| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૨. દુતિયઅગારવસુત્તં
2. Dutiyaagāravasuttaṃ
૨૨. ‘‘સો વત, ભિક્ખવે, ભિક્ખુ અગારવો અપ્પતિસ્સો અસભાગવુત્તિકો ‘સબ્રહ્મચારીસુ આભિસમાચારિકં ધમ્મં પરિપૂરેસ્સતી’તિ નેતં ઠાનં વિજ્જતિ. ‘આભિસમાચારિકં ધમ્મં અપરિપૂરેત્વા સેખં ધમ્મં પરિપૂરેસ્સતી’તિ નેતં ઠાનં વિજ્જતિ. ‘સેખં ધમ્મં અપરિપૂરેત્વા સીલક્ખન્ધં પરિપૂરેસ્સતી’તિ નેતં ઠાનં વિજ્જતિ. ‘સીલક્ખન્ધં અપરિપૂરેત્વા સમાધિક્ખન્ધં પરિપૂરેસ્સતી’તિ નેતં ઠાનં વિજ્જતિ. ‘સમાધિક્ખન્ધં અપરિપૂરેત્વા પઞ્ઞાક્ખન્ધં પરિપૂરેસ્સતી’તિ નેતં ઠાનં વિજ્જતિ.
22. ‘‘So vata, bhikkhave, bhikkhu agāravo appatisso asabhāgavuttiko ‘sabrahmacārīsu ābhisamācārikaṃ dhammaṃ paripūressatī’ti netaṃ ṭhānaṃ vijjati. ‘Ābhisamācārikaṃ dhammaṃ aparipūretvā sekhaṃ dhammaṃ paripūressatī’ti netaṃ ṭhānaṃ vijjati. ‘Sekhaṃ dhammaṃ aparipūretvā sīlakkhandhaṃ paripūressatī’ti netaṃ ṭhānaṃ vijjati. ‘Sīlakkhandhaṃ aparipūretvā samādhikkhandhaṃ paripūressatī’ti netaṃ ṭhānaṃ vijjati. ‘Samādhikkhandhaṃ aparipūretvā paññākkhandhaṃ paripūressatī’ti netaṃ ṭhānaṃ vijjati.
‘‘સો વત, ભિક્ખવે, ભિક્ખુ સગારવો સપ્પતિસ્સો સભાગવુત્તિકો ‘સબ્રહ્મચારીસુ આભિસમાચારિકં ધમ્મં પરિપૂરેસ્સતી’તિ ઠાનમેતં વિજ્જતિ. ‘આભિસમાચારિકં ધમ્મં પરિપૂરેત્વા સેખં ધમ્મં પરિપૂરેસ્સતી’તિ ઠાનમેતં વિજ્જતિ. સેખં ધમ્મં પરિપૂરેત્વા સીલક્ખન્ધં પરિપૂરેસ્સતી’તિ ઠાનમેતં વિજ્જતિ. ‘સીલક્ખન્ધં પરિપૂરેત્વા સમાધિક્ખન્ધં પરિપૂરેસ્સતી’તિ ઠાનમેતં વિજ્જતિ. ‘સમાધિક્ખન્ધં પરિપૂરેત્વા પઞ્ઞાક્ખન્ધં પરિપૂરેસ્સતી’તિ ઠાનમેતં વિજ્જતી’’તિ. દુતિયં.
‘‘So vata, bhikkhave, bhikkhu sagāravo sappatisso sabhāgavuttiko ‘sabrahmacārīsu ābhisamācārikaṃ dhammaṃ paripūressatī’ti ṭhānametaṃ vijjati. ‘Ābhisamācārikaṃ dhammaṃ paripūretvā sekhaṃ dhammaṃ paripūressatī’ti ṭhānametaṃ vijjati. Sekhaṃ dhammaṃ paripūretvā sīlakkhandhaṃ paripūressatī’ti ṭhānametaṃ vijjati. ‘Sīlakkhandhaṃ paripūretvā samādhikkhandhaṃ paripūressatī’ti ṭhānametaṃ vijjati. ‘Samādhikkhandhaṃ paripūretvā paññākkhandhaṃ paripūressatī’ti ṭhānametaṃ vijjatī’’ti. Dutiyaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૨. દુતિયઅગારવસુત્તવણ્ણના • 2. Dutiyaagāravasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૨. પઠમઅગારવસુત્તાદિવણ્ણના • 1-2. Paṭhamaagāravasuttādivaṇṇanā
