| Library / Tipiṭaka / तिपिटक • Tipiṭaka / अपदानपाळि • Apadānapāḷi |
६. धूपदायकत्थेरअपदानं
6. Dhūpadāyakattheraapadānaṃ
१६१.
161.
‘‘सिद्धत्थस्स भगवतो, लोकजेट्ठस्स तादिनो।
‘‘Siddhatthassa bhagavato, lokajeṭṭhassa tādino;
कुटिधूपं मया दिन्नं, विप्पसन्नेन चेतसा॥
Kuṭidhūpaṃ mayā dinnaṃ, vippasannena cetasā.
१६२.
162.
यं यं योनुपपज्जामि, देवत्तं अथ मानुसं।
Yaṃ yaṃ yonupapajjāmi, devattaṃ atha mānusaṃ;
सब्बेसम्पि पियो होमि, धूपदानस्सिदं फलं॥
Sabbesampi piyo homi, dhūpadānassidaṃ phalaṃ.
१६३.
163.
दुग्गतिं नाभिजानामि, धूपदानस्सिदं फलं॥
Duggatiṃ nābhijānāmi, dhūpadānassidaṃ phalaṃ.
१६४.
164.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा धूपदायको थेरो इमा गाथायो अभासित्थाति।
Itthaṃ sudaṃ āyasmā dhūpadāyako thero imā gāthāyo abhāsitthāti.
धूपदायकत्थेरस्सापदानं छट्ठं।
Dhūpadāyakattherassāpadānaṃ chaṭṭhaṃ.
Footnotes:
