| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
4. д̣̇ийгханакасуд̇д̇ам̣
4. Dīghanakhasuttaṃ
201. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и г̇иж̇жхагуудз баб̣б̣ад̇з суугаракад̇ааяам̣. ат̇а ко д̣̇ийгханако бариб̣б̣ааж̇аго язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ адтааси. згаманд̇ам̣ тид̇о ко д̣̇ийгханако бариб̣б̣ааж̇аго бхаг̇аванд̇ам̣ зд̇ад̣̇авожа – ‘‘ахан̃хи, бхо г̇од̇ама, звам̣ваад̣̇ий звам̣д̣̇идти – ‘саб̣б̣ам̣ мз нагкамад̇ий’’’д̇и. ‘‘яааби ко д̇з зсаа, аг̇г̇ивзссана, д̣̇идти – ‘саб̣б̣ам̣ мз нагкамад̇ий’д̇и, зсааби д̇з д̣̇идти нагкамад̇ий’’д̇и? ‘‘зсаа жз 1 мз, бхо г̇од̇ама, д̣̇идти камзяяа, д̇ам̣басса д̇аад̣̇исамзва, д̇ам̣басса д̇аад̣̇исамзваа’’д̇и. ‘‘ад̇о ко д̇з, аг̇г̇ивзссана, б̣ахуу хи б̣ахуд̇араа логасмим̣ яз звамаахам̣су – ‘д̇ам̣басса д̇аад̣̇исамзва, д̇ам̣басса д̇аад̣̇исамзваа’д̇и. д̇з д̇ан̃жзва д̣̇идтим̣ наббаж̇аханд̇и ан̃н̃ан̃жа д̣̇идтим̣ убаад̣̇ияанд̇и. ад̇о ко д̇з, аг̇г̇ивзссана, д̇ануу хи д̇ануд̇араа логасмим̣ яз звамаахам̣су – ‘д̇ам̣басса д̇аад̣̇исамзва, д̇ам̣басса д̇аад̣̇исамзваа’д̇и. д̇з д̇ан̃жзва д̣̇идтим̣ баж̇аханд̇и ан̃н̃ан̃жа д̣̇идтим̣ на убаад̣̇ияанд̇и. санд̇аг̇г̇ивзссана, згз саман̣аб̣раахман̣аа звам̣ваад̣̇ино звам̣д̣̇идтино – ‘саб̣б̣ам̣ мз камад̇ий’д̇и; санд̇аг̇г̇ивзссана, згз саман̣аб̣раахман̣аа звам̣ваад̣̇ино звам̣д̣̇идтино – ‘саб̣б̣ам̣ мз нагкамад̇ий’д̇и; санд̇аг̇г̇ивзссана , згз саман̣аб̣раахман̣аа звам̣ваад̣̇ино звам̣д̣̇идтино – ‘згажжам̣ мз камад̇и, згажжам̣ мз нагкамад̇ий’д̇и. д̇ад̇раг̇г̇ивзссана, яз д̇з саман̣аб̣раахман̣аа звам̣ваад̣̇ино звам̣д̣̇идтино – ‘саб̣б̣ам̣ мз камад̇ий’д̇и д̇зсамаяам̣ д̣̇идти саарааг̇ааяа санд̇игз, сан̃н̃ог̇ааяа санд̇игз, абхинанд̣̇анааяа санд̇игз аж̇жхосаанааяа санд̇игз убаад̣̇аанааяа санд̇игз; д̇ад̇раг̇г̇ивзссана яз д̇з саман̣аб̣раахман̣аа звам̣ваад̣̇ино звам̣д̣̇идтино – ‘саб̣б̣ам̣ мз нагкамад̇ий’д̇и д̇зсамаяам̣ д̣̇идти асаарааг̇ааяа санд̇игз, асан̃н̃ог̇ааяа санд̇игз, анабхинанд̣̇анааяа санд̇игз, анаж̇жхосаанааяа санд̇игз, анубаад̣̇аанааяа санд̇игз’’д̇и.
201. Evaṃ me sutaṃ – ekaṃ samayaṃ bhagavā rājagahe viharati gijjhakūṭe pabbate sūkarakhatāyaṃ. Atha kho dīghanakho paribbājako yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ aṭṭhāsi. Ekamantaṃ ṭhito kho dīghanakho paribbājako bhagavantaṃ etadavoca – ‘‘ahañhi, bho gotama, evaṃvādī evaṃdiṭṭhi – ‘sabbaṃ me nakkhamatī’’’ti. ‘‘Yāpi kho te esā, aggivessana, diṭṭhi – ‘sabbaṃ me nakkhamatī’ti, esāpi te diṭṭhi nakkhamatī’’ti? ‘‘Esā ce 2 me, bho gotama, diṭṭhi khameyya, taṃpassa tādisameva, taṃpassa tādisamevā’’ti. ‘‘Ato kho te, aggivessana, bahū hi bahutarā lokasmiṃ ye evamāhaṃsu – ‘taṃpassa tādisameva, taṃpassa tādisamevā’ti. Te tañceva diṭṭhiṃ nappajahanti aññañca diṭṭhiṃ upādiyanti. Ato kho te, aggivessana, tanū hi tanutarā lokasmiṃ ye evamāhaṃsu – ‘taṃpassa tādisameva, taṃpassa tādisamevā’ti. Te tañceva diṭṭhiṃ pajahanti aññañca diṭṭhiṃ na upādiyanti. Santaggivessana, eke samaṇabrāhmaṇā evaṃvādino evaṃdiṭṭhino – ‘sabbaṃ me khamatī’ti; santaggivessana, eke samaṇabrāhmaṇā evaṃvādino evaṃdiṭṭhino – ‘sabbaṃ me nakkhamatī’ti; santaggivessana , eke samaṇabrāhmaṇā evaṃvādino evaṃdiṭṭhino – ‘ekaccaṃ me khamati, ekaccaṃ me nakkhamatī’ti. Tatraggivessana, ye te samaṇabrāhmaṇā evaṃvādino evaṃdiṭṭhino – ‘sabbaṃ me khamatī’ti tesamayaṃ diṭṭhi sārāgāya santike, saññogāya santike, abhinandanāya santike ajjhosānāya santike upādānāya santike; tatraggivessana ye te samaṇabrāhmaṇā evaṃvādino evaṃdiṭṭhino – ‘sabbaṃ me nakkhamatī’ti tesamayaṃ diṭṭhi asārāgāya santike, asaññogāya santike, anabhinandanāya santike, anajjhosānāya santike, anupādānāya santike’’ti.
202. звам̣ вуд̇д̇з, д̣̇ийгханако бариб̣б̣ааж̇аго бхаг̇аванд̇ам̣ зд̇ад̣̇авожа – ‘‘уггам̣сзд̇и 3 мз бхавам̣ г̇од̇амо д̣̇идтиг̇ад̇ам̣, самуггам̣сзд̇и 4 мз бхавам̣ г̇од̇амо д̣̇идтиг̇ад̇а’’нд̇и. ‘‘д̇ад̇раг̇г̇ивзссана, яз д̇з саман̣аб̣раахман̣аа звам̣ваад̣̇ино звам̣д̣̇идтино – ‘згажжам̣ мз камад̇и, згажжам̣ мз нагкамад̇ий’д̇и. яаа хи д̇зсам̣ камад̇и сааяам̣ д̣̇идти саарааг̇ааяа санд̇игз, сан̃н̃ог̇ааяа санд̇игз, абхинанд̣̇анааяа санд̇игз, аж̇жхосаанааяа санд̇игз, убаад̣̇аанааяа санд̇игз; яаа хи д̇зсам̣ нагкамад̇и сааяам̣ д̣̇идти асаарааг̇ааяа санд̇игз, асан̃н̃ог̇ааяа санд̇игз, анабхинанд̣̇анааяа санд̇игз, анаж̇жхосаанааяа санд̇игз, анубаад̣̇аанааяа санд̇игз. д̇ад̇раг̇г̇ивзссана, яз д̇з саман̣аб̣раахман̣аа звам̣ваад̣̇ино звам̣д̣̇идтино – ‘саб̣б̣ам̣ мз камад̇ий’д̇и д̇ад̇т̇а вин̃н̃уу бурисо ид̇и бадисан̃жигкад̇и – ‘яаа ко мз аяам̣ д̣̇идти – саб̣б̣ам̣ мз камад̇ийд̇и, иман̃жз ахам̣ д̣̇идтим̣ т̇аамасаа бараамаасаа абхинивисса вохарзяяам̣ – ид̣̇амзва сажжам̣ могхаман̃н̃анд̇и; д̣̇вийхи мз асса виг̇г̇ахо – яо жааяам̣ саман̣о ваа б̣раахман̣о ваа звам̣ваад̣̇ий звам̣д̣̇идти – саб̣б̣ам̣ мз нагкамад̇ийд̇и, яо жааяам̣ саман̣о ваа б̣раахман̣о ваа звам̣ваад̣̇ий звам̣д̣̇идти – згажжам̣ мз камад̇и, згажжам̣ мз нагкамад̇ийд̇и – имзхи асса д̣̇вийхи виг̇г̇ахо. ид̇и виг̇г̇ахз сад̇и виваад̣̇о, виваад̣̇з сад̇и вигхаад̇о, вигхаад̇з сад̇и вихзсаа’. ид̇и со виг̇г̇ахан̃жа виваад̣̇ан̃жа вигхаад̇ан̃жа вихзсан̃жа ад̇д̇ани самбассамаано д̇ан̃жзва д̣̇идтим̣ баж̇ахад̇и ан̃н̃ан̃жа д̣̇идтим̣ на убаад̣̇ияад̇и. звамзд̇аасам̣ д̣̇идтийнам̣ бахаанам̣ ход̇и, звамзд̇аасам̣ д̣̇идтийнам̣ бадиниссаг̇г̇о ход̇и.
202. Evaṃ vutte, dīghanakho paribbājako bhagavantaṃ etadavoca – ‘‘ukkaṃseti 5 me bhavaṃ gotamo diṭṭhigataṃ, samukkaṃseti 6 me bhavaṃ gotamo diṭṭhigata’’nti. ‘‘Tatraggivessana, ye te samaṇabrāhmaṇā evaṃvādino evaṃdiṭṭhino – ‘ekaccaṃ me khamati, ekaccaṃ me nakkhamatī’ti. Yā hi tesaṃ khamati sāyaṃ diṭṭhi sārāgāya santike, saññogāya santike, abhinandanāya santike, ajjhosānāya santike, upādānāya santike; yā hi tesaṃ nakkhamati sāyaṃ diṭṭhi asārāgāya santike, asaññogāya santike, anabhinandanāya santike, anajjhosānāya santike, anupādānāya santike. Tatraggivessana, ye te samaṇabrāhmaṇā evaṃvādino evaṃdiṭṭhino – ‘sabbaṃ me khamatī’ti tattha viññū puriso iti paṭisañcikkhati – ‘yā kho me ayaṃ diṭṭhi – sabbaṃ me khamatīti, imañce ahaṃ diṭṭhiṃ thāmasā parāmāsā abhinivissa vohareyyaṃ – idameva saccaṃ moghamaññanti; dvīhi me assa viggaho – yo cāyaṃ samaṇo vā brāhmaṇo vā evaṃvādī evaṃdiṭṭhi – sabbaṃ me nakkhamatīti, yo cāyaṃ samaṇo vā brāhmaṇo vā evaṃvādī evaṃdiṭṭhi – ekaccaṃ me khamati, ekaccaṃ me nakkhamatīti – imehi assa dvīhi viggaho. Iti viggahe sati vivādo, vivāde sati vighāto, vighāte sati vihesā’. Iti so viggahañca vivādañca vighātañca vihesañca attani sampassamāno tañceva diṭṭhiṃ pajahati aññañca diṭṭhiṃ na upādiyati. Evametāsaṃ diṭṭhīnaṃ pahānaṃ hoti, evametāsaṃ diṭṭhīnaṃ paṭinissaggo hoti.
203. ‘‘д̇ад̇раг̇г̇ивзссана, яз д̇з саман̣аб̣раахман̣аа звам̣ваад̣̇ино звам̣д̣̇идтино – ‘саб̣б̣ам̣ мз нагкамад̇ий’д̇и д̇ад̇т̇а вин̃н̃уу бурисо ид̇и бадисан̃жигкад̇и – ‘яаа ко мз аяам̣ д̣̇идти – саб̣б̣ам̣ мз нагкамад̇ий’д̇и, иман̃жз ахам̣ д̣̇идтим̣ т̇аамасаа бараамаасаа абхинивисса вохарзяяам̣ – ид̣̇амзва сажжам̣ могхаман̃н̃анд̇и; д̣̇вийхи мз асса виг̇г̇ахо – яо жааяам̣ саман̣о ваа б̣раахман̣о ваа звам̣ваад̣̇ий звам̣д̣̇идти – саб̣б̣ам̣ мз камад̇ийд̇и, яо жааяам̣ саман̣о ваа б̣раахман̣о ваа звам̣ваад̣̇ий звам̣д̣̇идти – згажжам̣ мз камад̇и згажжам̣ мз нагкамад̇ийд̇и – имзхи асса д̣̇вийхи виг̇г̇ахо. ид̇и виг̇г̇ахз сад̇и виваад̣̇о, виваад̣̇з сад̇и вигхаад̇о, вигхаад̇з сад̇и вихзсаа’. ид̇и со виг̇г̇ахан̃жа виваад̣̇ан̃жа вигхаад̇ан̃жа вихзсан̃жа ад̇д̇ани самбассамаано д̇ан̃жзва д̣̇идтим̣ баж̇ахад̇и ан̃н̃ан̃жа д̣̇идтим̣ на убаад̣̇ияад̇и. звамзд̇аасам̣ д̣̇идтийнам̣ бахаанам̣ ход̇и, звамзд̇аасам̣ д̣̇идтийнам̣ бадиниссаг̇г̇о ход̇и.
203. ‘‘Tatraggivessana, ye te samaṇabrāhmaṇā evaṃvādino evaṃdiṭṭhino – ‘sabbaṃ me nakkhamatī’ti tattha viññū puriso iti paṭisañcikkhati – ‘yā kho me ayaṃ diṭṭhi – sabbaṃ me nakkhamatī’ti, imañce ahaṃ diṭṭhiṃ thāmasā parāmāsā abhinivissa vohareyyaṃ – idameva saccaṃ moghamaññanti; dvīhi me assa viggaho – yo cāyaṃ samaṇo vā brāhmaṇo vā evaṃvādī evaṃdiṭṭhi – sabbaṃ me khamatīti, yo cāyaṃ samaṇo vā brāhmaṇo vā evaṃvādī evaṃdiṭṭhi – ekaccaṃ me khamati ekaccaṃ me nakkhamatīti – imehi assa dvīhi viggaho. Iti viggahe sati vivādo, vivāde sati vighāto, vighāte sati vihesā’. Iti so viggahañca vivādañca vighātañca vihesañca attani sampassamāno tañceva diṭṭhiṃ pajahati aññañca diṭṭhiṃ na upādiyati. Evametāsaṃ diṭṭhīnaṃ pahānaṃ hoti, evametāsaṃ diṭṭhīnaṃ paṭinissaggo hoti.
204. ‘‘д̇ад̇раг̇г̇ивзссана, яз д̇з саман̣аб̣раахман̣аа звам̣ваад̣̇ино звам̣д̣̇идтино – ‘згажжам̣ мз камад̇и, згажжам̣ мз нагкамад̇ий’д̇и д̇ад̇т̇а вин̃н̃уу бурисо ид̇и бадисан̃жигкад̇и – ‘яаа ко мз аяам̣ д̣̇идти – згажжам̣ мз камад̇и, згажжам̣ мз нагкамад̇ийд̇и, иман̃жз ахам̣ д̣̇идтим̣ т̇аамасаа бараамаасаа абхинивисса вохарзяяам̣ – ид̣̇амзва сажжам̣ могхаман̃н̃анд̇и; д̣̇вийхи мз асса виг̇г̇ахо – яо жааяам̣ саман̣о ваа б̣раахман̣о ваа звам̣ваад̣̇ий звам̣д̣̇идти – саб̣б̣ам̣ мз камад̇ийд̇и, яо жааяам̣ саман̣о ваа б̣раахман̣о ваа звам̣ваад̣̇ий звам̣д̣̇идти – саб̣б̣ам̣ мз нагкамад̇ийд̇и – имзхи асса д̣̇вийхи виг̇г̇ахо. ид̇и виг̇г̇ахз сад̇и виваад̣̇о, виваад̣̇з сад̇и вигхаад̇о, вигхаад̇з сад̇и вихзсаа’. ид̇и со виг̇г̇ахан̃жа виваад̣̇ан̃жа вигхаад̇ан̃жа вихзсан̃жа ад̇д̇ани самбассамаано д̇ан̃жзва д̣̇идтим̣ баж̇ахад̇и ан̃н̃ан̃жа д̣̇идтим̣ на убаад̣̇ияад̇и. звамзд̇аасам̣ д̣̇идтийнам̣ бахаанам̣ ход̇и, звамзд̇аасам̣ д̣̇идтийнам̣ бадиниссаг̇г̇о ход̇и.
204. ‘‘Tatraggivessana, ye te samaṇabrāhmaṇā evaṃvādino evaṃdiṭṭhino – ‘ekaccaṃ me khamati, ekaccaṃ me nakkhamatī’ti tattha viññū puriso iti paṭisañcikkhati – ‘yā kho me ayaṃ diṭṭhi – ekaccaṃ me khamati, ekaccaṃ me nakkhamatīti, imañce ahaṃ diṭṭhiṃ thāmasā parāmāsā abhinivissa vohareyyaṃ – idameva saccaṃ moghamaññanti; dvīhi me assa viggaho – yo cāyaṃ samaṇo vā brāhmaṇo vā evaṃvādī evaṃdiṭṭhi – sabbaṃ me khamatīti, yo cāyaṃ samaṇo vā brāhmaṇo vā evaṃvādī evaṃdiṭṭhi – sabbaṃ me nakkhamatīti – imehi assa dvīhi viggaho. Iti viggahe sati vivādo, vivāde sati vighāto, vighāte sati vihesā’. Iti so viggahañca vivādañca vighātañca vihesañca attani sampassamāno tañceva diṭṭhiṃ pajahati aññañca diṭṭhiṃ na upādiyati. Evametāsaṃ diṭṭhīnaṃ pahānaṃ hoti, evametāsaṃ diṭṭhīnaṃ paṭinissaggo hoti.
205. ‘‘аяам̣ ко банаг̇г̇ивзссана, гааяо руубий жаад̇умахаабхууд̇иго 7 маад̇аабзд̇д̇игасамбхаво од̣̇анагуммаасубажаяо анижжужчаад̣̇анабаримад̣̇д̣̇анабхзд̣̇анавид̣̇д̇хам̣санад̇хаммо, анижжад̇о д̣̇угкад̇о рог̇ад̇о г̇ан̣д̣ад̇о саллад̇о агхад̇о ааб̣аад̇хад̇о барад̇о балогад̇о сун̃н̃ад̇о анад̇д̇ад̇о саманубассид̇аб̣б̣о . д̇ассимам̣ гааяам̣ анижжад̇о д̣̇угкад̇о рог̇ад̇о г̇ан̣д̣ад̇о саллад̇о агхад̇о ааб̣аад̇хад̇о барад̇о балогад̇о сун̃н̃ад̇о анад̇д̇ад̇о саманубассад̇о яо гааяасмим̣ гааяачанд̣̇о гааяаснзхо гааяанваяад̇аа саа бахийяад̇и.
205. ‘‘Ayaṃ kho panaggivessana, kāyo rūpī cātumahābhūtiko 8 mātāpettikasambhavo odanakummāsupacayo aniccucchādanaparimaddanabhedanaviddhaṃsanadhammo, aniccato dukkhato rogato gaṇḍato sallato aghato ābādhato parato palokato suññato anattato samanupassitabbo . Tassimaṃ kāyaṃ aniccato dukkhato rogato gaṇḍato sallato aghato ābādhato parato palokato suññato anattato samanupassato yo kāyasmiṃ kāyachando kāyasneho kāyanvayatā sā pahīyati.
‘‘д̇иссо ко имаа, аг̇г̇ивзссана, взд̣̇анаа – сукаа взд̣̇анаа, д̣̇угкаа взд̣̇анаа, ад̣̇угкамасукаа взд̣̇анаа. яасмим̣, аг̇г̇ивзссана, самаяз сукам̣ взд̣̇анам̣ взд̣̇зд̇и , нзва д̇асмим̣ самаяз д̣̇угкам̣ взд̣̇анам̣ взд̣̇зд̇и, на ад̣̇угкамасукам̣ взд̣̇анам̣ взд̣̇зд̇и; сукам̣язва д̇асмим̣ самаяз взд̣̇анам̣ взд̣̇зд̇и. яасмим̣, аг̇г̇ивзссана, самаяз д̣̇угкам̣ взд̣̇анам̣ взд̣̇зд̇и, нзва д̇асмим̣ самаяз сукам̣ взд̣̇анам̣ взд̣̇зд̇и, на ад̣̇угкамасукам̣ взд̣̇анам̣ взд̣̇зд̇и; д̣̇угкам̣язва д̇асмим̣ самаяз взд̣̇анам̣ взд̣̇зд̇и. яасмим̣, аг̇г̇ивзссана, самаяз ад̣̇угкамасукам̣ взд̣̇анам̣ взд̣̇зд̇и, нзва д̇асмим̣ самаяз сукам̣ взд̣̇анам̣ взд̣̇зд̇и, на д̣̇угкам̣ взд̣̇анам̣ взд̣̇зд̇и; ад̣̇угкамасукам̣язва д̇асмим̣ самаяз взд̣̇анам̣ взд̣̇зд̇и. сукааби ко, аг̇г̇ивзссана, взд̣̇анаа анижжаа сан̇кад̇аа бадижжасамуббаннаа каяад̇хаммаа ваяад̇хаммаа вирааг̇ад̇хаммаа нирод̇хад̇хаммаа; д̣̇угкааби ко, аг̇г̇ивзссана, взд̣̇анаа анижжаа сан̇кад̇аа бадижжасамуббаннаа каяад̇хаммаа ваяад̇хаммаа вирааг̇ад̇хаммаа нирод̇хад̇хаммаа; ад̣̇угкамасукааби ко, аг̇г̇ивзссана, взд̣̇анаа анижжаа сан̇кад̇аа бадижжасамуббаннаа каяад̇хаммаа ваяад̇хаммаа вирааг̇ад̇хаммаа нирод̇хад̇хаммаа. звам̣ бассам̣, аг̇г̇ивзссана, суд̇аваа арияасааваго сукааяаби взд̣̇анааяа ниб̣б̣инд̣̇ад̇и, д̣̇угкааяаби взд̣̇анааяа ниб̣б̣инд̣̇ад̇и, ад̣̇угкамасукааяаби взд̣̇анааяа ниб̣б̣инд̣̇ад̇и ; ниб̣б̣инд̣̇ам̣ вираж̇ж̇ад̇и, вирааг̇аа вимужжад̇и. вимуд̇д̇асмим̣, вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и. зм̣ вимуд̇д̇ажид̇д̇о ко, аг̇г̇ивзссана, бхигку на гзнажи сам̣вад̣̇ад̇и, на гзнажи вивад̣̇ад̇и, яан̃жа логз вуд̇д̇ам̣ д̇зна вохарад̇и, абараамаса’’нд̇и.
‘‘Tisso kho imā, aggivessana, vedanā – sukhā vedanā, dukkhā vedanā, adukkhamasukhā vedanā. Yasmiṃ, aggivessana, samaye sukhaṃ vedanaṃ vedeti , neva tasmiṃ samaye dukkhaṃ vedanaṃ vedeti, na adukkhamasukhaṃ vedanaṃ vedeti; sukhaṃyeva tasmiṃ samaye vedanaṃ vedeti. Yasmiṃ, aggivessana, samaye dukkhaṃ vedanaṃ vedeti, neva tasmiṃ samaye sukhaṃ vedanaṃ vedeti, na adukkhamasukhaṃ vedanaṃ vedeti; dukkhaṃyeva tasmiṃ samaye vedanaṃ vedeti. Yasmiṃ, aggivessana, samaye adukkhamasukhaṃ vedanaṃ vedeti, neva tasmiṃ samaye sukhaṃ vedanaṃ vedeti, na dukkhaṃ vedanaṃ vedeti; adukkhamasukhaṃyeva tasmiṃ samaye vedanaṃ vedeti. Sukhāpi kho, aggivessana, vedanā aniccā saṅkhatā paṭiccasamuppannā khayadhammā vayadhammā virāgadhammā nirodhadhammā; dukkhāpi kho, aggivessana, vedanā aniccā saṅkhatā paṭiccasamuppannā khayadhammā vayadhammā virāgadhammā nirodhadhammā; adukkhamasukhāpi kho, aggivessana, vedanā aniccā saṅkhatā paṭiccasamuppannā khayadhammā vayadhammā virāgadhammā nirodhadhammā. Evaṃ passaṃ, aggivessana, sutavā ariyasāvako sukhāyapi vedanāya nibbindati, dukkhāyapi vedanāya nibbindati, adukkhamasukhāyapi vedanāya nibbindati ; nibbindaṃ virajjati, virāgā vimuccati. Vimuttasmiṃ, vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti. Eṃ vimuttacitto kho, aggivessana, bhikkhu na kenaci saṃvadati, na kenaci vivadati, yañca loke vuttaṃ tena voharati, aparāmasa’’nti.
206. д̇зна ко бана самаязна ааяасмаа саарибуд̇д̇о бхаг̇авад̇о бидтид̇о тид̇о ход̇и бхаг̇аванд̇ам̣ б̣ийж̇аяамаано 9. ат̇а ко ааяасмад̇о саарибуд̇д̇асса зд̇ад̣̇ахоси – ‘‘д̇зсам̣ д̇зсам̣ гира но бхаг̇аваа д̇хаммаанам̣ абхин̃н̃аа бахаанамааха, д̇зсам̣ д̇зсам̣ гира но суг̇ад̇о д̇хаммаанам̣ абхин̃н̃аа бадиниссаг̇г̇амаахаа’’д̇и. ид̇и хид̣̇ам̣ ааяасмад̇о саарибуд̇д̇асса бадисан̃жигкад̇о анубаад̣̇ааяа аасавзхи жид̇д̇ам̣ вимужжи. д̣̇ийгханакасса бана бариб̣б̣ааж̇агасса вираж̇ам̣ вийд̇амалам̣ д̇хаммажагкум̣ уд̣̇абаад̣̇и – ‘‘яам̣ гин̃жи самуд̣̇аяад̇хаммам̣ саб̣б̣ам̣ д̇ам̣ нирод̇хад̇хамма’’нд̇и. ат̇а ко д̣̇ийгханако бариб̣б̣ааж̇аго д̣̇идтад̇хаммо бад̇д̇ад̇хаммо вид̣̇ид̇ад̇хаммо барияог̇аал̣хад̇хаммо д̇ин̣н̣авижигижчо виг̇ад̇агат̇ам̣гат̇о взсаараж̇ж̇аббад̇д̇о абараббажжаяо сад̇т̇усаасанз бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама, абхигганд̇ам̣, бхо г̇од̇ама! сзяяат̇ааби, бхо г̇од̇ама, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – жагкуманд̇о руубаани д̣̇агканд̇ийд̇и – звамзва ко бход̇аа г̇од̇амзна анзгабарияааязна д̇хаммо багаасид̇о. зсаахам̣ бхаванд̇ам̣ г̇од̇амам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
206. Tena kho pana samayena āyasmā sāriputto bhagavato piṭṭhito ṭhito hoti bhagavantaṃ bījayamāno 10. Atha kho āyasmato sāriputtassa etadahosi – ‘‘tesaṃ tesaṃ kira no bhagavā dhammānaṃ abhiññā pahānamāha, tesaṃ tesaṃ kira no sugato dhammānaṃ abhiññā paṭinissaggamāhā’’ti. Iti hidaṃ āyasmato sāriputtassa paṭisañcikkhato anupādāya āsavehi cittaṃ vimucci. Dīghanakhassa pana paribbājakassa virajaṃ vītamalaṃ dhammacakkhuṃ udapādi – ‘‘yaṃ kiñci samudayadhammaṃ sabbaṃ taṃ nirodhadhamma’’nti. Atha kho dīghanakho paribbājako diṭṭhadhammo pattadhammo viditadhammo pariyogāḷhadhammo tiṇṇavicikiccho vigatakathaṃkatho vesārajjappatto aparappaccayo satthusāsane bhagavantaṃ etadavoca – ‘‘abhikkantaṃ, bho gotama, abhikkantaṃ, bho gotama! Seyyathāpi, bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – cakkhumanto rūpāni dakkhantīti – evameva kho bhotā gotamena anekapariyāyena dhammo pakāsito. Esāhaṃ bhavantaṃ gotamaṃ saraṇaṃ gacchāmi dhammañca bhikkhusaṅghañca. Upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
д̣̇ийгханакасуд̇д̇ам̣ нидтид̇ам̣ жад̇уд̇т̇ам̣.
Dīghanakhasuttaṃ niṭṭhitaṃ catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 4. д̣̇ийгханакасуд̇д̇аван̣н̣анаа • 4. Dīghanakhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 4. д̣̇ийгханакасуд̇д̇аван̣н̣анаа • 4. Dīghanakhasuttavaṇṇanā
