| Library / Tipiṭaka / तिपिटक • Tipiṭaka / अपदानपाळि • Apadānapāḷi |
८. दुस्सदायकत्थेरअपदानं
8. Dussadāyakattheraapadānaṃ
३८.
38.
पण्णाकारं लभित्वान, उपसन्तस्सदासहं॥
Paṇṇākāraṃ labhitvāna, upasantassadāsahaṃ.
३९.
39.
सिद्धत्थो अधिवासेत्वा, वेहासं नभमुग्गमि॥
Siddhattho adhivāsetvā, vehāsaṃ nabhamuggami.
४०.
40.
‘‘बुद्धस्स गच्छमानस्स, दुस्सा धावन्ति पच्छतो।
‘‘Buddhassa gacchamānassa, dussā dhāvanti pacchato;
तत्थ चित्तं पसादेसिं, बुद्धो नो अग्गपुग्गलो॥
Tattha cittaṃ pasādesiṃ, buddho no aggapuggalo.
४१.
41.
‘‘चतुन्नवुतितो कप्पे, यं दुस्समददिं तदा।
‘‘Catunnavutito kappe, yaṃ dussamadadiṃ tadā;
दुग्गतिं नाभिजानामि, दुस्सदानस्सिदं फलं॥
Duggatiṃ nābhijānāmi, dussadānassidaṃ phalaṃ.
४२.
42.
‘‘सत्तसट्ठिम्हितो कप्पे, चक्कवत्ती तदा अहु।
‘‘Sattasaṭṭhimhito kappe, cakkavattī tadā ahu;
परिसुद्धोति नामेन, मनुजिन्दो महब्बलो॥
Parisuddhoti nāmena, manujindo mahabbalo.
४३.
43.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा दुस्सदायको थेरो इमा गाथायो अभासित्थाति।
Itthaṃ sudaṃ āyasmā dussadāyako thero imā gāthāyo abhāsitthāti.
दुस्सदायकत्थेरस्सापदानं अट्ठमं।
Dussadāyakattherassāpadānaṃ aṭṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ८. दुस्सदायकत्थेरअपदानवण्णना • 8. Dussadāyakattheraapadānavaṇṇanā
