Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೭೮. ದೂತಜಾತಕಂ (೫)
478. Dūtajātakaṃ (5)
೫೪.
54.
ತೇಸಂ ಪುಟ್ಠೋ ನ ಬ್ಯಾಕಾಸಿ, ದುಕ್ಖಂ ಗುಯ್ಹಮತಂ 3 ನು ತೇ॥
Tesaṃ puṭṭho na byākāsi, dukkhaṃ guyhamataṃ 4 nu te.
೫೫.
55.
ಸಚೇ ತೇ ದುಕ್ಖಮುಪ್ಪಜ್ಜೇ, ಕಾಸೀನಂ ರಟ್ಠವಡ್ಢನ।
Sace te dukkhamuppajje, kāsīnaṃ raṭṭhavaḍḍhana;
ಮಾ ಖೋ ನಂ ತಸ್ಸ ಅಕ್ಖಾಹಿ, ಯೋ ತಂ ದುಕ್ಖಾ ನ ಮೋಚಯೇ॥
Mā kho naṃ tassa akkhāhi, yo taṃ dukkhā na mocaye.
೫೬.
56.
೫೭.
57.
ಸುವಿಜಾನಂ ಸಿಙ್ಗಾಲಾನಂ, ಸಕುಣಾನಞ್ಚ ವಸ್ಸಿತಂ।
Suvijānaṃ siṅgālānaṃ, sakuṇānañca vassitaṃ;
ಮನುಸ್ಸವಸ್ಸಿತಂ ರಾಜ, ದುಬ್ಬಿಜಾನತರಂ ತತೋ॥
Manussavassitaṃ rāja, dubbijānataraṃ tato.
೫೮.
58.
ಅಪಿ ಚೇ ಮಞ್ಞತೀ ಪೋಸೋ, ಞಾತಿ ಮಿತ್ತೋ ಸಖಾತಿ ವಾ।
Api ce maññatī poso, ñāti mitto sakhāti vā;
ಯೋ ಪುಬ್ಬೇ ಸುಮನೋ ಹುತ್ವಾ, ಪಚ್ಛಾ ಸಮ್ಪಜ್ಜತೇ ದಿಸೋ॥
Yo pubbe sumano hutvā, pacchā sampajjate diso.
೫೯.
59.
ಯೋ ಅತ್ತನೋ ದುಕ್ಖಮನಾನುಪುಟ್ಠೋ, ಪವೇದಯೇ ಜನ್ತು ಅಕಾಲರೂಪೇ।
Yo attano dukkhamanānupuṭṭho, pavedaye jantu akālarūpe;
ಆನನ್ದಿನೋ ತಸ್ಸ ಭವನ್ತಿಮಿತ್ತಾ 11, ಹಿತೇಸಿನೋ ತಸ್ಸ ದುಖೀ ಭವನ್ತಿ॥
Ānandino tassa bhavantimittā 12, hitesino tassa dukhī bhavanti.
೬೦.
60.
ಕಾಲಞ್ಚ ಞತ್ವಾನ ತಥಾವಿಧಸ್ಸ, ಮೇಧಾವೀನಂ ಏಕಮನಂ ವಿದಿತ್ವಾ।
Kālañca ñatvāna tathāvidhassa, medhāvīnaṃ ekamanaṃ viditvā;
ಅಕ್ಖೇಯ್ಯ ತಿಬ್ಬಾನಿ 13 ಪರಸ್ಸ ಧೀರೋ, ಸಣ್ಹಂ ಗಿರಂ ಅತ್ಥವತಿಂ ಪಮುಞ್ಚೇ॥
Akkheyya tibbāni 14 parassa dhīro, saṇhaṃ giraṃ atthavatiṃ pamuñce.
೬೧.
61.
ಸಚೇ ಚ ಜಞ್ಞಾ ಅವಿಸಯ್ಹಮತ್ತನೋ, ನ ತೇ ಹಿ ಮಯ್ಹಂ 15 ಸುಖಾಗಮಾಯ।
Sace ca jaññā avisayhamattano, na te hi mayhaṃ 16 sukhāgamāya;
ಏಕೋವ ತಿಬ್ಬಾನಿ ಸಹೇಯ್ಯ ಧೀರೋ, ಸಚ್ಚಂ ಹಿರೋತ್ತಪ್ಪಮಪೇಕ್ಖಮಾನೋ॥
Ekova tibbāni saheyya dhīro, saccaṃ hirottappamapekkhamāno.
೬೨.
62.
ಅಹಂ ರಟ್ಠಾನಿ ವಿಚರನ್ತೋ, ನಿಗಮೇ ರಾಜಧಾನಿಯೋ।
Ahaṃ raṭṭhāni vicaranto, nigame rājadhāniyo;
ಭಿಕ್ಖಮಾನೋ ಮಹಾರಾಜ, ಆಚರಿಯಸ್ಸ ಧನತ್ಥಿಕೋ॥
Bhikkhamāno mahārāja, ācariyassa dhanatthiko.
೬೩.
63.
ಗಹಪತೀ ರಾಜಪುರಿಸೇ, ಮಹಾಸಾಲೇ ಚ ಬ್ರಾಹ್ಮಣೇ।
Gahapatī rājapurise, mahāsāle ca brāhmaṇe;
ಅಲತ್ಥಂ ಸತ್ತ ನಿಕ್ಖಾನಿ, ಸುವಣ್ಣಸ್ಸ ಜನಾಧಿಪ।
Alatthaṃ satta nikkhāni, suvaṇṇassa janādhipa;
ತೇ ಮೇ ನಟ್ಠಾ ಮಹಾರಾಜ, ತಸ್ಮಾ ಸೋಚಾಮಹಂ ಭುಸಂ॥
Te me naṭṭhā mahārāja, tasmā socāmahaṃ bhusaṃ.
೬೪.
64.
ಪುರಿಸಾ ತೇ ಮಹಾರಾಜ, ಮನಸಾನುವಿಚಿನ್ತಿತಾ।
Purisā te mahārāja, manasānuvicintitā;
ನಾಲಂ ದುಕ್ಖಾ ಪಮೋಚೇತುಂ, ತಸ್ಮಾ ತೇಸಂ ನ ಬ್ಯಾಹರಿಂ॥
Nālaṃ dukkhā pamocetuṃ, tasmā tesaṃ na byāhariṃ.
೬೫.
65.
ತ್ವಞ್ಚ ಖೋ ಮೇ ಮಹಾರಾಜ, ಮನಸಾನುವಿಚಿನ್ತಿತೋ।
Tvañca kho me mahārāja, manasānuvicintito;
ಅಲಂ ದುಕ್ಖಾ ಪಮೋಚೇತುಂ, ತಸ್ಮಾ ತುಯ್ಹಂ ಪವೇದಯಿಂ॥
Alaṃ dukkhā pamocetuṃ, tasmā tuyhaṃ pavedayiṃ.
೬೬.
66.
ತಸ್ಸಾದಾಸಿ ಪಸನ್ನತ್ತೋ, ಕಾಸೀನಂ ರಟ್ಠವಡ್ಢನೋ।
Tassādāsi pasannatto, kāsīnaṃ raṭṭhavaḍḍhano;
ಜಾತರೂಪಮಯೇ ನಿಕ್ಖೇ, ಸುವಣ್ಣಸ್ಸ ಚತುದ್ದಸಾತಿ॥
Jātarūpamaye nikkhe, suvaṇṇassa catuddasāti.
ದೂತಜಾತಕಂ ಪಞ್ಚಮಂ।
Dūtajātakaṃ pañcamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೭೮] ೫. ದೂತಜಾತಕವಣ್ಣನಾ • [478] 5. Dūtajātakavaṇṇanā