо’’д̇и. д̇хаммад̇хаад̇у сияаа гилзсо жзва сам̣гилзсигаа жа, сияаа сам̣гилзсигаа жзва но жа гилзсо, сияаа на вад̇д̇аб̣б̣аа – ‘‘гилзсо жзва сам̣гилзсигаа жаа’’д̇иби, ‘‘сам̣гилзсигаа жзва но жа гилзсо’’д̇иби.
Sattarasa dhātuyo no kilesā. Dhammadhātu siyā kilesā, siyā no kilesā. Soḷasa dhātuyo saṃkilesikā. Dve dhātuyo siyā saṃkilesikā, siyā asaṃkilesikā. Soḷasa dhātuyo asaṃkiliṭṭhā. Dve dhātuyo siyā saṃkiliṭṭhā, siyā asaṃkiliṭṭhā. Soḷasa dhātuyo kilesavippayuttā. Dve dhātuyo siyā kilesasampayuttā, siyā kilesavippayuttā. Soḷasa dhātuyo na vattabbā – ‘‘kilesā ceva saṃkilesikā cā’’ti, saṃkilesikā ceva no ca kilesā. Manoviññāṇadhātu na vattabbā – ‘‘kileso ceva saṃkilesikā cā’’ti, siyā saṃkilesikā ceva no ca kileso, siyā na vattabbā – ‘‘saṃkilesikā ceva no ca kileso’’ti. Dhammadhātu siyā kileso ceva saṃkilesikā ca, siyā saṃkilesikā ceva no ca kileso, siyā na vattabbā – ‘‘kileso ceva saṃkilesikā cā’’tipi, ‘‘saṃkilesikā ceva no ca kileso’’tipi.
сол̣аса д̇хаад̇уяо на вад̇д̇аб̣б̣аа – ‘‘гилзсаа жзва сам̣гилидтаа жаа’’д̇иби, ‘‘сам̣гилидтаа жзва но жа гилзсаа’’д̇иби. мановин̃н̃аан̣ад̇хаад̇у на вад̇д̇аб̣б̣аа – ‘‘гилзсо жзва сам̣гилидтаа жаа’’д̇и, сияаа сам̣гилидтаа жзва но жа гилзсо, сияаа на вад̇д̇аб̣б̣аа – ‘‘сам̣гилидтаа жзва но жа гилзсо’’д̇и. д̇хаммад̇хаад̇у сияаа гилзсо жзва сам̣гилидтаа жа, сияаа сам̣гилидтаа жзва но жа гилзсо, сияаа на вад̇д̇аб̣б̣аа – ‘‘гилзсо жзва сам̣гилидтаа жаа’’д̇иби, ‘‘сам̣гилидтаа жзва но жа гилзсо’’д̇иби. сол̣аса д̇хаад̇уяо на вад̇д̇аб̣б̣аа – ‘‘гилзсаа жзва гилзсасамбаяуд̇д̇аа жаа’’д̇иби, ‘‘гилзсасамбаяуд̇д̇аа жзва но жа гилзсаа’’д̇иби. мановин̃н̃аан̣ад̇хаад̇у на вад̇д̇аб̣б̣аа – ‘‘гилзсо жзва гилзсасамбаяуд̇д̇аа жаа’’д̇и, сияаа гилзсасамбаяуд̇д̇аа жзва но жа гилзсо, сияаа на вад̇д̇аб̣б̣аа – ‘‘гилзсасамбаяуд̇д̇аа жзва но жа гилзсо’’д̇и. д̇хаммад̇хаад̇у сияаа гилзсо жзва гилзсасамбаяуд̇д̇аа жа, сияаа гилзсасамбаяуд̇д̇аа жзва но жа гилзсо, сияаа на вад̇д̇аб̣б̣аа – ‘‘гилзсо жзва гилзсасамбаяуд̇д̇аа жаа’’д̇иби, ‘‘гилзсасамбаяуд̇д̇аа жзва но жа гилзсо’’д̇иби. сол̣аса д̇хаад̇уяо гилзсавиббаяуд̇д̇асам̣гилзсигаа. д̣̇вз д̇хаад̇уяо сияаа гилзсавиббаяуд̇д̇асам̣гилзсигаа, сияаа гилзсавиббаяуд̇д̇аасам̣гилзсигаа, сияаа на вад̇д̇аб̣б̣аа – ‘‘гилзсавиббаяуд̇д̇асам̣гилзсигаа’’д̇иби, ‘‘гилзсавиббаяуд̇д̇аасам̣гилзсигаа’’д̇иби.
Soḷasa dhātuyo na vattabbā – ‘‘kilesā ceva saṃkiliṭṭhā cā’’tipi, ‘‘saṃkiliṭṭhā ceva no ca kilesā’’tipi. Manoviññāṇadhātu na vattabbā – ‘‘kileso ceva saṃkiliṭṭhā cā’’ti, siyā saṃkiliṭṭhā ceva no ca kileso, siyā na vattabbā – ‘‘saṃkiliṭṭhā ceva no ca kileso’’ti. Dhammadhātu siyā kileso ceva saṃkiliṭṭhā ca, siyā saṃkiliṭṭhā ceva no ca kileso, siyā na vattabbā – ‘‘kileso ceva saṃkiliṭṭhā cā’’tipi, ‘‘saṃkiliṭṭhā ceva no ca kileso’’tipi. Soḷasa dhātuyo na vattabbā – ‘‘kilesā ceva kilesasampayuttā cā’’tipi, ‘‘kilesasampayuttā ceva no ca kilesā’’tipi. Manoviññāṇadhātu na vattabbā – ‘‘kileso ceva kilesasampayuttā cā’’ti, siyā kilesasampayuttā ceva no ca kileso, siyā na vattabbā – ‘‘kilesasampayuttā ceva no ca kileso’’ti. Dhammadhātu siyā kileso ceva kilesasampayuttā ca, siyā kilesasampayuttā ceva no ca kileso, siyā na vattabbā – ‘‘kileso ceva kilesasampayuttā cā’’tipi, ‘‘kilesasampayuttā ceva no ca kileso’’tipi. Soḷasa dhātuyo kilesavippayuttasaṃkilesikā. Dve dhātuyo siyā kilesavippayuttasaṃkilesikā, siyā kilesavippayuttaasaṃkilesikā, siyā na vattabbā – ‘‘kilesavippayuttasaṃkilesikā’’tipi, ‘‘kilesavippayuttaasaṃkilesikā’’tipi.
сол̣аса д̇хаад̇уяо на д̣̇ассанзна бахаад̇аб̣б̣аа. д̣̇вз д̇хаад̇уяо сияаа д̣̇ассанзна бахаад̇аб̣б̣аа, сияаа на д̣̇ассанзна бахаад̇аб̣б̣аа. сол̣аса д̇хаад̇уяо на бхааванааяа бахаад̇аб̣б̣аа. д̣̇вз д̇хаад̇уяо сияаа бхааванааяа бахаад̇аб̣б̣аа, сияаа на бхааванааяа бахаад̇аб̣б̣аа. сол̣аса д̇хаад̇уяо на д̣̇ассанзна бахаад̇аб̣б̣ахзд̇угаа. д̣̇вз д̇хаад̇уяо сияаа д̣̇ассанзна бахаад̇аб̣б̣ахзд̇угаа, сияаа на д̣̇ассанзна бахаад̇аб̣б̣ахзд̇угаа. сол̣аса д̇хаад̇уяо на бхааванааяа бахаад̇аб̣б̣ахзд̇угаа. д̣̇вз д̇хаад̇уяо сияаа бхааванааяа бахаад̇аб̣б̣ахзд̇угаа, сияаа на бхааванааяа бахаад̇аб̣б̣ахзд̇угаа.
Soḷasa dhātuyo na dassanena pahātabbā. Dve dhātuyo siyā dassanena pahātabbā, siyā na dassanena pahātabbā. Soḷasa dhātuyo na bhāvanāya pahātabbā. Dve dhātuyo siyā bhāvanāya pahātabbā, siyā na bhāvanāya pahātabbā. Soḷasa dhātuyo na dassanena pahātabbahetukā. Dve dhātuyo siyā dassanena pahātabbahetukā, siyā na dassanena pahātabbahetukā. Soḷasa dhātuyo na bhāvanāya pahātabbahetukā. Dve dhātuyo siyā bhāvanāya pahātabbahetukā, siyā na bhāvanāya pahātabbahetukā.
баннараса д̇хаад̇уяо авид̇аггаа. манод̇хаад̇у савид̇аггаа. д̣̇вз д̇хаад̇уяо сияаа савид̇аггаа, сияаа авид̇аггаа. баннараса д̇хаад̇уяо авижаараа. манод̇хаад̇у савижаараа. д̣̇вз д̇хаад̇уяо сияаа савижаараа, сияаа авижаараа. сол̣аса д̇хаад̇уяо аббийд̇игаа. д̣̇вз д̇хаад̇уяо сияаа саббийд̇игаа, сияаа аббийд̇игаа. сол̣аса д̇хаад̇уяо на бийд̇исахаг̇ад̇аа. д̣̇вз д̇хаад̇уяо сияаа бийд̇исахаг̇ад̇аа, сияаа на бийд̇исахаг̇ад̇аа. баннараса д̇хаад̇уяо на сукасахаг̇ад̇аа. д̇иссо д̇хаад̇уяо сияаа сукасахаг̇ад̇аа, сияаа на сукасахаг̇ад̇аа. згаад̣̇аса д̇хаад̇уяо на убзгкаасахаг̇ад̇аа. бан̃жа д̇хаад̇уяо убзгкаасахаг̇ад̇аа. д̣̇вз д̇хаад̇уяо сияаа убзгкаасахаг̇ад̇аа, сияаа на убзгкаасахаг̇ад̇аа.
Pannarasa dhātuyo avitakkā. Manodhātu savitakkā. Dve dhātuyo siyā savitakkā, siyā avitakkā. Pannarasa dhātuyo avicārā. Manodhātu savicārā. Dve dhātuyo siyā savicārā, siyā avicārā. Soḷasa dhātuyo appītikā. Dve dhātuyo siyā sappītikā, siyā appītikā. Soḷasa dhātuyo na pītisahagatā. Dve dhātuyo siyā pītisahagatā, siyā na pītisahagatā. Pannarasa dhātuyo na sukhasahagatā. Tisso dhātuyo siyā sukhasahagatā, siyā na sukhasahagatā. Ekādasa dhātuyo na upekkhāsahagatā. Pañca dhātuyo upekkhāsahagatā. Dve dhātuyo siyā upekkhāsahagatā, siyā na upekkhāsahagatā.
сол̣аса д̇хаад̇уяо гаамааважараа. д̣̇вз д̇хаад̇уяо сияаа гаамааважараа, сияаа на гаамааважараа. сол̣аса д̇хаад̇уяо на руубааважараа. д̣̇вз д̇хаад̇уяо сияаа руубааважараа, сияаа на руубааважараа. сол̣аса д̇хаад̇уяо на аруубааважараа. д̣̇вз д̇хаад̇уяо сияаа аруубааважараа, сияаа на аруубааважараа. сол̣аса д̇хаад̇уяо барияаабаннаа. д̣̇вз д̇хаад̇уяо сияаа барияаабаннаа, сияаа абарияаабаннаа. сол̣аса д̇хаад̇уяо анияяаанигаа. д̣̇вз д̇хаад̇уяо сияаа нияяаанигаа, сияаа анияяаанигаа. сол̣аса д̇хаад̇уяо анияад̇аа. д̣̇вз д̇хаад̇уяо сияаа нияад̇аа, сияаа анияад̇аа. сол̣аса д̇хаад̇уяо сауд̇д̇араа. д̣̇вз д̇хаад̇уяо сияаа сауд̇д̇араа, сияаа ануд̇д̇араа. сол̣аса д̇хаад̇уяо аран̣аа. д̣̇вз д̇хаад̇уяо сияаа саран̣аа, сияаа аран̣аад̇и.
Soḷasa dhātuyo kāmāvacarā. Dve dhātuyo siyā kāmāvacarā, siyā na kāmāvacarā. Soḷasa dhātuyo na rūpāvacarā. Dve dhātuyo siyā rūpāvacarā, siyā na rūpāvacarā. Soḷasa dhātuyo na arūpāvacarā. Dve dhātuyo siyā arūpāvacarā, siyā na arūpāvacarā. Soḷasa dhātuyo pariyāpannā. Dve dhātuyo siyā pariyāpannā, siyā apariyāpannā. Soḷasa dhātuyo aniyyānikā. Dve dhātuyo siyā niyyānikā, siyā aniyyānikā. Soḷasa dhātuyo aniyatā. Dve dhātuyo siyā niyatā, siyā aniyatā. Soḷasa dhātuyo sauttarā. Dve dhātuyo siyā sauttarā, siyā anuttarā. Soḷasa dhātuyo araṇā. Dve dhātuyo siyā saraṇā, siyā araṇāti.
бан̃хаабужчагам̣.
Pañhāpucchakaṃ.
д̇хаад̇увибхан̇г̇о нидтид̇о.
Dhātuvibhaṅgo niṭṭhito.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / саммохавинод̣̇аний-адтагат̇аа • Sammohavinodanī-aṭṭhakathā
1. суд̇д̇анд̇абхааж̇анийяаван̣н̣анаа • 1. Suttantabhājanīyavaṇṇanā
2. абхид̇хаммабхааж̇анийяаван̣н̣анаа • 2. Abhidhammabhājanīyavaṇṇanā
3. бан̃хаабужчагаван̣н̣анаа • 3. Pañhāpucchakavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 3. д̇хаад̇увибхан̇г̇о • 3. Dhātuvibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 3. д̇хаад̇увибхан̇г̇о • 3. Dhātuvibhaṅgo
