| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೧೦. ದಿಟ್ಠಧಮ್ಮನಿಬ್ಬಾನಸುತ್ತಂ
10. Diṭṭhadhammanibbānasuttaṃ
೫೧. ‘‘‘ದಿಟ್ಠಧಮ್ಮನಿಬ್ಬಾನಂ ದಿಟ್ಠಧಮ್ಮನಿಬ್ಬಾನ’ನ್ತಿ, ಆವುಸೋ, ವುಚ್ಚತಿ। ಕಿತ್ತಾವತಾ ನು ಖೋ, ಆವುಸೋ ದಿಟ್ಠಧಮ್ಮನಿಬ್ಬಾನಂ ವುತ್ತಂ ಭಗವತಾ’’ತಿ?
51. ‘‘‘Diṭṭhadhammanibbānaṃ diṭṭhadhammanibbāna’nti, āvuso, vuccati. Kittāvatā nu kho, āvuso diṭṭhadhammanibbānaṃ vuttaṃ bhagavatā’’ti?
‘‘ಇಧಾವುಸೋ, ಭಿಕ್ಖು ವಿವಿಚ್ಚೇವ ಕಾಮೇಹಿ …ಪೇ॰… ಪಠಮಂ ಝಾನಂ ಉಪಸಮ್ಪಜ್ಜ ವಿಹರತಿ। ಏತ್ತಾವತಾಪಿ ಖೋ, ಆವುಸೋ, ದಿಟ್ಠಧಮ್ಮನಿಬ್ಬಾನಂ ವುತ್ತಂ ಭಗವತಾ ಪರಿಯಾಯೇನ …ಪೇ॰…।
‘‘Idhāvuso, bhikkhu vivicceva kāmehi …pe… paṭhamaṃ jhānaṃ upasampajja viharati. Ettāvatāpi kho, āvuso, diṭṭhadhammanibbānaṃ vuttaṃ bhagavatā pariyāyena …pe….
‘‘ಪುನ ಚಪರಂ, ಆವುಸೋ, ಭಿಕ್ಖು ಸಬ್ಬಸೋ ನೇವಸಞ್ಞಾನಾಸಞ್ಞಾಯತನಂ ಸಮತಿಕ್ಕಮ್ಮ ಸಞ್ಞಾವೇದಯಿತನಿರೋಧಂ ಉಪಸಮ್ಪಜ್ಜ ವಿಹರತಿ, ಪಞ್ಞಾಯ ಚಸ್ಸ ದಿಸ್ವಾ ಆಸವಾ ಪರಿಕ್ಖೀಣಾ ಹೋನ್ತಿ। ಏತ್ತಾವತಾಪಿ ಖೋ, ಆವುಸೋ, ದಿಟ್ಠಧಮ್ಮನಿಬ್ಬಾನಂ ವುತ್ತಂ ಭಗವತಾ ನಿಪ್ಪರಿಯಾಯೇನಾ’’ತಿ। ದಸಮಂ।
‘‘Puna caparaṃ, āvuso, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, paññāya cassa disvā āsavā parikkhīṇā honti. Ettāvatāpi kho, āvuso, diṭṭhadhammanibbānaṃ vuttaṃ bhagavatā nippariyāyenā’’ti. Dasamaṃ.
ಸಾಮಞ್ಞವಗ್ಗೋ ಪಞ್ಚಮೋ।
Sāmaññavaggo pañcamo.
ತಸ್ಸುದ್ದಾನಂ –
Tassuddānaṃ –
ಸಮ್ಬಾಧೋ ಕಾಯಸಕ್ಖೀ ಪಞ್ಞಾ,
Sambādho kāyasakkhī paññā,
ಉಭತೋಭಾಗೋ ಸನ್ದಿಟ್ಠಿಕಾ ದ್ವೇ।
Ubhatobhāgo sandiṭṭhikā dve;
ನಿಬ್ಬಾನಂ ಪರಿನಿಬ್ಬಾನಂ,
Nibbānaṃ parinibbānaṃ,
ತದಙ್ಗದಿಟ್ಠಧಮ್ಮಿಕೇನ ಚಾತಿ॥
Tadaṅgadiṭṭhadhammikena cāti.
ಪಠಮಪಣ್ಣಾಸಕಂ ಸಮತ್ತಂ।
Paṭhamapaṇṇāsakaṃ samattaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೫-೧೦. ಸನ್ದಿಟ್ಠಿಕಧಮ್ಮಸುತ್ತಾದಿವಣ್ಣನಾ • 5-10. Sandiṭṭhikadhammasuttādivaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧-೧೦. ಸಮ್ಬಾಧಸುತ್ತಾದಿವಣ್ಣನಾ • 1-10. Sambādhasuttādivaṇṇanā
