| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౨. దుస్సీలసుత్తం
2. Dussīlasuttaṃ
౧౦౮. సావత్థియం విహరతి…పే॰… ‘‘ధాతుసోవ, భిక్ఖవే, సత్తా సంసన్దన్తి సమేన్తి. అస్సద్ధా అస్సద్ధేహి సద్ధిం సంసన్దన్తి సమేన్తి; అహిరికా అహిరికేహి సద్ధిం సంసన్దన్తి సమేన్తి; అనోత్తప్పినో అనోత్తప్పీహి సద్ధిం సంసన్దన్తి సమేన్తి; దుస్సీలా దుస్సీలేహి సద్ధిం సంసన్దన్తి సమేన్తి; దుప్పఞ్ఞా దుప్పఞ్ఞేహి సద్ధిం సంసన్దన్తి సమేన్తి’’.
108. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Assaddhā assaddhehi saddhiṃ saṃsandanti samenti; ahirikā ahirikehi saddhiṃ saṃsandanti samenti; anottappino anottappīhi saddhiṃ saṃsandanti samenti; dussīlā dussīlehi saddhiṃ saṃsandanti samenti; duppaññā duppaññehi saddhiṃ saṃsandanti samenti’’.
‘‘సద్ధా సద్ధేహి సద్ధిం సంసన్దన్తి సమేన్తి; హిరిమనా హిరిమనేహి సద్ధిం సంసన్దన్తి సమేన్తి; ఓత్తప్పినో ఓత్తప్పీహి సద్ధిం సంసన్దన్తి సమేన్తి; సీలవన్తో సీలవన్తేహి సద్ధిం సంసన్దన్తి సమేన్తి; పఞ్ఞవన్తో పఞ్ఞవన్తేహి సద్ధిం సంసన్దన్తి సమేన్తీ’’తి. దుతియం.
‘‘Saddhā saddhehi saddhiṃ saṃsandanti samenti; hirimanā hirimanehi saddhiṃ saṃsandanti samenti; ottappino ottappīhi saddhiṃ saṃsandanti samenti; sīlavanto sīlavantehi saddhiṃ saṃsandanti samenti; paññavanto paññavantehi saddhiṃ saṃsandanti samentī’’ti. Dutiyaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౧-౨. అసమాహితసుత్తాదివణ్ణనా • 1-2. Asamāhitasuttādivaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౧-౨. అసమాహితసుత్తాదివణ్ణనా • 1-2. Asamāhitasuttādivaṇṇanā
