| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૪-૫. દીઘજાણુસુત્તાદિવણ્ણના
4-5. Dīghajāṇusuttādivaṇṇanā
૫૪-૫૫. ચતુત્થે (દી॰ નિ॰ અટ્ઠ॰ ૩.૨૬૫) એકેન ભોગે ભુઞ્જેય્યાતિ એકેન કોટ્ઠાસેન ભોગે ભુઞ્જેય્ય, વિનિભુઞ્જેય્ય વાતિ અત્થો. દ્વીહિ કમ્મન્તિ દ્વીહિ કોટ્ઠાસેહિ કસિવણિજ્જાદિકમ્મં પયોજેય્ય. નિધાપેય્યાતિ ચતુત્થકોટ્ઠાસં નિધેત્વા ઠપેય્ય, નિદહિત્વા ભૂમિગતં કત્વા ઠપેય્યાતિ અત્થો. આપદાસુ ભવિસ્સતીતિ કુલાનઞ્હિ ન સબ્બકાલં એકસદિસં વત્તતિ, કદાચિ રાજઅગ્ગિચોરદુબ્ભિક્ખાદિવસેન આપદા ઉપ્પજ્જન્તિ, તસ્મા એવં આપદાસુ ઉપ્પન્નાસુ ભવિસ્સતીતિ એકં કોટ્ઠાસં નિધાપેય્યાતિ વુત્તં. ઇમેસુ પન ચતૂસુ કોટ્ઠાસેસુ કતરં કોટ્ઠાસં ગહેત્વા કુસલં કાતબ્બન્તિ? ‘‘ભોગે ભુઞ્જેય્યા’’તિ વુત્તકોટ્ઠાસં. તતો ગણ્હિત્વા હિ ભિક્ખૂનમ્પિ કપણદ્ધિકાનમ્પિ દાનં દાતબ્બં, પેસકારન્હાપિતાદીનમ્પિ વેતનં દાતબ્બં. સમણબ્રાહ્મણકપણદ્ધિકાદીનં દાનવસેન ચેવ, અધિવત્થદેવતાદીનં પેતબલિવસેન, ન્હાપિતાદીનં વેતનવસેન ચ વિનિયોગોપિ ઉપયોગો એવ.
54-55. Catutthe (dī. ni. aṭṭha. 3.265) ekena bhoge bhuñjeyyāti ekena koṭṭhāsena bhoge bhuñjeyya, vinibhuñjeyya vāti attho. Dvīhi kammanti dvīhi koṭṭhāsehi kasivaṇijjādikammaṃ payojeyya. Nidhāpeyyāti catutthakoṭṭhāsaṃ nidhetvā ṭhapeyya, nidahitvā bhūmigataṃ katvā ṭhapeyyāti attho. Āpadāsu bhavissatīti kulānañhi na sabbakālaṃ ekasadisaṃ vattati, kadāci rājaaggicoradubbhikkhādivasena āpadā uppajjanti, tasmā evaṃ āpadāsu uppannāsu bhavissatīti ekaṃ koṭṭhāsaṃ nidhāpeyyāti vuttaṃ. Imesu pana catūsu koṭṭhāsesu kataraṃ koṭṭhāsaṃ gahetvā kusalaṃ kātabbanti? ‘‘Bhoge bhuñjeyyā’’ti vuttakoṭṭhāsaṃ. Tato gaṇhitvā hi bhikkhūnampi kapaṇaddhikānampi dānaṃ dātabbaṃ, pesakāranhāpitādīnampi vetanaṃ dātabbaṃ. Samaṇabrāhmaṇakapaṇaddhikādīnaṃ dānavasena ceva, adhivatthadevatādīnaṃ petabalivasena, nhāpitādīnaṃ vetanavasena ca viniyogopi upayogo eva.
અપેન્તિ ગચ્છન્તિ, અપેન્તા વા એતેહીતિ અપાયા, અપાયા એવ મુખાનિ દ્વારાનીતિ અપાયમુખાનિ. વિનાસદ્વારાનીતિ એત્થાપિ એસેવ નયો. પઞ્ચમે નત્થિ વત્તબ્બં.
Apenti gacchanti, apentā vā etehīti apāyā, apāyā eva mukhāni dvārānīti apāyamukhāni. Vināsadvārānīti etthāpi eseva nayo. Pañcame natthi vattabbaṃ.
દીઘજાણુસુત્તાદિવણ્ણના નિટ્ઠિતા.
Dīghajāṇusuttādivaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya
૪. દીઘજાણુસુત્તં • 4. Dīghajāṇusuttaṃ
૫. ઉજ્જયસુત્તં • 5. Ujjayasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૪. દીઘજાણુસુત્તવણ્ણના • 4. Dīghajāṇusuttavaṇṇanā
