| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[116] 6. д̣̇уб̣б̣ажаж̇аад̇агаван̣н̣анаа
[116] 6. Dubbacajātakavaṇṇanā
ад̇игарамагараажарияаад̇и ид̣̇ам̣ сад̇т̇аа ж̇зд̇аванз вихаранд̇о згам̣ д̣̇уб̣б̣ажабхигкум̣ аараб̣бха гат̇зси. д̇асса вад̇т̇у наваганибаад̇з г̇иж̇жхаж̇аад̇агз (ж̇аа. 1.9.1 аад̣̇аяо) аави бхависсад̇и. сад̇т̇аа бана д̇ам̣ бхигкум̣ ааманд̇зд̇ваа ‘‘бхигку на д̇вам̣ ид̣̇аанзва д̣̇уб̣б̣ажо, буб̣б̣зби д̣̇уб̣б̣ажоязва. д̣̇уб̣б̣ажабхаавзнзва бан̣д̣ид̇аанам̣ оваад̣̇ам̣ агаронд̇о сад̇д̇иббахаарзна ж̇ийвид̇агкаяам̣ бад̇д̇осий’’д̇и вад̇ваа ад̇ийд̇ам̣ аахари.
Atikaramakarācariyāti idaṃ satthā jetavane viharanto ekaṃ dubbacabhikkhuṃ ārabbha kathesi. Tassa vatthu navakanipāte gijjhajātake (jā. 1.9.1 ādayo) āvi bhavissati. Satthā pana taṃ bhikkhuṃ āmantetvā ‘‘bhikkhu na tvaṃ idāneva dubbaco, pubbepi dubbacoyeva. Dubbacabhāveneva paṇḍitānaṃ ovādaṃ akaronto sattippahārena jīvitakkhayaṃ pattosī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о лан̇гханадагаяонияам̣ бадисанд̇хим̣ г̇ахзд̇ваа ваяаббад̇д̇о бан̃н̃аваа убааяагусало ахоси. со згасса лан̇гханагасса санд̇игз сад̇д̇илан̇гханасиббам̣ сигкид̇ваа аажариязна сад̣̇д̇хим̣ сиббам̣ д̣̇ассзнд̇о вижарад̇и. аажарияо банасса жад̇уннам̣язва сад̇д̇ийнам̣ лан̇гханасиббам̣ ж̇аанаад̇и, на бан̃жаннам̣. со згад̣̇ивасам̣ згасмим̣ г̇аамагз сиббам̣ д̣̇ассзнд̇о сураамад̣̇амад̇д̇о ‘‘бан̃жа сад̇д̇ияо лан̇гхиссаамий’’д̇и бадибаадияаа табзси. ат̇а нам̣ б̣од̇хисад̇д̇о ааха ‘‘аажарияа, д̇вам̣ бан̃жасад̇д̇илан̇гханасиббам̣ на ж̇аанааси, згам̣ сад̇д̇им̣ хара. сажз лан̇гхиссаси, бан̃жамааяа сад̇д̇ияаа вид̣̇д̇хо мариссасий’’д̇и. со судту мад̇д̇ад̇ааяа ‘‘д̇ван̃хи маяхам̣ бамаан̣ам̣ на ж̇аанаасий’’д̇и д̇асса важанам̣ анаад̣̇ияид̇ваа жад̇ассо лан̇гхид̇ваа бан̃жамааяа сад̇д̇ияаа д̣̇ан̣д̣агз мад̇хугабубпам̣ вияа аавуд̇о барид̣̇звамаано нибаж̇ж̇и. ат̇а нам̣ б̣од̇хисад̇д̇о ‘‘бан̣д̣ид̇аанам̣ важанам̣ агад̇ваа имам̣ б̣яасанам̣ бад̇д̇осий’’д̇и имам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto laṅghanaṭakayoniyaṃ paṭisandhiṃ gahetvā vayappatto paññavā upāyakusalo ahosi. So ekassa laṅghanakassa santike sattilaṅghanasippaṃ sikkhitvā ācariyena saddhiṃ sippaṃ dassento vicarati. Ācariyo panassa catunnaṃyeva sattīnaṃ laṅghanasippaṃ jānāti, na pañcannaṃ. So ekadivasaṃ ekasmiṃ gāmake sippaṃ dassento surāmadamatto ‘‘pañca sattiyo laṅghissāmī’’ti paṭipāṭiyā ṭhapesi. Atha naṃ bodhisatto āha ‘‘ācariya, tvaṃ pañcasattilaṅghanasippaṃ na jānāsi, ekaṃ sattiṃ hara. Sace laṅghissasi, pañcamāya sattiyā viddho marissasī’’ti. So suṭṭhu mattatāya ‘‘tvañhi mayhaṃ pamāṇaṃ na jānāsī’’ti tassa vacanaṃ anādiyitvā catasso laṅghitvā pañcamāya sattiyā daṇḍake madhukapupphaṃ viya āvuto paridevamāno nipajji. Atha naṃ bodhisatto ‘‘paṇḍitānaṃ vacanaṃ akatvā imaṃ byasanaṃ pattosī’’ti imaṃ gāthamāha –
116.
116.
‘‘ад̇игарамагараажарияа , маяхамбзд̇ам̣ на ружжад̇и;
‘‘Atikaramakarācariya , mayhampetaṃ na ruccati;
жад̇уд̇т̇з лан̇гхаяид̇ваана, бан̃жамааяаси аавуд̇о’’д̇и.
Catutthe laṅghayitvāna, pañcamāyasi āvuto’’ti.
д̇ад̇т̇а ад̇игарамагараажарияаад̇и аажарияа аж̇ж̇а д̇вам̣ ад̇игарам̣ агари, ад̇д̇ано гаран̣ад̇о ад̇ирзгам̣ гаран̣ам̣ агарийд̇и ад̇т̇о. маяхамбзд̇ам̣ на ружжад̇ийд̇и маяхам̣ анд̇зваасигассаби самаанасса зд̇ам̣ д̇ава гаран̣ам̣ на ружжад̇и, д̇зна д̇з ахам̣ батамамзва гат̇зсинд̇и д̣̇ийбзд̇и. жад̇уд̇т̇з лан̇гхаяид̇ваанаад̇и жад̇уд̇т̇з сад̇д̇ит̇алз абад̇ид̇ваа ад̇д̇аанам̣ лан̇гхаяид̇ваа. бан̃жамааяаси аавуд̇од̇и бан̣д̣ид̇аанам̣ важанам̣ аг̇г̇ан̣ханд̇о ид̣̇аани бан̃жамааяа сад̇д̇ияаа аавуд̇осийд̇и. ид̣̇ам̣ вад̇ваа аажарияам̣ сад̇д̇ид̇о абанзд̇ваа гад̇д̇аб̣б̣аяуд̇д̇агам̣ агааси.
Tattha atikaramakarācariyāti ācariya ajja tvaṃ atikaraṃ akari, attano karaṇato atirekaṃ karaṇaṃ akarīti attho. Mayhampetaṃ na ruccatīti mayhaṃ antevāsikassapi samānassa etaṃ tava karaṇaṃ na ruccati, tena te ahaṃ paṭhamameva kathesinti dīpeti. Catutthe laṅghayitvānāti catutthe sattithale apatitvā attānaṃ laṅghayitvā. Pañcamāyasi āvutoti paṇḍitānaṃ vacanaṃ aggaṇhanto idāni pañcamāya sattiyā āvutosīti. Idaṃ vatvā ācariyaṃ sattito apanetvā kattabbayuttakaṃ akāsi.
сад̇т̇аа имам̣ ад̇ийд̇ам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа аажарияо аяам̣ д̣̇уб̣б̣ажо ахоси, анд̇зваасиго бана ахамзва ахоси’’нд̇и.
Satthā imaṃ atītaṃ āharitvā jātakaṃ samodhānesi – ‘‘tadā ācariyo ayaṃ dubbaco ahosi, antevāsiko pana ahameva ahosi’’nti.
д̣̇уб̣б̣ажаж̇аад̇агаван̣н̣анаа чадтаа.
Dubbacajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 116. д̣̇уб̣б̣ажаж̇аад̇агам̣ • 116. Dubbacajātakaṃ
