Library / Tipiṭaka / തിപിടക • Tipiṭaka / പഞ്ചപകരണ-അട്ഠകഥാ • Pañcapakaraṇa-aṭṭhakathā

    ൬. ദുകദുകപട്ഠാനവണ്ണനാ

    6. Dukadukapaṭṭhānavaṇṇanā

    ദുകദുകപട്ഠാനേപി ഹേതുസഹേതുകം ധമ്മം പടിച്ച ഹേതുസഹേതുകോ ധമ്മോ ഉപ്പജ്ജതി ഹേതുപച്ചയാതി പഞ്ഹുദ്ധാരവസേനേവ സങ്ഖേപതോ ദേസനാ കതാ. തത്ഥ ഹേതുദുകം സഹേതുകദുകാദീഹി, സഹേതുകദുകാദീനി ച തേന സദ്ധിം യോജിതാനി. ഏകേകം പന ദുകം സേസേഹി, സേസാ ച തേഹി സദ്ധിം പടിപാടിയാ യോജേതബ്ബാ. ഇദഞ്ഹി ദുകദുകപട്ഠാനം നാമ ‘ദുകേസുയേവ ദുകേ പക്ഖിപിത്വാ’ ദേസിതം. തേനേത്ഥ സബ്ബദുകേഹി സദ്ധിം സബ്ബദുകാനം യോജനാ വേദിതബ്ബാ. പാളി പന സങ്ഖിത്താ. യേന യേന ച പദേന സദ്ധിം യം യം പദം യോജനം ന ഗച്ഛതി, തം തം ഹാപേത്വാവ ദേസനാ കതാതി.

    Dukadukapaṭṭhānepi hetusahetukaṃ dhammaṃ paṭicca hetusahetuko dhammo uppajjati hetupaccayāti pañhuddhāravaseneva saṅkhepato desanā katā. Tattha hetudukaṃ sahetukadukādīhi, sahetukadukādīni ca tena saddhiṃ yojitāni. Ekekaṃ pana dukaṃ sesehi, sesā ca tehi saddhiṃ paṭipāṭiyā yojetabbā. Idañhi dukadukapaṭṭhānaṃ nāma ‘dukesuyeva duke pakkhipitvā’ desitaṃ. Tenettha sabbadukehi saddhiṃ sabbadukānaṃ yojanā veditabbā. Pāḷi pana saṅkhittā. Yena yena ca padena saddhiṃ yaṃ yaṃ padaṃ yojanaṃ na gacchati, taṃ taṃ hāpetvāva desanā katāti.

    ദുകദുകപട്ഠാനവണ്ണനാ.

    Dukadukapaṭṭhānavaṇṇanā.

    ഏത്താവതാ –

    Ettāvatā –

    തികഞ്ച പട്ഠാനവരം ദുകുത്തമം,

    Tikañca paṭṭhānavaraṃ dukuttamaṃ,

    ദുകം തികഞ്ചേവ തികം ദുകഞ്ച;

    Dukaṃ tikañceva tikaṃ dukañca;

    തികം തികഞ്ചേവ ദുകം ദുകഞ്ച,

    Tikaṃ tikañceva dukaṃ dukañca,

    ഛ അനുലോമമ്ഹി നയാ സുഗമ്ഭീരാതി. –

    Cha anulomamhi nayā sugambhīrāti. –

    അട്ഠകഥായം വുത്തഗാഥായ ദീപിതാ. ധമ്മാനുലോമപട്ഠാനേ ഛ നയാ നിദ്ദിട്ഠാ ഹോന്തി. പച്ചയവസേന പനേത്ഥ ഏകേകസ്മിം പട്ഠാനേ അനുലോമാദയോ ചത്താരോ ചത്താരോ നയാതി ഏകേന പരിയായേന ചതുവീസതിനയപടിമണ്ഡിതം അനുലോമപട്ഠാനംയേവ വേദിതബ്ബം.

    Aṭṭhakathāyaṃ vuttagāthāya dīpitā. Dhammānulomapaṭṭhāne cha nayā niddiṭṭhā honti. Paccayavasena panettha ekekasmiṃ paṭṭhāne anulomādayo cattāro cattāro nayāti ekena pariyāyena catuvīsatinayapaṭimaṇḍitaṃ anulomapaṭṭhānaṃyeva veditabbaṃ.





    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact