| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. д̣̇уд̇ияаанижжасуд̇д̇ам̣
4. Dutiyaaniccasuttaṃ
46. саавад̇т̇инид̣̇аанам̣. ‘‘руубам̣, бхигкавз, анижжам̣. яад̣̇анижжам̣ д̇ам̣ д̣̇угкам̣; яам̣ д̣̇угкам̣ д̇ад̣̇анад̇д̇аа; яад̣̇анад̇д̇аа д̇ам̣ ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. взд̣̇анаа анижжаа… сан̃н̃аа анижжаа… сан̇каараа анижжаа… вин̃н̃аан̣ам̣ анижжам̣. яад̣̇анижжам̣ д̇ам̣ д̣̇угкам̣; яам̣ д̣̇угкам̣ д̇ад̣̇анад̇д̇аа; яад̣̇анад̇д̇аа д̇ам̣ ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣’’.
46. Sāvatthinidānaṃ. ‘‘Rūpaṃ, bhikkhave, aniccaṃ. Yadaniccaṃ taṃ dukkhaṃ; yaṃ dukkhaṃ tadanattā; yadanattā taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Vedanā aniccā… saññā aniccā… saṅkhārā aniccā… viññāṇaṃ aniccaṃ. Yadaniccaṃ taṃ dukkhaṃ; yaṃ dukkhaṃ tadanattā; yadanattā taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ’’.
‘‘звамзд̇ам̣ яат̇аабхууд̇ам̣ саммаббан̃н̃ааяа бассад̇о буб̣б̣анд̇аануд̣̇идтияо на хонд̇и. буб̣б̣анд̇аануд̣̇идтийнам̣ асад̇и, абаранд̇аануд̣̇идтияо на хонд̇и. абаранд̇аануд̣̇идтийнам̣ асад̇и, т̇аамасо 1 бараамаасо на ход̇и. т̇аамасз 2 бараамаасз асад̇и руубасмим̣… взд̣̇анааяа … сан̃н̃ааяа… сан̇каарзсу… вин̃н̃аан̣асмим̣ жид̇д̇ам̣ вираж̇ж̇ад̇и вимужжад̇и анубаад̣̇ааяа аасавзхи. вимуд̇д̇ад̇д̇аа тид̇ам̣. тид̇ад̇д̇аа санд̇усид̇ам̣. санд̇усид̇ад̇д̇аа на барид̇ассад̇и. абарид̇ассам̣ бажжад̇д̇ан̃н̃зва бариниб̣б̣ааяад̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇ий’’д̇и. жад̇уд̇т̇ам̣.
‘‘Evametaṃ yathābhūtaṃ sammappaññāya passato pubbantānudiṭṭhiyo na honti. Pubbantānudiṭṭhīnaṃ asati, aparantānudiṭṭhiyo na honti. Aparantānudiṭṭhīnaṃ asati, thāmaso 3 parāmāso na hoti. Thāmase 4 parāmāse asati rūpasmiṃ… vedanāya … saññāya… saṅkhāresu… viññāṇasmiṃ cittaṃ virajjati vimuccati anupādāya āsavehi. Vimuttattā ṭhitaṃ. Ṭhitattā santusitaṃ. Santusitattā na paritassati. Aparitassaṃ paccattaññeva parinibbāyati. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. д̣̇уд̇ияаанижжасуд̇д̇аван̣н̣анаа • 4. Dutiyaaniccasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. д̣̇уд̇ияаанижжасуд̇д̇аван̣н̣анаа • 4. Dutiyaaniccasuttavaṇṇanā
