| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. д̣̇ужжарид̇асуд̇д̇ам̣
7. Duccaritasuttaṃ
413. ат̇а ко ан̃н̃ад̇аро бхигку язна бхаг̇аваа д̇знубасан̇гами…бз… ‘‘саад̇ху мз, бханд̇з, бхаг̇аваа сам̣кид̇д̇зна д̇хаммам̣ д̣̇зсзд̇у, яамахам̣ бхаг̇авад̇о д̇хаммам̣ суд̇ваа зго вуубагадто аббамад̇д̇о аад̇аабий бахид̇ад̇д̇о вихарзяяа’’нд̇и. ‘‘д̇асмаад̇иха д̇вам̣, бхигку, аад̣̇имзва висод̇хзхи гусалзсу д̇хаммзсу. го жаад̣̇и гусалаанам̣ д̇хаммаанам̣? ид̇ха д̇вам̣, бхигку, гааяад̣̇ужжарид̇ам̣ бахааяа гааяасужарид̇ам̣ бхаавзссаси. важийд̣̇ужжарид̇ам̣ бахааяа важийсужарид̇ам̣ бхаавзссаси. манод̣̇ужжарид̇ам̣ бахааяа маносужарид̇ам̣ бхаавзссаси. яад̇о ко д̇вам̣, бхигку, гааяад̣̇ужжарид̇ам̣ бахааяа гааяасужарид̇ам̣ бхаавзссаси, важийд̣̇ужжарид̇ам̣ бахааяа важийсужарид̇ам̣ бхаавзссаси, манод̣̇ужжарид̇ам̣ бахааяа маносужарид̇ам̣ бхаавзссаси, д̇ад̇о д̇вам̣, бхигку, сийлам̣ ниссааяа сийлз бад̇идтааяа жад̇д̇ааро сад̇ибадтаанз бхаавзяяааси’’.
413. Atha kho aññataro bhikkhu yena bhagavā tenupasaṅkami…pe… ‘‘sādhu me, bhante, bhagavā saṃkhittena dhammaṃ desetu, yamahaṃ bhagavato dhammaṃ sutvā eko vūpakaṭṭho appamatto ātāpī pahitatto vihareyya’’nti. ‘‘Tasmātiha tvaṃ, bhikkhu, ādimeva visodhehi kusalesu dhammesu. Ko cādi kusalānaṃ dhammānaṃ? Idha tvaṃ, bhikkhu, kāyaduccaritaṃ pahāya kāyasucaritaṃ bhāvessasi. Vacīduccaritaṃ pahāya vacīsucaritaṃ bhāvessasi. Manoduccaritaṃ pahāya manosucaritaṃ bhāvessasi. Yato kho tvaṃ, bhikkhu, kāyaduccaritaṃ pahāya kāyasucaritaṃ bhāvessasi, vacīduccaritaṃ pahāya vacīsucaritaṃ bhāvessasi, manoduccaritaṃ pahāya manosucaritaṃ bhāvessasi, tato tvaṃ, bhikkhu, sīlaṃ nissāya sīle patiṭṭhāya cattāro satipaṭṭhāne bhāveyyāsi’’.
‘‘гад̇амз жад̇д̇ааро? ид̇ха д̇вам̣, бхигку, гааяз гааяаанубассий вихараахи аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣; взд̣̇анаасу…бз… жид̇д̇з…бз… д̇хаммзсу д̇хаммаанубассий вихараахи аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. яад̇о ко д̇вам̣, бхигку, сийлам̣ ниссааяа сийлз бад̇идтааяа имз жад̇д̇ааро сад̇ибадтаанз звам̣ бхаавзссаси, д̇ад̇о д̇уяхам̣, бхигку, яаа рад̇д̇и ваа д̣̇ивасо ваа ааг̇амиссад̇и вуд̣̇д̇хиязва баадиган̇каа гусалзсу д̇хаммзсу, но барихааний’’д̇и…бз… ан̃н̃ад̇аро жа бана со бхигку арахад̇ам̣ ахосийд̇и. сад̇д̇амам̣.
‘‘Katame cattāro? Idha tvaṃ, bhikkhu, kāye kāyānupassī viharāhi ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharāhi ātāpī sampajāno satimā, vineyya loke abhijjhādomanassaṃ. Yato kho tvaṃ, bhikkhu, sīlaṃ nissāya sīle patiṭṭhāya ime cattāro satipaṭṭhāne evaṃ bhāvessasi, tato tuyhaṃ, bhikkhu, yā ratti vā divaso vā āgamissati vuddhiyeva pāṭikaṅkhā kusalesu dhammesu, no parihānī’’ti…pe… aññataro ca pana so bhikkhu arahataṃ ahosīti. Sattamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. д̣̇ужжарид̇асуд̇д̇аван̣н̣анаа • 7. Duccaritasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. д̣̇ужжарид̇асуд̇д̇аван̣н̣анаа • 7. Duccaritasuttavaṇṇanā
