1. д̣̇угкавихаарасуд̇д̇аван̣н̣анаа

1. Dukkhavihārasuttavaṇṇanā

28. д̣̇уганибаад̇асса батамз д̣̇вийхийд̇и г̇ан̣анабарижчзд̣̇о. д̇хаммзхийд̇и барижчиннад̇хамманид̣̇ассанам̣. д̣̇вийхи д̇хаммзхийд̇и д̣̇вийхи агусалад̇хаммзхи. саманнааг̇ад̇од̇и яуд̇д̇о. д̣̇идтзва д̇хаммзд̇и имасмим̣язва ад̇д̇абхаавз. д̣̇угкам̣ вихарад̇ийд̇и жад̇уусуби ирияаабат̇зсу гилзсад̣̇угкзна жзва гааяигажзд̇асигад̣̇угкзна жа д̣̇угкам̣ вихарад̇и. савигхаад̇анд̇и жид̇д̇уубагхаад̇зна жзва гааяуубагхаад̇зна жа савигхаад̇ам̣. саубааяаасанд̇и гилзсуубааяаасзна жзва сарийракзд̣̇зна жа б̣алаваааяаасавасзна саубааяаасам̣. сабарил̣ааханд̇и гилзсабарил̣аахзна жзва гааяабарил̣аахзна жа сабарил̣аахам̣. гааяасса бхзд̣̇аад̇и убаад̣̇иннагканд̇хабарижжааг̇аа. барам̣ маран̣аад̇и д̇ад̣̇ананд̇арам̣ абхиниб̣б̣ад̇д̇агканд̇хаг̇г̇ахан̣з. ат̇а ваа гааяасса бхзд̣̇аад̇и ж̇ийвид̇инд̣̇рияубажчзд̣̇аа. барам̣ маран̣аад̇и жуд̇ид̇о уд̣̇д̇хам̣. д̣̇уг̇г̇ад̇и баадиган̇каад̇и д̣̇уг̇г̇ад̇исан̇каад̇аанам̣ жад̇уннам̣ абааяаанам̣ ан̃н̃ад̇араа г̇ад̇и ижчид̇аб̣б̣аа, авассам̣бхаавинийд̇и ад̇т̇о.

28. Dukanipātassa paṭhame dvīhīti gaṇanaparicchedo. Dhammehīti paricchinnadhammanidassanaṃ. Dvīhi dhammehīti dvīhi akusaladhammehi. Samannāgatoti yutto. Diṭṭheva dhammeti imasmiṃyeva attabhāve. Dukkhaṃ viharatīti catūsupi iriyāpathesu kilesadukkhena ceva kāyikacetasikadukkhena ca dukkhaṃ viharati. Savighātanti cittūpaghātena ceva kāyūpaghātena ca savighātaṃ. Saupāyāsanti kilesūpāyāsena ceva sarīrakhedena ca balavaāyāsavasena saupāyāsaṃ. Sapariḷāhanti kilesapariḷāhena ceva kāyapariḷāhena ca sapariḷāhaṃ. Kāyassa bhedāti upādinnakkhandhapariccāgā. Paraṃ maraṇāti tadanantaraṃ abhinibbattakkhandhaggahaṇe. Atha vā kāyassa bhedāti jīvitindriyupacchedā. Paraṃ maraṇāti cutito uddhaṃ. Duggati pāṭikaṅkhāti duggatisaṅkhātānaṃ catunnaṃ apāyānaṃ aññatarā gati icchitabbā, avassaṃbhāvinīti attho.

аг̇уд̇д̇ад̣̇ваарод̇и абихид̇ад̣̇вааро. гад̇т̇а бана аг̇уд̇д̇ад̣̇ваарод̇и ааха ‘‘инд̣̇риязсуу’’д̇и. д̇зна манажчадтаанам̣ инд̣̇рияаанам̣ асам̣варамааха. бадиг̇г̇ахан̣абарибхог̇авасзна бхож̇анз мад̇д̇ам̣ на ж̇аанаад̇ийд̇и бхож̇анз амад̇д̇ан̃н̃уу. ‘‘инд̣̇риязсу аг̇уд̇д̇ад̣̇ваарад̇ааяа бхож̇анз амад̇д̇ан̃н̃уд̇ааяаа’’д̇иби батанд̇и.

Aguttadvāroti apihitadvāro. Kattha pana aguttadvāroti āha ‘‘indriyesū’’ti. Tena manacchaṭṭhānaṃ indriyānaṃ asaṃvaramāha. Paṭiggahaṇaparibhogavasena bhojane mattaṃ na jānātīti bhojane amattaññū. ‘‘Indriyesu aguttadvāratāya bhojane amattaññutāyā’’tipi paṭhanti.

гат̇ам̣ инд̣̇риязсу аг̇уд̇д̇ад̣̇ваарад̇аа, гат̇ам̣ ваа г̇уд̇д̇ад̣̇ваарад̇аад̇и? гин̃жааби хи жагкунд̣̇рияз сам̣варо ваа асам̣варо ваа над̇т̇и. на хи жагкубасаад̣̇ам̣ ниссааяа сад̇и ваа мудтассажжам̣ ваа уббаж̇ж̇ад̇и. абижа яад̣̇аа руубаарамман̣ам̣ жагкусса аабаат̇ам̣ ааг̇ажчад̇и, д̇ад̣̇аа бхаван̇г̇з д̣̇вигкад̇д̇ум̣ уббаж̇ж̇ид̇ваа нируд̣̇д̇хз гирияааманод̇хаад̇у ааваж̇ж̇анагижжам̣ саад̇хаяамаанаа уббаж̇ж̇ид̇ваа нируж̇жхад̇и, д̇ад̇о жагкувин̃н̃аан̣ам̣ д̣̇ассанагижжам̣, д̇ад̇о вибаагаманод̇хаад̇у самбадижчанагижжам̣, д̇ад̇о вибаагаахзд̇угамановин̃н̃аан̣ад̇хаад̇у санд̇ийран̣агижжам̣, д̇ад̇о гирияаахзд̇угамановин̃н̃аан̣ад̇хаад̇у водтаб̣б̣анагижжам̣ саад̇хаяамаанаа уббаж̇ж̇ид̇ваа нируж̇жхад̇и, д̇ад̣̇ананд̇арам̣ ж̇аванам̣ ж̇авад̇и. д̇ат̇ааби нзва бхаван̇г̇асамаяз, на ааваж̇ж̇анаад̣̇ийнам̣ ан̃н̃ад̇арасамаяз сам̣варо ваа асам̣варо ваа ад̇т̇и, ж̇аванагкан̣з бана сажз д̣̇уссийляам̣ ваа мудтассажжам̣ ваа ан̃н̃аан̣ам̣ ваа агканд̇и ваа госаж̇ж̇ам̣ ваа уббаж̇ж̇ад̇и, асам̣варо ход̇и. звам̣ хонд̇оби со ‘‘жагкуд̣̇ваарз асам̣варо’’д̇и вужжад̇и. гасмаа? яасмаа д̇асмим̣ сад̇и д̣̇ваарамби аг̇уд̇д̇ам̣ ход̇и бхаван̇г̇амби ааваж̇ж̇анаад̣̇ийни вийт̇ижид̇д̇ааниби. яат̇аа гим̣? яат̇аа наг̇арз жад̇уусу д̣̇ваарзсу асам̣вуд̇зсу гин̃жааби анд̇огхарад̣̇ваарагодтагаг̇аб̣бхаад̣̇аяо сусам̣вуд̇аа д̇ат̇ааби анд̇онаг̇арз саб̣б̣ам̣ бхан̣д̣ам̣ арагкид̇ам̣ аг̇обид̇амзва ход̇и. наг̇арад̣̇ваарзхи бависид̇ваа жораа яад̣̇ижчанд̇и, д̇ам̣ харзяяум̣. звамзва ж̇аванз д̣̇уссийляаад̣̇ийсу уббаннзсу д̇асмим̣ асам̣варз сад̇ид̣̇ваарамби аг̇уд̇д̇ам̣ ход̇и, бхаван̇г̇амби ааваж̇ж̇анаад̣̇ийни вийт̇ижид̇д̇ааниби. д̇асмим̣ бана асад̇и ж̇аванз сийлаад̣̇ийсу уббаннзсу д̣̇ваарамби г̇уд̇д̇ам̣ ход̇и бхаван̇г̇амби ааваж̇ж̇анаад̣̇ийни вийт̇ижид̇д̇ааниби. яат̇аа гим̣? яат̇аа наг̇арад̣̇ваарзсу сам̣вуд̇зсу гин̃жааби анд̇огхарад̣̇ваараад̣̇аяо асам̣вуд̇аа, д̇ат̇ааби анд̇онаг̇арз саб̣б̣ам̣ бхан̣д̣ам̣ сурагкид̇ам̣ суг̇обид̇амзва ход̇и. наг̇арад̣̇ваарзсу хи бихид̇зсу жораанам̣ бавзсо над̇т̇и. звамзва ж̇аванз сийлаад̣̇ийсу уббаннзсу д̣̇ваарамби г̇уд̇д̇ам̣ ход̇и, бхаван̇г̇амби, ааваж̇ж̇анаад̣̇ийни вийт̇ижид̇д̇ааниби. д̇асмаа ж̇аванагкан̣з уббаж̇ж̇амааноби ‘‘жагкуд̣̇ваарз сам̣варо’’д̇и вужжад̇и. сзсад̣̇ваарзсуби зсзва наяо. звам̣ инд̣̇риязсу аг̇уд̇д̇ад̣̇ваарад̇аа, г̇уд̇д̇ад̣̇ваарад̇аа жа взд̣̇ид̇аб̣б̣аа.

Kathaṃ indriyesu aguttadvāratā, kathaṃ vā guttadvāratāti? Kiñcāpi hi cakkhundriye saṃvaro vā asaṃvaro vā natthi. Na hi cakkhupasādaṃ nissāya sati vā muṭṭhassaccaṃ vā uppajjati. Apica yadā rūpārammaṇaṃ cakkhussa āpāthaṃ āgacchati, tadā bhavaṅge dvikkhattuṃ uppajjitvā niruddhe kiriyāmanodhātu āvajjanakiccaṃ sādhayamānā uppajjitvā nirujjhati, tato cakkhuviññāṇaṃ dassanakiccaṃ, tato vipākamanodhātu sampaṭicchanakiccaṃ, tato vipākāhetukamanoviññāṇadhātu santīraṇakiccaṃ, tato kiriyāhetukamanoviññāṇadhātu voṭṭhabbanakiccaṃ sādhayamānā uppajjitvā nirujjhati, tadanantaraṃ javanaṃ javati. Tathāpi neva bhavaṅgasamaye, na āvajjanādīnaṃ aññatarasamaye saṃvaro vā asaṃvaro vā atthi, javanakkhaṇe pana sace dussīlyaṃ vā muṭṭhassaccaṃ vā aññāṇaṃ vā akkhanti vā kosajjaṃ vā uppajjati, asaṃvaro hoti. Evaṃ hontopi so ‘‘cakkhudvāre asaṃvaro’’ti vuccati. Kasmā? Yasmā tasmiṃ sati dvārampi aguttaṃ hoti bhavaṅgampi āvajjanādīni vīthicittānipi. Yathā kiṃ? Yathā nagare catūsu dvāresu asaṃvutesu kiñcāpi antogharadvārakoṭṭhakagabbhādayo susaṃvutā tathāpi antonagare sabbaṃ bhaṇḍaṃ arakkhitaṃ agopitameva hoti. Nagaradvārehi pavisitvā corā yadicchanti, taṃ hareyyuṃ. Evameva javane dussīlyādīsu uppannesu tasmiṃ asaṃvare satidvārampi aguttaṃ hoti, bhavaṅgampi āvajjanādīni vīthicittānipi. Tasmiṃ pana asati javane sīlādīsu uppannesu dvārampi guttaṃ hoti bhavaṅgampi āvajjanādīni vīthicittānipi. Yathā kiṃ? Yathā nagaradvāresu saṃvutesu kiñcāpi antogharadvārādayo asaṃvutā, tathāpi antonagare sabbaṃ bhaṇḍaṃ surakkhitaṃ sugopitameva hoti. Nagaradvāresu hi pihitesu corānaṃ paveso natthi. Evameva javane sīlādīsu uppannesu dvārampi guttaṃ hoti, bhavaṅgampi, āvajjanādīni vīthicittānipi. Tasmā javanakkhaṇe uppajjamānopi ‘‘cakkhudvāre saṃvaro’’ti vuccati. Sesadvāresupi eseva nayo. Evaṃ indriyesu aguttadvāratā, guttadvāratā ca veditabbā.

гат̇ам̣ бана бхож̇анз амад̇д̇ан̃н̃уу, гат̇ам̣ ваа мад̇д̇ан̃н̃ууд̇и ? яо хи буг̇г̇ало махижчо худ̇ваа бадиг̇г̇ахан̣з мад̇д̇ам̣ на ж̇аанаад̇и. махижчабуг̇г̇ало хи яат̇аа наама гажчабудаваан̣иж̇о бил̣анд̇ханабхан̣д̣агам̣ хад̇т̇зна г̇ахзд̇ваа ужчан̇г̇зби багкибид̇аб̣б̣аяуд̇д̇агам̣ багкибид̇ваа махааж̇анасса бассанд̇ассзва ‘‘асугам̣ г̇ан̣хат̇а, асугам̣ г̇ан̣хат̇аа’’д̇и мукзна уг̇гхосзд̇и, звамзва аббамад̇д̇агамби ад̇д̇ано сийлам̣ ваа г̇ант̇ам̣ ваа д̇худ̇ан̇г̇аг̇ун̣ам̣ ваа анд̇амасо аран̃н̃аваасамад̇д̇агамби махааж̇анасса ж̇аананд̇ассзва самбхаавзд̇и, самбхаавзд̇ваа жа бана сагадзхиби убанийд̇з бажжаяз ‘‘ала’’нд̇и авад̇ваа бадиг̇г̇ан̣хаад̇и. д̇аяо хи буурзд̇ум̣ на саггаа аг̇г̇и убаад̣̇аанзна, самуд̣̇д̣̇о уд̣̇агзна, махижчо бажжаязхийд̇и –

Kathaṃ pana bhojane amattaññū, kathaṃ vā mattaññūti ? Yo hi puggalo mahiccho hutvā paṭiggahaṇe mattaṃ na jānāti. Mahicchapuggalo hi yathā nāma kacchapuṭavāṇijo piḷandhanabhaṇḍakaṃ hatthena gahetvā ucchaṅgepi pakkhipitabbayuttakaṃ pakkhipitvā mahājanassa passantasseva ‘‘asukaṃ gaṇhatha, asukaṃ gaṇhathā’’ti mukhena ugghoseti, evameva appamattakampi attano sīlaṃ vā ganthaṃ vā dhutaṅgaguṇaṃ vā antamaso araññavāsamattakampi mahājanassa jānantasseva sambhāveti, sambhāvetvā ca pana sakaṭehipi upanīte paccaye ‘‘ala’’nti avatvā paṭiggaṇhāti. Tayo hi pūretuṃ na sakkā aggi upādānena, samuddo udakena, mahiccho paccayehīti –

‘‘аг̇г̇игканд̇хо самуд̣̇д̣̇о жа, махижчо жааби буг̇г̇ало;

‘‘Aggikkhandho samuddo ca, mahiccho cāpi puggalo;

б̣ахугз бажжаяз д̣̇иннз, д̇аяобзд̇з на буураязд̇и’’.

Bahuke paccaye dinne, tayopete na pūrayeti’’.

махижчабуг̇г̇ало хи виж̇аад̇амаад̇уяааби манам̣ г̇ан̣хид̇ум̣ на саггод̇и. зваруубо хи ануббаннам̣ лаабхам̣ на уббаад̣̇зд̇и, уббанналаабхад̇о жа барихааяад̇и. звам̣ д̇аава бадиг̇г̇ахан̣з амад̇д̇ан̃н̃уу ход̇и. яо бана д̇хаммзна самзна лад̣̇д̇хамби аахаарам̣ г̇ад̇хид̇о мужчид̇о аж̇жхобанно анаад̣̇ийнавад̣̇ассаавий аниссаран̣абан̃н̃о аахарахад̇т̇агаалам̣саадагад̇ад̇т̇аваддагагаагамаасагабхуд̇д̇авамид̇агаб̣раахман̣аанам̣ ан̃н̃ад̇аро вияа аяонисо анубааязна яаавад̣̇ад̇т̇ам̣ уд̣̇араавад̣̇зхагам̣ барибхун̃ж̇ид̇ваа сзяяасукам̣ бассасукам̣ мид̣̇д̇хасукам̣ ануяуд̇д̇о вихарад̇и. аяам̣ барибхог̇з амад̇д̇ан̃н̃уу наама.

Mahicchapuggalo hi vijātamātuyāpi manaṃ gaṇhituṃ na sakkoti. Evarūpo hi anuppannaṃ lābhaṃ na uppādeti, uppannalābhato ca parihāyati. Evaṃ tāva paṭiggahaṇe amattaññū hoti. Yo pana dhammena samena laddhampi āhāraṃ gadhito mucchito ajjhopanno anādīnavadassāvī anissaraṇapañño āharahatthakaalaṃsāṭakatatthavaṭṭakakākamāsakabhuttavamitakabrāhmaṇānaṃ aññataro viya ayoniso anupāyena yāvadatthaṃ udarāvadehakaṃ paribhuñjitvā seyyasukhaṃ passasukhaṃ middhasukhaṃ anuyutto viharati. Ayaṃ paribhoge amattaññū nāma.

яо бана ‘‘яад̣̇иби д̣̇зяяад̇хаммо б̣аху ход̇и, д̣̇ааяаго аббам̣ д̣̇аад̇угаамо, д̣̇ааяагасса васзна аббам̣ г̇ан̣хаад̇и. д̣̇зяяад̇хаммо аббо, д̣̇ааяаго б̣ахум̣ д̣̇аад̇угаамо, д̣̇зяяад̇хаммасса васзна аббам̣ г̇ан̣хаад̇и. д̣̇зяяад̇хаммо б̣аху, д̣̇ааяагоби б̣ахум̣ д̣̇аад̇угаамо, ад̇д̇ано т̇аамам̣ н̃ад̇ваа бамаан̣аяуд̇д̇амзва г̇ан̣хаад̇ий’’д̇и звам̣ вуд̇д̇асса бадиг̇г̇ахан̣з бамаан̣аж̇аананасса жзва, ‘‘бадисан̇каа яонисо аахаарам̣ аахаарзд̇и, нзва д̣̇авааяа, на мад̣̇ааяаа’’д̇иаад̣̇инаа (д̇ха. са. 1355) ‘‘лад̣̇д̇хан̃жа бин̣д̣абаад̇ам̣ аг̇ад̇хид̇о амужчид̇о анаж̇жхобанно аад̣̇ийнавад̣̇ассаавий ниссаран̣абан̃н̃о барибхун̃ж̇ад̇ий’’д̇и жа аад̣̇инаа наязна вуд̇д̇асса бажжавзгкид̇ваа бадисан̇каанабан̃н̃ааяа ж̇аанид̇ваа аахаарабарибхун̃ж̇анасан̇каад̇асса барибхог̇з бамаан̣аж̇аананасса жа васзна бхож̇анз мад̇д̇ан̃н̃уу ход̇и, аяам̣ бхож̇анз мад̇д̇ан̃н̃уу наама. звам̣ бхож̇анз амад̇д̇ан̃н̃уд̇аа мад̇д̇ан̃н̃уд̇аа жа ход̇ийд̇и взд̣̇ид̇аб̣б̣ам̣.

Yo pana ‘‘yadipi deyyadhammo bahu hoti, dāyako appaṃ dātukāmo, dāyakassa vasena appaṃ gaṇhāti. Deyyadhammo appo, dāyako bahuṃ dātukāmo, deyyadhammassa vasena appaṃ gaṇhāti. Deyyadhammo bahu, dāyakopi bahuṃ dātukāmo, attano thāmaṃ ñatvā pamāṇayuttameva gaṇhātī’’ti evaṃ vuttassa paṭiggahaṇe pamāṇajānanassa ceva, ‘‘paṭisaṅkhā yoniso āhāraṃ āhāreti, neva davāya, na madāyā’’tiādinā (dha. sa. 1355) ‘‘laddhañca piṇḍapātaṃ agadhito amucchito anajjhopanno ādīnavadassāvī nissaraṇapañño paribhuñjatī’’ti ca ādinā nayena vuttassa paccavekkhitvā paṭisaṅkhānapaññāya jānitvā āhāraparibhuñjanasaṅkhātassa paribhoge pamāṇajānanassa ca vasena bhojane mattaññū hoti, ayaṃ bhojane mattaññū nāma. Evaṃ bhojane amattaññutā mattaññutā ca hotīti veditabbaṃ.

г̇аат̇аасу бана жагкунд̇иаад̣̇ийсу жагкад̇ийд̇и жагку, руубам̣ ассаад̣̇зд̇и, самависамам̣ аажигканд̇ам̣ вияа ход̇ийд̇и ваа ад̇т̇о. сун̣аад̇ийд̇и сод̇ам̣. гхааяад̇ийд̇и гхаанам̣. ж̇ийвид̇анимид̇д̇ам̣ аахаарарасо ж̇ийвид̇ам̣, д̇ам̣ авхааяад̇ийд̇и ж̇ивхаа. гужчид̇аанам̣ ааяод̇и гааяо. манад̇з виж̇аанаад̇ийд̇и мано. бораан̣аа банааху мунаад̇ийд̇и мано, наал̣ияаа минамаано вияа махаад̇улааяа д̇хаараяамаано вияа жа аарамман̣ам̣ виж̇аанаад̇ийд̇и ад̇т̇о. звам̣ д̇аавзд̇т̇а бад̣̇ад̇т̇о взд̣̇ид̇аб̣б̣о.

Gāthāsu pana cakkhuntiādīsu cakkhatīti cakkhu, rūpaṃ assādeti, samavisamaṃ ācikkhantaṃ viya hotīti vā attho. Suṇātīti sotaṃ. Ghāyatīti ghānaṃ. Jīvitanimittaṃ āhāraraso jīvitaṃ, taṃ avhāyatīti jivhā. Kucchitānaṃ āyoti kāyo. Manate vijānātīti mano. Porāṇā panāhu munātīti mano, nāḷiyā minamāno viya mahātulāya dhārayamāno viya ca ārammaṇaṃ vijānātīti attho. Evaṃ tāvettha padattho veditabbo.

бхаавад̇т̇ад̇о бана д̣̇увид̇хам̣ жагку – мам̣сажагку жа бан̃н̃аажагку жа. д̇зсу б̣уд̣̇д̇хажагку, саманд̇ажагку, н̃аан̣ажагку, д̣̇иб̣б̣ажагку, д̇хаммажагкууд̇и бан̃жавид̇хам̣ бан̃н̃аажагку. д̇ад̇т̇а ‘‘ад̣̇д̣̇асам̣ ко ахам̣, бхигкавз, б̣уд̣̇д̇хажагкунаа логам̣ вологзнд̇о’’д̇и (ма. ни. 1.283) ид̣̇ам̣ б̣уд̣̇д̇хажагку наама. ‘‘саманд̇ажагку вужжад̇и саб̣б̣ан̃н̃уд̇ан̃н̃аан̣а’’нд̇и (жуул̣ава. д̇ход̇агамаан̣авабужчаанид̣̇д̣̇зса 32) ид̣̇ам̣ саманд̇ажагку наама. ‘‘жагкум̣ уд̣̇абаад̣̇ий’’д̇и (сам̣. ни. 5.1081; махаава. 15) ид̣̇ам̣ н̃аан̣ажагку наама. ‘‘ад̣̇д̣̇асам̣ ко ахам̣, бхигкавз, д̣̇иб̣б̣зна жагкунаа висуд̣̇д̇хзнаа’’д̇и (ма. ни. 1.284) ид̣̇ам̣ д̣̇иб̣б̣ажагку наама. ‘‘вираж̇ам̣ вийд̇амалам̣ д̇хаммажагкум̣ уд̣̇абаад̣̇ий’’д̇и (ма. ни. 2.395; махаава. 16) ид̣̇ам̣ хздтимамаг̇г̇ад̇д̇аяасан̇каад̇ам̣ д̇хаммажагку наама.

Bhāvatthato pana duvidhaṃ cakkhu – maṃsacakkhu ca paññācakkhu ca. Tesu buddhacakkhu, samantacakkhu, ñāṇacakkhu, dibbacakkhu, dhammacakkhūti pañcavidhaṃ paññācakkhu. Tattha ‘‘addasaṃ kho ahaṃ, bhikkhave, buddhacakkhunā lokaṃ volokento’’ti (ma. ni. 1.283) idaṃ buddhacakkhu nāma. ‘‘Samantacakkhu vuccati sabbaññutaññāṇa’’nti (cūḷava. dhotakamāṇavapucchāniddesa 32) idaṃ samantacakkhu nāma. ‘‘Cakkhuṃ udapādī’’ti (saṃ. ni. 5.1081; mahāva. 15) idaṃ ñāṇacakkhu nāma. ‘‘Addasaṃ kho ahaṃ, bhikkhave, dibbena cakkhunā visuddhenā’’ti (ma. ni. 1.284) idaṃ dibbacakkhu nāma. ‘‘Virajaṃ vītamalaṃ dhammacakkhuṃ udapādī’’ti (ma. ni. 2.395; mahāva. 16) idaṃ heṭṭhimamaggattayasaṅkhātaṃ dhammacakkhu nāma.

мам̣сажагкуби д̣̇увид̇хам̣ – сасамбхааражагку, басаад̣̇ажагкууд̇и. д̇ад̇т̇а явааяам̣ агкигуубагз бад̇идтид̇о хздтаа агкигуубагадтигзна, убари бхамугадтигзна , убхад̇о агкигуудзхи, анд̇о мад̇т̇алун̇г̇зна, б̣ахид̣̇д̇хаа агкиломзхи барижчинно мам̣сабин̣д̣о, сан̇кзбад̇о жад̇ассо д̇хаад̇уяо – ван̣н̣о, г̇анд̇хо, расо, ож̇аасамбхаво сан̣таанам̣ ж̇ийвид̇ам̣ бхааво гааяабасаад̣̇о жагкубасаад̣̇од̇и жуд̣̇д̣̇аса самбхаараа. вид̇т̇аарад̇о жад̇ассо д̇хаад̇уяо д̇ам̣ниссид̇аа ван̣н̣аг̇анд̇харасаож̇аасан̣таанасамбхаваад̇и имаани д̣̇аса жад̇усамудтаанигад̇д̇аа жад̇д̇аалийсам̣ хонд̇и, ж̇ийвид̇ам̣ бхааво гааяабасаад̣̇о жагкубасаад̣̇од̇и жад̇д̇аари зганд̇агаммасамудтаанзваад̇и имзсам̣ жад̇ужад̇д̇аалийсааяа руубаанам̣ васзна жад̇ужад̇д̇аалийса самбхаараа. яам̣ логз ‘‘сзд̇ам̣ ваддам̣ бут̇улам̣ висадам̣ вибулам̣ жагкуу’’д̇и сан̃ж̇аананд̇о на жагкум̣ сан̃ж̇аанаад̇и, вад̇т̇ум̣ жагкуд̇о сан̃ж̇аанаад̇и, яо мам̣сабин̣д̣о агкигуубагз бад̇идтид̇о нхаарусуд̇д̇агзна мад̇т̇алун̇г̇зна ааб̣ад̣̇д̇хо, яад̇т̇а сзд̇амби ад̇т̇и ган̣хамби лохид̇агамби бат̇авийби аабоби д̇зж̇оби вааяоби. яам̣ сзмхуссад̣̇ад̇д̇аа сзд̇ам̣, бид̇д̇уссад̣̇ад̇д̇аа ган̣хам̣, рухируссад̣̇ад̇д̇аа лохид̇агам̣, бат̇авуссад̣̇ад̇д̇аа бад̇т̇ад̣̇д̇хам̣, аабуссад̣̇ад̇д̇аа баг̇гхарад̇и, д̇зж̇уссад̣̇ад̇д̇аа барид̣аяхад̇и, вааяуссад̣̇ад̇д̇аа самбхамад̇и, ид̣̇ам̣ сасамбхааражагку наама. яо бана зд̇т̇а сид̇о зд̇т̇а бадиб̣ад̣̇д̇хо жад̇уннам̣ махаабхууд̇аанам̣ убаад̣̇ааяа басаад̣̇о, ид̣̇ам̣ басаад̣̇ажагку наама. ид̣̇ан̃хи жагкувин̃н̃аан̣аад̣̇ийнам̣ яат̇аарахам̣ вад̇т̇уд̣̇ваарабхаавзна бавад̇д̇ад̇и.

Maṃsacakkhupi duvidhaṃ – sasambhāracakkhu, pasādacakkhūti. Tattha yvāyaṃ akkhikūpake patiṭṭhito heṭṭhā akkhikūpakaṭṭhikena, upari bhamukaṭṭhikena , ubhato akkhikūṭehi, anto matthaluṅgena, bahiddhā akkhilomehi paricchinno maṃsapiṇḍo, saṅkhepato catasso dhātuyo – vaṇṇo, gandho, raso, ojāsambhavo saṇṭhānaṃ jīvitaṃ bhāvo kāyapasādo cakkhupasādoti cuddasa sambhārā. Vitthārato catasso dhātuyo taṃnissitā vaṇṇagandharasaojāsaṇṭhānasambhavāti imāni dasa catusamuṭṭhānikattā cattālīsaṃ honti, jīvitaṃ bhāvo kāyapasādo cakkhupasādoti cattāri ekantakammasamuṭṭhānevāti imesaṃ catucattālīsāya rūpānaṃ vasena catucattālīsa sambhārā. Yaṃ loke ‘‘setaṃ vaṭṭaṃ puthulaṃ visaṭaṃ vipulaṃ cakkhū’’ti sañjānanto na cakkhuṃ sañjānāti, vatthuṃ cakkhuto sañjānāti, yo maṃsapiṇḍo akkhikūpake patiṭṭhito nhārusuttakena matthaluṅgena ābaddho, yattha setampi atthi kaṇhampi lohitakampi pathavīpi āpopi tejopi vāyopi. Yaṃ semhussadattā setaṃ, pittussadattā kaṇhaṃ, ruhirussadattā lohitakaṃ, pathavussadattā patthaddhaṃ, āpussadattā paggharati, tejussadattā pariḍayhati, vāyussadattā sambhamati, idaṃ sasambhāracakkhu nāma. Yo pana ettha sito ettha paṭibaddho catunnaṃ mahābhūtānaṃ upādāya pasādo, idaṃ pasādacakkhu nāma. Idañhi cakkhuviññāṇādīnaṃ yathārahaṃ vatthudvārabhāvena pavattati.

сод̇аад̣̇ийсуби сод̇ам̣ д̣̇иб̣б̣асод̇ам̣, мам̣сасод̇анд̇и д̣̇увид̇хам̣. зд̇т̇а ‘‘д̣̇иб̣б̣ааяа сод̇ад̇хаад̇уяаа висуд̣̇д̇хааяа ад̇игганд̇амаанусигааяа убхо сад̣̇д̣̇з сун̣аад̇ий’’д̇и ид̣̇ам̣ д̣̇иб̣б̣асод̇ам̣ наама. мам̣сасод̇ам̣ бана сасамбхаарасод̇ам̣ басаад̣̇асод̇анд̇и д̣̇увид̇ханд̇иаад̣̇и саб̣б̣ам̣ жагкумхи вуд̇д̇анаязнзва взд̣̇ид̇аб̣б̣ам̣, д̇ат̇аа гхаанаж̇ивхаа. гааяо бана жобанагааяо, гараж̇агааяо, самуухагааяо, басаад̣̇агааяод̇иаад̣̇инаа б̣ахувид̇хо. д̇ад̇т̇а –

Sotādīsupi sotaṃ dibbasotaṃ, maṃsasotanti duvidhaṃ. Ettha ‘‘dibbāya sotadhātuyā visuddhāya atikkantamānusikāya ubho sadde suṇātī’’ti idaṃ dibbasotaṃ nāma. Maṃsasotaṃ pana sasambhārasotaṃ pasādasotanti duvidhantiādi sabbaṃ cakkhumhi vuttanayeneva veditabbaṃ, tathā ghānajivhā. Kāyo pana copanakāyo, karajakāyo, samūhakāyo, pasādakāyotiādinā bahuvidho. Tattha –

‘‘гааязна сам̣вуд̇аа д̇хийраа, ат̇о ваажааяа сам̣вуд̇аа’’д̇и. (д̇ха. ба. 234) –

‘‘Kāyena saṃvutā dhīrā, atho vācāya saṃvutā’’ti. (dha. pa. 234) –

аяам̣ жобанагааяо наама. ‘‘имамхаа гааяаа ан̃н̃ам̣ гааяам̣ абхинимминаад̇ий’’д̇и (д̣̇ий. ни. 1.236; бади. ма. 3.14) аяам̣ гараж̇агааяо наама. самуухагааяо бана вин̃н̃аан̣аад̣̇исамуухавасзна анзгавид̇хо ааг̇ад̇о. д̇ат̇аа хи ‘‘ча имз, аавусо, вин̃н̃аан̣агааяаа’’д̇иаад̣̇ийсу (ма. ни. 1.101) вин̃н̃аан̣асамуухо вуд̇д̇о. ‘‘ча пассагааяаа’’д̇иаад̣̇ийсу (д̣̇ий. ни. 3.323; ма. ни. 1.98) пассаад̣̇исамуухо . д̇ат̇аа ‘‘гааяабассад̣̇д̇хи гааяалахуд̇аа’’д̇иаад̣̇ийсу (д̇ха. са. 114) взд̣̇анаагканд̇хаад̣̇аяо. ‘‘ид̇хзгажжо бат̇авигааяам̣ анижжад̇о анубассад̇и, аабогааяам̣ д̇зж̇огааяам̣ вааяогааяам̣ гзсагааяам̣ ломагааяа’’нд̇иаад̣̇ийсу (бади. ма. 3.35) бат̇аваад̣̇исамуухо. ‘‘гааязна подтаб̣б̣ам̣ пусид̇ваа’’д̇и (а. ни. 3.16) аяам̣ басаад̣̇агааяо. ид̇хааби басаад̣̇агааяо взд̣̇ид̇аб̣б̣о. со хи гааяавин̃н̃аан̣аад̣̇ийнам̣ яат̇аарахам̣ вад̇т̇уд̣̇ваарабхаавзна бавад̇д̇ад̇и. манод̇и бана гин̃жааби саб̣б̣ам̣ вин̃н̃аан̣ам̣ вужжад̇и, д̇ат̇ааби д̣̇ваарабхаавасса ид̇хаад̇хиббзд̇ад̇д̇аа д̣̇ваарабхууд̇ам̣ сааваж̇ж̇анам̣ бхаван̇г̇ам̣ взд̣̇ид̇аб̣б̣ам̣.

Ayaṃ copanakāyo nāma. ‘‘Imamhā kāyā aññaṃ kāyaṃ abhinimminātī’’ti (dī. ni. 1.236; paṭi. ma. 3.14) ayaṃ karajakāyo nāma. Samūhakāyo pana viññāṇādisamūhavasena anekavidho āgato. Tathā hi ‘‘cha ime, āvuso, viññāṇakāyā’’tiādīsu (ma. ni. 1.101) viññāṇasamūho vutto. ‘‘Cha phassakāyā’’tiādīsu (dī. ni. 3.323; ma. ni. 1.98) phassādisamūho . Tathā ‘‘kāyapassaddhi kāyalahutā’’tiādīsu (dha. sa. 114) vedanākkhandhādayo. ‘‘Idhekacco pathavikāyaṃ aniccato anupassati, āpokāyaṃ tejokāyaṃ vāyokāyaṃ kesakāyaṃ lomakāya’’ntiādīsu (paṭi. ma. 3.35) pathavādisamūho. ‘‘Kāyena phoṭṭhabbaṃ phusitvā’’ti (a. ni. 3.16) ayaṃ pasādakāyo. Idhāpi pasādakāyo veditabbo. So hi kāyaviññāṇādīnaṃ yathārahaṃ vatthudvārabhāvena pavattati. Manoti pana kiñcāpi sabbaṃ viññāṇaṃ vuccati, tathāpi dvārabhāvassa idhādhippetattā dvārabhūtaṃ sāvajjanaṃ bhavaṅgaṃ veditabbaṃ.

зд̇аани яасса д̣̇ваараани аг̇уд̇д̇аани жа бхигкунод̇и яасса бхигкуно зд̇аани манажчадтаани д̣̇ваараани сад̇ивоссаг̇г̇зна бамаад̣̇ам̣ аабаннад̇д̇аа сад̇игаваадзна абихид̇аани. бхож̇анамхи…бз… ад̇хиг̇ажчад̇ийд̇и со бхигку вуд̇д̇анаязна бхож̇анз амад̇д̇ан̃н̃уу инд̣̇риязсу жа сам̣варарахид̇о д̣̇идтад̇хаммиган̃жа рог̇аад̣̇ивасзна, самбарааяиган̃жа д̣̇уг̇г̇ад̇ибарияаабаннам̣ гааяад̣̇угкам̣ рааг̇аад̣̇игилзсасанд̇аабавасзна, ижчаавигхаад̇авасзна жа жзд̇од̣̇угканд̇и саб̣б̣ат̇ааби д̣̇угкамзва ад̇хиг̇ажчад̇и баабун̣аад̇и. яасмаа жзд̇ад̣̇звам̣, д̇асмаа д̣̇увид̇хзнаби д̣̇угкаг̇г̇инаа ид̇халогз жа баралогз жа д̣аяхамаанзна гааязна д̣аяхамаанзна жзд̇асаа д̣̇иваа ваа яад̣̇и ваа рад̇д̇им̣ нижжагааламзва д̇аад̣̇исо буг̇г̇ало д̣̇угкамзва вихарад̇и, на д̇асса сукавихаарасса самбхаво, ваддад̣̇угкаанад̇иггамз бана вад̇д̇аб̣б̣амзва над̇т̇ийд̇и.

Etāni yassa dvārāni aguttāni ca bhikkhunoti yassa bhikkhuno etāni manacchaṭṭhāni dvārāni sativossaggena pamādaṃ āpannattā satikavāṭena apihitāni. Bhojanamhi…pe… adhigacchatīti so bhikkhu vuttanayena bhojane amattaññū indriyesu ca saṃvararahito diṭṭhadhammikañca rogādivasena, samparāyikañca duggatipariyāpannaṃ kāyadukkhaṃ rāgādikilesasantāpavasena, icchāvighātavasena ca cetodukkhanti sabbathāpi dukkhameva adhigacchati pāpuṇāti. Yasmā cetadevaṃ, tasmā duvidhenapi dukkhagginā idhaloke ca paraloke ca ḍayhamānena kāyena ḍayhamānena cetasā divā vā yadi vā rattiṃ niccakālameva tādiso puggalo dukkhameva viharati, na tassa sukhavihārassa sambhavo, vaṭṭadukkhānatikkame pana vattabbameva natthīti.

батамасуд̇д̇аван̣н̣анаа нидтид̇аа.

Paṭhamasuttavaṇṇanā niṭṭhitā.

Next: 2. сукавихаарасуд̇д̇аван̣н̣анаа • 2. Sukhavihārasuttavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 1. д̣̇угкавихаарасуд̇д̇ам̣ • 1. Dukkhavihārasuttaṃ

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact