| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
7. д̣̇иб̣б̣ажагкугат̇ааван̣н̣анаа
7. Dibbacakkhukathāvaṇṇanā
373. убад̇т̇ад̣̇д̇ханд̇и яат̇аа висаяаанубхааваг̇ожарзхи висидтам̣ ход̇и, д̇ат̇аа бажжаяабхууд̇зна гад̇аб̣алаад̇хаананд̇и ад̇т̇о. д̇ам̣мад̇д̇амзваад̇и буримам̣ мам̣сажагкумад̇д̇амзва д̇хаммубад̇т̇ад̣̇д̇хам̣ на ход̇ийд̇и ад̇т̇о. анаабаат̇аг̇ад̇анд̇и мам̣сажагкунаа г̇ахзд̇аб̣б̣адтаанам̣ аабаат̇ам̣ нааг̇ад̇ам̣. зд̇т̇а жа висаяасса д̣̇ийбагам̣ аанубхааваг̇ожараанамзва асад̣̇исад̇ам̣ вад̣̇анд̇о яаад̣̇исо мам̣сажагкусса висаяод̇и висаяаг̇г̇ахан̣ам̣ на висаяависзсад̣̇ассанад̇т̇ам̣, ат̇а ко яаад̣̇исз висаяз аанубхааваг̇ожарависзсаа хонд̇и, д̇аад̣̇исасса руубависаяасса д̣̇ассанад̇т̇анд̇и д̣̇ийбзд̇и, сад̣̇исасса ваа висаяасса аанубхааваг̇ожарависзсова висзсам̣.
373. Upatthaddhanti yathā visayānubhāvagocarehi visiṭṭhaṃ hoti, tathā paccayabhūtena katabalādhānanti attho. Taṃmattamevāti purimaṃ maṃsacakkhumattameva dhammupatthaddhaṃ na hotīti attho. Anāpāthagatanti maṃsacakkhunā gahetabbaṭṭhānaṃ āpāthaṃ nāgataṃ. Ettha ca visayassa dīpakaṃ ānubhāvagocarānameva asadisataṃ vadanto yādiso maṃsacakkhussa visayoti visayaggahaṇaṃ na visayavisesadassanatthaṃ, atha kho yādise visaye ānubhāvagocaravisesā honti, tādisassa rūpavisayassa dassanatthanti dīpeti, sadisassa vā visayassa ānubhāvagocaravisesova visesaṃ.
на жа мам̣сажагкумзва д̣̇иб̣б̣ажагкууд̇и ижчад̇ийд̇и д̇хаммубад̇т̇ад̣̇д̇хагаалз буримам̣ мам̣сажагкумзваад̇и на ижчад̇ийд̇и ад̇хиббааяо. мам̣сажагкусса уббаад̣̇о маг̇г̇од̇и мам̣сажагкубажжаяад̇аад̣̇ассанад̇т̇амзва вуд̇д̇ам̣, на д̇зна анубаад̣̇иннад̇аасаад̇ханад̇т̇ам̣. руубааважаригаананд̇и руубааважараж̇жхаанабажжаязна уббаннаани махаабхууд̇аани руубааважаригаанийд̇и со ижчад̇ийд̇и ад̇хиббааяо. зса наяо ‘‘аруубааважаригаана’’нд̇и зд̇т̇ааби. аруубааважарагкан̣з руубааважаражид̇д̇асса абхааваа бадигкибад̇ийд̇и д̇асмим̣язва кан̣з руубааважарам̣ худ̇ваа аруубааважарам̣ на ж̇аад̇анд̇и бадигкибад̇ийд̇и ад̇хиббааяо.
Na ca maṃsacakkhumeva dibbacakkhūti icchatīti dhammupatthaddhakāle purimaṃ maṃsacakkhumevāti na icchatīti adhippāyo. Maṃsacakkhussa uppādo maggoti maṃsacakkhupaccayatādassanatthameva vuttaṃ, na tena anupādinnatāsādhanatthaṃ. Rūpāvacarikānanti rūpāvacarajjhānapaccayena uppannāni mahābhūtāni rūpāvacarikānīti so icchatīti adhippāyo. Esa nayo ‘‘arūpāvacarikāna’’nti etthāpi. Arūpāvacarakkhaṇe rūpāvacaracittassa abhāvā paṭikkhipatīti tasmiṃyeva khaṇe rūpāvacaraṃ hutvā arūpāvacaraṃ na jātanti paṭikkhipatīti adhippāyo.
374. гин̃жааби д̣̇иб̣б̣ажагкуно д̇хаммубад̇т̇ад̣̇д̇хасса бан̃н̃аажагкубхаавам̣ на ижчад̇и, язна д̇ийн̣и жагкууни д̇хаммубад̇т̇амбхзна жагкунд̇арабхаавам̣ вад̣̇ад̇о бхавзяяунд̇и ад̇хиббааяо.
374. Kiñcāpi dibbacakkhuno dhammupatthaddhassa paññācakkhubhāvaṃ na icchati, yena tīṇi cakkhūni dhammupatthambhena cakkhuntarabhāvaṃ vadato bhaveyyunti adhippāyo.
д̣̇иб̣б̣ажагкугат̇ааван̣н̣анаа нидтид̇аа.
Dibbacakkhukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (27) 7. д̣̇иб̣б̣ажагкугат̇аа • (27) 7. Dibbacakkhukathā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 7. д̣̇иб̣б̣ажагкугат̇ааван̣н̣анаа • 7. Dibbacakkhukathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 7. д̣̇иб̣б̣ажагкугат̇ааван̣н̣анаа • 7. Dibbacakkhukathāvaṇṇanā
