| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
4. தீ³க⁴ஜாணுஸுத்தவண்ணனா
4. Dīghajāṇusuttavaṇṇanā
54. சதுத்தே² ப்³யக்³க⁴பஜ்ஜாதி இத³மஸ்ஸ பவேணி நாம வஸேன ஆலபனங். தஸ்ஸ ஹி புப்³ப³புரிஸா ப்³யக்³க⁴பதே² ஜாதாதி தஸ்மிங் குலே மனுஸ்ஸா ப்³யக்³க⁴பஜ்ஜாதி வுச்சந்தி. இஸ்ஸத்தே²னாதி இஸ்ஸாஸகம்மேன. தத்ருபாயாயாதி ‘‘இமஸ்மிங் காலே இத³ங் நாம காதுங் வட்டதீ’’தி ஜானநே உபாயபூ⁴தாய. வுத்³த⁴ஸீலினோதி வட்³டி⁴தஸீலா வுத்³த⁴ஸமாசாரா. ஆயந்தி ஆக³மனங். நாச்சோகா³ள்ஹந்தி நாதிமஹந்தங். நாதிஹீனந்தி நாதிகஸிரங். பரியாதா³யாதி க³ஹெத்வா கே²பெத்வா. தத்த² யஸ்ஸ வயதோ தி³கு³ணோ ஆயோ, தஸ்ஸ வயோ ஆயங் பரியாதா³துங் ந ஸக்கோதி.
54. Catutthe byagghapajjāti idamassa paveṇi nāma vasena ālapanaṃ. Tassa hi pubbapurisā byagghapathe jātāti tasmiṃ kule manussā byagghapajjāti vuccanti. Issatthenāti issāsakammena. Tatrupāyāyāti ‘‘imasmiṃ kāle idaṃ nāma kātuṃ vaṭṭatī’’ti jānane upāyabhūtāya. Vuddhasīlinoti vaḍḍhitasīlā vuddhasamācārā. Āyanti āgamanaṃ. Nāccogāḷhanti nātimahantaṃ. Nātihīnanti nātikasiraṃ. Pariyādāyāti gahetvā khepetvā. Tattha yassa vayato diguṇo āyo, tassa vayo āyaṃ pariyādātuṃ na sakkoti.
‘‘சதுதா⁴ விப⁴ஜே போ⁴கே³, பண்டி³தோ க⁴ரமாவஸங்;
‘‘Catudhā vibhaje bhoge, paṇḍito gharamāvasaṃ;
ஏகேன போ⁴கே³ பு⁴ஞ்ஜெய்ய, த்³வீஹி கம்மங் பயோஜயே;
Ekena bhoge bhuñjeyya, dvīhi kammaṃ payojaye;
சதுத்த²ஞ்ச நிதா⁴பெய்ய, ஆபதா³ஸு ப⁴விஸ்ஸதீ’’தி. (தீ³॰ நி॰ 3.265) –
Catutthañca nidhāpeyya, āpadāsu bhavissatī’’ti. (dī. ni. 3.265) –
ஏவங் படிபஜ்ஜதோ பன வயோ ஆயங் பரியாதா³துங் ந ஸக்கோதியேவ.
Evaṃ paṭipajjato pana vayo āyaṃ pariyādātuṃ na sakkotiyeva.
உது³ம்ப³ரகா²தீ³வாதி யதா² உது³ம்ப³ரானி கா²தி³துகாமேன பக்கே உது³ம்ப³ரருக்கே² சாலிதே ஏகப்பஹாரேனேவ ப³ஹூனி ப²லானி பதந்தி, ஸோ கா²தி³தப்³ப³யுத்தகானி கா²தி³த்வா இதரானி ப³ஹுதரானி பஹாய க³ச்ச²தி, ஏவமேவங் யோ ஆயதோ வயங் ப³ஹுதரங் கத்வா விப்பகிரந்தோ போ⁴கே³ பரிபு⁴ஞ்ஜதி, ஸோ ‘‘உது³ம்ப³ரகா²தி³கங்வாயங் குலபுத்தோ போ⁴கே³ கா²த³தீ’’தி வுச்சதி. அஜெட்ட²மரணந்தி அனாயகமரணங் . ஸமங் ஜீவிகங் கப்பேதீதி ஸம்மா ஜீவிகங் கப்பேதி. ஸமஜீவிதாதி ஸமஜீவிதாய ஜீவிதா. அபாயமுகா²னீதி வினாஸஸ்ஸ டா²னானி.
Udumbarakhādīvāti yathā udumbarāni khāditukāmena pakke udumbararukkhe cālite ekappahāreneva bahūni phalāni patanti, so khāditabbayuttakāni khāditvā itarāni bahutarāni pahāya gacchati, evamevaṃ yo āyato vayaṃ bahutaraṃ katvā vippakiranto bhoge paribhuñjati, so ‘‘udumbarakhādikaṃvāyaṃ kulaputto bhoge khādatī’’ti vuccati. Ajeṭṭhamaraṇanti anāyakamaraṇaṃ . Samaṃ jīvikaṃ kappetīti sammā jīvikaṃ kappeti. Samajīvitāti samajīvitāya jīvitā. Apāyamukhānīti vināsassa ṭhānāni.
உட்டா²தா கம்மதெ⁴ய்யேஸூதி கம்மகரணட்டா²னேஸு உட்டா²னவீரியஸம்பன்னோ. விதா⁴னவாதி வித³ஹனஸம்பன்னோ. ஸொத்தா²னங் ஸம்பராயிகந்தி ஸொத்தி²பூ⁴தங் ஸம்பராயிகங். ஸச்சனாமேனாதி பு³த்³த⁴த்தாயேவ பு³த்³தோ⁴தி ஏவங் அவிதத²னாமேன. சாகோ³ புஞ்ஞங் பவட்³ட⁴தீதி சாகோ³ ச ஸேஸபுஞ்ஞஞ்ச பவட்³ட⁴தி. இமஸ்மிங் ஸுத்தே ஸத்³தா⁴த³யோ மிஸ்ஸகா கதி²தா. பஞ்சமங் உத்தானமேவ.
Uṭṭhātā kammadheyyesūti kammakaraṇaṭṭhānesu uṭṭhānavīriyasampanno. Vidhānavāti vidahanasampanno. Sotthānaṃ samparāyikanti sotthibhūtaṃ samparāyikaṃ. Saccanāmenāti buddhattāyeva buddhoti evaṃ avitathanāmena. Cāgo puññaṃ pavaḍḍhatīti cāgo ca sesapuññañca pavaḍḍhati. Imasmiṃ sutte saddhādayo missakā kathitā. Pañcamaṃ uttānameva.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. தீ³க⁴ஜாணுஸுத்தங் • 4. Dīghajāṇusuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 4-5. தீ³க⁴ஜாணுஸுத்தாதி³வண்ணனா • 4-5. Dīghajāṇusuttādivaṇṇanā
