| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
д̣̇угамаад̇игаабад̣̇аван̣н̣анаа
Dukamātikāpadavaṇṇanā
1-6. самаанад̣̇зсаг̇г̇ахан̣аанам̣ згасмим̣язва вад̇т̇усмим̣ г̇ахзд̇аб̣б̣аанам̣, згавад̇т̇увисаяаанам̣ ваа. ат̇а ваа самаанад̣̇зсаанам̣ згавад̇т̇угад̇д̇аа самаанаг̇ахзд̇аб̣б̣абхааваанам̣ згуббаад̣̇ид̇од̇и ад̇т̇о. яз д̇хаммаа хзд̇усахаг̇ад̇аа, д̇з хзд̇уухи саха сан̇г̇аяханд̇и. яо жа д̇зсам̣ сахзд̇угабхааво, со сахаж̇аад̇аад̣̇ийхи хзд̇уухи гад̇од̇и гад̇ваа вуд̇д̇ам̣ ‘‘самаа…бз… саб̣бхаава’’нд̇и. аад̣̇и-сад̣̇д̣̇зна жзд̇т̇а суббад̇идтид̇абхаавасаад̇ханаад̣̇ихзд̇уб̣яаабаарз бариг̇г̇ан̣хаад̇и. згийбхаавуубаг̇амананд̇и згагалаабабхаавзна бавад̇д̇амаанаанам̣ жид̇д̇ажзд̇асигаанам̣ сам̣садтад̇ааяа самуухагханабхаавзна д̣̇увин̃н̃зяяанаанаагаран̣ад̇ам̣язва санд̇хааяа вуд̇д̇ам̣. д̇хамманаанад̇д̇аабхаавзбийд̇и сабхаавад̇т̇абхзд̣̇аабхаавзби. бад̣̇ад̇т̇анаанад̇д̇знаад̇и наанаабад̣̇аабхид̇хзяяад̇аабхзд̣̇зна. зд̇зна багааранд̇араабзгкам̣ д̣̇уганд̇араважананд̇и д̣̇ассзд̇и. анзгаббагаараа хи д̇хаммаа. д̇знзва ‘‘саб̣б̣з д̇хаммаа саб̣б̣аагаарзна б̣уд̣̇д̇хасса бхаг̇авад̇о н̃аан̣амукз аабаат̇ам̣ ааг̇ажчанд̇ий’’д̇и (махаани. 156; жуул̣ани. могхарааж̇амаан̣авабужчаанид̣̇д̣̇зса 85) вуд̇д̇ам̣. аяан̃жа ад̇т̇о д̇игзсуби д̣̇адтаб̣б̣о. язсам̣ винзяяаанам̣ язхи багаарависзсзхи д̇хаммаанам̣ вибхааванз гад̇з бадивзд̇хо ход̇и, д̇зсам̣ д̇аббагаарабхзд̣̇зхи д̇хаммаанам̣ вибхааванам̣. язсам̣ бана язна згзнзва багаарзна вибхааванз бадивзд̇хо ход̇и, д̇зсамби д̇ам̣ вад̇ваа д̇хаммиссарад̇д̇аа д̇ад̣̇ан̃н̃аниравасзсаббагааравибхааванан̃жа д̣̇зсанаавилаасод̇и ааха ‘‘д̣̇зсзд̇аб̣б̣аббагаараж̇аанана’’нд̇иаад̣̇и. нану згзна багаарзна ж̇аананд̇асса д̇ад̣̇ан̃н̃аббагааравибхааванам̣ апалам̣ ход̇ийд̇и? на ход̇и бадисамбхид̣̇ааббабхзд̣̇асса убаниссаяад̇д̇аа. д̇з багаараа зд̇зсанд̇и д̇аббагаараа, д̇аб̣бхааво д̇аббагаарад̇аа. иминаа д̇хаммаанам̣ виж̇ж̇амаанассзва багаарависзсасса вибхааванам̣ д̣̇зсанаавилаасод̇и д̣̇ассзд̇и.
1-6. Samānadesaggahaṇānaṃ ekasmiṃyeva vatthusmiṃ gahetabbānaṃ, ekavatthuvisayānaṃ vā. Atha vā samānadesānaṃ ekavatthukattā samānagahetabbabhāvānaṃ ekuppāditoti attho. Ye dhammā hetusahagatā, te hetūhi saha saṅgayhanti. Yo ca tesaṃ sahetukabhāvo, so sahajātādīhi hetūhi katoti katvā vuttaṃ ‘‘samā…pe… sabbhāva’’nti. Ādi-saddena cettha suppatiṭṭhitabhāvasādhanādihetubyāpāre pariggaṇhāti. Ekībhāvūpagamananti ekakalāpabhāvena pavattamānānaṃ cittacetasikānaṃ saṃsaṭṭhatāya samūhaghanabhāvena duviññeyyanānākaraṇataṃyeva sandhāya vuttaṃ. Dhammanānattābhāvepīti sabhāvatthabhedābhāvepi. Padatthanānattenāti nānāpadābhidheyyatābhedena. Etena pakārantarāpekkhaṃ dukantaravacananti dasseti. Anekappakārā hi dhammā. Teneva ‘‘sabbe dhammā sabbākārena buddhassa bhagavato ñāṇamukhe āpāthaṃ āgacchantī’’ti (mahāni. 156; cūḷani. mogharājamāṇavapucchāniddesa 85) vuttaṃ. Ayañca attho tikesupi daṭṭhabbo. Yesaṃ vineyyānaṃ yehi pakāravisesehi dhammānaṃ vibhāvane kate paṭivedho hoti, tesaṃ tappakārabhedehi dhammānaṃ vibhāvanaṃ. Yesaṃ pana yena ekeneva pakārena vibhāvane paṭivedho hoti, tesampi taṃ vatvā dhammissarattā tadaññaniravasesappakāravibhāvanañca desanāvilāsoti āha ‘‘desetabbappakārajānana’’ntiādi. Nanu ekena pakārena jānantassa tadaññappakāravibhāvanaṃ aphalaṃ hotīti? Na hoti paṭisambhidāppabhedassa upanissayattā. Te pakārā etesanti tappakārā, tabbhāvo tappakāratā. Iminā dhammānaṃ vijjamānasseva pakāravisesassa vibhāvanaṃ desanāvilāsoti dasseti.
ан̃н̃ад̇т̇аабийд̇и ‘‘ахзд̇угаа жзва д̇хаммаа на жа хзд̇уу’’д̇иаад̣̇ийсу. яат̇аа батамад̣̇угзгад̣̇зсз г̇ахзд̇ваа д̣̇уд̇ияад̇ад̇ияад̣̇угзхи сад̣̇д̇хим̣ чадтад̣̇уганаяз яож̇анаа ‘‘хзд̇уу д̇хаммаа сахзд̇угааби ахзд̇угаабий’’д̇иаад̣̇аяо д̇аяо д̣̇угаа лаб̣бханд̇и, звам̣ д̣̇уд̇ияад̇ад̇ияад̣̇угзгад̣̇зсз г̇ахзд̇ваа батамад̣̇угзна сад̣̇д̇хим̣ яож̇анааяа ‘‘сахзд̇угаа д̇хаммаа хзд̇ууби на хзд̇ууби, ахзд̇угаа д̇хаммаа хзд̇ууби на хзд̇ууби, хзд̇усамбаяуд̇д̇аа д̇хаммаа хзд̇ууби на хзд̇ууби, хзд̇увиббаяуд̇д̇аа д̇хаммаа хзд̇ууби на хзд̇уубий’’д̇и жад̇д̇ааро д̣̇угаа лаб̣бханд̇и, д̇з бана вуд̇д̇анаязнзва саггаа д̣̇ассзд̇унд̇и на д̣̇ассид̇аад̇и д̣̇адтаб̣б̣аа. ат̇а ваа баал̣ияам̣ вуд̇д̇зхи жад̇уд̇т̇абан̃жамзхи адтагат̇ааяам̣ д̣̇ассид̇зхи буримзхи д̣̇вийхи ниннаанаагаран̣ад̇о зд̇з на вуд̇д̇аа. саннивзсависзсамад̇д̇амзва хзд̇т̇а висзсод̇и. д̇знзва хи ниннаанад̇т̇ад̇д̇аа баал̣ияам̣ ааг̇ад̇ад̣̇угзсу яат̇аанид̣̇д̇хаарид̇ад̣̇угаанам̣ яат̇аасамбхавам̣ аварод̇ханзна авуд̇д̇ад̇ам̣ д̣̇ассзд̇ум̣ ‘‘зд̇зсу банаа’’д̇иаад̣̇имааха.
Aññatthāpīti ‘‘ahetukā ceva dhammā na ca hetū’’tiādīsu. Yathā paṭhamadukekadese gahetvā dutiyatatiyadukehi saddhiṃ chaṭṭhadukanaye yojanā ‘‘hetū dhammā sahetukāpi ahetukāpī’’tiādayo tayo dukā labbhanti, evaṃ dutiyatatiyadukekadese gahetvā paṭhamadukena saddhiṃ yojanāya ‘‘sahetukā dhammā hetūpi na hetūpi, ahetukā dhammā hetūpi na hetūpi, hetusampayuttā dhammā hetūpi na hetūpi, hetuvippayuttā dhammā hetūpi na hetūpī’’ti cattāro dukā labbhanti, te pana vuttanayeneva sakkā dassetunti na dassitāti daṭṭhabbā. Atha vā pāḷiyaṃ vuttehi catutthapañcamehi aṭṭhakathāyaṃ dassitehi purimehi dvīhi ninnānākaraṇato ete na vuttā. Sannivesavisesamattameva hettha visesoti. Teneva hi ninnānatthattā pāḷiyaṃ āgatadukesu yathāniddhāritadukānaṃ yathāsambhavaṃ avarodhanena avuttataṃ dassetuṃ ‘‘etesu panā’’tiādimāha.
ат̇а ваа ‘‘зд̇зна ваа г̇ад̇ид̣̇ассанзнаа’’д̇иаад̣̇инаа вагкамаананаязна ‘‘хзд̇уу жзва д̇хаммаа ахзд̇угаа жаа’’д̇иаад̣̇ийнам̣ самбхаванд̇аанам̣ д̣̇угаанам̣ сан̇г̇ахз сад̇и зд̇зсамби сан̇г̇ахо сияаа. яад̇о ваа д̣̇угад̇о бад̣̇ам̣ нид̣̇д̇хаарзд̇ваа д̣̇уганд̇арам̣ вужжад̇и, д̇зна сад̇и жа наанад̇д̇з д̣̇уганд̇арам̣ лаб̣бхад̇и, на жзд̇т̇а гожи висзсо яат̇аавуд̇д̇ад̣̇угзхийд̇и сам̣ван̣н̣анаасу на д̣̇ассид̇анд̇и д̣̇адтаб̣б̣ам̣. зд̇т̇а жа яат̇аа сахзд̇угад̣̇угад̇о хзд̇усамбаяуд̇д̇ад̣̇угасса, хзд̇усахзд̇угад̣̇угад̇о жа хзд̇ухзд̇усамбаяуд̇д̇ад̣̇угасса бад̣̇ад̇т̇амад̇д̇ад̇о наанад̇д̇ам̣, на сабхаавад̇т̇ад̇о. звам̣ санд̇зби сахзд̇угахзд̇усахзд̇угад̣̇угз вад̇ваа ид̇арзби вуд̇д̇аа, звам̣ хзд̇усамбаяуд̇д̇ахзд̇ухзд̇усамбаяуд̇д̇ад̣̇угаад̣̇ийхи сабхаавад̇т̇анаанад̇д̇аабхаавзби бад̣̇ад̇т̇анаанад̇д̇асамбхавад̇о д̇хамманаанад̇д̇аабхаавзби бад̣̇ад̇т̇анаанад̇д̇зна д̣̇уганд̇арам̣ вужжад̇ийд̇и вуд̇д̇ад̇д̇аа ‘‘хзд̇усахаг̇ад̇аа д̇хаммаа, на хзд̇усахаг̇ад̇аа д̇хаммаа, хзд̇усахаж̇аад̇аа д̇хаммаа, на хзд̇усахаж̇аад̇аа д̇хаммаа. хзд̇усам̣садтаа д̇хаммаа, хзд̇увисам̣садтаа д̇хаммаа. хзд̇усамудтаанаа д̇хаммаа, на хзд̇усамудтаанаа д̇хаммаа. хзд̇усахабхуно д̇хаммаа, на хзд̇усахабхуно д̇хаммаа’’д̇иаад̣̇ийнам̣, д̇ат̇аа ‘‘хзд̇уу жзва д̇хаммаа хзд̇усахаг̇ад̇аа жаа’’д̇иаад̣̇ийнам̣, ‘‘на хзд̇уу ко бана д̇хаммаа хзд̇усахаг̇ад̇ааби, на хзд̇усахаг̇ад̇аабий’’д̇иаад̣̇ийнан̃жа самбхаванд̇аанам̣ анзгзсам̣ д̣̇угаанам̣ сан̇г̇ахо анун̃н̃аад̇о вияа д̣̇иссад̇и. д̇ат̇аа хи вагкад̇и ‘‘зд̇зна ваа г̇ад̇ид̣̇ассанзнаа’’д̇иаад̣̇и. звам̣ аасаваг̇ожчагаад̣̇ийсуби аяамад̇т̇о яат̇аасамбхавам̣ вад̇д̇аб̣б̣о. д̇хаммаанам̣ ваа сабхаавагижжаад̣̇им̣ б̣од̇хзд̇аб̣б̣аагааран̃жа яаат̇аавад̇о ж̇аананд̇зна д̇хаммасааминаа яад̇д̇агаа д̣̇угаа вуд̇д̇аа, д̇ад̇д̇агзсу таад̇аб̣б̣ам̣. ад̣̇д̇хаа хи д̇з д̣̇угаа на вад̇д̇аб̣б̣аа, яз бхаг̇авад̇аа на вуд̇д̇аад̇и взд̣̇ид̇аб̣б̣ам̣. на хзд̇ухзд̇усамбаяуд̇д̇ад̣̇уго чадтад̣̇угзна ниннаанад̇т̇од̇и ад̇хиббааяо. д̇зсууд̇и батамад̣̇угад̇ад̇ияад̣̇угзсу. яад̣̇и д̣̇уганд̇арзхи д̣̇уганд̇арабад̣̇зхи жа самаанад̇т̇ад̇д̇аа зд̇зсам̣ д̣̇угаанам̣ д̣̇уганд̇арабад̣̇аанан̃жа аважанам̣ , звам̣ сад̇и чадтад̣̇угз батамабад̣̇амби на вад̇д̇аб̣б̣ам̣ жад̇уд̇т̇ад̣̇угз д̣̇уд̇ияабад̣̇зна самаанад̇т̇ад̇д̇аа. д̇ат̇аа жа чадтад̣̇угоязва на ход̇ийд̇и жод̣̇анам̣ санд̇хааяааха ‘‘жад̇уд̇т̇ад̣̇угз’’д̇иаад̣̇и. д̣̇угабууран̣ад̇т̇анд̇и ид̣̇ам̣ самаанад̇т̇ад̇ам̣язва санд̇хааяа вуд̇д̇ам̣, д̣̇зсанаависзсо бана виж̇ж̇ад̇иязва. ад̇т̇анд̇арад̇аабхаавзби багаарабхзд̣̇ахзд̇угам̣ д̣̇уганд̇араважананд̇и д̣̇ассид̇о хи аяамад̇т̇од̇и. зд̇зна г̇ад̇ид̣̇ассанзнаад̇и ад̇т̇ависзсаабхаавзби чадтад̣̇угабууран̣асан̇каад̇зна наяад̣̇ассанзна. батамад̣̇угз…бз… д̣̇ассид̇о баал̣ияам̣ вуд̇д̇зхи жад̇уд̇т̇абан̃жамзхи, адтагат̇ааяам̣ д̣̇ассид̇зхи буримзхи д̣̇вийхи, ид̇ха д̣̇ассид̇зхи жад̇уухи. д̇зсууд̇и д̣̇уд̇ияад̇ад̇ияад̣̇угзсу. батамад̣̇угабагкзбзна д̣̇ассид̇о баал̣ияам̣ чадтад̣̇угзна ид̇арад̇ра жа ид̇арад̣̇угзхийд̇и взд̣̇ид̇аб̣б̣ам̣.
Atha vā ‘‘etena vā gatidassanenā’’tiādinā vakkhamānanayena ‘‘hetū ceva dhammā ahetukā cā’’tiādīnaṃ sambhavantānaṃ dukānaṃ saṅgahe sati etesampi saṅgaho siyā. Yato vā dukato padaṃ niddhāretvā dukantaraṃ vuccati, tena sati ca nānatte dukantaraṃ labbhati, na cettha koci viseso yathāvuttadukehīti saṃvaṇṇanāsu na dassitanti daṭṭhabbaṃ. Ettha ca yathā sahetukadukato hetusampayuttadukassa, hetusahetukadukato ca hetuhetusampayuttadukassa padatthamattato nānattaṃ, na sabhāvatthato. Evaṃ santepi sahetukahetusahetukaduke vatvā itarepi vuttā, evaṃ hetusampayuttahetuhetusampayuttadukādīhi sabhāvatthanānattābhāvepi padatthanānattasambhavato dhammanānattābhāvepi padatthanānattena dukantaraṃ vuccatīti vuttattā ‘‘hetusahagatā dhammā, na hetusahagatā dhammā, hetusahajātā dhammā, na hetusahajātā dhammā. Hetusaṃsaṭṭhā dhammā, hetuvisaṃsaṭṭhā dhammā. Hetusamuṭṭhānā dhammā, na hetusamuṭṭhānā dhammā. Hetusahabhuno dhammā, na hetusahabhuno dhammā’’tiādīnaṃ, tathā ‘‘hetū ceva dhammā hetusahagatā cā’’tiādīnaṃ, ‘‘na hetū kho pana dhammā hetusahagatāpi, na hetusahagatāpī’’tiādīnañca sambhavantānaṃ anekesaṃ dukānaṃ saṅgaho anuññāto viya dissati. Tathā hi vakkhati ‘‘etena vā gatidassanenā’’tiādi. Evaṃ āsavagocchakādīsupi ayamattho yathāsambhavaṃ vattabbo. Dhammānaṃ vā sabhāvakiccādiṃ bodhetabbākārañca yāthāvato jānantena dhammasāminā yattakā dukā vuttā, tattakesu ṭhātabbaṃ. Addhā hi te dukā na vattabbā, ye bhagavatā na vuttāti veditabbaṃ. Na hetuhetusampayuttaduko chaṭṭhadukena ninnānatthoti adhippāyo. Tesūti paṭhamadukatatiyadukesu. Yadi dukantarehi dukantarapadehi ca samānatthattā etesaṃ dukānaṃ dukantarapadānañca avacanaṃ , evaṃ sati chaṭṭhaduke paṭhamapadampi na vattabbaṃ catutthaduke dutiyapadena samānatthattā. Tathā ca chaṭṭhadukoyeva na hotīti codanaṃ sandhāyāha ‘‘catutthaduke’’tiādi. Dukapūraṇatthanti idaṃ samānatthataṃyeva sandhāya vuttaṃ, desanāviseso pana vijjatiyeva. Atthantaratābhāvepi pakārabhedahetukaṃ dukantaravacananti dassito hi ayamatthoti. Etena gatidassanenāti atthavisesābhāvepi chaṭṭhadukapūraṇasaṅkhātena nayadassanena. Paṭhamaduke…pe… dassito pāḷiyaṃ vuttehi catutthapañcamehi, aṭṭhakathāyaṃ dassitehi purimehi dvīhi, idha dassitehi catūhi. Tesūti dutiyatatiyadukesu. Paṭhamadukapakkhepena dassito pāḷiyaṃ chaṭṭhadukena itaratra ca itaradukehīti veditabbaṃ.
7-13. бажжаяабхаавамад̇д̇зна…бз… ад̇т̇ид̇анд̇и зд̇зна на бадилад̣̇д̇хад̇д̇ад̇аасан̇каад̇аа сасабхаавад̇аава ад̇т̇ид̇аа, ат̇а ко бадибагкзна анирод̇хо аббахийнад̇аа анибпаад̣̇ид̇апалад̇аа гааран̣аасамуг̇гхаад̇зна паланиб̣б̣ад̇д̇анаарахад̇аа жаад̇и имамад̇т̇ам̣ д̣̇ассзд̇и. д̇ат̇аа хи ‘‘имасмим̣ сад̇и ид̣̇ам̣ ход̇ий’’д̇и зд̇т̇а ‘‘сад̇ий’’д̇и иминаа важанзна язна винаа яам̣ на ход̇и, д̇ам̣ ад̇ийд̇аад̣̇иби гааран̣ам̣ сан̇г̇ахид̇амзваад̇и. д̇знзвааха ‘‘на сахзд̇у…бз… гаалаанамзваа’’д̇и. самз…бз… д̣̇ийбзд̇и самзжжа самбхууяа бажжаязхи гад̇анд̇и сан̇кад̇анд̇и. аяамзд̇зсам̣ висзсод̇и аяам̣ бажжаяаниб̣б̣ад̇д̇аанам̣ бажжаяаванд̇ад̇аа анзгабажжаяанибпаад̣̇ид̇ад̇аа жа д̣̇угад̣̇ваяз буримабад̣̇ад̇т̇аанам̣ бхзд̣̇о, ид̇арзсам̣ бана буримабад̣̇асан̇г̇ахид̇ад̇хаммавид̇хурасабхаавад̇ааяаад̇и. авини…бз… табанад̇од̇и ‘‘зд̇д̇агаа’’д̇и бабхзд̣̇абарижчзд̣̇анид̣̇д̇хааран̣авасзна абхид̇хаммамаад̇игааяам̣ д̇хаммаанам̣ авуд̇д̇ад̇д̇аа вуд̇д̇ам̣. суд̇д̇анд̇амаад̇игааяам̣ бана нид̣̇д̇хаарид̇асаруубасан̇каависзсад̇д̇аа винижчид̇ад̇т̇абарижчзд̣̇ааязва авиж̇ж̇аад̣̇аяо вуд̇д̇аад̇и. ‘‘бат̇авийаад̣̇и рууба’’нд̇и зд̇асмим̣ ад̇т̇авигаббз анзгахзд̇угзсу жид̇д̇уббаад̣̇зсу хзд̇уунам̣ сахзд̇угабхааво вияа саб̣б̣зсам̣ бат̇авийаад̣̇ийнам̣ руубибхааво сид̣̇д̇ход̇и ааха ‘‘бурима…бз… баж̇ж̇ад̇ий’’д̇и. на хи д̇зсу нияад̇о гад̇т̇ажи сам̣саамибхаавод̇и. анижжаанубассанааяа ваа луж̇ж̇ад̇и чиж̇ж̇ад̇и винассад̇ийд̇и г̇ахзд̇аб̣б̣о логод̇и д̇ам̣г̇ахан̣арахид̇аанам̣ логуд̇д̇араанам̣ над̇т̇и логад̇аа. д̇знзваад̇и д̣̇угкасажжабхаавзна барин̃н̃зяяабхаавзнаад̇и ад̇т̇о.
7-13. Paccayabhāvamattena…pe… atthitanti etena na paṭiladdhattatāsaṅkhātā sasabhāvatāva atthitā, atha kho paṭipakkhena anirodho appahīnatā anipphāditaphalatā kāraṇāsamugghātena phalanibbattanārahatā cāti imamatthaṃ dasseti. Tathā hi ‘‘imasmiṃ sati idaṃ hotī’’ti ettha ‘‘satī’’ti iminā vacanena yena vinā yaṃ na hoti, taṃ atītādipi kāraṇaṃ saṅgahitamevāti. Tenevāha ‘‘na sahetu…pe… kālānamevā’’ti. Same…pe… dīpeti samecca sambhūya paccayehi katanti saṅkhatanti. Ayametesaṃ visesoti ayaṃ paccayanibbattānaṃ paccayavantatā anekapaccayanipphāditatā ca dukadvaye purimapadatthānaṃ bhedo, itaresaṃ pana purimapadasaṅgahitadhammavidhurasabhāvatāyāti. Avini…pe… ṭhapanatoti ‘‘ettakā’’ti pabhedaparicchedaniddhāraṇavasena abhidhammamātikāyaṃ dhammānaṃ avuttattā vuttaṃ. Suttantamātikāyaṃ pana niddhāritasarūpasaṅkhāvisesattā vinicchitatthaparicchedāyeva avijjādayo vuttāti. ‘‘Pathavīādi rūpa’’nti etasmiṃ atthavikappe anekahetukesu cittuppādesu hetūnaṃ sahetukabhāvo viya sabbesaṃ pathavīādīnaṃ rūpibhāvo siddhoti āha ‘‘purima…pe… pajjatī’’ti. Na hi tesu niyato katthaci saṃsāmibhāvoti. Aniccānupassanāya vā lujjati chijjati vinassatīti gahetabbo lokoti taṃgahaṇarahitānaṃ lokuttarānaṃ natthi lokatā. Tenevāti dukkhasaccabhāvena pariññeyyabhāvenāti attho.
д̣̇угаб̣ахуд̇аа аабаж̇ж̇ад̇ийд̇и гасмаа вуд̇д̇ам̣, нану вийсад̇и д̣̇угаа вибхад̇д̇аа, ‘‘авуд̇д̇оби яат̇аалаабхавасзна взд̣̇ид̇аб̣б̣о’’д̇и жа вагкад̇ийд̇и д̣̇угаб̣ахуд̇аа ижчид̇аа зваад̇и? сажжамзд̇ам̣, д̇ам̣язва бана д̣̇угаб̣ахуд̇ам̣ анижчанд̇о звамааха. абижа д̣̇угаб̣ахуд̇аа аабаж̇ж̇ад̇и, саа жа ко вин̃н̃аан̣абхзд̣̇аанусаариний, д̇ад̇рааби гаамааважарагусалад̇о н̃аан̣асамбаяуд̇д̇аани, д̇ат̇аа махаагирияад̇о манод̣̇ваарааваж̇ж̇ананд̇и звам̣багаараанам̣ саб̣б̣ад̇хаммаарамман̣авин̃н̃аан̣аанам̣ анаамасанад̇о на б̣яаабинийд̇и д̣̇ассзд̇и ‘‘д̣̇угаб̣ахуд̇аа’’д̇иаад̣̇инаа. аб̣яаабибхаавз бана д̣̇осам̣ д̣̇ассзнд̇о ‘‘д̇ат̇аа жа…бз… сияаа’’д̇и ааха. нид̣̇д̣̇зсзна жа вируд̣̇д̇ханд̇и ‘‘яз д̇з д̇хаммаа жагкувин̃н̃зяяаа, на д̇з д̇хаммаа сод̇авин̃н̃зяяаа’’д̇иаад̣̇инаа руубааяад̇анаад̣̇ийнам̣ бажжзгажагкувин̃н̃аан̣аад̣̇инаа гзнажи вин̃н̃зяяад̇ам̣, сод̇авин̃н̃аан̣аад̣̇инаа гзнажи навин̃н̃зяяад̇ан̃жа д̣̇ассзнд̇зна нигкзбараасинид̣̇д̣̇зсзна ‘‘д̣̇виннамби бад̣̇аанам̣ ад̇т̇анаанад̇д̇ад̇о д̣̇уго ход̇ий’’д̇и ид̣̇ам̣ важанам̣ вируд̣̇д̇хам̣, д̇ат̇аа ад̇т̇уд̣̇д̇хааранид̣̇д̣̇зсзнаби ад̇т̇ад̇о на самзд̇ийд̇и ад̇т̇о. д̇ад̇т̇аад̇и д̇ассам̣ нигкзбараасисам̣ван̣н̣анааяам̣. яо жа бадисзд̇хо гад̇о ад̇т̇анаанад̇д̇ад̇о д̣̇угам̣ д̣̇ассзд̇унд̇и ад̇хиббааяо. на хи сама…бз… сзд̇хзд̇унд̇и зд̇зна ‘‘яз д̇з д̇хаммаа жагкувин̃н̃зяяаа, на д̇з д̇хаммаа сод̇авин̃н̃зяяаа’’д̇и зд̇д̇агзсу нид̣̇д̣̇зсабад̣̇зсу д̣̇угабад̣̇ад̣̇ваяаббавад̇д̇и баал̣ид̇о зва вин̃н̃ааяад̇ийд̇и д̣̇ассзд̇и.
Dukabahutāāpajjatīti kasmā vuttaṃ, nanu vīsati dukā vibhattā, ‘‘avuttopi yathālābhavasena veditabbo’’ti ca vakkhatīti dukabahutā icchitā evāti? Saccametaṃ, taṃyeva pana dukabahutaṃ anicchanto evamāha. Apica dukabahutā āpajjati, sā ca kho viññāṇabhedānusārinī, tatrāpi kāmāvacarakusalato ñāṇasampayuttāni, tathā mahākiriyato manodvārāvajjananti evaṃpakārānaṃ sabbadhammārammaṇaviññāṇānaṃ anāmasanato na byāpinīti dasseti ‘‘dukabahutā’’tiādinā. Abyāpibhāve pana dosaṃ dassento ‘‘tathā ca…pe… siyā’’ti āha. Niddesena ca viruddhanti ‘‘ye te dhammā cakkhuviññeyyā, na te dhammā sotaviññeyyā’’tiādinā rūpāyatanādīnaṃ paccekacakkhuviññāṇādinā kenaci viññeyyataṃ, sotaviññāṇādinā kenaci naviññeyyatañca dassentena nikkheparāsiniddesena ‘‘dvinnampi padānaṃ atthanānattato duko hotī’’ti idaṃ vacanaṃ viruddhaṃ, tathā atthuddhāraniddesenapi atthato na sametīti attho. Tatthāti tassaṃ nikkheparāsisaṃvaṇṇanāyaṃ. Yo ca paṭisedho kato atthanānattato dukaṃ dassetunti adhippāyo. Na hi sama…pe… sedhetunti etena ‘‘ye te dhammā cakkhuviññeyyā, na te dhammā sotaviññeyyā’’ti ettakesu niddesapadesu dukapadadvayappavatti pāḷito eva viññāyatīti dasseti.
д̇ат̇зваад̇и убхиннам̣ гзжина-сад̣̇д̣̇аанам̣ анияамад̇о жагкусод̇аад̣̇иниссаяавохаарзна жагкусод̇авин̃н̃аан̣аад̣̇иго бхиннасабхаавоязва д̇хаммо ад̇т̇од̇и д̣̇ассанавасзна. руубааяад̇анамзва хи жагкусод̇авин̃н̃аан̣зхи вин̃н̃зяяаавин̃н̃зяяабхаавад̇о ‘‘гзнажи вин̃н̃зяяам̣ гзнажи навин̃н̃зяяа’’нд̇и жа вужжад̇ийд̇и. яад̣̇и звам̣ имасмимби багкз д̣̇угаб̣ахуд̇аа аабаж̇ж̇ад̇ийд̇и жод̣̇анам̣ манаси гад̇ваа ааха ‘‘на жзд̇т̇аа’’д̇иаад̣̇и. вин̃н̃аад̇аб̣б̣абхзд̣̇знаад̇и вин̃н̃аад̇аб̣б̣ависзсзна, вин̃н̃зяязгад̣̇зсзнаад̇и ад̇т̇о. д̣̇угабхзд̣̇од̇и д̣̇угависзсо, гзнажи вин̃н̃зяяад̣̇уго, д̇аббабхзд̣̇оязва ваа. самад̇д̇о барияад̇д̇о барибун̣н̣од̇и ад̇т̇о. яад̇д̇агаа вин̃н̃аад̇аб̣б̣аа д̇ад̇д̇агаа д̣̇угаад̇и д̣̇угабхзд̣̇аабаж̇ж̇анаббагаарад̣̇ассанам̣. зван̃жа сад̇ийд̇иаад̣̇инаа имиссаа сам̣ван̣н̣анааяа лад̣̇д̇хаг̇ун̣ам̣ д̣̇ассзд̇и. ‘‘яз д̇з д̇хаммаа жагкувин̃н̃зяяаа, на д̇з д̇хаммаа сод̇авин̃н̃зяяаа’’д̇и руубааяад̇анассзва вуд̇д̇ад̇д̇аа ад̇т̇абхзд̣̇аабхаавад̇о гат̇амаяам̣ д̣̇уго ход̇ийд̇и ааха ‘‘вин̃н̃аан̣анаанад̇д̇знаа’’д̇иаад̣̇и. яад̣̇и бана саб̣б̣авин̃н̃аад̇аб̣б̣асан̇г̇ахз д̣̇угосамад̇д̇о ход̇и, нигкзбараасинид̣̇д̣̇зсо гат̇ам̣ нийяад̇ийд̇и ааха ‘‘зд̇асса банаа’’д̇иаад̣̇и.
Tathevāti ubhinnaṃ kecina-saddānaṃ aniyamato cakkhusotādinissayavohārena cakkhusotaviññāṇādiko bhinnasabhāvoyeva dhammo atthoti dassanavasena. Rūpāyatanameva hi cakkhusotaviññāṇehi viññeyyāviññeyyabhāvato ‘‘kenaci viññeyyaṃ kenaci naviññeyya’’nti ca vuccatīti. Yadi evaṃ imasmimpi pakkhe dukabahutā āpajjatīti codanaṃ manasi katvā āha ‘‘na cetthā’’tiādi. Viññātabbabhedenāti viññātabbavisesena, viññeyyekadesenāti attho. Dukabhedoti dukaviseso, kenaci viññeyyaduko, tappabhedoyeva vā. Samatto pariyatto paripuṇṇoti attho. Yattakā viññātabbā tattakā dukāti dukabhedāpajjanappakāradassanaṃ. Evañca satītiādinā imissā saṃvaṇṇanāya laddhaguṇaṃ dasseti. ‘‘Ye te dhammā cakkhuviññeyyā, na te dhammā sotaviññeyyā’’ti rūpāyatanasseva vuttattā atthabhedābhāvato kathamayaṃ duko hotīti āha ‘‘viññāṇanānattenā’’tiādi. Yadi pana sabbaviññātabbasaṅgahe dukosamatto hoti, nikkheparāsiniddeso kathaṃ nīyatīti āha ‘‘etassa panā’’tiādi.
зд̇т̇а бана яат̇аа вин̃н̃аан̣анаанад̇д̇зна вин̃н̃аад̇аб̣б̣ам̣ бхинд̣̇ид̇ваа д̣̇угз вужжамаанз сад̇иби вин̃н̃аад̇аб̣б̣аанам̣ б̣ахубхаавз яад̇д̇агаа вин̃н̃аад̇аб̣б̣аа, д̇ад̇д̇агаа д̣̇угаад̇и над̇т̇и д̣̇угаб̣ахуд̇аа д̣̇угасан̇г̇ахид̇ад̇хаммзгад̣̇зсзсу д̣̇угабад̣̇ад̣̇ваяаббавад̇д̇ид̣̇ассанабхаавад̇о. звам̣ д̣̇виннамби бад̣̇аанам̣ ад̇т̇анаанад̇д̇зна д̣̇угз вужжамаанзби яад̇д̇агаани вин̃н̃аан̣аани, д̇ад̇д̇агаа д̣̇угаад̇и над̇т̇и д̣̇угаб̣ахуд̇аа д̣̇угасан̇г̇а…бз… бхаавад̇о зва. на хи згам̣язва вин̃н̃аан̣ам̣ ‘‘гзнажи гзнажий’’д̇и вуд̇д̇ам̣, гинд̇у абарамбийд̇и саб̣б̣авин̃н̃аан̣асан̇г̇ахз д̣̇уго самад̇д̇о ход̇и, на жа гад̇т̇ажи д̣̇угасса бажчзд̣̇о ад̇т̇и инд̣̇рияавин̃н̃аан̣аанам̣ вияа мановин̃н̃аан̣ассаби висаяасса бхиннад̇д̇аа. на хи ад̇ийд̇аарамман̣ам̣ вин̃н̃аан̣ам̣ анааг̇ад̇аад̣̇иаарамман̣ам̣ ход̇и, анааг̇ад̇аарамман̣ам̣ ваа ад̇ийд̇аад̣̇иаарамман̣ам̣, д̇асмаа яат̇аалад̣̇д̇хависзсзна висидтзсу мановин̃н̃аан̣абхзд̣̇зсу д̇асса д̇асса висаяасса ааламб̣анаанааламб̣анавасзна д̣̇угабад̣̇ад̣̇ваяаббавад̇д̇и на саггаа ниваарзд̇ум̣. д̇знзва жа адтагат̇ааяам̣ ‘‘мановин̃н̃аан̣зна бана гзнажи вин̃н̃зяяан̃жзва авин̃н̃зяяан̃жаад̇и аяамад̇т̇о ад̇т̇и, д̇асмаа со авуд̇д̇оби яат̇аалаабхавасзна взд̣̇ид̇аб̣б̣о’’д̇и бхуумибхзд̣̇авасзна яат̇аалаабхам̣ д̣̇ассзссад̇и. ‘‘вавад̇т̇аанаабхаавад̇о’’д̇и ид̣̇амби анаамадтависзсам̣ мановин̃н̃аан̣асааман̃н̃амзва г̇ахзд̇ваа вуд̇д̇ам̣. баал̣и бана инд̣̇рияавин̃н̃аан̣зхи наяад̣̇ассанавасзна ааг̇ад̇аад̇и д̣̇адтаб̣б̣ам̣. зван̃жа гад̇ваа имиссааби ад̇т̇аван̣н̣анааяа ‘‘гзнажий’’д̇и бад̣̇ам̣ анияамзна саб̣б̣авин̃н̃аан̣асан̇г̇аахаганд̇и сид̣̇д̇хам̣ ход̇и, нид̣̇д̣̇зсзна жа на гожи вирод̇хо. жагкувин̃н̃зяяанасод̇авин̃н̃зяяабхаавзхи д̣̇угабад̣̇ад̣̇ваяаббавад̇д̇и д̣̇ассид̇аа, на бана жагкувин̃н̃зяяаажагкувин̃н̃зяяабхаавзхи висзсагааран̣аабхаавад̇о. гин̃жа ‘‘яз ваа банаа’’д̇и бад̣̇анд̇арасамбин̣д̣анад̇оби ‘‘яз д̇з д̇хаммаа жагкувин̃н̃зяяаа…бз… на д̇з д̇хаммаа жагкувин̃н̃зяяаа’’д̇и (д̇ха. са. 1101) зд̇д̇аавад̇аа д̣̇угабад̣̇ад̣̇ваяаббавад̇д̇и д̣̇ассид̇аад̇и вин̃н̃ааяад̇и. бад̣̇анд̇арабхаавад̣̇ассанад̇т̇о хи язваабана-сад̣̇д̣̇о яат̇аа ‘‘яз гзжи гусалаа д̇хаммаа, саб̣б̣з д̇з гусаламуулаа. яз ваа бана гусаламуулаа, саб̣б̣з д̇з д̇хаммаа гусалаа’’д̇иаад̣̇ийсу (яама. 1.муулаяамага.1). ан̃н̃ат̇аа ‘‘яз д̇з д̇хаммаа жагкувин̃н̃зяяаа, на д̇з д̇хаммаа сод̇авин̃н̃зяяаа. яз д̇з д̇хаммаа сод̇авин̃н̃зяяаа, на д̇з д̇хаммаа жагкувин̃н̃зяяаа’’д̇и баал̣и абхависса. яам̣ бана вад̣̇анд̇и ‘‘яз д̇з д̇хаммаа жагкувин̃н̃зяяаа…бз… на д̇з д̇хаммаа жагкувин̃н̃зяяаад̇и иминаа ад̇т̇ад̇о д̣̇вз д̣̇угаа вуд̇д̇аа хонд̇ий’’д̇и, д̇ад̣̇аби жагкувин̃н̃зяяаажагкувин̃н̃зяяад̇ам̣ сод̇авин̃н̃зяяаасод̇авин̃н̃зяяад̇ан̃жа санд̇хааяа вуд̇д̇ам̣, на бана ‘‘жагкувин̃н̃зяяанасод̇авин̃н̃зяяад̇ам̣ сод̇авин̃н̃зяяанажагкувин̃н̃зяяад̇ан̃жаа’’д̇и д̣̇адтаб̣б̣ам̣. зд̇зна баал̣ибадисзд̇ханан̃жа ниваарид̇ам̣ д̣̇адтаб̣б̣ам̣ бадисзд̇ханассзва абхаавад̇о. д̇ат̇аа яасса аарамман̣асса виж̇аананабхаавзна яо ад̇т̇о вужжамаано анияамад̣̇ассанад̇т̇ам̣ ‘‘гзнажий’’д̇и вуд̇д̇о, соязва д̇ад̇о ан̃н̃асса авиж̇аананабхаавзна вужжамаано анияамад̣̇ассанад̇т̇ам̣ буна ‘‘гзнажий’’д̇и вуд̇д̇од̇и д̇ад̣̇ад̇т̇ад̣̇ассанз д̇знзваад̇и аяам̣ бад̣̇ад̇т̇о на самбхавад̇ийд̇и на саггаа вад̇д̇унд̇и. звамзд̇т̇а яат̇аа адтагат̇аа авадтид̇аа, д̇ат̇аа ад̇т̇о яуж̇ж̇ад̇ийд̇и взд̣̇ид̇аб̣б̣ам̣.
Ettha pana yathā viññāṇanānattena viññātabbaṃ bhinditvā duke vuccamāne satipi viññātabbānaṃ bahubhāve yattakā viññātabbā, tattakā dukāti natthi dukabahutā dukasaṅgahitadhammekadesesu dukapadadvayappavattidassanabhāvato. Evaṃ dvinnampi padānaṃ atthanānattena duke vuccamānepi yattakāni viññāṇāni, tattakā dukāti natthi dukabahutā dukasaṅga…pe… bhāvato eva. Na hi ekaṃyeva viññāṇaṃ ‘‘kenaci kenacī’’ti vuttaṃ, kintu aparampīti sabbaviññāṇasaṅgahe duko samatto hoti, na ca katthaci dukassa pacchedo atthi indriyaviññāṇānaṃ viya manoviññāṇassapi visayassa bhinnattā. Na hi atītārammaṇaṃ viññāṇaṃ anāgatādiārammaṇaṃ hoti, anāgatārammaṇaṃ vā atītādiārammaṇaṃ, tasmā yathāladdhavisesena visiṭṭhesu manoviññāṇabhedesu tassa tassa visayassa ālambanānālambanavasena dukapadadvayappavatti na sakkā nivāretuṃ. Teneva ca aṭṭhakathāyaṃ ‘‘manoviññāṇena pana kenaci viññeyyañceva aviññeyyañcāti ayamattho atthi, tasmā so avuttopi yathālābhavasena veditabbo’’ti bhūmibhedavasena yathālābhaṃ dassessati. ‘‘Vavatthānābhāvato’’ti idampi anāmaṭṭhavisesaṃ manoviññāṇasāmaññameva gahetvā vuttaṃ. Pāḷi pana indriyaviññāṇehi nayadassanavasena āgatāti daṭṭhabbaṃ. Evañca katvā imissāpi atthavaṇṇanāya ‘‘kenacī’’ti padaṃ aniyamena sabbaviññāṇasaṅgāhakanti siddhaṃ hoti, niddesena ca na koci virodho. Cakkhuviññeyyanasotaviññeyyabhāvehi dukapadadvayappavatti dassitā, na pana cakkhuviññeyyācakkhuviññeyyabhāvehi visesakāraṇābhāvato. Kiñca ‘‘ye vā panā’’ti padantarasampiṇḍanatopi ‘‘ye te dhammā cakkhuviññeyyā…pe… na te dhammā cakkhuviññeyyā’’ti (dha. sa. 1101) ettāvatā dukapadadvayappavatti dassitāti viññāyati. Padantarabhāvadassanattho hi yevāpana-saddo yathā ‘‘ye keci kusalā dhammā, sabbe te kusalamūlā. Ye vā pana kusalamūlā, sabbe te dhammā kusalā’’tiādīsu (yama. 1.mūlayamaka.1). Aññathā ‘‘ye te dhammā cakkhuviññeyyā, na te dhammā sotaviññeyyā. Ye te dhammā sotaviññeyyā, na te dhammā cakkhuviññeyyā’’ti pāḷi abhavissa. Yaṃ pana vadanti ‘‘ye te dhammā cakkhuviññeyyā…pe… na te dhammā cakkhuviññeyyāti iminā atthato dve dukā vuttā hontī’’ti, tadapi cakkhuviññeyyācakkhuviññeyyataṃ sotaviññeyyāsotaviññeyyatañca sandhāya vuttaṃ, na pana ‘‘cakkhuviññeyyanasotaviññeyyataṃ sotaviññeyyanacakkhuviññeyyatañcā’’ti daṭṭhabbaṃ. Etena pāḷipaṭisedhanañca nivāritaṃ daṭṭhabbaṃ paṭisedhanasseva abhāvato. Tathā yassa ārammaṇassa vijānanabhāvena yo attho vuccamāno aniyamadassanatthaṃ ‘‘kenacī’’ti vutto, soyeva tato aññassa avijānanabhāvena vuccamāno aniyamadassanatthaṃ puna ‘‘kenacī’’ti vuttoti tadatthadassane tenevāti ayaṃ padattho na sambhavatīti na sakkā vattunti. Evamettha yathā aṭṭhakathā avaṭṭhitā, tathā attho yujjatīti veditabbaṃ.
14-19. санд̇аанасса аж̇ан̃н̃амалийнабхаавагаран̣ад̇о ган̣хагаммавибаагахзд̇уд̇о жа абарисуд̣̇д̇хад̇д̇аа ‘‘асужибхаавзна санд̣̇анд̇ий’’д̇и вуд̇д̇ам̣. д̇ад̇т̇аад̇и ван̣з. баг̇гхаран̣ага…бз… сад̣̇д̣̇од̇и зд̇зна аасаво вияа аасавод̇и аяамби ад̇т̇о д̣̇ассид̇од̇и д̣̇адтаб̣б̣ам̣. г̇од̇рабху…бз… вуд̇д̇аанийд̇и зд̇зна г̇од̇рабхуг̇г̇ахан̣ам̣ убалагкан̣ам̣ яат̇аа ‘‘гаагзхи сабби рагкид̇аб̣б̣а’’нд̇и д̣̇ассзд̇и. г̇од̇рабхусад̣̇исаа г̇од̇рабхууд̇и бана ад̇т̇з сад̇и г̇ун̣аббад̇хаанад̇т̇аанам̣ згзна сад̣̇д̣̇зна аважанийяад̇д̇аа вод̣̇аанаад̣̇аяова вуд̇д̇аа бхавзяяум̣. ат̇а ваа г̇од̇рабхууд̇и згасзсзна сааман̃н̃зна ваа аяам̣ нид̣̇д̣̇зсод̇и взд̣̇ид̇аб̣б̣ам̣. абхивид̇хивисаяам̣ авад̇хинд̇и вибхад̇д̇им̣ барин̣аамзд̇ваа вад̇д̇аб̣б̣ам̣.
14-19. Santānassa ajaññamalīnabhāvakaraṇato kaṇhakammavipākahetuto ca aparisuddhattā ‘‘asucibhāvena sandantī’’ti vuttaṃ. Tatthāti vaṇe. Paggharaṇaka…pe… saddoti etena āsavo viya āsavoti ayampi attho dassitoti daṭṭhabbaṃ. Gotrabhu…pe… vuttānīti etena gotrabhuggahaṇaṃ upalakkhaṇaṃ yathā ‘‘kākehi sappi rakkhitabba’’nti dasseti. Gotrabhusadisā gotrabhūti pana atthe sati guṇappadhānatthānaṃ ekena saddena avacanīyattā vodānādayova vuttā bhaveyyuṃ. Atha vā gotrabhūti ekasesena sāmaññena vā ayaṃ niddesoti veditabbaṃ. Abhividhivisayaṃ avadhinti vibhattiṃ pariṇāmetvā vattabbaṃ.
самбаяуд̇д̇зхи аасавзхи д̇ам̣сахид̇ад̇аа аасавасахид̇ад̇аа. ид̣̇ам̣ вуд̇д̇ам̣ ход̇и – яат̇аа сахзд̇угаанам̣ самбаяуд̇д̇зхи хзд̇уухи сахзд̇угад̇аа, на звам̣ саасаваад̇и вуд̇д̇ад̇хаммаанам̣ самбаяуд̇д̇зхи аасавзхи саасавад̇аа, ат̇а ко виббаяуд̇д̇зхийд̇и. д̣̇уганд̇арз авуд̇д̇абад̣̇абхаавоязвзд̇т̇а д̣̇угаяож̇анааяа н̃ааяааг̇ад̇ад̇аа. яад̣̇и звам̣ хзд̇уг̇ожчагз гат̇анд̇и ааха ‘‘хзд̇уг̇ожчагз банаа’’д̇иаад̣̇и. батамз д̣̇угз д̣̇уд̇ияасса багкзбз згод̇и жад̇уд̇т̇ад̣̇угамааха. батамз д̣̇угз д̇ад̇ияасса багкзбз д̣̇взд̇и ‘‘аасаваа жзва д̇хаммаа аасававиббаяуд̇д̇аа жа, аасававиббаяуд̇д̇аа жзва д̇хаммаа но жа аасаваа’’д̇и иминаа сад̣̇д̇хим̣ бан̃жамад̣̇угамааха. батамасса д̣̇уд̇ияз д̣̇угз багкзбз згод̇и ‘‘но аасаваа д̇хаммаа саасавааби анаасаваабий’’д̇и аяамзго. д̇ад̇ияз батамасса багкзбз д̣̇взд̇и ‘‘аасаваа д̇хаммаа аасавасамбаяуд̇д̇ааби аасававиббаяуд̇д̇ааби, но аасаваад̇хаммаа аасавасамбаяуд̇д̇ааби аасававиббаяуд̇д̇аабий’’д̇и имз д̣̇вз. д̇ад̇ияз д̣̇уд̇ияасса багкзбз згод̇и ‘‘саасаваа д̇хаммаа аасавасамбаяуд̇д̇ааби аасававиббаяуд̇д̇аабий’’д̇и зго. д̣̇уд̇ияз д̇ад̇ияасса багкзбз згод̇и чадтад̣̇угамааха. д̇ийхийд̇и жад̇уд̇т̇абан̃жамачадтзхи. ид̇арзд̇и д̇ад̣̇авасидтаа бан̃жа. д̇з бана батамз д̇ад̇ияад̣̇угад̣̇уд̇ияабад̣̇абагкзбз зго, д̣̇уд̇ияз батамад̣̇угад̣̇уд̇ияабад̣̇абагкзбз зго, д̇ад̇ияз батамасса згзгабад̣̇абагкзбз д̣̇вз, д̇ад̇ияз д̣̇уд̇ияад̣̇угабатамабад̣̇абагкзбз згод̇и звам̣ взд̣̇ид̇аб̣б̣аа. ‘‘саасаваа д̇хаммаа аасавааби но аасавааби. аасавасамбаяуд̇д̇аа д̇хаммаа аасавааби но аасавааби. аасававиббаяуд̇д̇аа д̇хаммаа аасавааби но аасаваабий’’д̇и зд̇зсамби, ‘‘аасавасахаг̇ад̇аа д̇хаммаа но аасавасахаг̇ад̇аа д̇хаммаа’’д̇и звамаад̣̇ийнан̃жа аг̇г̇ахан̣з гааран̣ам̣ г̇ахан̣анаяо жа буб̣б̣з вуд̇д̇анаязнзва взд̣̇ид̇аб̣б̣ам̣.
Sampayuttehi āsavehi taṃsahitatā āsavasahitatā. Idaṃ vuttaṃ hoti – yathā sahetukānaṃ sampayuttehi hetūhi sahetukatā, na evaṃ sāsavāti vuttadhammānaṃ sampayuttehi āsavehi sāsavatā, atha kho vippayuttehīti. Dukantare avuttapadabhāvoyevettha dukayojanāya ñāyāgatatā. Yadi evaṃ hetugocchake kathanti āha ‘‘hetugocchake panā’’tiādi. Paṭhame duke dutiyassa pakkhepe ekoti catutthadukamāha. Paṭhame duke tatiyassa pakkhepe dveti ‘‘āsavā ceva dhammā āsavavippayuttā ca, āsavavippayuttā ceva dhammā no ca āsavā’’ti iminā saddhiṃ pañcamadukamāha. Paṭhamassa dutiye duke pakkhepe ekoti ‘‘no āsavā dhammā sāsavāpi anāsavāpī’’ti ayameko. Tatiye paṭhamassa pakkhepe dveti ‘‘āsavā dhammā āsavasampayuttāpi āsavavippayuttāpi, no āsavādhammā āsavasampayuttāpi āsavavippayuttāpī’’ti ime dve. Tatiye dutiyassa pakkhepe ekoti ‘‘sāsavā dhammā āsavasampayuttāpi āsavavippayuttāpī’’ti eko. Dutiye tatiyassa pakkhepe ekoti chaṭṭhadukamāha. Tīhīti catutthapañcamachaṭṭhehi. Itareti tadavasiṭṭhā pañca. Te pana paṭhame tatiyadukadutiyapadapakkhepe eko, dutiye paṭhamadukadutiyapadapakkhepe eko, tatiye paṭhamassa ekekapadapakkhepe dve, tatiye dutiyadukapaṭhamapadapakkhepe ekoti evaṃ veditabbā. ‘‘Sāsavā dhammā āsavāpi no āsavāpi. Āsavasampayuttā dhammā āsavāpi no āsavāpi. Āsavavippayuttā dhammā āsavāpi no āsavāpī’’ti etesampi, ‘‘āsavasahagatā dhammā no āsavasahagatā dhammā’’ti evamādīnañca aggahaṇe kāraṇaṃ gahaṇanayo ca pubbe vuttanayeneva veditabbaṃ.
зса наяод̇и яо зса батамад̣̇угз д̣̇уд̇ияад̣̇угабагкзбаад̣̇иго убааяо ид̇ха аасаваг̇ожчагз вуд̇д̇о, зса наяо сам̣яож̇анаг̇ожчагаад̣̇ийсу д̣̇уганд̇аранид̣̇д̇хааран̣зд̇и ад̇т̇о. д̇ад̇т̇а баал̣ияам̣ анааг̇ад̇ад̣̇угаа сам̣яож̇анаг̇ожчагз д̇аава ‘‘сам̣яож̇анаа жзва д̇хаммаа сам̣яож̇анавиббаяуд̇д̇аа жа, сам̣яож̇анавиббаяуд̇д̇аа жзва д̇хаммаа но жа сам̣яож̇анаа, сам̣яож̇анаа д̇хаммаа сам̣яож̇анасамбаяуд̇д̇ааби сам̣яож̇анавиббаяуд̇д̇ааби, но сам̣яож̇анаа д̇хаммаа сам̣яож̇анасамбаяуд̇д̇ааби сам̣яож̇анавиббаяуд̇д̇ааби, но сам̣яож̇анаа д̇хаммаа сам̣яож̇анияааби асам̣яож̇анияааби, сам̣яож̇анияаа д̇хаммаа сам̣яож̇анасамбаяуд̇д̇ааби сам̣яож̇анавиббаяуд̇д̇аабий’’д̇и бан̃жа. звам̣ г̇ант̇аогхаяог̇аубаад̣̇аанаг̇ожчагзсу бажжзгам̣ бан̃жа. нийваран̣аг̇ожчагз бана нийваран̣аанам̣ нийваран̣авиббаяуд̇д̇абхааваабхаавад̇о ‘‘но нийваран̣аа д̇хаммаа нийваран̣ияааби анийваран̣ияааби, но нийваран̣аа д̇хаммаа нийваран̣асамбаяуд̇д̇ааби нийваран̣авиббаяуд̇д̇ааби, нийваран̣ияаа д̇хаммаа нийваран̣асамбаяуд̇д̇ааби нийваран̣авиббаяуд̇д̇аабий’’д̇и д̇аяо. д̇ат̇аа бараамаасаг̇ожчагз ‘‘но бараамаасаа д̇хаммаа бараамадтааби абараамадтааби, но бараамаасаа д̇хаммаа бараамаасасамбаяуд̇д̇ааби бараамаасавиббаяуд̇д̇ааби, бараамадтаа д̇хаммаа бараамаасасамбаяуд̇д̇ааби бараамаасавиббаяуд̇д̇аабий’’д̇и. гилзсаг̇ожчагз ‘‘но гилзсаа д̇хаммаа сам̣гилзсигааби асам̣гилзсигааби, но гилзсаа д̇хаммаа сам̣гилидтааби асам̣гилидтааби, но гилзсаа д̇хаммаа гилзсасамбаяуд̇д̇ааби гилзсавиббаяуд̇д̇ааби, сам̣гилзсигаа д̇хаммаа сам̣гилидтааби асам̣гилидтааби, сам̣гилзсигаа д̇хаммаа гилзсасамбаяуд̇д̇ааби гилзсавиббаяуд̇д̇ааби, асам̣гилидтаа д̇хаммаа сам̣гилзсигааби асам̣гилзсигаабий’’д̇и ча д̣̇угаад̇и звам̣ взд̣̇ид̇аб̣б̣аа. сзсам̣ вуд̇д̇анаяамзва.
Esanayoti yo esa paṭhamaduke dutiyadukapakkhepādiko upāyo idha āsavagocchake vutto, esa nayo saṃyojanagocchakādīsu dukantaraniddhāraṇeti attho. Tattha pāḷiyaṃ anāgatadukā saṃyojanagocchake tāva ‘‘saṃyojanā ceva dhammā saṃyojanavippayuttā ca, saṃyojanavippayuttā ceva dhammā no ca saṃyojanā, saṃyojanā dhammā saṃyojanasampayuttāpi saṃyojanavippayuttāpi, no saṃyojanā dhammā saṃyojanasampayuttāpi saṃyojanavippayuttāpi, no saṃyojanā dhammā saṃyojaniyāpi asaṃyojaniyāpi, saṃyojaniyā dhammā saṃyojanasampayuttāpi saṃyojanavippayuttāpī’’ti pañca. Evaṃ ganthaoghayogaupādānagocchakesu paccekaṃ pañca. Nīvaraṇagocchake pana nīvaraṇānaṃ nīvaraṇavippayuttabhāvābhāvato ‘‘no nīvaraṇā dhammā nīvaraṇiyāpi anīvaraṇiyāpi, no nīvaraṇā dhammā nīvaraṇasampayuttāpi nīvaraṇavippayuttāpi, nīvaraṇiyā dhammā nīvaraṇasampayuttāpi nīvaraṇavippayuttāpī’’ti tayo. Tathā parāmāsagocchake ‘‘no parāmāsā dhammā parāmaṭṭhāpi aparāmaṭṭhāpi, no parāmāsā dhammā parāmāsasampayuttāpi parāmāsavippayuttāpi, parāmaṭṭhā dhammā parāmāsasampayuttāpi parāmāsavippayuttāpī’’ti. Kilesagocchake ‘‘no kilesā dhammā saṃkilesikāpi asaṃkilesikāpi, no kilesā dhammā saṃkiliṭṭhāpi asaṃkiliṭṭhāpi, no kilesā dhammā kilesasampayuttāpi kilesavippayuttāpi, saṃkilesikā dhammā saṃkiliṭṭhāpi asaṃkiliṭṭhāpi, saṃkilesikā dhammā kilesasampayuttāpi kilesavippayuttāpi, asaṃkiliṭṭhā dhammā saṃkilesikāpi asaṃkilesikāpī’’ti cha dukāti evaṃ veditabbā. Sesaṃ vuttanayameva.
20-25. бажжаяабхаавзнаад̇и сам̣яож̇анад̇т̇ам̣ д̣̇ассзд̇и. яат̇аасагам̣ бажжаяабхааво зва хи гаамарааг̇аад̣̇ийнам̣ ваддасам̣яож̇ананд̇и. яад̣̇и звам̣ гат̇ам̣ гаамарааг̇аад̣̇ийнам̣язва сам̣яож̇анабхаавод̇и ааха ‘‘сад̇ибий’’д̇иаад̣̇и. ан̃н̃зсанд̇и сам̣яож̇анзхи ан̃н̃зсам̣ гилзсаабхисан̇каараад̣̇ийнам̣. д̇аббажжаяабхаавзд̇и д̇зсам̣ гилзсагаммавибаагаваддаанам̣ бажжаяабхаавз. орамбхааг̇ияуд̣̇д̇хам̣бхааг̇ияабхаавзна сан̇г̇ахид̇аа барижчиннаа ора…бз… сан̇г̇ахид̇аа, д̇зхи гаамарааг̇аад̣̇ийхи висзсабажжаяабхууд̇зхи. гаамагаммабхаваад̣̇ийнам̣ гаамуубабад̇д̇ибхаваад̣̇инибпаад̣̇анзби нияамод̇и гад̇ваа ааха ‘‘д̇ам̣д̇ам̣…бз… ход̇ий’’д̇и. д̇зна сам̣яож̇анаанам̣ бхаавз яат̇аавуд̇д̇анияамаанам̣ гаммуубабад̇д̇ибхаваанам̣ бхаавам̣ д̣̇ассзд̇ваа д̇ад̣̇абхаавз абхаавам̣ д̣̇ассзнд̇о ‘‘на жаа’’д̇иаад̣̇имааха. б̣анд̇ханам̣ асзрибхаавагаран̣ам̣ анд̣̇уб̣анд̇ханаад̣̇аяо вияа. г̇ант̇агаран̣ам̣ аважчиннад̇аагаран̣ам̣. жаггалагам̣ баад̣̇абун̃чанараж̇ж̇уман̣д̣алам̣. на жод̣̇зд̇аб̣б̣анд̇и бан̃н̃аажагкунаа бажураж̇анасса бассид̇ум̣ асаггун̣зяяад̇д̇аа яат̇аавуд̇д̇ависзсасса сад̣̇д̇хзяяад̇ам̣ ааха. д̇ивид̇хо хи ад̇т̇о гожи бажжагкасид̣̇д̇хо яо руубаад̣̇ид̇хаммаанам̣ бажжад̇д̇авзд̣̇анийяо анид̣̇д̣̇исид̇аб̣б̣аагааро, саб̣б̣ад̇хаммаанам̣ сабхаавалагкан̣анд̇и вуд̇д̇ам̣ ход̇и. гожи анумаанасид̣̇д̇хо яо гхадаад̣̇ийсу бадаад̣̇ийсу жа басид̣̇д̇хзна бажжаяааяад̇д̇абхаавзна гхадабада-сад̣̇д̣̇аад̣̇ийнам̣ анижжад̇аад̣̇иаагааро, гожи огаббанасид̣̇д̇хо яо бажураж̇анасса ажжанд̇амад̣̇идто сад̣̇д̇хаависаяо саг̇г̇аниб̣б̣аанаад̣̇и. д̇ад̇т̇а яасса сад̇т̇уно важанам̣ бажжагкасид̣̇д̇хз анумаанасид̣̇д̇хз жа ад̇т̇з на висам̣ваад̣̇зд̇и авибарийд̇аббавад̇д̇ияаа, д̇асса важанзна сад̣̇д̇хзяяад̇т̇асид̣̇д̇хийд̇и д̇ат̇ааруубо жа бхаг̇аваад̇и ‘‘д̇хаммаанам̣ сабхаава…бз… на жод̣̇зд̇аб̣б̣а’’нд̇и вуд̇д̇ам̣. зса наяо ид̇о барзсуби зваруубзсу.
20-25. Paccayabhāvenāti saṃyojanatthaṃ dasseti. Yathāsakaṃ paccayabhāvo eva hi kāmarāgādīnaṃ vaṭṭasaṃyojananti. Yadi evaṃ kathaṃ kāmarāgādīnaṃyeva saṃyojanabhāvoti āha ‘‘satipī’’tiādi. Aññesanti saṃyojanehi aññesaṃ kilesābhisaṅkhārādīnaṃ. Tappaccayabhāveti tesaṃ kilesakammavipākavaṭṭānaṃ paccayabhāve. Orambhāgiyuddhaṃbhāgiyabhāvena saṅgahitā paricchinnā ora…pe… saṅgahitā, tehi kāmarāgādīhi visesapaccayabhūtehi. Kāmakammabhavādīnaṃ kāmūpapattibhavādinipphādanepi niyamoti katvā āha ‘‘taṃtaṃ…pe… hotī’’ti. Tena saṃyojanānaṃ bhāve yathāvuttaniyamānaṃ kammūpapattibhavānaṃ bhāvaṃ dassetvā tadabhāve abhāvaṃ dassento ‘‘na cā’’tiādimāha. Bandhanaṃ aseribhāvakaraṇaṃ andubandhanādayo viya. Ganthakaraṇaṃ avacchinnatākaraṇaṃ. Cakkalakaṃ pādapuñchanarajjumaṇḍalaṃ. Na codetabbanti paññācakkhunā pacurajanassa passituṃ asakkuṇeyyattā yathāvuttavisesassa saddheyyataṃ āha. Tividho hi attho koci paccakkhasiddho yo rūpādidhammānaṃ paccattavedanīyo aniddisitabbākāro, sabbadhammānaṃ sabhāvalakkhaṇanti vuttaṃ hoti. Koci anumānasiddho yo ghaṭādīsu paṭādīsu ca pasiddhena paccayāyattabhāvena ghaṭapaṭa-saddādīnaṃ aniccatādiākāro, koci okappanasiddho yo pacurajanassa accantamadiṭṭho saddhāvisayo sagganibbānādi. Tattha yassa satthuno vacanaṃ paccakkhasiddhe anumānasiddhe ca atthe na visaṃvādeti aviparītappavattiyā, tassa vacanena saddheyyatthasiddhīti tathārūpo ca bhagavāti ‘‘dhammānaṃ sabhāva…pe… na codetabba’’nti vuttaṃ. Esa nayo ito paresupi evarūpesu.
26-37. яат̇аа сарабхзхи ад̇иггамид̇аб̣б̣аа баб̣б̣ад̇арааж̇и сарабханияаа, звам̣ огханияаад̇и сад̣̇д̣̇асид̣̇д̇хийд̇и ааха ‘‘д̇знаа’’д̇иаад̣̇и.
26-37. Yathā sarabhehi atikkamitabbā pabbatarāji sarabhaniyā, evaṃ oghaniyāti saddasiddhīti āha ‘‘tenā’’tiādi.
50-54. вибариязсаг̇г̇аахо бараамасананд̇и ‘‘барад̇о’’д̇и зд̇т̇а на д̇хаммасабхаавад̇о ан̃н̃ат̇аамад̇д̇ам̣ баранд̇и ад̇хиббзд̇ам̣, ат̇а ко д̇аб̣б̣ибарияааяод̇и ааха ‘‘барад̇од̇и нижжаад̣̇ид̇о’’д̇и.
50-54. Vipariyesaggāho parāmasananti ‘‘parato’’ti ettha na dhammasabhāvato aññathāmattaṃ paranti adhippetaṃ, atha kho tabbipariyāyoti āha ‘‘paratoti niccādito’’ti.
55-68. яад̣̇и сабхаавад̇о авиж̇ж̇амаанам̣, гат̇амаарамман̣абхаавод̇и ааха ‘‘вижид̇д̇асан̃н̃ааяа сан̃н̃ид̇а’’нд̇и, баригаббанаамад̇д̇асид̣̇д̇ханд̇и ад̇т̇о. д̣̇увин̃н̃зяяанаанад̇д̇ад̇ааяа ниранд̇арабхаавуубаг̇аманам̣ сам̣садтабхаавод̇и ‘‘сувин̃н̃зяяанаанад̇д̇ад̇д̇аа на сам̣садтад̇аа’’д̇и вуд̇д̇ам̣. д̇зсам̣ аруубагканд̇хаанам̣. ид̇арзхи руубаниб̣б̣аанзхи. гим̣ бана гааран̣ам̣ самаануббаад̣̇анирод̇хаанам̣ згагалаабабхууд̇аанам̣ аруубад̇хаммаанамзва ан̃н̃аман̃н̃ам̣ сам̣садтад̇аа вужжад̇и, на бана д̇ат̇аабхууд̇аанамби руубад̇хаммаананд̇и ааха ‘‘зса хи д̇зсам̣ сабхааво’’д̇и. д̇зна яад̣̇иби гзжи аруубад̇хаммаа висум̣ аарамман̣ам̣ хонд̇и, д̣̇анд̇хаббавад̇д̇игад̇д̇аа бана руубад̇хаммаанам̣язва сувин̃н̃зяяанаанад̇д̇ам̣, на аруубад̇хаммаананд̇и д̇зсам̣ сам̣садтабхааво д̇ад̣̇абхааво жа ид̇арзсам̣ сабхаавасид̣̇д̇ход̇и д̣̇ассзд̇и. самуухагханад̇ааяа ваа д̣̇уб̣б̣ибхааг̇ад̇арад̇д̇аа над̇т̇и аруубад̇хаммаанам̣ висум̣ аарамман̣абхаавод̇и д̣̇увин̃н̃зяяанаанад̇д̇ад̇д̇аа д̇зсам̣язва сам̣садтад̇аа. амун̃жид̇ваа д̇ад̣̇ад̇хийнавуд̇д̇ид̇ааяа г̇ахзд̇аб̣б̣ад̇о б̣уд̣̇д̇хияаа.
55-68. Yadi sabhāvato avijjamānaṃ, kathamārammaṇabhāvoti āha ‘‘vicittasaññāya saññita’’nti, parikappanāmattasiddhanti attho. Duviññeyyanānattatāya nirantarabhāvūpagamanaṃ saṃsaṭṭhabhāvoti ‘‘suviññeyyanānattattā na saṃsaṭṭhatā’’ti vuttaṃ. Tesaṃ arūpakkhandhānaṃ. Itarehi rūpanibbānehi. Kiṃ pana kāraṇaṃ samānuppādanirodhānaṃ ekakalāpabhūtānaṃ arūpadhammānameva aññamaññaṃ saṃsaṭṭhatā vuccati, na pana tathābhūtānampi rūpadhammānanti āha ‘‘esa hi tesaṃ sabhāvo’’ti. Tena yadipi keci arūpadhammā visuṃ ārammaṇaṃ honti, dandhappavattikattā pana rūpadhammānaṃyeva suviññeyyanānattaṃ, na arūpadhammānanti tesaṃ saṃsaṭṭhabhāvo tadabhāvo ca itaresaṃ sabhāvasiddhoti dasseti. Samūhaghanatāya vā dubbibhāgatarattā natthi arūpadhammānaṃ visuṃ ārammaṇabhāvoti duviññeyyanānattattā tesaṃyeva saṃsaṭṭhatā. Amuñcitvā tadadhīnavuttitāya gahetabbato buddhiyā.
83-100. гаамад̇ан̣хаа гаамо уд̇д̇арабад̣̇алобзна яат̇аа руубабхаво руубам̣. звам̣ сзсзсуби. аарамман̣агаран̣авасзнаад̇и зд̇зна гаамаруубааруубад̇ан̣хаанам̣ висаяабхааво яат̇ааггамам̣ гаамаруубааруубааважарад̇ааяа гааран̣анд̇и д̣̇ассзд̇и. авассан̃жзд̇амзвам̣ самбадижчид̇аб̣б̣ам̣, ан̃н̃ат̇аа гаамааважараад̣̇ибхааво абарибун̣н̣ависаяо сияаа. яад̣̇и хи ааламб̣ид̇аб̣б̣ад̇хаммавасзна бхуумибарижчзд̣̇о, звам̣ сад̇и анаарамман̣аанам̣ сан̇г̇ахо на сияаа. ат̇а вибаагад̣̇аанавасзна, звамби авибаагаанам̣ сан̇г̇ахо на сияаа, д̇асмаа аарамман̣агаран̣авасзна барияаабаннаанам̣ бхуумибарижчзд̣̇о гаад̇аб̣б̣о. зван̃хи сад̇и гаамааважараад̣̇ибхааво барибун̣н̣ависаяо сияаа. д̇знзвааха ‘‘зван̃хи сад̇ий’’д̇иаад̣̇и. абарияаабаннаанам̣ бана логад̇о уд̇д̇ин̣н̣абхаавзна ануд̇д̇арабхуумид̇аа. агаамааважараад̣̇ид̇аа наабаж̇ж̇ад̇ийд̇и аб̣яаабид̇ад̣̇осам̣ барихарад̇и, гаамааважараад̣̇ид̇аа наабаж̇ж̇ад̇ийд̇и ад̇иб̣яаабид̇ад̣̇осам̣. нану жа имасмим̣ багкз гаамад̇ан̣хаа гад̇амаа, гаамааважарад̇хаммаарамман̣аа д̇ан̣хаа, гаамааважарад̇хаммаа гад̇амз, гаамад̇ан̣хаависаяаад̇и ид̇арийд̇араниссаяад̇аа д̣̇осод̇и? на, авийжиаад̣̇изгаад̣̇асогаасаниннад̇ааяа гин̃жи д̇ан̣хам̣ гаамад̇ан̣хаабхаавзна г̇ахзд̇ваа д̇ам̣сабхаавааяа висаяабхаавзна гаамааважарад̇хаммаанам̣ убалагкзд̇аб̣б̣ад̇д̇аа.
83-100. Kāmataṇhā kāmo uttarapadalopena yathā rūpabhavo rūpaṃ. Evaṃ sesesupi. Ārammaṇakaraṇavasenāti etena kāmarūpārūpataṇhānaṃ visayabhāvo yathākkamaṃ kāmarūpārūpāvacaratāya kāraṇanti dasseti. Avassañcetamevaṃ sampaṭicchitabbaṃ, aññathā kāmāvacarādibhāvo aparipuṇṇavisayo siyā. Yadi hi ālambitabbadhammavasena bhūmiparicchedo, evaṃ sati anārammaṇānaṃ saṅgaho na siyā. Atha vipākadānavasena, evampi avipākānaṃ saṅgaho na siyā, tasmā ārammaṇakaraṇavasena pariyāpannānaṃ bhūmiparicchedo kātabbo. Evañhi sati kāmāvacarādibhāvo paripuṇṇavisayo siyā. Tenevāha ‘‘evañhi satī’’tiādi. Apariyāpannānaṃ pana lokato uttiṇṇabhāvena anuttarabhūmitā. Akāmāvacarāditā nāpajjatīti abyāpitadosaṃ pariharati, kāmāvacarāditā nāpajjatīti atibyāpitadosaṃ. Nanu ca imasmiṃ pakkhe kāmataṇhā katamā, kāmāvacaradhammārammaṇā taṇhā, kāmāvacaradhammā katame, kāmataṇhāvisayāti itarītaranissayatā dosoti? Na, avīciādiekādasokāsaninnatāya kiñci taṇhaṃ kāmataṇhābhāvena gahetvā taṃsabhāvāya visayabhāvena kāmāvacaradhammānaṃ upalakkhetabbattā.
ид̣̇аани яат̇аавуд̇д̇амад̇т̇ам̣ баатзна самад̇т̇знд̇о ‘‘нигкзбаган̣д̣збий’’д̇иаад̣̇имааха. д̇ад̇т̇а хи гаамад̇ан̣хааяа ааламб̣ид̇аб̣б̣ад̇д̇аа гаамад̇хаад̇убарияаабаннад̇хаммаа жа гаамабхавасан̇каад̇з гаамз ог̇аал̣хаа худ̇ваа жаранд̇и, наан̃н̃ад̇т̇аад̇и зд̇т̇ааважараад̇и вуд̇д̇анд̇и. висзсад̇т̇инаа висзсо анубаяуж̇ж̇ад̇ийд̇и имамад̇т̇ам̣ д̣̇ассзнд̇о ааха ‘‘логасса васзна барияаабаннанижчаяад̇о’’д̇и. д̇зна логияад̇хаммзсу барияаабанна-сад̣̇д̣̇асса нирул̣хад̇ам̣ д̣̇ассзд̇и бхаг̇авад̇о д̇ад̣̇ужжааран̣аананд̇арам̣ винзяяаанам̣ д̇ад̣̇ад̇т̇абадибад̇д̇ид̇о. барижчзд̣̇агаабзгкаа барижчиннад̇аад̇и ‘‘барижчзд̣̇агааригааяа д̇ан̣хааяаа’’д̇и вуд̇д̇ам̣. саа хи д̇хаммаанам̣ гаамааважараад̣̇ибхаавам̣ барижчинд̣̇ад̇и. бари-сад̣̇д̣̇о жзд̇т̇а ‘‘убаад̣̇иннаа’’д̇иаад̣̇ийсу уба-сад̣̇д̣̇о вияа сасаад̇ханам̣ гирияам̣ д̣̇ийбзд̇ийд̇и аяамад̇т̇о вуд̇д̇од̇и д̣̇адтаб̣б̣ам̣.
Idāni yathāvuttamatthaṃ pāṭhena samatthento ‘‘nikkhepakaṇḍepī’’tiādimāha. Tattha hi kāmataṇhāya ālambitabbattā kāmadhātupariyāpannadhammā ca kāmabhavasaṅkhāte kāme ogāḷhā hutvā caranti, nāññatthāti etthāvacarāti vuttanti. Visesatthinā viseso anupayujjatīti imamatthaṃ dassento āha ‘‘lokassa vasena pariyāpannanicchayato’’ti. Tena lokiyadhammesu pariyāpanna-saddassa niruḷhataṃ dasseti bhagavato taduccāraṇānantaraṃ vineyyānaṃ tadatthapaṭipattito. Paricchedakāpekkhā paricchinnatāti ‘‘paricchedakārikāya taṇhāyā’’ti vuttaṃ. Sā hi dhammānaṃ kāmāvacarādibhāvaṃ paricchindati. Pari-saddo cettha ‘‘upādinnā’’tiādīsu upa-saddo viya sasādhanaṃ kiriyaṃ dīpetīti ayamattho vuttoti daṭṭhabbaṃ.
нияяаанагаран̣асийлаа нияяаанигаа яат̇аа ‘‘абуубабхагканасийло аабуубиго’’д̇и, нияяаанасийлаа зва ваа. рааг̇ад̣̇осамохаава г̇ахид̇аад̇и н̃ааяад̇и, ид̇арат̇аа бахаанзгадтад̇ааважанам̣ ниббаяож̇анам̣ сияаа. ‘‘ран̣охад̇аа на ж̇од̇анд̇и, жанд̣̇асуурияаа сад̇аарагаа’’д̇иаад̣̇ийсу ран̣а-сад̣̇д̣̇асса рзн̣убарияааяад̇аа д̣̇адтаб̣б̣аа. самбахаарабарияааяад̇д̇аа яуд̣̇д̇ха-сад̣̇д̣̇асса самбахааро жа бахарид̇аб̣б̣аад̇хаарод̇и агусаласзнаава ‘‘саран̣аа’’д̇и вуд̇д̇аа. д̣̇угкаад̣̇ийнанд̇и палабхууд̇аанам̣ д̣̇угкавигхаад̇аубааяаасабарил̣аахаанам̣ сабхааг̇абхууд̇ааяа жа мижчаабадибад̣̇ааяа. д̇анниб̣б̣ад̇д̇агасабхааваанам̣ агусалаананд̇и зд̇зна саб̣б̣зсамби агусалаанам̣ саран̣ад̇ам̣ д̣̇ассзд̇и.
Niyyānakaraṇasīlā niyyānikā yathā ‘‘apūpabhakkhanasīlo āpūpiko’’ti, niyyānasīlā eva vā. Rāgadosamohāva gahitāti ñāyati, itarathā pahānekaṭṭhatāvacanaṃ nippayojanaṃ siyā. ‘‘Raṇohatā na jotanti, candasūriyā satārakā’’tiādīsu raṇa-saddassa reṇupariyāyatā daṭṭhabbā. Sampahārapariyāyattā yuddha-saddassa sampahāro ca paharitabbādhāroti akusalasenāva ‘‘saraṇā’’ti vuttā. Dukkhādīnanti phalabhūtānaṃ dukkhavighātaupāyāsapariḷāhānaṃ sabhāgabhūtāya ca micchāpaṭipadāya. Tannibbattakasabhāvānaṃ akusalānanti etena sabbesampi akusalānaṃ saraṇataṃ dasseti.
абхид̇хаммад̣̇угамаад̇игаабад̣̇аван̣н̣анаа нидтид̇аа.
Abhidhammadukamātikāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / 2. д̣̇угамаад̇игаа • 2. Dukamātikā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / д̣̇угамаад̇игаабад̣̇аван̣н̣анаа • Dukamātikāpadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / д̣̇угамаад̇игаабад̣̇аван̣н̣анаа • Dukamātikāpadavaṇṇanā
