| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
д̣̇угаад̇т̇уд̣̇д̇хаараван̣н̣анаа
Dukaatthuddhāravaṇṇanā
1473. ан̃н̃ат̇аад̇и вуд̇д̇аббагаарасса д̣̇ассанз. вуд̇д̇аббагаарасса д̣̇ассанад̇о зва хи адтагат̇ааяам̣ сасан̇кааригаанам̣ т̇инамид̣̇д̇хавирахз асан̇кааригасад̣̇исий яож̇анаа на д̣̇ассид̇аа. бхаварааг̇аад̣̇ийсууд̇и бхаварааг̇амуулигаад̣̇ийсу яож̇анаасу.
1473. Aññathāti vuttappakārassa dassane. Vuttappakārassa dassanato eva hi aṭṭhakathāyaṃ sasaṅkhārikānaṃ thinamiddhavirahe asaṅkhārikasadisī yojanā na dassitā. Bhavarāgādīsūti bhavarāgamūlikādīsu yojanāsu.
1511. д̣̇взд̇и уд̣̇д̇хажжаавиж̇ж̇аанийваран̣аани. д̇ийн̣ийд̇и гаамажчанд̣̇аб̣яаабаад̣̇авижигижчаасу згзгзна уд̣̇д̇хажжаавиж̇ж̇аанийваран̣аани. д̣̇вз ваа д̇ийн̣и ваад̇и баал̣ияам̣ ваа-сад̣̇д̣̇асса луд̇д̇анид̣̇д̣̇идтад̇ам̣ ааха. ат̇а ваа нибаад̇асад̣̇д̣̇асаннид̇хаанзби наамабад̣̇аад̣̇ийхи зва самужжаяаад̣̇иад̇т̇о вужжад̇и, на нибаад̇абад̣̇зхи д̇зсам̣ аваажагад̇д̇аад̇и анд̇арзнаби нибаад̇абад̣̇ам̣ аяамад̇т̇о лаб̣бхад̇и. д̇ат̇аа важанижчааяа самбхаво зва хзд̇т̇а бамаан̣анд̇и баал̣ияам̣ ‘‘д̣̇вз д̇ийн̣ий’’д̇и вуд̇д̇ам̣. яад̇т̇а сахуббад̇д̇ийд̇иаад̣̇инаа ‘‘д̣̇вз д̇ийн̣ий’’д̇и лагкан̣аважананд̇и саб̣б̣асаад̇хааран̣амад̇т̇амааха. д̇ат̇аа хи ‘‘зван̃жа гад̇ваа гилзсаг̇ожчагз жаа’’д̇и вуд̇д̇ам̣. д̇ассааяамад̇хиббааяо – гилзсад̣̇ваяасахид̇ассзва жид̇д̇уббаад̣̇асса абхаавзби баал̣ияам̣ д̣̇виг̇г̇ахан̣ам̣ гад̇ам̣, гилзсаанан̃жа самбхаванд̇аанам̣ саб̣б̣зсам̣ саруубзна г̇ахан̣ам̣ на гад̇анд̇и д̣̇вз д̇аяод̇и лагкан̣агаран̣анд̇и вин̃н̃ааяад̇ийд̇и.
1511. Dveti uddhaccāvijjānīvaraṇāni. Tīṇīti kāmacchandabyāpādavicikicchāsu ekekena uddhaccāvijjānīvaraṇāni. Dve vā tīṇi vāti pāḷiyaṃ vā-saddassa luttaniddiṭṭhataṃ āha. Atha vā nipātasaddasannidhānepi nāmapadādīhi eva samuccayādiattho vuccati, na nipātapadehi tesaṃ avācakattāti antarenapi nipātapadaṃ ayamattho labbhati. Tathā vacanicchāya sambhavo eva hettha pamāṇanti pāḷiyaṃ ‘‘dve tīṇī’’ti vuttaṃ. Yatthasahuppattītiādinā ‘‘dve tīṇī’’ti lakkhaṇavacananti sabbasādhāraṇamatthamāha. Tathā hi ‘‘evañca katvā kilesagocchake cā’’ti vuttaṃ. Tassāyamadhippāyo – kilesadvayasahitasseva cittuppādassa abhāvepi pāḷiyaṃ dviggahaṇaṃ kataṃ, kilesānañca sambhavantānaṃ sabbesaṃ sarūpena gahaṇaṃ na katanti dve tayoti lakkhaṇakaraṇanti viññāyatīti.
яад̣̇и саб̣б̣аагусалз уббаж̇ж̇анагассаби уд̣̇д̇хажжасса зго зва жид̇д̇уббаад̣̇о висаяабхаавзна вужжад̇и, авиж̇ж̇аанийваран̣ассаби д̇ат̇аа вад̇д̇аб̣б̣анд̇и ад̇хиббааязна ‘‘гасмаа вуд̇д̇а’’нд̇иаад̣̇инаа жод̣̇зд̇и. ид̇аро уд̣̇д̇хажжанийваран̣ассзва д̇ат̇аа вад̇д̇аб̣б̣ад̇ам̣ авиж̇ж̇аанийваран̣асса д̇ат̇аа вад̇д̇аб̣б̣ад̇аабхааван̃жа д̣̇ассзд̇ум̣ ‘‘суд̇д̇анд̇з’’д̇иаад̣̇имааха. д̇ад̇т̇а суд̇д̇анд̇з вуд̇д̇зсу бан̃жасу нийваран̣зсууд̇и уд̣̇д̇хажжасахаг̇ад̇з уд̣̇д̇хажжасса авиж̇ж̇аанийваран̣зна нийваран̣асахид̇ад̇ам̣ аасан̇гид̇ваа вуд̇д̇ам̣. нану жа суд̇д̇анд̇зби ‘‘авиж̇ж̇аанийваран̣аанам̣ сад̇д̇аана’’нд̇иаад̣̇ийсу (сам̣. ни. 2.124) авиж̇ж̇аа ‘‘нийваран̣а’’нд̇и вуд̇д̇аад̇и? сажжамзд̇ам̣, жхаанан̇г̇аанам̣ бадибагкабхаавзна бана суд̇д̇анд̇з б̣ахулам̣ гаамажчанд̣̇аад̣̇аяо бан̃жзва нийваран̣аани вуд̇д̇аанийд̇и язбхуяяавуд̇д̇ивасзна зд̇ам̣ вуд̇д̇анд̇и д̣̇адтаб̣б̣ам̣.
Yadi sabbākusale uppajjanakassapi uddhaccassa eko eva cittuppādo visayabhāvena vuccati, avijjānīvaraṇassapi tathā vattabbanti adhippāyena ‘‘kasmā vutta’’ntiādinā codeti. Itaro uddhaccanīvaraṇasseva tathā vattabbataṃ avijjānīvaraṇassa tathā vattabbatābhāvañca dassetuṃ ‘‘suttante’’tiādimāha. Tattha suttante vuttesu pañcasu nīvaraṇesūti uddhaccasahagate uddhaccassa avijjānīvaraṇena nīvaraṇasahitataṃ āsaṅkitvā vuttaṃ. Nanu ca suttantepi ‘‘avijjānīvaraṇānaṃ sattāna’’ntiādīsu (saṃ. ni. 2.124) avijjā ‘‘nīvaraṇa’’nti vuttāti? Saccametaṃ, jhānaṅgānaṃ paṭipakkhabhāvena pana suttante bahulaṃ kāmacchandādayo pañceva nīvaraṇāni vuttānīti yebhuyyavuttivasena etaṃ vuttanti daṭṭhabbaṃ.
гзжи бана ‘‘яат̇аа нигкзбаган̣д̣з гусалабадибагкабхууд̇аани д̣̇уб̣б̣алааниби нийваран̣аани бадтаанз вияа д̣̇ассид̇аани. д̇ат̇аа хи бадтаанз (бадтаа. 3.8.1) ‘нийваран̣ам̣ д̇хаммам̣ бадижжа нийваран̣о д̇хаммо уббаж̇ж̇ад̇и на бурзж̇аад̇абажжаяаа. аруубз гаамажчанд̣̇анийваран̣ам̣ бадижжа т̇инамид̣̇д̇ханийваран̣ам̣ уд̣̇д̇хажжанийваран̣а’нд̇иаад̣̇и вуд̇д̇ам̣, на звам̣ адтагат̇ааган̣д̣з. адтагат̇ааган̣д̣з бана жхаанабадибагкабхууд̇ааниязва нийваран̣аани нид̣̇д̣̇идтаанийд̇и ‘уд̣̇д̇хажжанийваран̣ам̣ уд̣̇д̇хажжасахаг̇ад̇з жид̇д̇уббаад̣̇з уббаж̇ж̇ад̇ий’д̇и вуд̇д̇ам̣. адтагат̇ааяам̣ бана уд̣̇д̇хажжанийваран̣асса гаамажчанд̣̇аад̣̇ийхи згад̇о уббад̇д̇ид̣̇ассанам̣ нигкзбаган̣д̣аанусаарзна гад̇ам̣ згад̇о уббад̇д̇ияаа бабхзд̣̇ад̣̇ассанад̇т̇ам̣. д̇ад̇т̇а хи баал̣ияам̣язва д̇аани вид̇т̇аарад̇о вуд̇д̇ааний’’д̇и вад̣̇анд̇и. аяан̃жа ваад̣̇о ‘‘уд̣̇д̇хажжанийваран̣ам̣ уд̣̇д̇хажжасахаг̇ад̇з жид̇д̇уббаад̣̇з уббаж̇ж̇ад̇ий’’д̇и ид̣̇амзва важанам̣ н̃аабаганд̇и гад̇ваа вуд̇д̇о. ан̃н̃ат̇аа авиж̇ж̇аанийваран̣ам̣ вияа вад̇д̇аб̣б̣ам̣ сияаа. на д̇и ид̇о ан̃н̃ам̣ барияудтаанабадтааяийниязва нийваран̣аани ад̇т̇уд̣̇д̇хаараган̣д̣з ад̇хиббзд̇аанийд̇и имасса ад̇т̇асса саад̇хагам̣ важанам̣ ад̇т̇и, ид̣̇ам̣ важанам̣ д̣̇взд̇ийн̣иважанасса сааман̃н̃зна саб̣б̣анийваран̣асан̇г̇аахагад̇д̇аа яат̇аавуд̇д̇аважанасса висаяависзсаббагаасанасан̇каад̇зна баяож̇ананд̇арзна вуд̇д̇абхаавасса д̣̇ассид̇ад̇д̇аа жа н̃аабагам̣ на бхавад̇ийд̇и д̣̇иссад̇и, д̇асмаа вижаарзд̇ваа г̇ахзд̇аб̣б̣ам̣.
Keci pana ‘‘yathā nikkhepakaṇḍe kusalapaṭipakkhabhūtāni dubbalānipi nīvaraṇāni paṭṭhāne viya dassitāni. Tathā hi paṭṭhāne (paṭṭhā. 3.8.1) ‘nīvaraṇaṃ dhammaṃ paṭicca nīvaraṇo dhammo uppajjati na purejātapaccayā. Arūpe kāmacchandanīvaraṇaṃ paṭicca thinamiddhanīvaraṇaṃ uddhaccanīvaraṇa’ntiādi vuttaṃ, na evaṃ aṭṭhakathākaṇḍe. Aṭṭhakathākaṇḍe pana jhānapaṭipakkhabhūtāniyeva nīvaraṇāni niddiṭṭhānīti ‘uddhaccanīvaraṇaṃ uddhaccasahagate cittuppāde uppajjatī’ti vuttaṃ. Aṭṭhakathāyaṃ pana uddhaccanīvaraṇassa kāmacchandādīhi ekato uppattidassanaṃ nikkhepakaṇḍānusārena kataṃ ekato uppattiyā pabhedadassanatthaṃ. Tattha hi pāḷiyaṃyeva tāni vitthārato vuttānī’’ti vadanti. Ayañca vādo ‘‘uddhaccanīvaraṇaṃ uddhaccasahagate cittuppāde uppajjatī’’ti idameva vacanaṃ ñāpakanti katvā vutto. Aññathā avijjānīvaraṇaṃ viya vattabbaṃ siyā. Na ti ito aññaṃ pariyuṭṭhānapaṭṭhāyīniyeva nīvaraṇāni atthuddhārakaṇḍe adhippetānīti imassa atthassa sādhakaṃ vacanaṃ atthi, idaṃ vacanaṃ dvetīṇivacanassa sāmaññena sabbanīvaraṇasaṅgāhakattā yathāvuttavacanassa visayavisesappakāsanasaṅkhātena payojanantarena vuttabhāvassa dassitattā ca ñāpakaṃ na bhavatīti dissati, tasmā vicāretvā gahetabbaṃ.
аг̇г̇ахзд̇ваад̇и яат̇ааруд̇авасзнзва ад̇т̇ам̣ аг̇г̇ахзд̇ваа яат̇аа нигкзбаган̣д̣абадтаанаад̣̇ийхи на имиссаа баал̣ияаа вирод̇хо ход̇и, звам̣ ад̇хиббааяо г̇авзсид̇аб̣б̣од̇и яат̇аавуд̇д̇амзвад̇т̇ам̣ ниг̇амзд̇и.
Aggahetvāti yathārutavaseneva atthaṃ aggahetvā yathā nikkhepakaṇḍapaṭṭhānādīhi na imissā pāḷiyā virodho hoti, evaṃ adhippāyo gavesitabboti yathāvuttamevatthaṃ nigameti.
1577. д̇зсанд̇и лобхаад̣̇ид̇о ан̃н̃зсам̣. д̣̇ассид̇аад̇и гат̇ам̣ д̣̇ассид̇аа? маано д̇аава лобхамохауд̣̇д̇хажжаахиригаанод̇д̇аббзхи, лобхамохат̇инауд̣̇д̇хажжаахиригаанод̇д̇аббзхи, д̇ат̇аа д̣̇идти, вижигижчаа мохауд̣̇д̇хажжаахиригаанод̇д̇аббзхи, т̇инам̣ лобхамохад̣̇идтиуд̣̇д̇хажжаахиригаанод̇д̇аббзхи, лобхамохамаанауд̣̇д̇хажжаахиригаанод̇д̇аббзхи, лобхамохауд̣̇д̇хажжаахиригаанод̇д̇аббзхи, д̣̇осамохауд̣̇д̇хажжаахиригаанод̇д̇аббзхи, уд̣̇д̇хажжам̣ лобхамохад̣̇идтиахиригаанод̇д̇аббзхи, лобхамохад̣̇идтит̇инаахиригаанод̇д̇аббзхи, лобхамохамаанаахиригаанод̇д̇аббзхи, лобхамохамаанат̇инаахиригаанод̇д̇аббзхи, лобхамохат̇инаахиригаанод̇д̇аббзхи, лобхамохаахиригаанод̇д̇аббзхи, д̣̇осамохаахиригаанод̇д̇аббзхи, д̣̇осамохат̇инаахиригаанод̇д̇аббзхи, мохавижигижчааахиригаанод̇д̇аббзхи, мохаахиригаанод̇д̇аббзхи згад̇о уббаж̇ж̇ад̇и.
1577. Tesanti lobhādito aññesaṃ. Dassitāti kathaṃ dassitā? Māno tāva lobhamohauddhaccaahirikānottappehi, lobhamohathinauddhaccaahirikānottappehi, tathā diṭṭhi, vicikicchā mohauddhaccaahirikānottappehi, thinaṃ lobhamohadiṭṭhiuddhaccaahirikānottappehi, lobhamohamānauddhaccaahirikānottappehi, lobhamohauddhaccaahirikānottappehi, dosamohauddhaccaahirikānottappehi, uddhaccaṃ lobhamohadiṭṭhiahirikānottappehi, lobhamohadiṭṭhithinaahirikānottappehi, lobhamohamānaahirikānottappehi, lobhamohamānathinaahirikānottappehi, lobhamohathinaahirikānottappehi, lobhamohaahirikānottappehi, dosamohaahirikānottappehi, dosamohathinaahirikānottappehi, mohavicikicchāahirikānottappehi, mohaahirikānottappehi ekato uppajjati.
яат̇аа жа уд̣̇д̇хажжам̣, звам̣ ахиригаанод̇д̇аббаани жа яож̇зд̇ваа взд̣̇ид̇аб̣б̣аани. гат̇ам̣? ахиригам̣ лобхамохад̣̇идтиуд̣̇д̇хажжаанод̇д̇аббзхи, лобхамохад̣̇идтит̇инауд̣̇д̇хажжаанод̇д̇аббзхи, лобхамохамаанауд̣̇д̇хажжаанод̇д̇аббзхи, лобхамохамаанат̇инауд̣̇д̇хажжаанод̇д̇аббзхи, лобхамохат̇инауд̣̇д̇хажжаанод̇д̇аббзхи, лобхамохауд̣̇д̇хажжаанод̇д̇аббзхи, д̣̇осамохауд̣̇д̇хажжаанод̇д̇аббзхи, д̣̇осамохат̇инауд̣̇д̇хажжаанод̇д̇аббзхи, мохавижигижчаауд̣̇д̇хажжаанод̇д̇аббзхи , мохауд̣̇д̇хажжаанод̇д̇аббзхи жа згад̇о уббаж̇ж̇ад̇и. анод̇д̇аббам̣ лобхамохад̣̇идтиуд̣̇д̇хажжаахиригзхи, лобхамохад̣̇идтит̇инауд̣̇д̇хажжаахиригзхи, лобхамохамаанауд̣̇д̇хажжаахиригзхи, лобхамохамаанат̇инауд̣̇д̇хажжаахиригзхи, лобхамохат̇инауд̣̇д̇хажжаахиригзхи, лобхамохауд̣̇д̇хажжаахиригзхи, д̣̇осамохауд̣̇д̇хажжаахиригзхи, д̣̇осамохат̇инауд̣̇д̇хажжаахиригзхи, мохавижигижчаауд̣̇д̇хажжаахиригзхи , мохауд̣̇д̇хажжаахиригзхи жа згад̇о уббаж̇ж̇ад̇ийд̇и звамзд̇т̇а маанаад̣̇ийнамби згад̇о уббад̇д̇и взд̣̇ид̇аб̣б̣аа. сзсам̣ уд̇д̇аанад̇т̇амзва.
Yathā ca uddhaccaṃ, evaṃ ahirikānottappāni ca yojetvā veditabbāni. Kathaṃ? Ahirikaṃ lobhamohadiṭṭhiuddhaccānottappehi, lobhamohadiṭṭhithinauddhaccānottappehi, lobhamohamānauddhaccānottappehi, lobhamohamānathinauddhaccānottappehi, lobhamohathinauddhaccānottappehi, lobhamohauddhaccānottappehi, dosamohauddhaccānottappehi, dosamohathinauddhaccānottappehi, mohavicikicchāuddhaccānottappehi , mohauddhaccānottappehi ca ekato uppajjati. Anottappaṃ lobhamohadiṭṭhiuddhaccāhirikehi, lobhamohadiṭṭhithinauddhaccāhirikehi, lobhamohamānauddhaccāhirikehi, lobhamohamānathinauddhaccāhirikehi, lobhamohathinauddhaccāhirikehi, lobhamohauddhaccāhirikehi, dosamohauddhaccāhirikehi, dosamohathinauddhaccāhirikehi, mohavicikicchāuddhaccāhirikehi , mohauddhaccāhirikehi ca ekato uppajjatīti evamettha mānādīnampi ekato uppatti veditabbā. Sesaṃ uttānatthameva.
адтагат̇ааган̣д̣аван̣н̣анаа нидтид̇аа.
Aṭṭhakathākaṇḍavaṇṇanā niṭṭhitā.
ид̇и д̇хаммасан̇г̇ан̣иймууладийгааяа лийнад̇т̇абад̣̇аван̣н̣анаа
Iti dhammasaṅgaṇīmūlaṭīkāya līnatthapadavaṇṇanā
д̇хаммасан̇г̇ан̣ий-анудийгаа самад̇д̇аа.
Dhammasaṅgaṇī-anuṭīkā samattā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / д̣̇угаад̇т̇уд̣̇д̇хааро • Dukaatthuddhāro
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / д̣̇угаад̇т̇уд̣̇д̇хаараван̣н̣анаа • Dukaatthuddhāravaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / д̣̇угаад̇т̇уд̣̇д̇хаараван̣н̣анаа • Dukaatthuddhāravaṇṇanā
