Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౫. దుతియఅపరిజాననసుత్తం
5. Dutiyaaparijānanasuttaṃ
౨౭. ‘‘సబ్బం , భిక్ఖవే, అనభిజానం అపరిజానం అవిరాజయం అప్పజహం అభబ్బో దుక్ఖక్ఖయాయ. కిఞ్చ, భిక్ఖవే, సబ్బం అనభిజానం అపరిజానం అవిరాజయం అప్పజహం అభబ్బో దుక్ఖక్ఖయాయ? యఞ్చ, భిక్ఖవే , చక్ఖు, యే చ రూపా, యఞ్చ చక్ఖువిఞ్ఞాణం, యే చ చక్ఖువిఞ్ఞాణవిఞ్ఞాతబ్బా ధమ్మా…పే॰… యా చ జివ్హా, యే చ రసా, యఞ్చ జివ్హావిఞ్ఞాణం, యే చ జివ్హావిఞ్ఞాణవిఞ్ఞాతబ్బా ధమ్మా; యో చ కాయో, యే చ ఫోట్ఠబ్బా, యఞ్చ కాయవిఞ్ఞాణం, యే చ కాయవిఞ్ఞాణవిఞ్ఞాతబ్బా ధమ్మా; యో చ మనో, యే చ ధమ్మా, యఞ్చ మనోవిఞ్ఞాణం, యే చ మనోవిఞ్ఞాణవిఞ్ఞాతబ్బా ధమ్మా – ఇదం ఖో, భిక్ఖవే, సబ్బం అనభిజానం అపరిజానం అవిరాజయం అప్పజహం అభబ్బో దుక్ఖక్ఖయాయ.
27. ‘‘Sabbaṃ , bhikkhave, anabhijānaṃ aparijānaṃ avirājayaṃ appajahaṃ abhabbo dukkhakkhayāya. Kiñca, bhikkhave, sabbaṃ anabhijānaṃ aparijānaṃ avirājayaṃ appajahaṃ abhabbo dukkhakkhayāya? Yañca, bhikkhave , cakkhu, ye ca rūpā, yañca cakkhuviññāṇaṃ, ye ca cakkhuviññāṇaviññātabbā dhammā…pe… yā ca jivhā, ye ca rasā, yañca jivhāviññāṇaṃ, ye ca jivhāviññāṇaviññātabbā dhammā; yo ca kāyo, ye ca phoṭṭhabbā, yañca kāyaviññāṇaṃ, ye ca kāyaviññāṇaviññātabbā dhammā; yo ca mano, ye ca dhammā, yañca manoviññāṇaṃ, ye ca manoviññāṇaviññātabbā dhammā – idaṃ kho, bhikkhave, sabbaṃ anabhijānaṃ aparijānaṃ avirājayaṃ appajahaṃ abhabbo dukkhakkhayāya.
‘‘సబ్బం, భిక్ఖవే, అభిజానం పరిజానం విరాజయం పజహం భబ్బో దుక్ఖక్ఖయాయ. కిఞ్చ, భిక్ఖవే, సబ్బం అభిజానం పరిజానం విరాజయం పజహం భబ్బో దుక్ఖక్ఖయాయ? యఞ్చ, భిక్ఖవే, చక్ఖు, యే చ రూపా, యఞ్చ చక్ఖువిఞ్ఞాణం, యే చ చక్ఖువిఞ్ఞాణవిఞ్ఞాతబ్బా ధమ్మా…పే॰… యా చ జివ్హా, యే చ రసా, యఞ్చ జివ్హావిఞ్ఞాణం, యే చ జివ్హావిఞ్ఞాణవిఞ్ఞాతబ్బా ధమ్మా; యో చ కాయో, యే చ ఫోట్ఠబ్బా, యఞ్చ కాయవిఞ్ఞాణం, యే చ కాయవిఞ్ఞాణవిఞ్ఞాతబ్బా ధమ్మా; యో చ మనో, యే చ ధమ్మా, యఞ్చ మనోవిఞ్ఞాణం, యే చ మనోవిఞ్ఞాణవిఞ్ఞాతబ్బా ధమ్మా – ఇదం ఖో, భిక్ఖవే, సబ్బం అభిజానం పరిజానం విరాజయం పజహం భబ్బో దుక్ఖక్ఖయాయా’’తి. పఞ్చమం.
‘‘Sabbaṃ, bhikkhave, abhijānaṃ parijānaṃ virājayaṃ pajahaṃ bhabbo dukkhakkhayāya. Kiñca, bhikkhave, sabbaṃ abhijānaṃ parijānaṃ virājayaṃ pajahaṃ bhabbo dukkhakkhayāya? Yañca, bhikkhave, cakkhu, ye ca rūpā, yañca cakkhuviññāṇaṃ, ye ca cakkhuviññāṇaviññātabbā dhammā…pe… yā ca jivhā, ye ca rasā, yañca jivhāviññāṇaṃ, ye ca jivhāviññāṇaviññātabbā dhammā; yo ca kāyo, ye ca phoṭṭhabbā, yañca kāyaviññāṇaṃ, ye ca kāyaviññāṇaviññātabbā dhammā; yo ca mano, ye ca dhammā, yañca manoviññāṇaṃ, ye ca manoviññāṇaviññātabbā dhammā – idaṃ kho, bhikkhave, sabbaṃ abhijānaṃ parijānaṃ virājayaṃ pajahaṃ bhabbo dukkhakkhayāyā’’ti. Pañcamaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౫. దుతియఅపరిజాననసుత్తవణ్ణనా • 5. Dutiyaaparijānanasuttavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౫. దుతియఅపరిజాననసుత్తవణ్ణనా • 5. Dutiyaaparijānanasuttavaṇṇanā