Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೨೬. ದೀಪಿಜಾತಕಂ (೧೦)
426. Dīpijātakaṃ (10)
೮೮.
88.
ಖಮನೀಯಂ ಯಾಪನೀಯಂ, ಕಚ್ಚಿ ಮಾತುಲ ತೇ ಸುಖಂ।
Khamanīyaṃ yāpanīyaṃ, kacci mātula te sukhaṃ;
೮೯.
89.
ಸಾಜ್ಜ ಮಾತುಲವಾದೇನ, ಮುಞ್ಚಿತಬ್ಬಾ ನು ಮಞ್ಞಸಿ॥
Sājja mātulavādena, muñcitabbā nu maññasi.
೯೦.
90.
ಪುರತ್ಥಾಮುಖೋ ನಿಸಿನ್ನೋಸಿ, ಅಹಂ ತೇ ಮುಖಮಾಗತಾ।
Puratthāmukho nisinnosi, ahaṃ te mukhamāgatā;
ಪಚ್ಛತೋ ತುಯ್ಹಂ ನಙ್ಗುಟ್ಠಂ, ಕಥಂ ಖ್ವಾಹಂ ಅವಕ್ಕಮಿಂ 9॥
Pacchato tuyhaṃ naṅguṭṭhaṃ, kathaṃ khvāhaṃ avakkamiṃ 10.
೯೧.
91.
ಯಾವತಾ ಚತುರೋ ದೀಪಾ, ಸಸಮುದ್ದಾ ಸಪಬ್ಬತಾ।
Yāvatā caturo dīpā, sasamuddā sapabbatā;
ತಾವತಾ ಮಯ್ಹಂ ನಙ್ಗುಟ್ಠಂ, ಕಥಂ ಖೋ ತ್ವಂ ವಿವಜ್ಜಯಿ॥
Tāvatā mayhaṃ naṅguṭṭhaṃ, kathaṃ kho tvaṃ vivajjayi.
೯೨.
92.
ದೀಘಂ ದುಟ್ಠಸ್ಸ ನಙ್ಗುಟ್ಠಂ, ಸಾಮ್ಹಿ ವೇಹಾಯಸಾಗತಾ॥
Dīghaṃ duṭṭhassa naṅguṭṭhaṃ, sāmhi vehāyasāgatā.
೯೩.
93.
ತಞ್ಚ ದಿಸ್ವಾನ ಆಯನ್ತಿಂ, ಅನ್ತಲಿಕ್ಖಸ್ಮಿ ಏಳಿಕೇ।
Tañca disvāna āyantiṃ, antalikkhasmi eḷike;
ಮಿಗಸಙ್ಘೋ ಪಲಾಯಿತ್ಥ, ಭಕ್ಖೋ ಮೇ ನಾಸಿತೋ ತಯಾ॥
Migasaṅgho palāyittha, bhakkho me nāsito tayā.
೯೪.
94.
ಇಚ್ಚೇವಂ ವಿಲಪನ್ತಿಯಾ, ಏಳಕಿಯಾ ರುಹಗ್ಘಸೋ।
Iccevaṃ vilapantiyā, eḷakiyā ruhagghaso;
ಗಲಕಂ ಅನ್ವಾವಮದ್ದಿ, ನತ್ಥಿ ದುಟ್ಠೇ ಸುಭಾಸಿತಂ॥
Galakaṃ anvāvamaddi, natthi duṭṭhe subhāsitaṃ.
೯೫.
95.
ನೇವ ದುಟ್ಠೇ ನಯೋ ಅತ್ಥಿ, ನ ಧಮ್ಮೋ ನ ಸುಭಾಸಿತಂ।
Neva duṭṭhe nayo atthi, na dhammo na subhāsitaṃ;
ನಿಕ್ಕಮಂ ದುಟ್ಠೇ ಯುಞ್ಜೇಥ, ಸೋ ಚ ಸಬ್ಭಿಂ ನ ರಞ್ಜತೀತಿ॥
Nikkamaṃ duṭṭhe yuñjetha, so ca sabbhiṃ na rañjatīti.
ದೀಪಿಜಾತಕಂ ದಸಮಂ।
Dīpijātakaṃ dasamaṃ.
ಅಟ್ಠಕನಿಪಾತಂ ನಿಟ್ಠಿತಂ।
Aṭṭhakanipātaṃ niṭṭhitaṃ.
ತಸ್ಸುದ್ದಾನಂ –
Tassuddānaṃ –
ಪರಿಸುದ್ಧಾ ಮನಾವಿಲಾ ವತ್ಥಧರಾ, ಬಕರಾಜಸ್ಸ ಕಾಯುರಂ ದಣ್ಡವರೋ।
Parisuddhā manāvilā vatthadharā, bakarājassa kāyuraṃ daṇḍavaro;
ಅಥ ಅಙ್ಗಾರ ಚೇತಿಯ ದೇವಿಲಿನಾ, ಅಥ ಆದಿತ್ತ ಗಙ್ಗಾ ದಸೇಳಕಿನಾತಿ॥
Atha aṅgāra cetiya devilinā, atha āditta gaṅgā daseḷakināti.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೨೬] ೧೦. ದೀಪಿಜಾತಕವಣ್ಣನಾ • [426] 10. Dīpijātakavaṇṇanā