| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
4. д̣̇ийгханакасуд̇д̇аван̣н̣анаа
4. Dīghanakhasuttavaṇṇanā
201. звам̣ мз суд̇анд̇и д̣̇ийгханакасуд̇д̇ам̣. д̇ад̇т̇а суугаракад̇ааяанд̇и суугаракад̇аад̇и звам̣наамагз лзн̣з. гассабаб̣уд̣̇д̇хагаалз гира д̇ам̣ лзн̣ам̣ згасмим̣ б̣уд̣̇д̇ханд̇арз бат̇авияаа вад̣дхамаанааяа анд̇обхуумиг̇ад̇ам̣ ж̇аад̇ам̣. ат̇згад̣̇ивасам̣ зго суугаро д̇асса чад̣̇анабарияанд̇асамийбз бам̣сум̣ кан̣и. д̣̇звз вуддз бам̣суд̇ход̇о чад̣̇анабарияанд̇о баагадо ахоси. зго ванажараго д̣̇исваа – ‘‘буб̣б̣з сийлаванд̇зхи барибхуд̇д̇алзн̣зна бхавид̇аб̣б̣ам̣, бадиж̇аг̇г̇иссаами на’’нд̇и саманд̇ад̇о бам̣сум̣ абанзд̇ваа лзн̣ам̣ сод̇хзд̇ваа гуддабаригкзбам̣ гад̇ваа д̣̇ваараваад̇абаанам̣ яож̇зд̇ваа субаринидтид̇а-суд̇хаагаммажид̇д̇агаммараж̇ад̇абаддасад̣̇исааяа ваалугааяа сант̇ад̇абаривзн̣ам̣ лзн̣ам̣ гад̇ваа ман̃жабийтам̣ бан̃н̃аабзд̇ваа бхаг̇авад̇о васанад̇т̇ааяа ад̣̇ааси. лзн̣ам̣ г̇амбхийрам̣ ахоси од̇арид̇ваа абхирухид̇аб̣б̣ам̣. д̇ам̣ санд̇хааязд̇ам̣ вуд̇д̇ам̣.
201.Evaṃme sutanti dīghanakhasuttaṃ. Tattha sūkarakhatāyanti sūkarakhatāti evaṃnāmake leṇe. Kassapabuddhakāle kira taṃ leṇaṃ ekasmiṃ buddhantare pathaviyā vaḍḍhamānāya antobhūmigataṃ jātaṃ. Athekadivasaṃ eko sūkaro tassa chadanapariyantasamīpe paṃsuṃ khaṇi. Deve vuṭṭe paṃsudhoto chadanapariyanto pākaṭo ahosi. Eko vanacarako disvā – ‘‘pubbe sīlavantehi paribhuttaleṇena bhavitabbaṃ, paṭijaggissāmi na’’nti samantato paṃsuṃ apanetvā leṇaṃ sodhetvā kuṭṭaparikkhepaṃ katvā dvāravātapānaṃ yojetvā supariniṭṭhita-sudhākammacittakammarajatapaṭṭasadisāya vālukāya santhatapariveṇaṃ leṇaṃ katvā mañcapīṭhaṃ paññāpetvā bhagavato vasanatthāya adāsi. Leṇaṃ gambhīraṃ ahosi otaritvā abhiruhitabbaṃ. Taṃ sandhāyetaṃ vuttaṃ.
д̣̇ийгханакод̇и д̇асса бариб̣б̣ааж̇агасса наамам̣. убасан̇гамийд̇и гасмаа убасан̇гами? со гира т̇зрз ад̣дхамаасабаб̣б̣аж̇ид̇з жинд̇зси – ‘‘маяхам̣ маад̇уло ан̃н̃ам̣ баасан̣д̣ам̣ г̇анд̇ваа на жирам̣ д̇идтад̇и, ид̣̇аани банасса саман̣асса г̇од̇амасса санд̇игам̣ г̇ад̇асса ад̣дхамаасо ж̇аад̇о. бавад̇д̇имбисса на сун̣аами, ож̇аванд̇ам̣ ну ко саасанам̣, ж̇ааниссаами на’’нд̇и г̇анд̇угаамо ж̇аад̇о. д̇асмаа убасан̇гами. згаманд̇ам̣ тид̇од̇и д̇асмим̣ гира самаяз т̇зро бхаг̇аванд̇ам̣ б̣ийж̇аяамаано тид̇о ход̇и, бариб̣б̣ааж̇аго маад̇улз хирод̇д̇аббзна тид̇агова бан̃хам̣ бужчи. д̇зна вуд̇д̇ам̣ ‘‘згаманд̇ам̣ тид̇о’’д̇и.
Dīghanakhoti tassa paribbājakassa nāmaṃ. Upasaṅkamīti kasmā upasaṅkami? So kira there aḍḍhamāsapabbajite cintesi – ‘‘mayhaṃ mātulo aññaṃ pāsaṇḍaṃ gantvā na ciraṃ tiṭṭhati, idāni panassa samaṇassa gotamassa santikaṃ gatassa aḍḍhamāso jāto. Pavattimpissa na suṇāmi, ojavantaṃ nu kho sāsanaṃ, jānissāmi na’’nti gantukāmo jāto. Tasmā upasaṅkami. Ekamantaṃ ṭhitoti tasmiṃ kira samaye thero bhagavantaṃ bījayamāno ṭhito hoti, paribbājako mātule hirottappena ṭhitakova pañhaṃ pucchi. Tena vuttaṃ ‘‘ekamantaṃ ṭhito’’ti.
саб̣б̣ам̣ мз нагкамад̇ийд̇и саб̣б̣аа мз убабад̇д̇ияо нагкаманд̇и, бадисанд̇хияо нагкаманд̇ийд̇и ад̇хиббааязна вад̣̇ад̇и. зд̇д̇аавад̇аанзна ‘‘ужчзд̣̇аваад̣̇охамасмий’’д̇и д̣̇ийбид̇ам̣ ход̇и. бхаг̇аваа банасса ад̇хиббааяам̣ мун̃жид̇ваа агкарз д̇аава д̣̇осам̣ д̣̇ассзнд̇о яааби ко д̇зд̇иаад̣̇имааха. д̇ад̇т̇а зсааби д̇з д̣̇идти нагкамад̇ийд̇и зсааби д̇з батамам̣ ружжид̇ваа камаабзд̇ваа г̇ахид̇ад̣̇идти нагкамад̇ийд̇и. зсаа жз мз, бхо г̇од̇ама, д̣̇идти камзяяаад̇и маяхан̃хи саб̣б̣ам̣ нагкамад̇ийд̇и д̣̇идти, д̇асса маяхам̣ яаа зсаа саб̣б̣ам̣ мз нагкамад̇ийд̇и д̣̇идти, зсаа мз камзяяа. яам̣ д̇ам̣ ‘‘саб̣б̣ам̣ мз нагкамад̇ий’’д̇и вуд̇д̇ам̣, д̇амбисса д̇аад̣̇исамзва. яат̇аа саб̣б̣аг̇ахан̣зна г̇ахид̇ааби аяам̣ д̣̇идти камад̇и, звамзвам̣ д̇амби камзяяа . звам̣ ад̇д̇ано ваад̣̇з ааробид̇ам̣ д̣̇осам̣ н̃ад̇ваа д̇ам̣ барихараамийд̇и сан̃н̃ааяа вад̣̇ад̇и, ад̇т̇ад̇о банасса ‘‘зсаа д̣̇идти на мз камад̇ий’’д̇и аабаж̇ж̇ад̇и. яасса банзсаа на камад̇и на ружжад̇и, д̇ассааяам̣ д̇ааяа д̣̇идтияаа саб̣б̣ам̣ мз на камад̇ийд̇и д̣̇идти ружид̇ам̣. д̇зна хи д̣̇идтиагкамзна аружид̇зна бхавид̇аб̣б̣анд̇и саб̣б̣ам̣ камад̇ийд̇и ружжад̇ийд̇и аабаж̇ж̇ад̇и. на банзса д̇ам̣ самбадижчад̇и, гзвалам̣ д̇ассааби ужчзд̣̇ад̣̇идтияаа ужчзд̣̇амзва г̇ан̣хаад̇и. д̇знааха бхаг̇аваа ад̇о ко д̇з, аг̇г̇ивзссана,…бз… ан̃н̃ан̃жа д̣̇идтим̣ убаад̣̇ияанд̇ийд̇и. д̇ад̇т̇а ад̇од̇и баж̇аханагзсу ниссаггам̣, яз баж̇аханд̇и, д̇зхи яз наббаж̇аханд̇ийд̇и вужжияанд̇и, д̇зва б̣ахуд̇араад̇и ад̇т̇о. б̣ахуу хи б̣ахуд̇араад̇и зд̇т̇а хигааро нибаад̇амад̇д̇ам̣, б̣ахуу б̣ахуд̇араад̇и ад̇т̇о. барад̇о д̇ануу хи д̇ануд̇араад̇и бад̣̇зби зсзва наяо. яз звамаахам̣сууд̇и яз звам̣ вад̣̇анд̇и. д̇ан̃жзва д̣̇идтим̣ наббаж̇аханд̇и, ан̃н̃ан̃жа д̣̇идтим̣ убаад̣̇ияанд̇ийд̇и муулад̣̇ассанам̣ наббаж̇аханд̇и, абарад̣̇ассанам̣ убаад̣̇ияанд̇и.
Sabbaṃ me nakkhamatīti sabbā me upapattiyo nakkhamanti, paṭisandhiyo nakkhamantīti adhippāyena vadati. Ettāvatānena ‘‘ucchedavādohamasmī’’ti dīpitaṃ hoti. Bhagavā panassa adhippāyaṃ muñcitvā akkhare tāva dosaṃ dassento yāpi kho tetiādimāha. Tattha esāpi te diṭṭhi nakkhamatīti esāpi te paṭhamaṃ ruccitvā khamāpetvā gahitadiṭṭhi nakkhamatīti. Esā ce me, bho gotama, diṭṭhi khameyyāti mayhañhi sabbaṃ nakkhamatīti diṭṭhi, tassa mayhaṃ yā esā sabbaṃ me nakkhamatīti diṭṭhi, esā me khameyya. Yaṃ taṃ ‘‘sabbaṃ me nakkhamatī’’ti vuttaṃ, tampissa tādisameva. Yathā sabbagahaṇena gahitāpi ayaṃ diṭṭhi khamati, evamevaṃ tampi khameyya . Evaṃ attano vāde āropitaṃ dosaṃ ñatvā taṃ pariharāmīti saññāya vadati, atthato panassa ‘‘esā diṭṭhi na me khamatī’’ti āpajjati. Yassa panesā na khamati na ruccati, tassāyaṃ tāya diṭṭhiyā sabbaṃ me na khamatīti diṭṭhi rucitaṃ. Tena hi diṭṭhiakkhamena arucitena bhavitabbanti sabbaṃ khamatīti ruccatīti āpajjati. Na panesa taṃ sampaṭicchati, kevalaṃ tassāpi ucchedadiṭṭhiyā ucchedameva gaṇhāti. Tenāha bhagavā ato kho te, aggivessana,…pe… aññañca diṭṭhiṃ upādiyantīti. Tattha atoti pajahanakesu nissakkaṃ, ye pajahanti, tehi ye nappajahantīti vucciyanti, teva bahutarāti attho. Bahū hi bahutarāti ettha hikāro nipātamattaṃ, bahū bahutarāti attho. Parato tanū hi tanutarāti padepi eseva nayo. Ye evamāhaṃsūti ye evaṃ vadanti. Tañceva diṭṭhiṃ nappajahanti, aññañca diṭṭhiṃ upādiyantīti mūladassanaṃ nappajahanti, aparadassanaṃ upādiyanti.
зд̇т̇а жа сассад̇ам̣ г̇ахзд̇ваа д̇амби аббахааяа ужчзд̣̇ам̣ ваа згажжасассад̇ам̣ ваа г̇ахзд̇ум̣ на саггаа, ужчзд̣̇амби г̇ахзд̇ваа д̇ам̣ аббахааяа сассад̇ам̣ ваа згажжасассад̇ам̣ ваа на саггаа г̇ахзд̇ум̣, згажжасассад̇амби г̇ахзд̇ваа д̇ам̣ аббахааяа сассад̇ам̣ ваа ужчзд̣̇ам̣ ваа на саггаа г̇ахзд̇ум̣. мууласассад̇ам̣ бана аббахааяа ан̃н̃ам̣ сассад̇амзва саггаа г̇ахзд̇ум̣. гат̇ам̣? згасмин̃хи самаяз ‘‘руубам̣ сассад̇а’’нд̇и г̇ахзд̇ваа абарасмим̣ самаяз ‘‘на суд̣̇д̇харуубамзва сассад̇ам̣, взд̣̇анааби сассад̇аа, вин̃н̃аан̣амби сассад̇а’’нд̇и г̇ан̣хаад̇и. ужчзд̣̇зби згажжасассад̇зби зсзва наяо. яат̇аа жа канд̇хзсу, звам̣ ааяад̇анзсуби яож̇зд̇аб̣б̣ам̣. ид̣̇ам̣ санд̇хааяа вуд̇д̇ам̣ – ‘‘д̇ан̃жзва д̣̇идтим̣ наббаж̇аханд̇и, ан̃н̃ан̃жа д̣̇идтим̣ убаад̣̇ияанд̇ий’’д̇и.
Ettha ca sassataṃ gahetvā tampi appahāya ucchedaṃ vā ekaccasassataṃ vā gahetuṃ na sakkā, ucchedampi gahetvā taṃ appahāya sassataṃ vā ekaccasassataṃ vā na sakkā gahetuṃ, ekaccasassatampi gahetvā taṃ appahāya sassataṃ vā ucchedaṃ vā na sakkā gahetuṃ. Mūlasassataṃ pana appahāya aññaṃ sassatameva sakkā gahetuṃ. Kathaṃ? Ekasmiñhi samaye ‘‘rūpaṃ sassata’’nti gahetvā aparasmiṃ samaye ‘‘na suddharūpameva sassataṃ, vedanāpi sassatā, viññāṇampi sassata’’nti gaṇhāti. Ucchedepi ekaccasassatepi eseva nayo. Yathā ca khandhesu, evaṃ āyatanesupi yojetabbaṃ. Idaṃ sandhāya vuttaṃ – ‘‘tañceva diṭṭhiṃ nappajahanti, aññañca diṭṭhiṃ upādiyantī’’ti.
д̣̇уд̇ияаваарз ад̇од̇и аббаж̇аханагзсу ниссаггам̣, яз наббаж̇аханд̇и, д̇зхи, яз баж̇аханд̇ийд̇и вужжияанд̇и, д̇зва д̇ануд̇араа аббад̇араад̇и ад̇т̇о. д̇ан̃жзва д̣̇идтим̣ баж̇аханд̇и, ан̃н̃ан̃жа д̣̇идтим̣ на убаад̣̇ияанд̇ийд̇и д̇ан̃жа муулад̣̇ассанам̣ баж̇аханд̇и, ан̃н̃ан̃жа д̣̇ассанам̣ на г̇ан̣ханд̇и. гат̇ам̣? згасмин̃хи самаяз ‘‘руубам̣ сассад̇а’’нд̇и г̇ахзд̇ваа абарасмим̣ самаяз д̇ад̇т̇а аад̣̇ийнавам̣ д̣̇исваа ‘‘ол̣ааригамзд̇ам̣ маяхам̣ д̣̇ассана’’нд̇и баж̇ахад̇и ‘‘на гзвалан̃жа руубам̣ сассад̇анд̇и д̣̇ассанамзва ол̣ааригам̣, взд̣̇анааби сассад̇аа…бз… вин̃н̃аан̣амби сассад̇анд̇и д̣̇ассанам̣ ол̣ааригамзваа’’д̇и виссаж̇ж̇зд̇и . ужчзд̣̇зби згажжасассад̇зби зсзва наяо. яат̇аа жа канд̇хзсу, звам̣ ааяад̇анзсуби яож̇зд̇аб̣б̣ам̣. звам̣ д̇ан̃жа муулад̣̇ассанам̣ баж̇аханд̇и, ан̃н̃ан̃жа д̣̇ассанам̣ на г̇ан̣ханд̇и.
Dutiyavāre atoti appajahanakesu nissakkaṃ, ye nappajahanti, tehi, ye pajahantīti vucciyanti, teva tanutarā appatarāti attho. Tañceva diṭṭhiṃ pajahanti, aññañca diṭṭhiṃ na upādiyantīti tañca mūladassanaṃ pajahanti, aññañca dassanaṃ na gaṇhanti. Kathaṃ? Ekasmiñhi samaye ‘‘rūpaṃ sassata’’nti gahetvā aparasmiṃ samaye tattha ādīnavaṃ disvā ‘‘oḷārikametaṃ mayhaṃ dassana’’nti pajahati ‘‘na kevalañca rūpaṃ sassatanti dassanameva oḷārikaṃ, vedanāpi sassatā…pe… viññāṇampi sassatanti dassanaṃ oḷārikamevā’’ti vissajjeti . Ucchedepi ekaccasassatepi eseva nayo. Yathā ca khandhesu, evaṃ āyatanesupi yojetabbaṃ. Evaṃ tañca mūladassanaṃ pajahanti, aññañca dassanaṃ na gaṇhanti.
санд̇аг̇г̇ивзссанаад̇и гасмаа аарабхи? аяам̣ ужчзд̣̇алад̣̇д̇хиго ад̇д̇ано лад̣̇д̇хим̣ ниг̇уухад̇и, д̇ассаа бана лад̣̇д̇хияаа ван̣н̣з вужжамаанз ад̇д̇ано лад̣̇д̇хим̣ баад̇угариссад̇ийд̇и д̇иссо лад̣̇д̇хияо згад̇о д̣̇ассзд̇ваа вибхаж̇ид̇ум̣ имам̣ д̣̇зсанам̣ аарабхи.
Santaggivessanāti kasmā ārabhi? Ayaṃ ucchedaladdhiko attano laddhiṃ nigūhati, tassā pana laddhiyā vaṇṇe vuccamāne attano laddhiṃ pātukarissatīti tisso laddhiyo ekato dassetvā vibhajituṃ imaṃ desanaṃ ārabhi.
саарааг̇ааяа санд̇игзд̇иаад̣̇ийсу рааг̇авасзна ваддз раж̇ж̇анасса аасаннаа д̇ан̣хаад̣̇идтисам̣яож̇анзна ваддасам̣яож̇анасса санд̇игз. абхинанд̣̇анааяаад̇и д̇ан̣хаад̣̇идтивасзнзва г̇илид̇ваа барияаад̣̇ияанасса г̇ахан̣асса жа аасаннаад̇и ад̇т̇о. асаарааг̇ааяа санд̇игзд̇иаад̣̇ийсу ваддз араж̇ж̇анасса аасаннаад̇иаад̣̇инаа наязна ад̇т̇о взд̣̇ид̇аб̣б̣о.
Sārāgāya santiketiādīsu rāgavasena vaṭṭe rajjanassa āsannā taṇhādiṭṭhisaṃyojanena vaṭṭasaṃyojanassa santike. Abhinandanāyāti taṇhādiṭṭhivaseneva gilitvā pariyādiyanassa gahaṇassa ca āsannāti attho. Asārāgāya santiketiādīsu vaṭṭe arajjanassa āsannātiādinā nayena attho veditabbo.
зд̇т̇а жа сассад̇ад̣̇ассанам̣ аббасааваж̇ж̇ам̣ д̣̇анд̇хавирааг̇ам̣, ужчзд̣̇ад̣̇ассанам̣ махаасааваж̇ж̇ам̣ киббавирааг̇ам̣. гат̇ам̣? сассад̇аваад̣̇ий хи ид̇халогам̣ баралоган̃жа ад̇т̇ийд̇и ж̇аанаад̇и, сугад̇ад̣̇уггадаанам̣ палам̣ ад̇т̇ийд̇и ж̇аанаад̇и, гусалам̣ гарод̇и, агусалам̣ гаронд̇о бхааяад̇и, ваддам̣ ассаад̣̇зд̇и, абхинанд̣̇ад̇и. б̣уд̣̇д̇хаанам̣ ваа б̣уд̣̇д̇хасаавагаанам̣ ваа саммукийбхууд̇о сийгхам̣ лад̣̇д̇хим̣ ж̇ахид̇ум̣ на саггод̇и. д̇асмаа д̇ам̣ сассад̇ад̣̇ассанам̣ аббасааваж̇ж̇ам̣ д̣̇анд̇хавирааг̇анд̇и вужжад̇и. ужчзд̣̇аваад̣̇ий бана ид̇халогабаралогам̣ ад̇т̇ийд̇и ж̇аанаад̇и, сугад̇ад̣̇уггадаанам̣ палам̣ ад̇т̇ийд̇и ж̇аанаад̇и, гусалам̣ на гарод̇и, агусалам̣ гаронд̇о на бхааяад̇и, ваддам̣ на ассаад̣̇зд̇и, наабхинанд̣̇ад̇и, б̣уд̣̇д̇хаанам̣ ваа б̣уд̣̇д̇хасаавагаанам̣ ваа саммукийбхаавз сийгхам̣ д̣̇ассанам̣ баж̇ахад̇и. баарамияо буурзд̇ум̣ саггонд̇о б̣уд̣̇д̇хо худ̇ваа, асаггонд̇о абхинийхаарам̣ гад̇ваа сааваго худ̇ваа бариниб̣б̣ааяад̇и. д̇асмаа ужчзд̣̇ад̣̇ассанам̣ махаасааваж̇ж̇ам̣ киббавирааг̇анд̇и вужжад̇и.
Ettha ca sassatadassanaṃ appasāvajjaṃ dandhavirāgaṃ, ucchedadassanaṃ mahāsāvajjaṃ khippavirāgaṃ. Kathaṃ? Sassatavādī hi idhalokaṃ paralokañca atthīti jānāti, sukatadukkaṭānaṃ phalaṃ atthīti jānāti, kusalaṃ karoti, akusalaṃ karonto bhāyati, vaṭṭaṃ assādeti, abhinandati. Buddhānaṃ vā buddhasāvakānaṃ vā sammukhībhūto sīghaṃ laddhiṃ jahituṃ na sakkoti. Tasmā taṃ sassatadassanaṃ appasāvajjaṃ dandhavirāganti vuccati. Ucchedavādī pana idhalokaparalokaṃ atthīti jānāti, sukatadukkaṭānaṃ phalaṃ atthīti jānāti, kusalaṃ na karoti, akusalaṃ karonto na bhāyati, vaṭṭaṃ na assādeti, nābhinandati, buddhānaṃ vā buddhasāvakānaṃ vā sammukhībhāve sīghaṃ dassanaṃ pajahati. Pāramiyo pūretuṃ sakkonto buddho hutvā, asakkonto abhinīhāraṃ katvā sāvako hutvā parinibbāyati. Tasmā ucchedadassanaṃ mahāsāvajjaṃ khippavirāganti vuccati.
202. со бана бариб̣б̣ааж̇аго зд̇амад̇т̇ам̣ асаллагкзд̇ваа – ‘‘маяхам̣ д̣̇ассанам̣ сам̣ван̣н̣зд̇и басам̣сад̇и, ад̣̇д̇хаа мз сунд̣̇арам̣ д̣̇ассана’’нд̇и саллагкзд̇ваа уггам̣сзд̇и мз бхаванд̇иаад̣̇имааха.
202. So pana paribbājako etamatthaṃ asallakkhetvā – ‘‘mayhaṃ dassanaṃ saṃvaṇṇeti pasaṃsati, addhā me sundaraṃ dassana’’nti sallakkhetvā ukkaṃseti me bhavantiādimāha.
ид̣̇аани яасмаа аяам̣ бариб̣б̣ааж̇аго ган̃ж̇иязнзва д̇ид̇д̇агаалааб̣у, ужчзд̣̇ад̣̇ассанзнзва буурид̇о, со яат̇аа ган̃ж̇ияам̣ аббахааяа на саггаа лааб̣умхи д̇злапаан̣ид̇аад̣̇ийни багкибид̇ум̣, багкид̇д̇ааниби на г̇ан̣хаад̇и, звамзвам̣ д̇ам̣ лад̣̇д̇хим̣ аббахааяа абхаб̣б̣о маг̇г̇апалаанам̣ лаабхааяа, д̇асмаа лад̣̇д̇хим̣ ж̇ахаабанад̇т̇ам̣ д̇ад̇раг̇г̇ивзссанаад̇иаад̣̇и аарад̣̇д̇хам̣. виг̇г̇аход̇и галахо. звамзд̇аасам̣ д̣̇идтийнам̣ бахаанам̣ ход̇ийд̇и звам̣ виг̇г̇ахаад̣̇иаад̣̇ийнавам̣ д̣̇исваа д̇аасам̣ д̣̇идтийнам̣ бахаанам̣ ход̇и. со хи бариб̣б̣ааж̇аго ‘‘гим̣ мз иминаа виг̇г̇ахаад̣̇инаа’’д̇и д̇ам̣ ужчзд̣̇ад̣̇ассанам̣ баж̇ахад̇и.
Idāni yasmā ayaṃ paribbājako kañjiyeneva tittakālābu, ucchedadassaneneva pūrito, so yathā kañjiyaṃ appahāya na sakkā lābumhi telaphāṇitādīni pakkhipituṃ, pakkhittānipi na gaṇhāti, evamevaṃ taṃ laddhiṃ appahāya abhabbo maggaphalānaṃ lābhāya, tasmā laddhiṃ jahāpanatthaṃ tatraggivessanātiādi āraddhaṃ. Viggahoti kalaho. Evametāsaṃ diṭṭhīnaṃ pahānaṃ hotīti evaṃ viggahādiādīnavaṃ disvā tāsaṃ diṭṭhīnaṃ pahānaṃ hoti. So hi paribbājako ‘‘kiṃ me iminā viggahādinā’’ti taṃ ucchedadassanaṃ pajahati.
205. ат̇асса бхаг̇аваа вамид̇аган̃ж̇ияз лааб̣умхи саббипаан̣ид̇аад̣̇ийни багкибанд̇о вияа хад̣̇аяз амад̇осад̇хам̣ буурзссаамийд̇и вибассанам̣ аажигканд̇о аяам̣ ко бана, аг̇г̇ивзссана, гааяод̇иаад̣̇имааха. д̇ассад̇т̇о ваммигасуд̇д̇з вуд̇д̇о. анижжад̇од̇иаад̣̇ийниби хздтаа вид̇т̇аарид̇аанзва. яо гааяасмим̣ гааяачанд̣̇од̇и яаа гааяасмим̣ д̇ан̣хаа. снзход̇и д̇ан̣хааснзхова. гааяанваяад̇аад̇и гааяаануг̇аманабхааво, гааяам̣ ануг̇ажчанагагилзсод̇и ад̇т̇о.
205. Athassa bhagavā vamitakañjiye lābumhi sappiphāṇitādīni pakkhipanto viya hadaye amatosadhaṃ pūressāmīti vipassanaṃ ācikkhanto ayaṃ kho pana, aggivessana, kāyotiādimāha. Tassattho vammikasutte vutto. Aniccatotiādīnipi heṭṭhā vitthāritāneva. Yo kāyasmiṃ kāyachandoti yā kāyasmiṃ taṇhā. Snehoti taṇhāsnehova. Kāyanvayatāti kāyānugamanabhāvo, kāyaṃ anugacchanakakilesoti attho.
звам̣ руубагаммадтаанам̣ д̣̇ассзд̇ваа ид̣̇аани аруубагаммадтаанам̣ д̣̇ассзнд̇о д̇иссо код̇иаад̣̇имааха. буна д̇аасам̣язва взд̣̇анаанам̣ асаммиссабхаавам̣ д̣̇ассзнд̇о яасмим̣, аг̇г̇ивзссана, самаязд̇иаад̣̇имааха. д̇ад̇рааяам̣ сан̇кзбад̇т̇о – яасмим̣ самаяз сукаад̣̇ийсу згам̣ взд̣̇анам̣ взд̣̇аяад̇и, д̇асмим̣ самаяз ан̃н̃аа взд̣̇анаа ад̇д̇ано ваарам̣ ваа огаасам̣ ваа ологаяамаанаа нисиннаа наама над̇т̇и, ат̇а ко ануббаннаава хонд̇и бхиннауд̣̇агабубпул̣аа вияа жа анд̇арахид̇аа ваа. сукааби код̇иаад̣̇и д̇аасам̣ взд̣̇анаанам̣ жун̣н̣авижун̣н̣абхаавад̣̇ассанад̇т̇ам̣ вуд̇д̇ам̣.
Evaṃ rūpakammaṭṭhānaṃ dassetvā idāni arūpakammaṭṭhānaṃ dassento tisso khotiādimāha. Puna tāsaṃyeva vedanānaṃ asammissabhāvaṃ dassento yasmiṃ, aggivessana, samayetiādimāha. Tatrāyaṃ saṅkhepattho – yasmiṃ samaye sukhādīsu ekaṃ vedanaṃ vedayati, tasmiṃ samaye aññā vedanā attano vāraṃ vā okāsaṃ vā olokayamānā nisinnā nāma natthi, atha kho anuppannāva honti bhinnaudakapupphuḷā viya ca antarahitā vā. Sukhāpi khotiādi tāsaṃ vedanānaṃ cuṇṇavicuṇṇabhāvadassanatthaṃ vuttaṃ.
на гзнажи сам̣вад̣̇ад̇ийд̇и д̇ассад̇ам̣ г̇ахзд̇ваа ‘‘сассад̇аваад̣̇ий аха’’нд̇и ужчзд̣̇аваад̣̇инааби сад̣̇д̇хим̣ на сам̣вад̣̇ад̇и, д̇амзва г̇ахзд̇ваа ‘‘сассад̇аваад̣̇ий аха’’нд̇и згажжасассад̇аваад̣̇инаа сад̣̇д̇хим̣ на вивад̣̇ад̇и. звам̣ д̇аяоби ваад̣̇аа баривад̇д̇зд̇ваа яож̇зд̇аб̣б̣аа. яан̃жа логз вуд̇д̇анд̇и яам̣ логз гат̇ид̇ам̣ вохарид̇ам̣, д̇зна вохарад̇и абараамасанд̇о гин̃жи д̇хаммам̣ бараамаасаг̇г̇аахзна аг̇г̇ан̣ханд̇о. вуд̇д̇амби жзд̇ам̣ –
Na kenaci saṃvadatīti tassataṃ gahetvā ‘‘sassatavādī aha’’nti ucchedavādināpi saddhiṃ na saṃvadati, tameva gahetvā ‘‘sassatavādī aha’’nti ekaccasassatavādinā saddhiṃ na vivadati. Evaṃ tayopi vādā parivattetvā yojetabbā. Yañca loke vuttanti yaṃ loke kathitaṃ voharitaṃ, tena voharati aparāmasanto kiñci dhammaṃ parāmāsaggāhena aggaṇhanto. Vuttampi cetaṃ –
‘‘яо ход̇и бхигку арахам̣ гад̇аавий,
‘‘Yo hoti bhikkhu arahaṃ katāvī,
кийн̣аасаво анд̇имад̣̇зхад̇хаарий;
Khīṇāsavo antimadehadhārī;
ахам̣ вад̣̇аамийд̇иби со вад̣̇зяяа,
Ahaṃ vadāmītipi so vadeyya,
мамам̣ вад̣̇анд̇ийд̇иби со вад̣̇зяяа;
Mamaṃ vadantītipi so vadeyya;
логз саман̃н̃ам̣ гусало вид̣̇ид̇ваа,
Loke samaññaṃ kusalo viditvā,
вохаарамад̇д̇зна со вохарзяяаа’’д̇и. (сам̣. ни. 1.25);
Vohāramattena so vohareyyā’’ti. (saṃ. ni. 1.25);
абарамби вуд̇д̇ам̣ – ‘‘имаа ко жид̇д̇а логасаман̃н̃аа логанируд̇д̇ияо логавохаараа логабан̃н̃ад̇д̇ияо, яаахи д̇ат̇ааг̇ад̇о вохарад̇и абараамаса’’нд̇и (д̣̇ий. ни. 1.440).
Aparampi vuttaṃ – ‘‘imā kho citta lokasamaññā lokaniruttiyo lokavohārā lokapaññattiyo, yāhi tathāgato voharati aparāmasa’’nti (dī. ni. 1.440).
206. абхин̃н̃аабахаанамаахаад̇и сассад̇аад̣̇ийсу д̇зсам̣ д̇зсам̣ д̇хаммаанам̣ сассад̇ам̣ абхин̃н̃ааяа ж̇аанид̇ваа сассад̇асса бахаанамааха, ужчзд̣̇ам̣, згажжасассад̇ам̣ абхин̃н̃ааяа згажжасассад̇асса бахаанам̣ вад̣̇ад̇и. руубам̣ абхин̃н̃ааяа руубасса бахаанам̣ вад̣̇ад̇ийд̇иаад̣̇инаа наязнзд̇т̇а ад̇т̇о взд̣̇ид̇аб̣б̣о.
206.Abhiññāpahānamāhāti sassatādīsu tesaṃ tesaṃ dhammānaṃ sassataṃ abhiññāya jānitvā sassatassa pahānamāha, ucchedaṃ, ekaccasassataṃ abhiññāya ekaccasassatassa pahānaṃ vadati. Rūpaṃ abhiññāya rūpassa pahānaṃ vadatītiādinā nayenettha attho veditabbo.
бадисан̃жигкад̇од̇и бажжавзгканд̇асса. анубаад̣̇ааяа аасавзхи жид̇д̇ам̣ вимужжийд̇и ануббаад̣̇анирод̇хзна нируд̣̇д̇хзхи аасавзхи аг̇г̇ахзд̇ваава жид̇д̇ам̣ вимужжи. зд̇д̇аавад̇аа жзса барасса вад̣дхид̇ам̣ бхад̇д̇ам̣ бхун̃ж̇ид̇ваа куд̣̇ам̣ винод̣̇знд̇о вияа барасса аарад̣̇д̇хааяа д̇хаммад̣̇зсанааяа н̃аан̣ам̣ бзсзд̇ваа вибассанам̣ вад̣дхзд̇ваа арахад̇д̇ан̃жзва бад̇д̇о, саавагабаарамийн̃аан̣асса жа мад̇т̇агам̣, сол̣аса жа бан̃н̃аа бадивиж̇жхид̇ваа тид̇о. д̣̇ийгханако бана сод̇аабад̇д̇ипалам̣ бад̇ваа саран̣зсу бад̇идтид̇о.
Paṭisañcikkhatoti paccavekkhantassa. Anupādāya āsavehi cittaṃ vimuccīti anuppādanirodhena niruddhehi āsavehi aggahetvāva cittaṃ vimucci. Ettāvatā cesa parassa vaḍḍhitaṃ bhattaṃ bhuñjitvā khudaṃ vinodento viya parassa āraddhāya dhammadesanāya ñāṇaṃ pesetvā vipassanaṃ vaḍḍhetvā arahattañceva patto, sāvakapāramīñāṇassa ca matthakaṃ, soḷasa ca paññā paṭivijjhitvā ṭhito. Dīghanakho pana sotāpattiphalaṃ patvā saraṇesu patiṭṭhito.
бхаг̇аваа бана имам̣ д̣̇зсанам̣ суурияз д̇харамаанзязва нидтаабзд̇ваа г̇иж̇жхагуудаа оруяха взл̣уванам̣ г̇анд̇ваа саавагасаннибаад̇амагааси, жад̇уран̇г̇асаманнааг̇ад̇о саннибаад̇о ахоси. д̇ад̇римаани ан̇г̇аани – маагханагкад̇д̇зна яуд̇д̇о бун̣н̣амаубосат̇ад̣̇ивасо, гзнажи анааманд̇ид̇аани худ̇ваа ад̇д̇аноязва д̇хаммад̇ааяа саннибад̇ид̇аани ад̣дхад̇зласаани бхигкусад̇аани, д̇зсу згоби бут̇уж̇ж̇ано ваа сод̇аабанна-сагад̣̇ааг̇аами-анааг̇аами-сугкавибассага-араханд̇зсу ваа ан̃н̃ад̇аро над̇т̇и, саб̣б̣з чал̣абхин̃н̃аава, згоби жзд̇т̇а сад̇т̇агзна гзсз чинд̣̇ид̇ваа баб̣б̣аж̇ид̇о наама над̇т̇и, саб̣б̣з зхибхигкуноязваад̇и.
Bhagavā pana imaṃ desanaṃ sūriye dharamāneyeva niṭṭhāpetvā gijjhakūṭā oruyha veḷuvanaṃ gantvā sāvakasannipātamakāsi, caturaṅgasamannāgato sannipāto ahosi. Tatrimāni aṅgāni – māghanakkhattena yutto puṇṇamauposathadivaso, kenaci anāmantitāni hutvā attanoyeva dhammatāya sannipatitāni aḍḍhatelasāni bhikkhusatāni, tesu ekopi puthujjano vā sotāpanna-sakadāgāmi-anāgāmi-sukkhavipassaka-arahantesu vā aññataro natthi, sabbe chaḷabhiññāva, ekopi cettha satthakena kese chinditvā pabbajito nāma natthi, sabbe ehibhikkhunoyevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
д̣̇ийгханакасуд̇д̇аван̣н̣анаа нидтид̇аа.
Dīghanakhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 4. д̣̇ийгханакасуд̇д̇ам̣ • 4. Dīghanakhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 4. д̣̇ийгханакасуд̇д̇аван̣н̣анаа • 4. Dīghanakhasuttavaṇṇanā
