| Library / Tipiṭaka / તિપિટક • Tipiṭaka / મિલિન્દપઞ્હપાળિ • Milindapañhapāḷi |
૪. દીપિનિયઙ્ગપઞ્હો
4. Dīpiniyaṅgapañho
૪. ‘‘ભન્તે નાગસેન, ‘દીપિનિયા એકં અઙ્ગં ગહેતબ્બ’ન્તિ યં વદેસિ, કતમં તં એકં અઙ્ગં ગહેતબ્બ’’ન્તિ? ‘‘યથા, મહારાજ, દીપિની સકિં યેવ ગબ્ભં ગણ્હાતિ, ન પુનપ્પુનં પુરિસં ઉપેતિ? એવમેવ ખો, મહારાજ, યોગિના યોગાવચરેન આયતિં પટિસન્ધિં ઉપ્પત્તિં ગબ્ભસેય્યં ચુતિં ભેદં ખયં વિનાસં સંસારભયં દુગ્ગતિં વિસમં સમ્પીળિતં દિસ્વા ‘પુનબ્ભવે નપ્પટિસન્દહિસ્સામી’તિ યોનિસો મનસિકારો કરણીયો. ઇદં, મહારાજ, દીપિનિયા એકં અઙ્ગં ગહેતબ્બં. ભાસિતમ્પેતં, મહારાજ, ભગવતા દેવાતિદેવેન સુત્તનિપાતે ધનિયગોપાલકસુત્તે –
4. ‘‘Bhante nāgasena, ‘dīpiniyā ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, dīpinī sakiṃ yeva gabbhaṃ gaṇhāti, na punappunaṃ purisaṃ upeti? Evameva kho, mahārāja, yoginā yogāvacarena āyatiṃ paṭisandhiṃ uppattiṃ gabbhaseyyaṃ cutiṃ bhedaṃ khayaṃ vināsaṃ saṃsārabhayaṃ duggatiṃ visamaṃ sampīḷitaṃ disvā ‘punabbhave nappaṭisandahissāmī’ti yoniso manasikāro karaṇīyo. Idaṃ, mahārāja, dīpiniyā ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena suttanipāte dhaniyagopālakasutte –
‘‘‘ઉસભોરિવ છેત્વ બન્ધનાનિ, નાગો પૂતિલતંવ દાલયિત્વા;
‘‘‘Usabhoriva chetva bandhanāni, nāgo pūtilataṃva dālayitvā;
નાહં પુનુપેસ્સં ગબ્ભસેય્યં, અથ ચે પત્થયસી પવસ્સ દેવા’’’તિ.
Nāhaṃ punupessaṃ gabbhaseyyaṃ, atha ce patthayasī pavassa devā’’’ti.
દીપિનિયઙ્ગપઞ્હો ચતુત્થો.
Dīpiniyaṅgapañho catuttho.
