| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
12. д̣̇уб̣б̣ажасигкаабад̣̇аван̣н̣анаа
12. Dubbacasikkhāpadavaṇṇanā
424. д̇зна самаязна б̣уд̣̇д̇хо бхаг̇аваад̇и д̣̇уб̣б̣ажасигкаабад̣̇ам̣. д̇ад̇т̇а анаажаарам̣ аажарад̇ийд̇и анзгаббагаарам̣ гааяаважийд̣̇вааравийд̇иггамам̣ гарод̇и. гим̣ ну ко наамаад̇и вамбханаважанамзд̇ам̣. ахам̣ ко наамаад̇и уггам̣саважанам̣. д̇умхз вад̣̇зяяанд̇и ‘‘ид̣̇ам̣ гарот̇а, ид̣̇ам̣ маа гарот̇аа’’д̇и ахам̣ д̇умхз вад̇д̇ум̣ арахаамийд̇и д̣̇ассзд̇и. гасмаад̇и жз? яасмаа амхаагам̣ б̣уд̣̇д̇хо бхаг̇аваа ган̣дагам̣ ааруяха маяаа сад̣̇д̇хим̣ нигкамид̇ваа баб̣б̣аж̇ид̇од̇извамаад̣̇имад̇т̇ам̣ санд̇хааяааха. ‘‘амхаагам̣ д̇хаммо’’д̇и вад̇ваа бана ад̇д̇ано санд̇агабхаавз яуд̇д̇им̣ д̣̇ассзнд̇о ‘‘амхаагам̣ аяяабуд̇д̇зна д̇хаммо абхисамид̇о’’д̇и ааха. яасмаа амхаагам̣ аяяабуд̇д̇зна жад̇усажжад̇хаммо бадивид̣̇д̇хо, д̇асмаа д̇хаммоби амхааганд̇и вуд̇д̇ам̣ ход̇и. сан̇гхам̣ бана ад̇д̇ано взрибагкз тид̇ам̣ ман̃н̃амаано амхаагам̣ сан̇гход̇и на вад̣̇ад̇и. убамам̣ бана вад̇ваа сан̇гхам̣ абасаад̣̇зд̇угаамо ‘‘сзяяат̇ааби наамаа’’д̇иаад̣̇имааха. д̇ин̣агадтабан̣н̣асаданд̇и д̇ад̇т̇а д̇ад̇т̇а бад̇ид̇ам̣ д̇ин̣агадтабан̣н̣ам̣. ат̇а ваа д̇ин̣ан̃жа ниссаарагам̣ лахугам̣ гадтан̃жа д̇ин̣агадтам̣. бан̣н̣асаданд̇и бураан̣абан̣н̣ам̣. уссаарзяяаад̇и раасим̣ гарзяяа.
424.Tena samayena buddho bhagavāti dubbacasikkhāpadaṃ. Tattha anācāraṃ ācaratīti anekappakāraṃ kāyavacīdvāravītikkamaṃ karoti. Kiṃ nu kho nāmāti vambhanavacanametaṃ. Ahaṃ kho nāmāti ukkaṃsavacanaṃ. Tumhe vadeyyanti ‘‘idaṃ karotha, idaṃ mā karothā’’ti ahaṃ tumhe vattuṃ arahāmīti dasseti. Kasmāti ce? Yasmā amhākaṃ buddho bhagavā kaṇṭakaṃ āruyha mayā saddhiṃ nikkhamitvā pabbajitotievamādimatthaṃ sandhāyāha. ‘‘Amhākaṃ dhammo’’ti vatvā pana attano santakabhāve yuttiṃ dassento ‘‘amhākaṃ ayyaputtena dhammo abhisamito’’ti āha. Yasmā amhākaṃ ayyaputtena catusaccadhammo paṭividdho, tasmā dhammopi amhākanti vuttaṃ hoti. Saṅghaṃ pana attano veripakkhe ṭhitaṃ maññamāno amhākaṃ saṅghoti na vadati. Upamaṃ pana vatvā saṅghaṃ apasādetukāmo ‘‘seyyathāpi nāmā’’tiādimāha. Tiṇakaṭṭhapaṇṇasaṭanti tattha tattha patitaṃ tiṇakaṭṭhapaṇṇaṃ. Atha vā tiṇañca nissārakaṃ lahukaṃ kaṭṭhañca tiṇakaṭṭhaṃ. Paṇṇasaṭanti purāṇapaṇṇaṃ. Ussāreyyāti rāsiṃ kareyya.
баб̣б̣ад̇зяяаад̇и баб̣б̣ад̇аббабхаваа, саа хи сийгхасод̇аа ход̇и, д̇асмаа д̇амзва г̇ан̣хаад̇и. сан̇касзваалабан̣аганд̇и зд̇т̇а сан̇код̇и д̣̇ийгхамуулаго бан̣н̣асзваало вужжад̇и. сзваалод̇и нийласзваало, авасзсо уд̣̇агабаббадагад̇илаб̣ийж̇агаад̣̇и саб̣б̣оби бан̣агод̇и сан̇кяам̣ г̇ажчад̇и. згад̇о уссаарид̇аад̇и згадтаанз гзнааби самбин̣д̣ид̇аа раасийгад̇аад̇и д̣̇ассзд̇и.
Pabbateyyāti pabbatappabhavā, sā hi sīghasotā hoti, tasmā tameva gaṇhāti. Saṅkhasevālapaṇakanti ettha saṅkhoti dīghamūlako paṇṇasevālo vuccati. Sevāloti nīlasevālo, avaseso udakapappaṭakatilabījakādi sabbopi paṇakoti saṅkhyaṃ gacchati. Ekato ussāritāti ekaṭṭhāne kenāpi sampiṇḍitā rāsīkatāti dasseti.
425-6. д̣̇уб̣б̣ажаж̇аад̇игод̇и д̣̇уб̣б̣ажасабхааво вад̇д̇ум̣ асаггун̣зяяод̇и ад̇т̇о. бад̣̇абхааж̇анзбисса д̣̇уб̣б̣ажод̇и д̣̇угкзна гижчзна вад̣̇ид̇аб̣б̣о, на саггаа сукзна вад̇д̇унд̇и ад̇т̇о. д̣̇оважассагаран̣зхийд̇и д̣̇уб̣б̣ажабхаавагаран̣ийязхи, яз д̇хаммаа д̣̇уб̣б̣ажам̣ буг̇г̇алам̣ гаронд̇и, д̇зхи саманнааг̇ад̇од̇и ад̇т̇о. д̇з бана ‘‘гад̇амз жа, аавусо, д̣̇оважассагаран̣аа д̇хаммаа? ид̇хаавусо, бхигку баабижчо ход̇ий’’д̇иаад̣̇инаа наязна бадибаадияаа анумаанасуд̇д̇з (ма. ни. 1.181) ааг̇ад̇аа баабижчад̇аа, ад̇д̇уггам̣сагабаравамбхагад̇аа, год̇ханад̇аа, год̇хахзд̇у убанаахид̇аа, год̇хахзд̇уабхисан̇г̇ид̇аа, год̇хахзд̇угод̇хасааманд̇аваажаанижчааран̣ад̇аа, жод̣̇агам̣ бадибпаран̣ад̇аа, жод̣̇агам̣ абасаад̣̇анад̇аа, жод̣̇агасса бажжааробанад̇аа, ан̃н̃зна ан̃н̃ам̣бадижаран̣ад̇аа , абад̣̇аанзна на самбааяанад̇аа, магкибал̣аасид̇аа, иссугиймажчарид̇аа, сатамааяаавид̇аа, т̇ад̣̇д̇хаад̇имаанид̇аа, санд̣̇идтибараамаасиаад̇хаанаг̇г̇ахид̣̇уббадиниссаг̇г̇ид̇аад̇и згуунавийсад̇и д̇хаммаа взд̣̇ид̇аб̣б̣аа.
425-6.Dubbacajātikoti dubbacasabhāvo vattuṃ asakkuṇeyyoti attho. Padabhājanepissa dubbacoti dukkhena kicchena vaditabbo, na sakkā sukhena vattunti attho. Dovacassakaraṇehīti dubbacabhāvakaraṇīyehi, ye dhammā dubbacaṃ puggalaṃ karonti, tehi samannāgatoti attho. Te pana ‘‘katame ca, āvuso, dovacassakaraṇā dhammā? Idhāvuso, bhikkhu pāpiccho hotī’’tiādinā nayena paṭipāṭiyā anumānasutte (ma. ni. 1.181) āgatā pāpicchatā, attukkaṃsakaparavambhakatā, kodhanatā, kodhahetu upanāhitā, kodhahetuabhisaṅgitā, kodhahetukodhasāmantavācānicchāraṇatā, codakaṃ paṭippharaṇatā, codakaṃ apasādanatā, codakassa paccāropanatā, aññena aññaṃpaṭicaraṇatā , apadānena na sampāyanatā, makkhipaḷāsitā, issukīmaccharitā, saṭhamāyāvitā, thaddhātimānitā, sandiṭṭhiparāmāsiādhānaggahiduppaṭinissaggitāti ekūnavīsati dhammā veditabbā.
оваад̣̇ам̣ нагкамад̇и на сахад̇ийд̇и агкамо. яат̇аанусидтам̣ аббадибаж̇ж̇анад̇о бад̣̇агкин̣зна анусаасаним̣ на г̇ан̣хаад̇ийд̇и аббад̣̇агкин̣аг̇г̇аахий анусаасаним̣.
Ovādaṃ nakkhamati na sahatīti akkhamo. Yathānusiṭṭhaṃ appaṭipajjanato padakkhiṇena anusāsaniṃ na gaṇhātīti appadakkhiṇaggāhī anusāsaniṃ.
уд̣̇д̣̇зсабарияаабаннзсууд̇и уд̣̇д̣̇зсз барияаабаннзсу анд̇ог̇ад̇хзсу. ‘‘яасса сияаа аабад̇д̇и, со аавигарзяяаа’’д̇и звам̣ сан̇г̇ахид̇ад̇д̇аа анд̇о баад̇имогкасса вад̇д̇амаанзсууд̇и ад̇т̇о. сахад̇хаммигам̣ вужжамаанод̇и сахад̇хаммигзна вужжамаано гаран̣ад̇т̇з убаяог̇аважанам̣, бан̃жахи сахад̇хаммигзхи сигкид̇аб̣б̣ад̇д̇аа д̇зсам̣ ваа санд̇агад̇д̇аа сахад̇хаммиганд̇и лад̣̇д̇ханаамзна б̣уд̣̇д̇хабан̃н̃ад̇д̇зна сигкаабад̣̇зна вужжамаанод̇и ад̇т̇о.
Uddesapariyāpannesūti uddese pariyāpannesu antogadhesu. ‘‘Yassa siyā āpatti, so āvikareyyā’’ti evaṃ saṅgahitattā anto pātimokkhassa vattamānesūti attho. Sahadhammikaṃ vuccamānoti sahadhammikena vuccamāno karaṇatthe upayogavacanaṃ, pañcahi sahadhammikehi sikkhitabbattā tesaṃ vā santakattā sahadhammikanti laddhanāmena buddhapaññattena sikkhāpadena vuccamānoti attho.
вирамат̇ааяасманд̇о мама важанааяаад̇и язна важанзна мам̣ вад̣̇ат̇а, д̇ад̇о мама важанад̇о вирамат̇а. маа мам̣ д̇ам̣ важанам̣ вад̣̇ат̇аад̇и вуд̇д̇ам̣ ход̇и.
Viramathāyasmanto mama vacanāyāti yena vacanena maṃ vadatha, tato mama vacanato viramatha. Mā maṃ taṃ vacanaṃ vadathāti vuttaṃ hoti.
вад̣̇ад̇у сахад̇хаммзнаад̇и сахад̇хаммигзна сигкаабад̣̇зна сахад̇хаммзна ваа ан̃н̃знаби баасаад̣̇игабхаавасам̣вад̇д̇анигзна важанзна вад̣̇ад̇у. яад̣̇ид̣̇анд̇и вуд̣дхигааран̣анид̣̇ассанад̇т̇з нибаад̇о. д̇зна ‘‘яам̣ ид̣̇ам̣ ан̃н̃аман̃н̃асса хид̇аважанам̣ аабад̇д̇ид̇о вудтаабанан̃жа д̇зна ан̃н̃аман̃н̃аважанзна ан̃н̃аман̃н̃авудтаабанзна жа сам̣вад̣дхаа барисаа’’д̇и звам̣ барисааяа вуд̣дхигааран̣ам̣ д̣̇ассид̇ам̣ ход̇и. сзсам̣ саб̣б̣ад̇т̇а уд̇д̇аанамзва.
Vadatu sahadhammenāti sahadhammikena sikkhāpadena sahadhammena vā aññenapi pāsādikabhāvasaṃvattanikena vacanena vadatu. Yadidanti vuḍḍhikāraṇanidassanatthe nipāto. Tena ‘‘yaṃ idaṃ aññamaññassa hitavacanaṃ āpattito vuṭṭhāpanañca tena aññamaññavacanena aññamaññavuṭṭhāpanena ca saṃvaḍḍhā parisā’’ti evaṃ parisāya vuḍḍhikāraṇaṃ dassitaṃ hoti. Sesaṃ sabbattha uttānameva.
самудтаанаад̣̇ийни батамасан̇гхабхзд̣̇асад̣̇исаанзваад̇и.
Samuṭṭhānādīni paṭhamasaṅghabhedasadisānevāti.
д̣̇уб̣б̣ажасигкаабад̣̇аван̣н̣анаа нидтид̇аа.
Dubbacasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 12. д̣̇уб̣б̣ажасигкаабад̣̇ам̣ • 12. Dubbacasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 12. д̣̇уб̣б̣ажасигкаабад̣̇аван̣н̣анаа • 12. Dubbacasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 12. д̣̇уб̣б̣ажасигкаабад̣̇аван̣н̣анаа • 12. Dubbacasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 12. д̣̇уб̣б̣ажасигкаабад̣̇аван̣н̣анаа • 12. Dubbacasikkhāpadavaṇṇanā
