| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૬. દૂતેય્યસુત્તવણ્ણના
6. Dūteyyasuttavaṇṇanā
૧૬. છટ્ઠે દૂતેય્યન્તિ દૂતકમ્મં. ગન્તુમરહતીતિ તં દૂતેય્યસઙ્ખાતં સાસનં ધારેત્વા હરિતું અરહતિ. સોતાતિ યો તં અસ્સ સાસનં દેતિ , તસ્સ સોતા. સાવેતાતિ તં ઉગ્ગણ્હિત્વા ‘‘ઇદં નામ તુમ્હેહિ વુત્ત’’ન્તિ પટિસાવેતા. ઉગ્ગહેતાતિ સુગ્ગહિતં કત્વા ઉગ્ગહેતા. ધારેતાતિ સુધારિતં કત્વા ધારેતા. વિઞ્ઞાતિ અત્થાનત્થસ્સ અત્થં જાનિતા. વિઞ્ઞાપેતાતિ પરં વિજાનાપેતા. સહિતા સહિતસ્સાતિ ઇદં સહિતં, ઇદં અસહિતન્તિ એવં સહિતાસહિતસ્સ કુસલો, ઉપગતાનુપગતેસુ છેકો સાસનં આરોચેન્તો સહિતં સલ્લક્ખેત્વા આરોચેતિ. ન બ્યથતીતિ વેધતિ ન છમ્ભતિ. અસન્દિદ્ધન્તિ નિસ્સન્દેહં વિગતસંસયં. પુચ્છિતોતિ પઞ્હત્થાય પુચ્છિતો.
16. Chaṭṭhe dūteyyanti dūtakammaṃ. Gantumarahatīti taṃ dūteyyasaṅkhātaṃ sāsanaṃ dhāretvā harituṃ arahati. Sotāti yo taṃ assa sāsanaṃ deti , tassa sotā. Sāvetāti taṃ uggaṇhitvā ‘‘idaṃ nāma tumhehi vutta’’nti paṭisāvetā. Uggahetāti suggahitaṃ katvā uggahetā. Dhāretāti sudhāritaṃ katvā dhāretā. Viññāti atthānatthassa atthaṃ jānitā. Viññāpetāti paraṃ vijānāpetā. Sahitā sahitassāti idaṃ sahitaṃ, idaṃ asahitanti evaṃ sahitāsahitassa kusalo, upagatānupagatesu cheko sāsanaṃ ārocento sahitaṃ sallakkhetvā āroceti. Na byathatīti vedhati na chambhati. Asandiddhanti nissandehaṃ vigatasaṃsayaṃ. Pucchitoti pañhatthāya pucchito.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૬. દૂતેય્યસુત્તં • 6. Dūteyyasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૫-૮. મલસુત્તાદિવણ્ણના • 5-8. Malasuttādivaṇṇanā
