| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[174] 4. д̣̇уб̣бхияамаггадаж̇аад̇аган̣н̣анаа
[174] 4. Dubbhiyamakkaṭajātakaṇṇanā
ад̣̇амха д̇з ваари бахууд̇аруубанд̇и ид̣̇ам̣ сад̇т̇аа взл̣уванз вихаранд̇о д̣̇звад̣̇ад̇д̇ам̣ аараб̣бха гат̇зси. згад̣̇ивасан̃хи д̇хаммасабхааяам̣ бхигкуу д̣̇звад̣̇ад̇д̇асса агад̇ан̃н̃умид̇д̇ад̣̇уб̣бхибхаавам̣ гат̇знд̇аа нисийд̣̇им̣су. сад̇т̇аа ааг̇анд̇ваа ‘‘на, бхигкавз, д̣̇звад̣̇ад̇д̇о ид̣̇аанзва агад̇ан̃н̃уу мид̇д̇ад̣̇уб̣бхий, буб̣б̣зби зваруубо ахосий’’д̇и вад̇ваа ад̇ийд̇ам̣ аахари.
Adamhate vāri pahūtarūpanti idaṃ satthā veḷuvane viharanto devadattaṃ ārabbha kathesi. Ekadivasañhi dhammasabhāyaṃ bhikkhū devadattassa akataññumittadubbhibhāvaṃ kathentā nisīdiṃsu. Satthā āgantvā ‘‘na, bhikkhave, devadatto idāneva akataññū mittadubbhī, pubbepi evarūpo ahosī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о згасмим̣ гаасиг̇аамагз б̣раахман̣агулз ниб̣б̣ад̇д̇ид̇ваа ваяаббад̇д̇о гхарааваасам̣ сан̣табзси. д̇асмим̣ бана самаяз гаасирадтз вад̇д̇анимахаамаг̇г̇з зго г̇амбхийро уд̣̇абаано ход̇и анод̇аран̣ийяо д̇иражчаанаанам̣, маг̇г̇аббадибаннаа бун̃н̃ад̇т̇игаа мануссаа д̣̇ийгхараж̇ж̇угзна ваарагзна уд̣̇агам̣ уссин̃жид̇ваа згиссаа д̣̇он̣ияаа буурзд̇ваа д̇иражчаанаанам̣ баанийяам̣ д̣̇знд̇и. д̇асса сааманд̇ад̇о маханд̇ам̣ аран̃н̃ам̣, д̇ад̇т̇а б̣ахуу маггадаа васанд̇и. ат̇а д̇асмим̣ маг̇г̇з д̣̇вз д̇ийн̣и д̣̇ивасаани мануссасан̃жааро бажчиж̇ж̇и, д̇иражчаанаа баанийяам̣ на лабхим̣су. зго маггадо бибаасаад̇уро худ̇ваа баанийяам̣ бариязсанд̇о уд̣̇абаанасса санд̇игз вижарад̇и. б̣од̇хисад̇д̇о гзнажид̣̇зва гаран̣ийязна д̇ам̣ маг̇г̇ам̣ бадибаж̇ж̇ид̇ваа д̇ад̇т̇а г̇ажчанд̇о баанийяам̣ уд̇д̇аарзд̇ваа бивид̇ваа хад̇т̇абаад̣̇з д̇ховид̇ваа тид̇о д̇ам̣ маггадам̣ ад̣̇д̣̇аса. ат̇асса бибаасид̇абхаавам̣ н̃ад̇ваа баанийяам̣ уссин̃жид̇ваа д̣̇он̣ияам̣ аагирид̇ваа ад̣̇ааси, д̣̇ад̇ваа жа бана ‘‘виссамиссаамий’’д̇и згасмим̣ ругкамуулз нибаж̇ж̇и. маггадо баанийяам̣ бивид̇ваа авид̣̇уурз нисийд̣̇ид̇ваа мукамаггадигам̣ гаронд̇о б̣од̇хисад̇д̇ам̣ бхим̣саабзси. б̣од̇хисад̇д̇о д̇асса д̇ам̣ гирияам̣ д̣̇исваа ‘‘арз д̣̇удтамаггада, ахам̣ д̇ава бибаасид̇асса гиланд̇асса б̣ахум̣ баанийяам̣ ад̣̇аасим̣, ид̣̇аани д̇вам̣ маяхам̣ мукамаггадигам̣ гароси, ахо баабаж̇анасса наама гад̇о убагааро нирад̇т̇аго’’д̇и вад̇ваа батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto ekasmiṃ kāsigāmake brāhmaṇakule nibbattitvā vayappatto gharāvāsaṃ saṇṭhapesi. Tasmiṃ pana samaye kāsiraṭṭhe vattanimahāmagge eko gambhīro udapāno hoti anotaraṇīyo tiracchānānaṃ, maggappaṭipannā puññatthikā manussā dīgharajjukena vārakena udakaṃ ussiñcitvā ekissā doṇiyā pūretvā tiracchānānaṃ pānīyaṃ denti. Tassa sāmantato mahantaṃ araññaṃ, tattha bahū makkaṭā vasanti. Atha tasmiṃ magge dve tīṇi divasāni manussasañcāro pacchijji, tiracchānā pānīyaṃ na labhiṃsu. Eko makkaṭo pipāsāturo hutvā pānīyaṃ pariyesanto udapānassa santike vicarati. Bodhisatto kenacideva karaṇīyena taṃ maggaṃ paṭipajjitvā tattha gacchanto pānīyaṃ uttāretvā pivitvā hatthapāde dhovitvā ṭhito taṃ makkaṭaṃ addasa. Athassa pipāsitabhāvaṃ ñatvā pānīyaṃ ussiñcitvā doṇiyaṃ ākiritvā adāsi, datvā ca pana ‘‘vissamissāmī’’ti ekasmiṃ rukkhamūle nipajji. Makkaṭo pānīyaṃ pivitvā avidūre nisīditvā mukhamakkaṭikaṃ karonto bodhisattaṃ bhiṃsāpesi. Bodhisatto tassa taṃ kiriyaṃ disvā ‘‘are duṭṭhamakkaṭa, ahaṃ tava pipāsitassa kilantassa bahuṃ pānīyaṃ adāsiṃ, idāni tvaṃ mayhaṃ mukhamakkaṭikaṃ karosi, aho pāpajanassa nāma kato upakāro niratthako’’ti vatvā paṭhamaṃ gāthamāha –
47.
47.
‘‘ад̣̇амха д̇з ваари бахууд̇аруубам̣, гхаммаабхид̇ад̇д̇асса бибаасид̇асса;
‘‘Adamha te vāri pahūtarūpaṃ, ghammābhitattassa pipāsitassa;
со д̣̇аани бид̇ваана гирин̇гароси, асан̇г̇амо баабаж̇анзна сзяяо’’д̇и.
So dāni pitvāna kiriṅkarosi, asaṅgamo pāpajanena seyyo’’ti.
д̇ад̇т̇а со д̣̇аани бид̇ваана гирин̇гаросийд̇и со ид̣̇аани д̇вам̣ маяаа д̣̇иннабаанийяам̣ бивид̇ваа мукамаггадигам̣ гаронд̇о ‘‘гири гирий’’д̇и сад̣̇д̣̇ам̣ гароси. асан̇г̇амо баабаж̇анзна сзяяод̇и баабаж̇анзна сад̣̇д̇хим̣ сан̇г̇амо на сзяяо, асан̇г̇амова сзяяод̇и.
Tattha so dāni pitvāna kiriṅkarosīti so idāni tvaṃ mayā dinnapānīyaṃ pivitvā mukhamakkaṭikaṃ karonto ‘‘kiri kirī’’ti saddaṃ karosi. Asaṅgamo pāpajanena seyyoti pāpajanena saddhiṃ saṅgamo na seyyo, asaṅgamova seyyoti.
д̇ам̣ суд̇ваа со мид̇д̇ад̣̇уб̣бхий маггадо ‘‘д̇вам̣ ‘зд̇д̇агзнавзд̇ам̣ нидтид̇а’нд̇и сан̃н̃ам̣ гароси, ид̣̇аани д̇з сийсз важжам̣ баад̇зд̇ваа г̇амиссаамий’’д̇и вад̇ваа д̣̇уд̇ияам̣ г̇аат̇амааха –
Taṃ sutvā so mittadubbhī makkaṭo ‘‘tvaṃ ‘ettakenavetaṃ niṭṭhita’nti saññaṃ karosi, idāni te sīse vaccaṃ pātetvā gamissāmī’’ti vatvā dutiyaṃ gāthamāha –
48.
48.
‘‘го д̇з суд̇о ваа д̣̇идто ваа, сийлаваа наама маггадо;
‘‘Ko te suto vā diṭṭho vā, sīlavā nāma makkaṭo;
ид̣̇аани ко д̇ам̣ охажчам̣, зсаа асмаага д̇хаммад̇аа’’д̇и.
Idāni kho taṃ ohacchaṃ, esā asmāka dhammatā’’ti.
д̇ад̇рааяам̣ сан̇кзбад̇т̇о – бхо б̣раахман̣а, ‘‘маггадо гад̇аг̇ун̣аж̇аананаго аажаарасамбанно сийлаваа наама ад̇т̇ий’’д̇и гахам̣ д̇аяаа суд̇о ваа д̣̇идто ваа, ид̣̇аани ко ахам̣ д̇ам̣ охажчам̣ важжам̣ д̇з сийсз гад̇ваа баггамиссаами, асмааган̃хи маггадаанам̣ наама зсаа д̇хаммад̇аа аяам̣ ж̇аад̇исабхааво, яад̣̇ид̣̇ам̣ убагаарагасса сийсз важжам̣ гаад̇аб̣б̣анд̇и.
Tatrāyaṃ saṅkhepattho – bho brāhmaṇa, ‘‘makkaṭo kataguṇajānanako ācārasampanno sīlavā nāma atthī’’ti kahaṃ tayā suto vā diṭṭho vā, idāni kho ahaṃ taṃ ohacchaṃ vaccaṃ te sīse katvā pakkamissāmi, asmākañhi makkaṭānaṃ nāma esā dhammatā ayaṃ jātisabhāvo, yadidaṃ upakārakassa sīse vaccaṃ kātabbanti.
д̇ам̣ суд̇ваа б̣од̇хисад̇д̇о удтааяа г̇анд̇ум̣ аарабхи. маггадо д̇ан̇кан̣ан̃н̃зва уббад̇ид̇ваа саакааяам̣ нисийд̣̇ид̇ваа оламб̣агам̣ од̇аранд̇о вияа д̇асса сийсз важжам̣ баад̇зд̇ваа вираванд̇о ванасан̣д̣ам̣ баависи. б̣од̇хисад̇д̇о нхад̇ваа аг̇амааси.
Taṃ sutvā bodhisatto uṭṭhāya gantuṃ ārabhi. Makkaṭo taṅkhaṇaññeva uppatitvā sākhāyaṃ nisīditvā olambakaṃ otaranto viya tassa sīse vaccaṃ pātetvā viravanto vanasaṇḍaṃ pāvisi. Bodhisatto nhatvā agamāsi.
сад̇т̇аа ‘‘на, бхигкавз, ид̣̇аанзва д̣̇звад̣̇ад̇д̇о, буб̣б̣зби маяаа гад̇аг̇ун̣ам̣ на ж̇аанаасиязваа’’д̇и вад̇ваа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа маггадо д̣̇звад̣̇ад̇д̇о ахоси, б̣раахман̣о бана ахамзва ахоси’’нд̇и.
Satthā ‘‘na, bhikkhave, idāneva devadatto, pubbepi mayā kataguṇaṃ na jānāsiyevā’’ti vatvā imaṃ dhammadesanaṃ āharitvā jātakaṃ samodhānesi – ‘‘tadā makkaṭo devadatto ahosi, brāhmaṇo pana ahameva ahosi’’nti.
д̣̇уб̣бхияамаггадаж̇аад̇агаван̣н̣анаа жад̇уд̇т̇аа.
Dubbhiyamakkaṭajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 174. д̣̇уб̣бхияамаггадаж̇аад̇агам̣ • 174. Dubbhiyamakkaṭajātakaṃ
