| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. д̣̇уд̇ияаанаат̇абин̣д̣игасуд̇д̇ам̣
7. Dutiyaanāthapiṇḍikasuttaṃ
1023. саавад̇т̇инид̣̇аанам̣. д̇зна ко бана самаязна анаат̇абин̣д̣иго г̇ахабад̇и ааб̣аад̇хиго ход̇и д̣̇угкид̇о б̣аал̣хаг̇илаано. ат̇а ко анаат̇абин̣д̣иго г̇ахабад̇и ан̃н̃ад̇арам̣ бурисам̣ ааманд̇зси – ‘‘зхи д̇вам̣, амбхо буриса, язнааяасмаа аананд̣̇о д̇знубасан̇гама; убасан̇гамид̇ваа мама важанзна ааяасмад̇о аананд̣̇асса баад̣̇з сирасаа ванд̣̇а – ‘анаат̇абин̣д̣иго, бханд̇з, г̇ахабад̇и ааб̣аад̇хиго д̣̇угкид̇о б̣аал̣хаг̇илаано. со ааяасмад̇о аананд̣̇асса баад̣̇з сирасаа ванд̣̇ад̇ий’д̇и. зван̃жа вад̣̇зхи – ‘саад̇ху гира, бханд̇з, ааяасмаа аананд̣̇о язна анаат̇абин̣д̣игасса г̇ахабад̇исса нивзсанам̣ д̇знубасан̇гамад̇у анугамбам̣ убаад̣̇ааяаа’’’д̇и.
1023. Sāvatthinidānaṃ. Tena kho pana samayena anāthapiṇḍiko gahapati ābādhiko hoti dukkhito bāḷhagilāno. Atha kho anāthapiṇḍiko gahapati aññataraṃ purisaṃ āmantesi – ‘‘ehi tvaṃ, ambho purisa, yenāyasmā ānando tenupasaṅkama; upasaṅkamitvā mama vacanena āyasmato ānandassa pāde sirasā vanda – ‘anāthapiṇḍiko, bhante, gahapati ābādhiko dukkhito bāḷhagilāno. So āyasmato ānandassa pāde sirasā vandatī’ti. Evañca vadehi – ‘sādhu kira, bhante, āyasmā ānando yena anāthapiṇḍikassa gahapatissa nivesanaṃ tenupasaṅkamatu anukampaṃ upādāyā’’’ti.
‘‘звам̣, бханд̇з’’д̇и ко со бурисо анаат̇абин̣д̣игасса г̇ахабад̇исса бадиссуд̇ваа язнааяасмаа аананд̣̇о д̇знубасан̇гами; убасан̇гамид̇ваа ааяасманд̇ам̣ аананд̣̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бурисо ааяасманд̇ам̣ аананд̣̇ам̣ зд̇ад̣̇авожа – ‘‘анаат̇абин̣д̣иго, бханд̇з, г̇ахабад̇и ааб̣аад̇хиго д̣̇угкид̇о б̣аал̣хаг̇илаано. со ааяасмад̇о аананд̣̇асса баад̣̇з сирасаа ванд̣̇ад̇и. зван̃жа вад̣̇ад̇и – ‘саад̇ху гира, бханд̇з, ааяасмаа аананд̣̇о язна анаат̇абин̣д̣игасса г̇ахабад̇исса нивзсанам̣ д̇знубасан̇гамад̇у анугамбам̣ убаад̣̇ааяаа’’’д̇и. ад̇хиваасзси ко ааяасмаа аананд̣̇о д̇ун̣хийбхаавзна.
‘‘Evaṃ, bhante’’ti kho so puriso anāthapiṇḍikassa gahapatissa paṭissutvā yenāyasmā ānando tenupasaṅkami; upasaṅkamitvā āyasmantaṃ ānandaṃ abhivādetvā ekamantaṃ nisīdi. Ekamantaṃ nisinno kho so puriso āyasmantaṃ ānandaṃ etadavoca – ‘‘anāthapiṇḍiko, bhante, gahapati ābādhiko dukkhito bāḷhagilāno. So āyasmato ānandassa pāde sirasā vandati. Evañca vadati – ‘sādhu kira, bhante, āyasmā ānando yena anāthapiṇḍikassa gahapatissa nivesanaṃ tenupasaṅkamatu anukampaṃ upādāyā’’’ti. Adhivāsesi kho āyasmā ānando tuṇhībhāvena.
ат̇а ко ааяасмаа аананд̣̇о буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна анаат̇абин̣д̣игасса г̇ахабад̇исса нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. нисаж̇ж̇а ко ааяасмаа аананд̣̇о анаат̇абин̣д̣игам̣ г̇ахабад̇им̣ зд̇ад̣̇авожа – ‘‘гажжи д̇з, г̇ахабад̇и, каманийяам̣, гажжи яаабанийяам̣? гажжи д̣̇угкаа взд̣̇анаа бадиггаманд̇и, но абхиггаманд̇и; бадиггамосаанам̣ бан̃н̃ааяад̇и, но абхиггамо’’д̇и? ‘‘на мз, бханд̇з, каманийяам̣ на яаабанийяам̣. б̣аал̣хаа мз д̣̇угкаа взд̣̇анаа абхиггаманд̇и, но бадиггаманд̇и; абхиггамосаанам̣ бан̃н̃ааяад̇и, но бадиггамо’’д̇и.
Atha kho āyasmā ānando pubbaṇhasamayaṃ nivāsetvā pattacīvaramādāya yena anāthapiṇḍikassa gahapatissa nivesanaṃ tenupasaṅkami; upasaṅkamitvā paññatte āsane nisīdi. Nisajja kho āyasmā ānando anāthapiṇḍikaṃ gahapatiṃ etadavoca – ‘‘kacci te, gahapati, khamanīyaṃ, kacci yāpanīyaṃ? Kacci dukkhā vedanā paṭikkamanti, no abhikkamanti; paṭikkamosānaṃ paññāyati, no abhikkamo’’ti? ‘‘Na me, bhante, khamanīyaṃ na yāpanīyaṃ. Bāḷhā me dukkhā vedanā abhikkamanti, no paṭikkamanti; abhikkamosānaṃ paññāyati, no paṭikkamo’’ti.
‘‘жад̇уухи ко, г̇ахабад̇и, д̇хаммзхи саманнааг̇ад̇асса ассуд̇авад̇о бут̇уж̇ж̇анасса ход̇и уд̇д̇аасо, ход̇и чамбхид̇ад̇д̇ам̣, ход̇и самбарааяигам̣ маран̣абхаяам̣. гад̇амзхи жад̇уухи? ид̇ха, г̇ахабад̇и, ассуд̇аваа бут̇уж̇ж̇ано б̣уд̣̇д̇хз аббасаад̣̇зна саманнааг̇ад̇о ход̇и. д̇ан̃жа банасса б̣уд̣̇д̇хз аббасаад̣̇ам̣ ад̇д̇ани саманубассад̇о ход̇и уд̇д̇аасо, ход̇и чамбхид̇ад̇д̇ам̣, ход̇и самбарааяигам̣ маран̣абхаяам̣.
‘‘Catūhi kho, gahapati, dhammehi samannāgatassa assutavato puthujjanassa hoti uttāso, hoti chambhitattaṃ, hoti samparāyikaṃ maraṇabhayaṃ. Katamehi catūhi? Idha, gahapati, assutavā puthujjano buddhe appasādena samannāgato hoti. Tañca panassa buddhe appasādaṃ attani samanupassato hoti uttāso, hoti chambhitattaṃ, hoti samparāyikaṃ maraṇabhayaṃ.
‘‘буна жабарам̣, г̇ахабад̇и, ассуд̇аваа бут̇уж̇ж̇ано д̇хаммз аббасаад̣̇зна саманнааг̇ад̇о ход̇и. д̇ан̃жа банасса д̇хаммз аббасаад̣̇ам̣ ад̇д̇ани саманубассад̇о ход̇и уд̇д̇аасо, ход̇и чамбхид̇ад̇д̇ам̣, ход̇и самбарааяигам̣ маран̣абхаяам̣.
‘‘Puna caparaṃ, gahapati, assutavā puthujjano dhamme appasādena samannāgato hoti. Tañca panassa dhamme appasādaṃ attani samanupassato hoti uttāso, hoti chambhitattaṃ, hoti samparāyikaṃ maraṇabhayaṃ.
‘‘буна жабарам̣, г̇ахабад̇и, ассуд̇аваа бут̇уж̇ж̇ано сан̇гхз аббасаад̣̇зна саманнааг̇ад̇о ход̇и. д̇ан̃жа банасса сан̇гхз аббасаад̣̇ам̣ ад̇д̇ани саманубассад̇о ход̇и уд̇д̇аасо, ход̇и чамбхид̇ад̇д̇ам̣, ход̇и самбарааяигам̣ маран̣абхаяам̣.
‘‘Puna caparaṃ, gahapati, assutavā puthujjano saṅghe appasādena samannāgato hoti. Tañca panassa saṅghe appasādaṃ attani samanupassato hoti uttāso, hoti chambhitattaṃ, hoti samparāyikaṃ maraṇabhayaṃ.
‘‘буна жабарам̣, г̇ахабад̇и, ассуд̇аваа бут̇уж̇ж̇ано д̣̇уссийлязна саманнааг̇ад̇о ход̇и. д̇ан̃жа банасса д̣̇уссийляам̣ ад̇д̇ани саманубассад̇о ход̇и уд̇д̇аасо, ход̇и чамбхид̇ад̇д̇ам̣, ход̇и самбарааяигам̣ маран̣абхаяам̣. имзхи ко, г̇ахабад̇и, жад̇уухи д̇хаммзхи саманнааг̇ад̇асса ассуд̇авад̇о бут̇уж̇ж̇анасса ход̇и уд̇д̇аасо, ход̇и чамбхид̇ад̇д̇ам̣, ход̇и самбарааяигам̣ маран̣абхаяам̣.
‘‘Puna caparaṃ, gahapati, assutavā puthujjano dussīlyena samannāgato hoti. Tañca panassa dussīlyaṃ attani samanupassato hoti uttāso, hoti chambhitattaṃ, hoti samparāyikaṃ maraṇabhayaṃ. Imehi kho, gahapati, catūhi dhammehi samannāgatassa assutavato puthujjanassa hoti uttāso, hoti chambhitattaṃ, hoti samparāyikaṃ maraṇabhayaṃ.
‘‘жад̇уухи ко, г̇ахабад̇и, д̇хаммзхи саманнааг̇ад̇асса суд̇авад̇о арияасаавагасса на ход̇и уд̇д̇аасо, на ход̇и чамбхид̇ад̇д̇ам̣, на ход̇и самбарааяигам̣ маран̣абхаяам̣. гад̇амзхи жад̇уухи? ид̇ха, г̇ахабад̇и, суд̇аваа арияасааваго б̣уд̣̇д̇хз авзжжаббасаад̣̇зна саманнааг̇ад̇о ход̇и – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. д̇ан̃жа банасса б̣уд̣̇д̇хз авзжжаббасаад̣̇ам̣ ад̇д̇ани саманубассад̇о на ход̇и уд̇д̇аасо, на ход̇и чамбхид̇ад̇д̇ам̣, на ход̇и самбарааяигам̣ маран̣абхаяам̣.
‘‘Catūhi kho, gahapati, dhammehi samannāgatassa sutavato ariyasāvakassa na hoti uttāso, na hoti chambhitattaṃ, na hoti samparāyikaṃ maraṇabhayaṃ. Katamehi catūhi? Idha, gahapati, sutavā ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Tañca panassa buddhe aveccappasādaṃ attani samanupassato na hoti uttāso, na hoti chambhitattaṃ, na hoti samparāyikaṃ maraṇabhayaṃ.
‘‘буна жабарам̣, г̇ахабад̇и, суд̇аваа арияасааваго д̇хаммз авзжжаббасаад̣̇зна саманнааг̇ад̇о ход̇и – сваагкаад̇о бхаг̇авад̇аа д̇хаммо…бз… бажжад̇д̇ам̣ взд̣̇ид̇аб̣б̣о вин̃н̃уухийд̇и. д̇ан̃жа банасса д̇хаммз авзжжаббасаад̣̇ам̣ ад̇д̇ани саманубассад̇о на ход̇и уд̇д̇аасо, на ход̇и чамбхид̇ад̇д̇ам̣, на ход̇и самбарааяигам̣ маран̣абхаяам̣.
‘‘Puna caparaṃ, gahapati, sutavā ariyasāvako dhamme aveccappasādena samannāgato hoti – svākkhāto bhagavatā dhammo…pe… paccattaṃ veditabbo viññūhīti. Tañca panassa dhamme aveccappasādaṃ attani samanupassato na hoti uttāso, na hoti chambhitattaṃ, na hoti samparāyikaṃ maraṇabhayaṃ.
‘‘буна жабарам̣, г̇ахабад̇и, суд̇аваа арияасааваго сан̇гхз авзжжаббасаад̣̇зна саманнааг̇ад̇о ход̇и – суббадибанно бхаг̇авад̇о саавагасан̇гхо…бз… ануд̇д̇арам̣ бун̃н̃агкзд̇д̇ам̣ логассаад̇и. д̇ан̃жа банасса сан̇гхз авзжжаббасаад̣̇ам̣ ад̇д̇ани саманубассад̇о на ход̇и уд̇д̇аасо, на ход̇и чамбхид̇ад̇д̇ам̣, на ход̇и самбарааяигам̣ маран̣абхаяам̣.
‘‘Puna caparaṃ, gahapati, sutavā ariyasāvako saṅghe aveccappasādena samannāgato hoti – suppaṭipanno bhagavato sāvakasaṅgho…pe… anuttaraṃ puññakkhettaṃ lokassāti. Tañca panassa saṅghe aveccappasādaṃ attani samanupassato na hoti uttāso, na hoti chambhitattaṃ, na hoti samparāyikaṃ maraṇabhayaṃ.
‘‘буна жабарам̣, г̇ахабад̇и, суд̇аваа арияасааваго арияаганд̇зхи сийлзхи саманнааг̇ад̇о ход̇и акан̣д̣зхи…бз… самаад̇хисам̣вад̇д̇анигзхи. д̇аани жа банасса арияаганд̇аани сийлаани ад̇д̇ани саманубассад̇о на ход̇и уд̇д̇аасо, на ход̇и чамбхид̇ад̇д̇ам̣, на ход̇и самбарааяигам̣ маран̣абхаяам̣. имзхи ко, г̇ахабад̇и, жад̇уухи д̇хаммзхи саманнааг̇ад̇асса суд̇авад̇о арияасаавагасса на ход̇и уд̇д̇аасо, на ход̇и чамбхид̇ад̇д̇ам̣, на ход̇и самбарааяигам̣ маран̣абхаяа’’нд̇и.
‘‘Puna caparaṃ, gahapati, sutavā ariyasāvako ariyakantehi sīlehi samannāgato hoti akhaṇḍehi…pe… samādhisaṃvattanikehi. Tāni ca panassa ariyakantāni sīlāni attani samanupassato na hoti uttāso, na hoti chambhitattaṃ, na hoti samparāyikaṃ maraṇabhayaṃ. Imehi kho, gahapati, catūhi dhammehi samannāgatassa sutavato ariyasāvakassa na hoti uttāso, na hoti chambhitattaṃ, na hoti samparāyikaṃ maraṇabhaya’’nti.
‘‘наахам̣, бханд̇з аананд̣̇а, бхааяаами. гяаахам̣ бхааяиссаами! ахан̃хи, бханд̇з, б̣уд̣̇д̇хз авзжжаббасаад̣̇зна саманнааг̇ад̇о хоми – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. д̇хаммз…бз… сан̇гхз авзжжаббасаад̣̇зна саманнааг̇ад̇о хоми – суббадибанно бхаг̇авад̇о саавагасан̇гхо…бз… ануд̇д̇арам̣ бун̃н̃агкзд̇д̇ам̣ логассаад̇и. яаани жимаани, бханд̇з, бхаг̇авад̇аа г̇ихисаамийжигаани сигкаабад̣̇аани д̣̇зсид̇аани, наахам̣ д̇зсам̣ гин̃жи ад̇д̇ани кан̣д̣ам̣ саманубассаамий’’д̇и . ‘‘лаабхаа д̇з, г̇ахабад̇и, сулад̣̇д̇хам̣ д̇з, г̇ахабад̇и! сод̇аабад̇д̇ипалам̣ д̇аяаа, г̇ахабад̇и, б̣яаагад̇а’’нд̇и. сад̇д̇амам̣.
‘‘Nāhaṃ, bhante ānanda, bhāyāmi. Kyāhaṃ bhāyissāmi! Ahañhi, bhante, buddhe aveccappasādena samannāgato homi – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe aveccappasādena samannāgato homi – suppaṭipanno bhagavato sāvakasaṅgho…pe… anuttaraṃ puññakkhettaṃ lokassāti. Yāni cimāni, bhante, bhagavatā gihisāmīcikāni sikkhāpadāni desitāni, nāhaṃ tesaṃ kiñci attani khaṇḍaṃ samanupassāmī’’ti . ‘‘Lābhā te, gahapati, suladdhaṃ te, gahapati! Sotāpattiphalaṃ tayā, gahapati, byākata’’nti. Sattamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. д̣̇уд̇ияаанаат̇абин̣д̣игасуд̇д̇аван̣н̣анаа • 7. Dutiyaanāthapiṇḍikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. д̣̇уд̇ияаанаат̇абин̣д̣игасуд̇д̇аван̣н̣анаа • 7. Dutiyaanāthapiṇḍikasuttavaṇṇanā
