| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
7. д̣̇иб̣б̣ажагкугат̇ааван̣н̣анаа
7. Dibbacakkhukathāvaṇṇanā
373. висинод̇и висзсзна б̣анд̇хад̇и висаяийнам̣ ад̇д̇абадиб̣анд̇хам̣ гарод̇ийд̇и висаяо, аарамман̣ам̣ , анубхавад̇и зд̇знаад̇и аанубхааво, саамад̇т̇ияам̣, б̣аланд̇и ад̇т̇о, г̇ожарагаран̣ам̣ г̇ожаро, висаяз аанубхааваг̇ожараа висаяа…бз… жараад̇и. д̇зхи яат̇аа висидтам̣ висзсам̣ ход̇и, д̇ат̇аа бажжаяабхууд̇зна жхаанад̇хаммзна аахид̇аб̣алам̣ гад̇аб̣алаад̇хаанам̣. висаяаг̇г̇ахан̣ан̃жзд̇т̇а аанубхааваг̇ожарагаран̣аанам̣ бавад̇д̇идтаанад̣̇ассанам̣ яад̇т̇асса д̇зхи убад̇т̇ад̣̇д̇хад̇д̇аа б̣алаад̇хаанам̣ баагадам̣ ход̇и. д̇знааха ‘‘яаад̣̇исз висаяз’’д̇иаад̣̇и. б̣алаад̇хаанан̃жа уд̇д̇аримануссад̇хаммад̇о махаг̇г̇ад̇ад̇хаммависзсад̇о уббаннзхи бан̣ийд̇зхи жид̇д̇аж̇аруубзхи висзсаабад̇д̇и. яам̣ ниссааяа бараавуд̇д̇ийд̇и згз вад̣̇анд̇и. буримам̣ мам̣сажагкумад̇д̇амзваад̇и яат̇аавуд̇д̇аб̣алаад̇хаанад̇о буримам̣ мам̣сажагкумад̇д̇амзва. вад̣̇анд̇о сан̇г̇ахагааро. висаяаг̇г̇ахан̣ам̣ баал̣ияам̣ гад̇ам̣. на висаяависзсад̣̇ассанад̇т̇анд̇и на висаяасса висзсад̣̇ассанад̇т̇ам̣. яад̇о убхиннамби руубааяад̇анамзва висаяод̇и висаяасса сад̣̇исад̇ам̣ ависзсам̣ ааха, сад̣̇исасса ваа висзсам̣ д̣̇ийбзд̇ийд̇и яож̇анаа.
373. Visinoti visesena bandhati visayīnaṃ attapaṭibandhaṃ karotīti visayo, ārammaṇaṃ , anubhavati etenāti ānubhāvo, sāmatthiyaṃ, balanti attho, gocarakaraṇaṃ gocaro, visaye ānubhāvagocarā visaya…pe… carāti. Tehi yathā visiṭṭhaṃ visesaṃ hoti, tathā paccayabhūtena jhānadhammena āhitabalaṃ katabalādhānaṃ. Visayaggahaṇañcettha ānubhāvagocarakaraṇānaṃ pavattiṭṭhānadassanaṃ yatthassa tehi upatthaddhattā balādhānaṃ pākaṭaṃ hoti. Tenāha ‘‘yādise visaye’’tiādi. Balādhānañca uttarimanussadhammato mahaggatadhammavisesato uppannehi paṇītehi cittajarūpehi visesāpatti. Yaṃ nissāya parāvuttīti eke vadanti. Purimaṃ maṃsacakkhumattamevāti yathāvuttabalādhānato purimaṃ maṃsacakkhumattameva. Vadanto saṅgahakāro. Visayaggahaṇaṃ pāḷiyaṃ kataṃ. Na visayavisesadassanatthanti na visayassa visesadassanatthaṃ. Yato ubhinnampi rūpāyatanameva visayoti visayassa sadisataṃ avisesaṃ āha, sadisassa vā visesaṃ dīpetīti yojanā.
д̇хаммубад̇т̇ад̣̇д̇ха …бз… ад̇хиббааяо, ан̃н̃ат̇аа лад̣̇д̇хиязва на сияаад̇и бхааво. маг̇г̇од̇и убааяо, гааран̣анд̇и ад̇т̇о. багад̇ижагкумад̇о зва хи д̣̇иб̣б̣ажагку уббаж̇ж̇ад̇и. гасмаа? гасин̣аалогам̣ вад̣дхзд̇ваа д̣̇иб̣б̣ажагкун̃аан̣асса уббаад̣̇анам̣, со жа гасин̣аман̣д̣алз уг̇г̇аханимид̇д̇зна винаа над̇т̇и, д̇асмаа вуд̇д̇ам̣ ‘‘мам̣сажагкубажжаяад̇аад̣̇ассанад̇т̇амзва вуд̇д̇а’’нд̇и. д̇знаад̇и ‘‘маг̇г̇о’’д̇и важанзна. руубааважараж̇жхаанабажжаязнаад̇и руубааважараж̇жхаанзна бажжаяабхууд̇зна уббаннаани руубааважараж̇жхаанажид̇д̇асамудтид̇аани. жхаанагаммасамудтид̇зсу вад̇д̇аб̣б̣амзва над̇т̇и. д̇асса хзсаа лад̣̇д̇хи.
Dhammupatthaddha…pe… adhippāyo, aññathā laddhiyeva na siyāti bhāvo. Maggoti upāyo, kāraṇanti attho. Pakaticakkhumato eva hi dibbacakkhu uppajjati. Kasmā? Kasiṇālokaṃ vaḍḍhetvā dibbacakkhuñāṇassa uppādanaṃ, so ca kasiṇamaṇḍale uggahanimittena vinā natthi, tasmā vuttaṃ ‘‘maṃsacakkhupaccayatādassanatthameva vutta’’nti. Tenāti ‘‘maggo’’ti vacanena. Rūpāvacarajjhānapaccayenāti rūpāvacarajjhānena paccayabhūtena uppannāni rūpāvacarajjhānacittasamuṭṭhitāni. Jhānakammasamuṭṭhitesu vattabbameva natthi. Tassa hesā laddhi.
374. язна д̣̇иб̣б̣ажагкуно бан̃н̃аажагкубхаавасса ижчанзна бадиж̇аананзна. д̇ийн̣и жагкууни мам̣сад̣̇иб̣б̣абан̃н̃аажагкууни жагкунд̇арабхаавам̣ вад̣̇ад̇о бхавзяяум̣, д̇асмаа д̇ам̣ на ижчад̇ийд̇и ад̇т̇о.
374. Yena dibbacakkhuno paññācakkhubhāvassa icchanena paṭijānanena. Tīṇi cakkhūni maṃsadibbapaññācakkhūni cakkhuntarabhāvaṃ vadato bhaveyyuṃ, tasmā taṃ na icchatīti attho.
д̣̇иб̣б̣ажагкугат̇ааван̣н̣анаа нидтид̇аа.
Dibbacakkhukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (27) 7. д̣̇иб̣б̣ажагкугат̇аа • (27) 7. Dibbacakkhukathā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 7. д̣̇иб̣б̣ажагкугат̇ааван̣н̣анаа • 7. Dibbacakkhukathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 7. д̣̇иб̣б̣ажагкугат̇ааван̣н̣анаа • 7. Dibbacakkhukathāvaṇṇanā
