| Library / Tipiṭaka / તિપિટક • Tipiṭaka / પરિવારપાળિ • Parivārapāḷi |
૬. ધુતઙ્ગવગ્ગો
6. Dhutaṅgavaggo
૪૪૩. ‘‘કતિ નુ ખો, ભન્તે, આરઞ્ઞિકા’’તિ? ‘‘પઞ્ચિમે, ઉપાલિ, આરઞ્ઞિકા 1. કતમે પઞ્ચ? મન્દત્તા મોમૂહત્તા આરઞ્ઞિકો હોતિ, પાપિચ્છો ઇચ્છાપકતો આરઞ્ઞિકો હોતિ, ઉમ્માદા ચિત્તક્ખેપા આરઞ્ઞિકો હોતિ, વણ્ણિતં બુદ્ધેહિ બુદ્ધસાવકેહીતિ આરઞ્ઞિકો હોતિ, અપિ ચ અપ્પિચ્છઞ્ઞેવ નિસ્સાય સન્તુટ્ઠિઞ્ઞેવ નિસ્સાય – સલ્લેખઞ્ઞેવ નિસ્સાય પવિવેકઞ્ઞેવ નિસ્સાય ઇદમત્થિતઞ્ઞેવ નિસ્સાય આરઞ્ઞિકો હોતિ – ઇમે ખો, ઉપાલિ, પઞ્ચ આરઞ્ઞિકા’’તિ.
443. ‘‘Kati nu kho, bhante, āraññikā’’ti? ‘‘Pañcime, upāli, āraññikā 2. Katame pañca? Mandattā momūhattā āraññiko hoti, pāpiccho icchāpakato āraññiko hoti, ummādā cittakkhepā āraññiko hoti, vaṇṇitaṃ buddhehi buddhasāvakehīti āraññiko hoti, api ca appicchaññeva nissāya santuṭṭhiññeva nissāya – sallekhaññeva nissāya pavivekaññeva nissāya idamatthitaññeva nissāya āraññiko hoti – ime kho, upāli, pañca āraññikā’’ti.
‘‘કતિ નુ ખો, ભન્તે, પિણ્ડપાતિકાતિ…પે॰… કતિ નુ ખો, ભન્તે, પંસુકૂલિકાતિ…પે॰… કતિ નુ ખો, ભન્તે, રુક્ખમૂલિકાતિ…પે॰… કતિ નુ ખો, ભન્તે, સોસાનિકાતિ…પે॰… કતિ નુ ખો, ભન્તે, અબ્ભોકાસિકાતિ…પે॰… કતિ નુ ખો, ભન્તે, તેચીવરિકાતિ…પે॰… કતિ નુ ખો, ભન્તે, સપદાનચારિકાતિ…પે॰… કતિ નુ ખો, ભન્તે, નેસજ્જિકાતિ…પે॰… કતિ નુ ખો, ભન્તે, યથાસન્થતિકાતિ…પે॰… કતિ નુ ખો, ભન્તે, એકાસનિકાતિ…પે॰… કતિ નુ ખો, ભન્તે, ખલુપચ્છાભત્તિકાતિ…પે॰… કતિ નુ ખો, ભન્તે, પત્તપિણ્ડિકાતિ? પઞ્ચિમે, ઉપાલિ, પત્તપિણ્ડિકા. કતમે પઞ્ચ? મન્દત્તા મોમૂહત્તા પત્તપિણ્ડિકો હોતિ, પાપિચ્છો ઇચ્છાપકતો પત્તપિણ્ડિકો હોતિ, ઉમ્માદા ચિત્તક્ખેપા પત્તપિણ્ડિકો હોતિ, વણ્ણિતં બુદ્ધેહિ બુદ્ધસાવકેહીતિ પત્તપિણ્ડિકો હોતિ, અપિ ચ અપ્પિચ્છઞ્ઞેવ નિસ્સાય સન્તુટ્ઠિઞ્ઞેવ નિસ્સાય સલ્લેખઞ્ઞેવ નિસ્સાય પવિવેકઞ્ઞેવ નિસ્સાય ઇદમત્થિતઞ્ઞેવ નિસ્સાય પત્તપિણ્ડિકો હોતિ – ઇમે ખો, ઉપાલિ, પઞ્ચ પત્તપિણ્ડિકા’’તિ.
‘‘Kati nu kho, bhante, piṇḍapātikāti…pe… kati nu kho, bhante, paṃsukūlikāti…pe… kati nu kho, bhante, rukkhamūlikāti…pe… kati nu kho, bhante, sosānikāti…pe… kati nu kho, bhante, abbhokāsikāti…pe… kati nu kho, bhante, tecīvarikāti…pe… kati nu kho, bhante, sapadānacārikāti…pe… kati nu kho, bhante, nesajjikāti…pe… kati nu kho, bhante, yathāsanthatikāti…pe… kati nu kho, bhante, ekāsanikāti…pe… kati nu kho, bhante, khalupacchābhattikāti…pe… kati nu kho, bhante, pattapiṇḍikāti? Pañcime, upāli, pattapiṇḍikā. Katame pañca? Mandattā momūhattā pattapiṇḍiko hoti, pāpiccho icchāpakato pattapiṇḍiko hoti, ummādā cittakkhepā pattapiṇḍiko hoti, vaṇṇitaṃ buddhehi buddhasāvakehīti pattapiṇḍiko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya pattapiṇḍiko hoti – ime kho, upāli, pañca pattapiṇḍikā’’ti.
ધુતઙ્ગવગ્ગો નિટ્ઠિતો છટ્ઠો.
Dhutaṅgavaggo niṭṭhito chaṭṭho.
તસ્સુદ્દાનં –
Tassuddānaṃ –
આરઞ્ઞિકો પિણ્ડિપંસુ, રુક્ખસુસાનપઞ્ચમં;
Āraññiko piṇḍipaṃsu, rukkhasusānapañcamaṃ;
અબ્ભો તેચીવરઞ્ચેવ, સપદાનનેસજ્જિકા;
Abbho tecīvarañceva, sapadānanesajjikā;
સન્થતેકાસનઞ્ચેવ, ખલુપચ્છા પત્તપિણ્ડિકાતિ.
Santhatekāsanañceva, khalupacchā pattapiṇḍikāti.
Footnotes:
