| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. д̣̇угкасуд̇д̇ам̣
3. Dukkhasuttaṃ
43. саавад̇т̇ияам̣ вихарад̇и…бз… ‘‘д̣̇угкасса , бхигкавз, самуд̣̇аяан̃жа ад̇т̇ан̇г̇аман̃жа д̣̇зсзссаами. д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
43. Sāvatthiyaṃ viharati…pe… ‘‘dukkhassa , bhikkhave, samudayañca atthaṅgamañca desessāmi. Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
‘‘гад̇амо жа, бхигкавз, д̣̇угкасса самуд̣̇аяо? жагкун̃жа бадижжа руубз жа уббаж̇ж̇ад̇и жагкувин̃н̃аан̣ам̣. д̇ин̣н̣ам̣ сан̇г̇ад̇и пассо. пассабажжаяаа взд̣̇анаа; взд̣̇анаабажжаяаа д̇ан̣хаа. аяам̣ ко, бхигкавз, д̣̇угкасса самуд̣̇аяо.
‘‘Katamo ca, bhikkhave, dukkhassa samudayo? Cakkhuñca paṭicca rūpe ca uppajjati cakkhuviññāṇaṃ. Tiṇṇaṃ saṅgati phasso. Phassapaccayā vedanā; vedanāpaccayā taṇhā. Ayaṃ kho, bhikkhave, dukkhassa samudayo.
‘‘сод̇ан̃жа бадижжа сад̣̇д̣̇з жа уббаж̇ж̇ад̇и сод̇авин̃н̃аан̣ам̣…бз… гхаанан̃жа бадижжа г̇анд̇хз жа…бз… ж̇ивхан̃жа бадижжа расз жа…бз… гааяан̃жа бадижжа подтаб̣б̣з жа…бз… манан̃жа бадижжа д̇хаммз жа уббаж̇ж̇ад̇и мановин̃н̃аан̣ам̣. д̇ин̣н̣ам̣ сан̇г̇ад̇и пассо. пассабажжаяаа взд̣̇анаа; взд̣̇анаабажжаяаа д̇ан̣хаа. аяам̣ ко, бхигкавз, д̣̇угкасса самуд̣̇аяо.
‘‘Sotañca paṭicca sadde ca uppajjati sotaviññāṇaṃ…pe… ghānañca paṭicca gandhe ca…pe… jivhañca paṭicca rase ca…pe… kāyañca paṭicca phoṭṭhabbe ca…pe… manañca paṭicca dhamme ca uppajjati manoviññāṇaṃ. Tiṇṇaṃ saṅgati phasso. Phassapaccayā vedanā; vedanāpaccayā taṇhā. Ayaṃ kho, bhikkhave, dukkhassa samudayo.
‘‘гад̇амо жа, бхигкавз, д̣̇угкасса ад̇т̇ан̇г̇амо? жагкун̃жа бадижжа руубз жа уббаж̇ж̇ад̇и жагкувин̃н̃аан̣ам̣. д̇ин̣н̣ам̣ сан̇г̇ад̇и пассо. пассабажжаяаа взд̣̇анаа; взд̣̇анаабажжаяаа д̇ан̣хаа. д̇ассааязва д̇ан̣хааяа асзсавирааг̇анирод̇хаа убаад̣̇аананирод̇хо; убаад̣̇аананирод̇хаа бхаванирод̇хо; бхаванирод̇хаа ж̇аад̇инирод̇хо; ж̇аад̇инирод̇хаа ж̇араамаран̣ам̣ согабарид̣̇звад̣̇угкад̣̇оманассубааяаасаа нируж̇жханд̇и. звамзд̇асса гзваласса д̣̇угкагканд̇хасса нирод̇хо ход̇и. аяам̣ ко, бхигкавз, д̣̇угкасса ад̇т̇ан̇г̇амо.
‘‘Katamo ca, bhikkhave, dukkhassa atthaṅgamo? Cakkhuñca paṭicca rūpe ca uppajjati cakkhuviññāṇaṃ. Tiṇṇaṃ saṅgati phasso. Phassapaccayā vedanā; vedanāpaccayā taṇhā. Tassāyeva taṇhāya asesavirāganirodhā upādānanirodho; upādānanirodhā bhavanirodho; bhavanirodhā jātinirodho; jātinirodhā jarāmaraṇaṃ sokaparidevadukkhadomanassupāyāsā nirujjhanti. Evametassa kevalassa dukkhakkhandhassa nirodho hoti. Ayaṃ kho, bhikkhave, dukkhassa atthaṅgamo.
‘‘сод̇ан̃жа бадижжа сад̣̇д̣̇з жа уббаж̇ж̇ад̇и сод̇авин̃н̃аан̣ам̣…бз… гхаанан̃жа бадижжа г̇анд̇хз жа…бз… ж̇ивхан̃жа бадижжа расз жа…бз… гааяан̃жа бадижжа подтаб̣б̣з жа…бз… манан̃жа бадижжа д̇хаммз жа уббаж̇ж̇ад̇и мановин̃н̃аан̣ам̣. д̇ин̣н̣ам̣ сан̇г̇ад̇и пассо. пассабажжаяаа взд̣̇анаа; взд̣̇анаабажжаяаа д̇ан̣хаа. д̇ассааязва д̇ан̣хааяа асзсавирааг̇анирод̇хаа убаад̣̇аананирод̇хо; убаад̣̇аананирод̇хаа бхаванирод̇хо; бхаванирод̇хаа ж̇аад̇инирод̇хо; ж̇аад̇инирод̇хаа ж̇араамаран̣ам̣ согабарид̣̇звад̣̇угкад̣̇оманассубааяаасаа нируж̇жханд̇и. звамзд̇асса гзваласса д̣̇угкагканд̇хасса нирод̇хо ход̇и. аяам̣ ко, бхигкавз, д̣̇угкасса ад̇т̇ан̇г̇амо’’д̇и. д̇ад̇ияам̣.
‘‘Sotañca paṭicca sadde ca uppajjati sotaviññāṇaṃ…pe… ghānañca paṭicca gandhe ca…pe… jivhañca paṭicca rase ca…pe… kāyañca paṭicca phoṭṭhabbe ca…pe… manañca paṭicca dhamme ca uppajjati manoviññāṇaṃ. Tiṇṇaṃ saṅgati phasso. Phassapaccayā vedanā; vedanāpaccayā taṇhā. Tassāyeva taṇhāya asesavirāganirodhā upādānanirodho; upādānanirodhā bhavanirodho; bhavanirodhā jātinirodho; jātinirodhā jarāmaraṇaṃ sokaparidevadukkhadomanassupāyāsā nirujjhanti. Evametassa kevalassa dukkhakkhandhassa nirodho hoti. Ayaṃ kho, bhikkhave, dukkhassa atthaṅgamo’’ti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. д̣̇угкасуд̇д̇аван̣н̣анаа • 3. Dukkhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. д̣̇угкасуд̇д̇аван̣н̣анаа • 3. Dukkhasuttavaṇṇanā
